მიწა ავადაა! ვუმკურნალოთ ნიადაგს!

კარმიდამო ჩემი

მიწა ავადაა! ვუმკურნალოთ ნიადაგს!

2012 აპრ 26 06:23:24
გაზაფხული წელიწადის განსაკუთრებული და სპეციფიკური დროა მცენარის სიცოცხლისა და მომავალი სიძლიერისთვის _ ახლა სჭირდება ნიადაგს სპეციალური მოვლა და განოყიერება. წინააღმდეგ შემთხვევაში, მასზე საუკეთესო ნერგის დარგვაც კი, ფუჭი და ამაო შრომაა.

უკანასკნელ წლებში ფერმერები და ზოგადად, მეურნეები ხშირად უჩივიან ერთწლიანი თუ მრავალწლიანი მცენარეების დაჩიავებას, ხმობას, ღრობას. მიმართავენ სხვადასხვა ხერხს: ანოყიერებენ ნიადაგს, შეაქვთ სხვადასხვა შხამქიმიკატი, მაგრამ შედეგი უმნიშვნელოა. რაშია საქმე? ეს კითხვა ხშირად ისმის, მაგრამ მეურნეთა მხრიდან პასუხის საფუძვლიანი მოკვლევა არ ხდება. სოფლის მეურნეობის განვითარების შესახებ გამართულ სემინარებზეც ამბობენ, რომ ჩვენში ნიადაგს სერიოზული გამოკვლევა და აქედან გამომდინარე, მკურნალობა სჭირდება.

მაინც რა სჭირს "გურულ მიწას"? მისი უმძიმესი დაავადება, საქართველოს დანარჩენი რეგიონების ნიადაგებთან შედარებით, მაღალი მჟავიანობაა და თუ სერიოზული მოკვლევა და მკურნალობა არ ჩაუტარდა, ზღაპრული მცენარეც რომ დარგო, შედეგი უმნიშვნელო იქნება. ჩვენი გაზეთის მკითხველთაგან ბევრი გაიკვირვებს, როგორ, გურიაში ყველაზე გამოფიტული და უვარგისი ნიადაგიაო? ამასობაში კი, ოზურგეთში, დაბა ანასეულის მსოფლიო დონის ნიადაგის ანალიზის ლაბორატორიაში ძირითადად უცხოელ ინვესტორთა შემოტევაა _ მათ მოაქვთ ნიმუშები და საკუთარი მიწის სრული ანალიზის საფუძველზე იწყებენ მომავალ საქმიანობას. "ისინი სამეურნეო ტერიტორიის მცირე ნაწილზეც კი არაფერს დათესავენ და დარგავენ, თუ საფუძვლიანად არ აქვთ გამოკვლეული, რა სახის ნიადაგთან აქვთ საქმე", _ ამბობს ნიადაგის ანალიზის ლაბორატორიის თანამშრომელი, სოფლის მეურნეობის აკადემიური დოქტორი რუსუდან ტაკიძე.

"აგროქიმიური სამსახურის და ნიადაგის ნაყოფიერების ანასეულის ცენტრი" შეზღუდული პასუხისმგებლობის საზოგადოებაა, 100%-იანი სახელმწიფო წილით, უნიკალური სამეცნიერო დანადგარებით, რომელიც ავბედით დროს სასწაულებრივად გადაურჩა. ეს, ძირითადად, პროფესიაზე უსაზღვროდ შეყვარებულ და მაღალი პასუხისმგებლობის მქონე ადამიანთა თავდადებით მოხდა.

აგროქიმიური სამსახურის და ნიადაგის ნაყოფიერების ანასეულის ცენტრი იკვლევს და ადგენს ნიადაგში გაცვლითი მჟავიანობის მიხედვით, მელიორანტის გამოყენების ნორმას; ძირითადად კი ემსახურება ნიადაგის სასუქების, აგროქიმიკატების და სურსათის ხარისხობრივი მაჩვენებლების განსაზღვრას და რეკომენდაციების გაცემას, _ ამბობს რუსუდან ტაკიძე, _ დასავლეთ საქართველოს ტენიან სუბტროპიკებში, ძირითადად, გავრცელებულია მჟავე ნიადაგები, რომლებიც ცუდი ფიზიკურ-ქიმიური თვისებებით, წყალბადიანების, ალუმინის და რკინის ჟანგეულების სიჭარბით და მცენარისთვის საჭირო ძირითადი საკვები ელემენტების სიმცირით გამოირჩევა.

ქალბატონი რუსუდანის თქმით, ამ ლაბორატორიას ფერმერთათვის საფუძვლიანი დახმარება შეუძლია, რათა საკუთარი ნიადაგის შესახებ ყველას მიაწოდოს ხარისხობრივი მაჩვენებლები და გაუწიოს სამეცნიერო-საკონსულტაციო მომსახურება.

_ ეს ნიშნავს იმას, რომ ნიადაგის და მცენარეული ანალიზების საფუძველზე გავცეთ დასკვნა, რა შეიძლება გაშენდეს და როგორ შეიძლება გაშენდეს სასურველ ფართობზე. ასეთი მიმართულების დამკვეთები, ძირითადად, ამბობენ, რომ ნიადაგი დაბალნაყოფიერია და არ მოდის სოფლის მეურნეობის პროდუქტების ის რაოდენობა, რამდენიც არსებული ფართობის მიხედვით უნდა მოდიოდეს. უნდა დაიდოს დასკვნა, რატომ ხდება ეს.

_ ქალბატონო რუსუდან, გურიის ნიადაგების შესახებ ხშირად ისმის, რომ მასში მჟავიანობა მაღალია, გამოფიტული და "სიკვდილის პირას მისულია", კონკრეტულად, რისი ბრალია ეს?

_ ჩვენში, ძირითადად, წითელმიწა გაეწრებული ნიადაგებია, რაც იმას ნიშნავს, რომ შთანთქმით კომპლექსში, ძირითადად, გაჯერებულია წყალბადისა და ალუმინის იონებით. წითელმიწა ნიშნავს ნიადაგის ზედა ფენაში რკინისა და ალუმინის ერთნახევარი ჟანგეულების დაგროვებას. რკინის ასეთ ჟანგეულს აქვს შეფერილობა. ამასთანავე, რკინა და ალუმინი წყალბადიონებია, რომელთა კონცენტრაცია სიმჟავეს განაპირობებს. აქედან გამომდინარე, ჩვენი ნიადაგები, რასაკვირველია, არის მჟავე ნიადაგები. ამასთანავე, მას აქვს სხვა უფრო უკეთესი ფიზიკური თვისებები მაშინ, როცა შეგაქვს შიგ მელიორანტი. ამას ვუწოდებთ ჩვენ განეიტრალებას. მელიორანტის შეტანის შემდეგ, მასზე ხარობს ნებისმიერი კულტურა _ თხილი, ჩაი, სიმინდი, მოცვი მჟავე ნიადაგების მოყვარული მცენარეებია. დანარჩენი კულტურები არ მოდის კარგად, მაგრამ თუ ჩვენ შევქმნით იმ ფორმებს, რაც ზემოთ ვთქვი, შეიძლება, ყველა კულტურა განვითარდეს. მთავარია, ნიადაგს ჩაუტარდეს ანალიზი. ჩვენი მიწა, თითქმის, მთლიანად სამკურნალოა.

_ სულ რამდენი მეცნიერ-თანამშრომელი მუშაობს თქვენს ლაბორატორიაში?

_ აქ მუშაობს 4 აკადემიური დოქტორი, დანარჩენები არიან უმაღლესი განათლების და დიდი გამოცდილების მქონე ქიმიკოსები, მცენარეთა დამცველები, ნიადაგმცოდნეები.

_ თქვენ თქვით, რომ გურიაში მიწა გამოფიტულია. ფერმერებიც ხშირად აღნიშნავენ, რომ ნიადაგი ავადაა. როგორ ახდენთ ანალიზის ჩატარებას და მოსახლეობა თუ აქტიურობს ამ კუთხით?

_ რომ გითხრათ, რომ ადგილობრივი მოსახლეობა აქტიურია, სწორი არ იქნება. ამის ერთ-ერთი მიზეზი, მძიმე სოციალური ყოფაცაა _ რადგან ჩვენთან მომსახურება ფასიანია, ხალხს არ აქვს გადახდის საშუალება. საქართველოს სხვადასხვა რეგიონებიდან გაცილებით ბევრი დამკვეთი მოდის, ვიდრე გურიიდან. ანალიზს დამკვეთის სურვილის მიხედვით ვატარებთ _ ან ადგილზე მისვლით (ამ შემთხვევაში გადასახადი მეტია), ან პირიქით _ აქ მოაქვთ ნიმუში. ყველაზე უკეთესი ვარიანტი ადგილზე მისვლაა, სადაც ანალიზის აღება ხდება. ამას ემატება ყველა მონაცემი და მომსახურების ღირებულება შეადგენს 122 ლარს. თუ ადგილზე მოაქვთ ნიმუში, მაშინ საფასური 85 ლარია.

_ როგორ ხდება ნიმუშის აღება? ვთქვათ ნიადაგის შემადგენლობა ჭრელია.

_ თუ შერეულ ნიადაგთან გვაქვს საქმე, ერთ დიაგონალზე ვიღებთ 10 ნიმუშს, მეორე დიაგონალზეც _ 10-ს. შემდეგ აირევა და ამ შერეული ნიმუშის საფუძველზე ხდება სრული სურათის დადგენა. შემდეგ ადგილზე ვახდენთ ლაბორატორიულ გამოკვლევას. ეს ასე ხდება _ ჯერ ირკვევა მექანიკური შემადგენლობა, რაც ნიშნავს იმას, რომ ნიადაგი არის თუ არა მძიმე თიხნარი. ხომ არ უჭირს ფესვთა სისტემას თუ ადვილად ვითარდება. ვიკვლევთ, მჟავეა თუ არა, შთანთქმით კომპლექსში მაგნიუმს რა რაოდენობით შეიცავს. ამის შემდეგ ვიკვლევთ, როგორია შიგ პოტენციური და აქტუალური ნაყოფიერება.

_ ნიადაგის სულ რამდენი სახის ანალიზს ატარებთ და როგორი ფორმით აძლევთ დასკვნას დამკვეთს?

_ ჩვენ 20 სახის ანალიზს სრულად ვატარებთ და როცა ყველა მონაცემის პასუხს მივიღებთ, ვწერთ დასკვნას, რომ გაშენდეს თუ არა ამ ნიადაგზე ესა თუ ის კულტურა, რომელი უფრო მიზანშეწონილია. ეს არის ოთხწლიანი რეკომენდაცია, რომელშიც მითითებულია სპეციალისტთა რჩევები, დასკვნები და პასუხისმგებელი პირის ვინაობა, ვინც ნიადაგის ანალიზი ჩაატარა.

_ ნიადაგის შემოწმება წელიწადის რომელ დროს არის უკეთესი?

_ რა თქმა უნდა, გაზაფხულზეა უკეთესი, შემოდგომაზეც კარგია.

_ საშუალოდ, მოსახლეობის რა რაოდენობა მოგმართავთ და დამკვეთთა შორის, რამდენი უცხოელია?

_ რომ გითხრათ, რომ ოზურგეთის რაიონი ძალიან აქტიურია ამ მხრივ, არ ვიქნები მართალი. ცალკეული ფაქტებია მხოლოდ. ეს მაშინ, როცა გურიაში ყველაზე მწირი ნიადაგებია და სერიოზულ გამოკვლევას მოითხოვს. ძალიან აქტიურია აჭარა, სამეგრელო, იმერეთი. ძირითადად და სამწუხაროდ, უფრო მეტად უცხოელ ინვესტორებს ვემსახურებით. ესენი არიან ფრანგები, იტალიელები, ჩინელები. ისინი ერთ ჰექტარ ფართობსაც არ გააშენებენ, თუ არ აქვთ ნიადაგის ზუსტი ანალიზი.

_ პოპულარობა თქვენს ლაბორატორიას თანამშრომელთა მაღალმა პროფესიონალიზმმა მოუპოვა?

_ ჩვენ ძალიან ბევრ საერთაშორისო პროექტში გვაქვს მონაწილეობა მიღებული _ სამეცნიერო ეროვნული ბანკი, მსოფლიო ბანკი, ათასწლეულის გამოწვევა საქართველოს. იყო გერმანულ-ქართული პროგრამა, რომლის ფარგლებში გაკეთდა ნიადაგების ატლასი და გერმანელები რომ ჩამოვიდნენ, ჩვენს ლაბორატორიაზე შეაჩერეს ყურადღება. მაშინ ჩვენ მათ 2 000 ნიმუში გავუკეთეთ. დიდია ხელისუფლების წვლილი. მათგან სრული მხარდაჭერა იყო. გარდა ამისა, ოდითგან, ანასეული მთელ საბჭოთა კავშირში ცნობილი იყო უძლიერესი კადრებით, მოქმედებდა სტრუქტურა, რომელიც უმაღლეს დონეზე გახლდათ გამართული. დღემდე შემორჩა პროფესიონალთა გუნდი.

_ თქვენი ლაბორატორია კარგად არის აღჭურვილი?

_ ამ მხრივ გაგვიმართლა, თან... არ გაგვიმართლა. გაგვიმართლა იმ მხრივ, რომ შენობა აგებულია 1991 წელს, როცა ჯერ კიდევ არ იყო ნგრევა დაწყებული. ლაბორატორიული ნაწილი მერე დავხურეთ. მაშინ ჩამოიტანეს უნიკალური უნგრული და გერმანული ხელსაწყო აპარატურა, რითაც ჩვენი ლაბორატორია დაკომპლექტდა. ახლა ამ მხრივ წელგამართული ვართ და საქმე კარგადაა.

_ როგორც თქვენი საუბრიდან ჩანს, ჩვენი ნიადაგების უმთავრესი ავადობის მიზეზი მაღალი მჟავიანობაა. მოსახლეობისთვის უფრო ხელმისაწვდომი გამოსავალი რა არის, რას ურჩევთ ფერმერებს?

_ ნიადაგების მჟავიანობის შესამცირებლად და ნაყოფიერების ასამაღლებლად საჭირო ქიმიური მელიორანტები თვით დასავლეთ საქართველოში მოიპოვება, ადგილობრივი აგრომადნების სახით, რომელთა გამოყენება უფრო ხელმისაწვდომი და შედარებით იაფია. მაგალითად, მერგელები (ტკილები) რბილ ქანებს მიეკუთვნება, რომელსაც დაფქვა და სპეციალური გამოწვა არ სჭირდება. მისი საბადოები არის წალენჯიხაში, მარტვილში, ჩხოროწყუში. ეს აგრომადნები კირთან და მაგნიუმთან ერთად შეიცავს ფოსფორს, გოგირდს, ორგანულ მინარევებს, რომელიც დადებით გავლენას ახდენს ნიადაგის თვისებებზე და სასიკეთოდ ცვლის. ჩვენი ლაბორატორია ანალიზის საფუძველზე საზღვრავს მელიორანტის გამოყენების ნორმას ჰექტარზე, ნიადაგში გაცვლითი მჟავიანობის დონის მიხედვით. ადგილობრივი და ხელმისაწვდომი სასუქია ტორფ-დოლომიტიანი კომპოსტი (მზადდება დაბლობის ან გარდამავალი ტიპის კოლხეთის დაბლობის ტორფებისა და დოლომიტის ფქვილისგან) და ტორფ-ნაკელიანი კომპოსტი (მზადდება დაბალი ხარისხის მქონე დაბლობისა და გარდამავალი ტორფისა და მსხვილფეხა რქოსანი პირუტყვის ნაკელისგან). მე ვურჩევდი ფერმერებს, დაინტერესებულ მეურნეებს, რომ როგორმე უნდა მოახერხონ ნიადაგის ანალიზი. ჩვენი ხელშეწყობით და თანადგომით უნდა მოხდეს ეს. ვიცით, რომ ხალხის სოციალური ყოფა მძიმეა, მაგრამ რაღაც ხელშეწყობა უნდა მოვახერხოთ. ნუ მიენდობიან ფიქრს, რომ ყველაფერი თვითონ იციან. ნიადაგი უპირველესია. სანამ რაიმეს გააშენებ, როგორმე უნდა გაიჭირვო და ნიადაგი შეამოწმო. სოფლის მეურნეობა უკვე მეცნიერულ საფუძველზე და მეცნიერული კონსულტაციით თუ არ წავიდა, ძალიან ცუდ დღეში აღმოვჩნდებით.

_ გაგვაცანით თქვენი გუნდის წევრები.

_ ესენია: სოფლის მეურნეობის აკადემიური დოქტორი ფრიდონ ჭანუყვაძე, მთავარი სპეციალისტები ლილი ფასიეშვილი, ნუნუ სიხარულიძე, ლამზირა კონტრიძე, რუსიკო მჟავანაძე, დოდო თავაძე, ნინო მამეიშვილი, ლია კეჭაყმაძე, მედეა კვირკველია, მედეა გოლიაძე...




 ახალი ამბები
  • გვარამია: რუსთავი 2_დან მე გამოვედი გამარჯვებული, მაგრამ ამ გამარჯვებას ფასი არა აქვს"მე რუსთავი 2დან გავედი გამარჯვებული. ჩემი მისია შევასრულე - 7 წელი (არხის ისტორიაში ყველაზე ხანგრძლივი პერიოდი ვიყავი დირექტორი) არხი ვამუშავე წარმოუდგენელ რეჟიმში, ფაქტიურად, ბოლო ორი წელი, საოცრების ხარჯზე. სრულიად არავის დახმარებით, მტრულ გარემოში, ფინანსრური თავდასხმების და არხის ამჟამინდელი მფლობელის დამანგრეველი ყადაღის მიუხედავად, ყველა ხელფასი ყოველთვის გავეცი, თვითონაც არ ვიცი როგორ. ყველას, ვისაც განსაკუთრებულად უჭირდა, დავეხმარე" _ წერს სოციალურ ქსელში რუსთავი 2_ის ყოფილი გენერალური დირექტორი ნიკა გვარამია. მისივე თქმით, "რ2 გახდა სახელმწიფო სახელმწიფოში - სავსე თავისუფალი, ნიჭიერი, ფერადი ხალხით, ვინც არ გაეკარა ბნელ ქართულ ოცნებას, ვისაც უნდოდა დასავლეთი და თავისუფლება, და ვისი ერთადერთი ნავსაყუდელი რ2 გახდა. იმიტომ მიხაროდა მანდ მოსვლა - ქვეყანაში უანალოგო თავისუფლების კუნძული იყო, ჰაერში ეკიდა თავისულფების სუნი": _ამ არხმა 7 წელიწადში დაანგრია ამ ქვეყნის მთავარი მტერი - რუსული გავლენა. დიახ, დაანგირა და გააშიშვლა ხელისუფლება, რომელიც რუსული აღმოჩნდა თავიდან ბოლომდე. ბოლო კვლევით, რაც ვნახეთ, გავრილოვის ღამემდეც კი, რუსეთი არაა ამ ქვეყნის არჩევანი და ამაში ყველაზე მნიშვნელოვანი დამსახურება რ2ისაა, ღრმად მწამს, და ისიც მწამს, რომ რუსებმაც კარგად იციან ეს. იმიტომაც ყეფენ ხან დუმის ტრიბუნიდან, ხან პუტინის პირით და ხან ლავროვის განცხადებებით. დიახ, რუსეთმა კარგად იცის, ვინ იყო მისი მთავარი მტერი საქართველოში. კარგად იცის და არც მალავს. სამწუხაროა, რომ კვლევით ვინცაა ჩვენი არჩევანი, შვიდი წელი ვისი ფასეულობების დასამკვიდრებლადაც ვიბრძოდით სიკვდილ-სიცოცხლის ფასად, იმისი ხელით დავიხურეთ სწორედ. ირონიაა, მაგრამ ძალიან მწარე. ამაზე მოგვიანებით ვისაუბრებ და აუცილებად შევაფასებ ევროსასამართლოს გადაწყვეტილებას დეტალურად. არაფერი არაა ამ ქვეყნად წმინდა ძროხა, რომლის კრიტიკა არ შეიძლება. მათ შორის, არც ევროსასამართლო. კონსპირაციები განზე დავტოვოთ, საგნობრივი კრიტიკა კი ნამდვილად საჭიროა. მივუბრუნდეთ თემას.  მე რუსთავი2დან გავედი გამარჯვებული. მე მოვუგე ყველა ბრძოლა მტრულად განწყობილ სახელმწიფოს და მის დამნაშავე ბოსს, უზურპატორ ბიძინა ივანიშვილს. მე მოვიგე ყველა ბრძოლა ყველა ეტაპზე საქართველოში, მაგრამ დავმარცხდი იქ, სადაც არ შეიძლებოდა უბრალოდ რომ დავმარცხებულიყავი. ჩვენ ვერ დაგვხურა მთელმა ქრთულმა პოლიტიკურმა მანქანამ, მაგრამ სამწუხაროდ ეს გააკეთა იმან, ვისაც ეს არასგზით არ უნდა გაეკეთებინა.  მე რუსთავი2_დან გავედი გამარჯვებული. თუმცა ამ გამარჯვებას ნამდვილად ჯობდა გაემარჯვა სხვას, ყველაზე მნიშვნელოვანს მთელ ამ ამბავში.  მე რუსთავი2_დან გავედი გამარჯვებული, მაგრამ დამარცხდა ეროსის შექმნილი, ბევრის ღვაწლით განვითარებული, და ბოლოს ჩემი გზარდილი, ათასუბედურება გატარებული, ჩემი და ჩემი გუნდის მიერ მთელ პოსტსაბჭოთა სივრცეში მთავარ და საუკეთესო ტელევიზიად ქცეული რუსთავი 2.  მე რუსთავი2_დან გავედი გამარჯვებული, მაგრამ დამარცცხდა თავად რუსთავი 2. დამარცხდა პირველად 25 წლის მანძილზე. პირველად 25 წლის მანძილზე ქვეყნის მთავარი მცველი რუსეთის გავლენისგან, გახდა რუსული. ჯერ ამას ვერ აცნობიერებენ კარგად, სანამ ჩვენი გუნდი კიდევ იქაა და ფაქტიურად წინააღმდეგობის მოძრაობა აქვს გაჩაღებლი და გმირულად იბრძვის მტრულ გარემოში. მაგრამ ძალიან მალე მოვა გაცნობიერების დრო და მაშინ მიხვდებიან ზუსტად ჩვენი მაყურებლები და არამაყურებლებიც, რა კატასტროფას მოაწერა ხელი შვიდამა ევროპელმა მოსამართლემ.  მე რუსთავი2_დან გავედი გამარჯვებული, მაგრამ დამარცხდა ჩემი ნაზარდი და საყვარელი რუსთავი 2, ქვეყანაში თავისუფლების და დასავლეთის მთავარი და ალბათ ბოლო ბასტიონი. ქვეყანამ დაკარგა მისი დამოუკიდებლობის განმავლობაში შექმნილი და გაძლიერებული ერთერთი უმნიშვნელოვანესი მონაპოვარი, დასავლეთის, ხარისხის და თავისუფლების სიმბოლო. ქვეყანამ დაკარგა მისი დამოუკიდებლობის პერიოდში შექმნილი უმაღლესი კლასის და დასავლური შინაარსის და დონის ტელევიზია. ალბათ საქართველოს დამოუკიდებლობის პერიოდში შექმნილი მთავარი და ყველაზე წარმატებული ბრენდი - რუსთავი 2. ეს ფაქტი შედგა და მხოლოდ ცოტა დრო ჭირდება ამის სრულად გაცნობიერებას. ეს ფაქტი შედგა და არა მგონია, ოდესმე მისი უკან შექცევა მოხდეს. მე მხოლოდ გამიხარდება და წარმატებას ვუსურვებ, ვინც ამ საქმეს მომავალში ხელს მოკიდებს.  მე რუსთავი2_დან გავედი გამარჯვებული, მაგრამ დამარცხდა რუსთავი 2, ხელახლა მოკლეს ეროსი კიწმარიშვილი და დაიხურა ბოლო ფანჯარა დასავლეთში.  რუსთავი 2_დან მე გამოვედი გამარჯვებული, მაგრამ დამარცხდა ჩემი სამშობლო.  რუსთავი 2_დან მე გამოვედი გამარჯვებული, მაგრამ ამ გამარჯვებას ფასი არა აქვს"_ წერს ... ...
  • სემეკმა მიმდინარე კვირაში მოქალაქეებს 54 ათას ლარზე მეტი ჩამოაწერა (R)საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) მიმდინარე კვირაში გამართულ საჯარო სხდომებზე მოქალაქეებსა და კომპანიებს შორის არსებული დავები განიხილა. საკითხების უმეტესობა მოქალაქეთა სასარგებლოდ დაკმაყოფილდა და ჩამოწერილი თანხების ოდენობამ, ჯამში,  54 887 ლარი შეადგინა. მიმდინარე კვირაში სემეკმა 5 საჯარო სხდომა გამართა და დღის წესრიგებით გათვალისწინებული 99 საკითხი განიხილა. მოქალაქეთა საჩივრები ენერგეტიკისა და წყალმომარაგების სექტორებში მოქმედი კომპანიების წინააღმდეგ მოიცავდა  უსაფუძვლოდ დარიცხულ თანხებს, ხანდაზმულ დავალიანებებს. საჯარო სხდომებზე განსახილველად საკითხები წარადგინეს სემეკის მომხმარებელთა საჩივრების დეპარტამენტისა  და ენერგოომბუდსმენის სამსახურის წარმომადგენლებმა. კომისია შეახსენებს მოქალაქეებს, რომ იმ შემთხვევაში, თუ ელექტროენერგეტიკის, ბუნებრივი გაზისა და წყალმომარაგების სექტორებში მოქმედი კომპანიების მხრიდან ადგილი აქვს მათი უფლებების დარღვევას, მიმართონ სემეკს ან სემეკთან არსებულ ენერგოომბუდსმენის სამსახურს. მოქალაქეებს კონსულტაციების მიღება შეუძლიათ როგორც ქოლ ცენტრში ნომერზე: 16 216, ისე  სემეკის Facebook გვერდზეც. ... ...
  • სახელმწიფო ფონდის ხარჯზე შემცირებული თანხები ლანჩხუთის ბიუჯეტშიბესიკ ტაბიძის ხელმძღვანელობით ლანჩხუთის მუნიციპალიტეტის საკრებულოს ბიუროს სხდომა გაიმართა, სადაც ადგილობრივი საკანონმდებლო ორგანოს მორიგი სხდომის თარიღად 25 ივლისი დაანონსდა და წესისამებრ, ბიურომ სწორედ ამ დღისთვის განსაზღვრა, როგორც განსახილველი საკითხები, ასევე, ამ საკითხის მომხსენებლები.  ბიუროზე წარმოდგენილი საკითხების მიხედვით გაირკვა, რომ მომავალი საკრებულოს სხდომის  დღის წესრიგით დეპუტატებს მიმდინარე წლის მთავარ საფინანსო დოკუმენტში ცვლილებების შეტანის თაობაზე მოუწევთ მსჯელობა. მერიის საფინანსო  სამსახურის უფროსის, როლანდ ლაშხიას მიერ წარმოდგენილი საკითხის  მიხედვით,  რეგიონებში გასახორციელებელი პროექტების ფონდიდან  მთავრობის განკარგულებით ლანჩხუთის მუნიციპალიტეტს  185 209 ლარი ერგო  ადმინისტრაციულ ერთეულებში საექიმო ამბულატორიისა და მშენებლობის დასაფინანსებლად. კერძოდ,  ზემონახსენები თანხიდან 20 418 ლარი აკეთის ადმინისტრაციულ ერთეულში გაიხარჯება, 22 030 ლარი _ აცანაში, შუხუთში _ 21 765 ლარი, ნიგოითში კი _ 27 828 ლარი. რაც შეეხება სუფსის ადმინისტრაციულ ერთეულს, აქ საექიმო ამბულატორიის მშენებლობის ტერიტორიის მომზადებისთვის  11 430 ლარია გამოყოფილი, უშუალოდ მშენებლობისთვის კი- 81 828 ლარი.  საფინანსო სამსახურის უფროსის მიერ ხელმოწერილი  განმარტებითი ბარათის მიხედვით,  ირკვევა, რომ რეგიონებში გასახორციელებელი  პროექტების ფონდიდან  გამოყოფილი თანხა  324 265 ლარით შემცირდა, აქედან ეს შემცირება გახორციელდება სახელმწიფო ფონდის, მათ შორის  წყლის სისტემის რეაბილიტაციის, საცხოვრებელი და არასაცხოვრებელი ექსპლუატაცია-რეაბილიტაციის, ასევე, გზების რეაბილიტაციის თანხების შემცირების ხარჯზე.  ამის გარდა, გზების სარეაბილიტაციო სამუშაოები  სახელმწიფო ფონდის ხარჯზე  22 086 ლარითაა შემცირებული. საფინანსო სამსახურის მიერ ბიუროს სხდომაზე წარმოდგენილი განმარტებების მიხედვით, გაირკვა, რომ ადგილობრივი ბიუჯეტის თავისუფალი ნაშთის ხარჯზე  მერია გეგმავს  ხუთი ათასი ლარით გაზარდოს გზის მიმდინარე სამუშაოების დაფინანსება, ხოლო ვიდეო კამარების ინსტალაციისთვის  763 ლარი გამოყოს. ამავე თანხიდან, სახელოვნებო სკოლათა გაერთიანების მოთხოვნის საფუძველზე, დამატებით ოთხი ათასი ლარი უნდა მიიმართოს    სამხატვრო სკოლის შტატგარეშე მუშაკთა დასაფინანსებლად.  სპორტული ღონისძიებების დასაფინანსებლად კი _ 1 100 ლარი. გარდა ბიუჯეტში დაგეგმილი ცვლილებებისა, ბიუროზე  საკრებულოს სხდომისთვის სხვა რიგი საკითხებიც წინასწარ მოთელეს დეპუტატებმა. როგორც გაირკვა,  ცვლილება შეეხება ლანჩხუთის საკრებულოს სივრცით-ტერიტორიული დაგეგმარებისა და ინფრასტრუქტურის კომისიის შემადგენლობის დამტკიცების შესახებ განკარგულებას. ასევე, ცვლილება შედის საკრებულოს 2019 წლის 28 მარტის N18 განკარგულებაში „ლანჩხუთის მუნიციპალიტეტის ქონების საპრივატიზაციო ობიექტების ნუსხისა და ლანჩხუთის მუნიციპალიტეტის ქონების პრივატიზაციის გეგმის დამტკიცების შესახებ“. საკრებულოს სხდომის გამართვამდე კი ამ საკითხების კიდევ ერთხელ გავლა მოუწევთ დეპუტატებს დარგობრივ ... ...
  • "შეინახეთ კადრები, სადაც სალია ამბობს სარედაქციო პოლიტიკა არ შეიცვლებაო და შემდეგ გავახსენოთ"ძალიან გთხოვთ, შეინახოთ ის კადრები, სადაც სალია ამბობს რომ არხის სარედაქციო პოლიტიკა არ შეიცვლება , _ ამის შესახებ მედიაექსპერტმა ნინია კაკაბაძემ ჟურნალისტებთან ისაუბრა. კაკაბაძის თქმით, პაატა სალია ასე იტყვის რამდენიმე თვის განმავლობაში, თუმცა მათი მთავარი მიზანი სარედაქციო პოლიტიკის შეცვლაა.  "ბუნებრივია, რომ ამას იტყოდა პაატა სალია პირველ დღეს. მეტსაც გეტყვით, ამას იტყვის ერთი თვე, ორი თვე, რომ სარედაქციო პოლიტიკის შეცვლას არ აპირებს, მაგრამ ეს განცხადება, ცხადია, ღიმილის მომგვრელია, რბილად რომ ვთქვათ. რისთვის იბრძოდნენ ისინი?- იბრძოდნენ იმისთვის, რომ შეცვლილიყო ამ არხის სარედაქციო პოლიტიკა. ამას ჩვენ ერთად ვნახავთ. ძალიან გთხოვთ, შეინახოთ ის კადრები, სადაც სალია ამბობს რომ არხის სარედაქციო პოლიტიკა არ შეიცვლება და შემდეგ გავახსენოთ. საბედნიეროდ, გვაქვს უკვე საკმაო მასალა, სადაც ის ამ პოზიციას აფიქსირებს",- თქვა კაკაბაძემ ... ...
  • გრიგორი კარასინი - საქართველოს მიმართ ღვინოზე სანქციების დაწესების თემა დახურულიასაქართველოსთვის ღვინოზე სანქციების დაწესების თემა დღეს დახურულია, - განაცხადა რუსეთის საგარეო საქმეთა მინისტრის მოადგილემ გრიგორი კარასინმა. „რუსეთში, რომელსაც მრავალი წელია თვითონაც სანქციები აქვს დაწესებული, მსგავსი შემზღუდავი ზომების გამოყენებას სხვა ქვეყნების მიმართ ცდილობენ ფრთხილად მოეკიდონ. საქართველოში მიმდინარე მოვლენების ფონზე ივნისის ბოლოს - ივლისის დასაწყისში სახელმწიფო სათათბიროში რუსეთში ქართული ღვინისა და მინერალური წყლის იმპორტის აკრძალვის საკითხი განიხილებოდა. მაგრამ რუსეთის ფედერაციის პრეზიდენტმა თავშეკავებისკენ და გააზრებული მიდგომისკენ მოგვიწოდა. დაგვავალა გვეხელმძღვანელა ჩვენი ინტერესებით და „ქართველი ხალხის მიმართ პატივისცემით“. ასე რომ, დღეისთვის ღვინის სანქციების თემა საქართველოს მიმართ დახურულია“, _ განაცხადა კარასინმა „რია ნოვოსტისთან“ ... ...

არქივი

კარმიდამო ჩემი

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...
ზაფრანი

ახალგაზრდობის შენარჩუნებისთვის

ჰარვარდის უნივერსიტეტის ექიმები, დევიდ სინკლერის...

ქსოვა სტრესს ხსნის

ექიმები ქსოვას ნამდვილ წამალს უწოდებენ,...

რაზე მეტყველებს ადამიანის ნაწერი

სპირალი, წრეები - სხვების პრობლემები...

რა უნდათ ქალებს მამაკაცებისაგან?

მამაკაცები ხშირად ამბობენ, რომ ვერ...

კითხვები, რომელიც აფრთხობს მამაკაცს

მამაკაცები მეტად მგრძნობიარე და ადვილად...

ქალმა არ მოინდომოს თორემ...

ძალიან ბევრი ფიქრობს, რომ ქალმა...