"მკაცრი ვიყავი" _ რას ნანობს 99 წლის ოზურგეთელი პედაგოგი

ისტორია

"მკაცრი ვიყავი" _ რას ნანობს 99 წლის ოზურგეთელი პედაგოგი

2018 ოქტ 30 15:10:34

"არაფერს ვნანობ, მხოლოდ ერთი რამ მინდა ვთქვა _ მკაცრი ვიყავი, პედაგოგობის დროს და ახლა ეს არ მომწონს. ძალიან მიყვარს და მიყვარდა ჩემი საქმე. ყველანაირად ვცდილობდი, ბავშვებისთვის მესწავლებინა წერა და კითხვა" _ ეს სიტყვები 99 წლის ბენია აბუთაძეს ეკუთვნის.

ბენია აბუთაძე სოფელ შემოქმედში (გონების კარის) ცხოვრობს თავის მეუღლესთან, ვერა გორგოშიძესთან ერთად. ორივე მათგანი სოფლის საამაყო ადამიანები არიან.

"97 წლის არის დედაჩემი და 99 წლის კი მამაჩემი. ორივე დამსახურებული პედაგოგი იყო და მათი ცხოვრების გზა უკავშირდება ბავშვებისთვის განათლების მიღებას და აღზრდას. ძალიან მძიმე წლებში მოუწიათ სკოლაში მუშაობა, არაერთი ომის მომსწრე იყვნენ და ქვეყანაში არსებული მძიმე ფონის მიუხედავად, მოსწავლეებთან შეხვედრის დროს  ცდილობდნენ - ასე ახასიათებს ღვაწლმოსილ პედაგოგებს, მისი შვილი რუსუდან აბუთაძე, რომელიც ახლა დედ-მამას უვლის და მათთან ერთად ცხოვრობს.

ჩვენი სტუმრობის დროს ბატონი ბენია და ქალბატონი ვერა შეუძლოდ იყვნენ. მათ შესახებ "გურია ნიუსთან" მათმა შვილებმა რუსუდანმა და ქეთევანმა ისაუბრეს.

"მამაჩემი დაიბადა 1920 წელს. 20 წლის იყო, როდესაც პედაგოგად დაიწყო მუშაობა. იხსენებს, რომ 17 წლის მოსწავლეები მყავდა და წერა-კითხვას ვასწავლიდიო. 60 წლის რომ გახდა, გვითხრა ოჯახის წევრებს ძალიან მიმძიმს და ვეღარ წავალ სკოლაშიო. 40 წელი იმუშავა დაწყებით კლასებში, იყო სოფელ კვირიკეთის და შემდეგ გომის სკოლაში. ცოტა ხნით სოფელ შემოქმედის საბჭოს თავმჯდომარედ იმუშავა, დიდხანს ვერ  გაუძლო იქ მუშაობას. იყო ბრძანება, რომ ხალხისგან გადასახადები ამოეღოთ. ხალხს კი ძალიან უჭირდა და ვერ შეეგუა ამ ფაქტს. კიდევაც დაემუქრნენ კომუნისტები, რომ მოხსნიდნენ, მაგრამ ეს არ მომხდარა, რადგან თვითონ წამოვიდა და გააგრძელა პედაგოგობა. რაიკომის მდივანს პირდაპირ უთხრა, ხალხს არ აქვს საშუალება და ვერ შევასრულებ თქვენს ბრძანებასო. როდესაც დანიშნეს საბჭოს თავმჯდომარედ, მაშინ უთხრეს, თქვენნაირი პატიოსანი კაცი გვინდაო, მაგრამ შემდეგ მიხვდა მამაჩემი, იმ დავალებებს ვერ შეასრულებდა, რაც მათ უნდოდათ".

ქეთევან აბუთაძე:ედაჩემი სოფელ შემოქმედის სკოლაში ასწავლიდა, ერთი პერიოდი პარალელურად საქმეთა მმართველიც იყო. საოცარი თბილი, ყურადღებიანი და მშრომელი მშობლები გვყავს.

65 წლის იყო დედაჩემი სკოლაში მუშაობას რომ დაანება თავი. ძალიან უყვარდა და უყვარს ბავშვებთან ურთიერთობა.

როგორც მამაჩემმა თქვა, მკაცრი იყო, მაგრამ მისი სიმკაცრე უფრო მეტად გამოიხატებოდა იმის გამო, რომ ბავშვებს უფრო მეტად ესწავლათ და მიეღოთ საუკეთესო განათლება.

ახლა კი ხშირად ამბობს, რომ მკაცრი არ უნდა ვყოფილიყავიო. რატომღაც ეს სიტყვები ამოჩემებული აქვს.

ძალიან მშრომელები იყვნენ ორივე მათგანი, ჩაის პლანტაციებში მუშაობდნენ დამატებით, ჩვენც დავდიოდით და მთელი ოჯახი ვმუშაობდით", _ გვითხრა ქალბატონმა ქეთევანმა.

ვერა გორგოშიძემ და ბენია აბუთაძემ ერთმანეთი კურორტ გომისმთაზე პენსიორთა ბანაკში გაიცნეს.

„მთაში გავიცანი ჩემი ცხოვრების მეორე ნახევარი. ბანაკში ვიყავით, ბავშვებს ვახლდით. 31 წლის ვიყავი, რომ დავქორწინდით და იმის მერე ერთად ვართ.

ორი შვილი _ რუსუდანი და ქეთევანი, ოთხი შვილიშვილი და ექვსი შვილის შვილიშვილი გვყავს", _ თქვა ჩვენთან საუბრის დროს ბენია აბუთაძემ.

რუსუდან აბუთაძე: "მახსოვს პირველ კლასში წავედი, მაშინ მასწავლებელი მეგონა ზებუნებრივი არსება, დედაჩემი და მამაჩემი არ მასწავლიდნენ. მშობლები კი მყავდნენ პედაგოგები, მაგრამ მაინც ასეთი გრძნობა მქონდა, თუმცა, მარტო მე არ ვფიქრობდი ასე.

ძალიან მწირი ხელფასი ჰქონდათ, მაგრამ მაინც არ წუწუნებდნენ. ეს იმიტომ ხდებოდა, რომ თავისი საქმის პროფესიონალები იყვნენ. მათი მიზანი იყო, რაც შეიძლებოდა ბევრი ბავშვისთვის ესწავლებინათ წერა-კითხვა.

მამაჩემს ომში წასვლა უნდოდა, კიდევაც წავიდა, მაგრამ პედაგოგი რადგან იყო, უკან გამოუშვეს და დააბრუნეს სოფელში".

წელს საქართველოს პედაგოგთა და მეცნიერთა თავისუფალი პროფკავშირების ოზურგეთის რაიონული ორგანიზაციის წარმომადგენლებმა ქალბატონ ვერას და ბატონ ბენიას სამადლობელი სიგელები გადასცეს საჩუქრებთან ერთად. ასევე, ბენია აბუთაძე ღირსების ორდენი აქვს მიღებული მიხეილ სააკაშვილის  პრეზიდენტობის დროს. ორივე მათგანი 1942 წლის ომის მონაწილეებთან გათანაბრებული პირები არიან.




 ახალი ამბები
  • გიორგი მიქაუტაძე უვადო მოსამართლედ განამწესეს იუსტიციის საბჭოს მდივანი გიორგი მიქაუტაძე თბილისის საქალაქო სასამართლოს ადმინისტრაციულ საქმეთა პალატაში მოსამართლედ უვადოდ გაამწესეს. მიქაუტაძის კანდიდატურას საბჭოს 11-მა წევრმა ერთხმად დაუჭირა მხარი. მიქაუტაძესთან ერთად საქალაქოს ადმინისტრაციულ კოლეგიაში ნიკოლოზ მარსაგიშვილი გაამწესეს. საქალაქო სასამართლოს ადმინისტრაციულ საქმეთა პალატაში 2 ვაკანსიაზე 28 კანდიდატი ... ...
  • WHO : მნიშვნელოვანია ყურადღების გამახვილება ურბანულ განვითარებაზეჯანდაცვის მსოფლიო  ორგანიზაციის ინფორმაციით, მსოფლიო მოსახლეობის ნახევარი ქალაქებში ცხოვრობს, 2050 წლისთვის კი, მოსახლეობის რაოდენობის ზრდის შედეგად, ქალაქებში კიდევ 2.5 მილიარდი ადამიანი იცხოვრებს. აღნიშნული ტენდენცია კი  ნიშნავს, რომ მნიშვნელოვანია ყურადღების გამახვილება ურბანულ განვითარებაზე, რომ ხელი შეეწყოს ჯანსაღ ცხოვრებას ქალაქში. როგორც ჯანდაცვის მსოფლიო ორგანიზაციაში ამბობენ, ხალხი ქალაქში საცხოვრებლად ცხოვრების გასაუმჯობესებლად გადადის. თუმცა, ურბანული ცხოვრება  საზოგადოების ჯანმრთელობის სფეროში ბევრ გამოწვევას ქმნის. მაგალითად, არის  ქალაქები, რომლებსაც არ აქვთ სუფთა წყლის, სანიტარიისა და ნარჩენების მართვისთვის ეფექტური სისტემები, სადაც შეგხვდებათ ისეთი დაავადებები, როგორიცაა ქოლერა და დიარეა. ქალაქები ასევე დგანან დაბინძურებული ჰაერის, არაჯანსაღი კვების და არასაკმარისი ფიზიკური აქტივობის წინაშე. გარდა ამისა, საგზაო უსაფრთხოება და ძალადობა არის მუდმივი შეშფოთების საკითხი, ისევე როგორც ფსიქიკური ჯანმრთელობა. ჯანმრთელობაზე გავლენას ახდენს მრავალი ფაქტორი, რომელიც ცდება ჯანდაცვის მომსახურების ხელმისაწვდომობას. ეს მოიცავს ინფრასტრუქტურულ საკითხებს, ასევე დასაქმების, განათლებისა და საკვებ პროდუქტზე ხელმისაწვდომობას. ჯანდაცვის მსოფლიო ორგანიზაციის განცხადებით,  უნდა შეიქმნას ქალაქები, რომლებიც მათი დიზაინით, პოლიტიკით და პროგრამებით ჯანმრთელობას ხელს შეუწყობენ.       ... ...
  • ევაკუაცია ყავლაშვილის ქუჩაზე_ ჩამონგრეულია სახლის ნაწილითბილისში, შოთა ყავლაშვილის ქუჩაზე 2-სართულიანი საცხოვრებელი სახლის ნაწილი ჩამოინგრა. როგორც საგანგებო სიტუაციების მართვის სამსახურში აცხადებენ, შემთხვევის შედეგად არავინ დაშავებულა. ადგილზე მისვლისთანავე მეხანძრე-მაშველებმა უსაფრთხოების მიზნით, ამავე შენობასა და მის მიმდებარედ მცხოვრები მოსახლეობის ევაკუაცია განახორციელეს. ადგილზე მიღებულია უსაფრთხოების ზომები.       ... ...
  • ჭიათურაში არსებული სიტუაცია არის მძიმე და მე ვიზიარებ ჩვენი მაღაროელების მოთხოვნას _ ბახტაძეჭიათურაში არსებული სიტუაცია არის მძიმე და მე ვიზიარებ ჩვენი მაღაროელების სამართლიან და ობიექტურ მოთხოვნას ისეთ საკითხებში, როგორიც არის შრომის უფლებები, უსაფრთხოება, სამედიცინო მომსახურება ადგილზე, კვება, - განაცხადა საქართველოს პრემიერ-მინისტრმა.პრემიერ-მინისტრმა მოუწოდა ორივე მხარეს, მისაღებ შედეგებზე დროულად ჩამოყალიბდნენ.„მე ვიცი, რომ ამავე დროს, კომპანიამ მიიღო გადაწყვეტილება, მათ გააკეთეს შეთავაზება და მინდა ორივე მხარეს ვთხოვო, რომ რაც შეიძლება მეტი ინტენსიური დიალოგის შედეგად დროულად ჩამოვყალიბდეთ მისაღებ შედეგებზე. ეს არის სისტემური მნიშვნელობის მქონე საწარმო ჩვენი ეროვნული ეკონომიკისთვის და მისი სრულფასოვანი ფუნქციონირება არის ძალიან მნიშვნელოვანი“, _ განაცხადა მამუკა ... ...
  • როგორი ამინდია მოსალოდნელი უახლოეს დღეებშიგარემოს ეროვნული სააგენტოს ინფორმაციით, 24-27 მაისს საქართველოში მოსალოდნელია დროგამოშვებით წვიმიანი ამინდი, ზოგან შესაძლებელია სეტყვა, 25-27 მაისს იქროლებს ძლიერი ქარი. 24-25 მაისს ჰაერის ტემპერატურა დაბლობსა და ბარში +26, +31, ხოლო 26-27 მაისს +22, +27 გრადუსია მოსალოდნელი. თბილისში, ძირითადად, ღამისა და საღამოს საათებში მოსალოდნელია ხანმოკლე წვიმა ელჭექით. ჰაერის ტემპერატურა +27, +29 გრადუსი იქნება.     ... ...

არქივი

ზაფრანი

მიირთვით ბევრი ვაშლი, კივი და ფორთოხალი

მწვანე ჩაი არა მხოლოდ აუმჯობესებს...

ბრიტანელმა სწავლულებმა სინათლის სხივების შენელება ისწავლეს

ბრიტანელმა სწავლულებმა კიდევ ერთი ნაბიჯით...

შაოლინის მონასტრის დიეტა

დიეტით მხოლოდ ლამაზი ქალბატონები როდის...

როგორ ვებრძოლოთ სლოკინს

სლოკინთან დაკავშირებით შესაძლოა ბავშვობა და...

როგორ მოვიშოროთ კბილის ტკივილი

ყველაზე მარტივი რეცეპტები: მოამზადეთ "სალბის"...

გინდათ, არასდროს გასუქდეთ?

ზოგიერთი ჩვენგანი თვით ბუნებამ დაასაჩუქრა,...
კარმიდამო ჩემი

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...