"გლეხმა ოჯახის ღირსეულად რჩენა უნდა შეძლოს"

კარმიდამო ჩემი

"გლეხმა ოჯახის ღირსეულად რჩენა უნდა შეძლოს"

8 ივლ. 2012, 06:38:05

ბიძინა ივანიშვილმა ბევრ საინტერესო დეტალზე ისაუბრა "გურია ნიუსთან" ინტერვიუში, რომლის ნაწილი უკვე გამოქვეყნდა. დღეს კი გაიგებთ, როგორ ესახება ივანიშვილს სოფლის მეურნეობის განვითარება და რომელ დარგებზე ამახვილებს ყურადღებას.

_ ბატონო ბიძინა, ქუთაისში განაცხადეთ, რომ სოფლის მეურნეობის განვითარებისთვის, დაფუძნდება ფონდი, რომელსაც პირველ ეტაპზე ერთი მილიარდი დოლარი გამოეყოფა. თქვენთან წინა შეხვედრისას, ჩვენ სოფლის მეურნეობაზე ვისაუბრეთ, მაგრამ კარგი იქნება, თუ უფრო დააკონკრეტებთ, რას აპირებთ თქვენ და თქვენი გუნდი სოფლის მეურნეობის ასაღორძინებლად და თქვენს გეგმებში თუ შედის ჩაის მრეწველობის განვითარება, რომელიც დღეს შიდა ბაზარსაც ვერ აკმაყოფილებს...

_ ჩაის მრეწველობას რაც შეეხება, ჩვენ ჯერ კიდევ ვერ გადავწყვიტეთ და ვერ გადავჭერით, როგორი დონით და როგორი პრინციპებით უნდა განვითარდეს იგი _ ასე ღრმად ვერ ჩავედით. გვქონდა ჩაის და ციტრუსის თემის განხილვა. ჩაის კრეფა ძალიან მძიმე სამუშაოა. ამბობდნენ, თავის დროზე ბერია იყო წინააღმდეგი, რომ გურულ და მეგრელ მანდილოსნებს ჩაი მოეკრიფათ _ ლამაზი ქალბატონები ჰყავს მეგრელებს და გურულებს, ჩაის მძიმე შრომა სჭირდება და დაამახინჯებსო. ხუმრობა გვერდზე გადავდოთ და გეტყვით, რომ როგორც ციტრუსს, ასევე, ჩაისაც სერიოზული მიხედვა, შენარჩუნება სჭირდება. ჩვენ ეს დარგი აუცილებლად უნდა განვავითაროთ და რაც უკვე განადგურდა, ახლით უნდა ჩავანაცვლოთ. ეს საკითხი ღრმა განხილვას მოითხოვს. პირველ ეტაპზე, უნდა მოვახერხოთ და გვყავდეს ტექნიკა, უნდა გვქონდეს სასუქი, კარგი ნერგები და რაც ყველაზე აუცილებელია, არ უნდა იყოს საწვავის პრობლემა. ორი-სამი წელი მაინც, სანამ გლეხი ფეხზე დადგება, სანამ ბაზარზე ქართული ჩაი არ აჯობებს იმ მდარე პროდუქციას, რომელიც დღეს გვეძალება და მისი კონტროლი საერთოდ არ არსებობს. როგორც აღვნიშნე, ერთ მილიარდ დოლარზეა საუბარი, რომელიც პირველ ეტაპზე მგონი საკმარისი იქნება, თუმცა, შემდგომ კიდევ დაგვჭირდება, რადგან ამ რაოდენობის ფული არ იქნება საკმარისი სოფლის მეურნეობის ასაღორძინებლად. სოფლის მეურნეობას უნდა დავეხმაროთ მანამ, სანამ, არ გაძლიერდება ქართველი გლეხი და ქართველი ფერმერი. ყველა გლეხი ფერმას ვერ შექმნის. მიწების დაყოფა, მოგეხსენებათ, რთული პროცესია _ ზოგს აქვს საკმარისი, ზოგს _ არა. საფერმერო ფართის რაოდენობა საშუალოდ ათი ჰექტარია და ბუნებრივია, ეს ყველას არ მოუწევს. ამიტომ, წვრილი გლეხური მეურნეობა და კოოპერატივები, ასევე გადამამუშავებელი მრეწველობა კომპლექსში ყველას დასაქმებას გამოიწვევს. ყველას ექნება საშუალება, რომ საკუთარი ოჯახი ღირსეულად არჩინოს. გაწერილი პროგრამა თითოეულ რეგიონზე, თითოეულ კუთხეზე კიდევ ვითარდება. ამიტომ ჩვენ ზედაპირულად ვაცხადებთ ჯერ, რაც უნდა გავაკეთოთ და დამოკიდებულება როგორია. ამასთან, მოხდება მოსახლეობასთან შეთანხმება და მათი რჩევები აუცილებლად იქნება გათვალისწინებული.

_ გურულების უმრავლესობა, დღეს თურქეთში, მინიმალური ანაზღაურების ფასად კრეფს ჩაის, მაშინ როცა შესაძლებელია იგივე აქ, გურიაში გააკეთონ, სადაც ჩაის მრეწველობა კარგად იყო განვითარებული. ამაზე არ გიფიქრიათ?

_ რა თქმა უნდა. საშინელებები ხდება. ეს ქვეყანა ჩვენთვის აღარაა. საკუთარ თავს რომ ვერ ირჩენ საკუთარ ქვეყანაში, ზუსტად ის სიტუაციაა და ამიტომაც გარბიან. ყველამ კარგად ვიცით, რას წარმოადგენს ქართველი ქალი და ყველაზე მეტად სამწუხაროა, რომ მას ლუკმაპურის საშოვნელად ქვეყნის გარეთ უწევს წასვლა. ეს კატასტროფაა და უნდა დამთავრდეს. ყველანაირი ღირსება დავკარგეთ _ თანაც ყველაზე არაპოპულარულ და ყველაზე დაბალ ანაზღაურებად სამუშაოზე გვიწვეს მუშაობა. ისეთზე, აქ რომ ვერ გააკეთებ იმის გამო, მეზობელი დამინახავს და სირცხვილიაო. მე ვიცი, როგორ მუშაობენ საზღვარგარეთ ქართველები და ამას რომ გაიფიქრებ და მით უმეტეს დაინახავ, გული მოგიკვდება. გპირდებით, ძალიან სწრაფად აღვადგენთ და ძალიან სწრაფად მოხდება წინსვლა, ძალიან სწრაფად შეივსება საქართველო, პირველ რიგში, ქართველებით, ჩვენი წასული მეგობრებით თუ ნათესავებით. რამდენიმე წელიწადში ყველა დაბრუნდება _ ამის პირობას გაძლევთ. ევროპელებიც ჩამოვლენ _ ჩვენ გაქვს უნიკალური ტერიტორია, პირობები და და ქართველები არიან ძალიან ნიჭიერი ხალხი. ამას დიდი ხანია ვამბობ _ 20 წლის ვიყავი და მას შემდეგ ამას ვამტკიცებ და სულ პარალელს ვავლებდი ქართველებსა და ებრაელებს შორის. ებრაელებმა მსოფლიოს დაუმტკიცეს, რომ ნიჭიერები არიან, ქართველებს ამის მტკიცებულება გვაკლია და ნახავთ, რომ ჩვენ ამას ძალიან სწრაფად შევძლებთ. ჩვენ ისეთი ისტორია გვაქვს, ისეთი წინაპრები გვყავდა, რომ ამას აუცილებლად შევძლებთ.

_ ბატონო ბიძინა, არსებული ინფორმაციით, ორი წლის წინ, საქართველოს სხვადასხვა კუთხეში, მათ შორის გურიაში, ხეხილის ნერგები გამოაგზავნეთ. როგორც გავიგეთ, ნერგები ფერმერებისთვის იყო განკუთვნილი, თუმცა, მათ არ მისვლიათ _ საჯარო მოხელეებმა და მათმა ახლობლებმა სახლში წაიღეს... აკონტროლებდით თუ არა ასეთ ქველმოქმედებებს?

_ ნერგების დარიგების პროცესი ნამდვილად იყო და გაგრძელდება მანამ, სანამ ვინმეს ექნება სურვილი. შარშან შემოვიტანეთ ძალიან დიდი რაოდენობის ნერგი. ეს მას შემდეგ დავიწყეთ, რაც სააკაშვილი ვერ დავითანხმე, რომ საჭირო იყო სოფლის მეურნეობის ასაღორძინებელი პროექტის გახორციელება. ორი-სამი წელი ველოდებოდი და შემდეგ ეს პროექტი წამოვიწყე "ქართუ ჯგუფის" დონეზე. ჩვენს სანერგეებში გამოვიყვანეთ თესლები, შემოვიტანეთ ნერგები და რაც მთავარია, საუკეთესო ჯიშები, რომლებიც საქართველოში იქნება უხვმოსავლიანი და გემრიელი. დარიგების რამდენიმე ეტაპი გვქონდა. ჩვენ ახლაც ვამრავლებთ ნერგებს და გაისად შეგვეძლება ყველას დავურიგოთ იმდენი, რამდენის საჭიროებაც იქნება. რაც შეეხება გამოგზავნილი ნერგების საჯარო მოხელეების მიერ სახლში წაღებას, ვერ მივაქციეთ მაგას ყურადღება და შეიძლება ეს მომხდარიყო. თუმცა, ეს ის შემთხვევაა, როცა შეიძლება ჩინოვნიკები არ გაკიცხო _ რაც მთავარია, ნერგები საქართველოში დარჩა და ქართველებმა მოიხმარეს. თუ მოვლა იციან, ძალიან კარგია. ჩვენ კიდევ, დავარიგებთ ნერგებს, ოღონდაც მიხედონ.




 ახალი ამბები
  • სახანძრო სამსახურის ცრუ გამოძახება ოზურგეთშიამ წუთებში ოზურგეთში თაყაიშვილის 2 ნომერთან სასწრაფოს, სახანძროს და საპატრულო პოლიციის ეკიპაჟები იმყოფებიან. როგორც შემთხვევის ადგილზე, „გურია ნიუსს“ განუცხადეს, მიიღეს ინფორმაცია გაზის ბალონის აფეთქების შესახებ, თუმცა, ადგილზე მისულებმა აღმოაჩინეს, რომ ცრუ შეტყობინება ... ...
  • გიორგი შაქარაშვილის საქმეზე ბერას უახლოეს მეგობარს კითხავენამ წუთებში გიორგი შაქარაშვილის საქმეზე ავთანდილ ბილანიშვილის, მეტსახელად “კაწროს“ გამოკითხვა მიმდინარეობს. „კაწროს“ სახელმა შაქარაშვილის საქმესთან დაკავშირებით მედიაში რამდენჯერმე გაიჟღერა, თუმცა იგი დღემდე გამოკითხული არ ყოფილა. შეგახსენებთ, რომ 19 წლის ფეხბურთელის, გიორგი შაქარაშვილის ცხედარი 4-დღიანი უწყვეტი საძიებო სამუშაოების შედეგად, 22 ივნისს მყვინთავებმა  წყალში იპოვეს. როგორც შემდგომ დადგინდა გიორგი შაქარაშვილი მეგობრებთან ერთად წვეულებაზე იმყოფებოდა, სადაც მომხდარი ჩხუბის შემდეგ თბილისიდან ჩასული ახალგაზრდების ჯგუფმა მცხეთა-თბილისის გზაზე წვეულების მონაწილეთა დევნა დაიწყო. სწორედ ამ ღამეს უჩინარდება გიორგი შაქარაშვილი. ამ დროისთვის დაკავებულია 17 ბრალდებული, თუმცა, მკვლელობის კვალიფიკაცია ჯერჯერობით არ არსებობს. შსს-ში აცხადებენ, რომ მუხლები შესაძლოა ექსპერტიზის შემდეგ დამძიმდეს. საქმის დეტალების გამოკვლევას და მათ შორის შეუსაბამობების დადგენას მედია ცდილობს. სწორედ ამ მცდელობებისას გაიჟღერა ავთო ბილანიშვილის, როგორც კრიმინალური საქმის ხელის დამფარებლის და ბერა ივანიშვილის უახლოესი მეგობრის სახელმა. ამ დრომდე მას მედიასთან კომენტარი არ ... ...
  • ჭარბი რაოდენობის წყალმცენარეები სანაპირო ზოლზესაქართველოს შავი ზღვის სანაპირო ზოლში, კერძოდ ფოთი-გრიგოლეთი-ურეკის ტერიტორიაზე დაფიქსირდა უჩვეულოდ ჭარბი რაოდენობის წყალმცენარეები. როგორც გარემოს გარემოს ეროვნულ სააგენტოში ამბობენ, ვითარებას  სპეციალისტები ადგილზე გაეცნენ. „აღებული იქნა სინჯები წყალმცენარეების ხარისხობრივი და რაოდენობრივი მაჩვენებლების, ასევე, წყლის ხარისხის ქიმიური და ბიოლოგიური კვლევის მიზნით. სააგენტოს სპეციალისტების მიერ განხორციელებული კვლევების შედეგები უახლოეს დღეებში გახდება ცნობილი“,_ ამბობენ გარემოს ეროვნულ ... ...
  • მსახიობი გოვენ ჭეიშვილი გარდაიცვალასაქართველოს დამსახურებული არტისტი, მსახიობი ბატონი გოვენ ჭეიშვილი, 80 წლის ასაკში გარდაიცვალა. მსახიობის გარდაცვალების შესახებ ინფორმაციას ა(ა)იპ შემოქმედებითი კავშირი- საქართველოს თეატრალური საზოგადოება და თეატრალური საზოგადოების იმერეთის განყოფილება ავრცელებს. ცნობისთვის, გოვენ ჭეიშვილმა დაამთავრა შოთა რუსთაველის სახელობის თეატრალური ინსტიტუტის დრამის ფაკულტეტის მუსიკალური განყოფილება 1970 წელს. სწავლობდა პუშკინის სახელობის პედაგოგიურ ინსტიტუტში, მუსიკალურ სასწავლებელში. 1967-1976 წწ. გამოდიოდა მარჯანიშვილის სახელობის თეატრის სცენაზე. წარმატებით მოღვაწეობდა ესტრადაზე. 1964-1994 წწ. იყო ვასო აბაშიძის სახელობის მუსიკალური კომედიის თეატრის მსახიობი. კინოგადაღებებში მონაწილეობს 1969 წლიდან. მთავარი როლები შეასრულა გ. პატარაიას ფილმებში "რეკორდი" (1972, ხუტა) და "კუჩხი ბედნიერი" (1976, კოჩია). გადაღებულია ფილმებში "ნეილონის ნაძვის ხე" (რ. ესაძე, 1985), "ლალე" (რ. ლორთქიფანიძე, 1985), "დამშვიდობება" (ზ. თუთბერიძე, 1987), "კირილეს ოდისეა" (დ. ბათიაშვილი, 1985), "ლომა" (ბ. რაჭველიშვილი, 1987), "ჩემი ბოშები" (ლ. გორდელაძე, 1987), "წითელი პატეფონი" (დ. აბაშიძე, 1995), "სამოთხის გვრიტები" (გ. ჩოხელი", 1997, ეფრემა), "მიჯაჭვული რაინდები" (გ. ჩოხელი, 1999, ტოტია), "ჩემი ბედნირი ოჯახი" (ნ. ექვთიმიშვილი, ს, გროსი, 2016) და სხვ. 1996 წლიდან მუშაობდა ლადო მესხიშვილის სახელობის ... ...
  • საქართველოდან მონტენეგროში მოქალაქეები შეზღუდვების გარეშე ჩავლენმონტენეგროს მთავრობამ საქართველო იმ ქვეყნების სიაში შეიყვანა, საიდანაც ჩამსვლელებს დამატებითი შეზღუდვები არ დაუწესდება. ამის შესახებ ინფორმაციას მონტენეგროს საზოგადოებრივი ჯანმრთელობის ინსტიტუტი ვებგვერდზე აქვეყნებს. განცხადებაში, ასევე ნათქვამია, რომ ევროკავშირის ქვეყნების გარდა სიაში კიდევ 50 სახელმწიფო მოხვდა, საიდანაც ქვეყანაში ჩასულ ვიზიტორებს არც კორონავირუსზე ტესტის და არც  კარანტინის გავლა მოუწევთ. დანარჩენი ქვეყნებიდან ჩაულებისთვის კი სავალდებულო ... ...

არქივი

ტესტები

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ ყველაზე, ყველაზე...

იცი თუ არა გეოგრაფია

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...