"წინაპრებს ჩემსას ჰყვარებიათ ლარების ჟღერა"

კარმიდამო ჩემი

"წინაპრებს ჩემსას ჰყვარებიათ ლარების ჟღერა"

4 მარ. 2015, 20:14:28

საქართველოს ყველა კუთხეში ფანდურს ოდითგან განსაკუთრებული მოკრძალებით ეპყრობოდნენ. უმისოდ არ არსებობდა ლხინი და და ბედნიერება, ხოლო ცალკეულ ოჯახებში, კედელზე საგანგებოდ გაკრულ ფარდაგზე, თვალსაჩინო ადგილზე ფანდური ეკიდა. საგმირო თუ სატრფიალო სიმღერები, მართალია, ხშირად სხვადასხვანაირი მელოდიით, მაგრამ მაინც ერთნაირი ლირიზმით ისმოდა მთელ საქართველოში. დროთა დინებამ ფანდურს ვერც ხმა გაუხუნა და ვერც დანიშნულება წაართვა, მიუხედავად სხვადასხვა დროს სხვადასხვანაირი მიდგომებისა.

_ ფანდურზე სიმღერა ღირსებაა, მაგრამ ფანდურის სათანადოდ გამოთლა ისე, რომ ხმის ჟღერადობა ქართული ჰანგის შესაფერი იყოს, უფრო დიდი საქმეა, _ მიიჩნევს ოზურგეთის მუნიციპალიტეტის სოფელ წითელმთის მკვიდრი, ხუთი შვილის მამა მალხაზ კუჭუხიძე.

იგი არც ისე დიდი ხანია, რაც ფანდურების გამოთლის ხელოვნებას ეზიარა. თავდაპირველად ამ სამსიმიანი სააკომპანიმენტო საკრავის რეალიზაციას ოჯახში თავად ახდენდნენ. იბარებდნენ სხვისგან, შემდეგ კი ჰყიდნენ. ეს მათი მცირე ბიზნესის შემადგენელი ნაწილი იყო.

ხუთი შვილის მამას, უფროსმა ვაჟმა, გიორგიმ შესთავაზა, ეცადათ, თავად გამოეთალათ ფანდური. მით უფრო, ოჯახში ყველა მღერის და მხოლოდ ბიზნესის კეთების სურვილით ნაკარნახევი არ იყო ეს განწყობა. სცადეს და გამოუვიდათ. ახლა, ტყუპისცალი სოსიკო კუჭუხიძე, მამაზე უკეთ დახელოვნებული, საქმეს ღიღინით აკეთებს და მამასავით სიტყვაძუნწი, თვალებით სახელოსნოს კედლისკენ მიგვანიშნებს, სადაც ფანდურების გამოფენაა. ერთ რიგში განლაგებულ ფანდურებს, ცოტაღა რომ უკლია დასრულებამდე, "შესვენების ჟამი" უდგას.

_ ჩემი სამუშაო იარაღებია ხის ჩაქუჩი და სპეციალური რკინის სატეხი, მორჩა, სულ ეგ არის! რთულია მხოლოდ ხელით მუშაობა. საგულდაგულო სიზუსტეს მოითხოვს თითოეული დეტალი _ ფანდურის კორპუსი, ტარი და სხვა დამხმარე ნაწილები ცალ-ცალკე კეთდება. სიმებად, ძირითადად, გიტარის ძაფს ვხმარობთ. უკვე თბილისშიც გვყავს კლიენტურა. ძირითადად, ქრომატიულ ფანდურებს ვამზადებთ, ხალხური ფანდურის შეკვეთა უფრო ნაკლებად გვაქვს, _ ამბობს მალხაზ კუჭუხიძე და კიდევ ერთი ჩანაფიქრის შესახებ გვიმხელს _ სურთ, სალამურიც გათალონ.

"წინაპრებს ჩემსას ჰყვარებიათ ლარების ჟღერა, მაღალ ხევსურეთს ფანდურები თალეს მთებური" _ უნებურად გახსენდება მირზა გელოვანი და მისგან ნახსენები შინდის ხისგან გათლილი ვაჟას ფანდური... მასპინძელს ლექსი ეცნო და საკუთარი სათქმელი გააგრძელა:

_ პალმონიისგან ვთლი ფანდურებს, თუთაც შესანიშნავია, თუმცა, დიდი რაოდენობით არ მოიპოვება. ამიტომ ამ მცენარის მასალის ყიდვას ვამჯობინებთ, კარგ ხმას გამოსცემს, ჟღერადობა არ აკლია. დოლებსაც ვამზადებთ. სალამურის გაკეთება არ გვიცდია და ახლა უნდა მოვახერხოთ, _ ამბობს ბატონი მალხაზი და მოკრძალებით საუბრობს წინაპართა დიდ ტრადიციებზე ხალხური საკრავების მიმართ დამოკიდებულებაში. იხსენებს ფოლკლორისტ იური ჩიხლაძეს, რომელმაც მის შვილებს ფანდურზე დაკვრა ასწავლა.

_ ეს დიდი სიყვარულიც, რასაც ფანდურთან სიახლოვე ჰქვია, მისგან გადმოგვედო. სამწუხაროდ, ის ნაადრევად წავიდა ამ ქვეყნიდან, თუმცა, არა ერთ თაობას უსაზღვროდ შეაყვარა ხალხური ჰანგი, ხალხური საკრავი. ამის ერთი თვალსაჩინო დასტური ჩემი ოჯახია, ჩემი ხუთი შვილი. ამაზე დიდი ბედნიერება რამ ან ვინ უნდა მოგანიჭოს, ვის შეუძლია ასე დიდი საქმე აკეთოს, რაც იური ჩიხლაძემ შეძლო?! მის ხსოვნას მეტი პატივი უნდა მივაგოთ, _ სინანულით ამბობს ბატონი მალხაზი...

24 წლის გიორგი, 23 წლის თეონა, 21 წლის ტყუპი_ სოსიკო და ვერიკო, 6 წლის იოანე და სანაქებო მეუღლე ნანა კუჭუხიძე, და კიდევ.... უამრავი გაკეთებული და გასაკეთებელი ფანდური... გალობენ შვილები, საქმიანობს მთელი ოჯახი, ფუსფუსებს თავდაუზოგავ შრომაში ჩაფლული დედა და ხარობს დიდ ოჯახი, მრავალი ჯიშის ვაზის ტალავერი თანაზიარი სიხარულით რომ გადმოხურვია ოდის ფასადს. უერთმანეთობა წუთით არ უღირთ, თითქოს...

დიდხანს ისმოდეს ლარების ჟღერა კუჭუხიძეთა მგალობელ ოჯახში!




 ახალი ამბები
  • როგორი ამინდია მოსალოდნელი უახლოეს დღეებშიგარემოს ეროვნული სააგენტოს ინფორმაციით,  28-30 სექტემბერს დასავლეთ საქართველოში შენარჩუნებული იქნება თბილი და უმეტესად უნალექო ამინდი. ზოგან იქროლებს აღმოსავლეთის მიმართულების ძლიერი ქარი. ჰაერის ტემპერატურა +27, +32 გრადუსის ფარგლებში იქნება. 1 ოქტომბერს გაწვიმდება, ტემპერატურა +23, +28 გრადუსამდე დაიკლებს. აღმოსავლეთ საქართველოში კი მოსალოდნელია შედარებით გრილი და დროგამოშვებით ღრუბლიანი ამინდი. ზოგან შესაძლებელია მცირე წვიმა და ნისლი აღინიშნოს. ჰაერის ტემპერატურა +19, +24 გრადუსის ფარგლებშია მოსალოდნელი. თბილისში შესაძლებელია მცირე წვიმა და ნისლი. ჰაერის ტემპერატურა +21, +23 გრადუსი ... ...
  • პენიტენციური სამსახური: ადვოკატი კობაიძე პოლიტიკური ხასიათის წინასაარჩევნო ინსცენირებებშია ჩართული (R)სპეციალურმა პენიტენციურმა სამსახურმა საქართველოს ადვოკატთა ასოციაციის ეთიკის კომისიას მიმართა საჩივრით, რომლითაც ის ითხოვს ეთიკის კომისიამ შეაფასოს და შესაბამისი რეაგირება მოახდინოს ადვოკატ ალექსანდრე კობაიძის ქმედებებთან დაკავშირებით. კერძოდ, მიმდინარე წლის 25 სექტემბერს რამდენიმე ტელეარხის მიერ გავრცელდა ინფორმაცია ადვოკატ ალექსანდრე კობაიძის საპროტესტო აქციის შესახებ. ადვოკატი მტკიცებით ფორმაში საუბრობდა მსჯავრდებულთა მიმართ გაუპატიურებით დამუქრებაზე N8 დაწესებულების დირექტორის მხრიდან. პენიტენციური სამსახურის მიერ ადვოკატთა ასოციაციისათვის გაგზავნილ საჩივარში აღნიშნულია, რომ გავრცელებული ინფორმაცია არის ცილისწამება, ადვოკატი კობაიძე ორჯერ იქნა მიწვეული ფაქტების ან ინფორმაციის წარსადგენად მის მიერ გაჟღერებულ ბრალდებასთან დაკავშირებით, რაზეც მან უარი განაცხადა. პენიტენციური სამსახური გამოთქვამს მზაობას, ადვოკატთა ასოციაციის დაინტერესების შემთხვევაში, სრულად ითანამშრომლოს მასთან და მიაწოდოს სრულფასოვანი მტკიცებულებები, რომელიც ადასტურებს, რომ საქმე გვაქვს პოლიტიკური ხასიათის წინასაარჩევნო ინსცენირებებთან, რომელშიც ადვოკატი კობაიძე არის ჩართული. ასევე საჩივარში აღნიშნულია, რომ საეჭვოდ და პრობლემატურად გამოიყურება ამ ქმედებებში ალექსანდრე კობაიძის დიდი მონდომება პენიტენციური დაწესებულების დისკრედიტაციისთვის. ალექსანდრე კობაიძე არის პოლიტიკური პარტიის ლიდერი და აქვს საპარლამენტო არჩევნებში მონაწილეობის გაცხადებული გეგმა. როგორც ჩანს, ამ მიზნით ალექსანდრე კობაიძე არ ერიდება არც ტყუილს და არც პატიმრებისა და საპატიმროების თემით არაკეთილსინდისიერ მანიპულირებას. სპეციალური პენიტენციური სამსახური მიიჩნევს, რომ ადვოკატის მოცემული ქმედებები ნამდვილად არ შეუწყობს ხელს საზოგადოებაში ადვოკატის პროფესიის რეპუტაციისა და ადვოკატთა კორპუსის ავტორიტეტის ზრდას. ამიტომაც, თავად ადვოკატთა ასოციაციის ინტერესშია, რომ შეფასდეს და შესაბამისი რეაგირება მოჰყვეს ადვოკატ კობაიძის ზემოთ აღწერილ ქმედებებს. ... ...
  • ირანის მოქალაქის ჯანმრთელობის განზრახ მსუბუქი დაზიანების ბრალდებით 2 პირი დააკავესშინაგან საქმეთა სამინისტროს თბილისის პოლიციის დეპარტამენტის გლდანი-ნაძალადევის მთავარი სამმართველოს თანამშრომლებმა, ცხელ კვალზე ჩატარებული ოპერატიულ-საგამოძიებო მოქმედებების შედეგად, 1983 წელს დაბადებული შ.ლ. - ჯანმრთელობის განზრახ მსუბუქი დაზიანების ბრალდებით, ხოლო 1984 წელს დაბადებული ვ. შ. ძალადობის ბრალდებით, თბილისში დააკავეს. დანაშაულები 3 წლამდე ვადით თავისუფლების აღკვეთას ითვალისწინებს. გამოძიებით დადგინდა, რომ შ.ლ.-მ თბილისში, ცოტნე დადიანის ქუჩაზე, ერთ-ერთი სკვერის მიმდებარე ტერიტორიაზე, ირანის რესპუბლიკის მოქალაქეს -1987 წელს დაბადებულ ვ.რ.-ს, ურთიერთშელაპარაკების ნიადაგზე, ცივი იარაღით სხეულზე ორი მსუბუქი ჭრილობა მიაყენა და მიიმალა. დაშავებული მამაკაცი სამედიცინო დაწესებულებაში გადაიყვანეს. მისი ჯანმრთელობის მდგომარეობა დამაკმაყოფილებელია. სამართალდამცველებმა შ.ლ. მომხდარიდან რამდენიმე საათში, ცხელ კვალზე დააკავეს. იგი დანაშაულს აღიარებს. პოლიციამ დანაშაულის ჩადენის იარაღი - დანა ნივთმტკიცების სახით ამოიღო. გამოძიებით, ასევე, დადგინდა, რომ ამავე ინციდენტის დროს, შ.ლ.-ს თანმხლებმა - ვ.შ.-მ ბლაგვი საგნით სხეულზე დაზიანება მიაყენა ვ.რ.-ს თანმხლებ ირანის მოქალაქეს. ჯანმრთელობის განზრახ მსუბუქი დაზიანების და ძალადობის ფაქტზე გამოძიება სისხლის სამართლის კოდექსის 120-ე და 126-ე მუხლებით ... ...
  • ავტოსაგზაო შემთხვევა ფოთში _ არიან დაშავებულებიცოტა ხნის წინ ავტოსაგზაო შემთვევხევა მოხდა ფოთში. როგორც ადგილიდან "გურია ნიუსისს" ჟურნალისტი იუწყება, მსუბუქი ავტომობილი გზის სავალი ნაწილიდან გადავიდა და ხეს შეეჯახა. წინასწწარი ინფორმაციით, დაშავებულებია ოთხი მგზავრი. შსს-მ მომხდარზე გამოძიება სსკ-ის 276-ე მუხლის მე-2 ნაწილით დაიწყო. ... ...
  • “მინდოდა ჩემი შვილის გვერდით ვყოფილიყავი და ყველაფერ საშინელებას ვუძლებდი“83 წლის ლამარა წიქარიძე აფხაზეთის ომში გმირულად დაღუპული ზური წიქარაძის დედაა.  “მე ვარ 83 წლის. ვმუშაობ შეძლებისდაგვარად ჩაის პლანტაციებში. ჯანმრთელად ვარ და არანაირ ავადმყოფობას არ ვგრძნობ. ვფიქრობ, რომ ცოტა ხანი ვიცოცხლო და ვიცხოვრო ჩემი შვილიშვილების ხათრით“, _ ამბობს “გურია ნიუსთან“ საუბრის დროს ლამარა წიქარაძე. ლამარა წიქარაძე ოზურგეთის მუნიციპალიტეტის სოფელ ნაგომარში ცხოვრობს. იმ დროს, როდესაც აფხაზეთში ომი დაიწყო, ის მეუღლესთან სოსო წიქარიძესთან ერთად იმყოფებოდა სოხუმში. ლამარა წიქარაძე: გურიაში ვაპირებდით ჩამოსვლას, რადგან ზურის შვებულება ეწყებოდა. შვებულების ფურცელზე ხელი არ ჰქონდა მოწერილი იმ სამსახურის უფროსს, სადაც ზური მუშაობდა და ამიტომ გაგვიგრძელდა ყოფნა სოხუმში. აფხაზეთის ომში ჩემი შვილი ზური წიქარიძე გმირულად გარდაიცვალა. ის სოხუმში თან სწავლობდა და თან მუშაობდა. ის იყო სასოფლო-სამეურნეო ინსტიტუტის მესამე კურსის სტუდენტი, როდესაც ომი დაიწყო. ჩემი შვილი შინაგან ჯარში მუშაობდა და ომის დროს ქალაქიდან არ უნდა გასულიყო, მაგრამ... მას სთხოვეს დახმარება და წაიყვანეს სოფელ შრომაში. სოფელზე, სადაც ისინი წავიდნენ, მოხდა თავდასხმა, მოულოდნელი თავდასხმა იყო. მან გადაწყვიტა თავის მეგობართან ერთად ახალგაზრდები (ჯარში 25 ახალგაწვეულის სიცოცხლე იხსნა ზურიმ და მისმა მეგობრებმა) გამოეყვანა სამშვიდობოს. მოახერხეს კიდეც, იბრძოდა მანამ, სანამ ტყვიები, არ დაუმთავრდათ. ამის შემდეგ კი დაიჭერეს რუსმა სამხედროებმა და ცოცხლად დაწვეს. ჩემმა მეუღლემ კი დაიწყო გარდაცვლილი შვილის ძებნა, უიარაღოდ იყო და ისე ეძებდა. მან იპოვა ზურის დამწვარი სხეული და განადგურებულებმა ჩამოვასვენეთ ოზურგეთში, სოფელ ნაგომარში. მინდოდა ჩემი შვილის გვერდით ვყოფილიყავი და ყველაფერ საშინელებას ვუძლებდი. ერთ ამბავს კიდევ გავიხსენებ... ბოლოს, ძებნა რომ გაგვიჭირდა ჩემი შვილის, ბატონ ჟიული შარტავასთავან მივედი განცხადებით. მან კი მითხრა, არ მინდა განცხადება, ქალბატონო, თქვენ სახეზეც ვკითხულობ, როგორ იწვით ახლაო. ისე გააკეთა, რომ კიდევ ორი დღე მოგვცა შვილის ძებნის უფლება. არ გვქონდა უკვე ქართველებს ჩვენს მიწაზე თავისუფლად გადაადგილების უფლება. ამის შემდეგ სასწაული მოხდა და ვნახეთ ჩემი შვილი. ლამარა წიქარიძე ჩვენთან საუბრის დროს აცხადებს, რომ რუსეთი ოკუპანტი ქვეყანაა და ის მშვიდობიანი გზით დაკარგულ ტერიტორიებს არ გადმოგვცემს. “ომით დაკარგულ ტერიტორიას ომით დაბრუნება უნდა, სხვანაირად დაკარგულ ტერიტორიებს ვერ დავიბრუნებთ. მე, არ მჯერა რუსეთის კეთილსინდისიერების. აფხაზეთში იბრძოდნენ რუსები და ისინი აპირისპირებდნენ ქართველებს და აფხაზებს. თქვენ გგონიათ აფხაზები იბრძოდნენ თავიანთი ძმების წინააღმდეგ? ჩვენი ტანკები დაჩახჩახებდნენ, დანგრეულები. რუსების ტანკები კი დასრიალებდნენ, ანგრევდნენ შენობებს, გადამცემ ხაზებს, ელექტრო ბოძებს. ყველაფერი ჩემი თვალით ვნახე, რადგან ვიდრე ჩემი გარდაცვლილი შვილი არ ვნახე, მანამ არ დამიტოვებია სოხუმი.“ ზურის დაღუპვის შემდეგ, რამდენი თვეში სოფელ ნაგომარში მამამისი, სოსო წიქარიძე გარდაიცვალა. “10 წლის განმავლობაში სახლიდან არ გადავდიოდი. მაგრამ შემდეგ დავარწმუნე თავი, რომ ასე ცხოვრება აღარ შეიძლებოდა. შვილებს და შვილიშვილებს დახმარება უნდოდათ. ახლა კი მყავს ორი შვილი, შვიდი შვილიშვილი და ხუთი შვილთაშვილი. მინდა, რომ ეს თაობა მოესწროს საქართველოს მთლიანობას და მშვიდობიან ქვეყანაში ... ...

არქივი

ტესტები

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ ყველაზე, ყველაზე...

იცი თუ არა გეოგრაფია

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...
free polls