მოცვის კორომებით მოფენილი ტყეები

კარმიდამო ჩემი

მოცვის კორომებით მოფენილი ტყეები

30 ოქტ. 2011, 12:23:01
"საქართველოში, ეპიდემიასავით, შიგადაშიგ, რაღაცის ისეთი ბუმი იფეთქებს ხოლმე, კაცი იფიქრებ, ნეტა, ამ ყოფისა საერთოდ არაფერი გამეგებოდეს, ან ბეჟანასავით სულ სიყვარულზე ვმღეროდე და ჭკუამხიარულობის გარდა, ბევრი არაფერი მადარდებდესო", _ ასე დაიწყო საუბარი ერთმა ჩვენმა სტაჟიანმა მკითხველმა რეზო ჩხაიძემ და ჩვენს ქვეყანაში მოცვის გაშენების ხმაურიან კამპანიაზე გაამახვილა ყურადღება.

_ კარგია, კარგი საქმე თუ გაკეთდება, მაგრამ როცა გაცილებით მნიშვნელოვანი პრობლემები გადაუჭრელი რჩება, განსაკუთრებით, სოფლის მეურნეობაში, ის მაინც თუ იცის ჩვენმა სოფლის მეურნეობის მინისტრმა, მოცვის უნიკალური ჯიშების რამდენი სახეობა არსებობს საქართველოში და ჩვენი მოსახლეობა კარგადაც რომ იყენებს მას? თუ მოცვის პლანტაციების გაშენება სურს ვინმეს, ჩვენს ტყეებში ოდითგან მოშენებულს რომ მივხედოთ და ტყეც უფრო დავამშვენოთ და ჩვენი კარ-მიდამოც, განა ნაკლები ხარჯი და მეტი ინტერესი არ იქნება? _ ამბობს ბატონი რეზო.

"კარმიდამო ჩემი", მოცვის ბუმის ფონზე, დაინტერესდა, აქვს თუ არა ჩვენს მთა-ბარში გავრცელებული ადგილობრივი ჯიშის მოცვთან შეხება მოსახლეობას, როგორ და რისთვის მოიხმარენ მას და ზოგადად, რა შეუძლიათ თქვან მოცვის სიკეთეზე. პირადად ჩემთვის, მოულოდნელი აღმოჩნდა ოზურგეთის მუნიციპალიტეტის სოფელ ჭანიეთში მცხოვრებ ნაზი მახარაძის კუთვნილ საკარმიდამო ნაკვეთზე გაშენებული მოცვის კორომის არსებობა, რომლის ნაყოფი ახლა მწიფობის ფაზაშია და ქალბატონი ნაზის ქალიშვილი მაია მამალაძე, როგორც თავად ამბობს, საგულდაგულოდ კრეფს, რადგან ცოტა დაგვიანების შემთხვევაში, ნაყოფი ცვენას დაიწყებს და ურჩევნია, დამწიფებული ნაყოფი ნაწილ-ნაწილ მოაგროვოს და ასე გამოიყენოს საჭიროებისამებრ.

ნაზი მახარაძის საკარმიდამოს გარკვეულ მონაკვეთზე მდებარე ტყის მოზრდილ ნაწილს მოცვის კორომი შერევია. როგორც ამბობს, რაც თავი ახსოვს, ეზოში მოცვის ბუჩქებიც ხარობს და სულ ცოტა, წელიწადში ორჯერ, შესანიშნავ ნაყოფს კრეფს. აგრეთვე, ყოველთვის ამზადებს მოცვის ჩაის, რომელიც შესანიშნავი სამკურნალო საშუალებაა არა ერთი დაავადებისას და ჯანმრთელისთვისაც შესანიშნავია.

_ რაც შეეხება ნაყოფს, მისგან ნაყენის, მურაბის თუ კომპოტის გარდა, გემრიელი ღვინოც დაგვიყენებია, _ ამბობს ქალბატონი ნაზი, _ არ მგონია, ამაზე უფრო სასარგებლო, სამკურნალო თუ არომატული, ვინმემ რაიმე მოაშენოს.

ნაზი მახარაძემ გვიამბო ისიც, რომ მას, ჯერ კიდევ ბავშვობაში, ბებია-ბაბუის პერიოდიდან ახსოვს საკუთარ ვრცელ ეზო-გარემოში მოცვის უამრავი ბუჩქი, რომლის აჭრა ან გადათხრა არასოდეს უფიქრია:

_ ამაზე უკეთესს რას დავრგავ? ადგილს დიდს არ იკავებს, სხვა ხეებს არ ჩრდილავს და თვითონ მშვენივრად ეგუება "ქოლგის" ქვეშ ყოფნას, ამ მხრივ იგი უწყინარი მცენარეა _ არაფერს არ გთხოვს, თავისით გწვევია და აქეთ გაძლევს შესანიშნავ ნაყოფს. ჩვენი ტყეები სავსეა ასეთი ორმოსავლიანი მოცვის ბუჩქებით. უბრალოდ, მოვლა სჭირდება, მზრუნველი ხელი თუ ეკალ-ბარდს შემოაცლის, ნახავენ ახალი პლანტაციების გაშენების მსურველნი, რომ თურმე, უკვე ჰქონიათ მოცვის კორომებით მოფენილი ტყეები.




 ახალი ამბები
  • ორი გარდაცვლილი და ერთი დაშავებული - ძლიერი ავარია ხობშიორი ადამიანი გარდაიცვალა და ერთი მძიმედ დაშავდა ხობის მუნიციპალიტეტში, სოფელ ჭალადიდში მომხდარი ავტოსაგზაო შემთხვევის შედეგად. თვითმხილველების ინფორმაციით, მერსედესის მარკის ავტომობილის მძღოლმა,სავარაუდოდ,საჭე ვერ დაიმორჩილა, გზის სავალი ნაწილიდან გადავიდა და ხეს შეეჯახა. რაც შეეხება დაშავებულს,იგი ამ დროისთვის ფოთის საავადმყოფოში გადაიყვანეს. შსს-მ გამოძიება სსკ-ის 276-ე მუხლით ... ...
  • ნიკა გვარამია კრიმინალურ პოლიციაში დაიბარეს"მთავარი არხის" დირექტორი, ნიკა გვარამია კრიმინალურ პოლიციაში დაიბარეს. მისი ადვოკატი, დიმიტრი საძაგლიშვილი რადიო თავისუფლებას ეუბნება, რომ ის 19 წლის ფეხბურთელის, გიორგი შაქარაშვილის გარდაცვალების საქმეზე დაიბარეს. საძაგლიშვილი ასევე აცხადებს, რომ გვარამია 17 საათზე დაიბარეს, თუმცა ის უწყებაში არ მივა. ადვოკატი განმარტავს, რომ გვარამია მზად არის მოსამართლის თანდასწრებით გამოკითხვას დათანხმდეს. 19 წლის ფეხბურთელის, გიორგი შაქარაშვილის გარდაცვალების საქმეზე, გამოძიება უკვე 4 მუხლით მიმდინარეობს: თავისუფლების უკანონოდ აღკვეთის, ძალადობის, ჯგუფური ძალადობის ორგანიზების და ჯგუფურად განხორციელებული განზრახ მკვლელობის მუხლებით. საქმეზე 17 პირს აღკვეთის ღონისძიების სახით პატიმრობა აქვს შეფარდებული. ისინი ბრალს არ აღიარებენ. წყარო: რადიო ... ...
  • ავარია ქვაბღასთან _ როგორია დაშავებულების მდგომარეობაბახმაროსკენ მიმავალ გზაზე, ქვაბღასთან, ავტომობილი, რომლითაც 6 ადამიანი, მათ შორის 8 თვის ბავშვი მგზავრობდა, ხიდიდან გადავარდა. დაშავებულები ჩოხატაურის სამედიცინო ცენტრებში გადაანაწილეს, რომელთაგან 1-მა კლინიკა ამ დროისთვის უკვე დატოვა, 1 დაშავებული კი ქუთაისში გადაიყვანეს. ჩოხატაურის მუნიციპალიტეტის მერის წარმომადგენლის თანაშემწის ნაბეღლავის ადმინისტრაციულ ერთეულში, ნოდარ ირემაძის ინფორმაციით, დაშავებულები ჩოხატაურელები არიან. „ავტოკატასტროფა მოხდა ღამით. მოხდა სწრაფი რეაგირება. შემთხვევის ადგილას იმყოფებოდა სამაშველო სამსახური. სასწრაფომ დაშავებულები გადაიყვანა საავადმყოფოებში. ცალკე წაიღეს ავტომობილი.   ავტოსაგზაო შემთხვევის შედეგად ჩოხატაურელები დაშავდნენ“,_ ამბობს ირემაძე. ჩვენს კითხვაზე, ხშირია თუ არა ავტოსაგზაო შემთხვევები გზის ამ მონაკვეთზე, ნოდარ ირემაძე გვპასუხობს, რომ გზა აღნიშნულ მონაკვეთზე კარგია და არც ავარიები ხდება ხშირად. „წელს ეს პირველი ავტოსაგზაო შემთხვევაა ამ ტერიტორიაზე. გზა ძალიან კარგია. მთავარია, მძღოლი იყოს ყურადღებით. რას უკავშირდება მომხდარი ავტოსაგზაო შემთხვევა, არ ვიცი“,_ გვპასუხობს ირემაძე. 6 დაშავებულიდან 2 _ მამაკაცი და ქალი "ჯანმრთელობის სახლ გურიაში“ გადაიყვანეს. კლინიკის მთავარი ექიმი თემურ კოროშინაძე: „ჩვენთან შემოიყვანეს 2 დაშავებული პიროვნება 1 მამაკაცი და 1 ქალი. მამაკაცს ჰქონდა ყბის ძვლის მოტეხილობა და გადაგზავნილი იქნა ქუთაისში ქირურგიული ჩარევისთვის. ქალს ტვინის შერყევა და ნეკნის მოტეხილობა აღენიშნება“,_ გვითხრა კოროშინაძემ. 4 დაშავებული, მათ შორის 8 თვის ბავშვი ჩოხატაურის სამედიცინო ცენტრ "მედალფაში" შეიყვანეს. „მედალფას“ დირექტორის, ანტონ ხუნდაძის თქმით, დაშავებულების სიცოცხლეს საფრთხე არ ემუქრება. 1 პაციენტი უკვე გაწერეს და 2 დღეში დანარჩენებიც დატოვებენ კლინიკას. „4 დაშავებული შემოიყვანეს ჩვენს კლინიკაში, 1 _ უკვე გავწერეთ და 3 _ რჩება. მათ სიცოცხლეს საფრთხე არ ემუქრება. ჩვენთან დაკვირების ქვეშ არის 8 თვის ბავშვიც. სერიოზული დაზიანებები არ აღენიშნება და 2 დღეში მასაც გავწერთ“, _ ამბობს ... ...
  • ნაპირზე ტანსაცმელი იპოვეს- რიონში დასაბანად შესულ 72 წლის კაცს ეძებენსამტრედიის შესასვლელში, აღმაშენებლის ქუჩის მიმდებარედ, მდინარე რიონის ნაპირზე 72 წლის როლანდ თვალაბეიშვილის ტანსაცმელი იპოვეს. მისი შვილის, ჯონი თვალაბეიშვილის განცხადებით, მამა გუშინ, დაახლოებით 16:00 საათზე გავიდა სახლიდან მდინარე რიონზე, დასაბანად. დღეს დილიდან უკვე მიმდინარეობს მდ. რიონზე საძიებო ღონისძიებები. ადგილზეა სამტრედიის და ქუთაისის როგორც ქვეითი, ასევე სამაშველო ჯგუფები საფრენი აპარატი დრონით და განსაკუთრებულ სიტუაციებზე რეაგირების მყვინთავთა ჯგუფი, წყალზე საძიებო სკანერი "ექოლოტით" აღჭურვილი გასაბერი და მოტორიანი ნავებით. ადგილზე იმყოფება მუნიციპალიტეტის მერი ვალერი ... ...
  • შაქარაშვილის საქმე- დამამძიმებელ გარემოებებში ჯგუფურად განხორციელებული განზრახ მკვლელობა გიორგი შაქარაშვილის გარდაცვალების საქმეზე ექსპერტიზის დასკვნის შემდგომ უკვე არსებულ კლასიფიკაციას  დაემატა დამამძიმებელ გარემოებებში ჯგუფურად განხორციელებული განზრახ მკვლელობა, დანაშაული გათვალისწინებული საქართველოს სისხლის სამართლის კოდექსის 109-ე მუხლის მე-2 ნაწილის „ე“ ქვეპუნქტით და გამოძიება გიორგი შაქარაშვილის გარდაცვალების ნაწილში წარიმართება აღნიშნული კვალიფიკაციით. შეგახსენებთ, რომ ფეხბურთელი მცხეთაში, დაბადების დღის აღსანიშნავ წვეულებაზე წავიდა, შემდეგ კი გაუჩინარდა. მაშველებმა მის ცხედარს რამდენიმე დღიანი ძებნის შემდეგ მდინარეში მიაგნეს. "ექსპერტიზის დასკვნის თანახმად, გიორგი შაქარაშვილის სიკვდილის მიზეზია ასფიქსია წყალში დახრჩობით. ამავდროულად, გიორგი შაქარაშვილის ცხედარზე აღინიშნება სიკვდილის წინა ახლო პერიოდში მკვრივი-ბლაგვი საგნის მოქმედებით მიყენებული, სიცოცხლისდროინდელი დაზიანებები შუბლის/თავის, ორივე თვალბუდის, ზედა და ქვედა ტუჩის მიდამოებში, მარჯვენა იდაყვის სახსრისა და მარჯვენა წინამხრის მიდამოებში, აგრეთვე მუცლის, საზარდულის, ბოქვენის, წელისა და ორივე დუნდულოს მიდამოებში. ექსპერტიზის დასკვნის მიხედვით, აღნიშნული დაზიანებები, იზოლირებულად აღებული, ატარებენ სხეულის დაზიანებათა მსუბუქი ხარისხის ნიშნებს“, - ნათქვამია პროკურატურის ... ...

არქივი

ტესტები

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...