შვიდდღიანი ხანძარი 2006 წელს და გადამწვარი 600 ჰექტარი

gurianews.com

ისტორია

შვიდდღიანი ხანძარი 2006 წელს და გადამწვარი 600 ჰექტარი

2017 აგვ 23 21:16:55

2006 წლის აგვისტოში, აბასთუმანში ტყეს ხანძარი გაუჩნდა. ხანძარს მაშინდელი ხელისუფლება ერთი კვირის განმავლობაში აქრობდა. საბოლოოდ, სტიქიამ 600 ჰექტარი ტყე შეიწირა.

აი, რას წერდა radiotavisupleba.ge 2006 წლის 21 აგვისტოს:

აბასთუმანში ხანძრის მიერ მიყენებულ ზარალს, გარემოს დაცვისა და ბუნებრივი რესურსების მინისტრის ბრძანებით, სპეციალურად შექმნილი კომისია შეისწავლის.

დავით ტყეშელაშვილი ხანძრიდან ერთი კვირის შემდეგ საქართველოს მთავრობის ეფექტურ მუშაობაზე ამახვილებს ყურადღებას და განსაკუთრებულ მადლობას, თურქულ და უკრაინულ ავიაციასთან ერთად, ადგილობრივ მოსახლეობას უხდის. უკრაინული ვერტმფრენი და თვითმფრინავი ჯერ კიდევ რჩება აბასთუმანში. მუშაობას განაგრძობს საგანგებო შტაბიც, მინისტრის მოადგილის სოფო ახობაძისა და მხარის გუბერნატორის გოგა ხაჩიძის ხელმძღვანელობით. 

შვიდდღიანი დაძაბული შრომის შემდეგ აბასთუმანში სიმშვიდემ დაისადგურა. ხანძარი ლოკალიზებულია, თუმცა სრული ჩაქრობისათვის უკრაინული ავიაცია ჯერ კიდევ განაგრძობს პატრულირებას ნახანძრალ ტერიტორიაზე. გარემოს დაცვისა და ბუნებრივი რესურსების მინისტრმა უკვე დატოვა აბასთუმანი. დავით ტყეშელაშვილის ბრძანებით, 21 აგვისტოს შეიქმნა კომისია, რომელიც ხანძრის შედეგად მიყენებულ ზარალს შეისწავლის. 

[ტყეშელაშვილის ხმა] "ჩვენ დავდეთ ზუსტი გეგმა, პუნქტობრივად გაწერილი, როგორ უნდა ვიმუშაოთ იმისათვის, რომ, პირველი, დავაწესოთ მორიგეობა, რომ მივიღოთ ზუსტი ინფორმაცია იმის თაობაზე, რომ გავიგოთ როგორი მდგომარეობა იქნება ხანძრის ზოლში; მეორე, რაც ყველაზე მნიშვნელოვანია, ჩვენ უნდა აღვნუსხოთ რეალური ზარალი."(სტილი დაცულია)

ინფორმაციას ტყეში არსებული სიტუაციის შესახებ მინისტრსა და საგანგებო შტაბს უკრაინელი მფრინავები აწვდიან. ამ დროისათვის 2 ძირითადი კერა მაინც არსებობს ადიგენის რაიონის წახნის სატყეო უბანში. უფროსი მფრინავი პეტრე ნასიკოვსკი აცხადებს, რომ სიტუაცია კონტროლირებადია, მაგრამ სამუშაოები ჯერ კიდევ უნდა გაგრძელდეს: 

[ნასიკოვსკის ხმა] "ყველაფერი დამოკიდებულია იმ ნაწილზე, სადაც იყო ხანძარი. იქ, სადაც ტყე იწვოდა, აღარაფერია დარჩენილი, ახლაც 2 ძირითადი კერაა. მთავარი ის არის, რომ ბალახს უკიდია ცეცხლი, რომელსაც მე ვერ ვხედავ, იმიტომ რომ არ ჩანს, და შემდეგ ახალ ადგილას მოულოდნელად აალდება. როდის ჩაქრება, ამის წინასწარ თქმა ძნელია, ჯერ კიდევ საჭიროა საქმის კონტროლირება."

უკვე განვლილ დღეებს მოსახლეობაც და ხელისუფლების წარმომადგენლებიც მშვიდად იხსენებენ, თუმცა ერთხმად აღიარებენ, რომ აბასთუმანს სერიოზული საფრთხე ემუქრებოდა. ვითარება განსაკუთრებით ხანძრის გაჩენიდან მეოთხე დღეს გართულდა, მაშინ, როცა ქარმა მიმართულება შეიცვალა და ცეცხლი დასახლებულ პუნქტს მიუახლოვდა. მეტყევე ნოდარ ლოლაშვილი შექმნილ ვითარებას ასე აღწერს:

[ლოლაშვილის ხმა] "საშიშროება ახლა უკან, ახალციხის მხარეს, დააწვა. ქარის მიმართულება შეიცვალა. ახლა რომ შეიცვალოს ვითარება და აქეთ წამოვიდეს, დღესვე ემუქრება აბასთუმანს. ძალიან ცუდი სიტუაციაა, არ ჩანს, ბურუსია, ხეობა არის ბურუსით მოცული, ზემოდანაც ვერ აკონტროლებენ, ისეთი მძიმე სიტუაციაა. აბასთუმნის მხარე უნდა გადაიკეტოს, პირველ რიგში, იქ უნდა მივცეთ კოორდინატები. ყველაზე ნაღდი ეგაა, აქეთ უნდა დავიცვათ, თორემ მაქეთ კიდევ რაცხა ეშველება. იქეთ მინდორზე გავა, სახანძროებით ჩავაქრობ. იქეთ ტყე-პარკზე გავა, მიმდგარია უკვე."(სტილი დაცულია)

მძიმე ვითარების გამო აბასთუმანში საქართველოს პრეზიდენტი ჩავიდა. მიხეილ სააკაშვილი გაწეულ დახმარებაზე საუბრობს:

[სააკაშვილის ხმა] "ჯერ ერთი, ზარალი, რომელიც მოგვაყენა ამ ცეცხლმა... მაგრამ ბევრად უარესი შეიძლება ყოფილიყო. ყველაზე საუკეთესო საჰაერო ძალები ცეცხლის ჩაქრობაში ჰყავს თურქეთს. ასევე დაგვეხმარნენ თურქები 2004 წელს, როდესაც ჩვენ მივმართეთ თხოვნით. კარგი კომბინაცია, ძალიან კარგი თანამშრომლობაა ბრიტანელების და თურქების. ბრიტანელებს აქვთ დიდი გამოცდილება ცეცხლის ჩაქრობის. ისინი აძლევენ კოორდინატებს, თურქები აქრობენ."

მდგომარეობის გართულებას რეგიონში შინაგან საქმეთა მინისტრის ვიზიტიც მოჰყვა. პრეზიდენტმა ვანო მერაბიშვილსა და დავით ტყეშელაშვილს დავალებები მისცა. მინისტრები ხალხში გავიდნენ.

[მერაბიშვილი და ხალხი] "ნაშველები არა ხართ, ხალხო? კარგი ამინდია, გრილა, მთელ საქართველოში ცხელა. ყველაფერი კარგად არის. არაფერი პრობლემა არ არის. თუ რამე იქნება, გეტყვით." 
"არ დავიწვათ, მაგის გვეშინია, ჩვენებური კაცი ხარ, სიმართლე გვითხარი." 
"თუ ვინმე გეტყვით საშიშიაო, უთხარით, რომ პროვოკატორი ხარო." 
"უი, მაგას რა სჯობია, შენ გაიხარე, ჩვენებური კაცი ხარ, ჩვენებური." 
"ამ დასახლებას საფრთხე არ ემუქრება. მე აქა ვარ. სანამ არ ჩაქრება, არ წავალ." 
"რომ ჩამოვიდეს, მერე რა ვქნათ?" 
"აქა ვარ, არსად არ მივდივარ."(სტილი დაცულია)

დასახლებული პუნქტისკენ ხანძრის გაძლიერებას, ბრიტანელი ექსპერტების დასკვნებით, თავიდანვე გამორიცხავდა საგანგებო შტაბი. დავით ტყეშელაშვილმა ბუნებრივ პირობებზე ისაუბრა:

[ტყეშელაშვილის ხმა] "აქ არის კლდოვანი მასივი, იმ მიმართულებით, რაზეც საუბრობთ, რომელიც აუცილებლად გააჩერებს ამ ხანძარს ბუნებრივად. ჩვენთან აქ მუშაობენ ინგლისელი ექსპერტები, რომლებისგანაც ვღებულობთ მიწიდანაც და ჰაერიდანაც აბსოლუტურად ზუსტ დასკვნებს. ხედავთ, რა ტემპერატურა არის?! პრაქტიკულად ისიც უნდა ვიცოდეთ, რომ ეს არის ყველაზე დიდი ხანძარი, რომელიც ყოფილა უკანასკნელი 20 წლის განმავლობაში საქართველოში."(სტილი დაცულია)

20 აგვისტოს ხანძრის ჩაქრობის გამო შტაბის წევრებმა სახელდახელო კონცერტი გამართეს და, 600 ჰექტარზე მეტი გადამწვარი ტერიტორიის მიუხედავად, განაცხადეს, რომ აბასთუმანი აღმავლობის გზას ადგას. საქართველოს საგარეო სამინისტრომ განსაკუთრებული მადლობა თურქეთის რესპუბლიკას, უკრაინის მთავრობასა და ბრიტანულ კომპანიას გადაუხადა. ასევე აღნიშნა, რომ გერმანიის, რუსეთისა და ავსტრიის მთავრობების მადლიერია მათი მხრიდან გამოხატული მზადყოფნის გამო. საქართველოს მთავრობა ხანძარსაწინააღმდეგოდ საჭირო რეზერვუარების შესყიდვის საკითხს განიხილავს.



 ახალი ამბები
  • ირაკლი კუჭავა წიფნარის, ბურნათისა და კოხნარის სოფლების ამომრჩეველს შეხვდა (R)„ქართული ოცნება - დემოკრატიული საქართველოს“ მერობის კანდიდატი ჩოხატაურის მუნიციპალიტეტში ირაკლი კუჭავა წიფნარის, ბურნათისა და კოხნარის სოფლების ამომრჩეველს შეხვდა.  მერობის კანდიდატმა მოსახლეობას სამოქმედო გეგმები გააცნო და მიმდინარე ინფრასტრუქტურულ პროექტებზე ისაუბრა. „მიუხედავად იმისა, რომ ბოლო სამი წლის განმავლობაში მუნიციპალიტეტში საგზაო ინფრასტრუქტურა წესრიგდება, ამ მიმართებით სამუშაო ჯერ კიდევ ბევრია, მოსაწესრიგებელია შიდასასოფლო გზები“, - აღნიშნა მან. ირაკლი კუჭავამ ყურადღება გაამახვილა გაზიფიცირების საკითხზეც. „ჩვენ ინტენსიურად ვმუშაობთ, საქართველოს მთავრობასთან, გაზის ტრანსპორტირების კომპანიასთან და ინვესტორ კომპანია „სოკართან“. შედეგად, ხუთი სოფლის გაზიფიცირება გასულ წელს დამთავრდა, ექვს  სოფელში სამუშაოები მიმდინარეობს. უახლოეს სამ წელიწადში მუნიციპალიტეტის ყველა სოფელი გაზიფიცირებული იქნება“, - განაცხადა მერობის კანდიდატმა. ამასთან, ირაკლი კუჭავამ კოხნარის თემის ამომრჩეველს მაჟორიტარობის კანდიდატი ენვერ ახალაძე წარუდგინა. ... ...
  • ფოთის მერობის კანდიდატი ნინოშვილის ქუჩის მოსახლეობას შეხვდა (R)პარტია „ქართული ოცნება დემოკრატიული საქართველოს“ ფოთის  მერობის კანდიდატი გოჩა კურდღელია მალთაყვის უბანში  საკრებულოს დეპუტატობის კანდიდატ ბექა ვაჭარაძესთან ერთად, ნინოშვილის ქუჩის მოსახლეობას შეხვდა. „21 ოქტომბრის არჩევნები გადაწყვეტს ჩვენი ქალაქის განვითარების ბედს მომავალი ოთხი წლის  განმავლობაში. ჩვენი ურთიერთობები უნდა იყოს რეგულარული და შედეგებზე ორიენტირებული. მუდმივი კომუნიკაცია მოგვცემს იმის საშუალებას, სწორად განვსაზღვროთ საჭიროებები, რომლებიც თითოეულ თქვენგანს უკეთეს პირობებს შეუქმნის“, _ მიმართა შეხვედრის მონაწილეებს გოჩა კურდღელიამ. მისივე თქმით, ადგილობრივი თვითმმართველობის არჩევნებში მოქალაქეების აქტივობა და „ქართული ოცნების“ გამარჯვება თითოეული მოქალაქის გამარჯვებას ნიშნავს.  ... ...
  • წაღვერის ტყეში გაჩენილი ცეცხლის ჩაქრობის სამუშაოებში მესამე ვერტმფრენი ერთვებაარჯევანიძეების ტყეში გაჩენილ ხანძარს მეორე დღეა, მაშველები უშედეგოდ ებრძვიან.ქარის გამო იმატა დაკვამლიანებამ, რაც ხილვადობას და საჰაერო აპარატების მუშაობას ართულებს, თუმცა ხანძრის სალიკვიდაციო სამუშაოები ინტენსიურ რეჟიმში მიმდინარეობს. ინფრასტრუქტურის მინისტრის ზურაბ ალავიძის განცხადებით, დაბა წაღვერში, მთის ფერდობზე, არჯევანიძის ტყეში გაჩენილი ხანძრის ჩაქრობის პროცესში აზერბაიჯანის ვერტმფრენი ჩაერთვება.„მოსახლეობას საბედნიეროდ, არანაირი საფრთხე არ ემუქრება, საკმაოდ მოშორებითაა მოსახლეობისგან. ცოცხალი ძალა და ტექნიკა მუშაობს. იმედი გვაქვს, რომ საღამოს უკეთესი მდგომარეობა უნდა გვქონდეს. პლუს მეზობელი ქვეყნებიდან ვერტმფრენები გვეხმარებიან - აზერბაიჯანიდან უკვე წამოსულია და კიდევ ვაწარმოებთ მოლაპარაკებებს. ხვალ იმედი გვაქვს, რომ გაცილებით უკეთესი მდგომარეობა გვექნება და ლოკალიზებას მოვახდენთ, თუკი რაიმემ ხელი არ შეგვიშალა, რადგან დამოკიდებულები ვართ მაინც ქარსა და ბუნებრივ პირობებზე“, - განაცხადა ალავიძემ.ადგილზე მუშაობს საგანგებო ... ...
  • ფაროსანას საწინააღმდეგო პრეპარატი, პირველ რიგში, ციტრუსოვანი პლანტაციებისთვის დარიგდებაგურიის სამივე მუნიციპალიტეტის მოსახლეობისთვის ფაროსანას საწინააღმდეგო ბიფეტრინის ჯგუფის შემცველი შესაწამლი ნივთიერების _ „ისაკარის“  გაცემა  დღეიდან იწყება.    სურსათის ეროვნული სააგენტოს გურიის რეგიონული ცენტრის ინფორმაციით, ეს წამალი, სახელმწიფო შეკვეთის თანახმად (52 ტონა) თურქეთში დამზადდა.  დღეისთვის  შემოტანილია 38 ტონა და ეს მთლიანად ლანჩხუთის და ოზურგეთისთვის გაიცემა და ძირითადად ციტრუსოვანთა ნარგავებისკენ იქნება მიმართული. ამ დღეებში კიდევ შემოვა 14 ტონა და ეს მთლიანად ჩოხატაურის მუნიციპალიტეტისთვის გაიცემა. ოზურგეთის მუნიციპალიტეტში დღეს ექვსი სოფლის წარმომადგენლები პრეპარატს გაიტანენ. ეს არის  ციტრუსოვანთა სოფლები: შრომა, კონჭკათი, ნატანები,  თხინვალი, მერია და  ურეკი. თითოეული კომლისთვის გათვალისწინებულია ერთი ლიტრი წამალი,  ერთი ცალი ფერომონი,  შესაბამისი ინსტრუქტაჟით. ოზურგეთის მუნიციპალიტეტში,  გუშინ,  შეხვედრა შედგა დაბა  ნასაკირალის მოსახლეობასთან, დღეს კი  სოფლებში _  შრომასა  და ნატანებში შეხვდებიან  ადგილობრივებს. ეს გეგმიური შეხვედრები განრიგის მიხედვითაა დადგენილი და სექტემბრის ბოლომდე დასრულდება, _ გვითხრეს სეს-ის გურიის რეგიონულ ცენტრში. რეგიონული სამსახურის გამოცდილი სპეციალისტი ლალი  გოგუაძე „გურია ნიუსთან“ განმარტავს, რომ ყოველდღიურად  სოფლებში, მოსახლეობასთან შესახვედრად დადიან.  _ მოვუწოდებთ მოსახლეობას, გააქტიურდნენ. ყველა სოფლის გამგებელმა საგანებო ტრენინგი გაიარა  ამ თემაზე. ადგილობრივ მოსახლეობას შეუძლია მიმართოს მუნიციპალიტეტის გამგებლის წარმომადგენელს, დარეკოს ცხელ ხაზზე. საინფორმაციო ბუკლეტები მიწოდებულია ყველა სოფელში, ტრიალებს ვიდეორგოლები. ჩვენ შაბათ-კვირასაც დღის ბოლომდე  ვმუშაობთ ყველა სოფლის მიმართულებით. საგრძნობლად გააქტიურდა მოსახლეობა,  მაგრამ ეს არ  კმარა. ფაროსანა, როგორც ველოდით, ცდილობს ციტრუსზე გადასვლას. ამიტომ  სასწრაფოდ უნდა შეიწამლოს. რაც შეეხება ყურძენს და სხვა ხილს, რომელიც 20 დღის განმავლობაში უკვე  მოსაკრეფია, არ შეიძლება შეწამვლა, კიდევაც რომ შევნიშნოთ მასზე მავნებელი. ერთი ლიტრი შესაწამლი პრეპარატი, რომელიც თითოეულ კომლს გადაეცემა, ჰყოფნის ორ ჰექტრამდე ფართობს. ერთი  ჰექტრისთვის საკმარისია 600 გრამი. მოვუწოდებ ყველას, აქტიურად დაგვიდგნენ გვერდით, შეუძლებელი არაფერია. გავითავისოთ, რომ ძალზე საშიში  მავნებელი მოგვადგა კარს და ემოციების გარეშე ვიმოქმედოთ, _ გვითხრა ... ...
  • 1 აშშ დოლარის ღირებულება 2.4804 ლარი გახდაეროვნულმა ბანკმა დღეს გამართული ვაჭრობით ლარის ახალი გაცვლითი კურსები დაადგინა. ეროვნული ბანკის მიერ გამოქვეყნებული მონაცემების თანახმად, 1 აშშ დოლარის ღირებულება 2.4804 ლარი გახდა. კურსი, რომელიც დღეს მოქმედებდა 2.4808 ლარი იყო. დოლარის ცვლილებამ ეროვნული ვალუტის მიმართ 0.0004 ლარი შეადგინა. 1 ევროს ღირებულება 2.9708 ლარი იქნება. კურსი, რომელიც დღეს მოქმედებდა 2.9546 ლარი იყო. ევროს ცვლილებამ ეროვნული ვალუტის მიმართ 0.0162 ლარი შეადგინა. დღევანდელი ვაჭრობის შედეგად მიღებული კურსები ხვალიდან, შევა ... ...

არქივი

ზაფრანი

უძილობის სასარგებლო თვისება

ამერიკელმა ფსიქოლოგებმა დაადგინეს, რომ უძილობას, ადამიანის...

წყალქვეშა კონცერტი

ჩინურმა ანსამბლმა "ოკეანის ბენდი", საზოგადოების...

შინაური ვეფხვი ტომი

ბრაზილიის სამხრეთის პატარა ქალაქ მარინგის...

როგორ გავააქტიუროთ ტვინი

ფრანგმა მეცნიერებმა დაადგინეს, რომ ბავშვები,...

შეუცვლელი არაფერია

იმის მაგივრად, რომ დაითვალოთ კალორიები,...

„დიდი ოჯახი“

სამხრეთაფრიკელი ცოლ-ქმარი ჰეინი და კიმი...
კარმიდამო ჩემი

წაბლის სამკურნალო თვისებები

XIX საუკუნეში მეცნიერებმა ცხენის წაბლის...

მკურნალი ბუნება

ბროწეული არის "ზარმაცი" ნაწლავების მასტიმულირებელი...

"პენსიონერი მებაღე" კავშირი თვითწოდებასა და თვითრეალიზაციას შორის

ოზურგეთში, რუსთაველის ქუჩაზე მცხოვრებ სურგულაძეების...

ტუნგის ხე და ერთწლიანი ნერგების გადარგვის ვადები

ბოლო წლების განმავლობაში, სოფლის მეურნეობის...

რა სამუშაოები უნდა ჩავატაროთ შემოდგომის დასაწყისში

აგვისტოს ბოლოს, ბოსტნებში ზოგი ნათესი...

სანაკელის მოწყობა და ნაკელის შენახვის საუკეთესო წესები

ნაკელი მცენარისთვის საჭირო ყველა საკვებ...

როგორ მოხდება ღორების რეგისტრაცია

საქართველოს მთავრობამ მიიღო დადგენილება ღორის...

აზიური ფაროსანა სიმინდის ყანებს შეესია

მიუხედავად იმისა, რომ ივლისში გურიის...

წყალმცენარეები აკვარიუმისთვის

ჩვენს ირგვლივ ბევრს მოსწონს და...

სოკოს რაგუ წიწილის ხორცით

მომზადების წესი: ორი მოზრდილი თავი...


მიდიხართ თუ არა ადგილობრივი თვითმმართველობის არჩევნებზე?