"მაკვანეთის ქათამს" არ სჭირდება "სუქი-სუქი"

კარმიდამო ჩემი

"მაკვანეთის ქათამს" არ სჭირდება "სუქი-სუქი"

2012 მაი 4 06:45:34
გურიაში, ოზურგეთის მუნიციპალიტეტის სოფელ მაკვანეთში, გიზო და ბადრი ცეცხლაძეების ძმობამ ერთობლივ საქმეშიც განსაკუთრებული ნიშა შეიძინა _ ქათმების ფერმის გაკეთების იდეა წლების წინ გაუჩნდათ და წვალებითა და გაჭირვებით დაწყებულ საქმეში სული და გული ჩადეს. ყიდდნენ, რის გაყიდვაც შეიძლებოდა, რომ თუნდაც გროშების დაზოგვით, საქმე წამოეწყოთ. მონდომებამ და ინტერესმა თავისი ჰქნა _ "ინდმეწარმე ბადრი ცეცხლაძის" მიერ დამზადებულ ქათამს "მაკვანეთის ქათამი" მომხმარებელმა საკუთარი გემოვნებით, ამ უგემრიელესი პროდუქტის დაგემოვნების დღიდან შეარქვა.

პოპულარობამ რეგიონში ისეთ მასშტაბს მიაღწია, რომ არა ერთი ქათმის ფერმის მფლობელი ბაზარზე მაკვანეთლობას იჩემებს, ოღონდ საკუთარი გაასაღოს. ესაა, ზოგი ვერ მიხვდა, "რით აყვითლებს" გიზო ცეცხლაძე ქათამს, რა საიდუმლო იცის ბადრიმ. უსვამენ კითხვებს და ძმებსაც ერთი ხუმრობანარევი პასუხი აქვთ, "სუქი-სუქი" არ სჭირდებათ, ბატონო, ყვითელ სიმინდს ვაჭმევთ იმდენს, რამდენიც საჭიროა, "ფალშივი" საკვები ჯერ ქათამს წაუხდენს ელფერს და მერე _ კლიენტსო.

ცეცხლაძეები მიწის შვილები არიან და კარგად იციან, ბებია-ბაბუები შინაურ ფრინველს ყვითელი სიმინდით კვებავდნენ არა მხოლოდ იმიტომ, რომ ქონის მბზინავ ოქროფეროვნებას თვალი მოეჭრა, არამედ გემო და ხარისხიც იყო გადამწყვეტი. ძმებმა სწორედ აქეთ აიღეს გეზი და დღეს დახლებზე მათი პროდუქცია ნაკლებად ჩერდება.

ცეცხლაძეებთან სტუმრობის დროს, ჩვენი მასპინძელი, ქათმის მოძალებულ დამკვეთთა უამრავ სატელეფონო ზარს მორჩილად, ხანაც ბოდიშით პასუხობდა, საკმარისი რაოდენობის პროდუქციის არქონის გამო.

მართალია, ძმები ცეცხლაძეები ერთად შრომობენ, მაგრამ მათი ოფიციალური სტატუსი "ინდმეწარმე ბადრი ცეცხლაძეა". ენაწყლიანობით და სხარტი აზროვნებით გიზო გამოირჩევა, თუმცა, ძალიან წუხს წარსულში ნანახ ზარალზე, როცა 300 კურდღელი დაეღუპა და მცირე ბიზნესი ჩაუვარდა. მერე იყო ქათმის გრიპი და როცა დარწმუნდა, რომ ამ საშიშროებამაც გადაიარა, თვალი "ბროილერს" დაადგა. ეს სახორცე ჯიშის ქათამია, რომელსაც მხოლოდ ამ დანიშნულებით ზრდიან და კვერცხის ან ცოცხალი სახით გაყიდვას არ ახდენენ.

საკარმიდამო ეზოში გეგმაზომიერად გამართული სამეურნეო კომპლექსია განთავსებული, სადაც თანმიმდევრულადაა განლაგებული საწყობი (საკვების შესანახი, წისქვილი, საფშვენი და საფქვავი მოწყობილობა), წიწილების გამოსაყვანი და საზრდელი განყოფილებები. ახლა აქ 16 ადამიანია დასაქმებული. ამ დონემდე მოსვლას საკმაო დრო დასჭირდა _ თავიდან თვითნაკეთი ყუთებითა და ბუდეებით სარგებლობდნენ. მერე შეიძინეს გალიები, ინკუბატორი. ხელსაქმე ეხერხებათ და ბევრ რამეს საკუთარი ფანტაზიითა და გულმოდგინებით აკეთებდნენ. ასე დაიძრა საქმე. ხუთი წლის წინ, მილენიუმის პროგრამით გრანტი მოიგეს, 43 ათასი დოლარის ოდენობით და წელში გაიმართნენ.

_ ამის შემდეგ გავაკეთე სასიმინდე, საწიწილე, ინკუბატორი, აბანო, მუშების ოთახი, გათბობისა და სავენტილაციო სისტემა, ელექტრო და წყალგაყვანილობა, საკანალიზაციო სისტემა, _ ამბობს ბატონი გიზო.

"ბროილერის" ჯიშის ერთდღიანი ასაკის წიწილები ქუთაისიდან მოჰყავთ და შესაბამის ტემპერატურაზე საწიწილეში ათავსებენ 12 დღის მანძილზე. აუცილებელია, დღეში სამჯერადი კვება, რაზეც მოვლა-პატრონობისას უმთავრესი აქცენტი კეთდება. წყალი, სითბო და საკვები ზომიერ და თანაბარ რეჟიმში უნდა მიეწოდებოდეთ, შემდეგ საზრდელ განყოფილებაში გადაჰყავთ და 45 დღისა, უკვე იკვლება. "ბროილერი" 5 კილოგრამამდე იზრდება, თუმცა, ასაკი შერჩეულია და მომხმარებლის მოთხოვნის მიხედვით მზადდება. სულ ინკუბატორში 3 500-4 000 წიწილა იზრდება, აქედან, 1 500 დასაკლავია, შემდეგ მოდის მეორე და მესამე ასაკობრივი ჯგუფი. ასეთი მონაცვლეობით სამუშაო ტემპი არ ვარდება და ცეცხლაძეებს მუდმივად ჰყავთ კლიენტურა. ქათმების დაკვლის პროცესი 10 დღის მანძილზე გრძელდება, შემდეგ მომდევნო ეტაპი იწყება.

ცეცხლაძეებმა "მაკვანეთის ქათამი" ყვითელი სიმინდითა და მუხლჩაუხრელი შრომით იმდენად პოპულარული გახადეს, რომ ზოგან ბატონი გიზო ასეთ ფაქტსაც შესწრებია: ინებეთ, მაკვანეთის ქათამიო, უთხრეს. როცა გამყიდველს ჰკითხა, მე თქვენთან არ ჩამიბარებია ჩემი პროდუქცია და რას მთავაზობთო, აღმოჩნდა, რომ ჩამბარებელმა "დაიბრალა" ცეცხლაძეობა.

გიზო ცეცხლაძეს ახლა სხვა საფიქრალი გაუჩნდა, უფრო სწორად, წარმატებულმა ბიზნესმა ახალი იდეა თავისთავად მოაწოდა _ დროთა განმავლობაში, იმდენად ბევრი მოგროვდა ქათმის სკორე, რომ უკვე 12 ტონიანი ავზი გაავსო. წყალთან შერევით სპეციალურ თხელ მასას უზარმაზარ ჭურჭელში იმისთვის აგროვებს, რომ ბიოგაზის დანადგარი ააგოს. როგორც თვითონ ამბობს, ინკუბატორს ნახერხით ათბობს, რაც შრომატევადი და ხარჯიანია. ახლა მეორე ავზის შეძენაზე ფიქრობს, რასაც პირველის გვერდით, სპეციალურ ორმოში ჩადგამს. მშენებლობის საწყის ეტაპზე სათბურის გაკეთებას და შემდეგ ბიოსასუქის მიღებასაც გეგმავს:

_ ჩემი უახლოესი მიზანი ბიოგაზის და ბიოსასუქის მიღებაა, უნდა ავაშენო სათბურიც. ეს ყველაფერი ერთმანეთის გარეშე არ იქნება. ერთმა უცხოელმა შემაგულიანა, ბიოსასუქს თუ მიიღებ, შემოსავალს და მოგებას მერე ნახავო. ისე მაქვს გულში ამოჭრილი, რომ არ გავაკეთო, არ მოვეშვები. უამრავ გასაჭირს გავუძელი და რაღაც შევქმენი, ახლა ჩემივე გაკეთებული საქმე მთავაზობს უკეთეს საკეთებელს და უკან დასახევიც არ მაქვს, ისე შევიჭერი საქმეში, _ ამბობს გიზო ცეცხლაძე და კრედიტის გამოტანაზე ფიქრობს, რადგან საკუთარი შემოსავლით, მიუხედავად წარმატებული ბიზნესისა, ახალი იდეის გახორციელებას ვერ შეძლებს. მისი აზრით, 35-40 ტონა ბიოსასუქის დამზადება უნდა შეძლოს, რაც ძალზე დიდ მოგებას მოუტანს:

_ ქათამი არაფერი გამოჩნდება ამასთან შედარებით, თუმცა, მასზე ხელს ვერ ავიღებ, რადგან ჩემი წარმატების საფუძველი სწორედ გამართული ქათმის ფერმაა, _ ამბობს ის და ვარაუდობს, რომ დამატებით 10 სამუშაო ადგილს მაინც შექმნის.

ახლა ცეცხლაძეებთან, მათივე ოჯახების წევრების გარდა, 9 მეზობელია დასაქმებული, სულ 15 ადამიანი. თითოეულის ხელფასი, საშუალოდ, 150-200 ლარია.

_ დედაჩემი 85 წლისაა და უთენია, დილის 5 სათზე ანთებს ცეცხლს. შუაღამემდე არ მძინავს, მაგრამ ვუძლებ. საქმეში სული და გული თუ არ ჩადე, ერთ წიწილასაც ვერ გაზრდი, არა თუ მთელ ფერმას მოუვლი. ნებისმიერი საქმე ასეა, თუ წამერად ყურადღება მოადუნე, წლობით ნალოლიავებიც წახდება. წარმატებული თუ გინდა იყო, მუდამ უნდა ფხიზლობდე. ჩემი მიზანი საბოლოოა _ 56 წლის ვარ და დარწმუნებული ვარ, ამის მიღწევას შევძლებ, ბიოგაზის დანადგარს ავამოქმედებ და ბიოსასუქს მივიღებ, _ საკუთარ თავს შეჯიბრში კიდევ ერთხელ, ამჯერად ჩვენი თანდასწრებით, იწვევს გიზო ცეცხლაძე და "ჩახანასთან" მოფუსფუსე მოხუც დედას გასცქერის _ მომეჩვენა თუ გუმანით ვიგრძენი, რომ დიდ ენერგეტიკის მოდინებას შვილი მშობლისგან მომავალ საქმეშიც ელის.




 ახალი ამბები
  • კობა კობალაძე: „ქვეყნისთვის სამსახური არ არის მხოლოდ გულში მჯიღის ცემა"პარლამენტის თავდაცვისა და უშიშროების კომიტეტის თავმჯდომარემ, ირაკლი სესიაშვილმა და კომიტეტის თავმჯდომარის პირველმა მოადგილემ, კობა კობალაძემ საქართველოს დამოუკიდებლობისთვის ბრძოლაში გმირულად დაღუპულ იუნკერთა მემორიალი გვირგვინით შეამკეს.  „დღევანდელი დღე არის ნაკრები თავდადების, ტკივილის, პატრიოტიზმის და ამავე დროს უპასუხისმგებლობის - ყველაფერი ერთად აღებული. ეს არის მაგალითი იმის, რომ ალბათ უნდა ვისწავლოთ და უფრო მეტად აზრობრივად უნდა ვიყოთ მზად იმისთვის, რომ ქვეყნის დაცვა და ქვეყნისთვის სამსახური არ არის მხოლოდ გულში მჯიღის ცემა", - აღნიშნა კობა კობალაძემ. საბჭოთა ოკუპაციის დღესთან დაკავშირებით, პარლამენტის შენობაზე სახელმწიფო დროშა დაეშვა. საქართველოს პარლამენტის 2010 წლის 21 ივლისის დადგენილების თანახმად, 25 თებერვალი საბჭოთა ოკუპაციის დღედ არის გამოცხადებული. ... ...
  • სესიაშვილი: "თითქმის ერთი საუკუნის შემდეგ, კიდევ გვიწევს ბრძოლა"საბჭოთა ოკუპაციიდან 99 წელი გავიდა. 1921 წლის 25 თებერვალს ბოლშევიკურმა წითელმა არმიამ საქართველოს დამოუკიდებელი რესპუბლიკის ანექსია მოახდინა. საქართველოს დამოუკიდებლობისთვის ერთ-ერთი გადამწყვეტი ბრძოლა კოჯორ-ტაბახმელას მისადგომებთან გაიმართა, სადაც დამოუკიდებელი საქართველოს გვარდიის ჯარისკაცებთან ერთად ახალგაზრდა იუნკერები იბრძოდნენ. პარლამენტის თავდაცვისა და უშიშროების კომიტეტის თავმჯდომარემ, ირაკლი სესიაშვილმა და კომიტეტის თავმჯდომარის პირველმა მოადგილემ, კობა კობალაძემ საქართველოს დამოუკიდებლობისთვის ბრძოლაში გმირულად დაღუპულ იუნკერთა მემორიალი გვირგვინით შეამკეს. „25 თებერვალი ჩვენი ქვეყნის ისტორიაში ტრაგიკული დღეა. 1921 წლის 25 თებერვალს რუსეთის არმიამ ჩვენი ქვეყნის ოკუპირება მოახდინა. სამწუხაროდ, თითქმის ერთი საუკუნის შემდეგ, ჩვენ კიდევ გვიწევს ბრძოლა, იმისთვის რომ რუსეთმა დეოკუპაცია განახორციელოს. მაგრამ განსხვავებით 1921 წლისა, საქართველო დღეს არის შემდგარი ქვეყანა და მას გვერდში უდგას ცივილიზებული სამყარო და საერთაშორისო საზოგადოება. ჩვენი ძალა ჩვენი ქვეყნის სიყვარულში მდგომარეობს, ამ გმირი იუნკერების სულში და რა თქმა უნდა, ჩვენი ქვეყანა მიაღწევს თავის სანუკვარ თავისუფლებას და მოახდენს ტერიტორიების დეოკუპაციას. ამას ვერანაირი წითელი ან სამფეროვანი რუსეთი წინ ვერ აღუდგება", - განაცხადა ირაკლი ... ...
  • ჩოხატაურელი იუნკერის, მაკარ ბურჭულაძის ხსოვნას პატივი მიაგეს ჩოხატაურის მუნიციპალიტეტში ოკუპაციის დღესთან დაკავშირებით გმირ მაკარ ბურჭულაძის ხსოვნას მიაგეს პატივი. აღევლინა გმირის ხსოვნისადმი მიძღვნილი პანაშვიდიც, რასაც ჩოხატაურის მუნიციპალიტეტის ხელმძღვანელი პირები,  სოფელ სამების, ამღლების, შუა ამაღლების, ხიდისთავის, ბუკისციხის, გოგოლესუბნის, ყოვლადწმიდა ღვთისმშობლის სახელობის სამრევლო სკოლის, ნიკო მარის სახელობის  N1  სკოლის მასწავლებლები და მოსწავლეები ესწრებოდნენ. ცნობისთვის, ჩოხატაურელი იუნკერი, მაკარ ბურჭულაძე სოფელ სამების მკვიდრი იყო. ის  საბჭოთა ოკუპაციის დროს კოჯორში ... ...
  • ოკუპაციის დღე ლანჩხუთშიოკუპაციის დღესთან დაკავშირებით ლანჩხუთის  ,,ოკუპაციის მუზეუმში" ჩატარდა ექსკურსიები და საქართველოს ოკუპაციის ამსახველი კადრები უჩვენეს. გარდა ამისა, მუზეუმში პირველი საჯარო სკოლის მოსწავლეებმა წარმოადგინეს კომპოზიცია თემაზე ,,1921 წლის 25 თებერვალი- საქართველოს ოკუპაცია". „ოკუპციის მუზეუმში“ სხვადასხვა სკოლების მოსწავლეებიც ... ...
  • მშობლები სკოლაში _ საინტერესო პრეზენტაციები და დაახლოება სკოლასთან ქალაქ ოზურგეთის #1 საჯარო სკოლაში დასრულდა ერთკვირიანი კამპანია “მშობლები სკოლაში“. ამ ხნის მანძილზე 1-ა კლასის მოსწავლეების წინაშე ხუთი მშობელი წარსდგა. პირველ დღეს მშობელმა ნანა წითლიძემ წარმოადგინა პრეზენტაცია სოფელ ლიხაურის ღირშესანიშნაობებისა და დიდი ექვთიმეს შესახებ. მეორე დღეს კი მოსწავლეების წინაშე წარსდგა ხათუნა რუსიეშვილი, პრეზენტაციით “ჩემი სამშობლო საქართველოა".  პრეზენტაციის შემდეგ გაიმართა მცირე დისკუსია თემაზე - რა არის თქვენთვის სამშობლო?! კვირეულის ფარგლებში მოსწავლეების წინაშე გამოვიდნენ: თეოფილე კალანდარიშვილი პრეზენტაციით - ,,ბუნებრივი აირი და უსაფრთხოების წესები", ლელა გოგიტიძე: პრეზენტაციით ,,მოსწავლე და მასწავლებელი, კვირეულის დასასრულს კი პრეზენტაცია მოაწყო სოფო ცინცაძე, რომლის თემა იყო “ბაქტერიები და ჰიგიენა.“ “ამ ეტაპზე ხუთმა მშობელმა მცირე პრეზენტაციებით პირველკლასელებს თავიანთ პროფესიები გააცნეს და ასევე საინტერესო თემებზე ისაუბრეს ბავშვებთან. პროექტის მიზანია გავზარდოთ მშობელთა ჩართულობა სასკოლო ცხოვრებაში და ავამაღლოთ მოსწავლეთა მოტივაცია და ინტერესები სწავლისადმი.“ - აღნიშნა “გურია ნიუსთან“ საუბრის დროს 1- ა კლასის მასწავლებელმა ნათია ჯულაყიძემ. მისივე თქმით, პირველი კლასელებისთვის აუცილებელია სკოლაში ჩატარდეს სახალისო და ამავე დროულად საინტერესო გაკვეთილები. “ამისთვის. შემოქმედებითი კუთხით ვიგონებთ ათასგვარ პროექტებს. ძალიან სასიხარულოა, რომ ჩვენს მიერ წამოწყებულ ინიციატივებზე მშობლები მოდიან და პრეზენტაციებს აწყობენ ბავშვებისთვის. ბავშვებისთვის პირველ რიგში მშობლები არიან ავტორიტეტები და აქედან გამომდინარე მოგვივიდა იდეა, რომ სკოლაში მშობლის კვირეული ჩაგვეტარებინა. შემდეგ ეტაპზე აუცილებლად ვაპირებთ მამების ჩართვას პროექტში და ისინი გააცნობენ საინტერესო და მნიშვნელოვან ამბებს პირველკლასელებს.“- გვითხრა ნათია ჯულაყიძემ. კვირეულის ფარგლებში ძალიან აქტიურობა გამოიჩინეს პირველკლასელებმა და შეიძლება ითქვას კითხვების წვიმაში მოაქციეს ... ...

არქივი

კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...
ზაფრანი

„დავიწყებული“ ჰოლივუდელები

ჯესიკა ალბა ჯესიკა ალბას გარღვევად...

როდის გრძნობთ თავს ყველაზე კარგად

ზამთარი – მშვილდოსნის, კუროსა და...

ქალი, ბიზნესი … ასტროლოგია

ქალწული - ზოდიაქოს კიდევე რთი...

15 შეცდომა რეცხვის დროს, რომელიც სარეცხს და მანქანას აზიანებს

ხშირად ვამბობთ, რომ ტანსაცმელს აფუჭებს...

რატომ უნდა მიირთვათ ბევრი შოკოლადი

შოკოლადის მირთმევის შედეგად ადამიანის ბედნიერების...

ჰოლივუდელი მარტოხელა მამები

ალ პაჩინო - მსახიობი სამი...