საბჭოური სიზმარი თუ რეალობა

კარმიდამო ჩემი

საბჭოური სიზმარი თუ რეალობა

26 ნოე. 2015, 23:48:18

რამდენიმე დღის წინ, ლანჩხუთში სტუმრად იმყოფებოდნენ სოფლის მეურნეობის სამინისტროს სასოფლო-სამეურნეო კოოპერატივების სააგენტოს მონიტორინგის სამსახურის წარმომადგენლები, რომლებმაც სახელმწიფოს მხრიდან სოფლის მეურნეობაში განსახორციელებელ  პროგრამებსა და ამ მხრივ გამოყოფილ სახელმწიფო დაფინანსებაზე ისაუბრეს.

"თავისუფალი დემოკრატების" ლანჩხუთის ორგანიზაციის თავმჯდომარე ვახტანგ ზენაიშვილი სახელმწიფოს მხრიდან მსგავს მიდგომას "ქართული ოცნების საბჭოურ სიზმარს" უწოდებს:

"პოპულისტურ პოლიტიკას არ ძალუძს მყარი ეკონომიკური სისტემის შექმნა. ის სოციალიზმის ნაბიჯ-ნაბიჯ გახორციელების ხერხია,"- _ამბობს ლუდვიგ ფონ მიზესი. ლანჩხუთში, ამ შეხვედრაზე  სამინისტროს წარმომადგენელმა სხვა მრავალ დაპირებასთან  ერთად, თქვა: "მინისტრის დონეზე იქნა გადაწყვეტილება მიღებული ლანჩხუთში ჩაის ფოთლის გადამამუშავებელი ძლიერი, დიდი ქარხნის მშენებლობის შესახებ. ასევე, ჩატარდება 50 ჰა-მდე ჩაის პლანტაციის სრული რეკულტივაცია". პირდაპირ ვიტყვი, რომ ესაა "ოცნების" ჩვეულებრივი, სოციალისტური თვალთმაქცობა. რომც აშენდეს ასეთი ფაბრიკა, მას არ ექნება არავითარი ეკონომიკური დატვირთვა. ასეთი საბჭოური გამოხდომების , სახელმწიფოს მაღალ ეშელონებში მოკალათებული ჩინოვნიკების კორუფციული ინტერესები და საარჩევნო კონიუნქტურა დგას, რომელთაც, ჩვენდა სავალალოდ, მოსახლეობის მხრიდან საბაზრო ეკონომიკის ანბანის არცოდნა და კომუნისტური წარსულიდან მომდინარე მენტალობა ასაზრდოებენ. დავსვათ მარტივი კითხვები: სად მიაქვთ მაგ ფაბრიკაში წარმოებული პროდუქცია?! გაუწევს კონკურენციას ხარისხითა და ფასით შემოტანილ, იმპორტულ საქონელს?! მინდა ვკითხო ამ სფეროში მოღვაწე მეწარმეებს: თქვენი პრობლემა რა არის _ არასაკმარისი სიმძლავრეები, თუ გასაღების ბაზრების სიმწირე? თქვენ რა, გაყიდეთ უკვე მთელი ნაწარმი და ბაზრის მოთხოვნას ვეღარ აუდიხართ და ახალი, სახელმწიფო ფულით აშენებული, ქარხანაა საჭირო? იქნებ ნედლეული, ჩაის ფოთოლი, გინდათ მეტი და ვერ შოულობთ, სახელმწიფო თანხებით პლანტაციების აღდგენაზე რომ მიდის საუბარი?! და თუ ეს ასეა, რატომ თქვენ თავად არ აფართოებთ წარმოებას? რატომ კერძო ინვესტიციებს არ მოიზიდავთ? პასუხი მარტივია: საკუთარს ყველა უფრთხილდება, წინასწარ განწირულ საქმეში ფულს არავინ ჩადებს, სახელმწიფოს ფული კი არავის ენაღვლება, ის კი არა, ხელის მოთბობაც შეიძლება. ნუთუ კითხვა არ გვებადება რატომ დაიხურა და მეტიც, აღიგავა პირისაგან მიწისა საბჭოთა დროს მოქმედი ყველა, მიაქციეთ ყურადღება, ყველა სახელმწიფო ჩაის ფაბრიკა, პრივატიზებული თუ არაპრივატიზებული?! და აქ არ გამოდგება პრიმიტიული არგუმენტები: ცუდმა ხალხმა "შეჭამა", მხედრიონმა დაანგრია და გაყიდა, ამერიკას და მასონებს არ უნდოდათ ჩვენთან რომ ფაბრიკა-ქარხნებს ემუშავათ და სხვა მსგავსი "აზრები". მოგეხსენებათ, იმას რაც მოგებას, შემოსავალს იძლევა არავინ ხურავს, არავინ აჩანაგებს... აგერ, ჩვენს თვალწინ ჩატარდა, ხალხის აზრით "უფასო", სინამდვილეში კი სწორედაც ხალხის ჯიბიდან ამოღებული თანხებით, ანუ სახელმწიფოს მიერ დაფინანსებული, ხვნა -თესვის კამპანია, რომლის შედეგი სოფლის მეურნეობის განვითარების თვალსაზრისით ნულია, შრომის კულტურის დაქვეითებაში, ცრუ ღირებულებებისა და მოლოდინების გაღვივებაში, ინფლაციურ პროცესებში თავისი წვლილი კი ნამდვილად შეიტანა. იგივე იქნება ამ შემთხვევაშიც, რადგან ასეთია სახელმწიფოს მიერ დაფინანსებული ეკონომიკური თუ სოციალური პროექტების ბუნება.  იგივე დაემართათ  თავის დროზე "ნაციონალების" მიერ მსგავსი მეთოდებით აშენებულ საკონსერვო და სასათბურე ობიექტებს. ამას წინათ, დავით ბაქრაძე _ "ნაციონალური მოძრაობის" ერთ-ერთი ლიდერი, შეხვდა, თუ არ ვცდები აგარაში, მათი მმართველობის პერიოდში აშენებული ხილის გადამამუშავებელი ქარხნის 400-მდე თანამშრომელს, რომლებიც აღნიშნული საწარმოს დახურვის გამო უმუშევრები დარჩნენ და ასე უთხრა: "ჩვენ ავამუშავეთ, "ოცნებამ" კი დახურაო". ხახვივით შერჩათ ბიუჯეტის თანხების გაფლანგვა და კორუფციული "ატკატები" , ის კი არა პოლიტიკური ქულებიც ჩაიწერა "მხსნელი სახელმწიფოს" მომლოდინე ამომრჩეველში. ეკონომიკური კანონზომიერებიდან გამომდინარე ნამდვილი მიზეზი საწარმოების დახურვისა ამომრჩეველს ნაკლებად აინტერესებს და გრძელდება ასე პოლიტიკური თაღლითობა, არჩევნებიდან–არჩევნებამდე. "ოცნება", დღეს, იმავე ოპერიდან არიებს უკვე კახეთში ასრულებს _ ყურძნის სუბსიდირება ხომ "ნაციონალებმა" დაიწყეს?! "ოცნებამ" კიდევ მეტად წაახალისა. თანაც იმდენად, რომ ვეღარც პროცესებს თოკავს და ვერც გაზრდილ მადას აკმაყოფილებს. "ნაციონალებმაც" საარჩევნო ქულების ჩაწერის დროაო და ერთი ამბავი აქვთ ატეხილი: ძალიან ცოტას უხდის სახელმწიფო გლეხებსო.

მე არც კოოპერატივების შექმნის წინააღმდეგი ვარ და არც ჩაის ფაბრიკების მშენებლობის, ოღონდ _  კერძო სახსრებით. კერძო სექტორმა უკეთ იცის როდის ააშენოს, სად ააშენოს ან ააშენოს თუ არა საერთოდ და ა. შ. ამა თუ იმ ფორმით სახელმწიფოს ბიზნესში ჩართულობა არა მხოლოდ შეცდომაა გრძელვადიანი ეკონომიკური პერსპექტივის თვალსაზრისით, არამედ დანაშაულიც. ასეთი ეკონომიკური ავანტურიდან ყველა დაზარალდება, მათ შორის სახელმწიფო, მოგებული მხოლოდ რომელიღაც მექრთამე ჩინოვნიკი იქნება. გამოსავალი ლიბერალური, ანუ თავისუფალი საბაზრო ეკონომიკაა, ამ ცნების ნამდვილი გაგებით და არა სოციალისტური ზიზილ-პიპილებით მორთული კაპიტალიზმი," _ ამბობს ზენაიშვილი.

აღნიშნულ თემასთან დაკავშირებით ჩვენ კომენტარი ლანჩხუთის მუნიციპალიტეტის ა(ა)იპ "საგარეო-ეკონომიკური კავშირურთიერთობების, ინვესტიციების, ტრანსპორტის, ტურიზმის და მეწარმეობის განვითარების" ცენტრის ხელმძღვანელს გელა ზოიძეს ვთხოვეთ, რომელიც უშუალოდ ხელმძღვანელობდა და მონაწილეობდა ამ შეხვედრაში: "სოფლის მეურნეობის სამინისტროს სასოფლო-სამეურნეო კოოპერატივების სააგენტოს მონიტორინგის სამსახურის უფროსის დავით მამუკელაშვილის განცხადებით, ლანჩხუთში ჩაის გადამამუშავებელი ქარხნის მშენებლობა ნამდვილად არის გეგმაში შეტანილი. თუმცა, მეორე საკითხია რამდენად გახორციელდება ეს გეგმა. ეს არ იქნება სახელმწიფო ფაბრიკა, ეს იქნება კონკრეტულად სახელმწიფო პროგრამით მხარდაჭერილი ფაბრიკა, რომელიც შემდგომ სამართავად გადაეცემა კონკრეტულ  კოოპერატივს. სახელმწიფო მხარდაჭერას ახორციელებს კოოპერატივების ფეხზე დადგომისა და მისი ინფრასტრუქტურით აღჭურვის მიზნით, იგი არ ჩაერევა მის მართვაში, მარკეტინგსა და პროდუქციის რეალიზაციაში.

რაც შეეხება აღნიშნულ პროგრამას, მინდა ვთქვა, რომ დიდი ხანია მასში ვართ ჩართულები და  ლანჩხუთში განსაკუთრებული დაინტერესებაა ჩაის მრეწველობასთან დაკავშირებით, სულ 19 კოოპერატივია. თუ რატომ დაინგრა და განადგურდა საბჭოთა დროინდელი ფაბრიკა-ქარხნები, ამ საკითხთან დაკავშირებით, მე ვეთანხმები ბატონ ვახტანგ ზენაიშვილს იმაში, რომ ამის ერთ-ერთი მიზეზი ისაა, რომ სახელმწიფომ ვიღაცას კაპიკებად მიჰყიდა. იმ დროსა და გარემოში ჩვენ ვერ შევძელით სახელმწიფოდ ჩამოყალიბება, წელიწადში 300 დღე შუქი არ გვქონდა...  ასე რომ, იმ პირობების გათვალისწინებით, რაც მაშინ ქვეყანაში იყო, ეკონომიკის განვითარებაზე საუბარიც კი ზედმეტი იყო.

ის, რომ ქართული პროდუქცია არ გაიყიდება, ამაში ვერ დავეთანხმები ზენაიშვილს, რადგან 39 ქვეყანა უშვებს ჩაის პროდუქციას და ყველა თავისუფლად ყიდის; ამ ფონზე რატომ არ გაიყიდება ქართული ჩაი თუნდაც ქართულ ბაზარზე, სადაც მისი წილი 7-8%-მდეა დაცემული.   ერთ-ერთი მთავარი პრობლემა, გარდა ტექნიკური აღჭურვისა, არის  საქართველოში საეჭვო ღირებულების ჩაის შემოტანა, რომელიც შემდგომ ქართული შეფუთვით გადის ბაზარზე. გასულ წელს 1400 ტონა დაუფასოებელი ჩაი შემოვიდა ქვეყანაში, მცირე ნაწილი გავიდა შემდგომ ექსპორტზე. ეს უხარისხო და გადასაყრელი ჩაი მინიმალურ ფასად იყო  შეძენილი _ ჩვენებმა კი ნაგვის ფასად იყიდეს, დააფასოეს და ასაღებენ, ვითომ ქართული ნაწარმია. ეს სქემა თუ დაიკეტება, ეს იქნება პირველი დახმარება სახელმწიფოს მხრიდან, რაზეც  დაპირებაც არსებობს.

რაც შეეხება კოოპერატივებს,  თუ ჩვენ მოვახერხებთ იმას, რომ კოოპერატივები, რომლებიც ჩვენთანაა დარეგისტრირებული, იაქტიურებენ, თავიანთ საკუთრებაში დაირეგისტრირებენ იმ ფერმერების პლანტაციებს, ვინაც თანახმაა  ჩაის გაკულტურებაზე, მაშინ სახელმწიფო დაიწყებს პლანტაციების რეაბილიტაციას. ამ ეტაპზე,  50 ჰექტრამდე პლანტაციის გაკულტურებაა დაგეგმილი თითოეულ მუნიციპალიტეტში, რასაც შემდგომ სჭირდება გადამუშავება და ტექნოლოგიური აღჭურვა. ამიტომ, თუ ეს გაკეთდება, მაშინ კოოპერატივების განვითარების სააგენტო საკუთარი ბიუჯეტიდან კოოპერატივს გადასცემს სამართავად ამ საწარმოს, რომელშიც გაერთიანდება ლანჩხუთში არსებული ყველა მეჩაიე კოოპერატივი.

მე უშუალოდ ვმონაწილეობდი პროექტის შედგენაში, თუ რა სიდიდისა და სიმძლავრის ფაბრიკა შეიძლება იყოს; ეს იქნება უახლესი იაპონური ტექნიკით აღჭურვილი მცირე სიმძლავრის ფაბრიკა, რომელიც 250 ტონამდე ნედლეულს გადაამუშავებს. ეს პროექტი და გეგმაა, რის განსახორციელებლად კოოპერატივების მხრიდან მეტი აქტივობა, წესდებით გათვალისწინებული ვალდებულებების შესრულებაა საჭირო.

ქვეყანაში სულ შვიდი ამგვარი პროექტია. ჩიბათში გვაქვს მცირე სიმძლავრის საწარმო, რომელიც 2-3 ტონას გადაამუშავებს დღე-ღამურად, მაგრამ ამ შემთხვევაში, ათჯერ მეტი სიმძლავრის მქონე საწარმოზეა საუბარი. ეს საკმაოდ რეალური გეგმაა და გახორციელდება, თუ ხელოვნური ხელისშემშლელი ფაქტორები არ იქნა.

ზენაიშვილის მხრიდან გამოთქმული საშიშროებები ნამდვილად მოსალოდნელია იმ შემთხვევაში, თუ სახელმწიფო ზედმეტად ჩაერევა ამ საქმეში, ვთქვათ, დაიწყებს იქ საკუთარი კადრების დანიშვნებს და ა. შ. ამ ეტაპზე მხოლოდ ის შემიძლია ვთქვა, რომ სახელმწიფოს სურვილია ფერმერს დაეხმაროს პლანტაციის გაკულტურებაში,  გადამამუშავებელი საშუალებების შექმნაში. დანარჩენი უნდა მართოს კოოპერატივმა.  სახელმწიფო მას პროდუქციის სტანდარტების დაცვაშიც გაუწევს დახმარებას, რომ გაყიდვადი იყოს შიდა და გარე ბაზარზე.  თუ ეს ყველაფერი გათვალისწინებული იქნება, ეს გეგმა განვითარდება, რაც ასახულია კიდეც მომავალი წლის კოოპერატივების სააგენტოს ბიუჯეტში", _  ამბობს გელა ზოიძე.




 ახალი ამბები
  • „ნაციონალური მოძრაობის" მხრიდან ძალადობა არ წყდება- მდინარაძე საპარლამენტო უმრავლესობის ლიდერი, მამუკა მდინარაძე მარნეულის მუნიციპალიტეტში საოლქო საარჩევნო კომისიის შენობასთან  "ენმ"-სა და "ოცნების" წარმომადგენლებს შორის მომხდარ დაპირისპირებას გამოეხმაურა. „კრიმინალური და მავნებელი ძალის, „ნაციონალური მოძრაობის" მხრიდან პროვოკაციები და ძალადობა არ წყდება. ამჯერად, არსებული ინფორმაციით, მარნეულის მუნიციპალიტეტში, ნაციონალური მოძრაობის პარტიული აქტივის წარმომადგენლები მივიდნენ ცესკოს საოლქო კომისიის შენობასთან, რომლის მიმდებარე ტერიტორიაზეც არის ჩვენი ოფისიც, ,,ქართული ოცნების" შტაბი, საიდანაც მძიმე შეურაცხყოფის ფონზე აპირებდნენ ჩვენი შტაბის წევრების პროვოკაციაზე წამოგებას, თუმცა ჩვენ, როგორც იცით, ჩაშლილი გვაქვს მკაცრი დირექტივა პარტიაში, რომ პარტიულმა აქტივმა მაქსიმალურად უნდა შეიკავოს თავი მსგავს მავნებლობაზე. ამიტომ, ,,ნაციონალური მოძრაობის" მხრიდან პროვოკაციის პირველი მცდელობა დასრულდა უშედეგოდ.  ამის შემდეგ, ცესკოს საოლქო ორგანიზაციის შენობაში შეუშვეს მათი აქტივისტი და ცენტრალური საარჩევნო კომისიის წევრი ნაციონალური მოძრაობიდან ( ეს პირი იდენტიფიცირებულია და შეგნებულად არ ვამბობ სახელს და გვარს) ,  რომელმაც ფიზიკური შეურაცხყოფა მიაყენა და მაისური შემოახია ცესკოს თანამშრომელს, რასაც მოჰყვა მცირე ფიზიკური დაპირისპირება. შენობასთან შეკრებილმა „ნაციონალური მოძრაობის" წარმომადგენლებმა და აქტივისტებმა აღნიშნულზე დაიწყეს ხმაური და სიტყვიერი შეურაცხყოფა, სიტუაციის თავის სასარგებლოდ გამოსაყენებლად. „ნაციონალური მოძრაობის" წევრები უკვე რამდენიმე დღეა და თქვენ ეს ფაქტები ყველამ მშვენივრად იცით, ცდილობენ „ქართული ოცნების" წევრების პროვოკაციაზე წამოგებას, თუმცა, დღეს, როდესაც ჩვენი გუნდის წევრების მიმართ მათი ასეთი მცდელობები წარუმატებელი აღმოჩნდა, ისინი უკვე ცესკოს თანამშრომელზე გადავიდნენ და აღნიშნული პიროვნება მათი ძალადობის მსხვერპლი გახდა. ამჟამად, როგორც ჩვენ ინფორმაცია გვაქვს, ადგილზე იმყოფება პოლიცია და  დაწყებულია გამოძიება. ყველას კარგად მოეხსენება, რომ ეს ადამიანები ყველაფერზე არიან წამსვლელები, რადგან მათ არჩევნებში იციან, რომ წარმატების არანაირი შანსი არ აქვთ და მხოლოდ პერმანენტულ ძალადობაზე, მუდმივ პროვოკაციაზე არიან გადასულები. კიდევ ერთხელ, დაბეჯითებით მოვუწოდებთ საქართველოს ყველა მოქალაქეს, არა მხოლოდ ჩვენს აქტივისტებს და განსაკუთრებით ჩვენი პარტიის წევრებს და აქტივისტებს,  მაქსიმალურად შეიკავეთ თავი „ნაციონალური მოძრაობის" წარმომადგენლების პროვოკაციაზე რეაგირებისგან. როგორც ჩანს უკვე მათ აქვთ თავისი პარტიის წინასაარჩევნო კამპანიის მთავარ ხაზად განსაზღვრული პროვოკაციები, ამიტომ ჩვენ ყველას გვმართებს, რომ პროვოკაციებზე არ წამოვეგოთ. სრული მობილიზება მოვახდინოთ ყველა მიმართულებით, რადგან ასევე აქვს საქართველოს მოსახლეობას უნიკალური შანსი, რომ ,, ნაციონალური მოძრაობის" რეიტინგი არჩევნების შედეგებში იყოს  ისტორიულ მინიმუმზე. ასევე, მოვუწოდებთ  საერთაშორისო პარტნიორებს და სამოქალაქო სექტორის წარმომადგენლებს, რომ „ნაციონალური მოძრაობის" მხრიდან საარჩევნო პროცესში დესტრუქციის შემოტანაზე შესაბამისი რეაგირება მოახდინონ. ხაზგასმით ვაცხადებთ, რომ ყველა კანონდარღვევას, ძალადობის ყველა ფაქტს სახელმწიფოს მხრიდან შესაბამისი, მკაცრი პასუხი მოჰყვება და დესტაბილიზაციის საშუალება არავის მიეცემა“,_ განაცხადა ... ...
  • სოფლის ცენტრში, ტუალეტში ბამბუკია ამოსული : „გაკეთებული საქმეების „მშვენება“ “ოზურგეთის მუნიციპალიტეტის სოფელ დვაბზუს მოსახლეობის უმთავრესი პრობლემა წყალსადენის მშენებლობაა, რომლის  პროექტირებაც  უკვე  დაწყებულია. აქაურები ითხოვენ  სოფლის ყველა უბანში გზის გაკეთებას, რომლის მოასფალტება შეუძლებელია თუ ჯერ წყლის გაყვანა არ მოხდა. „გურია ნიუსი“ სოფელს ეწვია. ჩვენ  გავეცანით  აქაურთა პრობლემებს. ადგილობრივები ამბობენ, რომ ბოლო წლებში ბევრი საქმე  გაკეთდა, განსაკუთრებით  კი  დვაბზუსა და გაღმა დვაბზუს შორის, მდინარე  მაღელაზე  ხიდის  აგებისთვის,  გამოთქვამენ კმაყოფილება, სომელიც მუნიციპალიტეტის მერიის მხარდაჭერით  აიგო.  მათივე თქმით, ძველი დროიდან მოყოლებული, ერთ დიდი პრობლემას წარმოადგენდა. სოფლის ცენტრში, საბავშვო  ბაღის შენობის  მიმდებარედ, სადაც ასევე სამედიცინო უბანია განთავსებული,   ტერიტორიის მოზრდილი ფართობია, რომლის უკანა კუთხე ეკალ-ბარდითაა დაფარული.  ხოლო იქვე მდგარ, ამჯერად უფუნქციოდ დარჩენილ ტუალეტში , ბამბუკის ხეებია ამოსული.   ბარდები და  და ჭინჭარია ასევე  ამოსული სამედიცინო უბნის კედლების გასწვრივ. ჩვენს კითხვაზე, თუ   რატომ არის  აქ ასეთი მდგომარეობა და შესაძლებელია თუ არა აქვე მომუშავეთა მიერ,  დასუფთავების დღის მოწყობა,  ადგილობრივებმა გვითხრეს, რომ   სოფელში გაკეტებული ბევრი კარგი სქმის „მშვენება“, ნამდვილად არ უნდა იყოს ცენტრში ასეთი ანტისანიტარიული  ადგილი. _მოვახერხებთ, დავალაგოთ და მოვაწესრიგოთ აქაურობა, - გვითხრეს მათ.   ჩვენის მხრივ, ვიტყვით, რომ აქაურობის იერ-სახეზე, დასუფთავებასა და მოვლაზე,  ხელისუფლების ადგილობრივ წარმომადგენლებს , დეპუტატს  თუ აქვე , სხვადასხვა სფეროში მომუშავეებს, ერთნაირად  უნდა შესტკიოდეთ   გული და საკუთარი ინიციატივით უნდა აწყობდნენ „დასუფთავების დღეებს“. _აქ მალე სკვერი უნდა გაკეთდეს. ზოგადად, კოორდინირებული მუშაობით, ადგილობრივ ხელისუფლებასთან და ჩვენს მოსახლეობასთან ერთად, ბევრი რამის გაკეთება შევძელით _ გვითხრა მუნიციპალიტეტის  მერის წარმომადგენელმა სოფელში, მამუკა გოგოუაძემ. დვაბზუს მცხოვრებთაგან, დღეისთვის სამ მცხოვრებს აღმოაჩნდა კორონა ვირუსი (ისინი ქობულეთის ფაბრიკის, „აჭარა ტექსტილის“ თანამშრომლები არიან)  და ყველა გადაყვანილია ბათუმში. „გურია  ნიუსი“ ვრცლად,  დვაბზუში  არსებული პრობლემების თუ   გაკეთებული საქმეების ირგვლივ, საგაზეთო სტატიაში ... ...
  • 2 დაღუპული და 2 დაშავებული_ ავარია ავტობანზეავტოსაგზაო შემთხვევას თბილისი-სენაკი ლესელიძის საავტომობილო მაგისტრალის გორის მონაკვეთზე ორი მამაკაცი ემსხვერპლა,  ორი კი მძიმე დაზიანებებით საავადმყოფოებში გადაიყვანეს. არსებული ინფორმაციით, ავტობანზე მოძრავი „ნისანის” მარკის ჯიპი ტრაილერს შეეჯახა. შემთხვევის გამო ავტობანის აღნიშნულ მონაკვეთზე დასავლეთ საქართველოდან თბილისის მიმართულებით მოძრავი ტრანსპორტის მოძრაობა ... ...
  • „თხილის ფასს არ ეხება ომი და წაბლისას აფარჩაკებს? “ _ ოზურგეთული „გარჩევა“ ფასებზე დღეს, დილიდან, ოზურგეთში თხილის ფასის კიდევ ერთი ახალი  ფორმულაა ძალაში - ამჯერად ერთი კილოგრამი შვიდლარნახევარი ღირს,  სულერთია, „ბერძნულაა “ თუ „გულშიშველა“.  ოღონდ  ათი ცალი გატეხილი თხილიდან, რვა მაინც საღი უნდა იყოს _ ასეთია თხილის მიმღები  პუნქტების ოპერატორთა ლოგიკა. კითხვაზე, თუ  ერთ ცალ საღ გულში აპირებენ 80 თეთრის გადახდას, თან ზოგი ამბობს, რომ ათიდან, რვა რომ იყოს საღი, მაინც რვა ლარს გადავიხდითო, ეს რა ლოგიკაა? _ ვკითხეთ მათ. _ის ლოგიკაა, რომ მაგდენი საღი თხილი არცერთ ვარიანტში არ   გამოვა. ტყუილა იძახიან, _ თავ-თავის „ლოგიკას“  იშველიებენ ფასებზე და ერთმანეთზე   აღრენილი  თხილის მიმღები ოპერატორები. _არაფრით არ შეიძლება ათი ცალიდან ათივე საღი გამოვიდეს,    „ბერძნულა“   ნამეტურ. ამიტომ ნუ ამბობთ და ნუ წერთ რომ, ერთი კილოგრამი რვა ლარი  ღირს. მასეც რომ იყოს, მაინც არავინ გადაიხდის შვიდლარნახევარზე მეტს. რატომ,  იცით?   გარჩეული, მზა ნედლეული, ერთი კილოგრამი თხილი დღეს  ღირს 18 ლარი. ერთ კილოგრამ გარჩეულ თხილს 2,400 კგ გაუტეხავი თხილი სჭირდება. ახლა იანგარიშეთ, რამდენია? 19 ლარს აჭარბებს გარჩეული თხილის გულის ფასი, თუ გაუტეხავში 8 ლარს გადაიხდიან.  ვინმე წაგებაზე წავა? ამიტომ, ვინც იძახის, რომ ერთ  ცალში 80 თეთრს იხდის და შესაბამისად,  ერთ კილოგრამში 8 ლარს მიიღებთო, გატყუებთ, _ გვითხრეს თაყაიშვილის ქუჩაზე განლაგებულ ჯიხურებში. რაც შეეხება წაბლის ფასს, რომელიც  ერთი კვირაა, რაც ბაზარზე შემოვიდა, ერთ კილოგრამს 2 ლარად იბარებდნენ.  თუმცა,  დღეს  ერთი კილოგრამის  ფასი  ერთი ლარია. _თხილის  ფას კი მიფრინავს, ერთი ეს გვითხარით, წაბლი რომ ღირდა 2 ლარი, ახლა რატომ განახევრდა ფასი?  ეს საქმეა?  თან საკმაოდ კარგად  ასხია წელს,_   სვამდნენ კითხვებს წაბლით სავსე ჩანთებით მოსული სოფლის მცხოვრებლები. _ხომ გითხარით, აზერბაიჯანში გაჰქონდათ, ახლა ომიაო და ამიტომ შეჩერდა გატანა. აქით თურქეთიც ჩაკეტილია, ამიტომ დაეცა ფასი. თქვენზე უფრო გვინდა ჩვენ, მაღალი ფასი რომ ჰქონდეს _ განმარტებებს არ იშურებდნენ თხილის პუნქტებიდან. _ თხილის ფასს  არ ეხება ომი და  წაბლისას   აფარჩაკებს?  _ უპასუხოდ დარჩა იმ ქალბატონების კითხვა, რომლებაც  პირი იბრუნეს და ჩასაბარებლად წამოღებული წაბლი ისევ შინ ... ...
  • საქართველოს ბანკის მხარდაჭერით ახმეტაში უალკოჰოლო ლუდის მინი საწარმო აშენდასაქართველოს ბანკი ადგილობრივი ბიზნესების მხარდაჭერას განაგრძობს. სწორედ ამ მიზნით, ახმეტაში, კერძოდ სოფელ ომალოში, უალკოჰოლო ლუდის მინი საწარმო აშენდა. კომპანია დღიურად 100 ლიტრ ლუდს აწარმოებს და მის რეალიზაციას ძირითადად ადგილობრივ ბაზარზე  ახდენს.  სამომავლოდ საწარმო ხილის გადამუშავებას და ახალი ასორტიმენტის შეთავაზებას აპირებს მომხმარებლისთვის. ისეთის როგორიცაა, ვაშლის ლუდი, კუნელის ლუდი და ასე შემდეგ. ამ ეტაპზე განხორციელებული ინვესტიციის ჯამური მოცულობა 100 000 ლარია, აქედან შეღავათიანი აგრო კრედიტის ფარგლებში საქართველოს ბანკის თანამონაწილეობა 40 000 ლარს შეადგენს. კომპანია აქტიურ რეჟიმში აწარმოებს უალკოჰოლო ლუდს და პროდუქციას ყიდის თბილისში, რუსთავში, მარნეულში, თელავსა და გურჯაანში.  კომპანია გაყიდვების ზრდას და შესაბამისად, კიდევ უფრო მეტი ადამიანის დასაქმებას ელის. ამ ეტაპზე კომპანიაში 6 ადამიანია დასაქმებული. „საქართველოს ბანკი  ადგილობრივი ბიზნესის მხარდაჭერის მიზნით აქტიურად აგრძელებს  ახალი პროექტების წახალისებას. მოხარულები ვართ, რომ კიდევ ერთხელ მოგვეცა შესაძლებლობა შეგვეტანა წვლილი ადგილობრივი წარმოების, კერძოდ უალკოჰოლო ლუდის საწარმოს მშენებლობის განხორციელებაში. მიგვაჩნია, რომ მსგავსი პროექტები დაეხმარება რეგიონის ეკონომიკას და დადებით გავლენას მოახდენს ახალი სამუშაო ადგილების შექმნაზე. გვინდა წარმატებები ვუსურვოთ საწარმოს სამომავლო საქმიანობაში.“ - განაცხადა მერაბ ახვლედიანმა, საქართველოს ბანკის საცალო ბიზნესის საბანკო მომსახურების დეპარტამენტის დირექტორმა. ... ...

არქივი

ტესტები

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...
free polls