ფარდაგებზე შემოპარული გაზაფხული

კარმიდამო ჩემი

ფარდაგებზე შემოპარული გაზაფხული

2013 მაი 8 09:29:39
ხელნაკეთი ნემსით მოჩითული ფარდაგები ლეილა მენაბდის ოჯახის კედლებიდან მომზირალი ცოცხალი სახეებია,რომლის ხილვა წამიერად გაზაფხულთან ასოცირდება და წელიწადის ამ სიცოცხლის მაუწყებელი დროის მარადიულ განცდას აორმაგებს.

ყვავილები, პეპლები, ბუნების იდუმალებიდან ნასესხები თუ "მოპარული", ზოგჯერ შეუცნობელი ჩუქურთმა და ხაზები, მკვეთრი დეკორი თუ ხანაც ამ დეკორაციული ელემენტების არც ისე მწყობრი განლაგება, მაგრამ საბოლოოდ ისეთი ხალხური ხელით თავმოყრილი, რასაც სახელოვნებო დონის უტყუარი ელფერი დაჰკრავს. სწორედ ამიტომ, არაერთხელ გახდა მისი ნამუშევრები სპეციალისტთა მაღალი შეფასების საგანი.

ყველაფერი კი ხელნაკეთი ნემსითა და კუთხე კუნჭულში მოძიებული ძველმანებიდან ნაშალი ძაფებითა თუ შინ დამზადებული საღებავებით დაიწყო. თუმცა, ქარგვა ან ქსოვა ისწავლეო, არავის უთქვამს, არც არავის დაუძალებია. ახლა ხელსაქმის დიდოსტატია და ყოველდღე რაღაც ახალ ორნამენტს ქმნის თუ ეძებს. ერთი მკაცრი კრიტერიუმი აქვს _ მხოლოდ ფარდაგებს ქსოვს, გობელენზე მუშაობა არც უცდია, რასაც ერთი საკმაოდ ლოგიკური მიზეზით ხსნის _ ძნელია, თვითნასწავლმა ხალხური რეწვის ოსტატმა ყველაფერი ერთნაირად აითვისო ისე, რომ ხელოვნების დონეს დაუახლოვდე და მოწონება დაიმსახურო. ამიტომ, უმჯობესია, ერთი მიმართულება აირჩიო და ამ მიმართულებით აჩვენო პროფესიული ოსტატობა. საკმაოდ მოტივირებული არგუმენტია! თუმცა, წვრილმანი ნივთებისა თუ საგნების ქსოვა, კერვა თუ ზედ ნაქარგობების დასმა მისთვის ჩვეულებრივი ამბავია, ოღონდ ამას ხელოვნებად არ თვლის და არც თავმოსაწონ საქმედ მიაჩნია.

ბავშვობა მშობლიურ სვანეთში გაატარა და შემდეგ გურიაში, სოფელ ნაგომარში გადმოსახლებულ მრავალშვილიანი ოჯახისთვის, პატარა გოგონა ქსოვისა და ქარგვისადმი განსაკუთრებული მიდრეკილებით, თავისებურ სახეს წარმოადგენდა. ყველაზე კარგად მაინც ის ახსოვს, როცა საქსოვი ჩხირებით ხელში ვინმეს დაინახავდა, გვერდით მიუცუცქდებოდა და იმეორებდა ან იმახსოვრებდა, რა ხდებოდა ფერად თვლებს შუა თუ მათ გასწვრივ.

ერთხელ, სვანეთისკენ ავტობუსით მგზავრობისას, ერთ-ერთ სადგურში შეჩერდა და ერთ ქალბატონს, რომელიც გატაცებით ქსოვდა, დიდხანს აკვირდებოდა. ასე ისწავლა ქსოვა.

ვინმეს, იქნებ, ნაკლებ დამაჯერებლად მოეჩვენოს, რომ იგი დღემდე სისხლის გადასხმის სისტემის მილზე დამაგრებული თვითნაკეთი ნემსით ქსოვს, რომელზე ავტოკალმის გამჭვირვალე ბუდეა წამოცმული. საინტერესო ისაა, რომ ასეთი თვითნაკეთი ნემსით მოქარგულმა მისმა ფარდაგებმა, თბილისში, ხალხური რეწვის ოსტატთა გამოფენაზე მაღალი შეფასება დაიმსახურა და სპეციალისტების შეფასებით, თითოეულის ფასი 1 200 ლარს ქვემოთ არ ჩამოსულა. ხშირად ენანება საკუთარი ნაკეთობის გაყიდვა, თუმცა, აღნიშნავს იმასაც, რომ ოჯახის ბიუჯეტი ასეთ მსხვერპლს ითხოვს.

მისი სამუშაო მასალა განსაკუთრებული იშვიათობით არ გამოირჩევა.

ლეილა მენაბდეს არა ერთი ძველი ტილოს ნაჭერი მოუქარგავს მოძველებული კაშნეს თუ ჯემპრისგან მორღვეული ძაფით და შემდეგ კედლის მშვენებად უქცევია. მართალია, შვილებმა და ახლობლებმა ბევრი სპეციალური საქარგავი ნემსკავი აჩუქეს, მაგრამ საკუთარი ხელით მომზადებული "სისტემა" და ავტოკალმის ბუდე ურჩევნია. ასე უფრო მოხერხებულად მუშაობს.

ნახაზების და ნახატების სქემას თვითონ ქმნის, საკუთარი ფანტაზიით. ზოგჯერ მოძველებულ სხვადასხვა სამოსის დეკორატიულ ნაწილს იყენებს, მიუსადაგებს საკუთარ ჩანაფიქრს და მალე გარკვეული სახის ნამუშევარი სრულყოფილი და დასრულებულია.

_ დაბნელებულ წლებში ნავთის ლამფის შუქზე ვქსოვდი და ვქარგავდი, ისე მიყვარს ჩემი ხელსაქმე. სამაგიეროდ, საკუთარი ოჯახის კედლები და იატაკი საუცხოო ფარდაგებით მაქვს მოფენილი. არა ერთხელ გავყიდე კიდეც. კი დამენანა, მაგრამ ბიუჯეტი გავიუმჯობესე. ყველას ვურჩევ, არ დაივიწყონ ხელსაქმე _ ქარგვა, ქსოვა თუ კერვა ქალისთვის არასოდეს არის ზედმეტი. ოჯახში, ძველმანებისგან შეიძლება მიიღო ძაფიც, ჩხირიც და საქსოვი ზედაპირიც, რომელსაც, შეიძლება, სხვა შემთხვევაში სანაგვეზე მისჩენოდა ადგილი. მარჯვე თითებითა და ნიჭიერი ხედვით კი ხელოვნების რანგში აყვანილ ნიმუშს შექმნი, რაშიც, შესაძლოა, თუ გასაყიდად გაიმეტებ, ათასებიც შემოგთავაზონ, _ ამბობს ფარდაგების ქსოვის ოსტატი.

ქალბატონი ლეილა ფარდაგის ზედაპირზე ხშირად ქართული ხალხური ზღაპრის გმირებს აცოცხლებს. ყოველივე ეს შვილიშვილების _ ზურიკოსა და ირაკლის თხოვნით ხდება. ასე გაჩნდნენ ბებოს ხელით მოხატულ ფარდაგებზე "წუნა და წრუწუნა", "შვლის ნუკრი", "ყურცქვიტა და ბაჭია", "წიქარა"...

ახლა გაზაფხულია და ძალიან უხარია, რადგან აყვავებული ბუნება უხვად აწვდის ჯადოსნურ სურათებს, რომლებიც მერე მის ფარდაგებზე ამეტყველდებიან ხოლმე.

ლეილა მენაბდე დიდი ოჯახის დიასახლისია. მშრომელ და იუმორის მოყვარულ მეუღლეს, გია მენაბდეს ხუმრობა, როგორც თვითონ ამბობს, კანფეტივით უყვარს.

_ ქსოვს და ქარგავს, მზითევს იმზადებს, მგონი! სახლში კედელი და იატაკი არ დარჩა დაუფარავი, მე ამდენი წელი რემონტს ვაკეთებდი, ეს კიდევ ზედ ჭინჭებს აფარებს, _ ხუმრობს იგი.

2005 წელს, ხელსაქმის მოყვარულ ხელოვან ქალთა გამოფენაზე, რომელიც ოზურგეთში, სულიკო ლომჯარიას თაოსნობით მოეწყო და სამხატვრო გალერეა მასპინძლობდა, ლეილა მენაბდემ საკუთარი ნამუშევრები გამოფინა და სპეციალური სიგელიც დაიმსახურა.

_ ყველა გოგონას და ქალბატონს ვურჩევ, თუ ოდნავ მაინც გააჩნია საამისო სურვილი, ქარგოს, ქსოვოს. ეს სიმშვიდისა და კარგი განწყობის მომნიჭებელია. ამავე დროს კი თქვენ შეძლებთ ძალიან ლამაზი და ორიგინალური საჩუქარი გაუკეთოთ, როგორც საკუთარ თავს და ოჯახს, ასევე მეგობრებსა თუ ნათესავებს, _ გვემშვიდობება ქალბატონი ლეილა.




 ახალი ამბები
  • სპეცრაზმი მოსწავლე-ახალგაზრდობის სახლის ეზოდან, სავარაუდოდ, მომიტინგეების დასარბევად ემზადება (ფოტო)ამ წუთებში პარლამენტთან მოსწავლე ახალგაზრდობის სახლის მხრიდან სპეცრაზმელების დიდი რაოდენობაა მობილიზებილი. გავრცელებული ინფორმაციით ისინი მომიტინგეების დასარბევად ... ...
  • "გასაღები ჩემს ხელშია!" _ გურული ლეიბორისტი აქციიდან დაბრუნდა„ლეიბორისტული პარტიის“ ოზურგეთის რაიონული ორგანიზაციის თავმჯდომარე დავით მამალაძე გუშინ ჩატარებული აქციიდან დაბრუნდა. "დავბრუნდი და გასაღები ჩემ ხელშია! ვნახოთ, როგორ შევლენ პარლამენტში!" _ ხუმრობით გვითხრა დავით მამალაძემ. მისივე თქმით, ივანიშვილის მმართველობა სრულდება და ცოტა ხანში ხალხი განთავისუფლდება ... ...
  • ოზურგეთის საკრებულოს ბიუროს სხდომაზე ლადო სურგულაძის ხსოვნას პატივი მიაგესდღეს,  ოზურგეთის მუნიციპალიტეტის საკრებულოს ბიუროს სხდომა შედგა. საკითხების განხილვის დაწყებამდე, საკრებულოს თავმჯდომარის, დავით დარჩიას თხოვნით, ბიუროს სხდომის მონაწილეებმა წუთიერი დუმილით პატივი მიაგეს მოულოდნელად გარდაცვლილი, ოზურგეთის საკრებულოს ყოფილი თავმჯდომარის ვლადიმერ სურგულაძის ... ...
  • "არ მივცემთ სპეცრაზმს შესვლის უფლებას" _ აქციის მონაწილეებმა გზა გადაკეტესაქციის მონაწილეებმა ჩიტაძის ქუჩაზე ცოცხალი ჯაჭვი გააკეთეს, საიდანაც, სავარაუდოდ, სპეცდანიშნულების რაზმი პარლამენტისკენ დაიძრება. "არ მივცემთ სპეცრაზმს შესვლის უფლებას", _ ამბობენ ... ...
  • მცირე ცვლილებები და მრავალი კითხვა15 ნოემბერს, ოზურგეთის მუნიციპალიტეტის საკრებულოს ბიუროს სხდომა გაიმართა. დღის წესრიგით გათვალისწინებული ორივე საკითხი, 2019 წლის ბიუჯეტში, საკრებულოს 2018 წლის 26 დეკემბრის დადგენილებაში ცვლილების და დამატებების შეტანას და 2019 წლის ბიუჯეტის შესრულების მესამე კვარტლის ანგარიშის მიმოხილვას ეხებოდა. ორივე საკითხის ირგვლივ მთავარი მომხსენებელი საფინანსო სამსახურის უფროსი გია მამაკაიშვილი იყო. როგორც მამაკაიშვილმა ბიუროს წევრებს უთხრა, 2019 წლის მესამე კვარტლის განმავლობაში დამტკიცებულ ბიუჯეტში გახორციელდა მხოლოდ ორი ცვლილება, რომელიც შეეხო სოციალური პროგრამებიდან დახმარების გაცემის წესს, ხოლო მეორე ცვლილებით, მთავრობის განკარგულებით, სულ შემოსავლების და გადასახდელების ნაწილში გაიზარდა 16 მილიონ 154 702 ლარით. _ 2019 წლის ბიუჯეტის მესამე კვარტლის შემოსულობებმა, 2018 წლის გარდამავალი ნაშთების გარეშე შეადგინა წლიური გეგმის 86,12 %. შემოსავლების წლიური გეგმა ტრანსფერის გარეშე შესრულებულია 87,58 %-ით. ხოლო ფაქტიურმა საკასო ხარჯებმა 2019 წლის მესამე კვარტლის მდგომარეობით შეადგინა წლიური გეგმის 70.21 %-ი, _ თქვა მამაკაიშვილმა. მან ჩაშლილი სახით წარმოადგინა ხუთი მილიონი ნაშთი, თუ რამდენი დარჩა ევროკავშირის, მიზნობრივი, მთავრობის განკარგულებებით თუ სხვადასხვა მიმართულებებიდან, განმარტა ისიც, რომ ამხელა ნაშთი არაა გამართლებული საბიუჯეტო თვალსაზრისით. მამაკაიშვილმა თქვა, რომ ბიუჯეტში წელს ბევრი ცვლილება არ მომხდარა.  2019 წლის ბიუჯეტში ცვლილების განხილვისას, ერთ-ერთ მნიშვნელოვან მიზეზად, მან სათამაშო ბიზნესის შეწყვეტაც დაასახელა. _ სამმა მეწარმემ, რომლებიც აქ სათამაშო ბიზნესს ფლობდნენ, მუშაობა შეწყვიტეს. წლის ბიუჯეტში, კვარტალში, დაგეგმილი იყო 250 ათასი ლარის ოდენობით გადასახადის შემოტანა. წლის დასაწყისში ამ მეწარმეებმა რაკი აქ ფუნქციონირება შეწყვიტეს, საბიუჯეტო ცვლილების ერთ-ერთი მიზეზი ესეც არის, _ თქვა გია მამაკაიშვილმა. საკრებულოს თავმჯდომარის მოადგილის კითხვაზე, რა მოხდება ამის შემდეგ, არის თუ არა კიდევ სხვა სახის სათამაშო ბიზნესი ქალაქის ტერიტორიაზე, მამაკაიშვილმა განმარტა: _ როგორც ვთქვი, სამმა მეწარმემ გადაწყვიტა წასვლა. ისინი გავიდნენ ოზურგეთიდან. ახლა აქ მხოლოდ მცირე ნაწილი დარჩა. სათამაშო ბიზნესის აპარატები აგრძელებენ ფუნქციონირებას, რომელთაგან, მილიონი ლარის ნაცვლად (რომელიც, ძირითადად, წელიწადში აწ წასულებისგან შემოდიოდა), შემოვა 100-150 ათასი ლარი. სწორედ ამიტომ გახდა საჭირო ცვლილება. დღეის მდგომარეობით, პროექტის მიხედვით, შემოსავლების და გადასახდელების ნაწილში ბიუჯეტი 7 648 428, 55 ლარით იზრდება. შემოსავლების ნაწილში საკუთარი შემოსავლები 851 300 ლარით, _ თქვა მან. _ ძალიან კარგია, რომ ბიუჯეტში ცვლილებებმა და დამატებებმა იკლო, მაგრამ რამ გამოიწვია ეს? ბიუჯეტის პროცესების ანალიზის დროს, ერთ-ერთი მნიშვნელოვანია ცვლილებების შეტანა. მიზეზი არის ცუდი საბაზისო მონაცემები და ცოტა მცდარი დასკვნების გამოტანა. ტექნიკური ხარვეზებია თუ რა ხდება? ჩემი შენიშვნა ეხება დამატებებს. ჯარიმების მუხლში დაგეგმილია დამატებით 851 ათასი ლარით შევსება და წლის ბოლომდე. რომ არ შემოვიდეს ეს თანხა? ან რამ განაპირობა ასეთი მნიშვნელოვანი ზრდა? გასაგებია მიზანი, მაგრამ ეს მთლად გამართლებული არ არის, _ თქვა ლავრენტი ბიგვავამ და მაგალითად მოიყვანა გასულ წლებში რეგიონის ერთ-ერთი მუნიციპალიტეტი, რომელსაც ბიუჯეტში სერიოზული გარღვევა მოუვიდა მსგავსი ქმედებისას. როგორც გია მამაკაიშვილმა განაცხადა, რომ 1 ოქტომბრის მდგომარეობით, ამ მუხლში გეგმა 105 %-ით არის შესრულებული, ხოლო ოქტომბერ-ნოემბერ-დეკემბრის თვეებში შემოსულობებს ველოდებით და პრობლემა არ იქნება. ლავრენტი ბიგვავა მაინც თავის მოსაზრებას ასაბუთებდა და ისიც თქვა, რომ მაგას კრედიტი აგეღოთ, ის ჯობდაო. ბიუროს სხდომაზე მიიღეს გადაწყვეტილება, რომ აღნიშნული ცვლილებებს კომისიები და ფრაქციები განიხილავენ, რასაც შემდეგ, როგორც საკრებულოს თავმჯდომარემ დავით დარჩიამ თქვა, საკრებულოს რიგგარეშე სხდომაზე ... ...

არქივი

კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...
ზაფრანი

როგორ გამოვავლინოთ ნიჭიერი ბავშვი

არ დაგეგმოთ შვილებს მომავალი შეეცადეთ...

აუცილებელი წასაკითხი მამებისთვის

ახალშობილს უნდა ეძინოს დედის საწოლში...

ბეკონი ჯანმრთელობისთვის სახიფათო ყოფილა

შვედი მეცნიერების მტკიცებით, ბეკონის საკვებად...

როგორ დავალევინოთ წამალი პატარას

წამლის დალევა პატარებს არ უყვართ,...

მერილინ მონროს სილამაზის საიდუმლო

 რა იყო ის საიდუმლო, რომლის...

რატომ უნდა ვხატოთ

ცოტა ხნის წინ, ამერიკელმა ფსიქოლოგებმა...

დარწმუნებული ხართ თუ არა, რომ სასმელად ვარგის წყალს მოიხმართ?