მეფუტკრის კალენდარი _ მაისი და ივნისი

ჩვენი რჩევები

მეფუტკრის კალენდარი _ მაისი და ივნისი

8 ივნ. 2018, 11:58:00

მაისის შუა რიცხვებიდან დგება დიდი ხნის ნანატრი, ცრუ ანუ თეთრი აკაციიდან მთავარი ღალის მომცემი დრო. სასიამოვნო სანახავია საფუტკრე, სადაც თაფლის სუნი ტრიალებს და დილიდან დაბინდებამდე ისმის მუშა ფუტკრის მოუსვენარი შრომის გუგუნი, რომელიც ღამითაც არ წყდება _ დღე ღალას ეზიდებიან, ღამით აორთქლებენ. საფრენიდან ორთქლთან ერთად თაფლის სასიამოვნო სუნი გამოდის.

მაისიდან მეფუტკრისთვის ყველაზე მეტად საპასუხისმგებლო დრო დგება. დაწყებულია მთავარი ღალიანობა. მთავარი ღალიანობის შესახვედრად მიმდინარეობს ორი-სამი საშუალო ან სუსტი ოჯახიდან _ თუ ასეთი ოჯახები არის საფუტკრეში _ ძლიერი შექმნილი ოჯახის შედენა მარაგ დედაზე ან მწიფე სადედეზე.

კარგ დედებს ნუკლეუსების სახით ინახავენ. ხდება გადადგმული საშუალო ოჯახის მოღალე ფუტკრის ადგილზე დარჩენილი ოჯახის კიდევ უფრო გაძლიერება და საჭირო ოდენობის საკუჭნაოს ან მთლიანად მეორე კორპუსის დადგმა, მათი სათანადო ოდენობის მშრალი და ხელოვნური ფიჭიანი ჩარჩოებით შევსება.

იქ, სადაც მაისში მთავარი ღალიანობა არ იწყება და ეს ხდება ივნისის ბოლოს ან ივლის-აგვისტოში,  ჯერ აწარმოებენ გეგმიური ნამატის შედგენას მარაგ დედაზე, გაუნაყოფიერებელ დედაზე ან სადედეზე იმის მიხედვით, თუ რომელი თვის მთავარ ღალიანობასთან გვაქვს საქმე. ხოლო შემდეგ ახდენენ დროებითი ან დამხმარე გამონაყოფი ნამატის შედგენას.

ვინაიდან დასავლეთ და აღმოსავლეთ საქართველოს ზოგიერთ რაიონებში ადრეული მთავარი ღალიანობა ხანგრძლივი არ იცის, ამიტომ მოღალე ფუტკარი დიდი რაოდენობით არ იხოცება და ხშირად ოჯახი ისევ ძლიერი რჩება. ამ პერიოდში შეიძლება გამონაყოფი ინდივიდუალური ნამატის მიღება ისევ ჯერ მარაგ, ხოლო შემდეგ გაუნაყოფიერებელ დედაზე ან სადედეზე, საჭიროებისამებრ.

ამ სამუშაოების ჩატარების შემდეგ, თუ მეორე მთავარ ღალიანობამდე 30-35 დღე არის დარჩენილი, მაშინ ფუტკარს სამუშაო რომ ჰქონდეს ბუდეში და ოჯახმა იყაროს, აწარმოებენ ძლიერ ოჯახზე მეორე კორპუსის დადგმას 7 მშრალი და 3 ხელოვნური ფიჭით სავსეს. ხოლო თუ მთავარ ღალიანობამდე ორი თვე ან უფრო მეტია და მოსალოდნელია უხვი მთავარი ღალიანობა, ადგენენ ორკორპუსიან ოჯახს, აწარმოებენ უჯიშო მამლების წინააღმდეგ ბრძოლას.

მაისში უფრო ადვილია ავადმყოფობის აღმოჩენა და მასთან ბრძოლა. ხდება ასევე მომთაბარეობის ადგილის გამონახვა და საფუტკრის მოწყობა სამთაბაროდ.

ივნისი ზაფხულის პირველი თვეა, უფრო ცხელა, ვიდრე მაისში. ბარში ბაღეულის თაფლოვნები დაყვავილებულია. იწყება მომთაბარეობა. ამ თვეში ყოველგვარი მიღწევები პირდაპირ დამოკიდებულია კარგი ხარისხის საკვებ ბაზაზე, რის შეფასების დროსაც მხედველობაში უნდა ვიქონიოთ და გავითვალისწინოთ საფურაჟე და სასაქონლო თაფლის საერთო შემოსავალი.

როგორც ცნობილია, ჩვენში ფუტკრის ოჯახს მთელი წლის განმავლობაში 100-120 კილოგრამი თაფლი სჭირდება. ამ რაოდენობის თაფლს მეფუტკრე ვერ პოულობს ბუდეში, რადგან იგი ყოველდღიურად იხარჯება. თითოეული ოჯახი წლის განმავლობაში ხარჯავს დაახლოებით 25-30 კილოგრამ ჭეოს.

საკვები ბაზის არჩევა რთული საქმეა, ვინაიდან მასზეა დამოკიდებული საფუტკრის გაძლიერება და პროდუქტიულობა. საკვები ბაზის არჩევის დროს, ივნისის თვეში გათვალისწინებული უნდა იქნეს შემდეგი: რამდენად მდიდარია საკვები ბაზა თაფლოვნებით და რა მანძილზეა საფუტკრიდან; არის თუ არა მთავარი თაფლოვნების თანმიმდევრობითი ყვავილობა; არის თუ არა მთაგორიანი ადგილები, რასაც დადებითი მნიშვნელობა აქვს საფუტკრისთვის; არის თუ არა სამყოფი წყალი და რა მანძილზეა; არის თუ არა სხვა საფუტკრე ჩვენს საფუტკრესა და საკვებ ბაზას შორის; აკმაყოფილებს თუ არა სამეურნეო მოთხოვნილებას მისადგომი გზა, ადგილმდებარეობა, წყალი, ტყე-ველი, დროებითი ბინის გასაშლელი მოსახლეობა; არის თუ არა თაფლოვნების ყვავილობის ხანგრძლივობა საკმარისი და საჭირო ხომ არ იქნება საფუტკრის მალე გადაადგილება.

მომთაბარეობამდე, იმ რაიონებში, სადაც ივნისში ადგილზე ღალიანობა არ არის, საფუტკრეს ამზადებენ სამთაბაროდ. წარმოებს სამთაბარო სკების და გადასახური ბადურების შემოწმება, რომ დაზიანებული ადგილებიდან, მგზავრობის დროს, ფუტკარი არ გამოვიდეს,ბუდეებიდან უნდა ამოვიღოთ წუნდებული ჩარჩოები, ჩავამაგროთ ბუდესა და საკუჭნაოს ჩარჩოებს. საღამოთი დაკეტავენ საფრენებს, მგზავრობენ ღამით. სამთაბარო ადგილზე დაბინავებულ სკებს კი საფრენები მორიგეობით უნდა შევუხსნათ, ვაწარმოებთ სკების დაჩრდილვას, ასევე აუცილებელია ბუდეებში ჰაერაციის გადიდება, სასმელი წყლის და საკონტროლო სკის დადგმა, დროებითი ბინის მოწყობა და მიმდინარე სამუშაოების ჩატარება.

ივნისში, ასევე, თუ კარგი ღალიანობაა, საჭიროა დედების გამოყვანა, წარმოებს შესანახი მარაგი თაფლის გარდა, თაფლის დაწურვა. მიმდინარეობს ავადმყოფობის წინააღმდეგ ბრძოლა, როგორც ბუდის გამოცვლის საშუალებით, ასევე სამკურნალო პრეპარატებით. ასევე კარგია, აქედანვე ვაწარმოოთ ფუტკრის საზამთრე დასათბუნებელი მასალის დამზადება, ჭილოფის, ბალიშის და სხვათა სახით.

ჯანვერდ ცეცხლაძე,
მეფუტკრე





 ახალი ამბები
  • "გირჩმა" ევროპული საბჭოს პრეზიდენტის ახალ დოკუმენტს ხელი მოაწერა"გირჩის" სამმა დეპუტატმა, ვახტანგ მეგრელიშვილმა, იაგო ხვიჩიამ და ალექსანდრე რაქვიაშვილმა, ევროპული საბჭოს პრეზიდენტის,  შალრ მიშელის ახალ დოკუმენტს ხელი მოაწერეს. შესაბამისი ხელმოწერა პარტიის წევრებმა Facebook ლაივში გააკეთეს. როგორც მეგრელიშვილმა განაცხადა, რომ დარჩენილმა 60-მა კაცმა თვითონ უნდა გადაწყვიტოს უნდა შეთანხმება და ამ ხალხის გვერდზე დგომა, თუ უნდა, რომ ფეხებზე დაიკიდოს ეს ხალხი და საერთოდ ეს ყველაფერი. ,,ვუსურვოთ წარმატება ამ პროექტს, მე მინდა, რომ მოგვბაძონ ადამიანებმა, ჩვენმა კოლეგებმა ოპოზიციიდან და ხელისუფლებიდან, ყოველ შემთხვევაში ეცოდინება ხალხს, რომ ჩვენ არ ვართ დესტრუქტორი ხალხი, გვინდოდა შეთანხმება. ინდივიდუალურ პასუხისმგებლობაზე დაიყვანეს ჩვენმა დასავლელმა მეგობრებმა თავიანთი წინადადება. მე ვფიქრობ, რომ დარჩენილმა 60-მა კაცმა თვითონ უნდა გადაწყვიტოს უნდა შეთანხმება და ამ ხალხის გვერდზე დგომა, თუ უნდა, რომ ფეხებზე დაიკიდოს ეს ხალხი და საერთოდ ეს ყველაფერი. მოდით, ჩვენ რაღაცნაირი მაგალითი მივცეთ იმის, რომ ეს შესაძლებელია - მოვაწეროთ ხელი ამ ფორმალურ დოკუმენტს“ - განაცხადა მეგრელიშვილმა. იაგო ხვიჩიამ,   აღნიშნა, რომ თუ შეთანხმება ცალხმრივი იქნება და "ქართული ოცნება" მას ხელს არ მოაწერს, იმ რეჟიმით მუშაობას გააგრძელებენ, რაც დაანონსეს. „მინდა, რომ მოგვბაძონ კოლეგებმა ოპოზიციიდან და ხელისუფლებიდან. ყოველ შემთხვევაში ეცოდინება ხალხს, რომ ჩვენ არ ვართ დესტრუქტორი ხალხი და გვინდოდა შეთანხმება. მე მინდა, რომ განვმარტო, რომ თუ „ქართული ოცნება“ ჩვენთან დადებს ამ შეთანხმებას და მოაწერს ამას ხელს და აქ არსებული პირობები აღსრულდება მიუხედავად იმისა, რაც იზამს „ნაციონალური მოძრაობა“ და სხვა ოპოზიციური პარტიები, ჩვენ შევდივართ სრულად პარლამენტში და ეს ხელმოწერა ნიშნავს ამას. თუ „ქართული ოცნება“ ამას არ მოაწერს ხელს და ეს მხოლოდ ცალმხრივი იქნება - ის არ იქნება შეთანხმება და ჩვენ გავაგრძელებთ იმ რეჟიმში პარლამენტში ყოფნას, რა რეჟიმშიც დღეს შევდივართ პარლამენტში“ - განაცხადა იაგო ხვიჩიამ. ცნობისთვის, 18 აპრილს, ევროპული საბჭოს პრეზიდენტმა შარლ მიშელმა საქართველოს პოლიტიკურ პარტიებს ახალი წინადადება შესთავაზა. წინადადება ხუთ პუნქტს მოიცავს. მათ შორის არის, პოლიტიზებულ მართლმსაჯულებად აღქმული საკითხები და მომავალი არჩევნები. დოკუმენტის თანახმად, ხელისმომწერები ვალდებულებას იღებენ, შეთანხმების ხელმოწერიდან ერთი კვირის ვადაში, რეაგირება მოახდინონ პოლიტიზებულ მართლმსაჯულებად აღქმულ ორ საკითხზე, ამნისტიის საშუალებით და / ან ისეთი ზომების მიღებით, რომელიც ანალოგიურ შედეგს გამოიღებს. კერძოდ, ამ შეთანხმების ხელმოწერიდან ერთი კვირის ვადაში, პარლამენტში წარმოდგენილმა პარტიამ უნდა მოახდინოს ინიცირება კანონისა ამნისტიის შესახებ, რომელიც 2019 წლის 19 – 21 ივნისის პროტესტებთან დაკავშირებულ ყველა დარღვევასა და დაკავებას შეეხება. ამასთან, შარლ მიშელის წინადადების თანახმად, "ქართული ოცნების" 2021 წლის 16 აპრილის შეთავაზების შესაბამისად, ვადამდელი საპარლამენტო არჩევნები დაინიშნება 2022 წელს იმ შემთხვევაში, თუ 2021 წლის ოქტომბრის ადგილობრივი თვითმმართველობის არჩევნებში პარტია "ქართული ოცნება" მიიღებს ნამდვილი პროპორციული ხმების 43% -ზე ... ...
  • ვაშაძე: "ხელსაყრელ პირობებს ქმნის გამარჯვებისთვის“ „სტრატეგია აღმაშენებელი, როგორც პასუხისმგებლიანი ოპოზიციური პარტია, ვთვლით, რომ უნდა გამოვიყენოთ საერთო ბრძოლით მიღწეული  შექმნილი შესაძლებლობის ფანჯარა და ხელი უნდა მოვაწეროთ ჩვენი დასავლელი მიუკერძოებელი და სამართლიანი მედიატორების მიერ შემოთავაზებულ დოკუმენტს, რომელიც მიუხედავად არსებული ხარვეზებისა, რაც გამომდინარეობს კომპრომისის ბუნებიდან, შესაძლებელია ყველამ ერთად  ვაქციოთ დიდი შემობრუნების, დიდი ცვლილებების გარდამტეხ წერტილად. ჩვენ ამ ბრძოლაში გვაქვს  ორი მთავარი ფაქტორის მხარდაჭერა: 1. ეს არის ჩვენი მოქალაქეები და მათი ურყევი ნება, იცხოვრონ თავისუფალ და ძლიერ სახელმწიფოში; 2. ჩვენი დასავლელი პარტნიორების მხარდაჭერა, რომ საქართველო იყოს ძლიერი, თავისუფალი და დემოკრატიული სახელმწიფო. შეთანხმება თავისი ბუნებიდან გამომდინარე გულისხმობს კომპრომისებს და სწორედ ამიტომ წარმოდგენილი ხუთ  პუნქტიანი დოკუმენტი სულაც არ არის იდეალური. მას გააჩნია ხარვეზები, მაგრამ ერთობლიობაში შეთანხმება ქმნის პირობებს ქართული ოცნების სწრაფად და ჩვენი ქვეყნისთვის ნაკლები  ზიანით ჩამოშორებისთვის. მე მესმის, გარკვეულ საკითხებთან მიმართებაში ემოციური დამოკიდებულებების, ასევე კარგად მესმის იმ ჯგუფების, რომლებიც გარკვეული მაქსიმებით ხელმძღვანელობდნენ გადაწყვეტილების მიღების პროცესში, მაგრამ ჩემი და სტრატეგია აღმაშენებლის გუნდის მოტივაცია შეთანხმების მიღწევაზე მომდინარეობს შექმნილი რეალობის არა ემოციური და რადიკალური, არამედ რეალური და პრაგმატული აღქმებიდან. მეგობრებო, ჩვენ ვცდილობთ გამოვიყენოთ ქართულ ოცნებასთან, როგორც უდიდეს უსამართლობასთან ბრძოლის ყველა საშუალება და რაც მთავარია, გამარჯვებამდე შევქმნათ გამარჯვებისთვის საჭირო წინაპირობები. ის, რომ ქვეყანაში უნდა შეწყდეს პოლიტიკური მოტივით დევნა და უნდა გათავისუფლდნენ ამ მოტივით დაკავებული ადამიანები, არის ძალიან მნიშვნელოვანი; ის, რომ თვითმმართველობის არჩევნები შეიძლება ვაქციოთ ქართული ოცნების ხელისუფლებისგან ჩამოშორების დიდ სამოქალაქო მოძრაობად; ის, რომ  ქვეყანას უნდა ჰქონდეს თავისუფალი და მიუკერძოებელი სასამართლო და დეპოლიტიზირებული სამართალდამცავი სისტემა; ის, რომ  ქვეყანას უნდა ჰქონდეს სამართლიანი და დემოკრატიული არჩევნები, უფრო თავისუფალი და მიუკერძოებელი საარჩევნო სისტემა; დიახ, სწორედ ამაზე შეთანხმება არის გამარჯვების მიღწევის წინაპირობა. უნდა გვახსოვდეს, რომ დამოუკიდებლობისთვის ბრძოლის საწყის ეტაპზე,  შეუძლებელი ჩანდა 9 აპრილის კომუნისტ ჯალათებთან რამეზე შეთანხმება , მაგრამ იმ დროინდელი ლიდერების ჯგუფის პრაგმატულმა ქცევამ, რომ დაეყოლიებინათ კომუნისტური პარტია მრავალპარტიულ არჩევნებზე, შექმნა თავისუფლების მოპოვებისთვის და გამარჯვებისთვის გადამწყვეტი პირობები. დიახ, დღეს საქართველო იმყოფება ისტორიულ გზაგასაყარზე, როცა საბოლოოდ უარი უნდა ვუთხრათ კომუნისტურ და ბოლშევიკურ სულისკვეთებას. შესაბამისად, ჩვენ ან ვიპოვით კრიზისიდან გამოსავალს შეთანხმების გზით, ან უკომპრომისო და შეურიგებელი ქმედებებით კიდევ ერთხელ, ეჭვქვეშ დავაყენებთ თავისუფლებას და  ჩვენ სახელმწიფოებრიობას, რითაც ისარგებლებს არა ჩვენი მოქალაქეები, არამედ მტრული სახელმწიფო, რომელზეც არა ერთხელ მიგვითითეს ამერიკის სენატის და ევროპარლამენტის ტრიბუნიდან. დიახ, აღნიშნული შეთანხმება გამარჯვება არ არის, მაგრამ არსებულ ვითარებაში ხელსაყრელ პირობებს ქმნის გამარჯვებისთვის“,_ აცხადებს "გიორგი ვაშაძე - სტრატეგია აღმაშენებლის" ლიდერი, გიორგი ... ...
  • „საარჩევნოდ ჩაგვისხეს, ახლა ჩაგვიხსნეს“: ოზურგეთში გარემოვაჭრეები წყალს ითხოვენოზურგეთში, ცხრა აპრილის ქუჩის მონაკვეთზე, ერთი წლის წინ, მუნიციპალიტეტის მერიამ გარე სავაჭროდ ჯიხურები დადგა .  მანამდე ღია ცის ქვეშ მდგმომ  მოვაჭრეებს, ადგილების გამოყოფის გარდა, იქვე  წყლის ონკანიც გაუკეთეს. -ონკანი ღიად არასდროს  დაგვიტოვებია. ამ გახურებული პანდემიის  პირობებში ხელს ვიბანდით. გვიხაროდა. სასმელი წყალიც არ გვქონდა საძებარი. მთელი დღე ჯიხურებში ვზივართ, რომ საღამოს სახლში ორიოდე პური წავიღოთ. მოვიდნენ ახლა და დაგვიკეტეს. არჩევნების წინ წყალი ჩაგვისხეს აქ, ასე ჰქვია.  ახლა მილი ჩაგვიხსნეს მთლიანად და მიაწებეს ზედ რაღაც და ლუქი დაადეს, რომ ვინმემ თავიდან არ ჩართოს, _ გვითხრეს ჯიხურების  მოვაჭრეებმა. წყალმომარაგების კომპანიის დირექტორმა, დავით ცერცვაძემ, „გურია ნიუსთან“ ასეთი კომენტარი გააკეთა: _მრიცხველი არ დგას.  ეს იყო აღურიცხავი წყალი,   ამიტომ ჩავკეტეთ. _ერთი წლის მანძილზე როგორ აწვდიდით აღურიცხავ წყალს? ამბობენ, რომ ხელისუფლებამ საარჩევნოდ გაუკეთა. აქამდე რატომ არ დაუკეტეთ   ან მრიცხველი რატომ არ დაუდგით? _არ ვიცი. აღურიცხავი იყო და ამიტომ გავაუქმეთ, _ მოკლედ გვიპასუხა  ცერცვაძემ. შემდეგ ჩვენ ოზურგეთის მუნიციპალიტეტის მერიას მივმართეთ. _ვიცით ამ პრობლემის შესახებ. მრიცხველი მალე დაიდგმება და მოვაჭრეებს წყალი დაუბრკოლებლად მიეწოდებათ, ამ დღეებში მოგვარდება ეს საკითხი - გვითხრეს პრრესსამსახურში.  ... ...
  • რიყეზე ოპოზიციის პარტიების შეხვედრა გაიმართებადღეს, 19 აპრილს 15:00 სთ-ზე  რიყის ამფითეატრთან, ოპოზიციური პარტიების შეკრება გაიმართება. როგორც ოპოზიციის წარმომადგენლები აცხადებენ, ეს იქნება ერთგვარი პრელუდია 15 მაისის აქციისთვის, რომ მოსახლეობას ოპოზიციის გეგმების შესახებ მიაწოდონ ინფორმაცია. მათი თქმით, დღეს არ გაიმართება დიდი აქცია. შეხვდრაზე შტაბს წარადგენენ და ყველა პარტიის წარმომადგენელი დაესწრება. როგორც ოპოცზიციის წარმოადგნლები აცხადებენ, მსჯელობა იქნება ევროპული საბჭოს პრეზიდენტის, შარლ მიშელის მიერ პოლიტიკური პარტიებისთვის შეთავაზებულ ახალ წინადადებათა პაკეტზე, რომელზეც ოპოზიციური პარტიები თავიანთ პოზიციებს ... ...
  • „ორი ნაბიჯი“ და ორი თეთრი“ - ფასდაკლების აქციის „საიდუმლო“ოზურგეთში, პროდუქტზე ფასების ზრდის პარალელურად, არაერთ სავაჭრო ქსელში არსებული ფასდაკლების  აქცია, ერთგვარი შვება უნდა იყოს  რიგითი მომხმარებლებისთვის. ზოგჯერ ეს ასეცაა. თუმცა  მომხმარებელთა დიდი ნაწილი, ამ ყველაფერს სასაცილოდ მიიჩნევს. მაგალითად, კომიკურია  ერთ-ერთ  სავაჭრო ობიექტზე („ორი ნაბიჯი“) , თაროებზე ლამაზად განლაგებული პროდუქციის  სააქციო ფასების რაოდენობა და მისგან მიღებული ე.წ. შეღავათი. აქ მითითებულია, რომ   ერთი  ლიტრი  ლიმონათი 1.49 ლარია.  ხოლო ერთი კილოგრამი  შაქარი 2.29 ლარი ღირს. მოლარე-ოპერატორი გვეუბნება, რომ ლიმონათში 1.50 თეთრი უნდა გადავიხადოთ და ქვითარიც ასე ამოგვიწერა. ასე დაამრგვალა შაქრის ფასიც _ 2.29 ლარის ნაცვლად, 2.30 ლარი. გამოდის, რომ მყიდველმა, სოლ ცოტა,  ხუთი ლიტრი ლიმონათი და ხუთი კილოგრამი შაქარი თუ არ იყიდა,  თავად ხუთი თეთრი  კი არ უნდა „იჩუქოს“, არამედ იქეთ უნდა აჩუქოს. _ ისე მაინც მოიტყუონ, ნუ დაგვცინებენ. 1 თეთრი, რა ხანია, ბრუნვაში აღარც  გვინახავს. ვის ატყუებენ? რა უბედურებაა ეს , სად სწავლობენ ასეთ ბიზნესს? ეტყობა, იფიქრეს, ორი ნაბიჯის გადადგმა უნდა გვიღირდეს ორ თეთრად...სჯობს, გავიცინოთ, _ გვეუბნება ერთ-ერთი მომხმარებელი. ვრცლად ფასების მატების შესახებ,  მალე შემოგთავაზებთ  ... ...

არქივი