ბაზიერი და მიმინო, ნადირობის გარდა, ერთად სიმღერასაც ახერხებენ

gurianews.com

კარმიდამო ჩემი

ბაზიერი და მიმინო, ნადირობის გარდა, ერთად სიმღერასაც ახერხებენ

2018 იან 26 11:18:13

გურიაში ნადირობის ტრფიალ ბაზიერებს რა გამოლევს, თუმცა, ისინი, უმეტესად მაინც ასაკოვანი ადამიანები არიან და როგორც ამჯერად ჩვენი რესპონდენტი, ფანატიკოსი ბაზიერი მიხეილ გიორგაძე ამბობს, ამაზე უკეთესი უხიფათო, სახალხო და თუნდაც, ელიტარული სანადირო სპორტი, არ არსებობს.

ბაზიერიც არის და ბაზიერიც _ 80 წლის მიხეილ გიორგაძეს, 70 წელი ბაზიერობაში აქვს გატარებული და ამ საქმეს ახლაც ისეთი სიყვარულით მისდევს, როგორც შორეულ ბავშვობაში.

_ 10 -11 წლის ბიჭი ვიყავი, ჩემს მშობლიურ ჩოხატაურში მიმინო რომ დავიჭირე. ჩიტი ღაჟო კი გაცილებით ადრე "მოვძღაბლე" და მას შემდეგ ბაზიერობის ცეცხლი ისე მომედო, დღემდე მოვედი და არ გამნელებია. მიმინოს ამღერებაც კი შევძელი, _ გვეუბნება იგი და მოულოდნელად მაჯაზე ჩამოცმულ ტყავის საფარზე შემოსკუპული მიმინო ახლოს მოჰყავს და დაბალ ხმაზე ხალხურ მელოდიას ასმენინებს. ფრინველი მოულოდნელად პირს აღებს და ბაზიერთან ერთად, თანმხვედრ ბგერებს გამოსცემს.

"ახლა გაჩერდი", _ დაყვავებით ეუბნება და მიმინოც იტრუნება.

მიხეილ გიორგაძე გვიამბობს, როგორ გადმოვიდა ადრეულ ასაკში ოზურგეთში საცხოვრებლად, მშობლებთან ერთად.

_ ოზურგეთის სახელმწიფო ანსამბლში, ლადიკო ერქომაიშვილთან ვმღეროდი. მერე ჯაზ-ორკესტრი "ნაკადული" ჩამოვაყალიბეთ. მერე დიდი ტრაგედიაც გადავიტანე, მცირეწლოვანი შვილი დამეღუპა და რაღა მემღერებოდა?! ბაზიერის ხელოვნებას კი დღემდე შემოვრჩი. რაღაცნაირად დამეხმარა კიდეც სულიერი და ფიზიკური მხნეობის განმტკიცებაში. ერთადერთი უმარცხო საქმე "ჩიტით" ნადირობაა, რომელმაც ტრადიცია არ დააგდო და ისევ ისე აგრძელებს არსებობას, როგორც მეფე ვახტანგ გორგასლის დროს, _ ამბობს ის და აგრძელებს, _ დამიჯერებთ? 70 წელია, ერთნაირი გატაცებით და ჟინით ვნადირობ. საირაოზე სულ უთენია გავდიოდი და გავდივარ, გაწვრთნილი ღაჟოს მეშვეობით, უცებ ვიტყუებ მიმინოს და ჩიტბადეში გახვეულს, ფრთხილად ვხსნი. პირველ რიგში, უნდა გავიგო, დედალია თუ არა, თან ამავე წლის გამოჩეკილი და არა კოიოტი. შინ მიმყავს თვალახვეული, მოვაბამ ფეხებზე რბილ თასმებს და როცა თვალებს ავუხელ, დავუსტვენ. დილამდე ხელზე მიზის, რამდენი ღამე გამითენებია ასე, ვინ მოთვლის. შეჩვევის შემდეგ კი, სანამ კარგად გავმართავ, დღეში ორჯერ ვაჭმევ, შემდეგ კი ერთხელ _ სულ ახალი ხორცი უნდა. ასე ვახერხებდი მუდამ საუკეთესოდ გაწვრთნილი მიმინო მყოლოდა. უმეტესად, ჟანგისფერი. იყო დრო, ჩემ ხელში გამოზრდილი კაპუეტი _ ერთ წელზე მეტი ხნის მიმინო _ ზედიზედ ოთხჯერ გახდა ჩემპიონი. ბევრი რამ ისეთი კარგი საქმე კეთდებოდა იმ დროში, ახლა ვერც დაიკვეხნიან _ დღეს ყველაფერს ფულის შოვნის კუთხით უყურებენ.

მიმინოთი ნადირობა არის ყველაზე უღალატო, უმარცხო, თოფის გარეშე არსებული სანადირო სპორტი. ჯანმრთელობის, ხალისის მუდმივი წყარო. ნერვულ სისტემას და გულს ასე არაფერი აკაჟებს. ახალგაზრდობას ეს საქმე ჩვენ უნდა შევაყვაროთ. თუმცა, უნდა არსებობდეს საქმიანი და სახელმწიფოებრივი მიდგომა, თორემ საბაზიერო ხელოვნება თანდათან გაქრება, _ ამბობს ბატონი მიხეილი და იხსენებს ერთ სახალისო შემთხვევას, როცა ახალგაზრდა კაცმა ჰკითხა, რა არის ეს ხელზე რომ გიზისო: _ ვუპასუხე, რა არის და ინდაური,-მეთქი. მერე კი ვეცადე, დამეინტერესებინა. ნაკლებად, მაგრამ ვახერხებ ახალგაზრდებისთვის ამ საქმის გაცნობას.

ჩვენი რესპონდენტი და მისი მეზობელი ბაზიერები, ენვერ კომახიძე და ბიჭიკო მეფარიშვილი, განუყრელი მეგობრები არიან. ხშირად იკრიბებიან და სანადიროდ ახალგაზრდული ხალისით მიდიან. მათი საუბარი მუდამ უამრავ სანადირო თავგადასავლებსა და საბაზიერო საქმის როგორმე შენარჩუნებასა და გაძლიერებას ეხება. ენვერ კომახიძე საყვარელი საქმის კეთებას, თავის მეგობრებთან ერთად შექმნილი, გურიის სამონადირეო ტურიზმის და ბაზიერთა კლუბის გაძლიერებით ცდილობს და ხელისუფლებისგან დახმარების და დაინტერესების მოლოდინშია.

_ ზოგადად, ნადირობა წამგებიანი ხელოვნებაა, თევზაობის გარდა, _ ბაზიერით ნადირობა ორი-სამი თვის მანძილზეა შესაძლებელი. მიმინოს სერიოზული კვება სჭირდება _ სულ ცოტა, წელიწადში 400 ლარის ხორცს მიირთმევს ერთი ფრინველი. ამდენივეს მონადირებას თუ შეძლებს. მეთევზეს კი ჭიების მომარაგებით მთელი წლის მანძილზე თევზაობა შეუძლია, _ ამბობენ მეგობრები. თუმცა, მათი აზრით, ბაზიერობას ვერაფერი შეედრება და თუ მონდომება და სურვილი იქნება, მოტივირებული ადამიანები შეძლებენ საქართველოში ბიზნესი ამ მიმართულებითაც განვითარდეს.

მიხეილ გიორგაძე მიიჩნევს, რომ საამისოდ პატრიოტული მიდგომაა საჭირო და ბაზა უნდა შეიქმნას. როცა საქმე ჩანასახში არსებობს ბაზიერთა კლუბის სახით და აქ, მსოფლიო კლუბებსაც რომ დაამშვენებს, ისეთი ბაზიერებია თავმოყრილი. მთავარია, დაფინანსების შანსი გაჩნდეს. ადვილი შესაძლებელია, შემოიღობოს რამდენიმე ჰექტარი ბალახოვანი ფართობი, თუ ხორბალს დათესავენ, მთლად უკეთესი. იონჯაც საუკეთესოა, ადრე შემოდის და ნადირობის სეზონზე უკვე საუკეთესო ბაზას შექმნის. შორიახლო კი 50-კაციანი სასტუმრო თუ დაიდგმება, მთლად კარგი. გურიაში, ზღვისპირა მხარეში, ახლა ისეც მომრავლდა სასტუმროები. ტურისტები სიამოვნებით გადაიხდიან თანხას და ინადირებენ ასეთ ფართობზე ჩვენი ბაზიერების დახმარებით. ასეთი პრაქტიკა არა ერთ წამყვან სახელმწიფოში არსებობს. ჩვენთან ბაზიერობის საუკუნოვანი გამოცდილება როცა არსებობს, საქმის წამოწყებას ეს გააადვილებს. დაგვიანებული კი არის, მაგრამ სჯერა, რომ კიდევ შესაძლებელია.

ბიჭიკო მეფარიშვილი: _ სინანული მიპყრობს _ მიმინოს და ღაჟოს შესახებ ბავშვებმა რატომ არ უნდა იცოდნენ? ხან სპეციალურად ვეკითხები მათ, სკოლაში თუ ესმით ამის შესახებ. რატომ არ უნდა ასწავლიდნენ ბავშვს რაღაც კუთხით მაინც ამ საუკუნოვანი უმარცხო ნადირობის შესახებ? ეს ხომ მხოლოდ უბრალო გართობა არ არის? ვახტანგ გორგასლის ლეგენდაც არ იცის ზოგმა. დასავლეთ საქართველოში მაინც, საუკუნეების მანძილზე, პოპულარული იყო ასეთი ნადირობა და მიმინოს მახვილი თვალით, ჭკუით, სისწრაფით და სიმსუბუქით შეზავებული თვისებები, ბაზიერებთან ერთად, ლამის, მთელ ქართველობას ჰქონდა გათავისებული. ძალიან კარგი საქმე გაკეთდება, თუ ამ თემას წამოწევთ და ხელისუფლების რომელიმე შტო დაინტერესდება, თუნდაც, რაიონის დონეზე. კერძო პირსაც შეუძლია ამ საქმის წამოწყება. ბაზიერობის ინსტიტუტი არსებობს, რაც მთავარია. გერმანიაში, დუბაიში და არა ერთ სხვა მოწინავე ქვეყანაში ამ საქმეს სერიოზულად ეკიდებიან.

ენვერ კომახიძეც ოპტიმისტურად უყურებს ბაზიერთა ხელოვნების განმტკიცებით, ეკოლოგიური ტურიზმის განვითარების საქმეს. ბაზიერთა სანადირო ხელოვნებას, მისი აზრით, ადვილი შესაძლებელია "მიებას" ტურისტების მეტად დაინტერესება, გადამფრენი ფრინველების შესანიშნავი დერეფნით, რომელიც კოლხეთის დაბლობზე არსებობს: _ ტურისტებისთვის აქ შესანიშნავი გარემო იქნება, დააკვირდნენ ფრინველთა გადაფრენის პროცესს და გადაიღონ. პარალელურად, საბაზიერო ხელოვნებას გაეცნონ, ინადირონ აქაურ ბაზიერთა დახმარებით, როცა საამისო ბაზა იქნება. მთავარია, იდეის პოპულარიზაცია და მერე შესაბამისი ინფრასტრუქტურის შექმნა საშუალო დონეზე მაინც, _ ამბობს ის.

მანამდე კი მეგობარი ბაზიერები, მიხეილ გიორგაძის თავკაცობით, სეზონზე სანადიროდ წასასვლელად უერთმანეთოდ ნაბიჯს არ დგამენ, სეზონის დასრულების შემდეგ კი უფრო ბატონ მიხეილთან იყრიან თავს და საუბრის თემას მუდამ უსაყვარლესი საქმე წარმოადგენს. ამბობენ იმასაც, რომ ზოგს მოცლილი და საქმეგამოლეულიც კი ვგონივართ, თუმცა, თუ ქვეყანაზე უმარცხო, ჯანსაღი სანადირო ხელოვნება არსებობს, რომელიც ახალგაზრდას მუდამ გონიერებასთან, სისწრაფესთან, ჭკუასთან და უზადო ჯანმრთელობასთან ამყოფებს, ეს ბაზიერობაა და მთავარია, ამ საქმით ვინმე ისე დაინტერესდეს, როგორც ჩვენ ათწლეულების მანძილზე მიმინოებს ვწვრთნიდით და საქმეც დაიძვრებაო.

მიხეილ გიორგაძე უფასო მასწავლებლობას პირდება დაინტერესებულ ახალგაზრდებს: _ მე 80 წლის კაცი ვარ და მინდა, ჩემი შვილების და შვილიშვილების თაობა სერიოზულად მოეკიდოს საქმეს, რომელიც ხელოვნების რანგში ჰქონდათ აყვანილი ჩვენს წინაპრებს. გასაქრობი და მისავიწყებელი ამიტომაც არ არის, თითო-ოროლა მოყვარული სანამ არსებობს, "ხელის გამობრუნება" კიდევ შეიძლება.

წარმატებას და სურვილის ახდენას ვუსურვებთ ნაცად ფანატიკოს ბაზიერებს, მიხეილ გიორგაძეს, რომელიც საყვარელ მიმინოსთან ერთად, ისევე გვემშვიდობება, როგორც მიგვიღო _ სახესთან იახლოვებს ფრინველს და დაბალი, სასიამოვნო ხალხური მელოდიით იყოლიებს _ დუეტიც შეთანხმებულად დგება.


ნახვა: 561


 ახალი ამბები
  • რატომ გაათავისუფლა გურიის გუბერნატორმა მოადგილე, რომლის შესახებაც "არაფერი იცის"ჩვენი წყაროს ინფორმაციით, გურიის გუბერნატორმა ზურაბ ნასარაიამ, ყოფილი გუბერნატორის მერაბ ჭანუყვაძის კადრების გათავისუფლება დაიწყო. წყაროს თქმით, მან თანამდებობიდან წასვლა უკვე მოსთხოვა მოადგილეს არჩილ ყაზაიშვილს. აღნიშნულ ინფორმაციას ნასარაია არ ადასტურებს და ამბობს, რომ ამის შესახებ არაფერი იცის(?!): _ მე არავინ არ გამითავისუფლებია ჯერ. _ საკუთარი გადაწყვეტილებით წავიდა? _ არ ვიცი არაფერი. _ ჩვენი წყაროს მიერ მოწოდებული ინფორმაცია სიმართლე არ შეესაბამება? _ მე არ ვარ გურიაში. გუშინ თბილისში ვიყავი და ახლა გზაში ვარ. _ ბატონო ზურაბ,  არჩილ ყაზაიშვილისთვის არ გითქვამთ, რომ გათავისუფლების შესახებ განცხადება დაეწერა? _ ჩამოვალ და ვნახოთ, _ აღნიშნა გურია ნიუსთან“ საუბრისას ნასარაიამ. ის, რაც მხარის პირველმა პირმა არ დაგვიდასტურა, დაადასტურა არჩილ ყაზაიშვილმა, რომლის თქმით, განცხადება სამსახურიდან წასვლის თაობაზე პარასკევს დაწერა: _ კი, ბატონო, დაწერილი მაქვს განცხადება, _ გვითხრა ყაზაიშვილმა. გუბერნატორის უკვე ყოფილი მოადგილე, ამაში განსაკუთრებულს ვერაფერს ხედავს: _ ბატონო არჩილ, მიზეზად რა გითხრეს, როცა განცხადების დაწერა მოგთხოვეს? _ ალბათ სხვას მოიაზრებს მოადგილედ. ახალი გუბერნატორია და მისი გუნდის წევრი სურს. მოიყვანოს. _  როდის მოგთხოვათ თანამდებობის დატოვება? _ გვქონდა ჩვენ ამაზე საუბარი რამდენიმე დღის წინ და პარასკევს დავწერე განცხადება 24 სექტემბრიდან გათავისუფლების თაობაზე. _ ბატონო არჩილ, თქვენ მერაბ ჭანუყვაძის გუნდის წევრად მოიაზრებოდით და ხომ არ ფიქრობთ, რომ სამსახურიდან გათავისუფლება სწორედ ამას უკავშირდება? _ მაგას ვერ დაგიდასტურებთ, რადგან დეტალებზე საუბარი არ ყოფილა. _ ყოველგვარი ახსნა-განმარტების გარეშე დაგატოვებინეს თანამდებობა? _  ეს არის პოლიტიკური და არა პროფესიული თანამდებობა. შესაბამისად, როგორც პრემიერს სურს მისი გუნდი ყავდეს, ისე  სურს გუბერნატორსაც, რომელსაც აქვს ამის უფლება და შესაძლებლობა, _ აღნიშნა ჩვენთან საუბრისას ყაზაიშვილმა. რაც შეეხება დანარჩენ მოადგილეებს _ ამ ეტაპზე უცნობია,  დარჩებიან თუ არა თანამდებობებზე ქეთი მოისწრაფეშვილი და გია ებრალიძე. ორივე მათგანი ამ თანამდებობებზე ჭანუყვაძის გუბერნატორობამდე მუშაობდნენ და არ არის გამორიცხული, რომ ნასარაიამ ორივე დატოვოს. თუმცა, არის ერთი დეტალი _ მოისწრაფეშვილი საკმაოდ დიდი სკანდალშია გახვეული. როგორც ვწერდით, მისი გვარი სახელმწიფო აუდიტის სამსახურის დასკვნაში მოხვდა. მაკონტროლებელ უწყებას მის კეთილსინდისიერებაში ეჭვი შეაქვს, რადგან უდიტის სამსახურმა დაადგინა, რომ აუქციონზე 2.5 თეთრად გაყიდული 1 კვადრატული მიწის ნაკვეთი, აუქციონიდან 4 დღეში, ამავე ფასად მყიდველისგან შეიძინეს მოისწრაფეშვილის მამამ და ძმამ, რომლებმაც მიწის ნაწილი, შეძენიდან ერთ კვირაში გაყიდეს _ როგორც ჩვენი წყარო ამბობს, ერთ ნაწილში 18 დოლარი აიღეს, მეორე ნაწილში კი _ 21 დოლარი (საუბარია ერთ კვადრატული მიწის ფასზე). „გურია ნიუსმა“ დაადგინა, რომ იმ დროს, როცა მოისწრაფეშვილებმა მიწის ნაკვეთები შეიძინეს, უმუშევრები იყვნენ _ გუბერნატორის მოადგილის მამას არანაირი შემოსავალი არ უფიქსირდება; ასევე, შემოსავალი არ აქვს მის ძმას, რომელიც სტუდენტია. გურიის გუბერნატორი ამბობს, რომ მოისწრაფეშვილთან დაკავშირებით გადაწყვეტილებას მას შემდეგ მიიღებს, რაც დასკვნას გაეცნობა. მიუხედავად იმისა, რომ დასკვნა რამდენიმე დღეა ოზურგეთშია ჩამოსული, ნასარაია ამბობს, რომ არ უნახავს და ამ თემაზე კომენტარსაც ვერ გააკეთებს. „გურია ნიუსის“ წყაროს თქმით, ამ თემას მთავარი პროკურატურა აუდიტის სამსახურის წერილის საფუძველზე უკვე სწავლობს. ამავე თემაზე: რა წერია აუდიტის დასკვნაში და რატომ შეაქვთ ეჭვი გუბერნატორის მოადგილის კეთილსინდისიერებაში ... ...
  • რიკოთის გვირაბში ღამით ავტოტრანსპორტის მუშაობა აიკრძალებარიკოთის გვირაბში 24 და 25 სექტემბერს ღამის 00:00 სთ-დან 07:00 სთ-მდე, ყველა სახის ავტოტრანსპორტის მოძრაობა აიკრძალება. ამის შესახებ ინფორმაციას საავტომობილო გზების დეპარტამენტი ავრცელებს. უწყების ცნობით, დროის ამ მონაკვეთში გვირაბში, ზაფხულის პერიოდში ინტენსიური მოძრაობის შედეგად, ავტომატური მოწყობილობები და სანათი საშუალებები ავტომანქანების გამონაბოლქვისგან გაიწმინდება და გაირეცხება.  ავტომობილებს გვირაბის შემოსავლელ გზაზე მოუწევთ მოძრაობა. ამ გზაზე, 2 სხვადასხვა ადგილას უზრუნველყოფილი იქნება საბუქსირე მექანიზმების მორიგეობა. ამ რეჟიმით მოძრაობას ზედამხედველობას და კოორდინაციას  საპატრულო პოლიცია ... ...
  • როგორ ანაზღაურდება დიალიზით მკურნალობა და თირკმლის ტრანსპლანტაცია საქართველოშიდევნილთა, შრომის, ჯანდაცვისა და სოციალური დაცვის სამინისტროს ინფრომაციით, საყოველთაო ჯანდაცვის სახელმწიფო პროგრამის ფარგლებში ფინანსდება დიალიზი და თირკმლის ტრანსპლანტაცია. როგორც სოციალური მომსახურების სააგენტოს ვებგვერდზეა განმარტებული, პროგრამის მიზანია თირკმლის ტერმინალური უკმარისობით დაავადებულთა ჯანმრთელობის მდგომარეობის შენარჩუნება და გაუმჯობესება. უწყების ცნობით, პროგრამის მოსარგებლეები არიან თირკმლის ტერმინალური უკმარისობით დაავადებული და/ან ორგანოგადანერგილი საქართველოს მოქალაქეები, ასევე პენიტენციურ დაწესებულებებში მყოფი სხვა პირები, იდენტიფიკაციის დამადასტურებელი კანონმდებლობით გათვალისწინებული ოფიციალური დოკუმენტის არქონის მიუხედავად. პროგრამა მოიცავს ჰემოდიალიზით უზრუნველყოფას, მათ შორის: ნეფროლოგის კონსულტაციას; კლინიკო-ლაბორატორიულ გამოკვლევებს საჭიროების მიხედვით; მედიკამენტებით უზრუნველყოფას - საჭიროების შემთხვევაში; სისხლძარღვოვანი მიდგომის უზრუნველყოფას. ასევე, პერიტონეული დიალიზით უზრუნველყოფა, მათ შორის: ნეფროლოგის კონსულტაცია; კათეტერის იმპლანტაცია/ექსპლანტაცია; კლინიკო-ლაბორატორიული გამოკვლევები - საჭიროების მიხედვით; მედიკამენტებით უზრუნველყოფას - საჭიროების შემთხვევაში; მე-3 მუხლის „გ" ქვეპუნქტის ფარგლებში შესყიდული სადიალიზე საშუალებებით, მასალითა და მედიკამენტებით უზრუნველყოფას; ჰემო და პერიტონეული დიალიზისათვის საჭირო სადიალიზე საშუალებების, მასალისა და მედიკამენტების შესყიდვას და მიწოდებას; თირკმლის ტრანსპლანტაციას - თირკმლის გადანერგვის ოპერაციის ჩატარებას; ორგანოგადანერგილთა იმუნოსუპრესული მედიკამენტებით უზრუნველყოფას; სამკურნალო საშუალებათა ტრანსპორტირებას, შენახვა და გაცემას (სამკურნალო საშუალებების საქართველოს საბაჟო ტერიტორიაზე საქონლის გაფორმების ხარჯები, მიღება, შენახვა, ტრანსპორტირება, გაცემა ბენეფიციარებზე აფთიაქების მეშვეობით). „დიალიზის მომსახურების მისაღებად, სოციალური მომსახურების სააგენტოში უნდა პაციენტმა უნდა წარადგინოს გეგმური მომსახურების წინასწარი დოკუმენტების ნუსხა (რის შემდეგაც მოხდება პაციენტის რეგისტრაცია დიალიზის მომლოდინეთა რეესტრში):  პირადობის (ბინადრობის) დამადასტურებელი მოწმობის ან საქართველოს მოქალაქის პასპორტის ასლი, ხოლო თუ პირი არასრულწლოვანია - დაბადების მოწმობის ასლი (პირადობის მოწმობის არქონის შემთხვევაში). აღნიშნული დოკუმენტების არქონის შემთხვევაში, გამონაკლისად დაიშვება შემდეგი შემთხვევები:• თუ პირი მიტოვებული ან მზრუნველობამოკლებული არასრულწლოვანია;• ცხოვრობს ოკუპირებულ ტერიტორიაზე;• იმყოფება თავისუფლების აღკვეთისა და პატიმრობის დაწესებულებაში. - ფორმა NIV-100/ა-ს (პაციენტის დიაგნოზი, ჩარევები და გამოკვლევები მითითებული უნდა იყოს ქვეყანაში დადგენილი კლასიფიკატორების შესაბამისად), საჭიროების შემთხვევაში, წინასწარი კალკულაცია;- დადგენილი ფორმის განცხადება. სოციალური მომსახურების სააგენტო ვალდებულია, მოგაწოდოთ ინფორმაცია სამედიცინო მომსახურების მიმწოდებელ სამედიცინო დაწესებულებებში არსებული ტექნიკური რესურსების შესახებ, გეოგრაფიული ხელმისაწვდომობის გათვალისწინებით. მომსახურების უფლებით დაკმაყოფილება უნდა მოხდეს მომართვის რიგითობის მიხედვით. თირკმლის ჩანაცვლებითი თერაპიის ერთი მეთოდის მეორეთი ჩანაცვლება ხორციელდება შეუფერხებლად, შესაბამისი სამედიცინო ჩვენების წარმოდგენის შემთხვევაში.თირკმლის ტრანსპლანტაციის შემთხვევაში, უნდა მიაკითხოთ პროგრამაში მონაწილე სამედიცინო დაწესებულებას და ზემოაღნიშნული დოკუმენტები წარმოადგინოთ სოციალური მომსახურების სააგენტოში. პროგრამით გათვალისწინებული მომსახურება ფინანსდება სრულად და პაციენტის მხრიდან თანაგადახდას არ ითვალისწინებს. დამატებითი ინფორმაციის მიღება შეგიძლიათ საქართველოს შრომის, ჯანმრთელობისა და სოციალური დაცვის სამინისტროს ცხელ ხაზზე (1505) ან/და სააგენტოს ტერიტორიულ ერთეულში“- აღნიშნულია სააგენტოს ... ...
  • დაპირისპირება სამართალდამცველებსა და ზაზა სარალიძეს შორისდაპირისპირება სამართალდამცველებსა და ზაზა სარალიძეს შორის - შვილმოკლულ მამას გუშინ, გვიან ღამით, პოლიციამ ადგილზე გასაბერი ლეიბის შეტანის უფლება არ მისცა. ზაზა სარალიძე, რომელიც პარლამენტთან უკვე 12 დღეა, აქციას მართავს, ლეიბის ტროტუარზე გაშლას აპირებდა, თუმცა, სამართლდამცველებმა განაცხადეს, რომ ადგილზე ბევრი ტურისტი მოძრაობს და შვილმოკლულ მამას ამის საშუალება არ მისცეს. ზაზა სარალიძე აქციის შეწყვეტას არ აპირებს.   წყარო: ... ...
  • ორად გაყოფილი სპორტული ცენტრი დახურულ სხდომაზე ერთმანეთს ღიად დაუპირისპირდახმაური და დაპირიპირება იყო დღეს ლანჩხუთის საკრებულოში, სოციალური კომისიის სხდომაზე, სადაც „გურია ნიუსის“ ინფორმაციით,  სპორტული ცენტრის საკითხი განიხილებოდა. სხდომის ეს ნაწილი, კომისიის თავმჯდომარის ემზარ თედორაძის გადაწყვეტილებით, დახურულად გამოცხადდა. თედორაძის განმარტებით, ეს გადაწყვეტილება სპორტული ცენტრის თანამშრომელთა მოთხოვნით მიიღო. როგორც გაირკვა, სოციალური კომისიის სხდომაზე ცენტრის დირექტორს გოჩა ლომაძეს თანამშრომელთა ნაწილი ღიად დაუპირისპირდა და მისი სამსახურიდან წასვლა მოითხოვა. „თავად თანამშრომლებმა მთხოვეს, რომ სხდომა დახურული ყოფილიყო. ფაქტია,  სპორტულ ცენტრში არაჯანსაღი ვითარებაა და კოლექტივი ორ ნაწილადაა გაყოფილი. შექმნილი მდგომარეობა, რა თქმა უნდა, ნეგატიურად აისახება სპორტული ცენტრის მუშაობაზე.  მუნიციპალიტეტის ხელმძღვანელობას მოუწევს დროული გადაწყვეტილება მიიღოს ამ საკითხზე“, _ გვითხრა თედორაძემ. სხდომას მერიის კულტურისა და სპორტის სამსახურის უფროსი ია ჩხაიძეც ესწრებოდა. „პირადად ვესწრებოდი ამ სხდომას და მოვისმინე ის პრეტენზიები, რაც  ცენტრის თანამშრომელთა ნაწილს აქვს, ამის თაობაზე  მანამდეც ვიყავი ინფორმირებული.  ამ საკითხის დარეგულირება უშუალოდ მერის პრეროგატივაა და თუ მისი მხრიდან იქნება დავალება, ჩვენი სამსახური შეისწავლის სპორტულ ცენტრში არსებულ მდგომარეობას. ფაქტია, რომ ვითარება იქ მართლაც არაჯანსაღია“, _ გვითხრა ია ჩხაიძემ. თუ რას გადაწყვეტს მუნიციპალიტეტის ხელმძღვანელობა  სპორტულ ცენტრთან მიმართებაში, ჯერჯერობით, უცნობია, სოციალური კომისიის სხდომას არც მერი და არც მისი მოადგილე არ დასწრებიან. „სოფელ ნინოშვილში ვიყავი აქციაზე და ამ დროისთვის არ ვარ ინფორმირებული, თუ რა ხდებოდა სოციალური კომისიის სხდომაზე. მერიც არ იმყოფება ლანჩხუთში, თბილისშია. ასე რომ, ამ ეტაპზე, კონკრეტულს ვერაფერს გეტყვით საკითხთან დაკავშირებით“, _ გვითხრა გოგი ფაცურიამ. შეგახსენებთ, რომ „გურია ნიუსი“ უკვე წერდა სპორტულ ცენტრში არსებული დაპირისპირების შესახებ, სადაც  ცენტრის დირექტორს, გოჩა ლომაძეს თანამშრომლების მიმართ ძალადობაში ამხელდნენ. თუმცა, მაშინ ლომაძე მისი მისამართით გაჟღერებულ ყველა ბრალდებას კატეგორიულად უარყოფდა. სპორტული ცენტრის თანამშრომელთა ნაწილიც მხარდაჭერას გამოთქვამდა დირექტორის მიმართ. ამავე თემაზე: სპორტული ცენტრის დირექტორს თანამშრომელთა ნაწილი ... ...

არქივი

კარმიდამო ჩემი

როგორ ამოვიცნოთ ინსულტი

ინსულტი 21–ე საუკუნის კიდევ ერთი...

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

საშემოდგომო თესვის დაწყება და ნიადაგის გაფხვიერების თავისებურება

აგვისტოს მიწურულს და სექტემბრის დასაწყისში,...

"მოგვაშორეთ ტურები"

ოზურგეთის მუნიციპალიტეტის სოფელ ლიხაურის, ჭანიეთის,...

"ჩაი გავანადგურეთ, თხილის ხარისხი კატასტროფულად დაეცა... სადაა გამოსავალი?"

მსოფლიოში მეჩაიეობის დარგში ჩამოყალიბებული დადებითი...

ჩინური კუნგ პაო

ჩინური სამზარეულოს ნამდვილი შედევრია "გუმბაო"....

როგორ წარმოიშობა "უავტორო" ხანძრები

მსოფლიომ "უავტორო" ხანძრების მთელი სერიები...

საწებელი _ მარტივად და გემრიელად

გვიან ზაფხულში და შემოდგომის დასაწყისიდანვე,...

როგორ ვებრძოლოთ ფესვის კიბოს

ფესვის ბაქტერიული კიბო ბევრი კულტურული...

გურული მეურნის მიერ დამორჩილებული ცნობილი "ლედის თითები" _ იგივე ბამია

ოზურგეთის მუნიციპალიტეტის სოფელ მაკვანეთის მკვიდრი,...

მცენარეთა რძე და რძის პროდუქტები

ჩვენს წარმოდგენაში რძე და რძის...
ზაფრანი

რა ემუქრება დედამიწას მზე რომ ჩაქრეს

მეცნიერები ფიქრობენ, რომ ადრე თუ...

შეცდომით აღმოჩენილი გენიალური გამოგონებები

პენიცილინი _ მედიკამენტი, რომელმაც გადატრიალება...

უცნაური სინდრომები

ფეთქებადი თავის სინდრომი  ესაა საკმაოდ...

საიდუმლოებით მოცული ადამიანები

საუკუნეების განმავლობაში ისტორია სავსეა საიდუმლოებით...

ბრძნული ცხოვრების პრინციპები

1. გაუშვით ადამიანები და სიტუაცია....

გიგანტების სამარხი

უკვე დიდი ხანია, რაც დედამიწაზე...