ჩვენებური "ღატაკთა კვარტალი" მერიაში

G-NEWS TV

ჩვენებური "ღატაკთა კვარტალი" მერიაში

18 ივლ. 2011, 23:49:39

ვიდეორეპორტაჟი მერიიდან

ოზურგეთის მუნიციპალიტეტის სოფელ მერიაში, ურეკისკენ მიმავალი ცენტრალური მაგისტრალის გასწვრივ,  ყოფილი სამხედრო ნაწილის საცხოვრებელი კორპუსია, რომელიც ისეა ჩამოშლილი და მინგრეულ-მონგრეული,  ვიზუალურად უკეთ იკითხება აქ მცხოვრებ  ღატაკთა უბედურება, ვიდრე ძალიან კარგად აგებულ საგაზეთო წერილში. უსახური და ამაზრზენი ქოხმახი, სადაც ამჟამად 15 ოჯახი ცხოვრობს,  კიბეებჩავარდნილი და იატაკდამპალია.  "ბარაკებში", სახურავგადამძვრალ, უკანალიზაციო, ჭაობიან, ანტისანიტარიულ გარემოში  მცხოვრებთ, საერთო, უსახურავო საპირფარეშო აქვთ. უფანჯრო ოთახები, სადაც მოსახლეობას, მათივე თქმით,  მორიელებთან ერთად სძინავს,  ჯოჯოხეთის რეალურ სახეს წარმოადგენს.  ამ  საერთო "სახლში" მცხოვრები ადამიანები, ჩვენი მისვლის დროს, საერთო სადილის სამზადისით იყვნენ დაკავებული, რომელსაც სახელად "მწვანე ტყემალი" ერქვა.

მათი ნაამბობი მტკივნეული და შემაშფოთებელია, თითოეული მათგანი მშველელს და მხსნელს ჩვენში ხედავს, ამბის მკითხავი გვეღირსაო  და ერთმანეთს არ აცლიდნენ საუბარს _ ყველას სურდა საკუთარი  გაჭირვების შესახებ ელაპარაკა.

მანანა გოგუაძე: _ ნახეთ, რანაირად გავატარეთ მთელი ზამთარი: მაწვიმს, მათოვს, ერთხელ თქვენც მოგმართეთ დახმარებისთვის, მერე ბავშვთა სახლში მივიყვანე ჩემი პატარა, რადგან უხსენებელმა კინაღამ დამიჭამა. კაცი არ მყავს პატრონი. მშიერ-მწყურვალი ვარ, დამეხმარეთ, რა ვქნა... ექვსი დღე ისე გავატარე, პურის ფული მენატრებოდა.  ზამთარში უსაბნოდ ვგდივარ.

ზაურ ბაბუაძე, 76 წლის: _ როგორ ვცხოვრობ, ჩემო ბიძია და, ძალიან ცუდად. პრეზიდენტის გამოგზავნილი ვაუჩერები, რომლებიც მეკუთვნოდა,  არ მიმიღია, არც პროდუქტის და არც შუქის. ვარ პირველი ჯგუფის ინვალიდი, ნახეთ, როგორ და სად  ვცხოვრობ და მერე განსაჯეთ ყველაფერი... ამ ყოფაში სადმე ადამიანი გინახავთ?

_ თქვენს რწმუნებულს არ მიმართეთ?  ვაუჩერი რატომ არ მოგცეს?

_ აბა, არ მივმართე?! მაგრამ დამატებით სიაში ხარო, მითხრა და მატყუებენ. ეს საქმეა, ბაბუა?  სამჯერ ჩავედი ოზურგეთში ვაუჩერის საქმის გასარკვევად, ექვსი ლარი დავხარჯე გზაში და მერე თავი დავანებე. მარტოხელა ვარ. უბრალოდ, მითხარით, სამართალი სადაა, რატომ არ უნდა მიმეღო ვაუჩერი?  ვინ კითხულობს გაჭირვებული, ღატაკი და ბრმა კაცის  ამბავს, ვის რაში აინტერესებს, რა გვიჭირს ან რა გვილხინს? _ ამბობს ბაბუაძე.

ლია კრივენდა: _ ძალიან ცუდ მდგომარეობაში ვართ, ოთახში ვაკეთებთ ყველაფერს. წყალი ნახეთ, აქ სანიაღვრე არხი გადადიოდა ღელეში, მაგრამ  ჩაიკეტა იმის გამო, რომ ერთმა ბოსტანი გააკეთა.  ნახეთ, ახლა  სად ვასხამ ნარეცხ წყალს, სხვა გზა არ გვაქვს. ჩიყვით ვარ დაავადებული,  აქ ჭაობი მინდა? მაგრამ რა ვქნა?  ეს მთავრობაში ვთქვი, რაღაცა გააკეთეთ იმნაირი, რომ ხალხს პატარა საშუალება მიეცეს ცხოვრების ელემენტარული პირობებისთვის-თქო, მაგრამ ადამიანებად ჩვენ არავინ გვთვლის. ბინებში ნახეთ, როგორი ანტისანიტარიაა,  ჩვენ კი ვასუფთავებთ, მაგრამ არაფერი გამოდის, კედლები დანგრეულია,  სახურავი არ აქვს არც ერთ ბინას, როგორც გარეთ, ისე წვიმს შიგაც.  გამგეობაში გვითხრეს, ეს ბინები ჩამოწერილია,  სამხედრო ბინები იყო და არსად არ წერიაო. არჩევნები რომ მოდის, მაშინ მოდიან და გვპირდებიან, გაგიკეთებთო. რვა დედმამიშვილი ვართ და დედაჩემის პენსიით ვსულდგმულობთ, სოციალური დახმარებით. არ ვთხოვ მთავრობას, საჭმელი მაჭამე-მეთქი, ბინები გადაგვიხურონ, რა მოხდება?! აქ წვიმაში ვერ გაივლით, ისეთი ამბავია, ბოტები უნდა გეცვას, ვედრო რომ გადააქციო. ტუალეტის ვედრო სახლში გვიდგას, ეს არის საქმე? "სინკარის" გულისთვის დაანგრიეს ტუალეტი და სახურავი  გადახდილი აქვს, წვიმაში ვერ შეხვალ შიგ. ყველაფერი გაყიდულიაო, იძახიან.  ტუალეტი რომ გავაკეთოთ, ადგილი არ არის. 15 წელია, აქ ვცხოვრობთ, სამუშაო არსადაა. სადღაც-სადღაც კერძო სამუშაოზე დავდივართ მანდარინის სეზონზე, თხილის საკრეფად, ყანაში ვმუშაობთ, რაცხა ვაუჩერები დარიგდა, აქ მცხოვრებლებს ისიც არ აუღიათ, ნახეთ, ორი შვილის დედა, ბავშვებით არის წასული სხვის ყანაში და თოხნის.

ვალენტინა  ქუქჩიშვილი: _ 20 წელია, აქ ვცხოვრობ. წამოდით, ნახეთ, სად ვცხოვრობ, სად მძინავს. მაქვს სოციალური, 30-ლარიანი დახმარება, თუ შეიძლება ამით ირჩინოს ადამიანმა თავი?! ვაუჩერები არ აგვიღია, არ გეკუთვნისო, მითხრეს. 30 წელიწადი ვწვალობდი, მიწის ნაკვეთი წამართვეს... მოსამართლემ მითხრა, არ ხარ საქართველოს მოქალაქეო, არადა, აქანე დაბადებული და გაზრდილი ვარ, თუ ვინმე დამიძახებს, წავალ, მივეხმარები, დავუხვეტავ, დავუწმინდავ, რა ვქნა? მთელი ზამთარი ვეძებდი შეშის ფიჩხს, გაყინული, მშიერი, მარტო ვცხოვრობ. ვერსად ვერ ვნახე სიმართლე. ასე მგონია, ეს სახლი  ერთ ღამეს თავზე დაგვენგრევა და ყველა დავიხოცებით.

ციური ხურციძე: _ საიდან ვეზიდებით სასმელ წყალს, ხომ ხედავთ? ისიც მილებით არ არის გამოყვანილი  და  რა მოყვება, რომ იცოდეთ... მეორე სართულზე აგვაქვს სარეცხისთვის წყალი და ზემოდან ვაქცევთ ნარეცხ წყალს, ასე პირველყოფილი ადამიანები არ იცხოვრებდნენ. დაგვჭამეს ბუზებმა. ჩვენ არც სახლი გვაქვს და არც _ კარი.

ოზურგეთის მუნიციპალიტეტის სოფელ მერიის რწმუნებული ვაჟა ჩანჩიბაძე "გურია ნიუსთან" საუბარში აღნიშნავს, რომ ეს ყოფილი სამხედრო ბინები სოფლის საკუთრება არ არის: _ იმ ინფორმაციას, რომ ეს ყოფილი სამხედრო ბინები ავარიულ მდგომარეობაშია და იქ მცხოვრებ თითოეულ მოქალაქეს  ეკონომიკურად ძალიან უჭირს, დადასტურებაც არ სჭირდება. თუმცა, იქ მცხოვრებლები სოფელ მერიას არ ეკუთვნიან, აქ  თავს აფარებენ ნატანებიდან, ზოგიც საჩხერიდან და ა. შ.

საქმე ისაა, შენობა ხანდაზმულია, ჩვენი სოფლის საკუთრება არაა _ ეკონომიკის სამინისტროს ეკუთვნის, პრივატიზაციის სამსახურის  ბალანსზეა. რამდენჯერმე მივმართეთ სამინისტროს ოფიციალური წერილით, რომ გადმოეცა ბინები სოფლისთვის. სოფლის საკუთრება რომ ყოფილიყო, სოფლის განვითარების პროგრამის ფარგლებში რაღაცით შევარემონტებდით. ერთ წელს სახურავს გამოვუცვლიდით, მეორე წელს სხვა სამუშაოებს ჩავატარებდით და ასე. მე რაც შემეძლო, გავაკეთე, სოფლის მხარდაჭერის პროგრამით წყალი გამოვუყვანე,  თვითონაც უყურადღებონი არიან, მათაც უნდა მიაქციონ ბინებს ყურადღება, ყოველდღე რომ ფიცარს მოაკლებ, არ მოუვლი, ხელისუფლებას სისუფთავის უზრუნველყოფას ნუ მოვთხოვთ.

_ აქ მცხოვრებლებს ვაუჩერიც არ აუღიათ...

_კი, დაგეთანხმებით ამაში, 7 ოჯახია ისეთი, ვისაც არ აუღია ეგ ვაუჩერები. მათ არ ჰქონდათ აბონენტის ნომერი. მაგალითად, ზაურ ბაბუაძეს ახლა მიენიჭა აბონენტის ნომერი, შედგენილია ახალი სია და გადაცემული მაქვს სოციალური მომსახურების სააგენტოში; გვპირდებიან და ალბათ, ჩვენს მოთხოვნებს დააკმაყოფილებენ.




 ახალი ამბები
  • „ლიდერფუდის“ საქმეზე ექსპერტიზის ახალი დასკვნაც სარჩელის ჩაბარების ფაქტს კვლავ გამორიცხავს - არჩილ კაიკაციშვილი "დამოუკიდებელი სასამართლო ექსპერტიზის ახალი დასკვნა კიდევ ერთხელ გვიმყარებს რწმენას, რომ ორგანიზაციამ სწორი დასკვნები გააკეთა სარჩელის და მასზედ თანდართული მასალების ჩაბარების საკითხზე და შეუძლებელია, სასამართლომაც სათანადო დასკვნები არ გააკეთოს, ვინ ვის რა შინაარსის წერილი ჩააბარა 2019 წლის 22 მაისს" - აღნიშნული განცხადება  ორგანიზაცია „ახალგაზრდა ადვოკატების“ ხელმძღვანელმა, არჩილ კაიკაციშვილმა, კომპანია „ლიდერფუდის“ მოქმედი და ყოფილი მესაკუთრეების სამართლებრივ დავაზე ახალი მტკიცებულების შეფასებისას გააკეთა, რომლის მიხედვითაც დგინდება, რომ კომპანიისთვის 2019 წლის 22 მაისს კურიერს ორი კონვერტი აქვს მიტანილი და მათ შორის არც ერთი არ არის სასამართლოს ბრენდირებული კონვერტი. „ახალგაზრდა ადვოკატების“ განმარტებით, ორგანიზაცია ყურადღებით აკვირდება „ლიდერფუდის“ ირგვლივ მოქმედი და ყოფილი მესაკუთრეების სასამართლო დავაზე განვითარებულ მოვლენებს, ვინაიდან შეფასდეს საქმეზე გამოქვეყნებული ორგანიიზაციის კვლევის შინაარსთან მიმართებით სასამართლოს შემდგომი დასკვნების მართებულობა. საზოგადოებისთვის ცნობილია, რომ დაუსწრებელი გადაწყვეტილება, რომლითაც დაკმაყოფილდა კომპანიის ყოფილი მესაკუთრის სარჩელი (შეწყდა ნასყიდობის ხელშეკრულება და ირაკლი დუმბაძე აღირიცხა შპს „ლიდერი-ფუდის“ კაპიტალის 50% წილის მესაკუთრედ), ამჟამად გასაჩივრებულია საქართველოს უზენაესს სასამართლოში. ორგანიზაციამ გამოქვეყნებულ კვლევაში აღნიშნა, რომ საკასაციო სასამართლომ პასუხი უნდა გასცეს შეკითხვას - დაუსწრებელი გადაწყვეტილების ძალაში დატოვებით, არსებითად შეილახება თუ არა პროცესის მონაწილე ერთი მხარის თანასწორუფლებიანობა, სასამართლოს ეს გადაწყვეტილება, მას პირდაპირ უსპობს თუ არა სამართლიანი სასამართლოს უფლებით სარგებლობის შესაძლებლობას, თუ არც ერთ მხარეს, ამ დრომდე, არ მისცემია საკუთარი მტკიცების ტვირთვის განხორციელების შესაძლებლობა. ორგანიზაციამ სასამართლოსთან კომუნიკაციის შედეგად დაადგინა, რომ საკასაციო სასამართლომ საქმე არსებითი განხილვისთვის მიიღო, 2020 წლის სექტემბერში დაინიშნა სხდომა, კვლევა გადაცემული იქნა საქმის განმხილველი პალატისთვის, ასეთი შედეგი კი, ხაზს უსმევს კვლევაში გამოთქმული შეხედულებების მართებულებას, რადგანაც „ახალგაზრდა ადვოკატები“ საქმის განსახილველად დაშვების საფუძვლებსა და არსებითი განხილვის გადაუდებელ წინაპირობებზე საუბობდა. არჩილ კაიკაციშვილის განცხადებით, საჯაროდ გაკეთებული განცხადების თანახმად, ცნობილი გახდა, რომ „ლიდერფუდის“ საქმეში, სარჩელის ჩაბარების ეპიზოდთან დაკავშირებით, წარმოდგენილი იქნა ახალი მტკიცებულება. ორგანიზაციამ მოქმედ მენეჯმენტს მიმართა და გამოითხოვა დასახელებული დოკუმენტი. კერძოდ, დამოუკიდებელი სასამართლოს ექსპერტიზის ცენტრ „ვექტორის“ 2020 წლის 29 ივლისის დასკვნა. ექსპერტი პასუხსს სცემს შემდეგ შეკითხვებს: „შეესაბამება თუ არა წარმოდგენილ ვიდეოჩანაწერში კადრში აღბეჭდილი მამაკაცის ხელთ არსებული კონვერტის სისქის მიხედვით 49 ფურცელ მოთავსებულ კონვერტს?“, „წარმოდგენილ ვიდეოჩანაწერში კადრში აღბეჭდილი მამაკაცის ხელთ არსებულ კონვერტს გააჩნია თუ არა სასამართლოს კონვერტისათვის დამახასიათებელი გაფორმება, თუ ის არის გაფორმების გარეშე თეთრი ფერის გარეშე?“. დასკვნის თანახმად, წარმოდგენილ ვიდეოჩანაწერებში, მამაკაცს ხელში უჭირავს ქაღალდები, რომლებს შორის, ვიზუალური დაკვირვებით, გამოიყოფა კონვერტის მსგავსი აგებულების არა ერთი, არამედ ორი კონვერტი სათითაოდ მიმაგრებული ფურცლებით, რომელთაც აფრიალებს ქარი. ორივე A4 კონვერტების სისქის ან მასში არსებული ფურცლების რაოდენობის განსაზღვრის შესაბამისობა, თუნდაც 49 ფურცელ მოთავსებულ კონვერტთან შეუძლებელია, რადგანაც შეიმჩნევა სისქეების დიდი სხვაობა ხელის მოჭერის ადგილსა და განაპირა ნაპირებს შორის, რაც შეიძლება გამოწვეულ იყოს კონვერტის მაგვარ შეკვრებში სხვადასხვა სისქის ფურცლების ან ჰაერის არსებობით - მითუმეტეს ქარიანი ამინდის დროს, შესაძლებელია ჰაერის შეკვრებში შეღწევა. კადრების დათვალიერებისას და გადიდებისას იკვეთება ორი კონვერტის არსებობა. მათი გადიდებისას, არც ერთ კონვერტზე არ შეიმჩნევა გრაფიკული გაფორმება ან შეფერვა რაიმე ფერის საღებავით და არ მიესადაგება სასამართლო კონვერტის გაფორმებას. აღნიშნული კონვერტები არის გაფორმების გარეშე არსებული თეთრი ფერის კონვერტი. ორგანიზაცია, ექსპერტიზის ახალი დასკვნის მიხედვით, განმარტავს, რომ სარჩელისა და მასზედ თანდართული მასალების ჩაბარების ფაქტი, 2019 წლის 22 მაისს, მართლაც საკამათოა, რაც გამოქვეყნებულ კვლევაში შესაბამისი არგუმენტებით დასაბუთდა კიდეც. 22 მაისს, კომპანიამ ნამდვილად ჩაიბარა მოდავე მხარის კორესპონდენცია, თუმცა არ არსებობს ზუსტი დასკვნა იმის შესახებ, ჩაიბარა თუ არა სარჩელი და მასზედ თანდართული მასალები. სარჩელის ჩაბარების ეპიზოდისთვის პროცესის მონაწილე მხარეების მიერ წარმოდგენილია უკვე სამი შინაარსის მქონე დოკუმენტი/დასკვნა: სსიპ ლევან სამხარაულის სახელობის სასამართლოს ექსპერტიზის ეროვნული ბიუროს 2019 წლის 17 ივლისის დასკვნა, რომელიც ეკუთვნის ირაკლი დუმბაძეს და დამოუკიდებელი სასამართლო ექსპერტიზის ცენტრ „ალტერნატივას“ 2019 წლის 25 ივლისის დასკვნა, დამოუკიდებელი სასამართლოს ექსპერტიზის ცენტრ „ვექტორის“ 2020 წლის 29 ივლისის დასკვნა, რომელიც ეკუთვნის დავით ზეიკიძეს. ა) სსიპ ლევან სამხარაულის სახელობის სასამართლოს ექსპერტიზის ეროვნული ბიუროს 2019 წლის 17 ივლისის დასკვნის მიხედვით, გამოსაკვლევად წარდგენილი იყო ვიდეომასალა, კერძოდ შპს ,,ლიდერი-ფუდის“-ს ოფისის სამეთვალყურეო კამერის ვიდეოჩანაწერები (2019 წლის 22 მაისს კურიერის ვიზიტი ოფისში), კადრში აღბეჭდილი მამაკაცის ხელთ არსებული კონვერტი სისქის მიხედვით არ შეესაბამება 2 ფურცელმოთავსებულ კონვერტს, და მისი ვიზუალური პარამეტრებით შეესაბამება კონვერტში 49 ფურცელმოთავსებულ კონვერტს. მამაკაცის ხელთ არსებულ კონვერტზე დაკვირვების შედეგად გაირკვა, რომ იგი არის გაფორმების გარეშე არსებული თეთრი ფერის კონვერტი და მას ზედა ნაწილში, მარჯვენა და მარცხენა მხარეს, აღენიშნება მუქი შეფერილობის გაფორმება. ბ) აღნიშნული დასკვნის საპირისპიროდ, დავით ზეიკიძის მიერ წარმოდგენილი იქნა დამოუკიდებელი სასამართლო ექსპერტიზის ცენტრ-ალტერნატივას 2019 წლის 25 ივლისის დასკვნა, რომლის მიხედვით, ვიდეოჩანაწერიდან გამომდინარე შეუძლებელია იმის დადგენა თუ რამდენი ფურცელი დევს კონვერტში, რომელიც ვიდეოჩანაწერებში ასახულ მამაკაცს უჭირავს ხელში. ექსპერტიზაზე წარდგენილ ფოტოსურათს და ვიდეოფაილებში ასახულ კონვერტს აქვს სხვადასხვა ფერის შეფერილობა. კერძოდ ექსპერტიზაზე წარმოდგენილ თბილისის საქალაქო სასამართლოს კონვერტის ფოტოსურათის ნაწილს აქვს ლურჯი ფერის შეფერილობა, ხოლო ვიდეოფაილებში ასახული მამაკაცის ხელში არსებული კონვერტი, როგორც პირითი მხრიდან, ისევე ზურგითი მხრიდან არის თეთრი ფერის. გ) დამოუკიდებელი სასამართლოს ექსპერტიზის ცენტრ „ვექტორის“ 2020 წლის 29 ივლისის დასკვნის მიხედვითაც, სისქის ან მასში არსებული ფურცლების რაოდენობის განსაზღვრის შესაბამისობა, თუნდაც 49 ფურცელ მოთავსებულ კონვერტთან შეუძლებელია. კადრების დათვალიერებისას და გადიდებისას იკვეთება ორი კონვერტის არსებობა. მათი გადიდებისას, არც ერთ კონვერტზე არ შეიმჩნევა გრაფიკული გაფორმება ან შეფერვა რაიმე ფერის საღებავით და არ მიესადაგება სასამართლო კონვერტის გაფორმებას. აღნიშნული კონვერტები არის გაფორმების გარეშე არსებული თეთრი ფერის კონვერტი. ორგანიზაცია აღნიშნავს, რომ თავადაც გაეცნო 2019 წლის 22 მაისის კურიერის მიერ განხორციელებულ ვიზიტს საწარმო დაწესებულებაში, თუმცა ობიექტურად, გონივრული განსჯის საფუძველზე, ცასლახად რთულია იმის თქმა, რომ კადრში სასამართლოს ბრენდირებული კონვერტი ჩანდეს. დამოუკიდებელი სასამართლოს ექსპერტიზის ცენტრ „ვექტორის“ 2020 წლის 29 ივლისის დასკვნაც, რომელიც ახალია, იმავე შეხედულებებს იზიარებს, რაც სასამართლოსთვის ანალიზის, შედარებისა და შეფასების საუკეთესო საშუალებას იძლევა. ფაქტია, კურიერმა არაერთი წერილი გადასცა მოსარჩელისგან მოპასუხეს და არ არსებობს კონკრეტული მტკიცებულება, ჩაბარებული გზავნილი ნამდვილად შეეხებოდა თუ არა სარჩელს. აღნიშნული საკამათოა თავად ორი ინსტანციის სასამართლოს მიერ წარმოდგენილი დასკვნების ფარგლებშიც. შესაბამისად, ორგანიზაცის ხელმძღვანელი ფიქრობს, რომ ახალი დასკვნა საქმეზე ჭეშმარიტების დადგენის მიზნით, მნიშვნელოვან როლს შეასრულებს. ცნობისთვის: „ახალგაზრდა ადვოკატებმა“ „ლიდერფუდის“ საქმეზე კვლევა: „ბიზნესი და სასამართლო - „ლიდერფუდის“ საქმის სამართლებრივი ანალიზი“, 2020 წლის 6 ივლისს გამოაქვეყნეს. ორგანიზაციამ ყურადღება დაუთმო ბიზნეს დავის ირგვლივ სასამართლოს დასაბუთებული გადაწყვეტილების შესწავლის ინტერესს და აღნიშნა, რომ სასამართლოს მხრიდან ბიზნეს-დავების განხილვა ნდობის მაღალ ხარისხს უნდა ეფუძნებოდეს. ორგანიზაციამ, ამ მიზნით, საქმის მასალებზე ხელმისწავდომობა პროცესის მონაწილე მხარეებს სთხოვა. პროცესის მონაწილე მხარეებმა სრულად მიაწოდეს ორგანიზაციას საქმის მასალები, რაც იქნა შესწავლილი, კვლევა კი მიეწოდა სასამართლო სისტემას, საერთაშორისო ორგანიზაციებს, ბიზნეს-ინსტიტუციებს. ორგანიზაცია საქმეზე აგრძელებს დაკვირვების ... ...
  • "სწავლის დაწყებისა და არჩევნების თარიღების შეცვლისთვის დღეს საფუძველი არ არსებობს"საქართველოს პრემიერ-მინისტრის, გიორგი გახარიას განცხადებით, სწავლის დაწყების გადადებისთვის წინაპირობა არ არსებობს. მისივე თქმით, ასევე არ არსებობს იმის საფუძველი, რომ არჩევნების თარიღი შეიცვალოს. „დღეის მდგომარეობით, არანირი პირობა, რომ სწავლა გადაიდოს და 15 სექტემბრიდან ბავშვებმა საკლასო ოთახებში არ დაიწყონ განათლების მიღება, არ არსებობს. დღეს ასეთი მოცემულობა არ არსებობს. ასევე, არ არსებობს არანირი საფუძველი არჩევნების ჩატარების თარიღის ცვლილებაზე სასაუბროდ“, – განაცხადა ... ...
  • შაქარაშვილის საქმე _ რის შესახებ გააფრთხილეს ბრალდებულების ადვოკატები გიორგი შაქარაშვილის საქმეზე ბრალდებულების ადვოკატები საქმის მასალებისა და მონაცემების გამჟღავნების დაუშვებლობაზე გააფრთხილეს. ამის შესახებ გენერალური პროკურატურის მიერ გავრცელებულ ინფორმაციაშია ნათქვამი. „საზოგადოებისთვის ცნობილია, რომ საქართველოს შინაგან საქმეთა სამინისტროში ინტენსიურ რეჟიმში მიმდინარეობს გამოძიება გიორგი შაქარაშვილის დამამძიმებელ გარემოებებში ჩადენილი განზრახ მკვლელობის სისხლის სამართლის საქმეზე. მოპოვებული მტკიცებულებების საფუძველზე, 2020 წლის 11 აგვისტოს, ჯგუფურად ჩადენილი განზრახ მკვლელობისათვის საქართველოს სსკ-ის 109-ე მუხლის მეორე ნაწილის ,,ე" ქვეპუნქტით, ბრალდება წარედგინა 5 პირს, რის თაობაზეც ინფორმაცია  საზოგადოებას მიეწოდა. გამოძიების  საწყის  ეტაპზე, სატელევიზიო სივრცეში, ბეჭდურ მედიასა თუ სოციალურ ქსელებში დაფიქსირდა სისხლის სამართლის საქმის მასალების გამოქვეყნების ფაქტები, ხშირი იყო გასაჯაროებული მასალების არარელევანტური ინტერპრეტაციები, რაც დანაშაულის სიმძიმისა და ხასიათის გათვალისწინებით, უარყოფით გავლენას ახდენდა შემდგომში ჩასატარებელი საგამოძიებო/საპროცესო მოქმედებების შედეგებზე, ვინაიდან დასაკითხმა პირებმა დაკითხვამდე წინასწარ იცოდნენ გამოძიების ვერსიები, სტრატეგია და მოსალოდნელი მოქმედებები. აქვე უნდა აღინიშნოს, რომ საქმის მასალების საჯარო განხილვები და არასწორი, ხშირ შემთხვევაში ყოველგვარ საფუძველს მოკლებული, შეფასებები და დასკვნები, იწვევს დაზარალებულთა ხელახალ ვიქტიმიზაციას, აგრეთვე აზიანებს გამოძიებაში მონაწილე ფიგურანტი არასრულწლოვანი პირების საუკეთესო ინტერესების დაცვას. საქმე ეხება უმძიმეს დანაშაულს - მკვლელობას და    მიუხედავად მაღალი საზოგადოებრივი ინტერესისა, უმნიშვნელოვანესია გამოძიება წარიმართოს საპროცესო კანონმდებლობის სრული დაცვით, მართლმსაჯულება აღსრულდეს დანაშაულის ჩამდენ პირთა მიმართ. საქართველოს სისხლის სამართლის საპროცესო კანონმდებლობის მოთხოვნათა დაცვით, ბრალდების მხარემ დაცვის უფლების განხორციელების მიზნით სრულად გადასცა დაცვის მხარეს სისხლის სამართლის საქმეში არსებული მასალები, თუმცა ზემოთ აღნიშნული გარემოებების გათვალისწინებით, მიზანშეწონილად მიიჩნია სისხლის სამართლის საპროცესო კოდექსის 104-ე მუხლით მინიჭებული უფლებამოსილების ფარგლებში, ბრალდებულთა ინტერესების დამცველი ადვოკატები გაეფრთხილებინა საქმის მასალებისა და მონაცემების გამჟღავნების დაუშვებლობაზე. საქართველოს პროკურატურა მომავალშიც უზრუნველყოფს საზოგადოების  ინფორმირებას გამოძიების შედეგების შესახებ“,_ ამბობენ ... ...
  • ჩარკვიანი: გიორგი ვაშაძეს ორი წლის განმავლობაში გამადიდებელი შუშით ვაკვირდებოდიგიორგი ვაშაძეს ორი წლის განმავლობაში გამადიდებელი შუშით ვაკვირდებოდი. მას დღევანდელ საქართველოში ალტერნატივა არ ჰყავს, – ამის შესახებ თაკო ჩარკვიანმა ქუთაისში, „სტრატეგია აღმაშენებელის“ ღონისძიებაზე განაცხადა. მისი განმარტებით, „სტარტეგია აღმაშენებელში“ გაწევრიანდა, რადგან გიორგი ვაშაძესთან ღირებულებითი თანხვედრა აქვს. „მეკითხებიან, რატომ გაერთიანდით და რატომ მაინცდამაინც გიორგი ვაშაძე. ალბათ, თავად ვაშაძემ არ იცოდა, რომ ორი წლის განმავლობაში გამადიდებელი შუშით უყურებდა ერთი ადამიანი და ეს მე ვიყავი. ამოვარჩიე ის ადამიანი, რომელსაც უკვე გაკეთებული აქვს და არ მეშინია იმის, რომ მე ახლა უნდა ველოდო, როდის რას მოიფიქრებს და გააკეთებს. მე ვნახე მისი ნამუშევარი – იუსტიციის სახლი. ვნახე მისი მუშაობა, როდესაც გაერთიანებული ოპოზიციის შტაბის უფროსი იყო. მიხაროდა, რომ იქ იყო ადამიანი, რომელსაც ინდივიდუალური ხმა ჰქონდა. პოლიტიკაში ეს ძალიან მნიშვნელოვანია”,_ განაცხადა თაკო ჩარკვიანმა. ... ...
  • შსს მესტიაში დაწესებულ საკარანტინო შეზღუდვებზე კონტროლს უწყვეტ რეჟიმში განაგრძობსპოლიცია სვანეთის რეგიონში, მესტიის მუნიციპალიტეტში, საკარანტინო ზონაში დაწესებული შეზღუდვების კონტროლს განსაკუთრებულ რეჟიმში აგრძელებს. როგორც შინაგანს საქმეთა სამინისტროს მიერ გავრცელებულ ინფორმაციაშია ნათქვამი, მუნიციპალიტეტში მშვიდი ვითარებაა, მოქალაქეები მაღალი საზოგადოებრივი პასუხისმგებლობით ემორჩილებიან პოლიციის მითითებებს და დაწესებულ რეგულაციებს. „შინაგან საქმეთა სამინისტროს დანაყოფების ორგანიზებით, მესტიის მუნიციპალიტეტის სოფლებში - ბარჯასა და ლენჯერში სპეციალური საველე ინფრასტრუქტურა მოეწყო. აღნიშნულ სოფლებში, ზუგდიდი-მესტიის დამაკავშირებელ გზაზე, ორი კარავი დამონტაჟდა, სადაც პოლიცია, დაავადებათა კონტროლის ეროვნულ ცენტრის თანამშრომლებთან ერთად, მოქალაქეთა სპეციალურ აღრიცხვას აწარმოებს. საკონტროლო გამშვებ პუნქტებში მიმდინარეობს მესტიის მუნიციპალიტეტში შესული და გამოსული ადამიანების თერმოსკრინინგი. აღსანიშნავია, რომ მუნიციპალიტეტში შესვლა შესაძლებელია მხოლოდ ადგილობრივი მოსახლეობისთვის, გამოსვლის შემთხვევაში კი - მოქალაქეები ვალდებული არიან გაიარონ კარანტინი. შინაგან საქმეთა სამინისტროს თანამშრომლები განაგრძობენ საკარანტინო შეზღუდვების შესახებ ადგილობრივი მოსახლეობის, ასევე, აღნიშნულ ზონაში მყოფ ვიზიტორების ინფორმირებას. პოლიცია მოქალაქეებს რეგულარულად, დეტალურად უხსნის საკარანტინო ზონაში მოქმედ წესებს და საჭიროების შემთხვევაში, მათ მაქსიმალურად ეხმარება. შინაგან საქმეთა სამინისტროს დანაყოფებისა და სვანეთში შექმნილი რეგიონული შტაბის ორგანიზებით, მესტიის მუნიციპალიტეტიდან მოქალაქეების გამოყვანა მოხდა მათივე კუთვნილი სატრანსპორტო საშუალებებით. პოლიციამ უსაფრთხოების ნორმების მაქსიმალური დაცვით უზრუნველყო მოქალაქეთა ესკორტირება სხვადასხვა რეგიონში მდებარე საკარანტინო სივრცეების მიმართულებით. შესაბამისი პროტოკოლის დაცვით გაეწიათ დახმარება იმ პირებსაც, ვინც სვანეთში საკუთარი ტრანსპორტით არ იმყოფებოდნენ. შინაგან საქმეთა სამინისტროს თანამშრომლები საზოგადოებრივი წესრიგისა და უსაფრთხოების დასაცავად ინტენსიურ რეჟიმში აგრძელებენ პატრულირებას. პოლიცია ძირითად გზებზე განთავსებული საკონტროლო-გამშვები საგუშაგოების მეშვეობით განაგრძობს მოქალაქეთა გადაადგილების კონტროლს. შეგახსენებთ, რომ საქართველოს მთავრობის უწყებათაშორისი საკოორდინაციო საბჭოს მიერ 10 აგვისტოს მიღებული გადაწყვეტილების საფუძველზე, მაღალი ეპიდემიოლოგიური რისკის გამო შეიზღუდა შესვლა-გამოსვლა მესტიის მუნიციპალიტეტში: დაბა მესტიის, ბეჩოს, ეცერის, იდლიანის, იფარის, კალას, ლატალის, ლახამულის, ლენჯერის, მულახის, ნაკრას, უშგულის, ფარის, ცხუმარის, წვირმის, ჭუბერის და ხაიშის ადმინისტრაციულ ერთეულებში. კერძოდ, უწყებათაშორისი საკოორდინაციო საბჭოს გადაწყვეტილებით, გადაადგილება შეიზღუდა როგორც მესტიის მუნიციპალიტეტის მიმართულებით, ასევე, მესტიის მუნიციპალიტეტიდან. მუნიციპალიტეტში შესვლა შესაძლებელია მხოლოდ ადგილობრივი მოსახლეობისთვის, გამოსვლის შემთხვევაში კი - მოქალაქეები ვალდებული არიან, გაიარონ კარანტინი. აღნიშნულის გარდა, დამატებითი რეგულაციები - საკარანტინო შეზღუდვები მოქმედებს დაბა მესტიაში, მესტიის მუნიციპალიტეტის სოფლებში - უშგულსა და ლენჯერში, რაც გულისხმობს აღნიშნულ დასახლებებსა და მესტიის მუნიციპალიტეტის სხვა სოფლებს შორის გადაადგილების შეზღუდვას. კორონავირუსის გავრცელების პრევენციის მიზნით, მნიშვნელოვანია, რომ საქართველოს ტერიტორიაზე მყოფმა ყველა პირმა დაიცვას საზოგადოებრივი ჯანმრთელობის სფეროში მოქმედი საქართველოს კანონმდებლობის მოთხოვნები“,_ აცხადებენ ... ...

არქივი

ტესტები

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...