15 ტონა სიმინდის მოსავლის მომწევმა, "ღორის ჭირიც" ადვილად დაამარცხა

კარმიდამო ჩემი

15 ტონა სიმინდის მოსავლის მომწევმა, "ღორის ჭირიც" ადვილად დაამარცხა

5 დეკ. 2012, 11:55:52

ერთი ოჯახის მიერ ამ წლის შემოდგომაზე მოწეული 15 ტონა სიმინდი, ერთ ნალიაში არც ისე ადვილი დასატევია, თუმცა, შეუძლებელი არაფერია. ოზურგეთის მუნიციპალიტეტის სოფელი ოზურგეთი რაიონულ ცენტრს ზედ ეკვრის და აქ მოსახლეობას სახნავ-სათესი ფართობები არც ისე უხვად აქვს, თუმცა, აქაურ მკვიდრ ცოლ-ქმარს _ ანზორ და ნანა დოლიძეებს საკმაოდ მოშორებულ ლეკიანის ფართობში ყოველწლიურად ტონობით სიმინდის მოსავალი ელით და თუ რომელიმე წელს მხოლოდ 10 ტონა მოიწიეს, იმ წელიწადს მოსავლიანად აღარ თვლიან. მაინც როგორო, იკითხავს დაინტერესებული მკითხველი. ქვეყანაში, სადაც მიწასთან მიჯაჭვულ გლეხკაცობას, ცხრა წელია, ოცლარიანი ვაუჩერით აცხოვრებენ, თავგადადებული მუშაკაცი, მთელ ზაფხულს საყანე ფართობში ჩადგმულ მომცრო კარავში ატარებს და ყოველგვარი ნადის გარეშე, 15 ტონა სიმინდს იწევს. სხვათა შორის, ანზორ დოლიძე ის კაცია, ვინც მინისტრყოფილ კვეზერელის ამერიკული ყვითელი თუ თეთრი სიმინდის ფანტაზიას იმთავითვე შეეწინააღმდეგა და თავის ფართობში არ გააჭაჭანა, სამაგიეროდ კი საკუთარი მარჯვენით მოწეული სიმინდით მართლაც დაიწყო მამაპაპურმა ნალიამ ტორტმანი, განსხვავებით კვეზერელის შეპირებისა, რომელიც, გასული წლის გაზაფხულზე, ნალიების სიმინდისგან წაქცევას გვპირდებოდა.

_ ვინც ყვითელი სიმინდი დათესა, კი დეიფსო, ვეხვეწე ერთსა და მეორეს, არ ქნათ მაი, მაგენი კარგს აფერს გირჩევენ, დეიჯერეთ და ჭამეთ ჩემი დარჩეული ლობიო,-მეთქი, მარა ბევრმა ყური არ მათხოვა... კი დეემართათ სეირი, _ გვიამბობს ანზორ დოლიძე და საკუთარ ეზოში დახვავებულ სიმინდის კალოს შუქიანი, უსაზღვრო კმაყოფილებით სავსე თვალებით გასცქერის.

ურიგო არ იქნება, მკითხველს შევახსენოთ, რომ ანზორ დოლიძის მეუღლე, ქალბატონი ნანა, "გურია ნიუსის" ყველაზე წარმატებული დისტრიბუტორია და დიდი ოჯახის დიდ დიასახლისობასთან ერთად, ჩვენი გაზეთის ჭირისუფალიცაა.

ანზორ დოლიძე ლეკიანის ფართობში ჰექტარნახევარ მიწის ნაკვეთზე იწევს 15 ტონა სიმინდს. ოჯახიდან მოშორებულ ათეულ კილომეტრზე მდებარე ფართობში იგი, თითქმის, ჩასახლებულია და მთელ ზაფხულს იქ ატარებს. ყანის დასამუშავებელ ფულს, ძირითადად სესხულობს, შემდეგ კი მოსავლის მიღებამდე თანდათან ისტუმრებს.

_ თესვის სეზონზე დახვნისთვის საჭირო თანხას, უფრო ხშირად ვსესხულობ, ხან გადანახულიც მაქვს. შემდეგ, ჩემი საყანე ფართობის გარდა, სამ ჰექტარს სხვისას ვთოხნი, რომ ფული ავიღო და აღებული ვალის გასტუმრების გარდა, სასუქის თანხაც გადავინახო. მთელი ზაფხული ჩემს კარავში ვარ, მეუღლე ჩამოირბენს ხოლმე, ერთი კვირის სამყოფ სურსათს "მომითავყუდებს", მიმილაგებს ყველაფერს და ვართ ასე, _ გვიამბობს ბატონი ანზორი და აწ გარდასული მთავრობის მისამართით საყვედურებს არ იშურებს, _ რომ მაძალებს, ხან ყვითელი სიმინდი დათესეო, ხან 20-ლარიანი ვაუჩერი იჩუქეო, არ მინდა მაგფერი რჩევა და არც მაგფერი ჩუქება. მკითხე, დალოცვილო, რა სჭირდება გლეხკაცს, ამ ყანას და გეტყვი, რა მიჭირს, რა მილხინს. ამის პროფესორი მე ვარ და შენ რაც იცი, ზედ გეტყობა, საშველი ხომ არ დაგვაყენეს _ ვის ჰყოფნის მაგი ვაუჩერი, რამდენი წელი უნდა აიგდონ მასხრად მშრომელი კაცი, დასასრული არ აქვს ამ კინოს?

ანზორ დოლიძე იმასაც აღნიშნავს, რომ ყველა გლეხკაცს არ შეუძლია იმდენი შრომისა და რისკის გაწევა, რასაც თვითონ აკეთებს. ადამიანს, თავისი შესაძლებლობის მიხედვით უნდა მისცეს ხელისუფლებამ საშუალება, რომ ოჯახი გამოკვებოს, მარჩენალი მიწა არ შეაძულოს და შრომაზე გული არ აუყაროს.

_ ნახევარი გაზაფხული და მთელი ზაფხული ოჯახს მოწყვეტილი ვარ, ჩემი ბაბუკოები მენატრება, კარავში მძინავს და სარჩოც უხვად მაქვს, მაგრამ მეც ხომ ადამიანი ვარ და ჩემს ნაშრომ ჭერქვეშ ყოფნა მინდა. ნუთუ, შეუძლებელია, მშრომელ კაცს მეტი გასაქანი ჰქონდეს და საკუთარ ოჯახს თვეობით არ წყდებოდეს? _ დაგროვილი კითხვების დასმის პარალელურად შრომის დეტალებზეც დაუზარელად საუბრობს:

_ ეს საყანე ფართობი, ყველა ჩემი როდია _ ხალხს მიზომილი აქვს საკუთრებაში, მაგრამ უმეტესობა ვერ თესავს. ყველა ჩემსავით არ წავა კარავში, ბევრს ფიზიკური შრომაც ნაკლებად შეუძლია. ამიტომ მოველაპარაკები ხოლმე მიწის ასეთ მეპატრონეებს და ვთესავ მე. სიმინდთან ერთად, ლობიოს, სოიოს და კვახსაც საკმაოდ ვიწევ, ოღონდ ისე, რომ ზომიერებას ვიცავ. ყანა არ უნდა დაიჩაგროს. ბოლო ხუთი წელია, სეზონზე, საშუალოდ, 15 ტონა სიმინდს ვიწევ. თუ დამიჯერებთ, თოხნა-მარგლაზე ნადი არასდროს მყოლია, ტეხვისას _ კი. ახლა ამ სიმინდს რომ დავახარისხებ, სათესლეს ცალკე ვინახავ, საჭმელად ცალკე, შინაური პირუტყვისა თუ ფრინველისთვის _ ცალკე. სამ თვეს ქატოს ყიდვა არ მჭირდება.

მიუხედავად იმისა, რომ ტონობით სიმინდს იწევს, ბატონ ანზორს გასაყიდად მაინც არასოდეს ემეტება ჭირნახული, რადგან ძალიან დიდი შინამეურნეობა აქვს. სიმინდის ისეთ უხვ მოსავალს იწევს, ზოგან მთელი სოფლის ნაშრომს რომ უდრის, ამასთანავე შინაური პირუტყვისა თუ ფრინველის დიდი რაოდენობა ჰყავს, _ ერთი შეხედვით ესეც დაუჯერებელი, _ 15-ლიტრიანი ძროხა პატარა "შველიათი", სამი დედა ღორი და "საკალანდოდ დასაკლავ-გასაყიდი 12 ნაზარდი", რომელსაც განსაკუთრებით უვლის. 100 ფრთა ქათამი და მრავალი ინდაური... ანზორ დოლიძე იხსენებს გარდასულ წელს, როცა 30 ფრთა ინდაური ჰყავდათ და მოულოდნელად ჭირით დაეხოცათ. იცინის კიდეც, როცა იხსენებს, მეუღლემ, ქალბატონმა ნანამ როგორ დაიტირა ეს ინდაურები:

_ ჩვენი ჭირიც წაუღია. ისე, ნანამ ძაან ინერვიულა, საწყენია ზარალი, მარა დავეხმარე და ისევ მოვაშენეთ, ბარე ათი ახლაც გვყავს და ღმერთია მოწყალე, მეტიც იქნება! _ ამბობს ის და საკუთარ კარმიდამოში დაგვატარებს. საგულდაგულოდ ნაკეთებ, ერთმანეთისგან კარგად იზოლირებულ ფრინველის სათავსსა თუ პირუტყვის სადგომს, მასპინძლის სუფთა და აკურატული ხელი ატყვია. თანმიმდევრულად დაყოფილ და გადაღობილ თუ დატიხრულ სადგომს, თავ-თავისი მისასვლელი აქვს ისე, რომ აქ ერთმანეთს ხელს არავინ და არაფერი უშლის. ბატონ ანზორს ხელში სიმინდიანი ვედრო უჭირავს და "ჩუნიებს" ეძახის. უფრო სწორად, ჩემს კითხვაზე, ნუთუ, ამდენი ღორები გყავთ, ცნობილი ჭირის მუსრის შემდეგ,-მეთქი, _ საპასუხოდ. საიდანღაც სამი უზარმაზარი დედა ღორი მორბის, ორს აშკარად ეტყობა, რომ მალე დოლიძეების ოჯახში, ღორების თუ არა გოჭების ფერმა აუცილებლად იქნება.

_ ბატონო ანზორ, ნამდვილად მიკვირს, ამდენი ღორი როგორ გადაარჩინეთ, როცა ეს ცხოველი ჭირმა მთელ საქართველოში გაწყვიტა. იქნებ, რაიმე საიდუმლო იცით და ურჩიეთ მეურნე ადამიანებს. მე ძალიან ბევრ ადამიანს ვხვდები, რომლებიც წუხან, როგორ იყიდეს გოჭები "მამასისხლად" და მაინც ვერ გაზარდეს.

_ ადრე ჩვენც მოგვიკვდა ღორები, მაგრამ ფარ-ხმალი არ დაგვიყრია. ძველი ხალხური მკურნალობა კარგად ჭრის, როგორც ადამიანებზე, ისე ცხოველზე. ზოგი, იქნებ, არ დამეთანხმოს, მაგრამ პრაქტიკამ ბევრი რამ მასწავლა და ცოდნა თუ გამოცდილება განმიმტკიცა. ისე, ლომის წილი "ღორის ჭირის" დამარცხების საქმეში ჩემს მეუღლეს ნანას ეკუთვნის. არ გაგიკვირდეთ, უპირველესი წამალი ნიორი აღმოჩნდა.

ქალბატონი ნანა კი ღორების გადარჩენას ვეტექიმ თამაზ კილაძეს უმადლის: _ რაც ღორის ჭირმა იჩინა თავი, ჩვენ ერთიც არ მოგვკვდომია. ბევრი გვყავდა და სასწრაფოდ დავტრიალდით. მივაკითხე ვეტექიმ თამაზ კილაძეს და რჩევა ვთხოვე, თან აცრის შესახებაც დავეკითხე. მითხრა, მე თვითონ ვერ მივხვდი, რა წამალია იმ ამპულებში, რომლითაც ღორებს ვცრით, მაინც კვდებიანო. მირჩია, ღორების ულუფაში, ყოველ იჯრაზე, ერთ ვედროში ორი სუფრის კოვზი გატარებული ნიორი ჩამეყარა და სამი თითით აღებული გოგირდი დამემატებინა. წესი არ დამირღვევია. ყოველდღიურად ასე ვიქცეოდი და ვიქცევი დღესაც. შედეგი აგერ, ბატონო, რამდენი ღორი მყავს, _ გვეუბნება ქალბატონი ნანა და დასძენს იმასაც, რომ პატარა გოჭებს თუ მოზრდილებს ეზოს გადაღმა არასდროს უშვებს, ფრთხილობს, რადგან ექიმმავე ურჩია, რომ დაბალ ასაკში უჭირს ცხოველს ინფექციის გადატანა. დაინტერესებულთ ურჩევს იმასაც, რომ აღნიშნული პროცედურა განსაკუთრებით უნდა დაიცვან ზაფხულში და ერთი დღეც არ უნდა ჩააგდონ ისე, რომ ღორის ულუფაში ნიორისა და გოგირდის შესაბამისი რაოდენობა არ იყოს.

ანზორ და ნანა დოლიძეების კარმიდამოში საკმაოდაა ფეიხოასა და კივის ნარგავები. ამბობენ, რომ თხელკანიანი ჯიშის ფეიხოა ძალიან მოსწონდათ და თავის დროზე დასარგავად სწორედ ეს შეარჩიეს. კივის ტალავერქვეშ სახელდახელო სუფრა გაუწყვიათ, შორიახლო კი პიკინესას ჯიშის "გუჩოს," შვილიშვილი გიორგი ეთამაშება. იგი პირველ კლასშია და სიმინდის გროვაზე მხოლოდ ყირამალათი გადადის. უმცროსი ანდრია ჯერ ძუძუთაა და შვილი და რძალი მას დასტრიალებენ თავს. ჭირნახულის ავან-ჩავანს ოჯახში ნანა და ანზორი განაგებენ. დამშვიდობებისას ანზორ დოლიძემ, ოზურგეთის მაჟორიტარ დეპუტატ ზვიად კვაჭანტირაძესთან, კანდიდატობისას შეხვედრის დეტალები გაიხსენა და პატიოსნებით სავსე მშრომელი კაცისთვის დამახასიათებელი რიდით თქვა: შემპირდა, თუ დეპუტატი გავხდი და "ქართულმა ოცნებამ" გაიმარჯვა, სოფელს დავეხმარებით, აუცილებლად შეგაძლებინებთ უპრობლემოდ დახვნა-დათესვასო.

ახლა, როცა საქართველოს ახალი ხელისუფლება ჰყავს და ზვიად კვაჭანტირაძე უკვე ოზურგეთის მაჟორიტარი დეპუტატია, უსაზღვროდ მშრომელი გლეხიკაცი, ჩვენი ქვეყნის ხორციცა და ხერხემალიც, შეპირებულ დახმარებას იმედით ელოდება. იმედია, დადგა ჟამი შეპირებულის ასრულებისა, რასაც დიდი იმედით ელოდება ქართული სოფელი და არა ერთი ანზორ დოლიძე.




 ახალი ამბები
  • მუნიციპალიტეტებში რეგულარული სამგზავრო გადაყვანის ნებართვის გაცემას მხარი დაუჭირესრეგიონული პოლიტიკისა და თვითმმართველობის კომიტეტმა, რომელსაც კომიტეტის თავმჯდომარე ზაზა გაბუნია უძღვებოდა, დღის წესრიგით განსაზღვრული საკითხები განიხილა. საქართველოს პარლამენტის წევრების: რატი იონათამიშვილის, გოგა გულორდავას, ზაზა გაბუნიას და მერაბ ქვარაიას მიერ საკანონმდებლო ინიციატივის წესით წარმოდგენილი საქართველოს კანონის პროექტი „საავტომობილო ტრანსპორტის შესახებ" თანმდევ პროექტთა პაკეტთან ერთად, რეგიონული პოლიტიკისა და თვითმმართველობის კომიტეტის თავმჯდომარის მოადგილემ მერაბ ქვარაიამ პირველი მოსმენისთვის წარადგინა. მომხსენებლის განმარტებით, წარმოდგენილი კანონის პროექტით ხდება აღნიშნული კანონის საქართველოს ორგანულ კანონთან „ადგილობრივი თვითმმართველობის კოდექსთან" შესაბამისობაში მოყვანა, რაც მისცემს მუნიციპალიტეტებს საშუალებას საკუთარ ადმინისტრაციულ საზღვრებში დაარეგულირონ რეგულარული სამგზავრო გადაყვანის ნებართვის გაცემა და მოსახლეობის მუნიციპალური ტრანსპორტით მომსახურების ორგანიზება. „ხორციელდება ძალიან მნიშვნელოვანი ცვლილება. ამ ცვლილების მიხედვით, თუ დღემდე ტრანსპორტის რეგულირების საკითხები ადგილობრივი  თვითმმართველობის დონეზე მხოლოდ და მხოლოდ თვითმმართველი ქალაქების კომპეტენცია იყო, აღნიშნული ცვლილების შემდეგ, ამ უფლებით აღიჭურვება უკვე დანარჩენი მუნიციპალიტეტები და მთ შეეძლებათ აღნიშნულ უფლების სრულად განხორციელება, - განაცხადა მერაბ ქვარაიამ.  საქართველოს პარლამენტის წევრების: ზაზა გაბუნიას, მერაბ ქვარაიას, გოგა გულორდავას და კობა ლურსმანაშვილის მიერ საკანონმდებლო ინიციატივის წესით წარმოდგენილი საქართველოს კანონპროექტი: „საქართველოს ადმინისტრაციულ სამართალდარღვევათა კოდექსში ცვლილების შეტანის შესახებ" პროექტთა თანმდევ პაკეტთან ერთად, პირველი მოსმენით  პროექტის ერთ-ერთმა ავტორმა კობა ლურსმანაშვილმა წარადგინა. წარმოდგენილი კანონპროექტით  დედაქალაქის ტერიტორიაზე პარკირების წესები რეგულირდება. აღნიშნული ცვლილება განპირობებულია არსებული პრაქტიკით, რომელიც ცხადყოფს, რომ ჯარიმების აღსრულების მოქმედი მექანიზმი არ არის ეფექტური. მომხსენებლის განმარტებით, დედაქალაქის ტერიტორიაზე ხშირია პარკირების სხვადასხვა წესის დარღვევა, მათ შორის, პარკირების ადგილზე პარკირებული სატრანსპორტო საშუალებები გამოიყენება შემოსავლის მიღების მიზნით და მოქმედი კანონმდებლობა არ ითვალისწინებს დაჯარიმებას. ასევე, საქართველოს ტერიტორიაზე გახშირებულია გაუმართავი სატრანსპორტო საშუალებების გზებზე მიტოვება. კანონმდებლობით, ასევე არაა განსაზღვრული ამ პრობლემის მოგვარებისათვის შესაბამისი რეგულაცია.   კანონპროექტის მიღება კი აღნიშნული საკანონმდებლო ხარვეზების აღმოფხვრის მიზნით შესაბამისი სანქციების შემოღებას უკავშირდება. გარდა ამისა, სახელმწიფო ეკოლოგიური ვითარების გაუმჯობესების მიზნით, პოპულარიზაციას უწევს ელექტროძრავიან მექანიკურ სატრანსპორტო საშუალებებს. აღნიშნულიდან გამომდინარე, კანონის პროექტით გათვალისწინებულია ელექტროძრავიანი სატრანსპორტო საშუალების დამუხტვის ადგილზე დასამუხტ მოწყობილობასთან მიერთების გარეშე, სატრანსპორტო საშუალების პარკირების განსაზღვრა სამართალდარღვევად. რეგიონული პოლიტიკისა და თვითმმართველობის კომიტეტმა ასევე პირველი მოსმენით განიხილა  საქართველოს პარლამენტის წევრების: ზაზა გაბუნიას, მერაბ ქვარაიას, გოგა გულორდავას, გიორგი კოპაძის, კობა ლურსმანაშვილის, გოჩა ენუქიძის, ერეკლე ტრიპოლსკის, პაატა მხეიძის და არჩილ ხაბაძის მიერ საკანონმდებლო ინიციატივის წესით წარმოდგენილი საქართველოს პარლამენტის რეგლამენტის პროექტი: „საქართველოს პარლამენტის რეგლამენტში ცვლილების შეტანის შესახებ" და „საქართველოს კანონების პროექტი „ბუნებრივი რესურსებით სარგებლობისათვის მოსაკრებლის შესახებ" საქართველოს კანონში ცვლილების შეტანის თაობაზე", პროექტთა პაკეტთან ერთად. მომხსენებლის, მერაბ ქვარაიას განცხადებით,  წარმოდგენილი ცვლილებები ხელს უწყობს ადგილობრივ თვითმმართველობებთან მიმართებაში ერთიანი ტერმინოლოგიის დამკვიდრებას, აგრეთვე ხარვეზული ჩანაწერების გასწორებას. აღნიშნული ცვლილებები გამომდინარეობს საქართველოს მთავრობის მიერ ინიცირებულ საქართველოს ორგანული კანონის პროექტის „საქართველოს ორგანულ კანონში „ადგილობრივი თვითმმართველობის კოდექსში" ცვლილების შეტანის შესახებ" და მისგან გამომდინარე კანონის პროექტებისგან. საქართველოს პარლამენტის წევრების: მერაბ ქვარაიასა და გოგა გულორდავას მიერ საკანონმდებლო ინიციატივის წესით წარმოდგენილი საქართველოს კანონის პროექტი „ადგილობრივი მოსაკრებლების შესახებ" საქართველოს კანონში ცვლილების შეტანის თაობაზე" კომიტეტმა მესამე მოსმენით განიხილა. რომლის მიხედვითაც საქართველოს კანონს ემატება მე-175 მუხლი რომელიც გულისხმობს სპეციალური (ზონალური) შეთანხმების გაცემისთვის მოსაკრებლის გადამხდელის ამ მუხლის ამოქმედებამდე გაცემული სპეციალური (ზონალური) შეთანხმების გაცემისთვის გადაუხდელი მოსაკრებლის გადახდისგან გათავისუფლებას, თუ შესრულებულია ყველა შემდეგი პირობა: ა) ეს ობიექტი ითვლება დაუმთავრებელ მშენებლობად; ბ) ამ ობიექტის ექსპლუატაციაში მიღების მიზნით უფლებამოსილი ორგანო ინდივიდუალურ ადმინისტრაციულ-სამართლებრივ აქტს 2025 წლის 1 იანვრამდე გამოსცემს. მომხსენებლის, მერაბ ქვარაიას განმარტებით, მესამე მოსმენისთვის პროექტში შევიდა ცვლილება, რომლის თანახმად, კანონის ამოქმედების ვადად, ნაცვლად გამოქვეყნებიდან ერთი თვისა, გამოქვეყნებიდან 30 დღე განისაზღვრა.  „რასობრივი დისკრიმინაციის ყველა ფორმის აღმოფხვრის შესახებ" საერთაშორისო კონვენციის შესრულების თაობაზე საქართველოს IX და X გაერთიანებული პერიოდული ანგარიშების" პროექტი რეგიონული პოლიტიკისა და თვითმმართველობის კომიტეტის წევრებს- საქართველოს საგარეო საქმეთა მინისტრის მოადგილემ ხათუნა თოთლაძემ წარუდგინა. მისი განცხადებით, საქართველოს მთავრობის მიერ, საქართველოს პარლამენტის რეგლამენტის 174-ე მუხლის შესაბამისად განსახილველად წარმოდგენილი ანგარიშის მომზადების ვალდებულება საქართველოს აკისრია 1966 წლის „რასობრივი დისკრიმინაციის ყველა ფორმის აღმოფხვრის შესახებ" საერთაშორისო კონვენციის მე-9 მუხლით და მიზნად ისახავს გაეროს რასობრივი დისკრიმინაციის აღმოფხვრის კომიტეტს მიაწოდოს ინფორმაცია, 2016 წლის ივნისის შემდეგ, VI-VIII გაერთიანებული ანგარიშების შემდგომ, საქართველოს მიერ, კონვენციით დაკისრებული ვალდებულებების შესასრულებლად განხორციელებული ღონისძიებებისა და პროგრესის შესახებ. ანგარიში დაყოფილია 4 ნაწილად, რაც მათ შორის მოიცავს, შესავალს და ზოგად ინფორმაციას, კომიტეტის დასკვნითი რეკომენდაციების შესრულებას, ოკუპირებულ ტერიტორიებზე არსებული მდგომარეობა, ეთნიკურ ქართველთა დისკრიმინაცია და კონვენციით გათვალისწინებული სხვა ვალდებულებების შესრულებას. "ეს არის ერთ-ერთი ყველაზე მნიშვნელოვანი მოხსენება თავისი შინაარსის, ტევადობის და  ჩვენი სახელმწიფოს  სასიცოცხლო ამოცანების გათვალისწინებით და ასევე იმის გათვალისწინებით, რომ ამ ანგარიშის წარდგენა ხდება გაერთიანებული ერების ორგანიზაციის შესაბამის კომიტეტზე",-განაცხადა კომიტეტის თავმჯდომარემ, ზაზა გაბუნიამ. საქართველოს მთავრობის მიერ საკანონმდებლო ინიციატივის წესით წარმოდგენილი საქართველოს კანონის პროექტები: „სატელეკომუნიკაციო ინფრასტრუქტურისა და სატელეკომუნიკაციო მიზნებისთვის გამოყენებადი ფიზიკური ინფრასტრუქტურის გაზიარების შესახებ" და „კონკურენციის შესახებ" საქართველოს ეკონომიკისა და მდგრადი განვითარების მინისტრის მოადგილემ აკაკი საღირაშვილმა წარადგინა. კანონპროექტის ძირითად არსს წარმოადგენს საქართველოს ტერიტორიაზე მაღალსიჩქარიანი, ფართოზოლოვანი ინფრასტრუქტურის განვითარების ხელშეწყობის მიზნით სატელეკომუნიკაციო ინფრასტრუქტურაზე და სატელეკომუნიკაციო მიზნებისთვის გამოყენებად ფიზიკურ ინფრასტრუქტურაზე დაშვების არადისკრიმინაციული, პროპორციული, ეფექტური და კონკურენტული პირობების უზრუნველყოფა. მომხსენებელმა განმარტა, რომ შესაბამისი კანონების მიღებით დარეგულირდება სათანადო მართლზომიერი ჩარევის და სამართლიანი პირობების დადგენის შესაძლებლობა ინფრასტრუქტურის ოპერატორების მხრიდან სატელეკომუნიკაციო და სატელეკომუნიკაციო მიზნებისთვის გამოყენებად ფიზიკურ ინფრასტრუქტურაზე დაშვების უსაფუძვლო უარის თქმის, დისკრიმინაციული საფასურის დადგენისა და ექსკლუზიური ხელშეკრულებების დაუშვებლობის მიმართულებით და, რაც თავის მხრივ, ხელს შეუწყობს საქართველოში ფართოზოლოვანი ინფრასტრუქტურის შექმნას, როგორც ერთ-ერთი ძირითად საფუძველს ქვეყანაში ციფრული ეკონომიკის განვითარებისთვის. კანონპროექტის მიღების შედეგად ავტორიზებულ პირებს მიეცემათ შესაძლებლობა ფართოზოლოვანი ქსელის განსავითარებლად ისარგებლონ უკვე არსებული, სატელეკომუნიკაციო და სატელეკომუნიკაციო მიზნებისთვის გამოყენებადი ფიზიკური ინფრასტრუქტურით, არადისკრიმინაციული და კონკურენტული პირობებით და ფასით, რაც უზრუნველყოფს კონკურენტული გარემოს განვითარებას, შეამცირებს ქსელის განვითარების საფასურს, წაახალისებს ავტორიზებულ პირებს ბოლო მომხმარებელს შესთავაზონ უფრო მაღალი ხარისხის მომსახურება შედარებით დაბალ ფასად. კომიტეტმა განიხილა საქართველოს მთავრობის მიერ საკანონმდებლო ინიციატივის წესით წარმოდგენილ საქართველოს ორგანული კანონების პროექტები: „საქართველოს ორგანულ კანონში „ადგილობრივი თვითმმართველობის კოდექსი" ცვლილების შეტანის შესახებ", წარმოდგენილი საკანონმდებლო ინიციატივით ხდება კოდექსის საქართველოს კონსტიტუციასთან შესაბამისობაში მოყვანა და კოდექსში არსებული ტერმინოლოგიური და შინაარსობრივი ხარვეზების გასწორება, რათა უზრუნველყოფილი იქნეს კოდექსის 165-ე მუხლის მე-2 პუნქტის შესაბამისად, სახელმწიფოსა და მუნიციპალიტეტის უფლებამოსილებათა სრული გამიჯვნა და ერთგვაროვანი ტერმინოლოგიის დამკვიდრება მუნიციპალიტეტებთან დაკავშირებით არსებულ სამართლებრივ აქტებში. მომხსენებლის, საქართველოს რეგიონული განვითარებისა და ინფრასტრუქტურის მინისტრის მოადგილის, მზია გიორგობიანის განმარტებით,  წარმოდგენილ პროექტში არის მხოლოდ რედაქციული ხასიათის ცვლილებები, დაკორექტირდა ტერმინები და შინაარსს ცვლილება არ განუცდია. რეგიონული პოლიტიკისა და თვითმმართველობის კომიტეტმა განხილული კანონპროექტების პლენარულ სხდომაზე გატანას მხარი დაუჭირა. დღესვე, კომიტეტმა საქართველოს მთავრობის მიერ რატიფიცირებისათვის წარმოდგენილი ორი დოკუმენტი განიხილა და მხარი დაუჭირა. სარატიფიკაციო დოკუმენტები დეპუტატებს განსახილველად ფინანსთა მინისტრის მოადგილემ გიორგი კაკაურიძემ წარუდგინა. „საქართველოსა და ევროპის რეკონსტრუქციისა და განვითარების ბანკს შორის სასესხო შეთანხმება (თბილისის მეტროს პროექტი)"  ხელშეკრულების თანახმად შეძენილი იქნება ახალი თანამედროვე ტიპის ვაგონები, რომლის შესყიდვის ღირებულებაც დაახლოებით 60 მლნ ევროა.  აღნიშნული სამუშაოების ჯამური ღირებულება შეადგენს დაახლოებით 15 მლნ ევროს (დეპოს მშენებლობა 10 მლნ ევრო, გვირაბის აღდგენა 5 მლნ ევრო) სესხის ხანგრძლივობა 15 წელი. პროექტის სავარაუდო დასრულების თარიღია 2023 წლის 20 დეკემბერი.  „საქართველოსა და რეკონსტრუქციისა და განვითარების საერთაშორისო ბანკს შორის სასესხო შეთანხმება (რეგიონალური და მუნიციპალური ინფრასტრუქტურის განვითარების მეორე პროექტის დამატებითი დაფინანსება)" „რეგიონული და მუნიციპალური ინფრასტრუქტურის განვითარების მეორე პროექტი"-ს დაფინანსების მიზნით საქართველოსა და რეკონსტრუქციისა და განვითარების საერთაშორისო ბანკს (IBRD) შორის 2014 წლის 18 აგვისტოს ხელი მოეწერა სასესხო ხელშეკრულებას (30 მლნ აშშ დოლარი) და 2015 წლის 1 მაისს ხელი მოეწერა შვეიცარიული გრანტის ხელშეკრულებას სასესხო ხელშეკრულებას (საქართველოსა და რეკონსტრუქციისა და განვითარების საერთაშორისო ბანკს (IBRD) შორის მოქმედი როგორც მუნიციპალური ინფრასტრუქტურის განვითარების მეორე პროექტი (დაახლოებით 5 მლნ აშშ დოლარი) პროექტი ითვალისწინებს საქართველოს სხვადასხვა რეგიონში ( აჭარა, იმერეთი, კახეთი, სამეგრელო-ზემო სვანეთი, სამცხე-ჯავახეთი, ქვემო ქართლი, შიდა ქართლი) მუნიციპალური ინფრასტრუქტურის გაუმჯობესებას, ასევე ინსტიტუციონალურ განვითარებას ადგილობრივი თვითმმართველობის დონეზე. ... ...
  • შინგან საქმეთა სამინისტრომ ვარკეთილში მომხდარ ფაქტთან დაკავშირებით ერთი პირი დააკავა შინაგან საქმეთა სამინისტროს თბილისის პოლიციის დეპარტამენტის, საპატრულო პოლიციის დეპარტამენტის, განსაკუთრებულ დავალებათა დეპარტამენტის და საექსპერტო-კრიმინალისტიკური დეპარტამენტის თანამშრომლებმა, ერთობლივად ჩატარებული ღონისძიების შედეგად, 1975 წელს დაბადებული ა.ი. პოლიციელებზე თავდასხმის ბრალდებით დააკავეს. დანაშაული 4-დან 7 წლამდე ვადით თავისუფლების აღკვეთას ითვალისწინებს. 2020 წლის 5 ივნისს შინაგან საქმეთა სამინისტროს საზოგადოებრივი უსაფრთხოების მართვის ცენტრ "112"-ში შემოვიდა შეტყობინება იმის თაობაზე, რომ თბილისში, ვარკეთილის მე-3 მასივში, 1975 წელს დაბადებულმა, ნასვამ მდგომარეობაში მყოფმა ა.ი.-მ ცეცხლსასროლი იარაღიდან რამდენიმე გასროლა განახორციელა. პოლიციელებმა მიღებულ შეტყობინებაზე ოპერატიულად მოახდინეს რეაგირება და დაუყოვნებლივ გამოცხადდნენ შემთხვევის ადგილზე. ადგილზე მისულ სამართალდამცველებს დახვდათ საკუთარ საცხოვრებელ სახლში ჩაკეტილი მოქალაქე ა.ი., რომელიც ამავე სახლის ფანჯრიდან, მეზობლების თანდასწრებით, მის სახელზე რეგისტრირებული ცეცხლსასროლი იარაღის დემონსტრირებას ახდენდა და უმისამართოდ ისროდა, რითაც უხეშად არღვევდა საზოგადოებრივ წესრიგს. მიუხედავად პოლიციელების არაერთი მოწოდებისა, იგი კვლავ აგრძელებდა მის ხელთ არსებული ცეცხლსასროლი იარაღიდან სროლას. რამდენიმესაათიანი მოლაპარაკებების შედეგად, ა.ი. დაემორჩილა სამართალდამცველების მოთხოვნას და საცხოვრებელი სახლი დატოვა. შინაგან საქმეთა სამინისტროს თანამშრომლებმა იგი ადგილზე დააკავეს, საქართველოს სისხლის სამართლის კოდექსის 353-პრიმა მუხლის 1-ლი ნაწილით, რაც პოლიციელზე თავდასხმას გულისხმობს. პოლიციამ დანაშაულის ჩადენის იარაღი ნივთმტკიცებად ... ...
  • დიზელის საწვავით დახმარება და მოსახლეობის გამოთქმული ეჭვი: „მაინც გვატყუებენ“საქართველოს მთავრობის მიერ  შემუშავებული ანტიკრიზისული ეკონომიკური გეგმა, რომელიც პრემიერმა წარადგინა,  კონკრეტულ მიმართულებაში „ზრუნვა სოფელსა და ფერმერეზე“, ქვეთავში,  „პროგრამით სარგებლობის ინსტრუქცია“,  ნათქვამია, რომ: „პროგრამაში ჩართულ ფერმერებს სოფლისა და სოფლის მეურნეობის განვითარების სააგენტოს რეგიონულ სამსახურებში, იუსტიციის სახლებსა და საზოგადეობრივ ცენტრებში დაურიგდებათ ავტოგასამართი კომპანიის (,,სოკარ ჯორჯია პეტროლეუმი”) ფასდაკლების ბარათები. აღნიშნული ბარათებით, პროგრამით მოსარგებლე ფერმერებს, შესაძლებლობა ექნებათ, დიზელის საწვავი, მიმდინარე წლის განმავლობაში, დიზელის ბრენდირებულ ავტოგასამართ სადგურებში ფიქსირებულ ფასზე,  დაახლოებით, 1 ლარით ნაკლებ ფასად შეიძინონ. საწვავის შეძენა შესაძლებელი იქნება „სოკარ პეტროლეუმ-ჯორჯიას” საბითუმო ბაზებიდან და ავტოგასამართი სადგურებიდან.“   დღეს, დილიდან, „გურია ნიუსს“  სწორედ „სოკარის“ სადგურიდან დაუკავშირდა არაერთი ფერმერი და მათ ერთნაირი პრეტენზია ჰქონდათ: _ხომ გვითხრეს და დაგვპირდნენ, რომ ერთი ლარით ნაკლებ ფასად იყიდით საწვავსო? აგერ, „სოკარის“ ბენზინგასამართ სადგურზე ვართ. ევროდიზელი ორი ლარი და ოთხი თეთრი ღირს, ჩვეულებრივი _ ერთი ლარი და 80 თეთრი. პარალელურად, ევროდიზელს თუ იყიდი, 1,15 ლარს გვახდევინებენ, ხოლო ჩვეულებრივში ერთ ლარს. გამოდის რომ 70-80 თეთრია შეღავათი. კი, ბატონო, მაგრამ, ყოველთვის ხალხი რატომ არის ადვილად მოსატყუებელი? თუ ერთ ლარს და 80 თეთრს ჩვენ ვერ ვარჩევთ ერთმანეთისგან ან ყურში ცუდად გვესმის? - ბრაზობდნენ ისინი. ჩვენ გარემოს დაცვისა და სოფლის მეურნეობის სამინისტროს პრესსამსახურს დავუკავშირდით, საიდანაც ასეთი პასუხი მოგვაწოდეს: „სოფლის მეურნეობის ანტიკრიზისული გეგმის ფარგლებში, აგროდიზელით ხელშეწყობის ფასდაკლების ბარათებით პროგრამით მოსარგებლე ფერმერებს შესაძლებლობა აქვთ, დიზელის   საწვავი ბენზინგასამართ  სადგურებში ფიქსირებულ ფასზე, დაახლოებით, 1 ლარამდე ნაკლებ ფასად შეიძინონ. დღეისათვის, ავტოგასამართ სადგურებში დიზელის ფასი შეადგენს საშუალოდ 1.90 ლარს, ფასდაკლების ბარათებით პროგრამის ბენეფიციარები კომპანია „სოკარის“ ავტოგასამართ სადგურებში აგროდიზელს 74 თეთრით ნაკლებ ფასად იძენენ. ფასდაკლების ბარათების და დიზელის გაცემის პროცესი, მთელი ქვეყნის მასშტაბით შეუფერხებლად მიმდინარეობს, რასაც სახელმწიფოს და კომპანიის „სოკარი“ მიერ შემუშავებული გრაფიკი უზრუნველყოფს. აგროდიზელით ხელშეწყობის პროგრამის ფარგლებში, ორგანიზებულად მომსახურების პროცესის შენარჩუნებისთვის ყველა ბენეფიციარმა, ვინც უკვე მიიღო ნებისმიერი ოდენობის ფასდაკლების ბარათი, აუცილებლად, 1 ივლისამდე უნდა შეიძინოს 50 ლიტრის დიზელის საწვავი. 1 ივლისის შემდგომ, 50 ლიტრზე ფასდაკლების ბარათით ვეღარ ისარგებლებენ. აგროდიზელით ხელშეწყობის პროგრამის მეორე ეტაპზე ბენეფიციარები 1 სექტემბრამდე შეძლებენ არაუმეტეს 300 ლიტრის, ხოლო მესამე ეტაპზე, 1 სექტემბრიდან, დარჩენილი ოდენობის შეძენას ფასდაკლების ბარათებით. აგროდიზელით ხელშეწყობის პროგრამა წლის ბოლომდე გაგრძელდება. ფასდაკლების ბარათების განაღდება შესაძლებელია კომპანიის ,,სოკარ ჯორჯია პეტროლეუმი“, საქართველოს მასშტაბით მოქმედ 89 ბენზინგასამართ სადგურზე. პროგრამით მოსარგებლე ფერმერებისთვის გათვალისწინებულია 1 ჰექტარზე 150 ლიტრის, ხოლო 100 ჰა-ზე მეტი სასოფლო-სამეურნეო დანიშნულების მიწის ნაკვეთზე, არაუმეტეს, 15,000 ლიტრის ოდენობით საწვავის ფასდაკლების ბარათების გაცემა. აგროდიზელით ხელშეწყობის პროგრამის ფარგლებში ფასდაკლების ბარათები ფერმერებისთვის ეტაპობრივად გაიცემა, როგორც იუსტიციის სახლებსა და საზოგადოებრივ ცენტრებში (my.gov.ge-ზე ვიზიტის წინასწარი დაჯავშნის პრინციპით), ასევე სოფლისა და სოფლის მეურნეობის განვითარების სააგენტოს რეგიონულ სამსახურებსა და მუნიციპალიტეტებში არსებულ საინფორმაციო-საკონსულტაციო ცენტრებში; აგროდიზელის ფასდაკლების ბარათებს გასცემს ლიბერთი ბანკის ფილიალებიც. ბარათების გაცემა ხდება პროგრამის ბენეფიციარის პირადობის დამადასტურებელი მოწმობის, ხოლო თანამესაკუთრეების შემთხვევაში, დამატებით შესაბამისი მინდობილობის ან თანხმობის წარდგენის საფუძველზე, ან იმ შემთხვევაში თუ ყველა თანამესაკუთრე ერთად გამოცხადდება.“ როგორც ამ პასუხიდან ჩანს, დიზელის საწვავის ფასი არა ზუსტად ერთი ლარით მცირდება ამ ბარათის მფლობელთათვის ,  არამედ საწვავის ყიდვისას  შეღავათი გაეწევათ ერთ ლარამდე ... ...
  • "პრიორიტეტთა შორისაც კი პრიორიტეტი უნდა იყოს"-მინისტრი გარემოს დაცვაზე„გარემოს დაცვა სულ უფრო მეტ და განსაკუთრებულ მნიშვნელობას იძენს. ყველა გამოწვევა, რომლის წინაშეც მსოფლიო დგას, თითოეულ ჩვენგანს ახსენებს, რომ ზრუნვა გარემოზე, ზრუნვა ჰაერზე, წყალზე, ზრუნვა ტყეზე, ნიადაგზე პრიორიტეტთა შორისაც კი პრიორიტეტი უნდა იყოს. წელს, გარემოს დაცვის საკითხებში მსოფლიო განსაკუთრებულ ყურადღებას ბიომრავალფეროვნების მნიშვნელობაზე ამახვილებს, რადგან ბიომრავალფეროვნება უზრუნველყოფს ეკოსისტემების მდგრადობას, ის სასიცოცხლო როლს ასრულებს გარემოსა და ბუნებრივი რესურსების წარმოქმნასა და განვითარებაში. ჩვენი ქვეყნის უნიკალურ სიმდიდრეზე, ჩვენს ბუნებაზე ზრუნვა გარემოს დაცვისა და სოფლის მეურნეობის სამინისტროს პასუხისმგებლობაა. ამ პასუხისმგებლობის გათვალისწინებით, ჩვენ ევროპული სტანდარტების და გამოცდილების გაზიარებით შევიმუშავეთ და მივიღეთ არაერთი საკანონმდებლო აქტი”,_ განაცხადა გარემოს დაცვისა და სოფლის მეურნეობის მინისტრმა ლევან დავითაშვილმა. მინისტრის განცხადებით, ტყის კოდექსი ქვეყანაში ტყის მდგრადი მართვის პრინციპებს ამკვიდრებს და აღნიშნა, რომ გარემოს ზედამხედველობის დეპარტამენტში დასაქმებული ადამიანები საკუთარი სიცოცხლის რისკის ფასად იცავენ  ტყეებს. „მივიღეთ ტყის ახალი კოდექსი, რომელიც ქვეყანაში ტყის მდგრადი მართვის პრინციპებს ამკვიდრებს და ტყის მართვა სრულიად ახალ ეტაპზე გადაჰყავს. 2019 წელს ავკრძალეთ პლასტიკის პარკების გამოყენება. აკრძალვა ძალიან დროული და საჭირო ნაბიჯი იყო. ამოქმედდა მწარმოებლის გაფართოებული ვალდებულების სისტემა, რაც უმნიშვნელოვანესი ნაბიჯია ბუნების დაცვისთვის და ეკონომიკის ალტერნატიული საქმიანობების წახალისებისთვის. მწარმოებლის გაფართოებული ვალდებულების ამოქმედება უზრუნველყოფს, რომ ბატარეები და აკუმულატორები, საბურავები, ხმარებიდან ამოღებული სატრანსპორტო საშუალებები, ზეთები, შესაფუთი ნარჩენები და ელექტრო და ელექტრონული ნარჩენები გარემოს აღარ დააბინძურებს. გავაძლიერეთ წყლის და ატმოსფერული ჰაერის მონიტორინგის სისტემა; შეიქმნა ატმოსფერული ჰაერის ხარისხის პორტალი. ჩვენ მნიშვნელოვანი რეფორმა განვახორციელეთ გარემოსდაცვითი ზედამხედველობის დეპარტამენტში. აქ დასაქმებული ადამიანები, უმეტეს შემთხვევაში, საკუთარი სიცოცხლის რისკის ფასად იცავენ ჩვენ ტყეებს, ებრძვიან უკანონო ჭრებს. ჩვენ მნიშვნელოვანად გავაძლიერეთ საინსპექციო ნაწილი. გარემოს ყველაზე დიდ დამაბინძურებლებს, მსხვილ ინდუსტრიულ საწარმოებს გონივრულ ვადებში გამოსწორების გეგმები განესაზღვრათ. სუფთა გარემოს შენარჩუნება მნიშვნელოვნად დაკავშირებულია ცნობიერების ამაღლებასთან. სწორედ ამიტომ, სკოლამდელი აღზრდის დაწესებულებებში საგანმანათლებლო პროგრამაში შევიტანეთ გარემოსდაცვითი საკითხები. ჩვენი ხვალინდელი დღე ჩვენი მომავალი თაობაა. მათ უნდა ჰქონდეთ უფრო მეტი ცოდნა ჩვენი ქვეყნის შესაძლებლობებზე და ამ შესაძლებლობების სწორად გამოყენებაზე. ჩვენი მთავარი მიზანია, მდგრადი განვითარების პრინციპებით, გარემოს დაზიანების მინიმუმამდე შემცირებით შევძლოთ ეკონომიკის განვითარება, რაც იმას ნიშნავს, რომ საქართველო იქნება, ერთი მხრივ ეკონომიკურად ძლიერი, ხოლო მეორე მხრივ, ეკოლოგიურად სუფთა, მიმზიდველი ქვეყანა“, - განაცხადა ... ...
  • ბექა გოჩიაშვილი და კახა თოლორდავა - იმპროვიზაცია აქ.ახლა (R)თიბისის Live-სესიები - აქ.ახლა გრძელდება. 5 ივნისს, 20:00 საათზე, ყველა მსურველს საშუალება აქვს მუსიკოსის - ბექა გოჩიაშვილის სესიას ვირტუალურად დაესწროს თიბისის Facebook გვერდის (https://www.facebook.com/tbcbank/) დახმარებით. ლაივ-ჩართვა დიალოგის რეჟიმში ჩატარდება, რომლის მოდერატორი კრიტიკოსი და ჟურნალისტი - კახა თოლორდავა იქნება. სესიის - „იმპროვიზაცია - აქ.ახლა" ფარგლებში, კახა თოლორდავა და ბექა გოჩიაშვილი მუსიკასთან ერთად, ახალ რეალობაში მუსიკოსების წინაშე არსებულ გამოწვევებზე, ახალ შესაძლებლობებსა და ცოდნის გაზიარების მნიშვნელობაზე ისაუბრებენ. ჯაზ-პიანისტი, რომელიც ამჟამად ამსტერდამში ცხოვრობს და მოღვაწეობს, ახლანდელ ცხოვრებასა და შემოქმედებაზეც ისაუბრებს. (R) ... ...

არქივი

ტესტები

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ ყველაზე, ყველაზე...

იცი თუ არა გეოგრაფია

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...