ვენახის წლევანდელი მოსავლის მოლოდინი და დარჩენილი სამუშაოები

ჩვენი რჩევები

ვენახის წლევანდელი მოსავლის მოლოდინი და დარჩენილი სამუშაოები

2015 სექ 8 19:51:41

წლევანდელი წელი გურიის მევენახეობისთვის საკმაოდ რთული გამოდგა. თავიდან მოსავალს ძალიან კარგი პირი უჩანდა, ვაზმა გაზაფხულზე ბევრი ნასკვი გამოიღო, მაგრამ ყვავილობის ფაზაში მოსულმა წვიმებმა მეტად შეაფერხა დამტვერვის პროცესი და მტევნებიც საკმაოდ გამეჩხერდა. შემდგომში ამას გვალვებიც დაერთო, რამაც მცენარე სტრესულ მდგომარეობაში ჩააყენა და საგრძნობლად დააკნინა. შიგადაშიგ მოსული მცირე ნალექი და ღრუბლიანობა გვალვას არსებითად არ ამცირებდა, ხოლო სოკოვანი ავადობების, პირველ რიგში, კი ჭრაქის გავრცელებისთვის მეტად ხელსაყრელ პირობებს ქმნიდა.

შედეგად მივიღეთ ის, რომ მოსავალი, მთლიანობაში, შემცირდა, მაგრამ, ვინც დროულად და ხარისხიანად ჩაატარა საჭირო აგროტექნიკური ღონისძიებები, პირველ რიგში, კი ფუნგიციდებით წამლობები, მან მთლიანად თუ არა, დიდწილად მაინც შეინარჩუნა მოსავალი და ახლა რთველის მოლოდინშია.

საერთოდ კი, გასულ, მევენახეობისთვის (და არა მხოლოდ მევენახეობისთვის) უმძიმეს წელთან შედარებით, როცა ჯერ გაზაფხულის წაყინვების (უფრო ჩოხატაურის მუნიციპალიტეტში) შემდეგ კი ივნისის დასაწყისში თავს დამტყდარი ქარიშხლის (ოზურგეთის მუნიციპალიტეტში) გამო, გურიის რეგიონი, ფაქტობრივად, ყურძნის მოსავლის გარეშე დარჩა. წლევანდელი წელიწადი კი მაინც საკმაოდ უხვმოსავლიანი იქნება. იმედია, რთველამდე დარჩენილ დროში რაიმე გაუთვალისწინებელი არ მოხდება. ახლა მთავარია, რაც აქამდე მოვიტანეთ, მას ვუპატრონოთ. ამ ეტაპზე მეტი წამლობა, მოსავლის აღების მოახლოების გამო, საჭირო აღარ არის. საერთოდ, ყოველგვარი წამლობები წყდება ვაზის შეთვალების შემდეგ. ერთეულ შემთხვევებში, თუ ამის გადაუდებელი საჭიროება შეიქმნა, ვთქვათ, მკვეთრი კლიმატური ცვლილების გამო, ისევ გაჩნდა ჭრაქის ნაცრის (რაც ნაკლებ სავარაუდოა) ან ამ პერიოდისთვის უფრო დამახასიათებელი ნაცრისფერი და სხვა სიდამპლეების ნიშნები ან რომელიმე მავნებელი გამოჩნდა, მაგალითად, ბოლო წლებში რეგიონში გავრცელებული ფოთლის ქვედა მხარეს მოსახლე თეთრი მწერები-თრიფსები, ასეთ შემთხვევებში შეიძლება შეიწამლოს ვაზის მხოლოდ ის სახეობები, რომლებიც მოსავალს ძალიან გვიან იძლევა (ჩხავერი, ალადასტური). წამლობა უნდა ჩატარდეს არა კომბინირებული ნაზავით, არამედ მხოლოდ მიზანმიმართულად რომელიმე კონკრეტული დაავადების ან მავნებლის წინააღმდეგ და ისიც კონტაქტური (მცენარეში შეღწევის უნარის არმქონე) პრეპარატით.

რაც შეეხება ვაზის მწვანე ოპერაციებს (ზედმეტი ყლორტების შეცლა, ყლორტების წვერის წაწყვეტა, ნამხრევის შეცლა, ცის გახსნა) მათგან მხოლოდ ბოლო, "ცის გახსნა" არის დარჩენილი. ეს ოპერაცია გულისხმობს მტევნებისა და ნაზარდი რქების ჩაყენებას უკეთესი განათებისა და აერაციის პირობებში მათი უკეთ მომწიფების მიზნით. გარდა ამისა, იგი ხელს უწყობს სამომავლო კვირტებში ყვავილედების უკეთ ჩასახვას და ამრიგად, სასიკეთო გავლენას ახდენს შემდეგი წლის მოსავალზე.

მისი შესრულება გულისხმობს ყლორტების წვერის მოცილებას. ამ დროს ყლორტი საკმაოდ გახევებულია. ამიტომ ეს სამუშაო, როგორც წესი, სასხლავი მაკრატლით სრულდება.

"ცის გახსნის" ჩატარების საუკეთესო დროა ვაზის ზრდის შეჩერების პერიოდი _ აგვისტოს შუა რიცხვები ან მისი მეორე ნახევარი.

ანდრო ვაშალომიძე, ა(ა)იპ ფერმერული მეურნეობის განვითარების ცენტრის სპეციალისტი, ასოციაცია "გურული ვაზის" თავმჯდომარე




 ახალი ამბები
  • მაშველებმა ცაგერში შველი გადაარჩინესმოქალაქეებმა ცაგერში, მდინარე ცხენისწყლის წყალსაცავში ჩავარდნილი შველი შენიშნეს, რომელიც ნაპირზე ამოსვლას ვერ ახერხებდა. მათ დახმარებისთვის საზოგადოებრივი უსაფრთხოების მართვის ცენტრ "112"-ში  დარეკეს.ადგილზე მისულმა მაშველებმა დროულად შეძლეს წყალში ჩავარდნილი ცხოველის ამოყვანა, თუმცა ნახეს, რომ შველს სხეულზე რამდენიმე ადგილას დაზიანება აღენიშნებოდა, რის გამოც, ვეტერინარი გამოიძახეს. სპეციალისტმა ცხოველს სამედიცინო დახმარება ადგილზევე აღმოუჩინა და მისი სიცოცხლის გადარჩენა მოხერხდა.შემთხვევის ადგილზე, ასევე, მობილიზებულები იყვნენ გარემოს დაცვის ეროვნული სააგენტოს ... ...
  • კორონავირუსით გარდაცვლილი ადამიანი ყველა წესის დაცვით დაიკრძალა _ ბოლნისის მერიბოლნისის მუნიციპალიტეტის მერის, დავით შერაზადიშვილის განცხადებით, კორონავირუსით გარდაცვლილი ბოლნისის მკვიდრის დაკრძალვაზე ყველა ის წესი იყო გათავლისწინებული, რომელიც სახელმწიფო რეგულაციით არის განსაზღვრული. ამის შესახებ მერმა „მაესტროს“ ეთერში განაცხადა. „მედიკოსებმა კარდაკარის პრინციპით მოსახლეობის სამედიცინო შემოწმება უკვე დაასრულეს. სკრინინგი 48 ათას მოქალაქეს ჩაუტარდა, კორონავირუსი ჩვენს მუნიციპალიტეტში 8 ადამიანს დაუდასტურდა, აქედან ერთი, სამწუხაროდ, გარდაიცვალა. 208 ადამიანი თვითიზოლაციაში იმყოფება, 37 _ კარანტინში“, - აღნიშნა ბოლნისის მერმა. მისივე თქმით, განმეორებითი სკრინინგი ქვემო ბოლნისში ჩატარდება, სადაც კორონავირუსის ყველაზე მეტი შემთხვევა არის დაფიქსირებული. მარნეულისა და ბოლნისის მუნიციპალიტეტები მკაცრ საკარანტინო რეჟიმზე მას შემდეგ გადავიდა, რაც მარნეულში კორონავირუსით ქალი დაინფიცირდა, რომლის ინფიცირების წყაროს დადგენაც ვერ მოხერხდა. საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრომ და დაავადებათა კონტროლის ეროვნულმა ცენტრმა, კორონავირუსის დიაგნოზით გარდაცვლილი ადამიანების დაკრძალვის რეკომენდაციები 25 მარტს ... ...
  • 25 წელი ეპისკოპოსად კურთხევიდან და თაფლი საჩუქრად მრევლს დღეს, 7 აპრილს, ხარების დღესასწაულზე, ოზურგეთის ღვთისმშობლის მიძინების სახელობის საკათედრო ტაძარში ზიარების შემდეგ მრევლს თაფლი დაურიგდა. საჩუქარი მრევლმა შემოქმედელი მიტროპოლიტი იოსების კურთხევით მიიღო. "ეს ის მცირედია, რითაც გვინდოდა, გაგვეხარებინეთ. ისეთ სიტკბოებას გისურვებთ ცხოვრებაში, როგორი ტკბილიც თაფლია", _ მიმართა მეუფე იოსებმა მრევლს. 25 წლის წინ 7 აპრილს მიტროპოლიტი იოსები შემოქმედის ეპარქიის ეპისკოპოსად ... ...
  • პრეზიდენტმა 9 მსჯავრდებული ქალი შეიწყალასაქართველოს პრეზიდენტმა ხარების დღესასწაულთან დაკავშირებით შეწყალების აქტი გამოსცა და 9 მსჯავრდებული ქალი შეიწყალა.ყველა მსჯავრდებულს ერთი, ან მეტი არასრულწლოვანი შვილი ჰყავს, მათ მიერ ჩადენილი დანაშაულები კი, ძალადობრივ დანაშაულთა კატეგორიას არ განეკუთვნება. ცხრავე მსჯავრდებული პენიტენციურ დაწესებულებას დღესვე ... ...
  • კორონავირუსი მოსახდელი დაავადებაა და აუცილებლად ყველამ უნდა მოიხადოს _ ლევან რატიანიკორონავირუსი მოსახდელი დაავადებაა და აუცილებლად ყველამ უნდა მოიხადოს, – ამის შესახებ თბილისის პირველი საუნივერსიტეტო კლინიკის დირექტორმა ლევან რატიანმა განაცხადა. „ჩვენი კლინიკა განსხვავდება სხვა კლინიკებისგან, ჩვენ არა მარტო ვმკურნალობთ პაციენტებს, არამედ ვიღებთ და გავცემთ ინფორმაციას ამ დაავადებების შესახებ. ერთი რამ შემიძლია გითხრათ, ჩვენთვისაც, მსოფლიოში წამყვანი მეცნიერებისთვის ამ ვირუსის სტრატეგია არის უცნობი. მხოლოდ და მხოლოდ ვიცით ერთ რამ – ეს მოსახდელი დაავადებაა, აუცილებლად უნდა მოიხადოს ეს ვირუსი კაცობრიობამ, 80 პროცენტმა აკლინიკური ფორმით, 20 პროცენტმა – საშუალო, მძიმე და კრიტიკული ფორმით. იცით, რომ „ბეცეჟე ვაქცინაციის“ შესახებ როგორი ბუმია სამყაროში წამოსული. ჩვენს ქვეყანას გაუმართლა კალენდარულ აცრებთან დაკავშირებით. ძალიან დიდი იმედი მაქვს, რომ ჩვენი ქვეყანა მსუბუქად გადაივლის ამ პანდემიას. ჩატარებულია „ბეცეჟე ვაქცინაცია“, რაც დაავადებათ კონტროლის ცენტრის დიდი დამსახურებაა“, – განაცხადა ლევან ... ...

არქივი