"იქნებ, ვაზია სამშობლო?"

კარმიდამო ჩემი

"იქნებ, ვაზია სამშობლო?"

1 იან. 1970, 04:00:00

ვაზი მცენარის გვარია ვაზისებრთა ოჯახისა, აერთიანებს 1000-ზე მეტ სახეობას, რომლებიც, უმთავრესად, დედამიწის თბილი და ზომიერი ჰავის პირობებშია გავრცელებული. ბუნებრივად მოზარდი ვაზი მხვიარაა, საყრდენს ულვაშებით ანუ პწკლით ემაგრება; აქვს ყავისფერი ქერქი, რომელიც ზოლ-ზოლად სცილდება. ვაზი შეიძლება იყოს ბუჩქისებრი ანუ უშტამბო და შტამბიანი. შტამბზე განლაგებულია მრავალწლიანი ტოტები, ანუ მხრები და ერთწლიანი რქები და ყლორტები. ვაზის რქაზე, ფოთლის ყუნწის იღლიაში, მოთავსებულია რთული აგებულების კვირტი, რომელიც ძირითადი და შემცვლელი კვირტებისგან შედგება. მრავალწლიან ღეროზე ვითარდება მძინარე კვირტი.

ვაზის ფოთოლი მომრგვალო, ოვალური, გულისმაგვარი ან კვერცხისებრია: დაუნაკვთავია ან 3-5 ნაკვთიანი, იშვიათად მრავალნაკვთიანი. ჯიშის მიხედვით ფოთოლი შეიძლება იყოს ბრტყელი, ღარისებრი, ძაბრისებრი, ქვემოთ ან ზემოთ ნაპირებშეკეცილი. ფირფიტა შეუბუსავი ან შებუსულია, ხშირად სქელი, ქეჩისებრი ბუსუსით. ფერად ღია ან მუქი მწვანეა, მოწითალო ან მოყვითალო ელფერი და ლაქები აქვს.

ყვავილი წვრილია, შეკრებილი საგველა ყვავილედად, ორსქესიანი, ან ფუნქციურად ცალსქესიანი. ყვავილის ნაწილებია: ჯამი, გვირგვინის ფურცლები მტვრიანები და ბუტკო. ჯამი განუვითარებელია, გვირგვინი _ ხუთფურცლიანი.

საქართველოში ვაზის 500-მდე ადგილობრივი ჯიშია. მათგან ყველაზე გავრცელებულია: საღვინე ჯიშებიდან _ საფერავი, რქაწითელი, მწვანე, ხიხვი, ჩინური, გორული მწვანე, ცოლიკოური, ციცქა, კრახუნა, ალექსანდროული, წულუკიძის თეთრი, ოჯალეში, ჩხავერი, ალადასტური და სხვა; სუფრის ჯიშებიდან _ გორულა, წითელი ბუდეშური, თითა, კლარჯეთული; ჰიბრიდული ჯიშებიდან _ ქართული საადრეო, ივერია, თბილისური, სახალხო თეთრი, ვარძია, მუსკატური რქაწითელი, კოლხური და სხვა.

ვაზის ნაყოფი ორბუდიანი, წვნიანი, სხვადასხვა ფერის მარცვალია. მტევანი შეიძლება იყოს პატარა, საშუალო ან დიდი; ცილინდრული, ცილინდრულ-კონუსური, კონუსური, ფრთიანი, უფორმო ან განტოტვილი; ძალიან თხელი, საშუალო სიკუმსის კუმსის და ძლიერ კუმსი; მარცვალი მრგვალი, მომრგვალო, ოვალური, კვერცხისებრი, მოგრძო ან გრძელია; ფერად ღია მწვანე, მწვანე. ღია ვარდისფერი, მუქი ვარდისფერი, მოყვითალო-ქარვისფერი, მოწითალო-ქარვისფერი, მოწითალო ღვინისფერი, მონაცრისფრო ან შავ ფერში გარდამავალი მუქი ლურჯი.

ყურძენი შეიცავს შაქარს, ორგანულ მჟავებს, კალიუმის ნატრიუმის, კალციუმის, რკინის, ალუმინის, მაგნიუმის მარილებს. ჩ და B ჯგუფის ვიტამინებს, A პროვიტამინს (კაროტინი), აგრეთვე, ზოგიერთ ფერმენტს და ფიტონოციდს.

ქიმიური შემადგენლობით ყურძნის წვენი ახლოა დედის რძესთან. ყურძნის სამკურნალო თვისებები შორეულ წარსულშიც იყო ცნობილი, თუმცა სამეცნიერო აღიარება მხოლოდ XIX-ში მოიპოვა.

ყურძნი აძლიერებს ნივთიერებათა ცვლას ორგანიზმში, აქვს მსუბუქი ამშლელი და ოფლმდენი თვისებები, ხელს უწყობს სასუნთქი გზებიდან ლორწოს გამოდევნას და აადვილებს ამოხველებას.

კლინიკური გამოკვლევებით დასტურდება, რომ ყურძნის პასტერიზებული წვენის ხანგრძლივი მიღება სასიკეთოდ აისახება ადამიანის ორგანიზმზე. ყურძნის წვენი არაგულირებს სისხლის მიმოქცევას. პროფესსორ ნ. უმიკოვის მიხედვით, ყურძნის წვენი შესაძლებელს ხდის წნევის ნორმალიზებას.

ყურძენს ფართოდ გამოიყენებენ მრავალი დაავადების სამკურნალოდ. მათ შორის: ორგანიზმის სასიცოცხლო ძალების მოდუნებისა და ჭამის მადის გაქრობისას, სისხლნაკლულობისა და ფილტვის ტუბერკულოზის საწყისი ფორმების, ბრონქიტისა და პლევრიტის, კუჭ-ნაწლავის ქრონიკული ანთების (თანმხლები ყაბზობით, კუჭის წვენის მაღალი მჟავიანობით), ბუასილის, პოდაგრის, გულის, ღვიძლისა და თირკმლის დაავადებების დროს. თირკმლის კენჭოვანი დაავადებისას ყურძენი გამოიყენება როგორც კენჭების დამშლელი და ორგანიზმიდან გამომტანი.

ხალხურ მედიცინაში გამომშრალი ყურძნის ნახარში, ხახვის წვენთან, ერთად გამოიყენება ხველის საწინააღმდეგოდ.

მედიცინა გამოიყენებს ყურძენს ორგანიზმში ნივთიერებათა ცვლის დარღვევის, სისხლნაკლულობის, ნერვული სისტემის გამოფიტვის, ნეფრიტის, ქრონიკული ბრონქიტისა და ფილტვის ტუბერკულოზის შემთხვევაში (პირველ სტადიაზე), როგორც ძალების აღმდგენ ეფექტურ საშუალებას.

ყურძნისაგან ამზადებენ პრეპარატ ნატუროზას, რომელიც გამოიყენება დიდი რაოდენობით სისხლის დაკარგვის, კოლაფსისა და შოკის შემთხვევაში.

ყურძნით მკურნალობას ამპელოთერაპია ეწოდება. ამ მიზნით იყენებენ ე.წ. სამკურნალო ჯიშებს. ყურძნით მკურნალობის შედეგად ხდება ნივთიერებათა ცვლის პროცესის გააქტიურება, შარდის მომატებული გამოყოფა, ნაწლავების მოტორული ფუნქციის გაძლიერება, მადის მომატება.

წარსულში ექიმები ურჩევდნენ ყურძნის მიღებას დღეში სამჯერ, უზმოზე. ჭამამდე 1 საათით ადრე.

ყურძნით მკურნალობა ძალიან ეფექტურია სისხლნაკლულობის დროს. ის შეიცავს სამ მეტად საჭირო ვიტამინს, აუცილებელს სისხლის წარმოქმნისთვის. ესენია: ფოლის მჟავა, ვიტამინი K და ვიტამინი P.

ყურძენი საუკეთესო მატონიზებელი საშუალებაა სხვადასხვა ასტენიური მდგომარეობისას, ძალების გამოცლისა და ნერვული სისტემის დაავადებებისას.

გულ-სისხლძარღვთა დაავადებების დროს (ჰიპერტონიის საწყისი სტადია, ათეროსკლეროზი და სხვა) რეკომენდებულია ახალი ყურძენი და ახალგამოწურული ყურძნის წვენი. გლუკოზა, რომელსაც უხვად შეიცავს ყურძენი, დადებითად აისახება გულის კუნთების ტონუსზე.

ყურძენი ძალიან სასარგებლოა სასუნთქი გზების მწვავე ინფექციური დაავადებებისას, ბრონქული ასთმისა და პლევრიტის შემთხვევაში. ფილტვის ტუბერკულოზის საწყის ფორმების მკურნალობისთვის ეფექტურია ყურძნის ჯიშები: "იზაბელა" და "ჰამბურგული მუსკატი". მაღალი ტემპერატურის თანხლებით მიმდინარე დაავადებებზე ექიმები ურჩევენ ყურძენს ოფლის მოსადენ საშუალებად.

როცა დარღვეულია ორგანიზმის ცხიმოვან და მინერალურ ნივთიერებათა ცვლა, ყურძენი ინიშნება სასიცოცხლო ძალთა ფუნქციის გასაძლიერებლად.

რძემჟავა დიათეზით დაავადებულებს ურჩევენ ყურძნით მკურნალობას, რადგან მას გამოაქვს ორგანიზმიდან დაავადების გამომწვევი მჟავა.

კუჭ-ნაწლავის დაავადებებისას, როცა დაბალია კუჭის წვენის სეკრეცია, აგრეთვე ყაბზობისა და ბუასილის შემთხვევაში, ექიმები ურჩევენ დიეტურ მკურნალობის კურსს ყურძენთან ერთად.

მორფინით, კოკაინით, დარიშხანით, სტრიქნინით, ნატრიუმის ნიტრატით მოწამვლისას უნიშნავენ ყურძენს; გლუკოზის მაღალი შემცველობა მას შხამის საწინააღმდეგო საშუალებად აქცევს.

თირკმლისა და საშარდე გზების დაავადებისას, მათ შორის ქრონიკული ნეფრიტის დროს ურჩევენ ყურძნით მკურნალობას. ყურძენი კარგი შარდმდენი საშუალებაა.

ყურძენს აქვს ბაქტერიების გამანადგურებელი ძალა; მასში არსებული ფიტონციდები და არომატული ნივთიერებები აჩერებს ნაწლავური ფლორის ლპობის პროცესს, კლავს ნაწლავურ ჩხირს და ქოლერის ვიბრიონს. ამ თვალსაზრისით სასარგებლოა ყურძნის ჯიში "ვარდისფერი ტაიფი", რადგან მასში ყველაზე მეტია დამცავი შენაერთები.

გამომშრალი ყურძენი _ ქიშმიში მთლიანად ინარჩუნებს თითქმის ყველა თვისებას. იგი შეიცავს დიდი რაოდენობით კალიუმის მარილებს და ძალიან სასარგებლოა გულ-სისხლძარღვთა სისტემისთვის.

გაციებისა და სასუნთქი გზების დაავადებისას ამზადებენ ქიშმიშის ნახარშს: აიღეთ 100 გრ ქიშმიში და 10 წთ. ხარშეთ 1 ჭიქა წყალში (ნელ ცეცხლზე) გაწურეთ. მიიღეთ 3-4 ჯერ დღეში. მეტი ეფექტისთვის შეიძლება ჩაუმატოთ ახალგამოწურული ხახვის წვენი. თეთრი ან წითელი ღვინის ზომიერად (დღეში 50-60 მლ) მიღება ამაღლებს ორგანიზმში "კარგი" ქოლესტერინის დონეს, რაც, თავის მხრივ, ამცირებს "ცუდი" ქოლესტერინის შემცველობას.

რადგანაც ღვინოსა და ყურძნის წვენს ყველა ვერ სვამს, ადამიანის იმუნური სისტემის გასაძლიერებელი იდეალური საშუალებაა ქიშმიშის ჩაი. მას ასე მოამზადებთ: 750 მლ. მდუღარე წყალში ჩაყარეთ 250 გრ. ქიშმიში, ჩაასხით 1 ჩ.კ. ბადაგი, გადმოდგით, შეფუთეთ 1 საათით. გაწურეთ, დადგით მაცივარში და მიირთვით 200-250 მლ. ყოველდღე.

ყურადღება! ყურძნით მკურნალობის დაწყებამდე, აუცილებლად ჰკითხეთ რჩევა თქვენს ექიმს.

ყურძნით მკურნალობა და ყურძნის დიდი რაოდენობით მიღება არ შეიძლება შაქრიანი დიაბეტითა და სიმსუქნით დაავადებულთათვის, რადგან ყურძენში მაღალია შაქრის, ძირითადად, გლუკოზის შემცველობა.

არ შეიძლება ყურძნის ჭამა:

კუჭის წყლულოვანი დაავადებისას; კოლიტისას, რომელსაც ახლავს აშლილობა; მუცლის შებერილობისას; ქრონიკული ფარინგიტისა და ფილტვის ქორნიკული ანთებისას; გულის მწვავე უკმარობისას, რომელსაც თან ახლავს შეშუპება და მაღალი არტერიული წნევა; თირკმლის ქრონიკული უკმარობისას;

ყურძენი აჩქარებს კარიესიანი კბილის ქსოვილის დაშლას. ამიტომ, სანამ ყურძნით მკურნალობას დაიწყებთ, აუცილებლად მოიწესრიგეთ კბილები. ყურძნის ყოველი ულუფის მირთმევის შემდეგ, პირში კარგად უნდა გამოივლოთ სოდიანი წყალი.

გაითვალისწინეთ, რომ ყურძნით მკურნალობის პერიოდში არ უნდა მიიღოთ: აუდუღარი რძე, ცხიმიანი ხორცის კერძები სპირტიანი სასმელები და მინერალური წყალი.

გთავაზობთ ყურძნიანი სალათის რეცეპტს

აიღეთ 2 კონა ფოთლოვანი სალათი, 1 დიდი თავი წითელი ხახვი, 5 ს.კ. ღვინის ძმარი, 200 გრ. ყურძენი (წინასწარ გამოაცალეთ წიპწები, 1 კონა ტარხუნა, 100 გრ. მაგარი ყველი (სასურველია თხის), 5-6 ს.კ. ზეითუნის ზეთი, ზღვის მარილი, ახალდაფქული შავი წიწაკა.

მომზადება:

1. ნახევარრკალებად დაჭრილი ხახვს დაასხი ძმარი და დატოვეთ 10 წთ.

2. წვრილად დაჭერით ფოთლოვანი სალათა, დაამატეთ ტარხუნა და ყურძნის მარცვლება; ხახვი ამოიღეთ მარინადიდან და მოათავსეთ ჯამზე სხვა ინგრედიენტებთან ერთად.

3. დარჩენილ ძმარს დაუმატეთ ზეითუნის ზეთი, მოასხით სასალათე მასას. მოაფრქვიეთ მარილი და წიწაკა, კარგად აურიეთ და გადაიტანეთ მინის სასალათეში. ზემოდან მოაყარეთ გახეხილი ყველი.

ბადაგი ბარბარე ჯორჯაძის მიხედვით

საბადაგე ტკბილი უნდა დადგათ ცეცხლზე მოზრდილი თუჯის ქვაბით. როცა გაცხელდება, ქაფი მოხადეთ. იმდენი უნდა ადუღოთ, რომ ნახევარი სითხე დარჩეს. გაციების შემდეგ შეგიძლიათ ჩაასხათ კოკებში ან ბოთლებში; მიღებული ბადაგი უნაკლოდ ინახება.

ცოტა რამ ვაზის ფოთლების შესახებ

ვაზის ფოთლებს აქვს ანტისეპტიკური, ანთების საწინააღმდეგო, სისხლდენის შემაჩერებელი და ჭრილობის შემახორცებელი თვისებები.

გამხმარი ფოთლების ფხვნილი გამოიყენება დასალევად (2-4 გრ) საშვილოსნოდან სისხლდენის შესაჩერებლად.

ფოთლების ნახარში და ნაყენი გამოიყენება ყელში გამოსავლებად ანგინის დროს და როგორც ჩამოსაბანი საშუალება _ კანის დაავადებებზე. დაქუცმაცებული ფოთლების საფენი აჩქარებს ჩირქოვანი ჭრილობებისა და წყლულების მოშუშებას.

 

P.S. ზემოთ ვახსენეთ, რომ ყურძნის წვენი შემადგენლობით ძალიან უახლოვდება დედის რძეს. ამიტომაცაა იგი ასე სასარგებლო და სასიამოვნო, ასე აუცილებელი ადამიანის ორგანიზმისთვის. აქვე მინდა ჩვენი უსაყვარლესი ნოდარ დუმბაძის სიტყვები შეგახსენოთ: "იქნებ ვაზია სამშობლო? აბა, დააკვირდით, თუ დაბლარია, დაჩოქილმა უნდა დაკრიფო, თუ მაღლარია _ ცაში ხელაპყრობილმა. ორივე საოცრად ჰგავს ლოცვას, ლოცვა კი არაფერს ისე არ უხდება, როგორც სამშობლოს."

ჩვენმა წინაპარმა ვაზი და სამშობლო თავისი სიცოცხლის ფასად გადაარჩინა, სათუთად ჩაგვაბარა და იმედიანი წავიდა.

მინდა მეც იმედით გთხოვოთ: მოუარეთ, გააშენეთ, გიყვარდეთ ვაზი. ისიც უშურველად დაგიბრუნებთ სამაგიეროს, სიკეთით გადაიხდის თქვენს შრომას და მერწმუნეთ მისი ნაყოფი დედის რძესავით შეგერგებათ.




 ახალი ამბები
  • "წყალმა ფიზიკის კანონები უნდა დაარღვიოს და არხში ისკუპოს? ლანჩხუთში სოფელ  ჩიბათში ბოლო პერიოდში გაკეთებული სანიაღვრე არხების ამსახველ ფოტოებს სოციალურ ქსელში მომხმარებელი მარიამ კოიძე ავრცელებს. "აქ წყალმა ფიზიკის კანონები უნდა დაარღვიოს და არხში ისკუპოს? "- კითხვას სვამს ის. როგორც მისი კომენტარიდან  ირკვევა აღნიშნული სანიაღვრეები ე.წ. რკინიგზის უბანში გაკეთდა და მოსახლეობაც უკმაყოფილოა განხორციელებული სამუშაოებით. "უკმაყოფილო ვართ, მე და ჩემ მხარეს მცხოვრები ყველა მეზობელი. ასევე უკანა მხარეს მცხოვრებნიც. იმიტომ, რომ სანიაღვრეები გააკეთეს არა იმ მხარეს, სადაც დახრა იყო, არამედ საპირისპირო მხარეს, სადაც მიწა მაღალია. რაც იმას ნიშნავს, რომ როგორც კი ღელე ადიდდება, ჩემ ეზოში შემოვა და წაიღებს ყველაფერს. ასევე წაიღებს ჩემს უკან მცხოვრები ადამიანების ეზოებს, რომელსაც სანიაღვრე არხები არ გაუკეთეს (ყოველ შემთხვევაში, ჯერ არა)" - წერს მარიამი. ... ...
  • აგვისტოში კომერციული ბანკების წმინდა მოგება 32 870 მლნ ლარით გაიზარდაეროვნული ბანკის მიერ გამოქვეყნებული სტატისტიკის მიხედვით, კომერციულმა ბანკებმა 2020 წლის აგვისტო 96,363 მლნ ლარის წმინდა მოგებით დაასრულეს, რომელიც,  წინა თვესთან შედარებით 32,870 მლნ ლარით მეტია, ივლისში ბანკების წმინდა მოგება 63,493 მლნ ლარს შეადგენდა. ეროვნული ბანკის სტატისკის მიხედვით, 2020 წლის აგვისტოში კომერციული  ბანკების მიერ ჯარიმა/საურავებიდან მიღებულმა შემოსავალმა 32,843 მლნ ლარი შეადგინა. საკონვერსიო ოპერაციებიდან მიღებულმა წმინდა მოგება/ზარალმა 71,858 მლნ ლარი შეადგინა. როგორც სტატისტიკაშია აღნიშნული, წინა თვეში კომერციულმა ბანკებმა საკომისიოებიდან და გაწეული მომსახურეობებიდან 30,976 მლნ ლარის შემოსავლი მიიღეს. ასევე ეროვნული ბანკის სტატისტიკის მიხედვით, 2020 წლის აგვისტოში სულ ბანკების შემოსავლები  399,955 მლნ ლარი შეადგინა, საიდანაც საპროცენტო შემოსავლები იყო 330,845 ლარი. აგვისტოში კომერციული ბანკების ხარჯებმა კი, 293,344 მლნ ლარი შეადგინა. ცნობისთვის, გასულ წელს კომერციული ბანკების წმინდა მოგება 953,635 მლნ ლარს შეადგენდა, დღეის მდგომარეობით ქართულ ბაზარზე 15 კომერციული ბანკი ... ...
  • საზოგადოებრივი მაუწყებლის დირექტორის ხელფასი 4-დან 10 ათას ლარამდე გაიზარდასაზოგადოებრივი მაუწყებლის სამეურვეო საბჭოს გადაწყვეტილებით, მაუწყებლის გენერალური დირექტორის პოზიციაზე ხელფასი 10 000 ლარი გახდა (საუბარია ხელზე ასაღებ თანხაზე). აქამდე ანაზღაურება 4 000 ლარი იყო.საზოგადოებრივი მაუწყებლის გენერალური დირექტორის პოზიციაზე თანამდებობრივი სარგოს გაზრდის შესახებ გადაწყვეტილება მაუწყებლის სამეურვეო საბჭომ დღეს, 22 სექტემბერს მიიღო.მრჩეველთა საბჭოს თავმჯდომარის ირინა ფუტკარაძის თქმით, დირექტორის ხელფასი ძალიან დაბალი იყო და მისი გაზრდის შესახებ დიდი ხანია მსჯელობენ."კონკურსის გამოცხადებამდე ჩვენ ჩამოყალიბებული ვიყავით, თუმცა, მიზანშეწონილად არ ჩავთვალეთ, რომ ხელფასი ერთგვარი მოტივატორი არ გამხდარიყო. ვიმსჯელეთ საბჭოში და მივიღეთ გადაწყვეტილება, რომ დღევანდელ სხდომაზე გაგვეტანა ეს საკითხი. რაც შეეხება ოდენობას, ვფიქრობთ, რომ ეს არის ძალიან გონივრული თანხა. ჩვენ, უბრალოდ, თავს უფლებას ვერ მივცემდით, რომ უფრო მეტით გაგვეზარდა,   არ ვართ კერძო ტელევიზია და ამიტომ გარკვეულ ჩარჩოებში ვზივართ ხელფასებთან დაკავშირებით", - განუცხადა "მედიაჩეკერს" ირინა ფუტკარაძემ კითხვაზე, ახლა, ახალი დირექტორის არჩევის წინ რატომ გაიზარდა დირექტორის ხელფასი.ჩვენს კითხვაზე, მის უფლებამოსილებებში რაიმე ხომ არ იცვლება ან ემატება, რაც წინა დირექტორს არ ჰქონდა, ფუტკარაძემ გვიპასუხა:  “რჩება იგივე უფლებამოსილება, რაც განსაზღვრული აქვს კანონით, ბუნებრივია.  მაგრამ, მე პირადად, ვთვლიდი, რომ საკმაოდ არაადეკვატური (ანაზღაურება) ჰქონდა წინა დირექტორს და შესაბამისად, იმიტომ გაიზარდა, რომ ვინც იქნება ახალი დირექტორი, მას უკვე ჰქონდეს ღირსეული და ადეკვატური ანაზღაურება".შეგახსენებთ, მიმდინარე კვირაში მრჩეველთა საბჭომ მაუწყებლის ახალი გენერალური დირექტორი უნდა აირჩიოს. კონკურსში სულ 8 განმცხადებელი მონაწილეობდა, თუმცა, დირექტორობისთვის ბრძოლას I ტურის შემდეგ 4 კანდიდატი აგრძელებს. წყარო: ... ...
  • შინაგან საქმეთა მინისტრმა საპარლამენტო არჩევნებთან დაკავშირებით ბრძანება გამოსცაშინაგან საქმეთა მინისტრმა, ვახტანგ გომელაურმა საქართველოს პარლამენტის 2020 წლის 31 ოქტომბრის არჩევნების თავისუფალ, უსაფრთხო და მშვიდ გარემოში ჩატარების უზრუნველსაყოფად, ასევე, სამართალდარღვევათა  პრევენციისა და  მათზე  რეაგირების მიზნით, ბრძანება გამოსცა.   ბრძანების თანახმად, საქართველოს რეგიონებში, პოლიციის დეპარტამენტების სამოქმედო ტერიტორიებზე შეიქმნება სამართალდარღვევების პრევენციისა და მათზე რეაგირებისთვის პასუხისმგებელი ჯგუფები.  არჩევნების უსაფრთხო და თავისუფალ გარემოში ჩატარების ხელშეწყობის მიზნით, შესაბამის ჯგუფებს დაევალათ  სამოქმედო ტერიტორიაზე უზრუნველყონ სათანადო ზომების მიღება,  წინასაარჩევნო აგიტაციის მშვიდ და თავისუფალ გარემოში ჩატარება და „პოლიციის შესახებ“ საქართველოს კანონის შესაბამისად პრევენციული საპოლიციო ღონისძიებების განხორციელება. აღნიშნული ბრძანება პოლიციელებს სამსახურებრივი მოვალეობის შესრულებისას პოლიტიკური ნეიტრალიტეტის პრინციპის მკაცრად დაცვას ავალდებულებს. ბრძანების თანახმად, დაუშვებელია, პოლიციელის ქმედება პირდაპირ ან არაპირდაპირ იყოს მიმართული რომელიმე პოლიტიკური პარტიის საწინააღმდეგოდ ან ... ...
  • საქართველში საპარლამენტო არჩევნებს IRI-ის წარმომადგენლები დააკვირდებიანდღეს საერთაშორისო რესპუბლიკურმა ინსტიტუტმა (IRI) გააკეთა განცხადება არჩევნების ტექნიკური შეფასების საერთაშორისო მისიის  ჩამოსვლის შესახებ. მისია შეაფასებს 2020 წლის, 31 ოქტომბრის საპარლამენტო არჩევნებს. შეფასების მისია საქართველოში ჩამოდის ცენტრალური საარჩევნო კომისიის მოწვევის საფუძველზე.  საერთაშორისო რესპუბლიკური ინსტიტუტი (IRI) დაახლოებით 25 წელია საქართველოს პარტნიორია და ბოლო ათწლეულის მანძილზე განახორციელა თითქმის ყველა არჩვნების მონიტორინგი და შეფასება. „ოქტომბერში დაგეგმილი საპარლამენტო არჩევნები წარმოადგენს მნიშვნელოვან ნაბიჯს საქართველოს დემოკრატიული განვითარებისთვის და გამოცდას ქვეყნის ევრო-ატლანტიკური მისწრაფებებისთვის. IRI-ს მისია ყურადღებას გაამახვილებს იმ საკვანძო საკითხებზე, რომლებიც მნიშვნელოვანია საარჩევნო პროცესის სრულყოფისთვის, მათ შორის როგორიცაა საარჩევნო ადმინისტრაცია, მედიის თავისუფლება და გამჭვირვალობა, პოლიტიკური პარტიების კამპანია და დაფინანსება. გარდა ამისა, მისია ყურადღებას გაამახვილებს კორონავირუსის პანდემიის პერიოდში, ამომრჩევლის უსაფრთხოების დასაცავად შემოღებული ზომების შესრულებაზე.“ - განაცხადა საერთაშორისო რესპუბლიკური ინსტიტუტის ევრაზიის დირექტორმა სტივენ ნიქსმა. მისია (TEAM) შედგება მრავალმხრივი გამოცდილების მქონე ხუთი გრძელვადიანი ტექნიკური ანალიტიკოსისგან, რომლებიც დააკვირდებიან და შეაფასებენ საარჩევნო პროცესის ყველა ფაზას. მათ მიგნებებზე დაყრდნობით, IRI გამოაქვეყნებს ანგარიშებს, რომლებიც მომზადდება  მთავრობისა და საარჩევნო ადმინისტრაციის წარმომადგენლებთან, პოლიტიკური პარტიის ლიდერებთან, სამოქალაქო საზოგადოებისა და მედიის წარმომადგენლებთან სიღრმისეული ინტერვიუების საფუძველზე. ტექნიკური შეფასების ჯგუფი იმუშავებს არჩევნების საერთაშორისო სადამკვირვებლო პრინციპების დეკლარაციისა და საერთაშორისო დამკვირვებლების ქცევის კოდექსის მიხედვით. მისიის მიგნებები და რეკომენდაციები დაეფუძნება საქართველოს კანონმდებლობას, საერთაშორისო სტანდარტებსა და პოლიტიკური პარტიების მიერ ქცევის კოდექსის ფარგლებში აღებულ ვალდებულებებს. კორონავირუსი პანდემიასთან დაკავშირებული საფრთხეების გათვალისწინებით, IRI-მ მიიღო უსაფრთხოების ყველა საჭირო ზომა, რომლებიც თანხვედრაშია საქართველოს მთავრობის მიერ დაწესებულ რეგულაციებთან.   ... ...

არქივი

ტესტები

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...