რატომ უკრძალავდნენ ქმრები ცოლებს ტრამვაით მგზავრობას

ისტორია

რატომ უკრძალავდნენ ქმრები ცოლებს ტრამვაით მგზავრობას

2018 აგვ 23 12:52:50

...

1883 წლიდან თბილისში ამუშავდა პირველი საზოგადოებრივი ტრანსპორტი - ცხენის ტრამვაი, იგივე კონკა. 1904 წელს ის ჩაანაცვლა ელექტროტრამვაიმ. უნდა გენახათ ქალაქში უცხენო ტრამვაის გამოჩენამ რა მითქმა-მოთქმა გამოიწვია. ბევრს ეშინოდა შიგ ჩაჯდომისა, ბევრი დარწმუნებული იყო, ტრამვაის ოთხ თვალზე ოთხი ეშმაკი ზის და ისინი ატრიალებენ ამ თვლებსაო. იმასაც ამბობდნენ, ხიდზე გასვლის დროს, ეშმაკების ხიდს ჩატეხავენ და ტრამვაიში მყოფ ხალხს დახრჩობა არ ასცდებაო. ამის შიშით, ხიდთან მგზავრები ტრამვაიდან ჩამოდიოდნენ ხიდის მეორე ნაპირზე ფეხით გადადიოდნენ, შემდეგ კი ისევ ტრამვაიში სხდებოდნენ. ზოგიერთები ტრამვაით მგზავრობის მოყვარულ ქალების დასაცინად დუღაბა ვასუას მოგონილ ლექსს იძახდნენ:

მარგალიტი ძვირია,

ლეჩაქი ორპირია,

ვინც ტრამვაიში ჯდება

იმის ქმარი ვირია.

ამის გამო ბევრი მამაკაცი თავის მეუღლეს უკრძალავდა ტრამვაით მგზავრობას.

...

1911-12 წლებში მტკვრის მარცხენა მხარეს ციცაბო კლდეზე მდებარე ორსართულიან შენობაში ერთმა კახელმა, მეტსახელად უტრუხუნემ გახსნა ტრახტირი. მაშინ სამიკიტნოს ან ტრახტირს აუცილებლად რაიმე სახელს არქმევდნენ. ჰოდა, უტრუხუნემაც არც აცია და არც აცხელა და თავის ტრახტირს აეროპლანი დაარქვა. უტრუხუნეს საქმე კარგად მისდიოდა და მოგებაც მატულობდა. მაგრამ მალე ზოგიერთ გავლენიან და მდიდარ მუშტარს მისთვის უთქვამს: აღარ გვინდა შენს ტრახტირში პურის ჭამა და შემოსვლაც კი, რადგან ღვთისგან წყეულ აეროპლანს ეძახიო (საქმე იმაშია, რომ ქალაქში ამბობდნენ, აეროპლანს კაცი კია არა, გადაცმული ეშმაკი მართავსო). თუ არ გადაარქმევ, ფეხს აღარ შემოვდგამთ შენთანო. უტრუხუნე ორ ცეცხლს შუა ჩავარდა: ტრახტირისთვის იგივე სახელის დატოვება მდიდარი მუშტრის დაკარგვას ნიშნავდა. ამავე დროს ხალხის დიდი ნაწილი მიეჩვია აეროპლანს და სახელის გადარქმევით შეეძლო მუშტრის ეს ნაწილიც დაეკარგა. ერთ მშვენიერ დღესაც უტრუხუნემ ნიკი ფიროსმანაშვილს, რომელიც მასთან ხშირად დადიოდა და კედლებიც მისი მოხატული იყო, სთხოვა წასულიყო სხვებთან ერთად აეროდრომზე და შემდეგ ყველასთვის მოეყოლა რომ აეროპლანი, ისევე როგორც ტრამვაი ახალი გამოგონებაა და არა ეშმაკისეული.  უტრუხუნემ ფიროსმანისთვის და კიდევ ორი ცნობილი მოქალაქისათვის ფაეტონი დაიქირავა, ისინიც დუდუკითა და ზურნით მიადგნენ საფრენ ადგილს, საიდანაც ქებურიას საჩვენებელი ფრენა უნდა მოეწყო. ფიროსმანაშვილმა ბესარიონის სთხოვა, - თუ ძმა ხარ, აიღე ორი ტომარა ბატიბუტი, რომ აფრინდები, იქიდან გადმოყარე, ყველა ნახავს, რომ ეს ადამიანი მართავს აეროპლანსო. ქებურიამ თხოვნა შეუსრულა, ხალხს ზემოდან ბატიბუტი გადმოაყარა და საქმეც გაიჩარხა. იმ საღამოს უტრუხუნეს ტრახტირში დილამდე იქეიფეს.

...

კინტო ჰაჯიას მთელი ქალაქი იცნობდა, როგორც თბილისის სულსა და გულს და შეუდარებელ ხუმარას. მას პატივისცემის ნიშნად თბილის-ქალაქის კინტოების გუბერნატორი შეარქვეს. მისი ნამდვილის სახელი გახლდათ ვანო ავგაროზაშვილი. იგი ათი წლისა დაობლდა და დარჩა ქუჩის ამარა. როცა წამოიზარდა 18 წლის კუნთმაგარი ვაჟკკაცი დადგა, გროშუა ვანო, როგორც მას ეძახდნენ, მეიდნელმა კინტოებმა შენიშნეს. პირობა დაუდეს - უფასოდ გაჩუქებთ თაბახს, კალათას და სასწორს, თავდებად დაგიდგებით ბითუმად მოვაჭრესთან, რომ ყოველ საღამოს დაუბრუნებ ნისიად წაღებულ ხილის ღირებულებას,  თუ გაბედავ მეჩეთის მინარეთზე ასვლას და იქიდან სიმღერას. გროშუა ვანო მაშინვე დათანხმდა. დანიშნულ დღეს მეტეხის და ავლაბრის ხიდები გაივსო სეირის მაყურებელი ხალხით. გროშუა ვანოს როგორღაც მოეტყუებინა მეჩეთის დარაჯი და მინარეთზე ასულა.

ჯიგი, ჯიგი, ვახე, ვახე,

ავადა ვარ, მოდი მნახე,

თუ დალაქმა ვერ მიშველოს,

საყვარელთან წამიყვანე,

თუ რომ ისიც ვერ მიშველის,

გომართელთან მიმიყვანე.

 გაჰკიოდა მთელი ხმით ჩვენი გროშუა. მეჩეთის ქუჩაზე მომუშავე მუსლიმებმა ატეხეს განგაში - იქვე მომუშავე ყასაბი ყურბანა და რამდენიმე კაცი ამოღებული ხანჯლებით შეცვივდნენ მეჩეთში. კინტოებმა შენიშნეს ყასბები და ყვირილი მორთეს _ არიქა, გროშუაჯან, შენს მოსაკლავად მოდიან და თავს უშველეო! გროშუა ვანომ კიდევ ერთხელ შემოუარა აივანს და შემდეგ თითქმის ხუთი მეტრის სიმაღლიდან იქვე მდებარე სახლის საურავზე გადახტა. კინტოებმა გროშუას დანაპირები შეუსრულეს,  გროშუა ვანო დალოცეს თავიანთი ჰამქრის წევრად, მინარეთზე სიმღერა მას მუჰამედის საფლავზე ყოფნად ჩაუთვალეს და მეტსახელი ჰაჯი ვანო, შემოკლებით ჰაჯია შეარქვეს. იმ საღამოსვე შერიგების მიზნით ორივე მხარემ ტივზე გამართა მამაპაპური პურმარილი.




 ახალი ამბები
  • ჭიათურაში უკანონოდ დატყვევებული დათვი იპოვნეს გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა ქალაქ ჭიათურაში, მოხეტიალე ცირკის მიერ დათვის უკანონოდ დატყვევების ფაქტი გამოავლინეს. დასავლეთის რეგიონული სამმართველოს თანამშრომლებმა კომპანიის მიმართ ადმინისტრაციული სამართალდარღვევის შესახებ ოქმი შეადგინეს, საქმის მასალები შესაბამის რაიონულ სასამართლოში გადაიგზავნება. დათვი ცხვარიჭამიაში, დათვების თავშესაფარში დეპარტამენტის ბიომრავალფეროვნების კონტროლის სამსახურის თანამშრომლებმა გადაიყვანეს, სადაც ის შესაფერის პირობებში მოთავსდება სასამართლოს მიერ საქმის განხილვამდე. ... ...
  • "ყველაზე ყლ....ბა ტელევიზიაა" _ აქციის მონაწილე POST ტვ-ს ჟურნალისტსერთ-ერთი მოქალქე პირდაპირი ჩართვისას პოსტივის გადამღებ ჯგუფთან მივიდა, რომელმაც იკითხა _ აქციაზე მოსვლა და დღევანდღელი ცხოვრება რამდენი კილო კარტოფილი დაუჯდა ხელისუფლებას? შემდგომ ჟურნალისტს ჰკითხა რომელი ტელევიზიის წარმომადგენელი იყო, ლოგოს ნახვის შემდეგ კი თქვა,რომ ყველაზე ყლ....ბა ტელევიზია, რასაც გადამღები ჯგუფის და აქციის მონაწილეებისგან სიტყვიერი შეურაცხყოფა მოჰყვა და ის პროვოკაციაში ... ...
  • თავისუფლების მოედანზე შეკრებილები დაიშალნენთავისუფლების მოედანზე შეკრებილი "ქართული ოცნების" მხარდამჭერები მას შემდეგ დაიშალნენ, რაც მათ პარტიის თავმჯდომარემ, ბიძინა ივანიშვილმა მიმართა. ამის შემდეგ საკომუნიკაციო საშუალებებიც ხელმისაწვდომი ... ...
  • ბათუმის სამედიცინო ცენტრში გოლიათი დაჩი ნიკოლაიშვილი დაიბადაბათუმის სამედიცინო ცენტრში გოლიათი დაჩი ნიკოლაიშვილი დაიბადა. ახალშობილის წონა  5 კილოგრამია.  “ახალშობილის საშუალო წონა 3-დან 4 კილოგრამამდე მერყეობს, თუმცა ხან მეტისმეტად პატარები, ხან კი მეტისმეტად დიდები იბადებიან. ახალშობილებს, რომელთა წონაც დაბადებისას 3 კილოგრამზე ნაკლებია, მცირეწონიანებს უწოდებენ (ოღონდ - იმ შემთხვევაში, როცა ისინი დროულად იბადებიან და არა დროზე ადრე). როდესაც ბავშვის წონა 4 კილოგრამზე მეტია, ხოლო სიგრძე 54-56 სანტიმეტრზე ნაკლები არ არის, ამბობენ, რომ დაიბადა დიდი ბავშვი. დღესდღეობით, გოლიათის დაბადება (5 კილოგრამი და მეტი) იშვიათობა არ არის.  სიცოცხლის პირველ დღეებში ახალშობილი წონას იკლებს. ეს წონის ფიზიოლოგიური დაქვეითებაა. დიდ ბავშვებს წონის დაქვეითება უფრო მკვეთრად აქვთ გამოხატული, ვიდრე ნორმალური წონის ახალშობილებს. ერთი წლის ასაკისთვის ყველა ბავშვის წონისა და სიგრძის მაჩვენებელი საშუალოს უნდა მიუახლოვდეს.“- წერია ბათუმის სამედიცინო ცენტრის“ ... ...
  • “ხუთი ადამიანი დარჩა, რომლებიც ჩემი წინააღმდეგი არიან“ მედიაში გავრცელებული ინფორმაციით, ოზურგეთის რაგბის კლუბი “არწივების“ ერთი ნაწილი თბილისში გამართულ აქციაზე არ წავიდა. ა(ა)იპ“ქალაქ ოზურგეთის მუნიციპალიტეტის რაგბის განვითარების კავშირის“ დირექტორის, თენგიზ კალანდაძის თქმით, ამ წუთებში ის და “არწივების“ ბიჭები თბილისში იმყოფებიან. “ხუთი ადამიანი დარჩა, რომლებიც ჩემი წინააღმდეგი არიან. დღეს დავესწარით თბილისში გამართულ ღონისძიებას და ხვალ გვაქვს თამაში ახალციხეში. თბილისიდან ჩავალთ ახალციხეში. არავისთვის არაფერი დამიძალებია, ყველას თავის არჩევანის უფლება აქვს", - გვითხრა თენგიზ ... ...

არქივი

ზაფრანი

ყველაზე მსმელი ქალები მსოფლიოში

ცოტა ხნის წინ ამერიკელმა მეცნიერებმა...

რატომ ცოცხლობენ ქალები მამაკაცებზე დიდხანს

მამაკაცები ქალებზე უფრო ხანმოკლედ ცოცხლობენ....

რა უპირატესობებს ფლობენ ქალები მამაკაცებთან შედარებით

მოქნილობა _ კუნთებში ელასტინის მაღალი და...

რომელი ცხოველი ხართ ინდიელთა ჰოროსკოპით

რომელია თქვენი ტოტემის ცხოველი ინდიელთა...

სამკაულები, რომლებსაც უბედურება მოაქვს

ზოგიერთ სამკაულს თავისი მფლობელისთვის წარუმატებლობის...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...