კაცი, რომელსაც ჯუჯა ქათმების მოშენება ჰობად ექცა

კარმიდამო ჩემი

კაცი, რომელსაც ჯუჯა ქათმების მოშენება ჰობად ექცა

2012 დეკ 6 11:53:05
ჩვენი სტუმარი ქობულეთის მუნიციპალიტეტის სოფელ ქობულეთში მცხოვრები ახალგაზრდა კაცი მირზა მეგრელაძეა. იგი 32 წლისაა, პროფესიით ვეტერინარი. მიუხედავად იმისა, რომ საკუთარი პროფესიით არასოდეს უმუშავია, ბავშვობოდანვე თავდავიწყებით უყვარს მცენარეთა და ცხოველთა სამყარო.

_ როცა პატარა ვიყავი, გული სულ ტყისკენ მიმიწევდა. საათობით დავდიოდი ბუნებაში და ვაკვირდებოდი მცენარეებს, განსაკუთრებით ფრინველთა იდუმალი ჭიკჭიკი მაოცებდა. ვცდილობდი, ერთმანეთისგან გამერჩია სხვადასხვა ფრთოსნის ხმა. მერე, როცა წამოვიზარდე, გადავწყვიტე, სხვადასხვა ფრინველები მომეშენებინა, _ გვიამბობს ის და პირველ ნაბიჯის გადადგმას, რომ უცხოური ჯიშის ჯუჯა ქათმები მოეშენებინა, უახლოეს ნათესავს უმადლის, ვინც ეგზოტიკური საჩუქარი გაუკეთა ხუჭუჭა თუთიყუშის სახით. ფრინველების მოშენების პარალელურად ეცნობოდა სხვადასხვა ლიტერატურას, მათი მოვლის შესახებ. ახლა მის ოჯახში სხვადასხვა სახეობის მრავალი ჯუჯა ქათამი და მტრედია, ჰყავს მონადირე ძაღლები, ხშირად დადის სანადიროდაც, თუმცა... შინ მუდამ ხელცარიელი ბრუნდება. ახლობლები დასცინიან კიდეც ამის გამო, თუმცა ვინ რა იცის, რომ ბუნების შვილს, ფლორასა და ფაუნაზე უსაზღვროდ შეყვარებულს, სწორედ გადამწყვეტ მომენტში უჭირს სასხლეტზე ხელის გამოკვრა...

_ მირზა, ჩვენი მკითხველისთვის ძალიან საინტერესო იქნება თქვენი საქმიანობის გაცნობა. რომელი ინსტიტუტი დაამთავრეთ და რამ განაპირობა თქვენი არჩევანი?

_როცა დავამთავრე სოფელ ქობულეთის საშუალო სკოლა, სწავლა განვაგრძე ბათუმის კვლევით სამეცნიერო ინსტიტუტში სამეურნეო და შრომის სამართლის ფაკულტეტზე. პარალელურად გავდიოდი ვეტერინარიის კურსებს, ძალიან მიზიდავ ვეტერინარიის დარგი. ღამეებს ვათენებდი წიგნების კითხვაში, ბაბუაჩემი პროფესიით ბუნებათმცოდნე იყო და ამანაც დიდი როლი ითამაშა ჩემი პროფესიის არჩევაში.

_ ოჯახში მხოლოდ ჯუჯა ქათმები გყავთ?

_ შინაური ქათმებიც მყავს, თუმცა ჯუჯა ცალკე არიან, მყავს დეკორატიული ჯიშის მტრედებიც, რომლებიც ძალიან მიყვარს და ერთნაირი მონდომებით ვუვლი.

_ მტრედები ღია სივრცეში გყავთ, ქათმები _ გალიაში. როგორ უვლით მტრედებს და არის თუ არა ეს საქმე გაცილებით რთული, ვიდრე ქათმების მოვლა?

_ ერთნაირად შრომატევადია. ისე, ძალიან ფაქიზი მოვლა სჭირდებათ. მიჩვეული ვარ უკვე, ალღო მკარნახობს, წინასწარ გავთვალო და ვიგრძნო მოახლოებული ავადმყოფობა ან რაიმე სხვა სახიფათო ნიუანსი, რაც შესაძლოა, ემუქრებოდეს ამ ფრინველებს. მე მათთან იმდენად ახლოს ვარ, თითქოს, მათი გულისთქმაც მესმის, მაგალითად, ჩემი მტრედები როცა ეზოში არიან, რაც უნდა დამშეულები იყვნენ, უცხო ადამიანს ყოველთვის უფრთხიან და სიახლოვესაც არ გაეკარებიან. მათ შორის, ოჯახის წევრებსაც, მხოლოდ მე მცნობენ. ხან, ლამის, თავზე მასხდებიან. წამიკითხავს, სამეცნიერო კვლევებით დადგენილია, რომ მტრედები პატრონს ცნობენ, ანუ ზუსტად არჩევენ ადამიანებს ერთმანეთისგან. ამაში მეც დარწმუნებული ვარ, ფაქტი სახეზე მაქვს.

_ როგორი არიან მტრედები გამრავლების პერიოდში, რა თავისებურება ახასიათებთ?

_ განსაკუთრებით საინტერესოა მტრედების გამრავლების პერიოდი და მათი თავისებურება. ისინი მონოგამები არინ _ ერთი მამალი მხოლოდ ერთ დედალთან წყვილდება, წელიწადში რამდენჯერმე, მაგრამ მხოლოდ ერთი - ერთზე და მთელი ცხოვრება ასე რჩებიან (თუმცა, გადაწყვილება, მცოდნე ადამიანის ხელით, შესაძლებელია).

_ ახლა ჯუჯა ქათმებზე ვისაუბროთ.

_ ძალზე საინტერესოა იმ ჯუჯა ქათმების გამრავლება და მოვლა, რომლებსაც ახლა მე ვზრდი. ეს არის ძალიან პატარა ჯიშის ქათმები, ინგლისური სებრაითი. დედალი, დაახლოებით, იწონის 300 გრამამდე, მამალი კი _ 400 გრამამდე. არიან ძალიან საინტერესო შეფერილობის, ყოველ თეთრ ბუმბულზე შავი არშია აქვთ შემოვლებული, თევზის ქერცლებს მოგვაგონებს. ეს ჯიში მე ჩემმა ახლობელმა ჩამომიყვანა უკრაინიდან. საქართველოში მე ამის ანალოგი ვერ ვიპოვე, გამრავლების პერიოდი დაახლოებით მარტის ბოლოდან იწყება დედალი დებს 8-დან 16 ცალამდე პატარა, თეთრი ფერის კვერცხს და თავადვე კრუხობს საინკუბაციო პერიოდი. 22 დღის შემდეგ ძალიან უსუსური წიწილები იჩეკებიან (16 კვერცხიდან იჩეკება 8-10 ცალი, იშვიათად, _ ყველა). ამის შემდეგ გადამყავს მუყაოს კოლოფში, დედასთან ერთად და ერთი კვირის განმავლობაში ვკვებავ მოხარშული კვერცხის გულით, შემდეგ უკვე სპეციალურ საკვებზე გადამყავს, რაშიც ბევრნაირ ვიტამინს ვურევ და ხშირად მაინც მიჭირს მათი უდანაკარგოდ გაზრდა, ვინაიდან ეს ქათმები არ არიან ჩვენს ჰავას შეგუებული. წიწილები 4 თვის ასაკში უკვე ზრდასრულად გამოიყურებიან და ამის შემდეგ უერთდებიან თავის მოძმეებს. ეს ქათმები გაჭრილი ვაშლივით ჰგვანან ერთმანეთს, მაგრამ ჩემთვის სრულიად განსხვავებულები არიან. ისევე ვარჩევ ერთმანეთისგან, როგორც ადამიანებს და მტრედებს.

_ ახლა რამდენი ჯიშის ჯუჯა ქათამი გყავთ და გაუჭირდათ თუ არა მათ ჩვენს პირობებთან შეგუება?

_ ხუთი ჯიშის ჯუჯა მყავს, თუმცა, არაჯუჯებიც მყავს. ამ ყველაფერს ისეთი სიხარულით და ენთუზიაზმით ვაკეთებდი, დრო როდის გარბოდა, ვერც კი ვგრძნობდი. რა თქმა უნდა, აკლიმატიზაცია განიცადეს, მაგრამ ვკითხულობდი ლიტერატურას, ვახდენდი დაკვირვებას და ამ ყველაფერმა შედეგი გამოიღო. თავიდან მყავდა რამოდენიმე ჯიშის ქათამი, მათ შორის ჯუჯა, ანუ დეკორატიული ჯიშები. ეს ფრინველები ყველა უცხოეთიდან არის შემოყვანილი და ჩვენს პირობებში ძნელდებოდა მათი მოვლა. გავუკეთე სპეციალური გალია, ხანგრძლივი დაკვირვებით და შრომით, მივაღწიე იმას, რომ მათ ჩვენი პირობები აეტანათ და შეძლებოდათ გამრავლება.

_ გეგონება, სპეციალურად საღებავით შეღებე თუ გააფერადე.

_ კი, კი, ბევრი იმასაც კი მეუბნება, რომ ეს ვინ ითამაშა და ვინ დაუხატა ამ ქათმებს ბუმბულიო?

_ მირზა, რა მიზნით აკეთებთ ყოველივე ამას, გსურს, ბიზნესის სახე მისცე ამ ყველაფერს?

_ ჩემს საქმიანობას რაიმე კონკრეტული მიმართულება არ ექნება. უბრალოდ, ეს არის ჩემი ჰობი და ბავშვობის ოცნება, რომ მეტი და მეტი მცოდნოდა ბუნების იმ ამოუხსნელ საოცრებებზე, რასაც ჰქვია ცხოველი და ფრინველი. ჩემი ოჯახის წევრები არ იჩენენ ჩემი ფრინველების მიმართ დიდ ინტერესს. ჩემს მეუღლეს ალერგია აქვს ფრინველსა და ცხოველზე. შეიძლება, ოდესმე ამ ყველაფერს ბიზნესის სახე მიეცეს.

_ ნადირობა გიყვართ?

_ მყავს მონადირე ძაღლები და ვარ მონადირე. უფრო სწორად, ჩემგან სანადიროდ წასვლის მოტივი ის არის, რომ უფრო მეტად და ახლო გავეცნო ბუნებას და არა ის, რომ სახლში ნანადირევით დავბრუნდე. თითქმის ყოველი ნადირობიდან ხელცარიელი ვბრუნდები, რაც ოჯახში ჩემი დაცინვის საგანი ხდება. მართალი ისაა, რომ მოსაკლავად ვერაფერს ვიმეტებ.

მირზა მეგრელიძეს 4 წლის ვაჟი ჰყავს, დავითი. მას განსაკუთრებით აჩვევს ბუნებას და მის სიყვარულს ასწავლის. მიიჩნევს, რომ თუ ბუნება გიყვარს, მაშინ არ შეიძლება ცუდი ადამიანი იყო. მისი ჰობის ამოსავალი წერტილიც ეს არის.




 ახალი ამბები
  • „პარკომატი“ _ გაამართლებს თუ არა პარკირების სამსახურის ელექტრონული სერვისი ოზურგეთში?ოზურგეთის მუნიციპალიტეტის საკრებულოს რიგგარეშე სხდომაზე,  ა(ა)იპ „ოზურგეთის მუნიციპალიტეტის პარკირების მართვის ცენტრის ხელმძღვანელმა, რომან გოგიტაურმა ანგარიშის წარმოდგენისას, ძირითადად იმ სიახლეზე ისაუბრა, რასაც „პარკომატი“ ჰქვია. ეს ელექტრონული მოწყობილობა აღნიშნულ სამსახურში შექმნეს და ყუთი, რომელსაც „პარკომატი“ ჰქვია, საკრებულოს სხდომაზე წარმოადგინეს.  დეპუტატებს  კი  აუხსნეს, რომ მას გაუკეთდება ბოძი და დააიდგმება იმ 250 ადგილზე, რომელიც პარკირებისთვის გააცნია აღნიშნულ სამსახურს. _ ჯერ მხოლოდ ერთ ცენტრალურ ადგილზე,  გურიიის ქუჩაზე, უნივერმაღ „იმედის“ წინ დავდგამთ. ავტოსადგომით ვინც ისარგებლებს, თანხას პარკომატში გადაიხდის.  დღის ბოლოს კი ოპერატორი გაათავისუფლებს  ამ ყუთს. ვფიქრობთ, რომ ეს   სისტემა გაამართლებს და შემდეგ ვიმოქმედებთ რომ იმ 250 ადგილზეც განვათავსოთ, რომელიც პარკირების სამსახურს გააჩნია, - თქვა რომან გოგიტაურმა. _მაგ მოწყობილობას  ღია ცის ქვეშ წვიმის და თოვლის არ „ეშინია“?- იკითხა დეპუტატმა  გელა ჩავლეშვილმა. _არა,  ყუთი დაცულია.  ამაზე  თავიდანვე ვიფიქრეთ, როცა ვაკეთებდით, _ უპასუხა გოგიტაურმა. საკრებულოს თავმჯდომარემ დავით დარჩიამ იდეა მოიწონა, მოუწოდა დეპუტატებს, დადებითად შეეფასებინათ პარკირების სამსახურის ანგარიში და თავად ჩააგდო პარკომატში სიმბოლური თანხა. „პარკომატს“ ნაციონალი დეპუტატების  სახით მოწინააღმდეგეებიც გამოუჩნდნენ. ვრცლად ამის და  ასევე  ახალი სისტემის შესახებ,  რომელიც იმიტომ შეიქმნა,რომ მომსახურებისას გადახდილი თანხების მოძრაობა იყოს გამჭვირვალე,  საგაზეთო სტატიაში ... ...
  • ყალბი საგადასახადო დოკუმენტების დამზადება - გასაღების ფაქტებზე ორი კომპანიის ხელმძღვანელი დააკავესსაქართველოს ფინანსთა სამინისტროს საგამოძიებო სამსახურის თანამშრომლებმა, ოპერატიულ - სამძებრო ღონისძიებებისა და საგამოძიებო მოქმედებების შედეგად, ყალბი საგადასახადო დოკუმენტების დამზადება - გასაღების ორი ფაქტი გამოავლინეს, რაზეც, ორი კომპანიის ხელმძღვანელი დააკავეს. გამოძიებით დადგინდა, რომ ბრალდებულებმა, უკანონო მატერიალური სარგებლის მიღების მიზნით, ერთ შემთხვევაში, გაწერეს ყალბი საგადასახადო ანგარიშფაქტურა და სალაროს შემოსავლების ორდერები, თითქოსდა, განხორციელდა 226 456 ლარის ღირებულების სამშენებლო მომსახურების გაწევა, ხოლო, მეორე შემთხვევაში, ბრალდებულმა, დაამზადა და გაასაღა 120 000 ლარის ღირებულების ჯართის ფიქტიურ მიწოდებასთან დაკავშირებული სასაქონლო ზედნადები.  გამოძიება მიმდინარეობს საქართველოს სისხლის სამართლის კოდექსის 210-ე მუხლის პირველი ნაწილით, რაც სასჯელის სახით ითვალისწინებს, თავისუფლების აღკვეთას 2-დან 4-წლამდე ... ...
  • ჩემპიონატი "მთის ეტლი თხილამურებით - ბაკურიანი 2020" გაიმართა(R)პროექტის "აქტიური ცხოვრება ჩემი სტიქიაა" ფარგლებში, მიმდინარე წლის 17 თებერვალს, დაბაბაკურიანში პირველად საქართველოს ისტორიაში გაიმართა ჩემპიონატი "მთის ეტლი თხილამურებით - ბაკურიანი 2020", რომელშიც მონაწილეობა მიიღეს სამშვიდობო მისიებსა და სხვადასხვა საომარ მოქმედებაში დაჭრილ–დაშავებულმა სამხედრო მოსამსახურეებმა და ვეტერანებმა. ჩემპიონატი ჩატარდა ოლიმპიური სისტემით, რომელშიც  19–მა მონაწილემ იასპარეზა თბილისის, გორის, ქუთაისისადა ზუგდიდის მუნიციპალიტეტებიდან.   ინდივიდუალურ ასპარეზობაში გამოვლინდა სამიგამარჯვებული: რეზო გორგაძე, ალიკა გითოლენდია და ვეფხვია გელაშვილი, ხოლო გუნდურ შეჯიბრში პირველობა არავის დაუთმო ზუგდიდის მუნიციპალიტეტის მერიის სამეულმა, რომლის შემადგენლობაშიც ასპარეზობდნენ: ლადო შონია, პაპუნა სულუხია და თემურ იზორია. ჩემპიონატის ინდივიდუალურ გამარჯვებულებს გადაეცათ გარდამავალი თასები, მედლები, დიპლომები დაპროექტის სპონსორების მიერ დაწესებული ფულადი პრიზები. ჩემპიონატი სისტემატურ ხასიათს მიიღებს და მასში სულ უფრო და უფრო მეტი მონაწილე ჩაერთვება საქართველოს მასშტაბით. ახალგაზრდული მედია-კავშირი და ჩემპიონატის მონაწილეები მადლობას უხდიან პროექტის მხარდამჭერებს თბილისის, გორის, ქუთაისისა და ზუგდიდის მუნიციპალიტეტის მერიებს, საქართველოს თავდაცვის სამინისტროს,  ვეტერანთა საქმეების სახელმწიფო სამსახურსა და კომპანიებს: „ევროპაბეთს", „სოკარს"," ტოიოტა კავკასიას", რომლებმაც ჩემპიონატში ასპარეზობის საშუალება მისცეს საქართველოს სხვადასხვა რაიონში მცხოვრებ დაჭრილ სამხედრო მოსამსახურეებსა და ვეტერანებს. პროექტი ხელს უწყობს გაეროს 2006 წლის შეზღუდული შესაძლებლობის მქონე პირთაუფლებების დაცვის კონვენციის 30-ე მუხლის იმპლემენტაციას. პროექტის მიზანია კონვენციის იმპლემენტაციის აღსრულების ხელშეწყობა საქართველოს მასშტაბით და შშმ პირთა საზოგადოებაში თანაბარ უფლებრივი მდგომარეობის დამკვიდრება. (R)   ... ...
  • თალაკვაძე: "მათი მთავარი ამოცანა დესტაბილიზაციაა"ვანო მერაბიშვილის განცხადებამ კიდევ ერთხელ აჩვენა, რომ ნაციონალურ მოძრაობას და ოპოზიციის ამ ნაწილს აქვს დესტრუქციული დღის წესრიგი - არჩევნები მათ არ სურთ,_ ასე გამოეხმაურა პარლამენტის თავმჯდომარე, არჩილ თალაკვაძე ვანო მერაბიშვილის მიერ ციხის დატოვებისას გაკეთებულ განცხადებას.  „მისმა განცხადებამ კიდევ ერთხელ აჩვენა, რომ ნაციონალურ მოძრაობას და ოპოზიციის ამ ნაწილს აქვს დესტრუქციული დღის წესრიგი. მათი მიზანი არ არის დემოკრატიული არჩევნები და შეთანხმება რაიმეზე, მათი მთავარი მიზანი, პოლიტიკური სურვილი და მთავარი ამოცანა არის დესტაბილიზაცია და რაიმე ცვლილებების მოპოვება საარჩევნო ყუთის გვერდის ავლით",_ ამის შესახებ საქართველოს პარლამენტის თავმჯდომარე არჩილ თალაკვაძემ ჟურნალისტებთან განაცხადა. პარლამენტის თავმჯდომარის განცხადებით, ხელისუფლება არავის მისცემს დესტაბილიზაციის საშუალებას და მომავალთან დაკავშირებით მოქალაქეები მიიღებენ გადაწყვეტილებას დემოკრატიული და  თავისუფალი არჩევნების გზით. „მე  მოვისმინე ბატონი რომან გოცირიძის საოცარი განცხადება, სადაც, მან თქვა, რომ "დამხობა" არის მხატვრული სიტყვა, არ გამოვრიცხავ, რომ უკვე ხვალ თქვან, რომ "დამხობა" არის მერიონ რასელის  ნახატი. ასე ეცდებიან ეს ადამიანები, რომ თავისი უპასუხისმგებლობა აჩვენონ სახელმწიფო ინტერესების მიმართ. რეალურად, ჩვენ არავის მივცემთ საშუალებას, რომ ქვეყანაში დესტაბილიზაცია შექმნას. ჩვენ გვჯერა ჩვენი საზოგადოების, ვენდობით ჩვენს მოქალაქეებს და პატივს ვცემთ  გადაწყვეტილებას, რომელსაც ისინი მიიღებენ დემოკრატიული, თავისუფალი არჩევნების გზით",_ განაცხადა არჩილ ... ...
  • ავტოსაგზაო შემთხვევა სოფელ ბობოყვათში - არის მსხვერპლი ქობულეთის მუნიციპალიტეტის სოფელ ბობოყვათში მომხდარი ავტოსაგზაო შემთხვევის შედეგად ერთი ადამიანი გარდაიცვალა. როგორც "გურია ნიუსს" ერთ-ერთმა თვითმხილველმა განუცხადა, მსუბუქი ავტომობილი გზის სავალი ნაწილიდან გადავიდა. რა გახდა ავტოსაგზაო შემთხვევის გამომწვევი მიზეზი, ჯერჯერობით, უცნობია. შსს-მ მომხდარ ფაქტზე გამოძიება სსკ-ის 276-ე მუხლით ... ...

არქივი

კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...
ზაფრანი

ქალები და მანქანის მართვა

ბრიტანული კვლევის თანახმად, ქალები კაცებზე...

რა არის ბედნიერება?

რას გულისხმობს ბედნიერება?_ სტაბილურ სამსახურს,...

რატომ „იყინებიან“ ქალები ხშირად

ქალებისგან ხშირად მოისმენთ, რომ ეყინებათ...

რა პროდუქტები უნდა მივირთვათ ზამთარში

რძე სუპერმარკეტებში სულ უფრო ხშირად...

სიზმრის ახსნა

ორსულობა სიზმრები ორსულობის შესახებ შეიძლება...

მკურნალი პროდუქტები

დამწვრობისას გიშველით ალოე ვერა. დღეში...