ღვინო _ კვების პროდუქტი

კარმიდამო ჩემი

ღვინო _ კვების პროდუქტი

2012 თებ 24 04:00:00

კვების პროდუქტი _ ესაა კვებისთვის განკუთვნილი ნივთიერება, რომელიც შეიცავს იმ მაკრო და მიკროელემენტებს, რომლებიც საჭიროა ადამიანის ორგანიზმის მოთხოვნილებათა დასაკმაყოფილებლად. ამ მხრივ ღვინო უდავოდ უნდა ჩაითვალოს კვების პროდუქტად, რადგან შეიცავს ენერგიის წყაროს, ნახშირწყლებს, ზოგიერთ პროტეინს, მინერალურ მარილებს, მინერალურ მჟავებს, ვიტამინებს.

ღვინო _ უძველესი სამკურნალო საშუალებაა. მედიცინის ისტორია თვლის, რომ ღვინო უძველესი დროიდან იყო ჩართული სამკურნალო თერაპიულ საშუალებებში. ჯერ კიდევ ანტიკურ ბერძნულ-რომაულ სამყაროში, შემდეგ კი აღორძინების ხანაში, ღვინო იყო ერთ-ერთი ყველაზე გავრცელებული სამკურნალო საშუალება. ამ საპატიო ადგილს ის იკავებდა მანამ, სანამ თანამედროვე მეცნიერებამ არ შეცვალა იგი მედიკამენტებით. მეორე მსოფლიო ომის შემდეგ, ღვინის ღირსებებს შესამჩნევი ჩრდილი მიაყენა პურიტანულმა ანტიალკოჰოლურმა მოძრაობამ, რომელმაც, თუმცა, მთლად ვერ გაასამართლა, მაგრამ მოახერხა ღვინის საეჭვო სასმელად მიჩნევა. 25 წლის განმავლობაში მრავალი ცნობილი ექიმი, მათ შორის პროფესორები მასკელე და რენო, დაბეჯითებით ცდილობდა დაერწმუნებინა საზოგადოება იმაში, რომ ღვინოს დაუმსახურებლად ექცეოდნენ, რომ სამეცნიერო გამოკვლევებით დასტურდებოდა ღვინის კეთილისმყოფელი გავლენა ჯანმრთელობაზე.

დროული იყო ამერიკის მასობრივ საინფორმაციო საშუალებებში გახმაურებული ე.წ. "ფრანგული პარადოქსი" იმის შესახებ, რომ ღვინოს, თავისი განსაკუთრებული თვისებების წყალობით, გულ-სისხლძარღვთა დაავადებების თავიდან აცილება შეუძლია.

თერაპიულ მკურნალობაში ღვინის გამოყენების შესახებ უძველეს ცნობებად შეიძლება ჩაითვალოს არქეოლოგიური გათხრების შედეგად ნაპოვნი წარწერები: ეგვიპტეში პლა-ხოტეპას საფლავზე (4000 წ.ჩვ. ერამდე) და შუმერული ქალაქის ნიპპურის (3000 წ. ჩვ. ერამდე) წარწერები.

ჯანმრთელობის ღმერთის ასკლეპიოსის ტაძრებში ბერძნები თავიდან ჯადოქრულ მედიცინას მისდევდნენ. სამკურნალო საშუალებების გამოჩენისთანავე მათ შორის საპატიო ადგილზე ღვინო აღმოჩნდა. ჰომეროსის ცნობით, ტროას ომის დროს დაჭრილი ფილოკტეტი მომაკვდინებელი წყლულებისგან ასკლეპიოსის შვილის, პოდალირის ღვინომ განკურნა.

თანამედროვე მედიცინის მამის, ჰიპოკრატეს მოღვაწეობის პერიოდში, ღვინომ თერაპიასთან უახლოეს კავშირს მიაღწია. დღევანდელი ექიმები, ჰიპოკრატეს ფიცის დადებისას არ უნდა ივიწყებდნენ მისივე სიტყვებს: ღვინო საოცრად შეესაბამება ადამიანს როგორც ჯანმრთელობის დროს, ისე _ ავადმყოფობისას. ის უნდა დაინიშნოს აუცილებლობის შემთხვევაში და გარკვეული დოზით _ ადამიანის ფიზიკური აგებულების შესაბამისად.

ჰიპოკრატე, რომლისთვისაც უცხო არ იყო იუმორი, ამტკიცებდა, რომ მძიმე ხასიათი და ნაღვლიანი განწყობილება ავადმყოფობის მთავარი მიზეზია. იგი ადამიანებას ურჩევდა, დაელიათ ღვინო, რადგან "ის ამხიარულებს და ქმნის კარგ განწყობას", თუმცა, წინდახედულებას იჩენდა და აზუსტებდა "მრავალი რამ შეიძლება იყოს გამაჯანსაღებელი, თუ მას თავის დროზე გამოიყენებთ; ავადმყოფისთვის დროულად მიწოდებული ღვინო წამალია, მაგრამ, პირიქით, უდროოდ და უზომოდ მისი შესმა იწვევს გაღიზიანებას, ცხელებას, სიბრაზეს ანუ იქცევა ავადმყოფობის მიზეზად."

გარდა შინაგანი გამოყენებისა, ჰიპოკრატე წყლულების მოსაშუშებლად და რევმატიული ტკივილისას ღვინით გაჟღენთილ საფენის და ღვინის მალამოს ურჩევდა. მოგვიანებით თეოფასტემ ბალახებისა და სანელებლების დამატებით შექმნა სამკურნალო ღვინო, რომელსაც ჰქონდა საუკეთესო ფიტოთერაპიული თვისებები.

რომშიც კარგად იცნობდნენ ღვინის სამკურნალო თვისებებს. ამის შესახებ არსებობს უძველესი დროის მრავალი ავტორის ცნობა. ჯერ კიდევ პირველ საუკუნეში ჩვენს წელთაღრიცხვამდე დიოსკორიდი თავის სამედიცინო ნაშრომში წერდა: "ნატურალური, ოდნავ შემთბარი ღვინო კარგად აითვისება, სასარგებლოა კუჭისთვის; აღვიძებს მადას, აუმჯობესებს ძილს, აძლიერებს და ჯანმრთელ ფერს აძლევს სხეულს."

ნატურალისტი პლინ უფროსი, რომელიც 79 წელს პომპეიში, ვეზუვის ამოფრქვევისას საკუთარი პროფესიული ცნობისმოყვარეობის მსხვერპლი გახდა, თავის ტრაქტატში არა მხოლოდ ღვინის, არამედ, ვენახის ლერწის, ფოთლებისა და წიპწების სამკურნალო დანიშნულებაზეც წერს: "ღვინო არის ტონიკი, აპერიტივი, საძილე, ანუ ეიფორიული საშუალება, რომელიც აუმჯობესებს საჭმლის მონელებას". ეთანხმებოდა რა ჰიპოკრატეს რჩევებს, იგი ასკვნიდა: "ღვინო _ თავისთავადაა წამალი. ის კვებავს ადამიანის სისხლს, აამებს კუჭს, აქარწყლებს მწუხარებას და ნაღველს."

ცნობილმა რომაელმა მკურნალმა გალენოსმა "გაამხილა", რომ იმპერატორ მარკუს ავრელიუსს კუჭ-ნაწლავის პრობლემები ძალიან მარტივად, დღეში თითო ჭიქა წიწაკიანი ღვინის გამოწერით მოუწესრიგა.

რომის იმპერიის დაცემის შემდეგ, ჰიპოკრატეს შრომები დროებით მიივიწყეს. მხოლოდ ბერები, რომლებიც ამავდროულად იყვნენ ღვინის მწარმოებლებიც (თითქოსდა მხოლოდ საეკლესიო საჭიროებისთვის), ურჩევდნენ პაციენტებს საკუთარ ბაღებში გამოყვანილი სამკურნალო მცენარეებით შეზავებულ ღვინოს.

გარკვეული პერიოდის შემდეგ, როცა იტალიაში დაარსდა სალერნოს სამედიცინო სკოლა, ისევ აღიარეს, რომ ბუნებრივი დუღილის შედეგად მიღებული ეს საოცარი სითხე მართლაც საიმედო თერაპიული საშუალებაა. სწორედ მაშინ გაჩნდა ჰოსპიტლის შესასვლელის თაღზე წარწერა: "დალიე ცოტა ღვინო". სამედიცინო ფაკულტეტის სახელმძღვანელოები კი ასეთ კომენტარს აკეთებდნენ: "სუფთა, კარგი ღვინო მოხუცებს მეორე ახალგაზრდობას ანიჭებს; სუფთა ღვინოს აქვს მრავალი ღირსება: ამაღლებს ტონუსს, იცავს ცუდი განწყობისგან, ხელს უწყობს გადავსებული ნაწლავების გათავისუფლებას. ღვინით ეძლევა ჭკუას _ სიხალისე, მზერას _ ნათელი, სმენას _ სიმახვილე: ღვინო იცავს სიმსუქნისგან და ჩუქნის ჯანმრთელობას."

არაბი ექიმი ავიცენა (980-1037) აღიარებდა ღვინის ღირსებებს და მას "ბრძენთა საუკეთესო მეგობრად" მიიჩნევდა.

შუა საუკუნეების ეპოქის დასასრულს, დიდი ზეიმით იქნა გახსნილი მონპელიეს სამედიცინო ფაკულტეტი. სტუდენტები განსაკუთრებული გულმოდგინებით სწავლობდნენ უძველეს სამედიცინო ტრაქტატებს, რომელთა უმრავლესობაში ღვინო ერთ-ერთ სამკურნალო კომპონენტად მოიხსენებოდა.

ცნობილი სამხედრო ქირურგის, ანრი დე მონდევილის (1260-1320) რეკომენდაციით, დაჭრილებს ოპერაციის მეორე დღიდან აძლევდნენ ღვინოს: _ მაგრამ ღვინო, _ ამბობდა იგი, _ უნდა იყოს ყველაზე საუკეთესო, როგორ შეიძლება მოიძებნოს: მსუბუქი, არომატული, სასიამოვნო გემოთი. ავადმყოფს უნდა მიეცეს 500 მლ. საუზმის და 250 მლ საღამოს, სადილის შემდეგ.

სწავლულ არნოს (1240-1320) განსაკუთრებული მოსაზრება გააჩნდა თეთრი ღვინის შესახებ: "ოდნავ შემთბარი თეთრი ღვინო, ძალიან ცოტა საჭმელთან ერთად, ნაკლებად ვნებს ტვინს და ხელს უწყობს დიდი რაოდენობით შარდის გამოყოფას. ეს სასმელი მშვიდობიანია. არ აფორიაქებს გონებას. თეთრი ღვინო იმათაც არგებს, ვისი გონებაც გადაღლილია ჩვეულებრივი, ცხოვრებისეული ან შემთხვევითი მოვლენებით."

რაც შეეხება ჯოვანი ბოკაჩოს (1313-1375), იგი გვიყვება, რომ ზომიერი დოზებით რეგულარულად მიღებული ღვინით გადაურჩა შავი ჭირის ეპიდემიას.

აღორძინების ეპოქაში ჰიპოკრატესა და გალიოსის სამედიცინო თეორიები კვლავ ძალაში დარჩა. ჰარვეისა და პეკის გამოკვლევებმა სისხლის ცირკულაციის შესახებ ვერ ჰპოვა აღიარება თანამედროვეთა შორის. ამ პერიოდის ფარმაკოთერაპიაში წამყვანი ადგილი მცენარეებს ეჭირა. თუმცა, დაგროვილი ცოდნა და სამეცნიერო აღმოჩენები, რომლითაც ცნობილი იყო აღორძინების ეპოქა, ასევე მეცნიერების მჭიდრო კავშირი ანტიკური სამყაროს მიღწევებთან, თანდათან განამტკიცებდა ღვინის სამკურნალო თვისებებისადმი რწმენას.

ღვინის ერთ-ერთი მთავარი პროპაგანდისტი იყო ფრანსუა რაბლე. თავის დროზე ის იყო მონპელიეს სამედიცინო ფაკულტეტის საპატიო ექიმი, რომელიც ყველას გასაგონად ამტკიცებდა, რომ "ყურძნის წვენი ნათელს ჰფენს გონებას, ფანტავს ნაღველს, ჩუქნის სიხარულს და კარგ განწყობას." თავის ერთ რეცეპტში ის ურჩევდა დაქუცმაცებულ კრაზანას ყვავილებს ღვინის ნაყენში, როგორც დელიკატურ ადგილებში ტკივილის მომხსნელ უებარ საშუალებას. იმ პერიოდში სამკურნალო მცენარეები, რომლებიც დაყენებული იყო ღვინოზე, გამოიყენებოდა როგორც ანტისეპტიკური საშუალება. ასეთ ნაყენს იყენებდნენ ცხვირსახის ინფექციური დაავადების, ძლიერი ხველის, რძის გაქრობის, სიყვითლის შემთხვევაში. მასვე ასმევდნენ როგორც აღმგზნებ საშუალებას, "სიყვარულის ხანძრის დასანთებად." სამაგიეროდ, ღვინისა და ნაყენების მიღება კატეგორიულად ეკრძალებოდათ ნიკრისის ქარის შეტევის დროს.

ფრანსუა რაბლეს თანამედროვე მიშელ დე მონტენი იყო არა მხოლოდ ლიტერატორი და მორალისტი, არამედ ბორდოელი ღვინის მეწარმეც. საკუთარ სხეულში საშარდე გზების კენჭოვან დაავადებას იგი თეთრი, მშრალი ღვინით ებრძოდა, მერე კი სხვებს უამბობდა ამ მეთოდის ეფექტიანობის შესახებ. ეს მოუღლელი მოგზაური, კულტურული და ინტელექტუალური საგანძურის მუდმივი მაძიებელი საგანგებოდ ეწვია ლემანის ტბის სანაპიროს, რათა იქაური, საყოველთაოდ ცნობილი თეთრი შარმდენი ღვინით ემკურნალა.

რაც შეეხება ვალუას კარის ქირურგს, ამბრუაზა პარეს, იგი ბრძოლის ველზე დაჭრილებს წითელი ღვინის საფენებით მკურნალობდა. წითელი ღვინო სამკურნალო პრაქტიკაში განსაკუთრებით მას შემდეგ აღიარეს, რაც დამტკიცებული იქნა მისი ანტიბიოტიკური თვისებები.

ქიმიკოსი ფურკუა თვლიდა, რომ "ღვინო ნამდვილი წამალია მისთვის, ვინც სისტემატიურად არ სვამს მას. იგია სასიცოცხლო ძალების მატონიზებელი და ძალიან ძლიერი საგულე საშუალება."

იმ დროს, როცა სამედიცინო კორპორაციების უმრავლესობა როგორც საფრანგეთში, ასევე დანარჩენ სამყაროში აღიარებდა ღვინის სამკურნალო თვისებებს, მოწინააღმდეგეთა პოზიციებზე იდგა ანგლოსაქსონური ქვეყნები. დიდ ბრიტანეთში აყვავებული ღვინის წარმოება "მორალის სიწმინდის" სახელით სასწრაფოდ განადგურდა. თავად ინგლისელები კი ფრანგული, უფრო მეტად ბორდოს ღვინის მომხმარებლად იქცნენ. თუმცა, გარკვეულ გარემოებათა გამო, ისინი ნაკლებად სვამდნენ ღვინოს, მაგრამ არასოდეს შეუწყვეტიათ სამკურნალო დანიშნულებით მისი გამოყენება.

საუკუნეებთან ერთად, ღვინის, როგორც დამატებითი სამკურნალო საშუალების გამოყენება, თანდათან დაინერგა მედიცინაში. ხოლო, როდესაც ინგლისელმა მეცნიერმა ტოლმა შექმნა ეთილოთერაპიის მეთოდი, ღვინო დიზენტერიასა და ქოლერასთან ბრძოლის ოფიციალურ საშუალებად იქნა მიჩნეული.

1930 წელს პროფესორ პეროს და ექიმ კიუვეს ერთობლივი შრომით მიღწეული იქნა, ვაზი შეეტანათ სამკურნალო მცენარეთა სიაში.

1931 წელს პოლიტიკურმა მოღვაწემ ანდრე ტარდიემ შექმნა ღვინის პროპაგანდის კომიტეტი, რომელიც ავრცელებდა სასწავლო მიზნებისთვის განკუთვნილ ინფორმაციას. გადავხედოთ ერთ-ერთს: "ერთი ლიტრი სუფთა ღვინო სრულფასოვნად ცვლის 900 მლ. რძეს, 370 გრ. პურს ან 5 ცალ კვერცხს."




 ახალი ამბები
  • სპეცრაზმი მოსწავლე-ახალგაზრდობის სახლის ეზოდან, სავარაუდოდ, მომიტინგეების დასარბევად ემზადება (ფოტო)ამ წუთებში პარლამენტთან მოსწავლე ახალგაზრდობის სახლის მხრიდან სპეცრაზმელების დიდი რაოდენობაა მობილიზებილი. გავრცელებული ინფორმაციით ისინი მომიტინგეების დასარბევად ... ...
  • "გასაღები ჩემს ხელშია!" _ გურული ლეიბორისტი აქციიდან დაბრუნდა„ლეიბორისტული პარტიის“ ოზურგეთის რაიონული ორგანიზაციის თავმჯდომარე დავით მამალაძე გუშინ ჩატარებული აქციიდან დაბრუნდა. "დავბრუნდი და გასაღები ჩემ ხელშია! ვნახოთ, როგორ შევლენ პარლამენტში!" _ ხუმრობით გვითხრა დავით მამალაძემ. მისივე თქმით, ივანიშვილის მმართველობა სრულდება და ცოტა ხანში ხალხი განთავისუფლდება ... ...
  • ოზურგეთის საკრებულოს ბიუროს სხდომაზე ლადო სურგულაძის ხსოვნას პატივი მიაგესდღეს,  ოზურგეთის მუნიციპალიტეტის საკრებულოს ბიუროს სხდომა შედგა. საკითხების განხილვის დაწყებამდე, საკრებულოს თავმჯდომარის, დავით დარჩიას თხოვნით, ბიუროს სხდომის მონაწილეებმა წუთიერი დუმილით პატივი მიაგეს მოულოდნელად გარდაცვლილი, ოზურგეთის საკრებულოს ყოფილი თავმჯდომარის ვლადიმერ სურგულაძის ... ...
  • "არ მივცემთ სპეცრაზმს შესვლის უფლებას" _ აქციის მონაწილეებმა გზა გადაკეტესაქციის მონაწილეებმა ჩიტაძის ქუჩაზე ცოცხალი ჯაჭვი გააკეთეს, საიდანაც, სავარაუდოდ, სპეცდანიშნულების რაზმი პარლამენტისკენ დაიძრება. "არ მივცემთ სპეცრაზმს შესვლის უფლებას", _ ამბობენ ... ...
  • მცირე ცვლილებები და მრავალი კითხვა15 ნოემბერს, ოზურგეთის მუნიციპალიტეტის საკრებულოს ბიუროს სხდომა გაიმართა. დღის წესრიგით გათვალისწინებული ორივე საკითხი, 2019 წლის ბიუჯეტში, საკრებულოს 2018 წლის 26 დეკემბრის დადგენილებაში ცვლილების და დამატებების შეტანას და 2019 წლის ბიუჯეტის შესრულების მესამე კვარტლის ანგარიშის მიმოხილვას ეხებოდა. ორივე საკითხის ირგვლივ მთავარი მომხსენებელი საფინანსო სამსახურის უფროსი გია მამაკაიშვილი იყო. როგორც მამაკაიშვილმა ბიუროს წევრებს უთხრა, 2019 წლის მესამე კვარტლის განმავლობაში დამტკიცებულ ბიუჯეტში გახორციელდა მხოლოდ ორი ცვლილება, რომელიც შეეხო სოციალური პროგრამებიდან დახმარების გაცემის წესს, ხოლო მეორე ცვლილებით, მთავრობის განკარგულებით, სულ შემოსავლების და გადასახდელების ნაწილში გაიზარდა 16 მილიონ 154 702 ლარით. _ 2019 წლის ბიუჯეტის მესამე კვარტლის შემოსულობებმა, 2018 წლის გარდამავალი ნაშთების გარეშე შეადგინა წლიური გეგმის 86,12 %. შემოსავლების წლიური გეგმა ტრანსფერის გარეშე შესრულებულია 87,58 %-ით. ხოლო ფაქტიურმა საკასო ხარჯებმა 2019 წლის მესამე კვარტლის მდგომარეობით შეადგინა წლიური გეგმის 70.21 %-ი, _ თქვა მამაკაიშვილმა. მან ჩაშლილი სახით წარმოადგინა ხუთი მილიონი ნაშთი, თუ რამდენი დარჩა ევროკავშირის, მიზნობრივი, მთავრობის განკარგულებებით თუ სხვადასხვა მიმართულებებიდან, განმარტა ისიც, რომ ამხელა ნაშთი არაა გამართლებული საბიუჯეტო თვალსაზრისით. მამაკაიშვილმა თქვა, რომ ბიუჯეტში წელს ბევრი ცვლილება არ მომხდარა.  2019 წლის ბიუჯეტში ცვლილების განხილვისას, ერთ-ერთ მნიშვნელოვან მიზეზად, მან სათამაშო ბიზნესის შეწყვეტაც დაასახელა. _ სამმა მეწარმემ, რომლებიც აქ სათამაშო ბიზნესს ფლობდნენ, მუშაობა შეწყვიტეს. წლის ბიუჯეტში, კვარტალში, დაგეგმილი იყო 250 ათასი ლარის ოდენობით გადასახადის შემოტანა. წლის დასაწყისში ამ მეწარმეებმა რაკი აქ ფუნქციონირება შეწყვიტეს, საბიუჯეტო ცვლილების ერთ-ერთი მიზეზი ესეც არის, _ თქვა გია მამაკაიშვილმა. საკრებულოს თავმჯდომარის მოადგილის კითხვაზე, რა მოხდება ამის შემდეგ, არის თუ არა კიდევ სხვა სახის სათამაშო ბიზნესი ქალაქის ტერიტორიაზე, მამაკაიშვილმა განმარტა: _ როგორც ვთქვი, სამმა მეწარმემ გადაწყვიტა წასვლა. ისინი გავიდნენ ოზურგეთიდან. ახლა აქ მხოლოდ მცირე ნაწილი დარჩა. სათამაშო ბიზნესის აპარატები აგრძელებენ ფუნქციონირებას, რომელთაგან, მილიონი ლარის ნაცვლად (რომელიც, ძირითადად, წელიწადში აწ წასულებისგან შემოდიოდა), შემოვა 100-150 ათასი ლარი. სწორედ ამიტომ გახდა საჭირო ცვლილება. დღეის მდგომარეობით, პროექტის მიხედვით, შემოსავლების და გადასახდელების ნაწილში ბიუჯეტი 7 648 428, 55 ლარით იზრდება. შემოსავლების ნაწილში საკუთარი შემოსავლები 851 300 ლარით, _ თქვა მან. _ ძალიან კარგია, რომ ბიუჯეტში ცვლილებებმა და დამატებებმა იკლო, მაგრამ რამ გამოიწვია ეს? ბიუჯეტის პროცესების ანალიზის დროს, ერთ-ერთი მნიშვნელოვანია ცვლილებების შეტანა. მიზეზი არის ცუდი საბაზისო მონაცემები და ცოტა მცდარი დასკვნების გამოტანა. ტექნიკური ხარვეზებია თუ რა ხდება? ჩემი შენიშვნა ეხება დამატებებს. ჯარიმების მუხლში დაგეგმილია დამატებით 851 ათასი ლარით შევსება და წლის ბოლომდე. რომ არ შემოვიდეს ეს თანხა? ან რამ განაპირობა ასეთი მნიშვნელოვანი ზრდა? გასაგებია მიზანი, მაგრამ ეს მთლად გამართლებული არ არის, _ თქვა ლავრენტი ბიგვავამ და მაგალითად მოიყვანა გასულ წლებში რეგიონის ერთ-ერთი მუნიციპალიტეტი, რომელსაც ბიუჯეტში სერიოზული გარღვევა მოუვიდა მსგავსი ქმედებისას. როგორც გია მამაკაიშვილმა განაცხადა, რომ 1 ოქტომბრის მდგომარეობით, ამ მუხლში გეგმა 105 %-ით არის შესრულებული, ხოლო ოქტომბერ-ნოემბერ-დეკემბრის თვეებში შემოსულობებს ველოდებით და პრობლემა არ იქნება. ლავრენტი ბიგვავა მაინც თავის მოსაზრებას ასაბუთებდა და ისიც თქვა, რომ მაგას კრედიტი აგეღოთ, ის ჯობდაო. ბიუროს სხდომაზე მიიღეს გადაწყვეტილება, რომ აღნიშნული ცვლილებებს კომისიები და ფრაქციები განიხილავენ, რასაც შემდეგ, როგორც საკრებულოს თავმჯდომარემ დავით დარჩიამ თქვა, საკრებულოს რიგგარეშე სხდომაზე ... ...

არქივი

კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...
ზაფრანი

როგორ გამოვავლინოთ ნიჭიერი ბავშვი

არ დაგეგმოთ შვილებს მომავალი შეეცადეთ...

აუცილებელი წასაკითხი მამებისთვის

ახალშობილს უნდა ეძინოს დედის საწოლში...

ბეკონი ჯანმრთელობისთვის სახიფათო ყოფილა

შვედი მეცნიერების მტკიცებით, ბეკონის საკვებად...

როგორ დავალევინოთ წამალი პატარას

წამლის დალევა პატარებს არ უყვართ,...

მერილინ მონროს სილამაზის საიდუმლო

 რა იყო ის საიდუმლო, რომლის...

რატომ უნდა ვხატოთ

ცოტა ხნის წინ, ამერიკელმა ფსიქოლოგებმა...

დარწმუნებული ხართ თუ არა, რომ სასმელად ვარგის წყალს მოიხმართ?