სად იყო აკაკი ბაქრაძე 1989 წლის 9 აპრილს

ისტორია

სად იყო აკაკი ბაქრაძე 1989 წლის 9 აპრილს

2016 აპრ 11 19:20:04

1989 წლის 9 აპრილიდან ხშირად გაისმის ფორმალებისგან თუ არაფორმალებისგან შეკითხვა - სად იყო აკაკი ბაქრაძე ამ დღეს. ამ შეკითხვას ნათელს ჰფენს ჩვენს რედაქციაში მოტანილი, ეროვნული მოძრაობის ერთ-ერთი აქტიური წევრის, ბატონ ვანო თვალავაძის ჩანაწერები.

ქართული ეროვნული მოძრაობის აღმავლობის პერიოდებში ყოველთვის თავს იჩენდა აფხაზი სეპარატისტების გააქტიურება, ანტიქართული ქმედებების გაძლიერება. ასე იყო 1968 წელს, 1978 წელს, 1989 წელს.

1989 წელს, ცნობილი „ლიხნის წერილის“ შედეგად აფხაზეთში მდგომარეობა უკიდურესად დაიძაბა. უდიდესი მღელვარება მოჰყვა ამ წერილს მთელ საქართველოში და განსაკუთრებით თბილისში. მიმდინარეობდა ხალხმრავალი მიტინგები მოსახლეობის ფართო მონაწილეობით. აპრილში დაიწყო დემონსტრაციები და გაფიცვები.

5 აპრილი.

თბილისში უდიდესი დემონსტრაციაა. მონაწილეობს თითქმის ყველა უმაღლესი სასწავლებელი, სკოლები, საწარმო-დაწესებულებანი, რაიონის წარმომადგენლები. გაფიცულია საწარმო-გაერთიანება "ელვა".

6 აპრილი.

დილის 9 საათიდან საქართველოს პოლიტექნიკური ინსტიტუტის ადმინისტრაციული კორპუსის კიბეებზე დაიწყო სტუდენტთა მჯდომარე გაფიცვა. მიმდინარეობს მიტინგი.

12 საათზე რუსთაველის საზოგადოებაში ვინახულე ბატონი აკაკი ბაქრაძე. იგი ესაუბრებოდა აფხაზეთის რუსთაველის საზოგადოების წარმომადგენლებს, მალხაზ პატარაიას და სხვებს. 8 აპრილს ბატონი აკაკი გულრიფშის სანქცირებულ მიტინგზე მიიწვიეს. შევთანხმდით, რომ ჩვენც მასთან ერთად გავემგზავრებოდით აფხაზეთში.

7 აპრილი.

დილიდან დაიძრნენ დემონსტრანტები. გაფიცულია თბილისის ყველა ინსტიტუტი, დაწესებულება, საწარმოთა ნაწილი. რუსთაველი ვერ იტევს ხალხს - დროშები, ტრანსპარანტები, ლოზუნგები. საოცარი ერთსულოვნება, ურთიერთსიყვარული სუფევს.

საღამოს 7 საათზე შევიკრიბეთ ბატონ აკაკი ბაქრაძესთან ბინაში. 8 საათზე სოხუმისკენ გავემგზავრეთ: აკაკი ბაქრაძე, ჯაბა იოსელიანი, ვანო თვალაძე, დავით უკლება, დავით ბახტაძე, გიორგი პაპავა, გურამ სანაძე, გოგი ლორთქიფანიძე, პაპუნა ჯავახაძე, ნიკო ნიკოლოზიშვილი, ვაჟა მეგრელიშვილი, ზურაბ ქუთელია და ლევან ბერძენიშვილი.

გამგზავრებისას ბატონ აკაკის ვკითხე, თუ რით შეიძლება დამთავრდეს თბილისის ამბები. ბატონმა აკაკიმ - მეტისმეტად საშიში სიტუაციაა, ჩვენ უსისხლოდ გადავრჩით 1988 წლის ნოემბერში, ახლა ალბათ უსისხლოდ ვერ გადავრჩებითო. აფხაზეთში გველოდებიან, იქაც საშიში მდგომარეობაა და ჯობია, იქ გავემგზავროთო.

ღამის პირველ საათზე ჩავედით ქუთაისში. მიგვიღო დემურ ლოლუას ოჯახმა. ვივახშმეთ, მოვისვენეთ და დილის 10 საათზე გავემგზავრეთ სოხუმისკენ. ზუგდიდის მისადგომებთან შეგვაჩერეს. როგორც ჩანს, თბილისიდან იყო შეტყობინება - არ გავეშვით (გვითხრა კიდეც მილიციის ორმა თანამშრომელმა, მთელი ღამე გავათენეთ თქვენს ლოდინშიო).

ზუგდიდის ქალაქის კომიტეტში მოლაპარაკების შემდეგ გაგვიშვეს. 14 სთ. 45 წუთზე შევედით გულრიფში. მიტინგი რაიკომის შენობასთან, დიდ მოედანზეა დანიშნული. 30 ათასამდე ქართველია თავშეყრილი.

8 აპრილი.

გულრიფში, 15 საათი. მიტინგი გულრიფშის რუსთაველის საზოგადოების თავმჯდომარემ გულადი ძიძიგურმა გახსნა. დაგმო „ლიხნის წერილი“ და ხელმომწერნი. სიტყვით გამოვიდა შოთა ჯღამაძე, გულრიფშის რუსთაველის საზოგადოების გამგეობის წევრი. მოითხოვა ბაგრატ შინკუბასა და ივანე თარბას, როგორც ლიხნის წერილის ავტორებს, ჩამოერთვათ რუსთაველის პრემია.

აკაკი ბაქრაძე - „ბატონებო და ქალბატონებო! მოგახსენებთ ყველა ფორმალური და არაფორმალური გაერთიანებების სახელით. გაფიცული თბილისის სახელით, იმათი სახელით, ვინც თელავში, გორში, ქუთაისში, ბათუმსა და ზუგდიდშია გაფიცული. დღეს საქართველო ერთიანია. აფხაზეთი იყო საქართველოს ნაწილი, არის და დარჩება სამარადისოდ. არ არსებობს ძალა, რომელიც აფხაზეთს მოსწყვეტს საქართველოს. ვიყოთ მშვიდად, ერთად და აუცილებლად გადავჭრით ყველა პრობლემას. როგორი შეურაცხყოფაც არ უნდა მოგვაყენონ, ჩვენ არ უნდა დავკარგოთ ჩვენი სიკეთე. თქვენ იცით ვეფხვისა და მოყმის ამბავი, მინდიას სიყვარული სამყაროსადმი, აკაკის გამზრდელი. აქ გამოხატულია ქართული სული... თუ საჭირო იქნება, სისხლსაც დავღვრით. საქართველოს მთელი ისტორია სისხლის ღვრაა - ჩვენ ვიბრძოდით, არც ახლა დავიხევთ უკან, თუ საჭირო იქნება...

"რაც მტრობას დაუქცევია, სიყვარულს უშენებია". ვიბრძოლოთ სიყვარულის დროშით. მოწინააღმდეგე უღირსია, მაგრამ ჩვენ ვიყოთ ღირსეულნი. ჩვენ აუცილებლად უნდა განვასხვავოთ აფხაზი და აფსუა ხალხი. გაუმარჯოს ერთიან საქართველოს და ამ ერთიან საქართველოს მტერი ვერასდროს ვერც დაამარცხებს, ვერ დაანაკუწებს".

8 აპრილს საღამოს, სოხუმის გარეუბანში, აჩადარაში შევიკრიბეთ, უნივერსიტეტის ასპირანტ ბესო ოდიშარიას ოჯახში. მოვიდნენ სოხუმის ხვალინდელი მიტინგის ორგანიზატორები. გაიმართა თათბირი.

იმ საღამოს ჩვენ აჩადარაში დავრჩით. დილით, ექვს საათზე, თბილისიდან ჩვენი მასპინძლების ქალიშვილმა დარეკა. ტელეფონი ბატონმა აკაკი ბაქრაძემ აიღო. მივიღეთ ინფორმაცია თბილისის ტრაგედიის შესახებ - დაღუპულია 16 ადამიანი.

9 აპრილი.

დილით გავემგზავრეთ სოხუმში. მიგვიღო აფხაზეთის მინისტრთა საბჭოს თავმჯდომარემ ოთარ ზუხბაიამ: აკაკი ბაქრაძე, ჯაბა იოსელიანი, მე და სოხუმის მიტინგის ორგანიზატორი, ნ. მგალობლიშვილი.

სოხუმში მდგომარეობა უკიდურესად დაძაბულია. კბილებამდე შეიარაღებული მრავალრიცხოვანი რუსის ჯარი მზადაა მიტინგის დასარბევად... მოსალოდნელია დიდი ტრაგედია. მიტინგი 12 საათზეა დანიშნული. ხალხი უწყვეტ ნაკადად მოედინება საზღვაო პორტის მოედნისაკენ. მიტინგის ჩაშლა ან გადადება უკვე შეუძლებელია.

12 საათისათვის მინისტრთა საბჭოს შენობიდან ფეხით გავემართეთ მიტინგის ადგილისაკენ. მოედანი, მიმდებარე ქუჩები, სახლის სახურავები ხალხითაა სავსე. ხალხმა უკვე იცის თბილისის ტრაგედიის ამბავი. აუცილებელი იყო მიტინგის დაშლა და მოედნის გათავისუფლება, წინააღმდეგ შემთხვევაში მოხდება უდიდესი ტრაგედია. აკაკი ბაქრაძე ავიდა ტრიბუნაზე და მოკლედ მიმართა ხალხს:

„თბილისში მოხდა დიდი ტრაგედია - რუსეთის ჯარის ნაწილებმა მთელი სისასტიკით დაარბიეს მთავრობის სახლის წინ მიმდინარე მიტინგი, მოშიმშილეები. გამოიყენეს ტანკები, ნიჩბები, ხელკეტები, მომწამვლელი აირები და სხვა. არიან დაღუპულები, დაჭრილები, მოწამლულები“.

ბატონმა აკაკიმ მიტინგის მონაწილეებს აუწყა, თუ როგორი მძიმე შედეგებით შეიძლება დამთავრდეს სოხუმის მიტინგი. ხალხს მოუწოდა სიმშვიდისაკენ. სიტუაციიდან გამომდინარე, საჭიროდ მიიჩნია მიტინგის დამთავრება და სთხოვა ხალხს, უხმაუროდ დაბრუნებოდნენ თავიანთ სახლებს. ხალხი ტიროდა. ხალხმა სწორად შეაფასა შექმნილი მდგომარეობა და ორგანიზებულად და ოპერატიულად დაიშალნენ.

ჩვენ ისევ მთავრობის შენობაში დავბრუნდით. შუადღის ორ საათზე გამოვემგზავრეთ თბილისისაკენ. საღამოს 9 საათსა და 50 წუთზე შემოვედით ქალაქში. პეკინის ქუჩაზე გზა გადაგვიღობეს შავი ნაჭრებით თავშეხვეულმა ახალგაზრდებმა, რომლებმაც გვაუწყეს, რომ რამდენიმე წუთში დაიწყებოდა კომენდანტის საათი და ამას რუსის ჯარის მიერ შეიძლება მოჰყვეს რაიმე განუკითხაობაო. გვთხოვეს, წავსულიყავით სახლებში. ჩვენც დავემორჩილეთ.

10 აპრილი.

უნივერსიტეტი. გაბოროტებული და გამძვინვარებული ქართველობა. მოითხოვენ საქართველოს ხელმძღვანელი პირების გადადგომას და დასჯას. მიტინგების და აქციების ლიდერების ზვიად გამსახურდიას, მერაბ კოსტავას, გიორგი ჭანტურიას და სხვების პატიმრობიდან განთავისუფლებას. წერეთელი იმალება. მალე იგი უნივერსიტეტში გამოჩნდა მხლებლებთან ერთად. ეზოში დიდძალი ხალხია. გამოჩნდნენ რუსი ჯარისკაცები, შეიარაღებულნი ტანკებით. მოითხოვეს ეზოს დაცლა. დაარბიეს და გაფანტეს ხალხი. მოითხოვეს უნივერსიტეტის შენობის განთავისუფლება. მარიამ ლორთქიფანიძემ განაცხადა, ივანე ჯავახიშვილის სახელობის უნივერსიტეტში სისხლი არ უნდა დაიღვაროსო და გვთხოვა, უნივერსიტეტის შენობა ყველას დაგვეტოვებინა. ამ დროს აკაკი ბაქრაძე ვახტანგ გოგუაძის კაბინეტში ადგენდა მიმართვას ქართველი ხალხისადმი...

შემოვიდნენ ორგანოების თანამშრომლები. ერთ-ერთმა პოლკოვნიკმა (თუ არ ვცდები, იგი გივი ბარელაშვილი უნდა ყოფილიყო) გვთხოვა, დაუყოვნებლივ დაგვეტოვებინა უნივერსიტეტის შენობა, რადგანაც მოსალოდნელი იყო რუსი ჯარისკაცების შემოჭრა.

ჩვენ, ბატონი აკაკი, დათო კულება და მე გვერდითი გასასვლელიდან გაგვიყვანეს. ბატონი აკაკი თვითონ ორგანოს მუშაკებმა წაიყვანეს სახლში.

"რეზონანსი", 5 აპრილი, 2000 წელი




 ახალი ამბები
  • ნარკოდანაშაულის ბრალდებით ცნობილი ბიზნესმენი და მსახიობი ლევან ჯიბღაშვილი დააკავესნარკოდანაშაულის ბრალდებით თბილისში ცნობილი ბიზნესმენი და მსახიობი ლევან ჯიბღაშვილი დააკავეს. როგორც შსს-ში აცხადებენ, გამოძიება სისხლის სამართლის კოდექსის 260-ე მუხლის პირველი ნაწილით მიმდინარეობს, რაც ნარკოტიკული საშუალების უკანონო შეძენა-შენახვას გულისხმობს. დანაშაული 11 წლამდე თავისუფლების აღკვეთას ითვალისწინებს. არსებული ინფორმაციით, ჯიბღაშვილი წუხელ თბილისში ... ...
  • პრეზიდენტი: ბავშვის შიმშილისა და თვითმკვლელობის ურთიერთკავშირი არის სახელმწიფოს სირცხვილი„მე ვერ გავარკვევ რამდენი ფაქტორი იყრის თავს ასეთი ტრაგედიის წარმოქმნაში, მაგრამ როგორც ქვეყნის პრეზიდენტმა ვიცი, რომ ბავშვის შიმშილისა და თვითმკვლელობის ურთიერთკავშირი არის ქვეყნის ტრაგედია და სახელმწიფოს სირცხვილი“, - განაცხადა საქართველოს პრეზიდენტმა სალომე ზურაბიშვლმა დღეს გამართულ პრესკონფერენციაზე. „აქვე მივმართავ ჯანდაცვის სამინისტროს და სოციალური უზრუნველყოფის სამსახურს,  სასწრაფოდ დაიწყონ უკიდურესად ღარიბი ოჯახების აღწერა და ამ ბავშვების დასახმარებლად განსაკუთრებული ზომების მიღება. ვიზიარებ ოჯახის ტრაგედიას და ბოდიშს ვუხდი როგორც რიგითი მოქალაქე. ამასთან, მინდა აღვნიშნო, რომ სირცხვილად მიმაჩნია ასეთი ტრაგედიის პოლიტიკური ნიშნით გამოყენება“, - განაცხადა საქართველოს პრეზიდენტმა. მარტვილში რამდენიმე დღის წინ არასრულწლოვანმა ბიჭმა თავი მოიკლა. სამაუწყებლო კომპანია „რუსთავი 2“-მა მოამზადა სიუჟეტი, სადაც ნათქვამია, რომ 15 წლის ბიჭმა თავი შიმშილის გამო მოიკლა. ოჯახის წევრები ბავშვის შიმშილით სიკვდილს უარყოფენ და ითხოვენ, ამ თემით მანიპულირება შეწყდეს.  გამოძიება თვითმკვლელობამდე მიყვანის მუხლით ... ...
  • პოლიციელებზე ძალადობრივი ქმედება მიუღებელია - ზურაბიშვილი პანკისზეპოლიციელებზე ძალადობრივი ქმედება ნებისმიერ სახელმწიფოში მიუღებელია, მით უმეტეს მიუღებელია ეს სახელმწიფოში, რომელსაც აქვს ოკუპირებული ტერიტორიები, რომლისთვისაც საზღვრების დაცულობა და სტაბილურობა არის სასიცოცხლო მნიშვნელოვანის ამოცანა – ასე გამოეხმაურა პრეზიდენტი პანკისში გუშინ განვითარებულ მოვლენებს. "მისასალმებელია, რომ შს მინისტრის ხელმძღვანელობით შესაძლებელი გახდა ხეობაში ვითარების დამშვიდება. რაც შეეხება შექმნილი დაძაბულობის მიზეზს, ჰესის მშენებლობას, ხაზი მინდა გავუსვა, რომ ქვეყანას სჭირდება ეკონომიკური წინსვლა, ამავე დროს აუცილებელია ჰესის მშენებლობის გადაწყვეტილებას ამყარებდეს სრული გეოლოგიური კვლევა, საფრთხეების კომპლექსური შეფასება და საზოგადოების ჩართულობა. ვიმედოვნებ, რომ მომავალში სწორედ ამ კრიტერიუმით ვიმოქმედებთ და ასევე განვახორციელებთ სახელმწიფოს გაძლიერებისთვის მნიშვნელოვან პროექტებს“, – განაცხადა სალომე ... ...
  • "მცირე ჰესების პროექტის გახორციელება პანკისის მოსახლეობას სარგებელს მოუტანს"ეკონომიკისა და მდგრადი განვითარების სამინისტრო პანკისის ხეობაში მცირე ჰესების მშენებლობის საკითხზე განცხადებას ავრცელებს, სადაც ნათქვამია, რომ ჰესების მშენებლობის პროცესში ჩართული პერსონალის უსაფრთხოების დაცვის მიზნით, უწყებამ შსს-ს თავად მიმართა. თურნავას უწყების განცხადებაში ძირითადად იმ სარგებელზეა საუბარი რომელიც მათი განცხადებით, ჰესებს მოაქვს “გვსურს, გამოვეხმაუროთ პანკისის ხეობაში მცირე ჰესების მშენებლობასთან დაკავშირებულ პროცესებს და აღნიშნულ საკითხზე ამომწურავი განმარტება გავაკეთოთ. 2017 წელს საქართველოს მთავრობამ მცირე ჰესების - „ხადორი 3“ - ის და „სამყურაწყალი 2“ -ის ინვესტორ კომპანიას, შპს „ალაზანი ენერჯის“ მხოლოდ მას შემდეგ გაუფორმა მემორანდუმი და გასცა მშენებლობის ნებართვა, რაც ყველა სახელმწიფო უწყებამ თავისი კომპეტენციის ფარგლებში პროექტი დადებითად შეაფასა. ასევე შესრულდა კანონით დადგენილი ყველა პროცედურა, რომელიც მსგავსი პროექტის შესახებ ადგილობრივი მოსახლეობის ინფორმირებას ითვალისწინებს. აღსანიშნავია, რომ „ალაზანი ენერჯის“ დამფუძნებელია ქართული კომპანია შპს „ფერი“, რომელიც საქართველოს ბაზარზე წარმატებით ოპერირებს, განხორციელებული აქვს მრავალი ენერგეტიკული ობიექტი საქართველოს სხვადასხვა რეგიონში. მათ შორის, ჰიდროელექტროსადგური პანკისის ხეობაში. კომპანიის მესვეურები კარგად იცნობენ ხეობის თავისებურებას. ამასთან, კომპანია ხეობის ერთ-ერთი მსხვილი დამსაქმებელია. ამდენად, „ალაზანი ენერჯის“ ხელმძღვანელობამ თავიდანვე აქცენტი აიღო ადგილობრივ მოსახლეობასთან დიალოგზე და 2017 წლიდან დღემდე სხვადასხვა ფორმატში არაერთი შეხვედრა გამართა პროექტის მიმართ მოსახლეობის დამოკიდებულების პოზიტიურად ჩამოყალიბების მიზნით. კომპანიის მხრიდან აღნიშნული კომუნიკაციის ფარგლებში მოხდა „სამყურაწყალი 2“ - ის ჰესის პროექტის ოპტიმიზაცია და მოსახლეობის მოთხოვნის საფუძველზე უარი ითქვა კაშხლის აშენებაზე. შედეგად, როგორც „ხადორი 3“, ასევე „სამყურაწყალი 2“ გარემოსთვის მაქსიმალურად უვნებელ ჰიდროსადგურებად ჩამოყალიბდა. 2019 წლის 19 აპრილს ინვესტორმა კომპანიამ შპს “ალაზანი ენერჯიმ“, რომელიც გეგმავდა ჰესის მშენებლობის დაწყებას, წერილობით მიმართა ეკონომიკისა და მდგრადი განვითარების სამინისტროს და ითხოვა დახმარება, რათა სამინისტროს მოეხდინა სამშენებლო სამუშაოების მშვიდ და უსაფრთხო გარემოში ჩატარების უზრუნველყოფა. გამომდინარე იქიდან, რომ სამწუხაროდ, არსებობდა მსგავსი პრეცედენტები, მათ შორის, საქართველოს სხვა რეგიონებში მიმდინარე პროექტებშიც, ეკონომიკისა და მდგრადი განვითარების სამინისტრომ შემდგომი რეაგირებისთვის მიმართა შინაგან საქმეთა სამინისტროს, რათა დაცული ყოფილიყო მშენებლობის პროცესში ჩართული პერსონალის უსაფრთხოება. მცირე ჰესების პროექტის განხორციელება პანკისის ხეობის მოსახლეობას შემდეგ სარგებელს მოუტანს: მშენებლობის მთელი პერიოდის განმავლობაში, სხვა სპეციალისტებთან ერთად, დასაქმებული იქნება არანაკლებ 100 ადგილობრივი მოსახლე, ხოლო ჰიდროსადგურებისექსპლუატაციაში გაშვების შემდეგ, 50 მუდმივი სამუშაო ადგილი შეიქმნება. კომპანია ასევე უზრუნველყოფს ახალგაზრდების გადამზადებას, რაც მათ სამომავლოდ სხვა ჰესებზე დასაქმების შესაძლებლობას მისცემს. გარდა ამისა, ინვესტორი კომპანია ვალდებულებას იღებს, ხეობისა და ჰესის სიახლოვეს განლაგებული დასახლებების სასარგებლოდ, სოციალურ პროექტებს განახორციელებს. ამავე დროს, ინვესტიციას დააბანდებს ელექტროგადამცემ ქსელებში, რაც მოსახლეობისთვის ელექტროენერგიის მიწოდების ხარისხს გააუმჯობესებს. ყოველივე დადებითად აისახება ხეობის სოფლებში მიკრო და მცირე ბიზნესის, მათ შორის, ტურისტული ობიექტების გამართულ ფუნქციონირებაზე. ინვესტორი ასევე ვალდებულებას იღებს, შექმნას ადგილობრივი სათემო განვითარების ფონდი, რომლის ანგარიშზეც ყოველწლიურად 120,000 ლარს შეიტანს. პროექტებს, რომლებიც აღნიშნული ფონდიდან დაფინანსდება, ადგილობრივი მოსახლეობის ნდობით აღჭურვილი პირები შეარჩევენ. ამავე დროს, უმნიშვნელოვანესია ის, რომ აღნიშნული პროექტი ავითარებს ე.წ. მწვანე ენერგეტიკას, რომელიც გარემოზე მინიმალურად ზემოქმედებს. ბოლო წლებში საქართველოში მიღებული კანონმდებლობის თანახმად, რომელიც საუკეთესო ევროპულ პრაქტიკას ეფუძნება, ნებისმიერი ენერგეტიკული ობიექტის ასაშენებლად ინვესტორს ნებართვა მხოლოდ უმკაცრესი გარემოსდაცვითი ექსპერტიზის შედეგად ეძლევა. ეკონომიკისა და მდგრადი განვითარების სამინისტრო მიესალმება დიალოგის გზით პანკისის ხეობის ადგილობრივ მოსახლეობასთან კონსესუსის მიღწევას”, - ნათქვამია ეკონომიკის სამინისტროს განცხადებაში. ... ...
  • პანკისის ხეობაში მომხდარი დაპირისპირება BBC-ის ობიექტივშიპანკისის ხეობაში  განვითარებული მოვლენები BBC-ის ობიექტივში მოხვდა. როგორც მაუწყებელი წერს, საქართველოში, პანკისის ხეობაში ადგილობრივ მოსახლეობას და პოლიციას შორის დაპირისპირება ჰიდროელექტრო სადგურის მშენებლობის გამო მოხდა. ადგილობრივები მიიჩნევენ, რომ ჰესი ხეობას დააზიანებს და მის წინააღდეგ გამოდიან. დაპირისპირების შედეგად ათობით ადამიანი, უმეტესად პოლიციელები დაშავდნენ. როგორც საქართველოს ხელისუფლებამ განაცხადა, ჰესი იმ შემთხვევაში აშენდება თუ ადგილობრივი მოსახლეობა მხარს დაუჭერს. პანკისის ხეობაში ადგილობრივ მოსახლეობას ძირითადად მუსლიმი ქისტები წარმოადგენენ. რეგიონი ცნობილია, როგორც „ისლამური სახელწიფოს“ ერთ-ერთი მთავარი  მეთაურების სამშობლო. ... ...

არქივი

ზაფრანი

იცინეთ ხშირად!

თუ მძიმე დღე გქონდათ –...

რატომ უნდა მიირთვათ ხშირად კარტოფილი

არსებობს რამდენიმე მიზეზი, რის გამოც...

რატომ უნდა მივბაძოთ ბავშვებს

ნებისმიერი ადამიანი ზოგჯერ ბავშვობაში უნდა...

ელტონ ჯონის „საბედისწერო“ სტილი

ელტონ ჯონზე სტილისტები ამბობენ, ისე...

შვიდი დღე გასალამაზებლად

ნამდვილად არ გაწყენთ, სულ რაღაც...

ქრონიკული დაღლილობა ვირუსით არის გამოწვეული

ადამიანის დაღლილობა, შეიძლება, ვირუსით იყოს...
კარმიდამო ჩემი

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...

ნუ ეხუმრებით გაციებას!

გაციება სიცივის დადგომისთანავე ვლინდება. ბევრი...