"ბიზნესზე არც მიფიქრია" _ გურული ვაზის ჯიშების ოცწლიანი ძიების ფინალი

კარმიდამო ჩემი

"ბიზნესზე არც მიფიქრია" _ გურული ვაზის ჯიშების ოცწლიანი ძიების ფინალი

3 დეკ. 2017, 23:21:01

ოზურგეთის მუნიციპალიტეტის სოფელ შემოქმედში, ვაზის ცნობილი ტრფიალის, ანდრო ვაშალომიძის სადემონსტრაციო ნაკვეთში, თექვსმეტი სახეობის გურული ვაზის ჯიშია წარმოდგენილი.

შემოდგომის პიკია და საოცარ სანახაობას _ თეთრი ჯიშების: საკმიელას, ათინაურის, კლარჯულის, ვარდისფერის: ჩხავერის და ბადაგის, წითელყურძნიანების: მტევანდიდის, ჯანის, ალადასტურის თუ მტრედისფეხას ზღაპრულ ფერთა გამას, შეიძლება, მხოლოდ კაცის უნაკლო გონის, ღვთისა და დედაბუნების ქმნილების მაქსიმალური გამოვლინება უწოდო _ მტევნებს ვეღარ იჭერს საგანგებოდ გამართული ტალავერი. გურული ვაზის ჯიშების ასეთი სრულყოფილი გამოფენა მწიფობის ფაზაში, ალბათ, საქართველოში მხოლოდ აქ შეიძლება ვნახოთ.

საუბრობს გურული გულმოდგინებითა და იმ წყალგაუვალი დიალექტით, ამ გარემოს რომ მოერგება და შვენის _ ოცი წლის წინ დაიწყო გურული ვაზის ჯიშების მოძიება. პროფესიით ინჟინერს მევენახეობასთან მხოლოდ სულიერი სამყარო აკავშირებდა და იზაბელას და "ნოას" ასპარეზად ქცეული გურია აღიზიანებდა.

რატომ გადაშენდა საუკუნენახევრის წინ ცნობილი გურული ვაზის ჯიშები და როგორ გაბატონდა არაქართული "ჭეიშვილი" თუ "იზაბელა", ეს პრობლემა მეცხრამეტე საუკუნის პირველ ნახევარში, ამერიკიდან ევროპაში შემოსულმა ვაზის დაავადებამ _ ფილოქსერამ წარმოშვა: _ თუმცა, ევროპამ ამ პრობლემას დროულად მიხედა, ვაზის სამშობლო, საქართველო კი დარჩა უცხოური ჰიბრიდების საბატონოდ და სწორედ ეს მაშფოთებდა, _ ამბობს ანდრო ვაშალომიძე.

მთელი წლის მანძილზე აგროვებდა და ახლა აგროვებს ოჯახების მისამართებს, სადაც ვაზის ესა თუ ის ჯიში ეგულება. შემდეგ კი, შემოდგომაზე, მწიფობისას, იწყებს ჩამოვლას აღნიშნულ მისამართებზე. იღებს ნიმუშებს _ ვაზის რქას, ფოთლებს და რამდენიმე მტევანს, რომელსაც აგზავნის სოფლის მეურნეობის სამინისტროს სამეცნიერო კვლევით ცენტრში. დღემდე ჯიღაურაში 137-ზე მეტი ნიმუში აქვს გაგზავნილი. გურული ვაზის 60-მდე ჯიშიდან 40 უკვე ამოცნობილია და ეს ყველაფერი ანდრო  ვაშალომიძის დამსახურებით მოხდა.

_ ეს არ არის ჩემი ბიზნესი _ ბიზნესზე არც არასდროს მიფიქრია. აღორძინების მედროშე ვარ, თუ ხმამაღალ ნათქვამად არ ჩამითვლით. თუმცა, თავისუფლად შემეძლო, ამერჩია რომელიმე ერთი ან ორი ჯიში, მაგალითად საკმიელა, ჩხავერი და მეწარმოებინა ღვინო. სულ ცოტა, 1500 ლიტრს გავყიდდი. ტურისტული მარშრუტებიდან ხშირად მეხმიანებიან, ხომ არ ვაწარმოებ რომელიმე სახეობას. თუმცა, ეს არაა ჩემი ინტერესი. ჩემი მიზანია ძიება, რაც მახარებს და სანამ ცოცხალი ვარ, ამ საქმეს არ შევწყვეტ. პროცესი, რომელსაც მივიწყებული გურული ჯიშების მოძიება ჰქვია. მუდმივი შრომა, მუდმივი ძიება _ აი, ეს მაცოცხლებს.

ბოლო ხუთი წელია, გურიაში ჩვენებური ჯიშების გაშენების ბუმია. არ მომერიდება, ვთქვა, რომ ამ ბუმის აგორებაში დიდი წვლილი მიმიძღვის, რომელმაც ახლა ლამის თავად გადამიაროს, რადგან ვერ ვასწრებ ნერგების გამოყვანას და შეპირებისამებრ ამა თუ იმ ადამიანისთვის დახვედრებას. საყვედურების მოსმენაც მიწევს _ რომ შემპირდი, რატომ არ დამახვედრე, აქამდე ცოლიკაურს ჩავყრიდი მაინც მომზადებულ ნაკვეთზეო. თუმცა, მოთმინებით ყველაფერი შეიძლება გამოგვივიდეს. ჩემთვის ეს პურის ფული თუ არის, მეტი არაფერი, მაგრამ მიხარია, რომ ხალხში გაიღვიძა გურული ვაზის ჯიშების გაშენების სურვილმა, - ამბობს ბატონი ანდრო და საკუთარ სადემონსტრაციო ნაკვეთზე, უამრავ ჯიშთა მტევნებს შორის, საკმიელას სანთლისფერად შემწიფებულ და გამჭვირვალე მტევნებს პეშვს აგებებს _ ყველაზე დიდი მოთხოვნა ახლა ამ სახეობაზეა.

_ საკმიელა სოფელ ქაქუთში, სოსო ხინთიბიძის ოჯახში ვნახე. მისი დამსახურებაა, რომ სამზეოზე კვლავ გამოვიდა ეს უნიკალური ჯიში. ოცი წლის უკან არავის ახსოვდა თითო-ოროლას გარდა, ახლა კი რეალობაა _ საკმიელა ყველას პირზე აკერია და მის მოშენებას ცდილოს, _ გვიამბოს ის.

შვილივით ნაზარდი ვაზის შემეცნებას ანდრო ვაშალომიძის ოჯახში სხვა დატვირთვა აქვს, საკრალური, მარადიული ტკივილის გამოხატულებით _ წლების წინ მას შვილი გარდაეცვალა. სტუდენტი გოგონა უეცრად დაიღუპა, რაც მამის გულმა ხსოვნის მასშტაბში ასე ჩატია: "სანამ ვიცოცხლებ, თამთას სულის საოხ და გურიის კეთილდღეობისთვის, გურული ვაზის ჯიშების აღორძინებისთვის ვიბრძოლებ."

ანდრო ვაშალომიძე ხაზს უსვამს საოცარ ფენომენს _ ყველაზე მეტი ვაზის ჯიში მთელ მსოფლიოში საქართველოშია და უმეტესობა გურული ჯიშებისა, მოსავლის რაოდენობით და ხარისხობრივი ნიშნით, აკმაყოფილებს დღევანდელ საერთაშორისო მოთხოვნებს.

_ ჩემი თავგადადებული მცდელობა ემსახურებოდა და ემსახურება ერთს _ მინდა ვაზის და ღვინის სამყაროს დავუმტკიცო, რომ გურია არ არის იზაბელას დ სხვა დაბალხარისხოვანი უცხოური ჰიბრიდების სამშობლო. გურულებს კი სათითაოდ ვურჩიო, დაანებონ თავი იზაბელას ანუ "ადესას" და სხვა უცხოურ ჰიბრიდებს. მიხედონ და მოუარონ ადგილობრივ საუცხოო ჯიშებს, სტუმარს და საკუთარ თავს მხოლოდ ჩვენი უნიკალური ყურძნით დაყენებული ღვინით გაუმასპინძლდნენ. სწრაფვა დიდია და წარსულთან შედარებაც არ შეიძლება, თუმცა, გურული ჯიშის ყურძნით რომ ყველა ოჯახში დაიწურება ღვინო, შედეგი ეს იქნება, _ ამბობს ის და დარწმუნებულია, ეს დრო მალე დადგება. ხაზს უსვამს იმ გარემოებას, რომ კარგ ღვინოს უნდა ახასიათებდეს დაძველების უნარი და დაძველებულიც უნდა ივითარებდეს მდიდარ ბუკეტს _ არომატების ნაკრებს, რაც ღირსების განმსაზღვრელი ნიშაა.

ანდრო ვაშალომიძემ საქართველოს მასშტაბით გამართულ საოჯახო ღვინის არა ერთ ფესტივალზე გაიმარჯვა, თუმცა, 2011 წელი განსაკუთრებული იყო _ ოქროს მედალი და ფულადი ჯილო 1 000 ლარი ხვდა წილად. 2015 წელს კი ვერცხლის მედალი ერგო, თუმცა, არც ჯილდოებისთვის იბრძვის, როგორც ამბობს: _ სასიამოვნო კი არის დაფასება, თუმცა, ასეც რომ არ მოხდეს, საქმე, რომელიც სიგიჟემდე მიყვარს, ჯილდოს მისაღებად ან ბიზნესის საკეთებლად არანაირად არ მიზიდავს. სული მთხოვს, უძველესი გურული ვაზის ჯიშები ბოლომდე გამოვიკვლიო, აღვადგინო და გადავარჩინო ის, რაც ჩვენს წინაპრებს უხვად გააჩნდა, ცუდმა ვითარებამ კი დრო გააჩერა და ვაზის სამშობლოს ეს არ ეკადრება.

მიაჩნია, რომ ვაზის მოვლა სასწაულად ცოცხალი, შემოქმედებითი პროცესია, რომელსაც მოაქვს უსაზღვროდ ამაღლებული განწყობა და დადებითი ენერგია, რაც შენგან დამოუკიდებლად გადადის სხვებზე და აკეთილშობილებს განურჩევლად ყველას..

პროფესიით ინჟინერი კვლავ უამრავ ლიტერატურას აგროვებს ვაზის შესახებ, თხოვს ყველას, სახლში, ნასახლარზე თუ ტყეში ხომ არ ეგულებათ ვაზის თუნდაც ერთი ძირი, რომელიც, შესაძლოა, უნიკალური გურული ჯიშისა იყოს.

საკმიელას ერთი ძირი ასეთი ძებნით იპოვა გურია-იმერეთის საზღვართან, სოფელ ვაზისუბანში. ერთ ძირს ისე მოევლო ხეები, წვეროსთან ემჩნეოდა ყლორტები, დანარჩენი ნაწილი გამხმარი იყო. სურს, გურიაში კარგი მყნობელებიც დახელოვნდნენ; არა ერთი ცდილობს და გამოსდის კიდეც, თუმცა ბევრი მაინც არ გვყავს.

_ ეს არ არის მძიმე შრომა, თუმცა, მოითხოვს დიდ ნებისყოფას, რომ მუდამ ვაზთან იტრიალოს, ვენახს არ მოშორდეს, მიხვდეს ყველა წვრილმანს, თითოეული ანასხლავი _ საკვირტე მასალა, ისეთ გვირისტად ამოიყვანოს, რომ სიცოცხლისუნარიანობაში მისხალი ეჭვის შეტანა არ შეიძლებოდეს. აი, ეს არის მევენახის ხელოვნება, ვაზის ქვეყნის შვილს რომ მოეთხოვება, _ გვეუბნება დამშვიდობების ხანს და უახლოესი " ჯიშთაძიების" მარშრუტსაც გვაცნობს _ მომავალ კვირაში ჩოხატაურის სოფლებს უნდა ეწვიოს.

კვლავ ახალ წარმატებებს, დიდხანს სიცოცხლეს და ვაზივით გამძლეობას ვუსურვებთ, ბატონ ანდროს.




 ახალი ამბები
  • ნინოშვილის ქუჩაზე მდებარე 2 000 კვმ მიწის ფართი, შსს-ს უსასყიდლოდ გადაეცემაოზურგეთის მუნიციპალიტეტის საკრებულოს მორიგი სხდომა, რომელიც 27 ნოემბერს, 12 საათისთვის იყო დანიშნული, თითქმის, ერთი საათის დაგვიანებით დაიწყო. განცალკევებით მდგარი საკრებულოს თავმჯდომარე დავით დარჩია კარგა ხანს ურეკავდა დეპუტატებს, რომ სხდომაზე მოსულიყვნენ. მალე დეპუტატთა რიგებს შემოემატნენ ლეიბორისტი დავით მამალაძე, " ქართული ოცნების" საკრებულოს წევრი დეპუტატები _ დავით მდინარაძე და დავით ჭაკნელიძე, რის შემდეგაც სხდომა დაიწყო. _ მეგობრებო, ყველამ კარგად ვიცით, როგორი მდგომარეობაა. ვიცი, რომ ზოგი ტესტირებაზე იყო, ზოგიც ავად არის, თუმცა, უნდა გავაკეთოთ მაქსიმალური მობილიზება, სიფრთხილის დაცვა და ასე მუშაობაა საჭირო. ბიუჯეტი მისაღებია. დიდი მადლობა ყველას, რომ შეძელით მოსვლა, _ ასე მიმართა დავით დარჩიამ საკრებულოს წევრებს და მათ დღის წესრიგით გათვალისწინებული 15 საკითხი გააცნო. საკრებულოს წევრებმა, ცალკეული საკითხების ირგვლივ განკარგულებები, რომლებიც კომისიების სხდომებზე იყო განხილული და აღარ საჭიროებდა კვლავ განხილვას, მსჯელობის გარეშე მიიღეს. ამასთანავე, საკმაოდ მნიშვნელოვანი საკითხებიც განიხილეს, რომელთაგან ზოგს ტაშიც კი დაუკრეს. მუნიციპალიტეტის მერიის ეკონომიკის სამსახურის უფროსმა, ალეკო მამეშვილმა წარმოადგინა საკითხი "ოზურგეთის მუნიციპალიტეტის საკუთრებაში არსებული უძრავი ქონების სახელმწიფო საკუთრებაში გადაცემის შესახებ" _ ეგნატე ნინოშვილის ქუჩაზე მდებარე აღნიშნული 2 000 კვ.მ. მიწის ფართი, სახელმწიფოსთვის უსასყიდლოდ გადაცემის შემდეგ, საქართველოს შინაგან საქმეთა სამინისტროს უსასყიდლოდ გადაეცემა. დეპუტატმა გოჩა კილაძემ განმარტა, რომ ეს საკითხი განიხილეს კომისიაზე და მიზანშეწონილად ცნეს სამინისტროსთვის აღნიშნული ფართის გადაცემა. აღნიშნულ მიწის ნაკვეთზე, როგორც სხდომაზე დასმული კითხვების პასუხებიდან გახდა ცნობილი, საპატრულო პოლიციისთვის მოეწყობა სადგომი, სადაც საჯარიმოდ გადატანილ ავტომანქანებს განათავსებენ. საკითხი _ "მუნიციპალიტეტის მერიის თანამდებობის პირთა და სხვა მოსამსახურეთა თანამდებობრივი სარგოების ოდენობების განსაზღვრისა და საშტატო ნუსხის დამტკიცების შესახებ", იურიდიული სამსახურის უფროსმა ლაშა თავაძემ წარმოადგინა. საკითხის ირგვლივ საუბრისას მან განმარტა, ოზურგეთის მუნიციპალიტეტის მერიაში შეიქმნება ბავშვის უფლებების დაცვის და მხარდაჭერის მომსახურების განყოფილება. ახალ განყოფილებაში ხუთი თანამშრომელი იმუშავებს. დარბაზიდან გაისმა საკრებულოს წევრთა კითხვები კადრების შერჩევასთან დაკავშირებით. კერძოდ, ადგილზე მოხდება შერჩევა თუ ცალკეული პირები კონკურსში მიიღებენ მონაწილეობას. _ შესაძლოა, გამოცხადდეს შიდა კონკურსი, რათა მაქსიმალურად გამოვიყენოთ ადგილობრივი რესურსი, _ განაცხადა ლაშა თავაძემ. იმ შემთხვევაში, თუ შიდა კონკურსი ჩატარდება და გამარჯვებულები დაიკავებენ ბავშვთა მომსახურების განყოფილების თანამშრომელთა ადგილებს, მერიაში გათავისუფლებულ საშტატო ერთეულებზე სამომავლოდ გამოცხადდება კონკურსი ახალი თანამშრომლების დასანიშნად. თავაძემ განმარტა, რომ მერიის რომელიმე თანამშრომელი თუ ბავშვთა განყოფილებაში გადავა სამუშაოდ შიდა კონკურსის საფუძველზე, ეს იმას არ ნიშნავს, რომ ორ ადგილზე იმუშავებს და ასე კითხვა არც უნდა დაისვას. საკრებულოს წევრმა დავით მდინარაძემ, რომელიც პროფესიით პედიატრია და საბავშვო კლინიკას ხელმძღვანელობს, გამოთქვა თვალსაზრისი, რომ კადრების შერჩევას სერიოზულად უნდა მიუდგნენ: _ სერიოზული სფეროა და ძალზე გულისხმიერი მიდგომა სჭირდება. აუცილებელია კადრების  სწორად შერჩევა, _ თქვა მან. ბავშვის უფლებების დაცვის და მხარდაჭერის მომსახურების განყოფილებაში დასაქმებულ ხუთ თანამშრომელს, სხვადასხვა პოზიციაზე, ხელფასი განესაზღვრებათ შემდეგი ოდენობით: განყოფილების უფროსი _ 1 400 ლარი; უფროსი სპეციალისტი, ბავშვისა და ოჯახის სოციალური მუშაკი _ 1 100 ლარი; ბავშვის ფსიქოლოგი _ 1 000 ლარი; უფროსი სპეციალისტი ბავშვის ჯანმრთელობის მართვის საკითხებში _ 900 ლარი და უფროსი სპეციალისტი, ბავშვის სამართლებრივი დახმარების სპეციალისტი _ 900 ლარი. სხვადასხვა თვალსაზრისის გამოთქმის შემდეგ, საკრებულოს დეპუტატებმა დადგენილება მიიღეს. საკრებულომ მოისმინა მერის მიერ ოზურგეთის მუნიციპალიტეტის ტერიტორიაზე, 2020-2021 წლებში, საქართველოს რეგიონებში გასახორციელებელი პროექტების ფონდიდან, დასაფინანსებელი პროექტების და ა(ა)იპ "სოციალური პროექტების განვითარების ფონდის" მიერ წარმოდგენილი წინადადებები _ დეპუტატებმა შესაბამისი სამართლებრივი აქტების მიღებას უყარეს კენჭი, მომხსენებელმა ალეკო მამეშვილმა ისაუბრა პროექტების ჩამონათვალის ირგვლივ: _ ეს იქნება ციხისფერდი-გურიანთის შიდა სასოფლო გზების რეაბილიტაცია. ასევე, სოფელ ხვარბეთში და ძიმითში სასოფლო გზების რეაბილიტაცია, ლიხაურში ექვთიმე თაყაიშვილის სახლ-მუზეუმთან მისასვლელი გზის მოასფალტება, სოფელ შრომაში საბავშვო ბაღის მოწყობა, საბაგირო გზის მოწყობა მთისპირი-ბახმაროს მიმართულებით და სხვა, _ თქვა მამეშვილმა. _ სულ ცოტა, ამ პროექტების გახორციელების შემთხვევაში, ოზურგეთს მუნიციპალიტეტის საბიუჯეტო ასიგნებებს თანხა დაერიცხება და ეს იქნება ძალიან კარგი. მაინტერესებს, ეს სააგენტო ხომ არ ითხოვს ე. წ. განზრახვათა წერილს. როგორც ვიცი, იყო შეხვედრები მერთან. და ხომ არ მომზადებულა ასეთი წერილი? _ იკითხა დეპუტატმა ლავრენტი ბიგვავამ, რაზეც მამეშვილმა უპასუხა, რომ ჯერ არ ყოფილა ასეთი მოთხოვნა. საკრებულოს წევრმა, სოფელ ნატანების დეპუტატმა თამაზ ტუღუშმა უკმაყოფილება გამოთქვა ნატანებში მუსიკალური სკოლისთვის რემონტის დაგვიანების გამო. მერიის ინფრასტრუქტურის სამსახურის უფროსმა, თემურ გიორგაძემ მას უპასუხა, რომ მომავალ წელს მოხერხდება ამის გაკეთება: _ ახლა სკოლები დისტანციურ რეჟიმში მუშაობენ. ამიტომ, ჯერ სხვა პროექტებს მივხედოთ და შემდეგ _ მუსიკალურ სკოლას, _ თქვა გიორგაძემ და მიანიშნა, რომ ჯერ რეგფონდის და სოციალური პროექტების განვითარების ფონდის წარმოდგენილ პროექტებს სჭირდება მხარდაჭერა: _ კარგია ერთი პროექტი ნატანებშიც თუ გახორციელდება. მერე ერთ თეთრს არ მოვითხოვ ბიუჯეტიდან, _ იუმორით დაასრულა თავის გამოსვლა თამაზ ტუღუშმა. სხდომაზე ერთ-ერთი უმნიშვნელოვანესი საკითხი იყო "ოზურგეთის მუნიციპალიტეტის ადმინისტრაციულ საზღვრებში რეგულარული სამგზავრო გადაყვანის ნებართვის გაცემის ფასის განსაზღვრის, ნებართვის მაძიებელთა კონკურსში მონაწილეობის, მასში გამარჯვებულის გამოვლენის, სანებართვო პირობების და ნებართვის გაცემის ფასის გადახდის წესის დამტკიცება", რაც ადმინისტრაციულ წარმოებაში მიიღეს. როგორც მომხსენებელმა, მერიის შესაბამისი სამსახურის წარმომადგენელმა, თემურ მურვანიძემ განმარტა, ცალკეულ ტრანსპორტის მარშრუტებზე, მუნიციპალიტეტის ტერიტორიაზე და ქალაქ ოზურგეთშიც გამოცხადდება კონკურსი: _ მასში მონაწილეობის უფლება ექნებათ როგორც ორგანიზაციებს, ისე _ ფიზიკურ პირებს. ვინც კონკურსში გაიმარჯვებს, მიიღებს ნებართვას უშუალოდ მუნიციპალიტეტის მერისგან. მსგავსი კონკურსი 2000 წელს მხოლოდ თვითმმართველ ქალაქებში ჩატარდა. ახლა ჩატარდება კონკურსი ტრანსპორტის კანონში ცვლილების საფუძველზე, რის შემდეგაც ოზურგეთის მუნიციპალიტეტის ტერიტორიაზე გამართულად დარეგულირდება შიდა გზებზე მგზავრთა გადაყვანა, _ თქვა ... ...
  • ავარიას სუფსაში ერთი ადამიანი ემსხვერპლაროგორც ვიუწყებოდით, ლანჩხუთის მუნიციპალიტეტის სოფელ სუფსაში ავტოსაგზაო შემთხვევა მოხდა. ჩვენ მიერ მოპოვებული ინფორმაციით, ერთმანეთს მიკროავტობუსი და სატვირთო ავტომაქანა დაეჯახა. შემთხვევა სუფსაში საღამოს, დაახლოებით 7 საათზე მოხდა. შინაგან საქმეთა სამინისტროს პრესსამსახურის ცნობით, ავტოსაგზაო შემთხევას ერთი ადამიანი იმსხვერპლა. საქმე აღძრულია სისხლის სამართლის კოდექსის 276 მუხლის მეექვსე ნაწილით. ამავე თემაზე; ავტოსაგზაო შემთხვევა სუფსაში - არის ... ...
  • ავტოსაგზაო შემთხვევა სუფსაში - არის მსხვერპლიჩვენ მიერ მოპოვებული ინფორმაციით, ლანჩხუთის მუნიციპალიტეტის სოფელ სუფსაში ავტოსაგზაო შემთხვევა მოხდა, არის მსხვერპლი. “გურია ნიუსი“ დამატებით ინფორმაციას რამდენიმე წუთში ... ...
  • ჯანმომ პირბადის ტარებასთან დაკავშირებით რეკომენდაციები განაახლაჯანდაცვის მსოფლიო ორგანიზაცია მიიჩნევს, რომ პანდემიის პირობებში, იმ შემთხვევაში, თუ სულ მცირე ერთი მეტრის დისტანციის დაცვა შეუძლებელია, პირბადე როგორც შენობის შიგნით, ასევე შენობის გარეთ უნდა ვატაროთ. გარდა ამისა, ორგანიზაცია რეკომენდაციით გამოდის, რომ მოქალაქეებმა პირბადე დისტანციის დაცვის შესაძლებლობის მიუხედავად ატარონ, თუ შენობაში სათანადო ვენტილაცია არ არსებობს. ჯანდაცვის მსოფლიო ორგანიზაციის განახლებული რეკომენდაციები, როგორც ზრდასრულებს, ასევე 12 წლიდან ბავშვებს ეხებათ. რეკომენდაციებში ასევე ნათქვამია, რომ ხუთ წლამდე ბავშვებმა პირბადე არ უნდა ატარონ, ხოლო 6-დან 11 წლამდე ბავშვებს რაც შეეხებათ, მათ პირბადე კონკრეტული გარემოს ეპიდემიოლოგიური რისკების გათვალისწინებით უნდა ... ...
  • "გულგრილობის ვირუსი კლავს" _ გაეროს ქალთა ორგანიზაციის ონლაინკამპანია "გულგრილობის ვირუსი კლავს" — გაეროს ქალთა ორგანიზაციის ინიციატივითა და ევროკავშირის მხარდაჭერით, ქალთა მიმართ და ოჯახში ძალადობის წინააღმდეგ ონლაინკამპანია მიმდინარეობს. კამპანია გენდერული ძალადობის წინააღმდეგ 16-დღიანი გლობალური აქტივიზმის ნაწილია. მის ფარგლებში, ცნობიერების ასამაღლებელ ვიზუალურ მასალებთან ერთად, შეიქმნა 4 აუდიოპიესა, რომელთა ავტორებიც ქართველი მწერლები ნესტან ნენე კვინიკაძე და ლაშა ბუღაძე არიან. პიესებში ქალთა მიმართ და ოჯახში ძალადობის სხვადასხვა ფორმა რეალობასთან მაქსიმალურად მიახლოებული სცენებითა და სიტუაციებითაა აღწერილი. გაეროს ქალთა ორგანიზაციისა და საქსტატის ქალთა მიმართ ძალადობის ეროვნული კვლევის (2017 წელი) თანახმად, საქართველოში 7-დან ერთ ქალს მეუღლის ან პარტნიორის მხრიდან ძალადობა გამოუცდია, მოსახლეობის 41% ფიქრობს, რომ ოჯახში ძალადობა ოჯახის საქმეა. აუდიოპიესებიცა და კამპანიაც, ცნობიერების ამაღლების გარდა, ერთ-ერთ მთავარ აქცენტს საზოგადოებაზე აკეთებს, რადგან მის სწორ რეაგირებას ხშირად ქალების სიცოცხლის გადარჩენა შეუძლია. მით უფრო ახლა, როდესაც COVID-19-ით გამოწვეულმა შეზღუდვებმა და იზოლაციამ ქალებისა და გოგოების მიმართ ძალადობის საფრთხე კიდევ უფრო გაზარდა. ამ სიტუაციაში განსაკუთრებული როლი ეკისრება საზოგადოებას, რომელმაც გულგრილად არ უნდა დატოვოს ძალადობის შემთხვევები, რომლებიც მაგალითად, მეზობლის, მეგობრის, თუ უბრალოდ ნაცნობის სახლის კარს მიღმა ხდება. კამპანია პროექტის „ქალებისა და გოგოების მიმართ ძალადობის წინააღმდეგ საქართველოში“ ნაწილია, რომელსაც გაეროს ქალთა ორგანიზაცია გაეროს მოსახლეობის ფონდთან ერთად, ევროკავშირის ფინანსური მხარდაჭერით ახორციელებს. პროექტი ოჯახში და ქალთა მიმართ ძალადობის პრევენციისა და მასზე რეაგირებისთვის საჭირო პოლიტიკისა და კანონმდებლობის გამართვას, ასევე, შესაბამისი ინსტიტუციების შესაძლებლობების გაზრდას ემსახურება. ამავდროულად, პროექტის მიზანი საზოგადოებაში არსებული ნეგატიური გენდერული სტერეოტიპების, სოციალური ნორმებისა და დამოკიდებულებების შეცვლა, ქალთა უფლებების მხარდაჭერა და გენდერული თანასწორობის ხელშეწყობაა. გენდერული ძალადობის წინააღმდეგ 16-დღიანი საერთაშორისო კამპანია 1990-იანი წლების დასაწყისიდან აღინიშნება. იგი მიზნად საზოგადოებრივი ცნობიერების ამაღლებასა და გენდერული ძალადობის მსხვერპლთა მიმართ სოლიდარობის დემონსტრირებას ისახავს. წელს კამპანია მთავარ აქცენტს იმ „ჩრდილოვან პანდემიაზე“ აკეთებს, რომელიც COVID-19-ის გავრცელებას მოჰყვა: გადაადგილების შეზღუდვისა და იზოლაციის დაწყებისთანავე ქალებისა და გოგოების მიმართ ყველა სახის ძალადობის, განსაკუთრებით, კი ოჯახში ძალადობის შესახებ შეტყობინებების რაოდენობ აგაიზარდა. გაეროს ქალთა ორგანიზაცია უერთდება ძალადობა გამოვლილ ადამიანებს, აქტივისტებს, გადაწყვეტილების მიმღებ პირებს, გაეროს სისტემასა და ყველა სოციალური ფენის წარმომადგენლებს, რათა უფრო ცხადად გამოკვეთოს, თუ რაოდენ საჭიროა დაფინანსება, აუცილებელი მომსახურებები, პრევენცია და მონაცემები, რომელთა მეშვეობით, ქალებისა და გოგოების მიმართ ძალადობაზე მეტად ინფორმირებული რეაგირება ... ...

არქივი

ტესტები

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ ყველაზე, ყველაზე...

იცი თუ არა გეოგრაფია

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

კარმიდამო ჩემი

"შერეული მეურნეობა მცირემიწიანთათვის საუკეთესო გამოსავალია"

შოთა მახარაძე ოზურგეთის მუნიციპალიტეტის, სოფელ...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...