გავუხანგრძლივოთ მცენარეს სიცოცხლე

ჩვენი რჩევები

გავუხანგრძლივოთ მცენარეს სიცოცხლე

2017 მაი 2 10:09:19

ახლა, გაზაფხულზე, ყველაზე უკეთ არის შესაძლებელი მცენარის სიცოცხლის ხანგრძლივობისთვის ზრუნვა, რაც ძნელი სულაც არ არის და ნიადაგის მოვლასთან ერთად, გულისხმობს ღეროს და მცენარის ქერქის მოვლას.

ნიადაგის ერთხელ საგულდაგულოდ დამუშავება და გამდიდრება მთელი წლის მანძილზეა საკმარისი. თუმცა, ასე არ ითქმის ღეროსა და ქერქზე, რომელსაც მზრუნველმა მეურნემ მუდმივად უნდა მიაქციოს ყურადღება. ადამიანის მიერ გამოწვეული მერქნიანი ჭრილობები (გასხვლა, გაკრეჭა, გადაბელვა) ან გარეშე ფაქტორების მოქმედებით (ქარი, დამწვრობა, სეტყვა, თაგვის, კოდალას თუ კურდღლის ქმედება, მექანიკური და სხვა), თანდათან მატულობს და ჩნდება ფუღორო. ჭრილობებში გროვდება წყალი, სადაც ვითარდება პარაზიტული სოკოების სპორები და ბაქტერიები, რაც შლის მერქანს და მცენარის სხვა ქსოვილებს, იწვევს ნორმალური პროცესების დარღვევას და საბოლოოდ მცენარის სიცოცხლის შემოკლებას. თავის დროზე წესიერი მოვლით კი ყველა ეს ჭრილობა მალე შეხორცდება. უნდა დავაკვირდეთ _ ნერგი როცა იზრდება, თუ ცუდად არის სარზე აკრული, ასახვევი მასალა იჭრება ღეროში, რაც ხშირად წარმოადგენს დაავადების ან გახმობის მიზეზს. ამ შემთხვევაში ნახვევი უნდა შევასწოროთ ან თუ ხე საკმაოდ მოძლიერებულია, სულ მოვაშოროთ.

სიდამწვრისგან დაზიანებულ ხის ქერქს რაც შეეხება, ვეგეტაციის წინ უნდა გადაიფხიკოს მჭრელი დანით საღ ადგილამდე და ჭრილობა დაიფაროს ბაღის მალამოთი და შევახვიოთ ნაჭრით.

მცენარის ხის ღეროზე ტემპერატურის მკვეთრი ცვლილებისას (დაცემისას) ჩნდება ყინვანაკრავი ბზარი. ვიწრო და და არაღრმა ბზარი ჩქარა ხორცდება. ღრმა და განიერი კი ბზარი კი _ გვიან და ამ ბზარში ხვდება წყალი, ჩნდება სოკოვანი დაავადება. რაიმე რადიკალური საშუალება ასეთი ბზარებისთვის არ არსებობს, გარდა იმისა, რომ თუ შეხორცების პროცესი ჭიანურდება, სიდამპლის წარმოშობის თავიდან ასაცილებლად, ფოლადის დანით ან შალაშინით გადავასუფთავოთ, გადავფხიკოთ საღ ადგილამდე და წავუსვათ ბაღის მალამო. შეხორცებას დააჩქარებს ასევე აზელილი თიხა.

ზოგადად მცენარის ტანზე, ღეროზე შეხორცების დაჩქარება დამოკიდებულია ჭრილობის სიდიდეზე, კლიმატურ პირობებზე, ხის ხნოვანებაზე, ნიადაგზე და წესიერ აგროტექნიკაზე.

რაც შეეხება ფუღუროს, ის ხელს უშლის ხეში წვენთა მოძრაობას. ხეს უმცირებს დეკორატიულობას და უმოკლებს სიცოცხლეს. ფუღუროების მკურნალობა შრომატევადია და ხშირად უშედეგოც. გირჩევთ, მოახდინოთ ფუღუროების დეკორაციული ჩაკირვა. წინასწარ ამოწმინდეთ კარგად, ამოჭერით საღ ფენამდე, გაუკეთეთ სტერილიზაცია საალებელი ლამფით და წაუსვით ბაღის მალამო. შემდეგ სიღრუე ამოავსეთ ელასტიური მასით და მჭიდით, რომელიც ასე უნდა მოამზადოთ: ერთ წილ ცემენტს შეურიეთ სამი წილი წმინდა სილა. მოზილეთ და ამოავსეთ სიღრუე. ასე ნელდება ფუღუროში სიდამპლის პროცესები, საბოლოოდ კი ქრება. ხეს კი ეძლევა უკეთესი დეკორატიული იერი. ასევე კარგ შედეგს იძლევა ფუღუროებში ჩასაკრავად ასფალტში მოხარშული ხის ნახერხი.

ღეროს გამხმარი ქერქი ფრთხილად უნდა ჩამოვფხიკოთ ისე, რომ არ დავაზიანოთ საღი ქსოვილი. ეს მოახდინეთ რკინის სპეციალური საფხეკით ან ფოლადის მავთულიანი ჯაგრისით.

არ დაგავიწყდეთ ტოტების გამოხშირვა, რასაც ბევრი კარგი მეურნეც უყურადღებოდ ტოვებს. გადახლართული, ზედმეტი ტოტების შეჭრით ხეს მიეწოდება მეტი სინათლე და ჰაერი. გამოხშირვის დროს არ დაარღვიოთ ხის ფორმა. სამ სანტიმეტრზე მეტი სისქის ტოტების გადანაჭერები აუცილებლად დაფარეთ ბაღის მალამოთი, რადგან შესაძლოა, ხმობის დაწყების მიზეზი გახდეს. დააკვირდით ხეს და თუ ვარჯის ფორმას წონასწორობა დაკარგული აქვს და ცალმხრივ განვითარება ეტყობა, ამ შემთხვევაში გათამამებული ძლიერი ტოტი დაამოკლეთ და ხე ვიზუალურად შედარებით სიმეტრიულ ფორმაში მოაქციეთ.




 ახალი ამბები
  • კახა სიორიძე ოზურგეთში „ლელოს“ უხელმძღვანელებს„გურია ნიუსის“ ინფორმაციით, ოზურგეთში საზოგადოებრივი მოძრაობის „ლელოს“ ოფისის გახსნა იგეგმება. ჩვენს მიერ მოპოვებული ინფორმაციით, ოზურგეთში ახალდაფუძნებულ მოძრაობას შპს “ასკანგელ ალიანსის“ ყოფილი გენერალური დირექტორი კახა სიორიძე უხელმძღვანელებს. კახა სიორიძემ ჩვენს მიერ მოპოვებული ინფორმაცია დაადასტურა. „დიახ გიდასტურებთ, რომ “ლელოს“ ოფისი იხსნება ოზურგეთში. დანარჩენი დეტალები შემდეგ კვირაში იქნება  ცნობილი“,_გვითხრა კახა სიორიძე. „ლელოს“ ახალი ოფისის გახსნა ოზურგეთში შემდეგ კვირაშია დაგეგმილი. სწორედ გახსნის დროს გახდება ცნობილი ვინ იქნება კახა სიორიძესთან ... ...
  • სამტრედიაში მომხდარ მკვლელობის ფაქტზე მუხლი გადაკვალიფიცირდასამტრედიაში მომხდარ მკვლელობის ფაქტზე მუხლი გადაკვალიფიცირდა. მამაკაცს, რომელმაც სამტრედიაში ცოლი მოკლა,17-წლამდე პატიმრობა ელის. შინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის სამტრედიის სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, 1992 წელს დაბადებული გ.ა. სამტრედიაში, ოჯახის წევრის მიმართ დამამძიმებელ გარემოებაში ჩადენილი განზრახ მკვლელობის ბრალდებით დააკავეს. ინფორმაციას შსს ავრცელებს. უწყების ცნობით,გამოძიებით დადგინდა, რომ ბრალდებულმა სამოქალაქო რეესტრის სააგენტოს სამტრედიის ფილიალის მოქალაქეთა მომსახურების დარბაზში, განქორწინების პროცედურის დაწყებამდე, ცოლს - 1994 წელს დაბადებულ ს.ბ.-ს ცივი იარაღით სასიკვდილო ჭრილობები მიაყენა. დაჭრილი ქალი შემთხვევის ადგილზე გარდაიცვალა. სამართალდამცველებმა გ.ა. მომხდარიდან მალევე, ცხელ კვალზე, სამოქალაქო რეესტრის სააგენტოს სამტრედიის ფილიალის მოქალაქეთა მომსახურების დარბაზშივე დააკავეს. პოლიციამ დანაშაულის ჩადენის იარაღი - დანა შემთხვევის ადგილიდან ნივთმტკიცებად ამოიღო. გამოძიება ოჯახის წევრის მიმართ დამამძიმებელ გარემოებაში ჩადენილ განზრახ მკვლელობის ფაქტზე, საქართველოს სსკ-ის 11 პრიმა 109-ე მუხლის მე-2 ნაწილის „ვ“ ქვეპუნქტით მიმდინარეობს. აღნიშნული დანაშაული 13-დან 17 წლამდე ვადით თავისუფლების აღკვეთას ... ...
  • სიახლე ოზურგეთში _ დასაქმების ბირჟამ ფუნქციონირება დაიწყოახლახან, ოზურგეთელმა ნუგზარ რუხაძემ შრომის ბირჟა გახსნა. ის არაერთ ხელმძღვანელ თანამდებობაზეა ნამუშევარი და როგორც თავად ამბობს, კარგად ერკვევა , თუ რა პროფესიის ადამიანები სჭირდება ქალაქს და როგორ დაასაქმოს ისინი ისე, რომ მოსახლეობას მლესავის, ელექტროშემდუღებლის თუ უბრალოდ, დამხმარე მუშის საჭირობის დროს, პრობლემა არ შეექმნას. _ ხშირად გვესმის, რომ ხალხი სამუშაოს ეძებს და დასაქმების შანსი არ არის. არადა, ბევრჯერ პირიქითაა: ადამიანები ეძებენ ელექტრომონტიორს, კაფელის ხელოსანს თუ მლესავს და ვერ პოულობენ. ამიტომ დავისახე მიზნად, თავი მოვუყარო მაღალი კლასის და დავასაქმო  საჭიროების  მიხედვით. ჩვენ უკვე აღრიცხვაზე ავიყვანეთ სანტექნიკოსები, დურგლები, მეთუნუქეები, ელექტროშემდუღებლები, მღებავები, სახლის მშენებლები, პიანინოს ამწყობები,  უბრალოდ, ტვირთის გადამზიდავები და მიწის დამბარავებიც კი. ზოგს აწი მივიღებთ. მთავარია, თავის პროფესიაში ერკვეოდნენ კარგად და  შესაბამისად, დასაქმებისას კარგ ანაზღაურებასაც მიიღებენ, ჩვენ უკვე დავიწყეთ მუშაობა, _ თქვა „გურია ნიუსთან“ ინდმეწარმე ნუგზარ რუხაძემ. დასაქმების ბირჟა ოზურგეთში, რკინიგზის სადგურში, პირველ სართულზეა განთავსებული და მასში უკვე ბევრი სხვადასხვა პროფესიის ადამიანი გაწევრიანდა.      ... ...
  • ჩოხატაურელი მხატვარი გურამ მიქაძე გარდაიცვალაჩოხატაურელი მხატვარი გურამ მიქაძე გარდაიცვალა, _ ამის შესახებ ფეისბუქის საკუთარ გვერდზე  ჩოხატაურის სამხატვრო სკოლის დირექტორმა მზია კვინტრაძემ დაწერა. "წავიდა ჩვენგან უნიჭიერესი მხატვარი, უანგარო და ერთგული მეგობარი გურამ მიქაძე. ღმერთმა ნათელში ამყოფოს მისი სული", _ წერს გურამ მიქაძის ... ...
  • მკვლელობა სამტრედიაში _ მამაკაცს, რომელმაც ცოლი მოკლა,15-წლამდე პატიმრობა ელის სამტრედიაში მომხდარ მკველობასთან დაკავშირებით შსს-მ გამოძიება სსკ-ის 108-ე მუხლით (განზრახ მკველობა) დაიწყო, _ ამის შესახებ "გურია ნიუსს" უწყების პრესსამსახურში განუცხადეს. მათივე ინფორმაციით, სავარაუდო ბრალდებული უკვე დაკავებულია. ბრალის დამტკიცების შემთხვევაში, მამაკაცს 7-დან 15-წლამდე პატიმრობა ელის. შეგახსენებთ, მკველობა სამტრედიაში ცოტა ხნის წინ მოხდა. ახალგაზრდა მამაკაცმა ცოლს სასიკვდილო ჭრილობა ცივი იარაღით რამდენჯერმე ... ...

არქივი

ზაფრანი

სიზმრის ახსნა

ორსულობა სიზმრები ორსულობის შესახებ შეიძლება...

მკურნალი პროდუქტები

დამწვრობისას გიშველით ალოე ვერა. დღეში...

„წყალგარეული“ ღვინის მომავალი

სამხრეთ აფრიკელმა მეღვინეებმა ბევრი იფიქრეს,...

ჯონ ლენონის ნივთები დღესაც სარფიანად იყიდება

მას შემდეგ, რაც დიდი ბრიტანელი...

ლუდი გონების სამსახურში

როგორც ამერიკელმა და ახალზელანდიელმა მეცნიერებმა...

ბრიტანელები ჰიტლერის ფოტოებით დაინტერესდნენ

ცოტა ხნის წინ, ამერიკის შეერთებულ...