"რამდენჯერაც მოვუღერე ჩაის ბუჩქს ნაჯახი, იმდენჯერ შევჩერდი..."

კარმიდამო ჩემი

"რამდენჯერაც მოვუღერე ჩაის ბუჩქს ნაჯახი, იმდენჯერ შევჩერდი..."

7 ივლ. 2016, 13:22:38

კაცი, რომელმაც ჩაის ბუჩქი ნაჯახით ამოსაძირკვად ვერ გაიმეტა, ოზურგეთის მუნიციპალიტეტის დაბა ნასაკირალში ცხოვრობს.

ჯემალ მგელაძე ორიგინალური საუბრით გვეგებება: "მე არ ვემდური ჩემს ცხოვრებას _ ღმერთს და მიწას ვენაცვალე!" იქვე მეუღლე დგას, ნაზი მგელაძე და ქმარს სასწრაფოდ ეთანხმება: "აბა, რა, ღმერთი რომ მიწას მოგცემს და მარჯვენს არ დაგიკავებს, მადლობა კი უნდა შესწირო და შრომას შეუდგე. რა დრო დადგა _ ჩაის სიხარული დამიბრუნდა. ადრე ვკრეფდით ამ დალოცვილს და გაჭირვებას ახლოს არ ვუშვებდით", _ ამბობს ის და უნებურად ვეკითხები, რას ნიშნავს მისთვის "ჩაის სიხარული".

_ ახლახან გვითხრეს, რომ ვისაც ჩაის პლანტაცია გვაქვს, კოოპერატივის შექმნაში დაგვეხმარებიან. ჩემმა მეუღლემ მოძებნა მეზობლები, ვისაც ასევე ჩაი აქვს შენარჩუნებული _ 7-8 ჰექტარი იქნება, მგონი. მაგაზე უკეთესად რას დაგვეხმარებიან? ერთ ჰექტრამდე ფართობი გვაქვს და წელს ძალიან გავიხარე _ ვკრეფ, კილოგრამ ჩაიში 2 ლარს გვიხდიან. მოდის ადამიანი და ხელზე ფულს გვაძლევს. უკეთესს რას ინატრებს მშრომელი ადამიანი? კარტოფილს ზედ ველევით, იმდენი შრომა სჭირდება და ვერ ჩავაბარეთ _ 50 თეთრი ღირს კილოგრამი, _ ამბობს ქალბატონი ნაზი მგელაძე.

ჯემალ მგელაძე იხსენებს იმ პერიოდს, როცა ხალხმა ჩაი მასობრივად აჩეხა და თხილის გაშენებას მიჰყო ხელი. თვითონ თხილი ბლომად გააშენა და არაერთხელ დააპირა, აეჩეხა კუთვნილი ჩაიც, რომ სანაცვლოდ თხილი დაერგო, თუმცა...

"გულმა არ მიქნა _ ნაშრომი იყო და დამენანა. რამდენჯერაც მოვუღერე ნაჯახი, იმდენჯერ უკან დავიწიე. ახლა კი გვიხარია, მოდიან და გვეხვეწებიან, ხარისხიანი ჩაი მოკრიფეთ და კარგად გადაგიხდითო, კოოპერატივის შექმნაზეც იფიქრეთო, გვითხრეს. თავს არ დავზოგავ, ვიღაცას ჭკუა ეყო და საქმეს მიუბრუნდა. ამ საქმეს კაი სურნელი მოაქვს, ჩაის სურნელი, ცოტა ლამაზად ვიტყვი", _ საკუთარ ლირიულ გადახვევაზე გაეღიმა ბატონ ჯემალს.

ნაზი და ჯემალ მგელაძეების ოჯახი ნასაკირალში ხულოს რაიონიდან 1983 წელს ჩამოვიდა, საცხოვრებელი სახლის ასაგებად ადგილი შეარჩიეს და 33 წელია, სამ ჰექტარ ფართობზე თხილის, მანდარინის, ხეხილოვნების პლანტაციებთან ერთად, სიმინდის, კარტოფილის, სხვადასხვა ბოსტნეულის მოსავალი მოჰყავთ. თუ რამ გაგიკვირდა მათი ნაშრომის შემყურეს, აქეთ დაგისვამს კითხვას: ამას ხომ ყველა უნდა აკეთებდეს, რაა გასაკვირი?

არ ესმით იმ ადამიანების და ღია საყვედურს გამოთქვამენ მათ მიმართ, ვინც სახლ-კარი გამოკეტა, ქალაქში წავიდა და ეჭვიც არ ეპარებათ, რომ აქ, ამ მიწაზე უფრო მეტ მოსავალს მიიღებდნენ, ვიდრე ქალაქში დღიური სამუშაოს შესრულებით. მიაჩნიათ, რომ ქალაქში წასულთაგან ერთეულებს თუ გაუმართლებს: "შრომა რომ კაცს ეზარება, ის ვერც ქალაქში იზამს ხეირს და ვერც აქ", _ ამბობენ ისინი.

ჯემალ მგელაძე საკარმიდამო ნაკვეთში მიგვიძღვება. დამუშავებული მიწის იმ მონაკვეთზე, სადაც ბულგარული წიწაკის რიგებია. ნერგები ძალზე ახლოსაა დარგული, სამაგიეროდ, რიგთაშორისი მანძილი დიდია. ამ თავისებურებას ჩვენი მასპინძელი ასე ხსნის: "როცა ნერგები იზრდება, თან ერთმანეთს ეყრდნობა და არ იქცევა. სამაგიეროდ, რომ არ "დაიხუთონ", რიგები საკმაოდ დაშორებულია ერთმანეთს. თუ რომელიმე წაიქცევა, თოხითაც ადვილად შემოუყრი მიწას და წამოაყენებ მეორის დაუზიანებლად. 800 ძირი ბულგარული წიწაკა დავრგეთ და კიდევ უნდა მივუმატოთ", _ გვეუბნება ნაზი მგელაძე.

ის იხსენებს წლებს, როცა ჩაის კრეფდა და მშრომელი ადამიანისთვის უკეთესი დრო, მისივე თქმით, მას შემდეგ არ უნახავს. როცა უმძიმესი წლები დადგა, ჩაის მაინც კრეფდა. ხან 20-25 თეთრს უხდიდნენ, მაგრამ მაინც კრეფდა, რადგან მიაჩნდა, რომ ოჯახში მაინც ეხმარებოდა ეს თანხა _ პურის ფული იყო და ესეც საქმეაო, ამბობს.

მგელაძეების ოჯახს პომიდვრის, კიტრის, ლობიოს ნარგავ-ნათესებიც აქვთ, რასაც სამაგალითო ყურადღების და შრომისმოყვარეობის კვალი ატყვია. მრავლადაა თითქმის ყველა სახის ხეხილოვანთა ბაღი, რომელიც შერეული ტიპით აქვს გაშენებული. ბულგარულის, კიტრისა და ლობიოს ფასით კმაყოფილი არიან, ადგილობრივ აგრარულ ბაზარში ხშირად მიაქვთ გასაყიდად საკუთარი შრომით მოწეული ჭირნახული.

ჯემალ მგელაძე ამბობს, რომ თუ ჩაის ახალი პლანტაციების გაშენებაზე მიდგება საქმე, ყოველგვარი ყოყმანის გარეშე დაუთმობს საკუთრებაში არსებული მიწის ნაწილს და სჯერა, რომ ჩაიზე უკეთეს შემოსავალს გურიაში ვერაფერი მოიტანს.

მგელაძეებს ციტრუსოვანთა მოზრდილი ბაღიც აქვთ, სადაც მანდარინის თითოეულ ძირთან ვაზია დარგული. კითხვაზე, არის თუ არა ეს შეუსაბამობა, მანდარინისა და ყურძნის მოსავლის მიღებას ხელს ხომ არ შეუშლის, ამბობს, რომ მოსინჯა და გამოუვიდა _ არ ეწინააღმდეგებიან ერთმანეთს და თან შემოდგომაზე ერთად ვკრეფო.

კაცი, რომელმაც ჩაის პლანტაცია ამოსაძირკვად ვერ გაიმეტა, მეუღლესთან ერთად, მრავალ საჭირბოროტო საკითხზე საუბრობს. ორივეს სტკივა მიტოვებული, გამოკეტილი სახლები, რომელიც სილაურის თემში (დაბა ნასაკირალი ამ თემს ეკუთვნის) არის და მათი რიცხვი 60-მდეა: _ გულს მტკენს მარტო დარჩენილი სახლები, ბალახად და ტყედ გადაქცეული ეზოები. უფრო მეტიც, ოჯახს დროულად რომ არ ქმნიან და 40-50 წლის კაცებს ცოლი არ ჰყავთ, ეს საქმეა? გაჭირვებას და უფულობას ნურავინ მოიმიზეზებს _ მიწა გვაქვს და ვშრომობთ, არც სიცოცხლე გვეძლევა ხელმეორედ. უფრო უჭირდათ ჩვენში და ოჯახებს ქმნიდნენ, მრავლდებოდნენ. ერთმა ვაჟიშვილმა უკვე მოიყვანა ცოლი და შვილიც ჰყავს. შეხმატკბილებული ვართ. ჩვენ მთელი დღეები ფართობში ვართ გასული სამუშაოდ. რძალი ყველაფერს დასუფთავებულ-დარეცხილს, სადილს გაკეთებულს გვახვედრებს, თან ერთი წლის ბავშვს უვლის. დიდი ქონება არ გვაქვს, მაგრამ მთელი წლის მანძილზე გვყოფნს ჩვენი ხელით მოწეული სიმინდი, კარტოფილი, ლობიო თუ სხვა სახის ბოსტნეული. გაზარმაცებულია ხალხი დ რაღაცამ უნდა გამოაფხიზლოს ადამიანები, _ მსჯელობს ნაზი მგელაძე და გიხარია, რომ შრომაში ჩაძირული ქალბატონისგან, რომელიც აგერ, სოფლის ორღობის იქით არ გადის, საქვეყნო პრობლემაზე უბრალო ენით, ბრძნულად საუბარს ისმენ.

მგელაძეებს პირუტყვიც ბლომად ჰყავთ. ჩვენ სწორედ იმ დროს ვესტუმრეთ, როცა, ოჯახის უფროსი ბახმაროს გადაღმა მდებარე ბაისურას მთიდან დაბრუნდა და იქაური ამბავიც მოგვიყვა: "მთა სულ სხვაა _ პირუტყვს ყუათიანი საკვები იმდენი აქვს, ქატოც არ სჭირდება. აი, ასეთი ქვეყანა გვაქვს, მსგავსს საძოვარს ვინ ინატრებს? ყველი, კარაქი, რძე, კაიმაღი... ბლომად დახვდება ჩემს შვილს, რძალს და შვილიშვილს, როცა მთაში დასასვენებლად წავლენ. ჩვენც ვიმოძრავებთ ბარიდან მთაში და პირიქით, რომ ზამთარს მომზადებული შევხვდეთ", _ უახლოეს სამომავლო გეგმებზე საუბრობს ცოლ-ქმარი.




 ახალი ამბები
  • ბათუმის ბულვარში 2 მამაკაცი დაჭრესბათუმის ბულვარში 2 ახალგაზრდა მამაკაცი დაჭრეს. შემთხვევა გამთენიისას მოხდა. დაჭრილები კლინიკა "მედცენტრში" გადაიყვანეს. მათ დაზიანებები, სავარაუდოდ, დანით აქვთ მიყენებული. მედიკოსების თქმით, ერთს აღენიშნებოდა ჭრილობები მუცლისა და გულ-მკერდის არეში. მეორეს ჭრილობები ჰქონდა მარცხენა იდაყვისა და მარჯვენა ბარძაყის არეში. ორივე პაციენტს ჩაუტარდა სასწრაფო ოპერაცია და მათი მდგომარეობა ამ ეტაპზე სტაბილურად მძიმეა. პოლიციამ ეჭვმიტანილი ცხელ კვალზე დააკავა. გამოძიება 117-ე მუხლით მიმდინარეობს, რაც განზრახ მძიმე დაზიანებას ... ...
  • "თხოვნით ამ თანამდებობას ვინარჩუნებდი"- ხარაგაულის მერმა თანამდებობა დატოვახარაგაულის მერმა თანამდებობა დატოვა. მიღებული გადაწყვეტილების შესახებ განცხადება ნიკოლოზ თოფურიძემ სოციალური ქსელით გაავრცელა: „ჩემო ძვირფასო ხარაგაულელებო, მივიღე გადაწყვეტილება, რომ დავტოვო მერის თანამდებობა, მაგრამ ეს იმას არ ნიშნავს, რომ გტოვებთ თქვენ. მე ვრჩები „ქართული ოცნების" გუნდში, ვაგრძელებ მათთან ერთად მუშაობას და ყოველთვის ვეცდები თქვენთვის სასარგებლო საქმე ვაკეთო. აღნიშნული გადაწყვეტილება მე რამდენიმე თვით ადრე მქონდა მიღებული, მაგრამ გუბერნატორის და გუნდის თხოვნით ამ თანამდებობას ვინარჩუნებდი, რადგან ამას კორონავირუსის პანდემის გამო შექმნილი ვითარება ითხოვდა და საჭირო იყო ერთობლივი ძალისხმევა, რაც ვფიქრობ, გამოგვივიდა კოორდინირებული მუშაობით. დამეთანხმებით, საკრებულოსთან ნაყოფიერი მუშაობით შევძელით მუნიციპალიტეტისთვის საჭირო ბევრი საქმის გაკეთება, რაც ასევე გაგრძელდება და თქვენი საჭიროებებიდან გამომდინარე კიდევ ბევრი პროექტი განხორციელდება. მე დღეს თანამდებობიდან წასვლის შესახებ განცხადებით მივმართავ ხარაგაულის საკრებულოს, ჩემს მოვალეობას კი ჩემი მოადგილე თეიმურაზ ჩხეიძე შეასრულებს. მადლობას გიხდით ნდობისთვის და საერთო საქმისთვის საჭირო თანადგომისთვის, გჯეროდეთ, ხარაგაულზე და ხარაგაულელებზე ჩემი ფიქრი აქ და ამით არ ... ...
  • პოლიციამ ხაშურში ჯგუფურად ჩადენილი ძალადობის ბრალდებით სამი პირი დააკავაშინაგან საქმეთა სამინისტროს შიდა ქართლის პოლიციის დეპარტამენტის ხაშურის რაიონული სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, ჯგუფურად ჩადენილი ძალადობის ბრალდებით, 1993 წელს დაბადებული ხ.ნ., 1991 წელს დაბადებული ს.ნ. და 1986 წელს დაბადებული დ.დ. ხაშურში დააკავეს. დანაშაული 2 წლამდე ვადით თავისუფლების აღკვეთას ითვალისწინებს. გამოძიებით დადგინდა, რომ ბრალდებულმა პირებმა ხაშურის მუნიციპალიტეტის სოფელ ალში, 1947 წელს დაბადებულ ა.ფ.-ს ჯგუფურად მიაყენეს ფიზიკური შეურაცხყოფა. გამოძიება საქართველოს სისხლის სამართლის კოდექსის 126-ე მუხლის პირველი პრიმა ნაწილის „ბ“ ქვეპუნქტით მიმდინარეობს, რაც ჯგუფურად ჩადენილ ძალადობას ... ...
  • რიონში მამაკაცის ცხედარი იპოვეს4 დღიანი სამძებრო სამუშაოების შედეგად მაშველებმა, მდინარე რიონში, 72 წლის როლანდ თვალაბეიშვილის ცხედარი იპოვეს. მამაკაცი რამდენიმე დღის წინ გაუჩინარდა და ახლობლებმა მისი ტანსაცმელი რიონის ნაპირზე აღმოაჩინეს. სამძებრო სამუშაოებში აქტიურად იყვნენ ჩართული სამტრედიისა და ქუთაისის სამაშველო ... ...
  • ქართველი ფოლკლორისტი, მომღერალი, ლოტბარი - დღეს ფილიმონ ქორიძის დაბადების დღეადღეს ქართველი ფოლკლორისტის, მომღერალის, ლოტბარის, ქართული საოპერო ხელოვნების ერთ-ერთი ფუძემდებელის, პირველი ქართველი პროფესიონალი მომღერალის (ბანი), ქართული სახალხო გუნდების ორგანიზატორის და ლოტბარის ფილიმონ ქორიძის დაბადების დღეა. იგი პირველი ქართველი მუსიკოსი იყო, ვინც ქართული მრავალხმიანობა ნოტებზე გადაიტანა. ფილიმონ ქორიძეს დიდი ღვაწლი მიუძღვის შუა საუკუნეების ქართული საგალობლების თავმოყრაში, ჩაწერასა და გავრცელებაში. XIX საუკუნეში რუსეთის იმპერიული ხელისუფლება და არაკანონიკური საეგზარქოსო-საეკლესიო მმართველობა ებრძოდნენ ქართულ გალობასა და სიმღერას, ეროვნულ მუსიკალურ ენა-აზროვნებას. ქართული გალობა, რომელიც შუა საუკუნეების უნიკალური პოლიფონიური ტრადიციაა, განადგურების რეალური საფრთხის წინაშე აღმოჩნდა. გალობა, ქართულ ენასთან ერთად, იდევნებოდა ლიტურგიიდან, ეკლესიებიდან, სასწავლებლებიდან. გალობის მცოდნე ძალიან ცოტაღა იყო საქართველოში - ძირითადად მოხუცი მგალობლები. ფილიმონ ქორიძემ უარყო წარმატებული საოპერო კარიერა, უარი სთქვა მატერიალურ კეთილდღეობაზე და ცხოვრება შესწირა ქართული გალობის გადარჩენას. ქორიძესთან მელქისედეკ ნაკაშიძის მეთაურობით მივიდნენ ცნობილი ქართველი მგალობლები და ჰკითხეს, შესაძლებელი იყო თუ არა ქართული საგალობლების ნოტებზე გადაღება? ქორიძისგან რომ დადებითი პასუხი მიიღეს, გაუკვირდათ და ეჭვის თვალით შეხედეს მას. ქორიძემ მგალობლები მეორე დღეს დაიბარა, უგალობა და ფორტეპიანოზე მოასმენინა. მგალობლები დარწმუნდნენ რომ გალობის ნოტებზე გადატანა შესაძლებელი იყო. ფილიმონის ვაჟის, მიხეილ ქორელის მოგონებების თანახმად ფილიმონს ხშირად იწვევდნენ სუფრებზე, სადაც ის სხვადასხვა სიმღერებს ისმენდა. ქორიძე ამბობდა, რომ ზოგიერთ სიმღერას ვერ ცნობდა, რადგან მათ ადრე სხვანაირად ამბობდნენ, ახლა კი ელფერი შეცვლიაო. სწორედ ამიტომ გაუჩნდა ქორიძეს სურვილი, ნოტებზე ჩაეწერა ძველი გალობის კილოები. 1882 წელს მელქისედეკ ნაკაშიძემ და ნესტორ კონტრიძემ ფილიმონ ქორიძესთან ერთად დაიწყეს ქართული საგალობლების გურული კილოს ნოტებზე გადატანა. საქმე იდენად მნიშვნელოვანი აღმოჩნდა, რომ ქორიძემ საოპერო კარიერა მიატოვა და აღარც უცხოეთში წასულა. აკაკი წერეთლისაგან და მელიტონ ბალანჩივაძისგან ის საგალობლების ზემო იმერულ კილოს იწერდა. 1883 წელს ფილიმონმა დაასრულა იოანე ოქროპირის წირვის წესის ჩაწერა. 1884 წლისთვის უკვე არსებობდა სასტამბოდ გამზადებული ხელნაწერი. ეგზარქოს პავლეს მიერ გალობის აღმდგენი კომიტეტის მუშაობის ჩაშლამ შეუძლებელი გახადა ნოტებზე გადატანილი საგალობლების დაბეჭდვა თბილისში. მალე ქორიძე ინახულა ჟურნალ „მწყემსის“ რედაქტორმა დავით ღამბაშიძემ, რომელმაც აცნობა ქორიძეს, რომ იმერეთის ეპისკოპოსი გაბრიელი დაინტერესებული იყო ქართული საგალობლების ნოტებზე ჩაწერითა და გამოცემით. 1884 წლის ნოემერბში გაიმართა იმერეთის სამღვდელობის კრება, რომელმაც აირჩია სპეციალური კომიტეტი. კომიტეტმა 1885 წელს კონტრაქტი გაუფორმა ფილიმონ ქორიძეს. მას გურიასა და იმერეთში ცნობილ მგლობელთაგან 400 საგალობელი უნდა ჩაეწერა. ქორიძემ ნოტებზე გადაიღო ბასილი დიდისა, იოანე ოქროპირის წირვის და სხვა საგალობლები. საგალობლებს ის დიმიტრი ჭალაგანიძისგან, რაჟდენ ხუნდაძისგან და სხვათაგან იწერდა. 1887 წელს ქორიძემ ეპისკოპოს გაბრიელს 400 საგალობლისგან შემდგარი კრებული ჩააბარა. სამუშაოს დასრულების შემდეგ ქორიძე ქუთაისში დარჩა და საეკლესიო საგალობლების ჩაწერა განაგრძო, ხელმძღვანელობდა სასულიერო სასწავლებლის გუნდს. 1889 წელს ქორიძის მეორე მეუღლე გარდაიცვალა. მცირეწლოვანი ქალიშვილი ვალენტინა მან კიევში, მეუღლის ოჯახში გაგზავნა, ვაჟი მიხეილი კი გიმნაზიის პანსიონში სახელმწიფოს ხარჯზე ცხოვრობდა. 1890 წელს მეგობრების რჩევით ქორიძე თბილისში დაბრუნდა. 1893 წელს ქორიძე მაქსიმე შარაძის, არისტო ქუთათელაძისა და ექვთიმე თაყაიშვილის ინიციატივით ოზურგეთში გაემგზავრა საგალობლების ჩასაწერად. მათვე შუძინეს ფისჰარმონია. ოზურგეთში ის 16 ივნისს გაემგზავრა: „დღეს, ამ თვის 16, მიემგზავრება ბატონი ფილიმონ ქორიძე ქ. ოზურგეთს. მაშასადამე, ხვალ ორი მამულიშვილი, ბატონი ფილიმონ ქორიძე, რომელსაც ფოტოგრაფსავით სისწორით გადააქვს ჩვენი გალობა, და ბატონი ანტონ დუმბაძე, რომელიც სრული და შეუდარებელი მგალობელია მთელს საქართველოში, ერთად შეიყრებიან“ გარდაიცვალა 1911 წელს ბახმაროში. დაკრძალეს ოზურგეთის ბაღში, სადაც იდგა ეკლესია. ამჟამად საფლავი დაკარგულია. მისი ხელნაწერები დაცულია ხელნაწერთა ეროვნულ ცენტრში. მისი მოსწავლე იყო ქართული საეკლესიო საგალობლების მოამაგე, და საზოგადო მოღვაწე წმინდა ექვთიმე აღმსარებელი (ერისკაცობაში — ესტატე კერესელიძე). სწორედ წმიდა ექვთიმემ გადაარჩინა ქორიძის ხელნაწერები, გადაწერა ისინი, სისტემატიზაციაში მოიყვანა და გაამდიდრა კიდეც ახალი მასალით. 1990 წლის 21 მაისს ოზურგეთში დაიდგა მისი ბიუსტი (მოქანდაკე ირაკლი რევაზიშვილი, არქიტექტორი გულღია სალუქვაძე). ეკლესიისა და სამშობლოს წინაშე გაწეული ღვაწლისა და თავდადებისათვის, საქართველოს ეკლესიის წმიდა სინოდმა, 2011 წლის 20 დეკემბერს შერაცხა წმინდანთა დასში, წოდებით: წმიდა ფილიმონ მგალობელი, ერისათვის თავდადებული. წყარო: ... ...

არქივი

ტესტები

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...