30-ლარიანი ვაუჩერის ეფექტი

კარმიდამო ჩემი

30-ლარიანი ვაუჩერის ეფექტი

1970 იან 1 04:00:00
სასოფლო-სამეურნეო სამუშაოების ჩასატარებლად განკუთვნილი 30-ლარიანი ვაუჩერების გაცემასთან დაკავშირებით, სოფლის მეურნეობის მინისტრმა ზაზა გოროზიამ განცხადება დეკემბრის დასაწყისში გააკეთა. მისი თქმით, ქვეყნის მასშტაბით 3400 სოფელში 800 000-მდე ვაუჩერი გაიცემა.

რაში გამოიყენებენ გლეხები და რამდენად წადგება თითქმის არაფრის გარეშე დარჩენილ სოფელს 30-ლარიანი ვაუჩერი? ამის გარკვევას "კარმიდამო ჩემი" თავად მოსახლეობასთან შეეცადა.

როგორც აბაშის მკვიდრი დაზმირ მიქაძე გვეუბნება, 30 ლარი მათ საჭიროებებს, მარტივად რომ ვთქვათ, მინიმალურადაც ვერ შველის, რადგან დიზელის საწვავზე და სასუქზე მაღალი ფასები ისევ უცვლელია. გარდა ამისა, დაზმირ მიქაძის თქმით, სამეურნეო ტექნიკის დაქირავება იმდენად ძვირი ჯდება, რომ ეს თანხა, შეიძლება, მხოლოდ საკარმიდამო ნაკვეთის დახვნის ხარჯზე იყოს საკმარისი.

მიქაძისგან განსხვავებით, ამ ვაუჩერს სახელმწიფოს მხრიდან "საარჩევნო წყალობად" მიიჩნევს სენაკის მკვიდრი, ნოდარ ბერაია: "ესეც კარგია, ნეტა სულ არჩევნები იყოს! ისე მაინც არავის ვახსოვართ. საარჩევნო წყალობაა, მეტი რა დავარქვა, აბა? 30 ლარად განვითარებული საოჯახო მეურნეობა ვინმეს უნახავს? სანამ ესენი რამეს მოიფიქრებენ, გლეხი აღარ დარჩება და მერე გინდა განავითარონ სოფლის მეურნეობა და გინდა _ არა. რასაც მომცემენ, ყველაფერს ავიღებ, მაგრამ, სამარცხვინო ის არის, რომ ეს მარტო არჩევნების დროს ხდება," _ გვეუბნება ნოდარ ბერაია.

ექსპერტი სოფლის მეურნეობის საკითხებში პაატა კოღუაშვილი 30-ლარიანი ვაუჩერების დარიგებას "24 000 000 ლარის წყალში გადაყრად" აფასებს "კარმიდამო ჩემთან" საუბარში: "არაერთხელ მითქვამს და ახლაც ვაფიქსირებ, რომ ერთჯერადი, კამპანიური ხასიათის ღონისძიებები შედეგს არ მოგვცემს, მითუმეტეს, სოფლის მეურნეობაში. წინა წლებშიც იყო 20 ლიტრი დიზელის და 20 კგ სასუქის დარიგების კამპანიები, მაგრამ არც ის იყო ეფექტური, რადგან ზოგი იმ სასუქს და დიზელს ყიდდა. შედეგად სოფლის მეურნეობის სფეროში არანაირი წინსვლა ასეთი სახის კამპანიებით არ მიგვიღია. ანალოგიური ეფექტი ექნება 30-ლარიანი ვაუჩერის დარიგებას. ვფიქრობ, ამ კამპანიისთვის გამოყოფილი თანხა, ჯამში _ 24 მლნ ლარი, წყალში გადაყრილი ფულია თუნდაც იმიტომ, რომ 30 ლარი გლეხს რომელიმე ერთი სასოფლო-სამეურნეო ღონისძიების გასახორციელებლადაც არ ეყოფა. მაგალითად, 50 კგ სასუქის ღირებულება შარშან ოფიციალურად 36 ლარი იყო, თუმცა, რეალურად სასუქის შეძენა მხოლოდ 40-45 ლარად იყო შესაძლებელი. ამასთან, პირველ ჯერზე ერთი ჰექტარი მიწის გამოსაკვებად 150 კილოგრამი სასუქია საჭირო, მეორე ჯერზე კი _ 250 კილოგრამი. ამასთან, დასავლეთ საქართველოში, სასუქის გარდა, ფოსფორი და კალიუმიცაა საჭირო, რაც, ბუნებრივია, დამატებით ხარჯებთანაა დამოკიდებული. ამდენად, ეს 30 ლარი ძალიან მიზერულია და შედეგის ვერმომტანი დახმარებაა", _ აცხადებს ექსპერტი და იქვე დასძენს, რომ "უკეთესი იქნებოდა, სოფლის მეურნეობის სამინისტროს ამ 24 მლნ ლარით აგრო-საკრედიტო სისტემის ფორმირებაზე ეზრუნა".

"იმისთვის, რომ სოფლის მეურნეობის სფეროში ძირეული ცვლილებები გახორციელდეს, უმჯობესი იქნება, ვაუჩერების დარიგების სანაცვლოდ, სახელმწიფო სათავეში აგრო-საკრედიტო სისტემის ფორმირებას ჩაუდგეს და ეს თანხა ბანკში ჩაიდოს, გლეხები კი მას შემდეგ გარკვეულ კაპიტალს მიამატებდნენ. შედეგად ეს ბანკი სხვა კომერციულ ბანკებთან კონკურენციაში შევიდოდა, რაც სოფლის მეურნეობის სფეროში კრედიტების ხელმისაწვდომობას გაზრდიდა", _ აღნიშნა კოღუაშვილმა და დასძინა, რომ "ქვეყანაში აგრარული პოლიტიკის სტრატეგიის შემუშავებაა აუცილებელი".

ამასთან, ექსპერტი ეჭვობს, რომ მთავრობა განსაკუთრებით "გულუხვი" პოლიტიკურ ასპარეზზე ბიზნესმენ ბიძინა ივანიშვილის გამოჩენის შემდეგ გახდა, თუმცა, გარკვეული შენიშვნები თავად ივანიშვილის მიმართაც აქვს: "აღნიშნული ღონისძიებები ტარდება იმ ფონზე, როდესაც პოლიტიკურ ასპარეზზე ქველმოქმედებით ცნობილი ბიზნესმენი ბიძინა ივანიშვილი გამოჩნდა. ამით ხელისუფლებას უნდა, ხალხს დაანახოს, თითქოს ისიც გულმოწყალე და ქველმოქმედია. მე არც ვიცოდი, რომ წლების წინ სწორედ ბიძინა ივანიშვილმა გადასცა სახელმწიფოს 400-მდე ტრაქტორი, მაგრამ ისიც უფრო წინდახედულად უნდა მოქცეულიყო და გარკვეული მონიტორინგი გაეწია, სად მიდიოდა ქველმოქმედების სახელით გაცემული თანხები", _ აღნიშნა პაატა კოღუაშვილმა.

ვაუჩერის გამოყენება შესაძლებელი იქნება მიწის სასოფლო-სამეურნეო სამუშაოებისათვის ან სასუქის შესაძენად, ისევე, როგორც სავაჭრო ობიექტებში, რომლებიც პროგრამისთვის დარეგისტრირებულია სოფლის მეურნეობის სამინისტროში. 2012 წლის 1 ივნისიდან 31 დეკემბრის ჩათვლით გამოუყენებელი ვაუჩერის განაღდება შესაძლებელია "ლიბერთი ბანკის" ფილიალებში. მექანიზატორებს და სასუქით მოვაჭრეებს ვაუჩერის განაღდება მიღებისთანავე შეეძლებათ.

სოფლის მეურნეობის მინისტრი ზაზა გოროზია ამბობს, რომ სოფლის მეურნეობის ხელშეწყობა საქართველოს მთავრობის მთავარი პრიორიტეტია და სასოფლო-სამეურნეო სამუშაოების ჩასატარებლად განკუთვნილი 30-ლარიანი ვაუჩერით მიღებული შეღავათი ამ სექტორში დასაქმებული ადამიანებისთვის მცირედი დახმარება იქნება.




 ახალი ამბები
  • "იმენნა" რუსი ტურისტების შემოსვლა მნიშვნელოვანია" _ ივანიშვილი"იმენნა" რუსი ტურისტების შემოსვლა მნიშვნელოვანია - ეს განცხადება, ბიძინა ივანიშვილმა გააკეთა. ქართული ოცნების" ლიდერი, რუსეთის საგარეო საქმეთა მინისტრის მოთხოვნას გამოეხმაურა, რომელმაც თქვა, რომ საქართველოში რუსეთის მოქალაქეებს საფრთხე ემუქრებათ და თუ საქართველოს ხელისუფლება რუსოფობიის წინააღმდეგ ზომებს მიიღებს, ავიამიმოსვლის აკრძალვა გადაიხედება. ივანიშვილის თქმით, საქართველოს 20% რუსეთის მიერაა ოკუპირებული, მაგრამ "ჩვენ ჩვენები უნდა გავასამართლოთ." "იმის მსურველი, რომ რუსული ბაზარი დაიკეტოს არის ქვეყნის მტერი, საერთოდ ვაჭრობა უნდა შეწყდეს ესეც არის მტრები. რაც შეეხება ეკონომიკას, პოლიტიკურადაც ის, რომ რუსი ტურისტი ჩამოდის იმ ძირითად პრობლემას, რასაც ჰქვია ოკუპაცია, რაშიც ლომის წვლილი "ნაციონალურ მოძრაობას" აქვს, მათ მოახერხეს, ისინი შემოუძღვნენ რუსულ ჯარს, დღესაც ასე უნდათ - ტურისტი კი არ უნდათ შემოვიდეს, უნდათ ჯარისკაცი  შემოვიდეს რუსეთის. რომ არა მათი დაუდევრობა, ღალატი, რუსის ჯარი ვერ შემოვიდოდა 2008 წელს. ის არ იფიქროთ, რომ მე ვამართლებ რუსული ჯარის შემოსვლას საქართველოში, ამას არანაირი გამართლება არ აქვს, ჩვენ ყველანი "ქართული ოცნებიდან" ვიყენებთ ტერმინს, რომ 20% ოკუპირებულია, მაგრამ ჩვენ, ჩვენები უნდა გავასამართლოთ, როცა გულზე აწერიათ "არა ოკუპაციას" პასუხი უნდა მოსთხოვონ „ნაციონალურ მოძრაობას." ის, რომ ტურისტი შემოდის რუსი, "იმენნა" რუსი საქართველოში, ის რომ ვაჭრობა გვქონდეს ეს არის მნიშვნელოვანი საფუძველი იმისა, რომ პოლიტიკოსების დაშვებული შეცდომა აღვადგინოთ, სახალხო დიპლომატია, რასაც ტურიზმი აკეთებს, ვაჭრობა - ეს ყველაფერი არის იმისთვის, რომ ნორმალური ურთიერთობა აღვადგინოთ,"-აცხადებს ბიძინა ... ...
  • შინაგან საქმეთა სამინისტროში ბრიფინგი გაიმართებაშინაგან საქმეთა სამინისტროში ბრიგინგი დაინიშნა. ბრიფინგი 14:00 საათზე გაიმართება. ამ ეტაპზე უცნობია რა თემაზე იქნება საუბარი ბრიფინგი. თუმცა სავარაუდოდ განცხადება 20-21 ივნისს განვითარებულ მოვლენებთან დაკავშირებით მიმდინარე გამოძიებაზე ... ...
  • ბიძინა ივანიშვილი - ირაკლი კობახიძე გუნდს გადაეფარა ირაკლი კობახიძემ შეხედა არსებულ სიტუაციას, ის გადაეფარა გუნდს, გადაეფარა სიტუაციას და დატოვა მანდატი, – ამის შესახებ პარტია „ქართული ოცნების“ თავმჯდომარემ, ბიძინა ივანიშვილმა ჟურნალისტებს განუცხადა. როგორც ბიძინა ივანიშვილმა აღნიშნა, ირაკლი კობახიძეს არავითარი დანაშაული არ ჩაუდენია. „ნაციონალურმა მოძრაობამ“ მოახერხა აჟიტირება ამ სიტუაციის. შეცდომა იყო ის, როდესაც ჩაჯდა სპიკერის სავარძელში, ეს იყო პროტოკოლური შეცდომა, რაც პროტოკოლში არ ეწერა, მაგრამ ეს არ იყო კობახიძის შეცდომა. მოხერხდა და მოხდა ეს დარღვევა, ამას მოჰყვა ობიექტური აღშფოთება საზოგადოების. კობახიძემ შეხედა არსებულ სიტუაციას, ის გადაეფარა გუნდს, გადაეფარა სიტუაციას და დატოვა მანდატი. ასეა დაკომპლექტებული ჩვენი გუნდი, ასეთია გახარიაც. კიდევ უფრო მაგარი კაცია გახარია, გახარია თანამდებობაზე საერთოდ არ იომებს. გახარიას გადადგომა დღეს სურს „ნაციონალურ მოძრაობას“, ეს ნიშნავს იმას, რომ ხვალ მოადგებიან პარლამენტს და პოლიცია აღარ უდნა დახვდეთ იქ, მოძალადეები უნდა შევიდეს პარლამენტში. ის, რომ ლეგიტიმური იყო პოლიციის ქმედება, მთელმა მსოფლიომ აღიარა. რატომ უნდა გადაგდეს გახარია, „ნაცებს“ უნდათ მარტო, რადგან ძალის გარეშე ისინი ხელისუფლებაში ვერ მოვლენ, მაგრამ გარწმუნებთ, ვერც ძალით ვერ მოვლენ“, – განაცხადა ბიძინა ... ...
  • "სად გაიზარდე, შვილო, დაწყნარდი, ნუ უზრდელობ" _ ივანიშვილი ჟურნალისტს"შვილო დაწყნარდი, ნუ უზრდელობ"- ასე მიმართა ,,ქართული ოცნების" თავმჯდომარემ ბიძინა ივანიშვილმა ჟურნალისტებს, 20 ივნისის ღამეს, ძალის გამოყენების ლეგიტიმურობისა და ე.წ. ნარინჯისფერი ტყვიების გამოყენებასთან დაკავშირებულ კითხვებზე. ივანიშვილმა ჟურნალისტს კოლეგის პატივისცემისკენ მოუწოდა. "სად გაიზარდე შვილო... კოლეგას მაინც ეცით პატივი, კითხვაზე მაპასუხებინე, კითხვა დასვა,"-მიმართა ივანიშვილმა ერთ-ერთ ... ...
  • ბიძინა ივანიშვილი - გიორგი გახარიას პასუხისმგებლობაზე კითხვები არ ისმის არსაიდანშინაგან საქმეთა მინისტრის პასუხისმგებლობაზე კითხვები არ არსებობს, - ამის შესახებ ჟურნალისტებს ბათუმში, პარტია „ქართული ოცნების“ თავმჯდომარემ, ბიძინა ივანიშვილმა განუცხადა. მისივე თქმით, 20-21 ივნისის ღამეს ლეგიტიმურად იყო ძალა გამოყენებული დემონსტრანტების წინააღმდეგ. „200 კაცს აღმოსავლეთში აგროვებენ და 200 დასავლეთში უყრიან თავს. ამით იმის თქმა მინდა, რომ ხალხი ბრძენია და ყველაფერს ამჩნევს. 21 ივნისიდან მოყოლებული ოპოზიცია, „ნაციონალური მოძრაობა“ და მისი დამქაშები, „ევროპული საქართველო“ თუ პატარა პარტიები, მასთან ასოცირებულები, დაჟინებით ითხოვენ გახარიას გადადგომას. არც ვაშინგტონში და არც ევროპაში, სადაც ნახეს ეს კადრები, არსად კითხვა არ აღიძრა ძალის გამოყენების ლეგიტიმაციაზე. ლეგიტიმური ძალა იყო გამოყენებული და არავის კითხვა არ აქვს. ლეგიტიმაციაზე კითხვა რომ აღძრულიყო, ამ შემთხვევაში დადგებოდა შინაგან საქმეთა მინისტრის პასუხისმგებლობის საკითხი. არსაიდან ამის მსგავსი კითხვა არ ისმის - არც ევროპაში, არც ელჩებთან, ვიცი ვაშინგტონის პოზიციაც. შესაბამისად, შინაგან საქმეთა მინისტრის პასუხისმგებლობაზე კითხვა არ არსებობს“, _ განაცხადა ... ...

არქივი

კარმიდამო ჩემი

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...
ზაფრანი

ახალგაზრდობის შენარჩუნებისთვის

ჰარვარდის უნივერსიტეტის ექიმები, დევიდ სინკლერის...

ქსოვა სტრესს ხსნის

ექიმები ქსოვას ნამდვილ წამალს უწოდებენ,...

რაზე მეტყველებს ადამიანის ნაწერი

სპირალი, წრეები - სხვების პრობლემები...

რა უნდათ ქალებს მამაკაცებისაგან?

მამაკაცები ხშირად ამბობენ, რომ ვერ...

კითხვები, რომელიც აფრთხობს მამაკაცს

მამაკაცები მეტად მგრძნობიარე და ადვილად...

ქალმა არ მოინდომოს თორემ...

ძალიან ბევრი ფიქრობს, რომ ქალმა...