ქალბატონი, რომელიც "კანას" ფესტივალს სამოთხის სახესხვაობად მიიჩნევს

კარმიდამო ჩემი

ქალბატონი, რომელიც "კანას" ფესტივალს სამოთხის სახესხვაობად მიიჩნევს

2015 აგვ 10 18:55:15

მაია ნაკაიძე პროფესიით გეოგრაფია _ საზღვარგარეთის ქვეყნების ეკონომიური გეოგრაფიის სპეციალისტი. მას შემდეგ, რაც უნივერსიტეტი დაამთავრა, მოგზაურობისა და ყვავილების სიყვარულით სულდგმულობს და ერთი გამხელილი ოცნება აქვს _ ყველა ოჯახის კარმიდამოში, განსაკუთრებით, მშობლიურ გურიაში, "კანას" ფესტივალი ჩატარდეს, შემდეგ კი ერთ ყვავილების დიდ დღესასწაულზე გამარჯვებულის გამოვლენა მოხდეს, რომელიც საუცხოო ყვავილების ნერგებით თუ სათესლე მასალით დაჯილდოვდება.

რატომ მაინც და მაინც კანა? ეს ულამაზესი ყვავილი, რომლის არაერთი სახეობა ჩვენში ოდითგან ხარობს და უმეტესად ნოტიო ნიადაგი უყვარს, გაზაფხულიდან სექტემბრის შუა რიცხვებამდე, თითქმის ხუთი თვის მანძილზე ყვავის და როგორც მაია ნაკაიძე ამბობს, ქმნის შთაბეჭდილებას, რომ მიწაზე იდეალური განწყობის შემქმნელი ცისარტყელას ფერების ბუმია. ფოთლებიან-ყვავილებიანად ჭრელი და ნაირფერი კანას სახეობა მეგობრებმა შვედეთიდან გამოუგზავნეს. ადგილობრივი ჯიშები ადრეც ჰქონდა. ასე თანდათან შეავსო კანას ბაღი, რომელსაც სამოთხის სახესხვაობას უწოდებს.

_ ბუნებით ესთეტი ვარ, სილამაზის მოტრფიალე. თუ მთელი წლის მანძილზე ყვავილებს არ ვუცქერ, ჟანგბადი მაკლია, _ გვეუბნება ის და ოთახიდან იშვიათი სპათიუმი ("ქალთა ბედნიერება") გამოაქვს, რომელიც მისი ოთახის ყვავილების ჩამონათვალში ლიდერობს. განსაკუთრებულ ყურადღებას უთმობს ისეთ იშვიათ სახეობებს, რომლებიც ზამთარშიც ჰყვავის და გაზაფხულის მოსვლამდე ასულდგმულებს. ვარდს ყვავილთა სამყაროს უცვლელ ლიდერად მიიჩნევს, არაერთი სახეობაც აქვს, თუმცა, რაკი ყვავილობას ადრე ამთავრებს, ძირითად აქცენტს მათზე არ აკეთებს.

_ კანას უამრავი სახეობა არსებობს, თუმცა, გამორჩეულია ორიგინალური, ფოთლებიან-ყვავილებიანად ნაირფერი ჯიში, როცა ერთ საძირეზე ზოლებიანი მწვანე და იისფერი ფოთლების მქონე, რამდენიმე ფერის  ყვავილს იკეთებს, გეგონება, რომ ერთ ორმოში რამდენიმე ჯიშის ბოლქვია ჩარგული. ეს არის ერთ-ერთი იშვიათი სახეობა, რომელიც თითქმის ხუთი თვის მანძილზე ყვავის და გარემოში საზეიმო განწყობას, თითქოს, იძულების წესითაც ამკვიდრებს, _ გვეუბნება ქალბატონი მაია და აღარც იცის, აყვავებული ბუჩქების რომელ ჯგუფს მოეფეროს...

 მაია ნაკაიძე იხსენებს, რომ ერთმა ახლო მეგობარმა,  მას "კანას" ფესტივალის ინიციატორი უწოდა. თუმცა, აქვს მხოლოდ იდეა, რომ კანას თუ სხვა ხანგრძლივი ყვავილობის პერიოდის მქონე მცენარეების ფესტივალი დამკვიდრდეს ჩვენში. ორგანიზატორი, ალბათ, მუნიციპალიტეტის კულტურის ან  გარემოს დაცვის სამსახური უნდა იყოსო, _ ამბობს.

_ განა არ შეიძლება,  "ყვავილების ქვეყანა" საკარმიდამოების შეჯიბრით გავახალისოთ? ამას არ სჭირდება დიდი თანხები და უსაზღვრო შრომა, რომელიც სხვა საქმეში ხელს შეგვიშლის... თითქოს, ყველას გვიყვარს ყვავილები, მაგრამ აბა, გადახედეთ, მოიარეთ ქვეყანა, რამდენ კარმიდამოს ნახავთ ყვავილების გარეშე, ან ცუდად მოვლილი ერთი-ორი ძირი ვარდით თუ პრასაყვავილათი "დამშვენებულს". ყვავილების ფესტივალმა უნდა გამოავლინოს სამოთხისებური სილამაზის მქონე კარმიდამო, ქუჩა, სკვერი, ქალაქისა თუ მუნიციპალიტეტის ცენტრი... მთავარია, ენთუზიაზმი გაჩნდეს, რაც მერე ძნელად ჩაცხრება, _ გატაცებით საუბრობს ყვავილების ტრფიალი და მოულოდნელად აგავისკენ გვახედებს, რომელიც ერთადერთი ყოფილა კაქტუსოვანებიდან,  მისი ინტერესის საგანი რომ გამხდარა.

_ იცით, რატომ მიყვარს აგავა? რაღაც ძალიან ძლიერი და მიწიერია მასში. თითქოს, იმავე მიწასთან ჩემი "მიმაგრების ფუნქციას" ასრულებს, რომ უთვალავი ფერების ორომტრიალში და კიდევ ახალი სახეობების ძებნაში სადღაც მზისკენ არ "გავფრინდე," _ ასე გადმოგვცემს საკუთარი შინაგანი სამყაროს განწყობას ჩვენი მშვენიერი ქალბატონი და ძნელი დასაჯერებელია, რომ მან დღემდე ვერ იპოვა გულისსწორი _ პირად თემაზე მოკლედ და გულღიად საუბრობს: _ ჩემი პრინცი ჯერ არ გამოჩენილა. მგონია, რომ ამ ყვავილთა სამყაროში ვიღაცას ვეძებ თუ ვიღაც მეძებს. მთავარია, რომ ყოველთვის ვპოულობ სილამაზის ახალ გამოვლინებას, მაგალითად "ჟატიანი" გლადიოლუსი და წინწკლებიანი კანა გინახავთ? მე მაქვს, _ მოულოდნელად იცინის და თითქოს კმაყოფილია იმით, რომ მისგან სულ სხვა რაღაცის თქმას ელოდი და კვლავ ორიგინალურ ყვავილთა სამყაროში დაგაბრუნა. მიიჩნევს, რომ ამ სილამაზის შექმნით ჯერ  საკუთარ "მეს" ჩუქნის მაცოცხლებელ ბედნიერებას, შემდეგ კი დაუნანებლად ემეტება მეგობრებისთვის. უყვარს ხელსაქმეც და ქარგვასთან მიმართებაშიც საკუთარი მიდგომა აქვს _ ძირითადად, მხოლოდ ყვავილები გადააქვს ტილოზე, უმეტესად ზამთარში, გრძელი ღამეების პერიოდში ქარგავს. მისი ოთახის კედლებს არაერთი ასეთი ნამუშევარი ამშვენებს და "კანას" ფესტივალზე მეოცნებეს, არც კალას მოქარგვაზე უთქვამს უარი, რომელსაც მალე დაასრულებს და შემდეგ "სპათიუმის" ტილოზე გადატანაზეც იზრუნებს.

ოზურგეთის მუნიციპალიტეტის გამგეობის და ქალაქ ოზურგეთის მერიის კულტურის სამსახურის ხელმძღვანელები _ ნატალია ხომერიკი და მარინა ჯაფარიძე მიიჩნევენ, რომ "კანას" ფესტივალზე და, ზოგადად, ყვავილების ფესტივალზე მეოცნებე ქალბატონის ინიციატივა მხოლოდ მისასალმებელი და მისაღებია:

_ ერთი შეხედვით, თითქოს ყველას გვიყვარს ყვავილები. არც ერთ ქალბატონს ძალით არ უნდა სჭირდებოდეს ყვავილებისკენ ძალით მიბრუნება.  "ყვავილების ფესტივალი" ჩვენს ყოფას, თითოეულ სოფელს, ქუჩას, სკვერს თუ მთლიანად ქალაქს და რეგიონს მეტ ესთეტიურ და გამორჩეულ ელფერს მიანიჭებს, რაც არასდროს არ იქნება მოჭარბებული და მოსაწყენი, ეს სადავო არ უნდა იყოს. ამასთანავე, ამ საქმის ორგანიზებას დიდი თანხები და კოლოსალური შრომა მართლაც არ დასჭირდება. ჩვენ უკვე გვაქვს, უფრო სწორად ამ ქალბატონმა გაგვიჩინა  სურვილი, მომავალი გაზაფხული ყვავილების დღესასწაულის საწყისი ეტაპი გახდეს. პირობითად ვიტყვით _  ჩვენ ირგვლივ რომ გარემო სამოთხედ ვაქციოთ, ამისთვის დიდი შრომა და ნერვები ნაკლებად საჭიროა, სიყვარულით და ესთეტიკით ნასაზრდოები განწყობაა საჭირო, _ ამბობენ ისინი.




 ახალი ამბები
  • პრეზიდენტმა სააღდგომოდ 19 პატიმარი შეიწყალასაქართველოს პრეზიდენტმა სააღდგომო დღესასწაულების ფარგლებში მისთვის კონსტიტუციით მინიჭებული უფლების ფარგლებში, 19 პატიმარი შეიწყალა. როგორც პრეზიდენტის ადმინისტრაციის უფროსმა, ლაშა ჟვანიამ განაცხადა, პრეზიდენტის მიერ შეწყალებულ მსჯავრდებულთაგან ორი ქალბატონია, რომლებიც პენიტენციურ დაწესებულებას დღესვე დატოვებენ. „ასევე საქართველოს პრეზიდენტმა შეიწყალა 23 პირობითი მსჯავრდებული, აქედან ორი ქალი. შეწყალებულთაგან 21 პირობითი მსჯავრდებული სრულად გათავისუფლდა პირობითად ჩათვლილი თავისუფლების აღკვეთის შემდგომი მუხლისგან. მათ შორის, სამი პირობითი მსჯავრდებული შეწყალებული იქნება პირობითი მსჯავრისა და საქმიანობის უფლების ჩამორთმევისგან, ხოლო ორ მსჯავრდებულს შეუმცირდა პირობითი მსჯავრის მოსახდელი ვადა“, – განაცხადა ... ...
  • პროფესიული გადამზადების კურსებზე სწავლა 1426-მა ბენეფიციარმა დაიწყოსოციალური მომსახურების სააგენტოს „სამუშაოს მაძიებელთა პროფესიული მომზადება-გადამზადებისა და კვალიფიკაციის ამაღლების სახელმწიფო პროგრამის“  ფარგლებში,  მოკლევადიან კურსებს 1426 ადამიანი გაივლის. თბილისსა და 11 მუნიციპალიტეტში არსებულ პროფესიულ კოლეჯებში სასწავლო პროცესი მიმდინარე წლის აპრილში დაიწყო.  მომზადება-გადამზადების მოკლევადიანი კურსები 2-დან 4 თვემდე გრძელდება.  პროგრამაში, როგორც სახელმწიფო, ისე კერძო, 30 პროფესიული სასწავლებელია ჩართული. სასწავლო კურსები შრომის ბაზრის თვისობრივი კვლევის საფუძველზეა შემუშავებული. პროგრამის მონაწილეები 31 მოთხოვნად პროფესიას ეუფლებიან. პროფესიულ კურსებზე სწავლის მსურველებს სააგენტო ვაუჩერს გადასცემს, რომლის მაქსიმალური ღირებულება 1000 ლარს, შეზღუდული შესაძლებლობების მქონე პირებისთვის კი 1500 ლარს შეადგენს.    სწავლის დამთავრებისთანავე, კურსდამთავრებულებს სოციალურ მომსახურების სააგენტოს მიერ ორგანიზებულ დასაქმების ფორუმში მონაწილეობისა და კვალიფიკაციის შესაბამისად,  მყისიერი დასაქმების შესაძლებლობა მიეცემათ.   „სამუშაოს მაძიებელთა პროფესიული მომზადება-გადამზადებისა და კვალიფიკაციის ამაღლების სახელმწიფო პროგრამის“  მეორე ეტაპი 2019 წლის სექტემბერში ... ...
  • „ბიძინა ივანიშვილის რეიტინგი მინიმალურ დონზეა დასული“_ ნიკა ჩიტაძე„საზოგადოების მნიშვნელოვან ნაწილს ბიძინა ივანიშვილის დაპირებების აღარ სჯერა. 2013-2014 წლებში პარტიის ლიდერისადმი ნდობის ხარისხი 50%-ს აღემატებოდა, დღეს კი მისი რეიტინგი მინიმალურ დონეზეა დასული“,_ აღნიშნა „გურია ნიუსთან“ პოლიტიკის ექსპერტმა ნიკა ჩიტაძემ. ჩიტაძე პანკისში განვითარებულ მოვლენებსაც აფასებს და ამბობს, რომ “ხელისუფლებამ  არარაციონალური მოქმედებებით, მათ შორის, ადგილზე სპეცრაზმის შეყვანით საქართველოს არაკეთილმოსურნეების წისქვილზე  წყალი დაასხა“. _ ბატონო ნიკა, პოლიტიკოსთა და ექსპერტთა ნაწილი პანკისის ხეობაში სამართალდამცავებისა და ადგილობრივ მოსახლეობას შორის მომხდარ მწვავე დაპირისპირებაზე პასუხისმგებლობის უმეტეს წილს შს მინისტრს, გიორგი გახარიას აკისრებს. იმ ფონზე, როცა ადგილზე დამატებითი ძალების მობილიზებამ ვითარება კიდევ უფრო გაამწვავა, როგორ ფიქრობთ, “ქართული ოცნების“ ხელისუფლების მხრიდან რამდენად გააზრებული და მართლზომიერი ნაბიჯი იყო ძალადობრივი ქმედებების განხორციელების მიზნით ხეობაში სპეცრაზმის შეყვანა? _პირველ ყოვლისა, პრობლემა იმაში მდგომარეობს, რომ შს სამინისტროს აღნიშნულმა ქმედებამ საქართველოს ინტერესები დააზიანა. საქართველოს სოციალურ-ეკონომიკური განვითარების თვალსაზრისით ქვეყანაში ჰიდროელექტრორესურსების გამოყენება აუცილებელია. მაგალითისთვის, ჯამში საქართველოს, დაახლოებით, ჰიდროელექტრორესურსების 15%-მდე აქვს ათვისებული. ჰიდროელექტრორესურსების მაქსიმალურად ათვისების შემთხვევაში კი, საქართველოს შეუძლია, დაახლოებით, 150 მილიარდ კილოვატსაათი ელექტროენერგია გამოიმუშავოს. ასეთ ვითარებაში, ხელისუფლების შეცდომა ის არის, რომ პანკისის მოსახლეობასთან ჰესის მშენებლობასთან დაკავშირებით ნაკლები კომუნიკაცია ჰქონდა. აღნიშნულ რეგიონში მნიშვნელოვანი პროექტები უნდა განხორციელდეს, ხელისუფლებამ კი საკუთარი არარაციონალური მოქმედებებით, მათ შორის, ადგილზე სპეცრაზმის შეყვანით, რაც სრულიად გაუზრებელი ნაბიჯი იყო, საქართველოს არაკეთილმოსურნეების წისქვილზე წყალი დაასხა.   _მედიაში აქტიურად ვრცელდება ინფორმაცია იმის შესახებ, რომ პანკისში სამართალდამცავებსა და მოსახლეობას შორის მომხდარი დაპირისპირება სუს-ის უფროსის ვახტანგ გომელაურისა და პოლიტიკაში დაბრუნებული ირაკლი ღარიბაშვილის შს მინისტრ გიორგი გახარიასთან დაპირისპირების შედეგია. აღნიშნულის შესახებ რას ფიქრობთ?! გავლენების გადანაწილების მიზნით, შესაძლოა, მაღალჩინოსნებს შორის შიდაპარტიული ბრძოლა მიმდინარეობდეს? _მაღალჩინოსენბს შორის დაპირიპირება გამორიცხული არ არის, თუმცა აღნიშნულის დამამტკიცებელი საბუთი, ჯერჯერობით, არ არსებობს, ამიტომ ამ თემის შესახებ კომენტარის გაკეთება გამიჭირდება. ვარაუდების შესახებ იმ შემთხვევაში ვისაუბრებ, თუ მაღალჩინოსნებს შორის დაპირისპირების კონკრეტულ ფაქტი გამოიკვეთება. ამ ეტაპზე, მნიშვნელოვანია საზოგადოებამ კარგად გაიგოს, პანკისი ხეობაში ჰიდროელექტროსადგურის მშენებლობა ქვეყნისთვის სასარგებლო არის თუ არა.   _ 2 წლის შემდეგ ირკვევა, რომ პარლამენტმა ზაზა ხარებავა იუსტიციის უმაღლესი საბჭოს არამოსამართლე წევრად კანონდარღვევით დაამტკიცა.  კერძოდ, არასამთავრობო ორგანიზაცია “საქველმოქმედო-ჰუმანიტარული ცენტრი აფხაზეთი”, რომელმაც ხარებავა კანდიდატად წარადგინა, სასამართლოში წარმომადგენლობით საქმიანობას არ ახორციელებდა, რაც კანონის მიხედვით, კანდიდატის წარმდგენ არასამთავრობო ორგანიზაციას მოეთხოვება. ნიშანდოვლივია ის ფაქტი, რომ ხარებავა ამავე საბჭოს წევრის, სასამართლო კლანის წევრად მიჩნეული ირაკლი შენგელიას მეჯვარე და შვილის ნათლიაა, აღნიშნული ფაქტი, როგორ ფიქრობთ, სასამართლო სისტემაში კლანურ მმართველობასა და კორუფციის არსებობაზე მიუთითებს? _ ფაქტები აჩვენებს, რომ განსაკუთრებით სასამართლო სისტემაში კლანური მმართველობა და ნეპოტიზმის პრობლემა არსებობს. როგორც ცნობილი ფილოსოფოსი ციცერონი იტყოდა, მართლმსაჯულება სახელმწიფოს საფუძველია. სასამართლო სისტემაში მურუსიძე-ჩინჩალაძის არსებობა კი ნიშნავს იმას, რომ საქმე კლანურ მმართველობასთან გვაქვს.  სასამართლო სისტემაში ნეპოტიზმის არსებობა ყველა უწყებასთან შედარებით ბევრად უკეთ ჩანს. პრობლემაა ისიც, რომ მართლმსაჯულების სისტემაში მოსამართლეთა შესარჩევი კონკურსები გამჭვირვალედ არ ტარდება.   _ ხელისუფლების მიმართ საზოგადოების უკმაყოფილების ზრდის ფონზე, როგორ ფიქრობთ, „ქართული ოცნება“ 2020 წლამდე მსხვილ საკადრო ცვლილებებს, მათ შორის, პრემიერ-მინისტრისა და პარლამენტის თავმჯდომარის დონეზე, განახორციელებს?  _ 2020 წლამდე „ქართული ოცნების“ გუნდში საკადრო ცვლილებები განხორციელდება. მმართველი პარტიის საარჩევნო სიაში ახალ სახეებს ვიხილავთ. გამორიცხული ისიც არ არის, რომ პრემიერი მამუკა ბახტაძე უახლოეს მომავალში შეიცვალოს. იმ ფონზე, როცა მოსახლეობა ყველაფერს ბიძინა ივანიშვილს აბრალებს, პარტიის ლიდერი ვიღაცებს განტევების ვაცის როლს აუცილებლად მოარგებს. აღსანიშნავია, რომ  საზოგადოების მნიშვნელოვან ნაწილს ბიძინა ივანიშვილის აღარ სჯერა, 2013-1014 წლებში მისდამი ნდობის ხარისხი 50%-ს აღემატებოდა, დღეს  კი მისი რეიტინგი მინიმალურ დონეზეა ... ...
  • ბრწყინვალე აღდგომის დღესასწაულის დღეებში საქართველოს ბანკის სერვისცენტრების მუშაობის განრიგი (R)საქართველოს ბანკმა, ბრწყინვალე აღდგომის დღესასწაულთან დაკავშირებით, სერვისცენტრების მუშაობის განრიგის შესახებ განაცხადა. 26, 28 და 29 აპრილი საქართველოს ბანკის გარკვეული სერვისცენტრებისთვის დასვენების დღეები იქნება. შაბათს, 27 აპრილს, ბანკის ყველა სერვისცენტრი, მათ შორის Express სერვისცენტრებიც, იმუშავებენ  ჩვეულ რეჟიმში, სტანდარტულად დადგენილი სამუშაო საათების მიხედვით. მომხმარებელს მოქმედი სერვისცენტრების შესახებ დეტალური ინფორმაციისთვის შეუძლია მიმართოს, სატელეფონო მომსახურების ცენტრს ნომერზე: 2 444 444. სატელეფონო მომსახურების ცენტრი ხელმისაწვდომი იქნება 24 საათის განმავლობაში, კვირაში შვიდი დღე. ასევე, ინფორმაცია საქართველოს ბანკისა და Express ბანკის სერვისცენტრების მუშაობის განრიგთან დაკავშირებით  ხელმისაწვდომი იქნება შემდეგ ბმულებზე: საცალო საბანკო მომსახურების სერვისცენტრების განრიგი: https://bankofgeorgia.ge/retail/ge/about-us/news?n=442 ექსპრეს ბანკის სერვისცენტრების განრიგი: http://expressbank.ge/ge/about-express/news?n=251 30 აპრილიდან საქართველოს ბანკის ყველა სერვისცენტრი ჩვეულ რეჟიმში განაგრძობს ... ...
  • "ნაციონალური მოძრაობის“ ბრალდებები აბსურდულია _ ოცნების კანდიდატს მოსახლეობის 65 % უჭერს მხარს" (R),,ნაციონალური მოძრაობის“ ბრალდებები აბსურდულია და გამოწვეულია იმ შიდა კვლევებით, რომლს მიხედვითაც ოცნების კანდიდატს მოსახლეობის  65 % უჭერს მხარს” _  ასე ეხმაურება ,,ნაციონალური მოძრაობის“ ბრალდებებს ქართული ოცნების საარჩევნო შტაბის წარმომადგენელი ლაშა გვასალია.  „ამ მონაცემების გამო ნაციონალები აგონიაში არიან და გადმოდიან აბსურდულ ბრალდებებზე, არავინ არ ახდენს ზეწოლას, ზეწოლები და ხალხის დაშინება მათი მოგონილია. აბსურდულია ნაციონალური მოძრაობის ბრალდება, თითქოს ჩვენ საარჩევნოდ არაზუგდიდელებს ვარეგისტრირებთ. ეს არის წმინდა წყლის სიცრუე და იმ კვლევას უკავშირდება, რაც ჩატრადა  და რომლის მიხედვითაც მმართველი გუნდის მერობის კანდიდატი გიორგი შენგელია 65% ლიდერობს“ _ აცხადებს ლაშა გვასალია. მისივე განმარტებით ცნობილია ნაციონალების ადგილობრივი ლიდერების ვინაობაც  ვინც რეგიონის მუნიციპალიტეტებში აქტივის მობილიზებას და ზუგდიდში ჩაწერებს ახდენს.  ,,რაც შეეხება ჩაწერების  თემას, პირიქით მათი მხრიდან ხდება  მომხრეების მობილიზება სხვადასხვა მუნიციპალიტეტებში და ზუგდიდში ჩაწერა, შემიძლია დაგისახელოთ კონკრეტული ადამიანების სახელები და გვარები.  ხობში ამ პროცესს ია ჯიშკარიანი ხელმძღვანელობს, წალენჯიხაში ელგიჯა მესხია, ფოთში კი დარეჯან ცხვიტარია, ეს ადამიანების ახდენს აქტივის მობილიზებას და ჩაწერების გაკეთებას. შეუძლიათ, რაც უნდათ ის გააკეთონ, ჩვენ გავიმარჯვებთ და ამას არჩევნებზე დავამტკიცებთ“ _ აცხადებს ლაშა ... ...

არქივი

კარმიდამო ჩემი

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...

ნუ ეხუმრებით გაციებას!

გაციება სიცივის დადგომისთანავე ვლინდება. ბევრი...
ზაფრანი

თამაში თუ რეალობა...

ქალს შეუძლია, თავის შესახებ ყველაფერი...

„სასწრაფო” დიეტა

თუ გსურთ, მოკლე დროში კილოგრამების...

რაში ხარჯავს ქალი ყველაზე მეტ დროს ფუჭად?

რაში ხარჯავს ქალი ყველაზე მეტ...

სვით მაყვლის ფოთლების ჩაი

მაყვალი სამკურნალო მცენარეა. სამკურნალოდ გამოიყენება...

რა მოსწონთ ქალებს მამაკაცებში ცეკვის დროს

ცოტა ხნის წინ ბრიტანელმა სწავლულებმა...