"სასწრაფოდ მიხედეთ პლანტაციებს!"

ჩვენი რჩევები

"სასწრაფოდ მიხედეთ პლანტაციებს!"

2017 თებ 18 17:56:07

მიუხედავად იმისა, რომ საკმაოდ ბევრი იწერება თხილის მავნებლებთან და სხვადასხვა დაავადებებთან ბრძოლის აუცილებლობის შესახებ, ჩვენში მოსახლეობა მაინც ნაკლებ ყურადღებას უთმობს პლანტაციების მოვლას და ძირითადად, მოსავლის აღების დროს მიაკითხავენ ხოლმე თხილის ბაღებს.

ბოლო პერიოდში, არა ერთი მავნებლის და დაავადების არსებობის მიუხედავად, გურიაში თხილის კულტურას სასტიკად შეუტია მეგალე ტკიპამ, რომელიც ძალზე მცირე ზომის მავნებელია, (საშუალოდ 0, 5 მმ ზომის) და პირდაპირ სანაყოფე კვირტზე "ნადირობს".

დღეისთვის თხილის ჯერ კიდევ გაუკვირტავ პლანტაციებში საშიში სურათი იკვეთება _ თხილის ტოტებზე უამრავი დაბერილი ბურთი მოჩანს, რომელიც მოსახლეობის უმრავლესობას, სამწუხაროდ, თხილის ყვავილობა ჰგონია.

გულნაზ კირკველია, ოზურგეთი: _ თხილის ხეებს რომ შევხედე, გამიხარდა, ადრიანად გაკვირტულა და კარგი მოსავალი უნდა მოვიდეს,-მეთქი. რომ გავიგე, ეს ნახევრად გაშლილი, წითლად შეფერილი კვირტი, თურმე, მავნებელია, სადაც 30 ათასამდე ტკიპა ბუდობს, გავგიჟდი! თხილის ხეები ასეთი ბურთებითაა სავსე. ეს წითელი ყვავილის მსგავსი ბურთულა ადრეულ წლებშიც შემინიშნავს, მაგრამ მაშინაც თხილის კვირტი მეგონა და ყურადღებას არ ვაქცევდი. ახლა ისეთი რაოდენობითაა, შემეშინდა! ფაქტობრივად, მოსავალი აღარ იქნება, თუ ხეზე დარჩა ეს მავნებელი! სასწრაფოდ გვჭირდება დახმარება. ყველაფერს ვიღონებ, რომ ეს კვირტები ფიზიკური საშუალებითაც მოვაშოროთ ტოტებს. კარგი იქნება, თუ "გურია ნიუსი" ხშირად მოგვაწვდის ინფორმაციას, როგორ ვიმოქმედოთ.

ნუნუ სალუქვაძე, ოზურგეთი, ლიხაური: _ მე, კარგა ხანია, ჩავდივარ თხილებში და ხელით ვაცლი ამ დაბერილ კვირტებს. ვის სჯეროდა, რომ ეს მავნებელი ასეთი სასტიკი იყო და თან ასე მომრავლდებოდა _ თხილის მოსავლის მესამედი არ დაუტოვა ხალხს. ზოგს ეცინება, რომ ხელით ვაშორებთ კვირტებს, თუმცა, ჭკვიან და მცოდნე ადამიანებს უნდა დავუჯეროთ და ვიდრე ქიმიურ საშუალებას ვიხმართ, ხელიც უნდა შევაშველოთ. დღეში 50 ძირ თხილს მაინც გააცლი ასეთ კვირტებს. წარმოიდგინეთ, რამდენი კვირტიცაა, იმდენი 35 ათასი ტკიპაა, რომელიც უდანაკარგოდ მრავლდება და "მუშაობს" სანაყოფე კვირტებზე! ეს საშინელებაა! რომ დაუკვირდები, მიხვდები, რომ ამ მავნებელს თუ წავუყრუებთ, შესაძლოა, პირიდან ლუკმა გამოგვაცალოს!

ნუგზარ ანთიძე, სოფელი ჭანიეთი: _ თვალს არ ვუჯერებ, იმდენი მავნებელია თხილის ხეებზე. კი შევაცლი, მაგრამ კარგი იქნება თუ ხელისუფლება დაეხმარება ხალხს თხილის პლანტაციების შეწამვლაში.

ავთანდილ კალანდაძე, სოფელი ჭანიეთი: _ თხილის პლანტაცია შემოვიარე და შევაგროვე კვირტები, რომლებიც დაბერილია და და გეგონება, ეს-ესაა წითლად გაიშლება. დიდი ხანია, თხილის მოსავალს ვიღებ, მაგრამ ასეთ კვირტებს აქა-იქ თუ ვნახულობდი. ახლა ვაკვირდები, "ბერძულ" და "თითება" თხილის ჯიშებზე უფრო მასობრივად არის მოდებული, ვიდრე ველურსა და "გულშიშველაზე".

რაც უფრო მეტ ინფორმაციას მიიღებს ფერმერი, ალბათ, მეტად შეებრძოლება ამ სასტიკ მავნებელს, რომელმაც გასულ წელს თხილის მოსავალი გაანახევრა და ხალხს ჯერ კიდევ უბრალო მავნებელი ჰგონია, რომელიც ბევრს ვერაფერს დაუშავებს თხილის კულტურას. გასულ წელს თხილის მიზერული მოსავლის გამო, მოსახლეობაში ხშირად გაიგონებდით იმასაც, რომ თხილის მავნებლის ასეთი ხშირი შემოტევა დივერსიის ნაწილია, მიზანმიმართულად "ვიღაცის შემოგდებული" .

_ ყველანაირ აზრს აქვს არსებობის უფლება, თუმცა, ეს უფრო თავის მართლებას ჰგავს, როცა თხილს მარტო შემოდგომაზე მიაკითხავ მოსაკრეფად და მანამდე, არ დაინტერესდები, რა უჭირს, იქ მისვლას უკვე მეგალე ტკიპაც გასწრებს და სხვა მავნებელიც! თხილის კულტურის მოვლის კულტურა ჯერ კიდევ არ აქვს ათვისებული ჩვენს მოსახლეობას! _ ამბობს "გურია ნიუსთან" ფერმერი მამუკა ჩიხლაძე, რომელმაც თხილის ნერგები გურიიდან იმერეთში წაიღო, თითოეულ ძირს, როგორც თვითონ აღნიშნავს, შვილივით უვლის და უკვე მეექვსე წელია, უდანაკარგო მოსავალს იღებს.

_ ახლა, როცა ფერმერს და გლეხს შედარებით ნაკლები სამუშაო აქვს თავის საკარმიდამო მეურნეობაში, ადვილი შესაძლებელია, მეგალე ტკიპისგან დაზიანებული კვირტების შეგროვება და მისი სასწრაფოდ დაწვა.

მეგალე ტკიპა თხილის კულტურას განადგურებით ემუქრება! სასწრაფოდ მიხედეთ პლანტაციებს! საკუთარი ძალებით მოსპობთ ამ საშიშ მავნებელს და ეს შესაძლებელია ძალზე ადვილად _ მთავარია, არ დაიზაროთ! ფიზიკური მეთოდის გამოყენება ყველაზე საიმედოა იმ მეთოდებს შორის (მაგალითად, ქიმიური), რომლითაც ბრძოლას აპირებს ფერმერი. წარმოიდგინეთ, ერთ კვირტში არის 35 ათასი ცალი ტკიპა! ყველა სხვადასხვა დროს გამოდის დაზიანებული კვირტიდან! რამდენჯერ უნდა შეწამლო, რომ ცალ-ცალკე მოსპო? ამიტომ სჯობს ფიზიკურ-მექანიკური მეთოდითაც შეუსვენებლად ვებრძოლოთ, _ გვეუბნება ბიოლოგიურ მეცნიერებათა დოქტორი ანგელინა ნიკოლაიშვილი, _ შევახსენებ ყველა ოჯახს, ყველა ფერმერს, რომ ამჟამად ყველგან, ყველა თხილის პლანტაციაში მცენარეზე დიდი რაოდენობითაა მოზრდილი, გაფურჩქნული, ყვავილისმაგვარი, დეფორმირებული კვირტები.

ჩვენი აღრიცხვით, არა ერთ პლანტაციაში ასეთი დეფორმირებული კვირტების რიცხვი, სულ ცოტა 37%-ია, ეს კი საშიში ზღვარია! არ დაიჯერა ხალხმა გასულ წლებში ჩვენი განგაში! შედეგი სახეზეა _ მეგალე ტკიპა მოედო პლანტაციებს! დეფორმირებულია მდედრობითი კვირტები, რომლებმაც ნაყოფი უნდა მოგვცეს!

მეგალე ტკიპა მხოლოდ მდედრობით კვირტში თავსდება და მას აზიანებს, კვირტი საბოლოოდ ხმება და მოსავალი ძალიან მცირდება. ტკიპა ვერაგია, ის ფარულ ცხოვრებას ეწევა და გარეთ გამოდის მეორე კვირტის დასაზიანებლად, თან ეს სხვადასხვა დროს ხდება და თითქმის მუსრს ავლებს მცენარეს. შხამი ვერ აღწევს ღუდუდოების ნაპრალებში. ამიტომ არის გაძნელებული მასთან ქიმიური მეთოდით ბრძოლა, დაიხმარეთ ხელები! ებრძოლეთ მავნებელს ფიზიკურად!

ოზურგეთის მუნიციპალიტეტის გამგეობის ეკონომიკის და სოფლის მეურნეობის სამსახურის უფროსი გიგა ხარაბაძე "გურია ნიუსთან" ამბობს, რომ სოფლის მეურნეობის სამინისტრომ აამუშავა სპეციალური პროგრამა, რომლის მიხედვით, მოსახლეობის საკუთრებაში მყოფი თხილის ფართობების შეწამვლა მოხდება: _ გამგებლის წარმომადგენლებს სოფლებში დაევალათ სიების შედგენა, ვინ რა რაოდენობის თხილის პლანტაციის ფართობს ფლობს. გაზაფხულზე მოხდება ამ თხილის ფართობების შეწამვლა სპეციალური საშუალებებით, რომელსაც მოსახლეობა უფასოდ მიიღებს, _ გვითხრა ხარაბაძემ.




 ახალი ამბები
  • საპენსიო სქემაში 900 ათასზე მეტი ადამიანი არის ჩართული (R)საპენსიო სქემაში პირველი იანვრიდან დღემდე 923,258 ადამიანი გაწევრიანდა, საიდანაც 746,829 კერძოზე, ხოლო საჯარო სექტორზე 215,676 მოდის. აღსანიშნავია, რომ სისტემაში 59,379 ათასი კერძო ორგანიზაციაა ჩართული. ფონდის ღირებულება 409,507,840-ლარია. შენატანებზე დამატებით  დარიცხული სარგებელი 11,163,782 ლარს შეადგენს. ამ დროისთვის კომპანიების მიერ შენატანების დეპოზიტურ მოცულობებთან ერთად ფონდის მთლიანი ღირებულება 455,177,604 ლარს შეადგენს. ფონდის ერთეულის ღირებულება საწყისი 10 ლარიდან, 10.48 ლარამდე გაიზარდა, რაც 4.8%-იან ზრდას წარმოადგენს. ფონდის მონაწილეთა რაოდენობა ბოლო თვეებში საშუალოდ დღეში 500-700 მონაწილით იზრდება, ხოლო გასულთა რიცხვი უმნიშვნელოა. ... ...
  • დაგროვებითი პენსიის რეფორმა საქართველოს ეკონომიკას გააძლიერებს - ლევან სურგულაძე (R),,დაგროვებითი პენსიის რეფორმა ღირსეული სიბერის უზრუნველყოფასთან ერთად, უმნიშვნელოვანეს და უპრეცედენტო ეკონომიკურ გავლენას იქონიებს. პირველად საქართველოში იქმნება მასშტაბური გრძელვადიანი, მოქნილი და იაფი საინვესტიციო კაპიტალის ბაზა, რომელიც კაპიტალის ბაზრის განვითარებას მკვეთრად შეუწყობს ხელს.“ - აცხადებს საპენსიო სააგენტოს დირექტორი. ლევან სურგულაძის განმარტებით, ეს არის ალტერნატიული გრძელვადიანი რესურსი, რომლის დიდი ნაწილითაც სხვადასხვა ფინანსური ინსტრუმენტების საშუალებით დაფინანსდება ადგილობრივი ბიზნესი, შეიქმნება ახალ სამუშაო ადგილები. ,,ჩვენი შეფასებით საპენსიო რეფორმის შედეგად შექმნილი მასშტაბური საინვესტიციო კაპიტალის ბაზა და ამის შედეგად განვითარებული კაპიტალის ბაზარი გრძელვადიან პერიოდში, 3-4%-ით დააჩქარებს ეკონომიკურ ზრდას. გაიზრდება შემოსავლები და შემცირდება სიღარიბე. სახელმწიფოს გაეზრდება შემოსავლები, რაც მათ შორის, საშუალებას მისცემს უფრო მეტი სახსრები მიმართოს სოციალურ პროექტებზე და საბაზისო სოციალური პენსიების უფრო სწრაფ ზრდაზე. ეს ასევე ხელს შეუწყობს განვითარებულ ადგილობრივ კაპიტალის ბაზარზე უცხოური პორტფელური ინვესტიციების შემოსვლას, პირდაპირ ინვესტიციებთან ... ...
  • მუნის ორი შემთხვევა თბილისში მდებარე ბაგა-ბაღშითბილისის 74-ე ბაგა-ბაღში მუნის ორი შემთხვევა დაფიქსირდა. ბავშვების ჯანმრთელობის მდგომარეობასთან დაკავშირებით ბაღის ადმინისტრაციას აღსაზრდელების მშობლებმა აცნობეს. ბაღების მართვის სააგენტოს ინფორმაციით, შემთხვევის გამო ბაგა-ბაღში სადიზენფექციო სამუშაოები ჩატარდა, ხოლო სასწავლო პროცესი არ ... ...
  • "მარტო პირჯვრის წერა ისწავლეს ქრისტესგან“ _ დღეს ბესიკ ხარანაულის დაბადების დღეა"ხალხმა მარტო პირჯვრის წერა ისწავლა ქრისტესგან, სხვა ყველაფერი, რაც ძნელია, მას შეატოვა", _ ამ ფრაზის ავტორი, მწერალი და პოეტი ბესიკ ხარანაული დღეს იუბილარია, მას 80 წელი შეუსრულდა. ბესიკ ხარანაული დაიბადა თიანეთში 1939 წლის 11 ნოემბერს. მისი წინაპრები მაღაროსკარის თემის სოფელ კუჭეჭადან (ფშავი) გადასულან ივრის ხეობაში, კერძოდ, თიანეთში. 1962 წელს დაამთავრა თბილისის სახელმწიფო უნივერსიტეტის ფილოლოგიის ფაკულტეტი. ჰყავს მეუღლე და სამი შვილი. მისი ლექსები თარგმნილია ფრანგულ, გერმანულ, რუსულ, ჩეხურ, უნგრულ, ბულგარულ, აზერბაიჯანულ და სხვა ენებზე, რაც გვიდასტურებს, რომ ამ ავტორის მაღალმხატვრულ პოეზიას თავისი თაყვანისმცემლები ჰყავს უცხოეთშიც. ლიტერატურული მოღვაწეობა დაიწყო 1954 წელს, ლექსების პირველი კრებული გამოიცა 1968 წელს. მიღებული აქვს: რუსთაველის პრემია; ილია ჭავჭავაძის პრემია; 1993 წელი — სახელმწიფო პრემია; 2004 წელი — ლიტერატურული პრემია „საბა" საუკეთესო პოეტური კრებულისთვის „წიგნი ამბა ბესარიონისა"; 2012 წელი — ლიტერატურული პრემია „გალა" წიგნისათვის „ლექსები, პოემები“. 2011 წელს იყო წარდგენილი ნობელის პრემიაზე ლიტერატურის დარგში. გამოყენებულია ვიკიპედიას ... ...
  • "გაიცანით _ აკინი!"სოციალურ ქსელ ფეისბუქის ერთ-ერთი მომხმარებელი სოფიო კუბლაშვილი ახლახან დაბადებული ხბოს ფოტოს აქვეყნებს. როგორც ის  ამბობს, ხბოს აკინი დაარქვა და ამით სურს გამოხატოს სოლიდარობა და მხარდაჭერა რეჟისორ ლევან აკინის და ფილმის _ „და ჩვენ ვიცეკვეთ“ შემოქმედებითი ჯგუფის მიმართ. „გაიცანით _ აკინი! დღეს შუაღამით იგემა თავისუფლება. იქიდან ველოდებოდით ყოველ საათში, რაც კინოთეატრ „ამირანში“ სპეციალური დაცვით იმართებოდა სეანსები. ჩვენმა ოჯახმა ასე გამოვხატეთ სოლიდარობა და მხარდაჭერა ფილმის შემოქმედებითი ჯგუფისადმი და დაბადებამდე ორი დღით ადრე ვუწოდეთ სახელი აკინი ხბოს, შესახსენებლად, რომ ევროპისკენ გზა „აკინზე“ გადის!“ _ წერს კუბლაშვილი.     ... ...

არქივი

ზაფრანი

ბეკონი ჯანმრთელობისთვის სახიფათო ყოფილა

შვედი მეცნიერების მტკიცებით, ბეკონის საკვებად...

როგორ დავალევინოთ წამალი პატარას

წამლის დალევა პატარებს არ უყვართ,...

მერილინ მონროს სილამაზის საიდუმლო

 რა იყო ის საიდუმლო, რომლის...

რატომ უნდა ვხატოთ

ცოტა ხნის წინ, ამერიკელმა ფსიქოლოგებმა...

ინტერნეტის უარყოფა ადამიანის ორგანიზმზე მოქმედებს

ინტერნეტის ქსელიდან მკვეთრი გამოსვლა იწვევს...

რა გვიშლის ხელს დაძინებაში

არ გძინავთ კარგად და ეს...

არის თუ არა თქვენ საცხოვრებელ ადგილას სასმელი წყალი?