მეფუტკრე და ადრიანი გაზაფხული

ჩვენი რჩევები

მეფუტკრე და ადრიანი გაზაფხული

2019 მარ 8 15:19:33

გაზაფხულის დადგომისთანავე განსაკუთრებული ყურადღება უნდა დავუთმოთ ფუტკრის ოჯახების დროულად და ხარისხიანად შემოწმებას და დამუშავებას. შემოწმების შედეგად ვადგენთ საკვების რაოდენობას და ხარისხს, თაფლიან ჩარჩოებს ვამოწმებთ, ჭეო არ იყოს დაობებული, ჩაშაქრებული და დაკრისტალებული. ასევე, ვადგენთ ფუტკრის ოჯახების სიძლიერეს _ ახალი ბარტყების რაოდენობას, დედის ხარისხს, ასაკს, ბუდის სანიტარულ მდგომარეობას.

ჩარჩოები თუ არის ჩაშაქრებული, დაკრისტალებული თაფლიანი, უნდა შეიცვალოს სამარაგო ან სხვა ოჯახებიდან ამოღებული ზედმეტი კარგი თაფლიანი ჩარჩოებით. თუ ასეთი არ აქვს, უნდა გამოვიყენოთ კანდი ან სიროფი. გაზაფხულზე პროპორცია საჭიროა ერთი ერთზე დამზადებული, შემოდგომით კი ორი წილი ერთზე, ანუ ორი წილი შაქარი ერთ წილ წყალთან და შესაბამის პრეპარატებთან ერთად.

სუსტი ოჯახების ბუდე და საფენები შევამციროთ, ესე იგი, ამოვაცალოთ ზედმეტი ჩარჩოები და დავათბუნოთ, ხოლო უდედო, სუსტი ოჯახები შევაერთოთ დედიან ოჯახთან. უსაფრთხოების მიზნით, დედა მოვაქციოთ ხუფში ან მივცეთ გალიით.

თუ საფუტკრე წინა წლებში არაკეთილსაიმედოდ ითვლებოდა ევროპული, ამერიკული და სხვა ცრუ სიდამპლეების მიმართ, გაზაფხულზე, გამაღიზიანებელი კვების დროს, შაქრის სიროფთან ერთად, პროფილაქტიკის მიზნით, მივცეთ სამკურნალო პრეპარატები, ერთ-ერთი ან მონაცვლეობით. სიდამპლეებზე უნდა მივცეთ ოქსიბაქტოიდი, ოქსივიტი, თიმოლი ნოლსუფაზოლნატრი, ნოზემაციდი, აპიმაქსი. ვარუატოზის სამკურნალოდ გამოიყენება აპიტოდი, აპიდეზინი, ბიპინი, ფუმისანი, ვარაკომი. გამოყენებული პრეპარატები უნდა აკმაყოფილებდეს საერთაშორისო მოთხოვნის სტანდარტებს.

განსაკუთრებული სიფრთხილე გვმართებს გაზაფხულზე უღალო პერიოდში ფუტკრის კვების დროს, არ დავღვაროთ სიროფი, არ დავტოვოთ თაფლიანი ჩარჩოები ღიად, რათა არ მოხდეს ფუტკრების ურთიერთთავდასხმა, ე. წ. ქურდობა, რადგან ქურდობასთან ბრძოლა ძნელია, პროფილაქტიკა კი ადვილი. მაქსიმალურად შევუვიწროვოთ საფრენები სუსტ ოჯახებს.

ფუტკრის ოჯახების ბუდის გაფართოებას დროულად ვახდენთ, ეტაპობრივად, ოჯახის სიძლიერის მიხედვით, აშენებული ფიჭებით. ბუდის გაფართოების შედეგად ვაჩქარებთ ოჯახების გაძლიერებას, მცირდება ნაყრიანობისკენ მიდრეკილება.

გაზაფხულზე, მკვეთრი, ცვალებადი კლიმატის პირობებში, ბუდის ნაჩქარევად გაშლის შედეგად, ფუტკრის გუნდი იკვრება და ბარტყი რჩება უფუტკროდ, რაც ხშირად იწვევს ბარტყის გაციებას, დაღუპვას.

გვახსოვდეს _ ნუ დავდგამთ ფუტკრის ოჯახებს მზის გულზე, რამაც შეიძლება ნაყრიანობა გამოიწვიოს. ასე მოღალე ფუტკრები წყვეტენ მუშაობას და აძლიერებენ ვენტილაციას, რაც იწვევს ოჯახების პროდუქტიულობის დაქვეითებას. დიდი მნიშვნელობა აქვს საფუტკრე ადგილს.

სასურველია, გვქონდეს საფუტკრეების ჟურნალი, რომელიც სარკეა მეფუტკრისთვის.

დავრგოთ თაფლოვანი ხეები, რაც გაალამაზებს საფუტკრეს, გაახალისებს თქვენს ფუტკრებს და ეკოლოგიურად გააჯანსაღებს გარემოს.

მინდა შევჩერდე ამ ცოტა ხნის წინ გავრცელებულ ერთ არასასიამოვნო ინფორმაციაზე, რომლის მიხედვით იგეგმებოდა საქართველოში რუსული თაფლის შემოტანა, რაც რასაკვირველია არასწორი იქნებოდა. ისე არ დაგვემართოს, "თურაშაულის პატრონი, ტყეში ეძებდა პანტასაო...".

ქართული მთის რუხი ფუტკარი მსოფლიოში აღიარებული და სამი ოქროს მედალოსანია. შესაბამისად, პროდუქტებსაც უნიკალურს იძლევა. ამიტომ მეტი ყურადღებით უნდა მოვეკიდოთ მას. ისიც საყოველთაოდ ცნობილია, რომ ქართველი მეფუტკრეები წლების განმავლობაში ვერ ახდენენ თაფლის რეალიზაციას და კარგი იქნება, თუ ხელისუფლება ამ საქმეში დაეხმარება მათ.

 ჯანვერდ ცეცხლაძე,
გურიის მეფუტკრეთა კავშირი




 ახალი ამბები
  • "რაც ვამპირის კბილები ჰქონდათ, დააძრეს, უკვე აღარ აქვს" _ ვოლსკი ოპოზიციასადამიანები, რომლებიც თავის კოლეგას მანდილოსანს მიმართავენ, გაგანადგურებ, ყველაზე სუსტ ადგილში დაგარტყამ, ეს მაზოხიზმია თუ სადიზმია, არ მესმის, – ამ სიტყვებით მმართველი გუნდის წევრმა, გიორგი ვოლსკიმ ოპოზიციას მიმართა. “მე ვერ გავიგე ადამიანები, რომლებიც თავის კოლეგას მანდილოსანს მიმართავენ, გაგანადგურებ, ყველაზე სუსტ ადგილში დაგარტყავ, ეს მაზოხიზმია თუ სადიზმია, არ მესმის. იმიტომ, რომ ზუსტად იცის, რომ პასუხი შეუბრუნდება. სადიზმის თემაც არ მესმის, იმიტომ, რომ ის კბილები, რაც ვამპირის კბილები ჰქონდათ, დააძრეს, უკვე აღარ აქვთ და ღმერთმა ნუ ქნას, რომ ახალი ამოუვიდეს”, – განაცხადა ვოლსკიმ. პარლამენტის თავმჯდომარის მოადგილე პლენარულ სხდომაზე რუსეთის თემასაც გამოეხმაურა. “რაც შეეხება რუსეთის თემას, იქ პარტიის ცეკას ინსტრუქტორი და აქ კარიკატურების გამოქვეყნება არ შველის იმ რეალობას, რასაც ჰქვია რუსეთის ხელშეწყობა და სერიოზულად: რუსეთის თემის ექსპლოატაცია საერთოდ მოდაშია, ადვილია სალაპარაკოდ, ცოტა ძნელია სალაპარაკოდ ვთქვათ ციფრები. არის საკითხები რაზედაც შეიძლება კამათი, შეიძლება კონსტრუქციული კამათიც, მაგრამ ეს თემა არ არის, კამათს არ ექვემდებარება. მოხდა ის, რაც მოხდა. რეალურად მოხდა ის, რომ ყველანაირი შეთავაზება, ყველანაირი სტრატეგიული გეგმა, რომელიც ჰქონდა ამერიკის შეერთებულ შტატებს და ევროკავშირს ჩვენთან ერთად შემუშავებული, დაირღვა. რეალობაა ხალხო ეს. მე განსაკუთრებით ახალგაზრდებს მივმართავ იმიტომ, რომ სწორედ თქვენი ტვინის გამორეცხვისათვის არის მიმართული ყველა განცხადება და პროპაგანდისტული ნაბიჯი იმიტომ, რომ ის ემოცია არა გაქვთ, რაც 2008-ში იყო, 11-ში იყო, ბევრმა საკითხმა ისე ჩაიარა, რომ წლებმა გარკვეული მოშუშება უზრუნველყო ადამიანის გულებში და მახსოვრობაში, მაგრამ არის ათასობით ადამიანი, ვისაც ეს კარგად ახსოვს. მე ახალ პოლიტიკურ თემაზე მაქვს ყურადღება გამახვილებული. რაც შეეხება იმ უმტკივნეულო რეზოლუციას, ჯერ ეს ერთი უმტკივნეულო რეზოლუციები რატომ შემოგაქვთ, თუ არაფერს არ ნიშნავს და ნაჭუჭია კვერცხის, მაშინ ნუ შემოგაქვთ, ეს ერთი, მაგრამ არ არის უმტკივნეულო – ეს არის გათვლილი, საკმაოდ მზაკვრული გეგმა რომ ადრე თუ ხელი შეუწყვეს სამხედრო ინტერვენციას, ეხლა ეკონომიკური ინტერვენცია გაძლიერდეს და გამაგრდეს. წინა ხაზზე გაგიყვანონ მაშინ, როდესაც ხელში იარაღი არ გიკავია და იცი ზუსტად, რომ მტერი გაცილებით უფრო ეფექტური იარაღით დაგარტყამს. ეს იყო მიზანი, მთავარი მიზანი. რაც შეეხება საკითხებს, რომელიც ეხება განათლებას, სპორტს, ამ თემებთან დაკავშირებით ვიკამათოთ კი ბატონო, სახელმწიფოს დამსახურებაა თუ არა, რომ ბიუჯეტი იზრდება, ვთქვათ სპორტში. სახელმწიფოს დამსახურება თურმე არ ყოფილა ის, რომ, არ ყოფილა კი არა, თურმე მავნებლობა ყოფილა ის, რომ დედაენა დაბრუნდა სკოლაში. ეს ხომ ფაქტია და ამ ფასეულობებით ვეჯიბრებით ერთმანეთს და საზოგადოებამ ამ ფასეულობების აწონვით უნდა მოგვიჩინოს ის ადგილი პოლიტიკურ ასპარეზზე, რაც კონკრეტულ პოლიტიკურ პარტიებს, რისი პრეტენზიაც აქვს. აქედან გამომდინარეობს მთავარი თემა – დაველოდოთ არჩევნებს და გავაკეთოთ ყველაფერი, განსაკუთრებით მთავრობის მხარეს მოვუწოდებ, რათა საკითხი არ დარჩეს კითხვის ნიშნის გარეშე, რათა საკითხი არ დარჩეს პასუხგაუცემელი, თუნდაც თითოეული ადამიანის, კონკრეტული ადამიანის გაჭირვების თემას ეხებოდეს”, – განაცხადა პარლამენტის თავმჯდომარის მოადგილემ, საპარლამენტო უმრავლესობის ლიდერმა გიორგი ვოლსკიმ პარლამენტის პლენარულ ... ...
  • ჯურუყვეთელ პედაგოგს დამსახურებული მასწავლებლის წოდება მიენიჭალანჩხუთის მუნიციპალიტეტის ჯურუყვეთის #1 საჯარო სკოლის ქართული ენისა და ლიტერატურის ღვაწლმოსილ  პედაგოგს, მიმოზა ბარამიძეს საქართველოს დამსახურებული მასწავლებლის  წოდება მიენიჭა.  მასწავლებელთა პროფესიული განვითარების ცენტრის სიგელი დამსახურებულ პედაგოგს საგანმანათლებლო რესურსცენტრის ხელმძღვანელმა ნინო ჩიტაძემ ახალი სასწავლო წლის პირველ დღეს ... ...
  • საგანგებო სიტუაციების მართვის სამსახური კინოლოგიური სამსახურის განახლებას იწყებსსაქართველოში სამუშაო ვიზიტით გერმანიის ტექნიკური დახმარების ფედერალური სამსახურის (THW) შემფასებელი მისია იმყოფება. საერთაშორისო შემფასებლები საგანგებო სიტუაციების მართვის სამსახურის  კინოლოგიის სამსახურის მომზადების დონეს შეამოწმებენ და ქართულ მხარეს მაშველი ძაღლების სამსახურის განვითარების გეგმის შემუშავებაში  დაეხმარებიან _ აღნიშნულია განცხადებაში, რომელსაც შინაგან საქმეთა სამინისტროს პრესსამახური ავრცელებს. უწყების ცნობით, THW-ის  წარმომადგენლები განსაკუთრებულ საგანგებო სიტუაციებზე რეაგირების მთავარი სამმართველოს სწრაფი რეაგირების ბაზაზე იმყოფებოდნენ, სადაც ნანგრევებში მოყოლილი ადამიანების ძიება-გადარჩენის კინოლოგიური ოპერაციების იმიტაცია მოეწყო. გერმანიის ტექნიკური დახმარების ფედერალური სამსახური INSARAG -ის კვალიფიკაციის მიღების პროცესში ქართული მხარის მენტორი ქვეყანაა და შინაგან საქმეთა სამინისტროს საგანგებო სიტუაციების მართვის სამსახურს რამდენიმე მიმართულებით ეხმარება. საძიებო-სამაშველო ოპერაციებისთვის გაწვრთნილი ძაღლები მნიშვნელოვნად შეუწყობენ ხელს სამსახურის ეფექტურობას  საძიებო სამუშაოების  დროს. შინაგან საქმეთა სამინისტროს საგანგებო სიტუაციების მართვის სამსახური ძაღლების გადამზადებას განსაკუთრებულ ყურადღებას დაუთმობს. უახლოეს მომავალში დაგეგმილია კინოლოგიური სამსახურის გაძლიერება ახალი ცხოველებით. მოეწყობა და განახლდება ვოლიერები, გაუმჯობესდება მათი საცხოვრებელი და საწვრთნელი პირობები. გერმანულ მხარესთან კინოლოგიური სამსახურის  განვითარების კუთხით თანამშრომლობა მომავალშიც ... ...
  • ოზურგეთში საპენსიო ჯილდოზე 174 პედაგოგი გავიდა“174 პედაგოგი გავიდა საპენსიო ჯილდოზე და 105 ახალი პედაგოგი მივიღეთ საჯარო სკოლაში“, _ ამის შესახებ ინფორმაცია “გურია ნიუსს“ ოზურგეთის საგანმანათლებლო რესურსცენტრის უფროსმა ლელა იმედაშვილმა მიაწოდა. 2019 წლის მაისში ცნობილი გახდა, რომ განათლების მინისტრის მიხეილ ბატიაშვილის გადაწყვეტილებით, განათლების რეფორმის შემდეგ ეტაპზე, საპენსიო ასაკის ღვაწლმოსილ პედაგოგებს, რომელთაც არ ექნებათ მინიმალური კომპეტენციის დადასტურებისა და სტატუსის ამაღლების სურვილი, ეძლევათ პრივილეგია, ნებაყოფლობითი არჩევანის საფუძველზე, 2019 წელს სახელმწიფოსგან ერთჯერადი ფულადი ჯილდო - ორი წლის ჯამური ხელფასი მიიღონ. ამის შესახებ მინისტრმა ბრიფინგზე განაცხადა.  ამასთან, მთელი სიცოცხლის განმავლობაში შეუნარჩუნდებათ ჯანმრთელობის დაზღვევის პაკეტი  (საჯარო სკოლების მასწავლებელთა ჯანმრთელობის სადაზღვევო ვაუჩერის პირობების ... ...
  • რამდენი პირველი კლასელია ოზურგეთშიოზურგეთის მუნიციპალიტეტის 42 საჯარო სკოლაში ახალი სასწავლო წლის დაწყება საზეიმო ღონისძიებით აღინიშნა. ოზურგეთის საგანმანათლებლო რესურსცენტრის უფროსის, ლელა იმედაშვილის მიერ მოწოდებული ინფორმაციით, ოზურგეთში წელს 683 პირველ კლასელმა დაიწყო სწავლა. “გურია ნიუსი“, ასევე, დაინტერესდა, პირველ კლასში დაფიქსირდა თუ არა ერთი ან ორი მოსწავლე. ლელა იმედაშვილის თქმით, ასეთი შემთხვევა მხოლოდ გომის საჯარო სკოლაში დაფიქსირდა, სადაც ორი ... ...

არქივი

ზაფრანი

საკვები, რომელიც ხანგრძლივი სიცოცხლის საწინდარია

ადამიანის ჯანმრთელობა პირდაპირ კავშირშია კვებასთან....

მუდმივად დაამატეთ სოდა თქვენს ყავას

სოდას უამრავი სასარგებლო თვისება გააჩნია....

სიმართლე სანთლების შესახებ

ზოგიერთი სურნელოვანი სანთელი ორგანიზმისთვის მავნებელი...

სანამდე მივყავართ უძილობას

გარკვეული მიზეზების გამო, ხშირად გიწევთ...

როგორ უნდა მოხიბლოთ ქალი

ვერძი – ქალი ვერძების დიდ...

ქალები, რომელთა შეყვარებასაც მწარედ ინანებთ

ვერძი - მამაკაცური პლანეტა მარსი,...