"მზე შინა" _ ენერგოეფექტურობის სიკეთე და მასწავლებლის ოცნება

კარმიდამო ჩემი

"მზე შინა" _ ენერგოეფექტურობის სიკეთე და მასწავლებლის ოცნება

8 დეკ. 2016, 18:13:57

ახალგაზრდა ცოლ-ქმარი _ გელა თამაზაშვილი და ირმა ჯინჭარაძე, ქობულეთის მუნიციპალიტეტში, სოფელ ბობოყვათში ცხოვრობენ. ისინი მშრომელი, გულღია ადამიანები არიან და მიაჩნიათ, სადაც ცხოვრობენ, იმ გარემოს შესატყვისად უნდა იმოქმედონ და ისე მიჰყვნენ ცხოვრებას.

მათ კუთვნილ ერთ ჰექტრამდე საკარმიდამო მიწის ფართობზე ძირითადად მანდარინის პლანტაცია აქვთ გაშენებული და სამეურნეო საქმიანობას ეწევიან. ოთხი წლის წინ გადაწყვიტეს, რაკი სოფელში ჯერ კიდევ არ იყო ბუნებრივი აირის შემოყვანაზე საუბარი, მზის ენერგიით ესარგებლათ და საყოფაცხოვრებო საჭიროებისთვის მზის კოლექტორი დაედგათ.

_ მზის ენერგიის თბურ ენერგიად მოქცევა ჩვენი ხალხის ზეპირსიტყვიერებაშიც კი უხსოვარი დროიდანაა ასახული _ "მზე შინა", "შენს მზეს ვფიცავ"... ეს ყველაფერი მუდამ შთამაგონებლად მოქმედებს ჩემზე! ენერგოეფექტურობაზე, ანუ ნაკლები ენერგიის მოხმარებით იგივე პირობების შექმნაზე, დღეს მთელი მსოფლიო საუბრობს და გასაკვირი არ უნდა იყოს, რომ ჩვენც ვცადეთ. გადავწყვიტეთ, მზე შინ შემოგვეპატიჟებინა მეტი ენერგიით და გამოგვივიდა, _ ღიმილით გვეუბნება ოჯახის დიასახლისი, პროფესიით პედაგოგი ირმა ჯინჭარაძე, _ თურმე, სულაც არ ყოფილა ძნელი, გქონდეს განცდა, თითქოს, სულ ახლოს, შენი სახლის სახურავზე მზე ზის და არის შენი ოჯახის სითბოსა და მყუდროების საიმედო გარანტი.

თამაზაშვილების ოჯახმა მზის კოლექტორი, რომელიც უკრაინული წარმოებისაა, ქალაქ ბათუმში შეიძინა, 1 000 ლარი გადაიხადეს და სახლის სახურავზე ხელოსანს დაამონტაჟებინეს. ის ბრტყელი სახისაა, ადვილად მოსარგები და მარტივი. სისტემის მონტაჟი ძირითადად აგებულია ავზში შემავალი ცივი წყლის მილის და ავზიდან გამომავალი ცხელი წყლის მილის სისტემასთან მიერთებით. ძალიან დიდი არც წყლის ავზია _ 360 ლიტრს იტევს. თუმცა, ოჯახს ყოფნის _ზაფხულში განსაკუთრებით უზრუნველყოფილნი არიან ცხელი წყლით და აქედან გამომდინარე, უფასო ენერგიით.

 _ ზაფხულის განმავლობაში, ავზში წყალი დღეში სამჯერ მაინც ასწრებს დუღილის ტემპერატურამდე მისვლას. ეს არის სრული კომფორტი, რაც ოჯახში წყლის საჭიროებას უკავშირდება, _ ამბობს გელა თამაზაშვილი და ყველაზე ბედნიერად თავს იმიტომ გრძნობს, რომ შვილები _ 10 წლის მართა და 12 წლის გიორგი უზომოდ ბედნიერები არიან, რადგან ეზოში საკუთარი აუზი აქვთ და ზაფხულობით ნებივრობენ.

_ როცა მზის ენერგიის გამოყენება გადავწყვიტეთ და საქმეს შევუდექით, პირველ რიგში იმაზე ვიზრუნეთ, სად და როგორ მოგვეთავსებინა ღია ცის ქვეშ პატარა აუზი, რომ ბავშვებისთვის მზე და ზღვა, რა თქმა უნდა პირობითად, შინ ყოფილიყო. სახლის გვერდით, ავტოფარეხთან მოვათავსეთ და მათ ბედნიერებას დღემდე საზღვარი არ აქვს, _ ამბობს შვილებზე მზრუნველი მამა.

ირმა ჯინჭარაძე ბობოყვათის საჯარო სკოლის მათემატიკის მასწავლებელია და ამბობს, რომ მოსწავლეებთან, გარდა საგაკვეთილო თემებისა, თავისუფალ დროს, მზის ენერგიის, ზოგადად, მზის, როგორც ქართველთა უძველესი ღვთაების შესახებ საუბრობს: _ მზის ფუნქცია ხომ სიცოცხლის არსებობის საფუძველია და რა გასაკვირია, ადამიანი ხშირად რომანტიკული იყოს? _ ამბობს ის და კვლავ მზის გამათბობელზე საუბრობს, _ გერმანული წარმოების მზის კოლექტორი ბევრად უკეთესია და ფასიც მაღალი აქვს _ სამი ათას დოლარამდე. გვინდა, გამოვნახოთ საშუალება და სამომავლოდ ვიფიქროთ გაუმჯობესებაზე. ყოველივე ამას მაშინ შევძლებთ, როცა ეკონომიკურად უფრო მოვძლიერდებით. ისე კი მაქვს ერთი ნატვრა თუ სურვილი _ კარგი იქნება, ხელისუფლებამ იფიქროს ენერგოპოლიტიკის ისე გატარებაზე, რომ ხალხმა შეძლოს მზის კოლექტორების დამონტაჟება. განა გლობალური დათბობის წინააღმდეგ ასე კარგად რაიმე იმუშავებს? _ გვეუბნება გონიერი პედაგოგი და მშობელი, რომლის საფიქრალი მხოლოდ საკუთარ კარმიდამოს არ მოიცავს და ტრიალებს ქვეყნისა მომავლის გარშემო.

სოფელ ბობოყვათში გაზის ცენტრალური მილის გაყვანის სამუშაოები ახლა სრულდება. მალე თამაზაშვილების ოჯახშიც აინთება ცისფერი ალი, თუმცა, ისინი მზის ენერგიის გამოყენებაზე უარის თქმას არ აპირებენ, მიუხედავად იმისა, რომ თავის დროზე სწორედ იმიტომ გადაწყვიტეს მზის კოლექტორის დამონტაჟება, სოფელში გაზი რომ არ იყო და მის შესაძენად, სპეციალური ბალონებით, ქობულეთში დადიოდნენ, პარალელურად კი შეშის ძებნა უხდებოდათ.

_ ყველას უნდა მზის კოლექტორის დადგმა, მაგრამ საკმარისი ფული არ აქვთ. მინდა, ყველა ოჯახში იყოს ეს სითბო და სიხარული. მოდიან, ნახულობენ და მოსწონთ. არც ისე დიდი თანხა სჭირდება, მაგრამ ჩვენს პირობებში მოსახლეობას ნამდვილად არ აქვს ათასი და მეტი ლარი, მზის კოლექტორი რომ შეიძინოს. ხან ვფიქრობ, ნეტავ, შემეძლოს, ისე დავეხმარო ადამიანებს, ყველა ოჯახში მეტი აქტიურობით და ეფექტურობით შევიდეს მზე. იქნებ, ჩემი ხმა მიწვდეს მათ, ვისაც შეუძლია, სახელმწიფოში ენერგოპოლიტიკის გატარება. იმედი მაქვს, რაღაც უკეთესობისკენ შეიცვლება, _ ასე გადმოგვცემს თავის ნატვრას და ოცნებას ირმა ჯინჭარაძე.

 ქალბატონმა ირმამ ენერგოეფექტურობის მოხდენა საკუთარ კარმიდამოში ასეთი ფორმითაც გადაწყვიტა _ სახლის წინ, გაზონების გასწვრივ, ვარვარა ნათურის ნაცვლად, ფლუროსცენტრული ნათურა-ლამპიონი დაამონტაჟა, რომელიც მზის ენერგიით საზრდოობს _ შექმნა მთვარის ნათების იმიტაცია. მას ძალიან უყვარს კარმიდამოში სხვადასხვა დეკორაციების მოწყობა, ყვავილების გაზონების გემოვნებით განლაგება. გადაწყვიტა, მზის ენერგია აქაც მოეთავსებინა და ასეთი ფორმით მოახერხა.

_ მართალია, ნათება სუსტი აქვს, მაგრამ მხოლოდ ღამით ინთება და ეზოში მთვარის განათების იმიტაციას ქმნის, ადამიანს დაინახავ, არ წაიქცევი და რაც მთავარია, იდილიურ განწყობას ქმნის. სულ შრომაში ვართ და საღამოს რომ შენს ეზოში, მეგობრებთან ერთად ასეთ გარემოში ჩამოჯდები, სახვალიოდ კარგ განწყობას ქმნი, იმედიანი ხდები, სულ ესაა, _ ამბობს ქალბატონი ირმა.

ჩვენი მასპინძლები მზის ენერგიას წელიწადის, სულ ცოტა, ექვსი თვის განმავლობაში მოიხმარენ. მართალია, ზაფხულის სამი თვე უფრო ეფექტურია ამ მხრივ, თუმცა, როგორც მზია ჯინჭარაძე ამბობს, ზამთრის პერიოდშიც კი, თუ ძალიან არ წვიმს, წყალი 25-30 გრადუსამდე თბება და საყოფაცხოვრებო პირობებს მაინც აუმჯობესებს:

_ მიუხედავად იმისა, რომ ცოტა ძვირი ღირს, უკეთესს ვერაფერს იზამს კაცი. სამაგიეროდ ეს არის უდიდესი ეკონომია და დანაზოგი ოჯახისთვის, რადგან ერთჯერადი ხარჯის შემდეგ, მუდმივად კომფორტში რჩები და არ გიწევს არანაირი გადასახადის გადახდა. დამერწმუნეთ, თუ სახელმწიფო ენერგოპოლიტიკის გატარებას ამ კუთხით დაიწყებს, ეს უმნიშვნელოვანესი ნაბიჯი იქნება იმ გლობალური დათბობის წინააღმდეგ, რაზეც ახლა უკვე შეშფოთებული საუბრობს მთელი მსოფლიო, _ ამბობს ის.

აქვე აღვნიშნავთ, რომ ირმა ჯინჭარაძის მოსწავლეებმა ბობოყვათის საჯარო სკოლიდან, ახლახან აჭარის მასშტაბით გამართულ მათემატიკის კონკურსში პირველი ტური წარმატებით გადალახეს და ახლა შედეგის გამოცხადებას ელიან.

_ სულმოუთქმელად ველით კონკურსის შედეგებს, ძლიერი მოსწავლეები მყავს. შარშანაც წარმატებით გამოვედით. მინდა წელს უკეთესი შედეგი გვქონდეს, _ ამბობს ნიჭიერი მასწავლებელი.

წარმატებას ვუსურვებთ ირმა ჯინჭარაძეს _ ოჯახის ღირსეულ დედას, წარმატებულ მასწავლებელსა და ქვეყნის გულშემატკივარ ქალბატონს.




 ახალი ამბები
  • როდისთვის დასრულდება საფეხბურთო აკადემიის მშენებლობა ლანჩხუთშილანჩხუთში,  სოფელ გვიმბალაურში, სადაც  საფეხბურთო აკადემიის მშენებლობა აქტიურ ფაზაში მიმდინარეობს და სამუშაოების დასრულება შემოდგომისთვის იგეგმება,  ფეხბურთის ფედერაციის წარმომადგენლები იმყოფებოდნენ მუნიციპალიტეტის ხელმძღვანელ პირებთან  და ლანჩხუთი-ჩოხატაურის მაჟორიტარ დეპუტატთან ერთად. პროექტის შესაბამისად, ადგილზე მოეწყობა ადმინისტრაციული საცხოვრებელი შენობა და სტანდარტული ზომის საფეხბურთო მოედანი განათებით. აკადემიის გუნდებთან ერთად, აქ არსებული საფეხბურთო ინფრასტრუქტურით საფეხბურთო სკოლებისა და სამოყვარულო ფეხბურთის გუნდებს შეეძლებათ ისარგებლონ. სტუმრობისას როგორც სფფ-ის პირველმა ვიცე-პრეზიდენტმა, კახა ჭუმბურიძემ აღნიშნა, ეს აკადემია გურიისა და აჭარის რეგიონს მოიცავს, სადაც 13-დან 14 წლამდე მოზარდებს საშუალება ექნებათ ივარჯონ და ... ...
  • მოვუწოდებ შინაგან საქმეთა სამინისტროს, ვინ არის ოლივია ანტონი, დაინტერესდნენ - არჩილ კაიკაციშვილიმინდა მივმართო შინაგან საქმეთა მინისტრს, რომლის უწყებაც შესანიშნავად მუშაობს არასრულწლოვანთა რეფორმის პროცესში, დაინტერესდეს, ვინ არის რუსეთის ფედერაციის მოქალაქე ოლივია ანტონი, რომლიც, საქართველოს სამართალდამცავ ორგანოების წარმოებაში არსებულ არაერთ საქმეში ფიგურირებს, წარდგენილია უტყუარი მტკიცებულებები და არც ერთ დავაზე, კანონის გასაკვირადაც, შედეგი არ ჩანს. ბუნებრივია, ასეთ დროს კონკრეტული საქმის მწარმოებელი ჩინოსანის პასუხისმგებლობაა, გამოირიცხოს ეჭვები, კავშირები, სისტემის შიგნით შესაძლო მფარველები და საქმეზე დადგეს ჭეშმარიტება - ასე ეხმაურება ორგანიზაცია „ახალგაზრდა ადვოკატების“ ხელმძღვანელი, არჩილ კაიკაციშვილი გამოცემა „პრაიმთაიმში“ უცნობი ავტორის მიერ 2020 წლის 3 ივნისს გამოქვეყნებულ მასალას, სათაურით: „თბილისში დედა 5 წლის შვილს ეძებს - ამბობს, რომ ბავშვი მამამ გაიტაცა“. არჩილ კაიკაციშვილი, იმ არასრულწლოვანის კანონიერ ინტერესებს წარმოადგენს საქართველოში, რომლის ქვეყნიდან გაყვანას, ევროკავშირისა და ჩეხეთის რესპუბლიკის მოქალაქე მეუღლისგან ოლივია ანტონი ითხოვს. „სააგენტონზე, 3 ივნისს, ოლივია ანტონის ადვოკატმა, ლოლა კურკუმულმა, რომელიც საქართველოს ადვოკატთა ასოციაციის მართლმსაჯულებისა და სასამართლო რეფორმის კომიტეტს ხელმძღვანელობს, პროფესიულად, ჩემდა სამწუხაროდ, არაერთი მცდარი და უსაფუძვლო ინფორმაცია გაავრცელა. ეს მას არ ეკადრება, რადგანაც კლიენტის საუკეთესო ინტერესების დაცვა, არ ნიშნავს კლიენტის იმ ქმედებების გამართლებას, რომლის უწესობაზეც საქმეში სხვადასხვა მტკიცებულებაა. საოჯახო დავა, რომელსაც თბილისის სააპელაციო სასამართლოს სამოქალაქო საქმეთა პალატა ამჟამად განიხილავს, მრავალწახნაგოვანია. ბავშვის ინტერესებიდან გამომდინარე, სხდომა დახურულია და მხარეებს არ გვაქვს შესაძლებლობა, დეტალურად ვისაუბროთ მტკიცებულებებზე. ლოლა კურკუმულის შეფასებები, რომ ბავშვის მუდმივ საცხოვრებელ ადგილად ითვლება კვიპროსის რესპუბლიკა, სადავოა და არ არსებობს კანონიერ ძალაში შესული სასამართლოს გადაწყვეტილება, რომელიც აღნიშნულს დაამტკიცებს. მამამ შვილი დედის ინფორმირების საფუძველზე გამოამგზავრა კვიპროსიდან საქართველოში, 2018 წლის დეკემბერში და არა - გაიტაცა, როგორც ამას კოლეგა ამტკიცებს, ჩვენ კი გვაქვს აღნიშნულის შესახებ უტყუარი მასალა. საქმის მასალებით დგინდება, რომ მეუღლეებს სწორედ ბავშვის აღზრდის საკითხების გამოც, ურთიერთობები ნამდვილად გაუფუჭდათ, შემდეგ ოლივია ანტონის მიმართ მეუღლემ შეაჩერა ფინანსური უზრუნველყოფა, მოითხოვა განქორწინება, რის გამოც, ოლივია ანტონმა გადაწყვიტა შურისძიება - საქართველოში, განქორწინების დავის წამოწყების პარალელურად, კვიპროსის პოლიციაში შეიტანა საჩივარი ბავშვის გაუჩინარებასთან დაკავშირებით. ბუნებრივია, ჩვენ გვაქვს პირდაპირი მტკიცებულება. ამჟამად, პირველი ინსტანციის სასამართლოს მიერ მიღებული დროებითი განკარგულების პირობებში, რომელიც გასაჩივრებულია და მამა მოითხოვს ახალი წესით მშობლების შვილთან ურთიერთობის ჩამოყალიბებას, ბავშვი არ გამოთქვამდა სურვილს დედასთან ხშირი კონტაქტი არსებულიყო. დროებითი გადაწყვეტილების აღსრულებას პრობლემა არ ჰქონია, არსებობდა ობიექტური მიზეზები მისი შეუსრულებლობის ცალკეული ეპიზოდების გამო“ - აცხადებს არჩილ კაიკაციშვილი. არჩილ კაიკაციშვილის განცხადებით, ლოლა კურკუმული არ საუბრობს იმ საფრთხეზე, რომელიც დაკავშირებულია ევროკავშირის მოქალაქის საქართველოდან არალეგალური გზით გაყვანის საფრთხეზე. მაშინ, როდესაც ლოლა კურკუმული საუბრობდა დედის მხრიდან ბავშვის „ქუჩა-ქუჩა“ ძებნის გარემოებაზე და ცდილობდა საკუთარი დაცვის ქვეშ მყოფი პირის მიმართ საზოგადოებაში თანაგრძობის გამოწვევას, სინამდვილეში, არასრულწლოვანი დედასთან იმყოფებოდა. რაც შეეხება გამოცემას, მასალის გამოქვეყნების მომენტისთვის, არასრულწლოვანს „არავინ ეძებდა“, ვინაიდან სსიპ სახელმწიფო ზრუნვისა და ტრეფიკინგის მსხვერპლთა,  დაზარალებულთა დახმარების სააგენტოსა და საქართველოს შინაგან საქმეთა სამინისტროს ქ. თბილისის პოლიციის დეპარტამენტის ვაკე-საბურთალოს სამმართველოს პოლიციის მეოთხე განყოფილების მხრიდან 2020 წლის 2 ივნისს განხორციელდა შეთანხმებული ოპერაცია, რამაც გამოიწვია ბავშვის ერთი კანონიერი მშობლიდან მეორე კანონერ მშობელზე, ბავშვის ნების საწინააღმდეგოდ, გადაცემა და წართმევა. ამასთან, გამოცემა „პრაიმთაიმმა“ უარი თქვა არჩილ კაიკაციშვილის იმ შეფასების გამოქვეყნებაზე, რომელიც შეეხებოდა შინაგან საქმეთა სამინისტროსადმი მიმართვას. გამოცემამ 5 ივნისს კვლავ გამოაქვეყნა მასალა, რომელშიც აღნიშნულია, რომ ბავშვი დედასთან ერთად, ნათესავის აგარაკზე იმყოფება. მასალაში თავის აზრს გამოთქვამს სოციალური მუშაკი ნინო იობაშვილი, რომელიც არაერთ უკანონო ქმედებაშია მხილებული და ღიად ლობირებს ოლივია ანტონის ინტერესებს. ბავშვს მის მიმართ არ გააჩნია ნდობა. 2020 წლის 5 თებერვალს, არასრულწლოვანმა ნინო იობაშვილს საცხოვრებელ მისამართზე ღიად განუცხადა უნდობლობა და სახლიდან გააძევა, 2019 წლის ნოემბერში კი, ნინო იობაშვილმა, თბილისის საქალაქო სასამართლოს ადმინისტრაციულ საქმეთა კოლეგიაში დაკითხვის დროს აღიარა, რომ ბავშვის მიმართ ფსიქოლოგიურად იძალადა და შემთხვევას უწოდა „ემოციური გადაცდომა“. ასევე, საქმეში წარმოდგენილია პოლიციის განყოფილებაში სოციალური მუშაკის მხრიდან ბავშვზე ზემოქმედების აღწერაც, რომელიც ფსიქოლოგმა აღწერა. ყველა მხილებაზე ჯანდაცვის უწყების მაკონტროლებელი ორგანოები საეჭვოდ ... ...
  • საქართველოს უმეტეს ნაწილზე მოსალოდნელია ცხელი და უნალექო ამინდიგარემოს ეროვნული სააგენტოს ინფორმაციით, 6 ივნისიდან 9 ივნისამდე საქართველოს ტერიტორიის უმეტეს ნაწილზე მოსალოდნელია ცხელი და უმეტესად უნალექო ამინდი. (მხოლოდ აღმოსავლეთ საქართველოს ცალკეულ რაიონში შესაძლოა ხანმოკლე წვიმა ელჭექით აღინიშნოს.) ჰაერის ტემპერატურა 7-8 ივნისს დასავლეთ საქართველოს დაბლობში +32, +37 გრადუსამდე მოიმატებს, ხოლო აღმოსავლეთ საქართველოს ბარში +27, +32 გრადუსია მოსალოდნელი. თბილისში მოსალოდნელია თბილი და უნალექო ამინდი. ჰაერის ტემპერატურა +30, +32 გრადუსი ... ...
  • რაში უსწრებს საქართველო ამერიკას კომუნიკაციების კომისიის მიერ გავრცელებული ინფორმაციით, ფიქსირებული ინტერნეტის აბონენტების რაოდენობამ ბოლო 6 წელიწადში გაორმაგდა და შინამეურნეობის 82% შეადგინა. მათივე ინფომაციით, საქართველო ფიქსირებული ინტერნეტის პენეტრაციის საერთო წილით ამერიკის შეერთებულ შტატებს უსწრებს. “2019 წლის მონაცემებით, ფიქსირებული ინტერნეტის ბაზარზე აბონენტების რაოდენობა კვლავ დინამიურად მზარდია. 2019 წელს ფიქსირებული ინტერნეტის პენეტრაციამ - 80.8% შეადგინა და აბონენტების რაოდენობა 73 ათასით გაიზარდა. 2013 წელს ინტერნეტთან წვდომა მხოლოდ 42%-ს ჰქონდა, დღეს ეს რიცხვი გაორმაგებულია. 2019 წელს საქართველოში ფიქსირებულ ინტერნეტთან წვდომა 896 ათას ოჯახს ჰქონდა, 2020 წლის პირველი კვარტლის მონაცემებით, ეს მაჩვენებელი 914 ათასამდე გაიზარდა და 82% შეადგინა. მნიშვნელოვანია, რომ ტელეკომუნიკაციის საერთაშორისო კავშირის (ITU) ბოლო ანგარიშის მიხედვით, საქართველო ფიქსირებული ინტერნეტის პენეტრაციის საერთო წილით,  ევროპის მოწინავე ქვეყნების რიგებშია, ამერიკას კი ამავე პარამეტრით უსწრებს”,_ ნათქვამია ... ...
  • როგორ უნდა მოიქცნენ თურქეთში სამკურნალოდ წასვლის მსურველი საქართველოს მოქალაქეებისაქართველოში თურქეთის საელჩო თურქეთში სამკურნალოდ წასვლის მსურველი საქართველოს მოქალაქეების საყურადღებოდ განცხადებას ავრცელებს. კოვიდ-19-ის პანდემიის პერიოდში სამედიცინო მომსახურების მისაღებად თურქეთში წამსვლელ პაციენტებთან დაკავშირებით მიღებული ახალი რეგულაციის თანახმად, მათ უნდა მიმართონ ს.ს. საერთაშორისო სამედიცინო მომსახურების სააგენტოს“ (USHAŞ). „ისინი უნდა დარეგისტრირდნენ პაციენტების მონიტორინგის სისტემაში, მისამართზე: “http://covid19st.ushas.com.tr”. სისტემაში თავად პაციენტმა, მისმა ახლობელმა, საავადმყოფომ ამ საშუამავლო ორგანიზაციამ უნდა გახსნას მომხმარებლის ანგარიში. რეგისტრაციასთან დაკავშირებით ინფორმაცია მოცემულია USHAŞ-ის ვებგვერდზე:http://www.ushas.com.tr. USHAŞ-ი თავად დაუკავშირდება და მიაწვდის საჭირო ინფორმაციას იმ პაციენტებს, რომლებიც დაიშვებიან თურქეთში სამკურნალოდ. ჩვეულებრივად, თურქეთში სამკურნალოდ წამსვლელმა პაციენტებმა უნდა მიმართონ თურქეთის ყველაზე ახლომდებარე წარმომადგენლობას და აიღონ სამკურნალო-მიზნობრივი ვიზა. კოვიდ-19-ის პანდემიის პერიოდში კი, თუ სამედიცინო მომსახურების მიღების მიზნით თურქეთში წამსვლელი საქართველოს მოქალაქეები სასაზვრო-გამშვებ პუნქტებზე წარადგენენ USHAŞ-ის მოსაწვევ წერილს, ისინი გამონაკლისის სახით, ვიზის გარეშე, დაიშვებიან თურქეთის ტერიტორიაზე. ერთ პაციენტთან ერთად დაიშვება არა უმეტეს 2 პირისა. უცხოელმა პაციენტებსა და თანმხლებ პირებს თურქეთში ჩამოსასვლელად შეუძლიათ ისარგებლონ სტამბოლის აეროპორტით, სტამბოლის ათათურქის სახელობის აეროპორტით, სტამბოლის საბიჰა გოქჩენის სახელობის აეროპორტით, ანკარის ესენბოღას აეროპორტით, ანტალიის აეროპორტით, საავტომობილო გზით, კერძოდ, სარფის, ქაფიქულეს, ჰაბურის სასაზღვრო-გამშვები პუნქტებით. აეროპორტში და საზღვარზე პაციენტებსა და მათ თანმხლებ პირებს გაუკეთდებათ ფასიანი კოვიდ-19-ის „პი სი არ“ (PCR) ტესტი ან მოხდება ტესტის მასალის აღება. აღნიშნული რეგულაციის შესახებ ეცნობათ საქართველოს უწყებებს“, - ნათქვამია საელჩოს მიერ გავრცელებულ ინფორმაციაში. ... ...

არქივი

ტესტები

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ ყველაზე, ყველაზე...

იცი თუ არა გეოგრაფია

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...