ღვინის დაყენების წესი და ოჯახური მარანი

ჩვენი რჩევები

ღვინის დაყენების წესი და ოჯახური მარანი

2014 ოქტ 30 12:56:03

ჩვენ სხვადასხვა პუბლიკაციებში არაერთხელ გვისაუბრია გურიის მევენახეობის წარსულსა და აწმყოზე, მომავლის პერსპექტივაზე და ამას შემდგომშიც გავაგრძელებთ, ახლა კი მოსავლის აღებისა და ღვინის დაყენების დროა და ამაზე გვინდა მკითხველის ყურადღება შევაჩეროთ. ვფიქრობ, ჩვენი რჩევები მათთვის განსაკუთრებით საჭირო და სასარგებლოა.

მიმდინარე წელი ჩვენი რეგიონის მევენახეობისთვის უმძიმესი იყო _ ჯერ, გაზაფხულზე, ვაზის ახლად გამოსული ყლორტები ყინვამ საგრძნობლად დააზიანა. ზაფხულის დასაწყისში ძლიერმა ქარმა და ალაგ-ალაგ სეტყვამაც სერიოზული ზიანი მოიტანა. ამას ზედ დაერთო სოკოვან ავადობათა და მავნებლების გავრცელებისთვის ხელსაყრელი კლიმატური პირობები. შედეგად, წელს გურიაში ყურძნის მოსავალი საგრძნობლად მცირეა.

ახლა მთავარია, რაც მოვიწიეთ, შემოვიტანეთ სხვა რეგიონებიდან თუ ბაზარზე შევიძინეთ, სწორად, შეძლებისდაგვარად ტექნოლოგიური რეჟიმის დაცვით გადავამუშავოთ და ხარისხიანი ღვინო დავაყენოთ.

მევენახეობის ყველა ქვეყანაში და მათ შორის, საქართველოშიც მეღვინეობის საფუძველს წარმოადგენს ოჯახური მარანი.

გურიაში მევენახეობის კულტურის დაკნინებამ, ადგილობრივი ხარისხიანი ენდემური ჯიშების ჩანაცვლებამ უცხოური დაბალი ღირსების ჰიბრიდებით, მეღვინეობის დონეზეც იქონია მავნე ზეგავლენა. ამას დაემატა ყურძნის რაოდენობრივი სიმცირეც. ამასთან, ოჯახურ მარნებში ხშირად უგულვებელყოფილია ღვინის დაყენება-შენახვა-დავარგების ელემენტარული წესები. ყოველივე ამის შედეგია, რომ სამწუხაროდ, დღეს ბევრ გურულ ოჯახში დაბალი ხარისხის ღვინოს აყენებენ, ხშირია ფალსიფიკაციის შემთხვევები.

მსურს, რამდენიმე რჩევა მივცე ამ საქმით სერიოზულად დაინტერესებულ ადამიანებს.

ყურძენი უნდა დაიკრიფოს მშრალ ამინდში, დილის ნამის შეშრობის შემდეგ. სასურველია, რთველის დაწყების წინა დღეები მზიანი იყოს, რაც თავიდან აგვაცილებს მარცვალში ზედმეტი წვენის დაგროვებას. კრეფის დროს, რამდენადაც ეს შესაძლებელია, მტევანს მაშინვე მოვაშოროთ უმწიფარი, დამპალი, ავადმყოფობისგან, ჩიტებისგან, მწერებისგან და ა. შ. დაზიანებული ნაწილები. კრეფისა და მარნამდე ტრანსპორტირებისას გამოვიყენოთ ხის ან პლასტმასის ჭურჭელი. მეტალის ჭურჭლის გამოყენება უარყოფითად მოქმედებს ღვინის ხარისხზე.

დაკრეფის, ჭურჭელში მოთავსების და მარნამდე ტრანსპორტირების დროს ყურძენი გარკვეულწილად ზიანდება. ამ დროს მოსალოდნელია ძმარმჟავა ბაქტერიების გააქტიურება, ამიტომ ყურძენი იმ დღესვე უნდა დაიჭყლიტოს. ადრე ყურძენი ხის საწნახელში ტრადიციულად ფეხითაც იჭყლიტებოდა, დღეს კი უმეტესად ხელის მექანიკური საჭყლეტი გამოიყენება. დაჭყლეტილი ყურძნის მთლიანად ან ნაწილობრივ ჭაჭაზე დადუღების შემთხვევაში, საჭიროა კლერტების მოშორება, რადგან აღმოსავლეთ საქართველოსგან განსხვავებით, დასავლეთ საქართველოში კლერტი ვერ ასწრებს მომწიფებას, რაც საბოლოოდ აუარესებს ღვინის ხარისხს.

ყურძნის დაჭყლეტის შემდეგ საჭიროა, გაიზომოს ტკბილის შაქრიანობა _ იგი არ უნდა იყოს 18 %-ზე ნაკლები. ალკოჰოლური დუღილი უმნიშვნელოვანესი პროცესია. დუღილის პროცესის კონტროლი და სწორად წარმართვა გადამწყვეტია ხარისხიანი ღვინის მისაღებად.

ტკბილის ჭაჭასთან ერთად დუღილის შემთხვევაში საჭიროა მისი დარევა დღეში არანაკლებ სამ-ოთხჯერ. დარევებს შორის შუალედი თანაბრად უნდა იყოს განაწილებული დღე-ღამის განმავლობაში. წინააღმდეგ შემთხვევაში არის საშიშროება, რომ მადუღარი ტკბილის ამოტივტივებულ ჭაჭაზე ძმარმჟავა ბაქტერიები გამრავლდეს, რაც საბოლოოდ უარყოფითად აისახება ღვინის ხარისხზე.

ძალიან მნიშვნელოვანია ტემპერატურული რეჟიმის დაცვა. დღეს ოჯახებში დაწურული ღვინოების დიდი ნაწილი ბოლომდე დაუდუღარია, რაც სხვა ფაქტორებთან ერთად, მნიშვნელოვანწილად სწორედ ტემპერატურული რეჟიმის დარღვევითაა გამოწვეული. დუღილის ოპტიმალურ ტემპერატურად ოჯახურ პირობებში უნდა მივიჩნიოთ 20-24 გრადუსი. დუღილის კონტროლი ხდება მადუღარი ტკბილის ტემპერატურის გაზომვით (და არა ჰაერის!) ანუ უშუალოდ თერმომეტრით. ტკბილის ტემპერატურა უნდა ვაკონტროლოთ. პირველ დღეებში, აქტიური დუღილის დროს, დიდი რაოდენობით გამოიყოფა სითბო და ნახშირორჟანგი. თუ ტკბილის ტემპერატურა "გაგვექცა" და 30 გრადუსს გადასცდა, აქტიურდებიან ბაქტერიული (ე. წ. მანიტის) მიკრობები, რაც მკვეთრად აუარესებს ღვინის ხარისხს.

37 გრადუსი ტემპერატურა საფუვრების მოქმედებას კრიტიკულ მდგომარეობაში აყენებს, ხოლო 40 გრადუსზე საფუვრების ბაქტერიები კარგავენ ქმედუნარიანობას და დუღილი ჩერდება. ოჯახურ პირობებში დუღილის ტემპერატურის დასაწევად საჭიროა სათავსის აერაცია, ასევე ხშირი დარევა, რადგან ზედაპირზე მოტივტივე ჭაჭა ერთგვარი თერმოიზოლატორის როლს ასრულებს და სითბოს ტკბილში "აკავებს."

5-7 დღის შემდეგ, აქტიური დუღილი მთავრდება. თუ გარემოს ტემპერატურა დაბალია, უკვე ტკბილის ტემპერატურის ქვედა ზღვარი უნდა ვაკონტროლოთ. ამისთვის საჭიროა სათავსის დათბუნება. უნდა ვეცადოთ, მადუღარი მასის ტემპერატურა 15 გრადუსის ქვემოთ არ ჩამოვიდეს, თორემ შეიძლება დუღილი შეჩერდეს. ამ დროს ღვინო დაიწმინდება და იქმნება შთაბეჭდილება, რომ დუღილი დამთავრდა. სინამდვილეში კი მასში დარჩენილია სპირტად გარდაუქმნელი შაქრების გარკვეული რაოდენობა. ასეთი ღვინო ბოლომდე არ იწმინდება, მიდრეკილია ავადმყოფობებისკენ და დაბალი გემური თვისებებით გამოირჩევა.

დუღილის დამთავრებისთანავე ან ცოტა უფრო ადრეც, ღვინის ჭურჭელი ბოლომდე უნდა შევავსოთ, რათა თავიდან ავიცილოთ ჟანგვითი პროცესები. როდესაც იგი დაიწმინდება, უნდა გადავიღოთ. პირველი გადაღება _ როგორც წესი, ნოემბერში ან დეკემბრის პირველ რიცხვებში ხდება. ამის შემდეგ ღვინო უნდა მოთავსდეს რაც შეიძლება დაბალ ტემპერატურაზე, რათა გამოილექოს მასში არსებული ღვინომჟავასა და სხვა მჟავების გარკვეული რაოდენობა. ამით ღვინო თავისუფლდება ზედმეტი სიმჟავისგან და უმჯობესდება მისი გემური თვისებები.

გარდა ამისა, ახლადდადუღებული ღვინო გაჯერებულია დუღილის პროცესში გამოყოფილი ნახშირორჟანგით, რომელიც გადაღებისას შორდება და ხდება მისი დოზირებულად ჩანაცვლება ჟანგბადით, რაც აუმჯობესებს მის თვისებებს.

მესამე გადაღება უნდა გახორციელდეს ადრე გაზაფხულზე, აუცილებლად სითბოს დადგომამდე. წინააღმდეგ შემთხვევაში ჭურჭლის ფსკერზე და კედლებზე გამოლექილი მჟავების კრისტალები სითბოს მოქმედებით ისევ გაიხსნებიან ღვინოში და გააუარესებენ მის ხარისხს.

საჭიროების შემთხვევაში (მაღალი მჟავიანობა, ზედმეტი სიმღვრიე და სხვა) ოჯახურ პირობებში დასაშვებია გაზაფხულამდე ანუ მესამე ძირითად გადაღებამდე მოვახდინოთ ე. წ. შუალედური გადაღება. გაზაფხულის გადაღების შემდეგ სასურველია, ღვინო-მასალა შევინახოთ სიგრილეში, სარდაფის პირობებში, 15 გრადუს სითბოში ან ქვემოთ. დაძველების შემთხვევაში შემდეგი გადაღებები ხდება წელიწადში ერთხელ, სექტემბერში.

ოჯახურ მარნებში ხშირად უგულვებელყოფილია გოგირდის დიოქსიდის გამოყენება, რაც დაუშვებელია. გოგირდის ზომიერი ხრჩოლება ღვინის ჭურჭელში ჯერ ერთი, საჭიროა მისი დეზინფექცირებისათვის. ასევე მნიშვნელოვანია, რომ იგი ხელს უწყობს ღვინის სტაბილიზაციის პროცესს და აუმჯობესებს მის გემურ თვისებებს.

დღეს სპეციალიზირებულ მაღაზიებში იყიდება პირდაპირ ღვინოში გასარევი გოგირდის შემცველი ნივთიერება ფხვნილების ან თხიერი სახით. ამ მაღაზიებში დაინტერესებული პირები მიიღებენ კონსულტაციასაც მისი გამოყენების, დოზების და ა. შ. შესახებ. ტრადიციულად ხრჩოლების შემთხვევაში კი უნდა გამოვიყენოთ სუფთა (წყალში უხსნადი და არა კოლოიდური) გამდნარ გოგირდში ამოვლებული ქაღალდის ფილები _ სამი გრამი 100 ლიტრი ტევადობის ჭურჭელზე. ხრჩოლება უნდა მოხდეს ჭურჭლის გარეცხვისთანავე, მისი შიდა ზედაპირის გაშრობამდე.

ღვინის შესანახად ოჯახურ პირობებში, როგორც წესი, გამოიყენება თიხის, ხის, მინის ან მომინანქრებული ჭურჭელი. უნდა მოვერიდოთ პლასტმასს. ყველას ტრადიციული ქვევრი სჯობს, მაგრამ ეს ცალკე თემაა და მის შესახებ მომავალში ვისაუბრებთ.

ანდრო ვაშალომიძე,
ა(ა) იპ ფერმერული მეურნეობის განვითარების ცენტრის სპეციალისტი, ასოციაცია "გურული ვაზის" გამგეობის თავმჯდომარე




 ახალი ამბები
  • „საქართველოს რეგიონული მედიის ასოციაცია“ ლაშა ზარგინავას მხარდამჭერ განცხადებას ავრცელებს„საქართველოს რეგიონული მედიის ასოციაცია“ აჭარის ავტონომიური რესპუბლიკის უმაღლესი საბჭოს დეპუტატებს ღია წერილით მიმართავს. „საქართველოს რეგიონული მედიის ასოციაცია“ ყურადღებით აკვირდება ბოლო პერიოდში საზოგადოებრივი მაუწყებლის აჭარის ტელევიზიის ირგვლივ განვითარებულ მოვლენებს. საზოგადოებრივ მაუწყებლის აჭარის ტელევიზიასა და რადიოში მრჩეველთა საბჭოს მეხუთე წევრის ასარჩევად ემზადება. მეხუთე წევრის არჩევა განსაკუთრებით მნიშვნელოვანია დღეს, როდესაც დირექტორის არჩევას კრიტიკული შეფასებები მოჰყვა, როგორც არასამთავრობო სექტორის, ასევე თავად ჟურნალისტების მხრიდან. გამოცხადებულ კონკურსში ბევრი ღირსეული კანდიდატი მონაწილეობს, თუმცა მიგვაჩნია, რომ ლაშა ზარგინავას კანდიდატურა განსაკუთრებულ მხარდაჭერას იმსახურებს. იგი ერთადერთი ჟურნალისტია იმ 9 კანდიდატს შორის, რომელიც ამჟამად საზოგადოებრივ მაუწყებელში მუშაობს. შესაბამისად, არსებულ პრობლემებსა და გამოწვევებს კარგად იცნობს. ლაშა ზარგინავა არის პროფესიონალი, წარმატებული და პრინციპული ჟურნალისტი, რაც არაერთხელ დაუმტკიცებია თავისი მრავალწლიანი პროფესიული საქმიანობით. დარწმუნებული ვართ, ის აუცილებლად იქნება საბჭოში ჟურნალისტების ინტერესების დამცველი და ობიექტური წევრი. ამდენად, მზად ვართ მხარი დავუჭიროთ აჭარის საზოგადოებრივი ტელევიზიის ჟურნალისტს და “მთავარი აჭარაში“ წამყვანს ლაშა ზარგინავას აღნიშნულ კონკურსში“,_ წერია გავრცელებულ ... ...
  • ვინ არის რუსეთში მოკლული ოზურგეთელი ახალგაზრდა რუსეთში მოკლული ახალგაზრდა ოზურგეთელი მამუკა დარჩია არის. ის დაახლოებით 20 წელზე მეტია მოსკოვში ცხოვრობდა მშობლებთან ერთად. როგორც   მამუკა დარჩიას მეგობარი გვეუბნება,  ის კეთილშობილი ადამიანი იყო. “რამდენიმე წელი ბაილეთის საშუალო სკოლაში სწავლობდა, შემდეგ მშობლებთან ერთად რუსეთში წავიდა, “_ გვითხრა რესპონდენტმა. გარდაცვლილის ჩამოსვენება საქართველოში სავარაუდოდ ორ დღეში ... ...
  • უვარგისი ხორცი საბავშვო ბაღებისთვის: რატომ არ დაიწერა კრიტიკულ შეუსაბამობაზე ოქმიოზურგეთის მუნიციპალიტეტის სოფელ დვაბზუში მდებარე სასაკლაოში აღმოჩენილი ვადაგასული  ხორცის  გამო,  კომპანია "სოფოს"  1000 ლარიანი ჯარიმა დაეკისრა. თუმცა, მას შემდეგ, რაც უვარგისი ხორცის გამო, ქვეყნის მასშტაბით განგაში ატყდა, მალევე ამოტივტივდა  „სიტუაციის  დაცხრომის“ სურათი_ ტონაზე მეტი  ვადაგასული ხორცის გამო, არ დაწერილა კრიტიკული შეუსაბამობის  ოქმი. კომპანიას მხოლოდ ჯარიმა  აკმარეს.  ამასთანავე, დიდი კითხვის ნიშანი დაისვა სურსათის  ეროვნული  სააგენტოს  სამმართველოს  გურიის რეგიონული ცენტრის უფროსის,  მანანა ერქომაიშვილის  განცხადების გამო,  რომ  ხორცი აჭარის ბაღებისთვის იყო განკუთვნილი და ბათუმში უნდა გაეტანათ. _შპს  „სოფო“ ამარაგებს აჭარისა და ოზურგეთის საბავშვო  ბაღებს.  ამ შემთხვევაში აღმოვაჩინეთ  ტონაზე მეტი ვადაგასული ხორცი,  რომელიც არ იყო  დამუშავებული, მისთვის  არ იყო მოშორებული  რისკის შემცველი ნაწილები და  ეტიკეტის და საბუთების გარეშე  იყო დასაწყობებული.   მეორე   დილით უნდა შესულიყო აჭარის საბავშვო ბაღებში, მხოლოდ პროდუქციის ნაწილზეა ეტიკეტი, რომელიც  4 დეკემბრითაა  დათარიღებული. ხოლო  რომელიც უფრო ახალი ჩანდა,  იმას არ ჰქონდა ჯანმრთელობის ნიშანდება.  ჩემთვის ჯანმრთელობის ნიშანდების გარეშე,  ხორცი არის საკვებად უვარგისი, _ გვითხრა ერქომაიშვილმა.  _ქალბატონო მანანა, საზოგადოებაში აქტიურია კითხვა,  კრიტიკული შეუსაბამობის გამო ოქმი რატომ არ დაიწერა? _  კრიტიკულ შეუსაბამობებს აქვს ჩამონათვალი, როდის არის საჭირო ასეთი ოქმის დაწერა. ამ შემთხვევაში არ ყოფილა  კრიტიკული შეუსაბამობა. გეუბნებით,  კრიტიკულ შეუსაბამობას სხვა ჩამონათვალი  აქვს.  ფორმალობის გარეშე იყო შემოტანილი და ამის გამო იყო სხვა საჯარიმო მუხლები დარღვეული ,  _   ეტიკეტირების წესი, ხორცი ვადაგასული იყო.  ამ ეტაპზე დალუქულია ხორცი და მიმდინარეობს  გამოძიება. _როცა ხორცი,  ლამის, დეფიციტია,  არის თუ არა გასაკვირი,   ამდენ ხორცს ვინ იმეტებს გასაფუჭებლად და რატომ? _ ეტყობა, აგროვებდა მაცივარში. გითხარით,  მხოლოდ ერთ ნაწილზე იყო შერჩენილი  ეტიკეტი, იკითხებოდა ვადა , 4 დეკემბერი დ 6 დეკემბერს უკვე ვადა ჰქონდა გასული.   _როცა  თქვენ მიერ გაჟღერდა,  რომ  ხორცი  ბათუმისთვის იყო განკუთვნილი,   ამის გამო,    განსაკუთრებით,  ბათუმში გაღიზიანდნენ. ნახავდით, ფეისბუკსივრცეში წერენ, რა იცოდა რომ ბათუმში მიჰქონდათ და არა ჩხოროწყუშიო... _ როგორც ბიზნესოპერატორმა თქვა, ეს ხორცი მიჰქონდათ ბათუმის ზოგიერთ საბავშვო ბაღში. იმიტომ, რომ შპს „სოფო“  ყველა ბაღს არ ამარაგებს. შპს „სოფო“ არის დამფასოებელი და შპს „მანუჩარს“ შეაქვს ბაღებში. ხელშეკრულება აქვთ  მათ, ტენდერში გაიმარჯვეს.  ჩვენი მოგონილი კია რ არის , - გვითხრა ერქომაიშვილმა . თუმცა საზოგადოებაში კვლავ აქტიოურად საუბრობენ იმაზე, რომ ბიზნესოპერატორმა შესაძლოა,  ისიც თქვას,  რომ ეს ხორცი ვარგისი და საუკეთესოა , (ამბობდა კიდეც, როგორც  ვიდეოკადრებში არაერთხელ ნახა საზოგადოებამ) და ჩვენ უნდა გავიმეოროთ?     ... ...
  • თორნიკე გურული: " საქართველოს ისტორიის წიგნი დაწვეს და გაიპარნენ"„სამწუხაროა, რომ ასეთი ფაქტები ხდება. რუსმა ტურისტებმა ჩემს ბინაში საქართველოს ისტორიის წიგნი დაწვეს და გაიპარნენ,“_ წერს ფეისბუქზე ილიას უნივერსიტეტის პროფესორი თორნიკე გურული. „გურია ნიუსთან“ საუბრის დროს თორნიკე გურული ამბობს, რომ წლებია საცხოვრებელ ბინას აქირავებს, რომელიც მსოფლიოს ერთ-ერთ ცნობილ ვებ-გვერდიდან აკეთებენ ჯავშანს ტურისტები. "წიგნი რუსულენოვანი იყო და თამარ მეფის ეპოქას ეხებოდა. აშკარად, არ მოეწონა ჩვენი ისტორია,"_ გვითხრა თორნიკე გურულმა. მისივე თქმით, ბინაში სხვა წიგნებიც იყო, მაგრამ ტურისტმა მაინდამაინც საქართველოს ისტორიის წიგნი დაწვა. ... ...
  • სუს-მა დაცული ტერიტორიების სააგენტოს რეინჯერი დააკავასახელმწიფო უსაფრთხოების სამსახურის ანტიკორუფციული სააგენტოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, ქრთამის აღების ფაქტზე, საქართველოს გარემოს დაცვისა და სოფლის მეურნეობის სამინისტროს სსიპ დაცული ტერიტორიების სააგენტოს რეინჯერი გოჩა ჩ. დააკავეს. გამოძიებამ დაადგინა, რომ გოჩა ჩ-მ საქართველოს მოქალაქეს ბორჯომ-ხარაგაულის დაცული ტერიტორიიდან  500 ტომარა მიწის ნაყოფიერი ფენის უკანონოდ მოპოვების სანაცვლოდ, ქრთამის სახით მოსთხოვა და ორ ნაწილად გამოართვა 3500 ლარი. გამოძიება ქრთამის აღების ფაქტზე მიმდინარეობს (საქართველოს სისხლის სამართლის კოდექსის 338-ე მუხლის 1-ლი ნაწილით, რაც სასჯელის სახით ითვალისწინებს თავისუფლების აღკვეთას ვადით 6- დან 9  წლამდე). გამოძიებას აწარმოებს სახელმწიფო უსაფრთხოების სამსახურის ანტიკორუფციული ... ...

არქივი

ზაფრანი

როგორ ვებრძოლოთ დაღლილობას

თუ ხშირად გრძნობთ დაღლილობას, გტანჯავთ...

ჯენიფერ ლოპესის სილამაზის საიდუმლო

ცოტა ხნის წინ უბერებელმა კინომსახიობმა...

რა დაავადებისგან იცავს ვარჯიში მამაკაცებს

რეგულარული ვარჯიში კონკრეტული დაავადებების რისკს...

დღეში, რამდენი ფინჯანი ყავის დალევა შეიძლება

რამდენიმე თვის წინ ამერიკელმა მკვლევარებმა...

საპარლამენტო არჩევნების რომელ მოდელს უჭერთ მხარს