არასაახალწლო საკითხავი

გიორგი გირკელიძის ბლოგი

არასაახალწლო საკითხავი

2020 იან 9 22:00:12

ამ დღეებში ჩემი კოლეგის და ძალიან საინტერესო ავტორის, ეკა ქევანიშვილის წიგნი _ “არაფერი დედაჩემის შესახებ“ გამოვიდა...

იმ დღეს, როცა წიგნი ვიყიდე, სასამართლოში ერთ–ერთი პროცესის გასაშუქებლად მოვხვდი და სანამ სხდომა დაიწყებოდა, ბარემ წიგნის კითხვა დავიწყე.

როგორც წესი, მკითხველებს განსაკუთრებით ის მოთხრობა დაგვაინტერესებს ხოლმე, რომლის სახელის დარქმევაც ავტორმა მთელი წიგნისთვის გადაწყვიტა. ამიტომ კითხვა ამ მოთხრობით _ ''არაფერი დედაჩემის შესახებ'' დავიწყე.

მოთხრობა დედა-შვილის წერილებისგან შედგება. ამბავი ერთი შეხედვით ნაცნობია: ტრადიციულად მზრუნველი და შვილზე მოფიქრალი დედის სახე და ახალგაზრდული პროტესტით, ბრაზით სავსე შვილი. მოთხრობაც სწორედ ასე ვითარდება _ დედა შვილზე დარდობს, ათას წვრილმან შეკითხვას უსვამს მას, თან საკუთარ პრობლემებზე, დარდზე, იღბალსა თუ უიღბლობაზე უყვება.

შვილი კი ზუსტად ისეთია, როგორიც თითოეული ჩვენგანი ვიყავით ახალგაზრდობაში _ მშობლების წარუმატებლობის გამო ბრაზით სავსენი, მთების გადადგმის მსურველები, როცა გინდა, მთელი შენი ცხოვრება ერთი ხელის მოსმით შეცვალო.

ამ ვითარებაში დედის წერილები უმწეობით და იმ ოჯახური სიყვარულით გავსებს, რომელსაც გაურბიხარ.

ეს გოგო სწორედ ის გოგოა, რომელთა მსგავსებსაც სურთ ერთბაშად შეძლონ ყველაფერი და სამყარო უკეთესობისკენ შეცვალონ. თუნდაც იმიტომ, რომ დედას აღარ ჰქონდეს იმის დარდი, რით იკვებება და როგორ ცხოვრობს მისი შვილი დედაქალაქში, აღარ ეძებდეს გზებს, როგორ იშოვოს ფული, რომ შორს მყოფ ქალიშვილს გაუგზავნოს.

დედაც, სავარაუდოდ, ის ქალია, რომელსაც წარსულში ზუსტად ასეთი ოცნებები და მიზნები ჰქონდა და ახლა ცდილობს, შვილმა იცხოვროს უკეთ, უფრო წარმატებულად, უფრო რაციონალურად.

სასამართლო პროცესზე, რომლის დაწყების წინაც ამ მოთხრობას ვკითხულობდი, ბრალდებული 20 წლის ბიჭი იყო, მას ბრალი საკმაოდ მძიმე დანაშაულში _ 80 წლის მეზობლის ქალის მკვლელობასა და გაქურდვაში ედება.

სანამ მოთხრობას ვკითხულობდი, სასამართლოს ფოიეში შუახნის ქალი მოზარდ გოგოსთან ერთად შემოვიდა. როგორც მერე გავიგე, ბრალდებული ბიჭის დედა და უმცროსი და ყოფილან.

დარბაზში მხოლოდ დედა შეუშვეს, და კი არასრულწლოვნების გამო ფოიეში დატოვეს. ქალი მთელი პროცესის მანძილზე ჩუმად იყო, ასე ჩუმადვე მოისმინა პროკურორის უმძიმესი საბრალდებო სიტყვა მისი შვილის წინააღმდეგ. თუმცა, ცხადია, სახეზე საშინელი განცდები ეტყობოდა.

მე სასამართლო დარბაზში ვიჯექი, პროცესს ჩვეულებისამებრ თვალყურს ვადევნებდი, თუმცა, რატომღაც ფიქრების დიდი ნაწილი დარბაზის გარეთ, ფოიეში დარჩენილი მოზარდისკენ მქონდა, რომელსაც, ალბათ, ძალიან უნდოდა, ძმა ენახა. ვფიქრობდი გოგოზე, რომელსაც წინ საკმაოდ მძიმე ცხოვრება ელოდება, რადგან დიდი შანსია, რომ საზოგადოება ტრადიციულად ძმის მძიმე დანაშაულის სარკეს მის დასაც მიუშვერს და შიგ ჩახედვას მოსთხოვს; მთელი ცხოვრების მანძილზე ამ კლიშესთან ბრძოლა მოუწევს, რომელსაც ჰქვია იყო მეზობელი ქალის მკვლელის და, ოჯახის წევრი და მთელი ცხოვრება ამტკიცო, რომ ძმისგან განსხვავებით, შენ წესიერი და ჰუმანური მოქალაქე ხარ.

სასამართლოში რომ ვკითხულობდი, იმ მოთხრობის გმირ გოგოს სულ სხვანაირი დარდი ჰქონდა, სასამართლოს ფოიეში დარჩენილ გოგოს – სხვანაირი. მათი სამყარო სრულიად განსხვავებულია. რას ვიზამთ, ცხოვრებაში ბევრნაირი გოგოები არსებობენ, ბევრნაირი ცხოვრებით და ტკივილებით. ყოველ მათგანს აქვს უფლება ებრძოლოს ამ დარდებს და ისინი გამარჯვებებად გარდაქმნას. ვფიქრობ, მიუხედავად მთელი რიგი სიმძიმეებისა, ეს მაინც შესაძლებელია.

დასასრულს, მოთხრობის ავტორს წერის დიდ ძალას ვუსურვებ _ ასეთმა მწერლებმა ბევრი უნდა წერონ, რადგან ვინ იცის, სად წავლენ მათი მოთხრობები, ვის მისცემენ ძალას, ვის _ იმედს, ვის _ სტიმულს. მით უმეტეს, რომ ჩვენ ირგვლივ ბევრი გოგო არსებობს, რომელთაც ცხოვრება იქ არ უშვებს, სადაც მათ სურს, ასეთ გოგოებს ცხოვრება ფოიეში ტოვებს. ეკა ქევანიშვილის მოთხრობები კი სწორედ მათთვისაა _ ფოიეში დარჩენილებისთვის.




 ახალი ამბები
  • ხუნდაძე: რამდენიმე დღეა მონიტორინგს ვუწევთ რეგიონებს„უკვე რამდენიმე დღეა მონიტორინგს ვუწევთ  რეგიონებს, ძირითადად, ჰოსპიტალური სექტორის მიმართულებით. ეს გამომდინარეობს იქედან, რომ  ჩვენ ახლა  იმ ფაზაში შევდივართ, სადაც პირველი მიღების ზოლი, სწორედ, ჰოსპიტალური სექტორი იქნება", - განაცხადა პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარემ, დიმიტრი ხუნდაძემ ტელეკომპანია „იმედის" ეთერში"  ქვეყნის რეგიონებში  კორონავირუსთან ბრძოლის პროცესში  განხორციელებულ ღონისძიებებზე საუბრისას. მისივე თქმით, მონიტორინგი, უკვე განხორციელდა: ქუთაისში, ფოთში, კახეთში, მცხეთა-მთიანეთში, შიდა ქართლში, რუსთავში, ბოლნისში და აჭარაში. როგორც ხუნდაძემ აღნიშნა, მონიტორინგი ამჟამად გახორციელდება სამეგრელოში, შემდეგ კი სხვა რეგიონებში. „რა თქმა უნდა, იქნება რაჭა-ლეჩხუმი, ქვემო სვანეთი და ასე ყველა რეგიონს შევამოწმებთ და ვნახავთ. ჩვენ არა მხოლოდ რევიზიას ვაკეთებთ, არამედ ადგილზე ვაკეთებთ ხარვეზების იდენტიფიცირებას, ვაძლევთ რეკომენდაციებს და რჩევებს.  ჩვენ ახალი მექანიზმი შევიმუშავეთ დღეს. კერძოდ,   ყველა რეგიონს ეყოლება ლიდერი ამ მიმართულებით, რომელიც მთელი ამ პროცესის განმავლობაში, ზედამხედველობის კუთხით, მონიტორინგს გაუწევს ჰოსპიტალური სექტორის მზაობას.  ამ ვერტიკალში ე.წ ლიდერები, ძირითადად, დეპუტატები იქნებიან. ისინი შევლენ  პარლამენტის ჯანდაცვის კომიტეტის მართვის რგოლში და შემდეგ, რა თქმა უნდა, საკოორდინაციო საბჭოს ფორმატში, პირდაპირი კომუნიკაცია გვექნება პრემიერმინისტრთან", - განაცხადა დიმიტრი ხუნდაძემ. როგორც პარლამენტის  ჯანმრთელობის დაცვისა და სოციალურ საკითხთა კომიტეტის თავმჯდომარემ აღნიშნა, ჰოსპიტალური სექტორი მზად უნდა იყოს ყველაზე რთული  სცენარისათვის, რომ ამას ნამდვილი მზაობა ერქვას. „ჩვენ ვამოწმებთ პერსონალის მზაობას. მათ უტარდებათ კონსულტაციები. ისინი გადიან გადამზადებას, ტრენინგებს, რომ ამ სიტუაციაში იცოდნენ როდის, სად და როგორ უნდა მოიქცნენ. ვამოწმებთ ინდივიდუალური  დაცვის საშუალებებს, რომ მათ ჰქონდეთ მარაგები, ასევე, რომ არ იყო ინფექციის კვეთები კლინიკებში და სწორად იყოს გამოყოფილი სივრცეები. ჩვენ ძალიან დიდი მნიშვნელობას ვანიჭებთ სასუნთქი აპარატების მზაობას", - განაცხადა დიმიტრი ხუნდაძემ.​ ... ...
  • ცხოველის მიმართ სასტიკი მოპყრობის ფაქტზე დაკავებულ პირს ბრალი წარედგინა ახალციხის რაიონულმა პროკურატურამ ქ.ბორჯომში ცხოველის მიმართ განხორციელებული სასტიკი მოპყრობის ფაქტზე დაკავებულ ა.ს.-ს ბრალი წარუდგინა. გამოძიებით დადგინდა, რომ 2020 წლის 6 აპრილს, დაახლოებით 20:30 საათზე, მთვრალ მდგომარეობაში მყოფმა ა.ს.-მ ქ.ბორჯომში მდებარე ერთ-ერთი საცხოვრებელი კორპუსის მე-12 სართულიდან ქ.თ.-ს ძაღლი გადააგდო, რის შედეგად ცხოველმა ჯანმრთელობის სხვადასხვა სახის დაზიანება მიიღო. სამართალდამცველებმა ა.ს. 2020 წლის 8 აპრილს დააკავეს. მას  ბრალდება საქართველოს სისხლის სამართლის კოდექსის 259-ე მუხლის პირველი ნაწილით (ცხოველისადმი სასტიკი მოპყრობა, რამაც მისი დასახიჩრება გამოიწვია) წარედგინა. 2020 წლის 10 აპრილს პროკურატურამ შუამდგომლობით მიმართა სასამართლოს და ბრალდებულ ა.ს.-სთვის აღკვეთის ღონისძიების სახით 5000-ლარიანი საპატიმრო გირაოს შეფარდება მოითხოვა. სასამართლომ ნაწილობრივ დააკმაყოფილა ბრალდების მხარის შუამდგომლობა და ბრალდებულ ა.ს.-ს აღკვეთის ღონისძიების სახით შეეფარდა - ხელწერილი გაუსვლელობისა და სათანადო ქცევის შესახებ, რასაც პროკურატურა გაასაჩივრებს კანონით დადგენილ ვადაში და წესით. სისხლის სამართლის საქმეზე გამოძიება გრძელდება. ა.ს.-ს მიმართ წარდგენილი ბრალდება, სასჯელის სახედ და ზომად ერთ წლამდე თავისუფლების აღკვეთას ... ...
  • თბილისი „ევროპის ახალგაზრდული ბარათის ასოციაციის“ წევრი გახდათბილისი „ევროპის ახალგაზრდული ბარათის ასოციაციის“ (www.eyca.org) წევრი გახდა. ასოციაციის წევრობა საქართველოს დედაქალაქს ანიჭებს უფლებას, ევროპის ახალგაზრდული ბარათი ქართველ ახალგაზრდებსა და სტუდენტებზე გასცეს. ბარათის საშუალებით, ქართველ ახალგაზრდებს საშუალება ეძლევათ, ევროპის 36 ქვეყანაში 60 000-მდე პროდუქტსა თუ მომსახურებაზე ფასდაკლებით ისარგებლონ. ბარათის მფლობელები ფასდაკლებას მიიღებენ შემდეგი მიმართულებებით: მოგზაურობა, სასტუმროები, კულტურული ღირსშესანიშნაობები, კვების ობიექტები, ქსელური მაღაზიები და სხვა. „ევროპის ახალგაზრდული ბარათის ასოციაცია“ 1987 წელს დაარსდა. ამ ეტაპზე, ასოციაცია ევროპის 36 ქვეყანაში 40 ორგანიზაციას აერთიანებს და გაცემული აქვს 6 მილიონი ბარათი. ბარათის მთავარი მიზანი სოციალური, კულტურული, საგანმანათლებლო და ეკონომიკური მიმართულებით, ახალგაზრდების გაძლიერება და მხარდაჭერაა. საქართველო ასოციაციის 37-ე ქვეყანა გახდა და მას ორგანიზაციაში თბილისის მერიის ახალგაზრდული ცენტრების გაერთიანების (EuropeanYouthCardAssociation) სახით, თბილისის მუნიციპალიტეტი წარმოადგენს, რომელსაც ბარათის გაცემის ექსკლუზიური უფლება გააჩნია. საქართველოში ევროპის ახალგაზრდული ბარათის გაცემა მიმდინარე წლის ოქტომბრიდან დაიწყება.       ... ...
  • თბილისის ზოოპარკის ტერიტორიაზე ხმობადი ფიჭვები მოიჭრება დედაქალაქში სანიტარიული ჭრების ფარგლებში, დაავადებული და ხმობადი ფიჭვების ჭრა გრძელდება. ამის შესახებ დედაქალაქის მერიის მიერ გავრცელებულ ინფორმაციაშია ნათქვამი. მერიის ინფორმაციით, თბილისის ზოოპარკის ტერიტორიაზე დაავადების გავრცელების პრევენციის მიზნით, 400-მდე ზეხმელი და დაავადებული ფიჭვი მოიჭრება, მათ ნაცვლად კი ჯანსაღი ხეები დაირგვება. აღნიშნულ სამუშაოებს შპს „ეკოსერვის ჯგუფი“ განახორციელებს. სანიტარიული ჭრების გადაწყვეტილება უცხოელი ექსპერტების მიერ ჩატარებულ კვლევას ეყრდნობა, რომლის მიხედვითაც, ფიჭვებზე მავნებელი მწერია გავრცელებული. დედაქალაქში ამ დროისთვის, ჯამში, 40 000-მდე დაავადებული და ხმობადი ფიჭვი მოიჭრა. სანიტარიული ჭრები დედაქალაქის სხვადასხვა ტერიტორიაზე ეტაპობრივად ... ...
  • როგორი ამინდი იქნება მომდევნო დღეებშიგარემოს ეროვნული სააგენტოს ინფორმაციით, 11-12 აპრილს დასავლეთ საქართველოს უმეტეს და აღმოსავლეთ საქართველოს ზოგიერთ რაიონში მოსალოდნელია წვიმა, მაღალმთაში თოვლი, ზოგან იქროლებს დასავლეთის მიმართულების ძლიერი ქარი. ჰაერის ტემპერატურა დღის საათებში დაბლობსა და ბარში +10, +15 გრადუსამდე დაიკლებს. 13 აპრილიდან კი გამოიდარებს და შედარებით დათბება. თბილისში უმეტესად უნალექო და ქარიანი ამინდია მოსალოდნელი. ჰაერის ტემპერატურა +13, +15 გრადუსის ფარგლებში ... ...

არქივი


კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...