მოვლა და საგანგებო შენახვა "შენახულებსაც" სჭირდება

ჩვენი რჩევები

მოვლა და საგანგებო შენახვა "შენახულებსაც" სჭირდება

21 იან. 2020, 14:23:03

მერი შავაძე ერთი იმ საოცარ დიასახლისთაგანია, ვინც მაღალმთიან ზონაში, ოზურგეთში, სოფელ მთისპირში, უკანავაში ცხოვრობს და მთის გარემოს დამახასიათებელი გრძელვადიანი ზამთრისთვის, დიდი სასურსათო მარაგის შენახვა უწევს.

_ მრავალი წლის წინ, როცა სოფელ მთისპირში, უკანავაში მთის ფერდობზე დავფუძნდით, მაშინვე ვიცოდი, რომ აქ საკუთარი გასტრონომია საგანგებოდ უნდა მომეწყო, _ გვეუბნება ის და მის მიერ გაკეთებული სხვადასხვა კონსერვების თუ კომპოტ-მურაბების "საწყობში" სტუმარს ექსკურსიამძღოლივით ეპატიჟება:

_ მინდა ყველას ვურჩიო, რომ სათავსო, სადაც ვინახავთ სხვადასხვა ჩვეულებრივ მჟავეულს თუ დელიკატურ საკვებს, ისევე, უნდა დავალაგოთ და გავანიავოთ და დავასუფთავოთ, როგორც ის სამზარეულო თუ საძინებელი, სადაც ყოველდღიურად ვატარებთ ცხოვრებას. მოვლა, საგანგებოდ სუფთა და განიავებულ ადგილზე შენახვა, იმ "შენახულებს" ყველაზე ძალიან სჭირდება, რომელსაც ზამთარში მივირთმევთ. მოგეხსენებათ, ქილებში შენახულ კონსერვ-მურაბებს თუ ქვაბებსა და კასრში მოთავსებულ ყველს, სიმინდს, ფქვილს, არ უნდა მოედოს ობის, სინესტის, მტვრის ნატამალი.

კვირაში ერთხელ კარგად ვანიავებ ჩემს სათავსოს, ხოლო, ყოველდღე ხელში სუფთა ჩვარი მიჭირავს და საგულდაგულოდ ჩამოვუვლი ქილებსა და კასრებს, ყველა ჭურჭელს, რაშიც სხვადასხვა საკვებს ვინახავ. დაიხსომეთ, მაინცდამაინც სველი ტილოთ ნუ გაწმენდთ ჭურჭლეულს, რომელშიც საჭმელად განსაზღვრული და დაკონსერვებული მასაა მოთავსებული.

სათავსოში თაგვმა არ უნდა გაიჭაჭანოს _ ბებია გვეტყოდა, მაგის "დასუნული" არაფერი ვარგაო _ სათავსოს სისუფთავის ხარისხის განსასაზღვრად, ეს აუცილებელია.

ზოგი მიიჩნევს, რომ რაკი ქილები თავმოკრულია, სულერთია, სად შეაგდებ. მე ჩვევად მაქვს, სტუმარი ჩემს სათავსოშიც შევიყვანო და საკუთარი სურვილით ავარჩევინო სუფთა გარემოში, რას მიირთმევს. ეს არის ჩემი გასტრონომია, სადაც გულსა და სულს ვდებ, ყველაფერს კი სისუფთავით ვიწყებ.

სამომავლოდ მინდა, აქ ფანჯრები დავამატო, ყვავილებით და სხვა სილამაზეებით მოვრთო და "მთის გასტრონომი" დავარქვა. ვინმეს, იქნებ, გაეცინოს, მაგრამ ადამიანის არსებობა საკვების მიღებით იწყება. ამიტომ ყველანაირი საგემოვნო მახასიათებელი ვიზუალურად ისე უნდა გამოიყურებოდეს, რომ მიმზიდველობა არ აკლდეს. ყოველთვის ასეც არაა, როგორც საკვების, ისე ადამიანის შემთხვევაშიც, მაგრამ ხშირად სიმართლეს შეესაბამება, _ ასეთ ღიმილიან, ახლებურ რჩევას გვთავაზობს "მთის გასტრონიმის" იდეით შეპყრობილი მთიელი ქალბატონი მერი შავაძე.




 ახალი ამბები
  • „მაგთიკომი“ აბონენტებს აფრთხილებსკომპანია „მაგთიკომი“ აბონენტებს აფრთხილებს, რომ Apple iPhone 11 Pro ან სხვა სმარტფონის მოგების შესახებ სხვადასხვა ვებგვერდებზე შესვლისას ცრუ ინფორმაცია ვრცელდება. „გარკვეულ ვებგვერდებზე შესვლისას შეიძლება მიიღოთ შეტყობინება ცრუ ინფორმაციით, რომ თქვენ გახდით შემთხვევით შერჩეული იღბლიანი აბონენტი და მოიგეთ Apple iPhone 11 Pro ან სხვა სმარტფონი. პრიზის მისაღებად მოგთხოვენ გარკვეული ინფორმაციის შევსებას. მაგთიკომი გაფრთხილებთ, რომ ეს თაღლითობის მცდელობაა, ინფორმაცია მოგების შესახებ მცდარია. გთხოვთ, გამოიჩინოთ სიფრთხილე და თქვენს პირად მონაცემებს ნუ გაუზიარებთ უცხო პირებს.  გაითვალისწინეთ, რომ ინფორმაცია მაგთიკომის გათამაშებებსა და კონკურსებზე ყოველთვის ვრცელდება ჩვენი ოფიციალური Facebook-ისა და ვებგვერდის საშუალებით. არ ენდოთ უცხო წყაროებს გადამოწმების გარეშე!“- ნათქვამია კომპანიის ... ...
  • „ატენის ვენახების“ ღვინო ევროპაში ექსპორტისთვის ემზადება (R)გორის რაიონის სოფელ ატენში რამდენიმე ჯიშის ყურძნისგან ადგილწარმოშობის ღვინო მზადდება. მევენახეობა ადგილობრივებისთვის ტრადიციული საქმიანობაა, ბოლო წლებში კი მზარდია ტურისტების დაინტერესება უშუალოდ გაეცნონ ღვინის მომზადების პროცესს, დაათვალიერონ ვენახები, ან უბრალონ დააგემოვნონ ადგილობრივი წარმოების ღვინო. კომპანიამ „ატენის ვენახები“ სწორედ ამ მიზნით შეიძინა და გააშენა ვენახები სოფელ ატენში 4 წლის წინ, ხოლო სასტუმროს მშენებლობას მომავალი წლიდან გეგმავს. „აგროტურიზმისადმი ინტერესი იზრდება, ჩვენც გვინდა ამ მოთხოვნას ვუპასუხოთ. აქ ჩამოსულ სტუმარს შევთავაზებთ ყველაფრის ნახვას - დაწყებული ყურძნის დაკრეფიდან და დამთავრებული ღვინის დაგემოვნებით. ჩვენ სტუმრებს საშუალებას მივცემთ,  თვითონ მიიღონ მონაწილეობენ ამ პროცესში,“ - ამბობს „ატენის ვენახების“ დირექტორი გიორგი გორისეველი. „ატენის ვენახების“ საკუთრებაში 12 ჰა მიწის ფართობზე გაშენებული სხვადასხვა ჯიშის ყურძენია, მათ შორის, ჩინებული (იგივე ჩინური), გორული მწვანე, შავკაპიტო, ბუდეშური, საფერავი და თავკვერი. კომპანიამ წელს თიბისის მხარდაჭერით ისარგებლა და ვენახების მოვლისთვის საჭირო ტექნიკა შეიძინა. მომავალ წელს ღვინის ჩამოსხმას ბრენდირებულად შეძლებენ და აპირებენ, რომ „ატენის ვენახების“ ღვინო ექსპორტზე ევროპის ქვეყნებში გაიტანონ. ... ...
  • მთავრობამ პრაქტიკულად ხელი ჩაიქნია ეკონომიკის შენარჩუნებაზე- ჭიჭინაძე„არაეკონომიკური ენით რომ ვთქვათ გაუფასურებულ მთავრობას არ შეიძლება ჰქონდეს ძლიერი ვალუტა. ჩვენი მთავრობა თვითონ ისე არის გაუფასურებული, რომ ქვეყნის ვალუტაც, რომელიც მის პოლიტიკას განაგებს ამ ქვეყანაში, გაუფასურებულია”,_ ამის შესახებ განცხადება „ტრიბუნას“ ლიდერმა დავით ჭიჭინაძემ გააკეთა. ჭიჭინაძემ აღნიშნა, რომ გაუფასურების მთავარი მიზეზი ის პოლიტიკაა, რომელსაც მთავრობა ატარებს. „სინამდვილეში კი მთავარი გაუფასურების მიზეზი არის ის პოლიტიკა, რომელსაც მთავრობა ატარებს, ფულის დარიგების და სუბსიდირების პოლიტიკა და არა სამუშაო ადგილების შექმნის და შენარჩუნების პოლიტიკა. მთავრობამ პრაქტიკულად ხელი ჩაიქნია ეკონომიკის შენარჩუნებაზე და გადავიდა უბრალოდ ფულის დარიგების მექანიზმზე, ფიქრობენ ეხლა რომელ ფენებს დაურიგონ ფული, რომ საარჩევნოდ მათი ხმები მოიპოვონ. ის, რომ ამ ქვეყანაში სამუშაო ადგილები ყოველდღე მცირდება გამოდის, რომ მთავრობის ეკონომიკური გუნდი ვერ ართმევს დაკისრებულ ვალდებულებებს თავს და ზოგადად მთელი მათი ქმედება მიმართულია შემოსული დახმარებების მოპარვაზე, როგორ მოიპარონ, როგორ მოიფიქრონ ისეთი სქემა, რომ ეს ფული მოხვდეს მათ ჯიბეებში. თუნდაც ყურძნის თემა.  რთველი მიმდინარეობს და იქაც ეს სუბსიდირებები მიმართულია მხოლოდ და მხოლოდ დიდ კომპანიებზე, იმის მაგივრად რომ პატარა კომპანიები წაეხალისებინათ და   სამუშაო ადგილების შექმნისთვის შეეწყოთ ხელი.  მაგრამ,  ბიძინა ივანიშვილის ძმის ინტერესია სპირტის ბიზნესი, ამიტომ, ვინც სპირტს აწარმოებს დიდი მოცულობით, იმ ქარხნებს უსუბსიდირებენ. ანუ,  ეს არის ის რაც მუდმივად ხდება ამ ქვეყანაში - შემოსული ფული  ისევ მათ ჯიბეებში მიდის“,_ აცხადებს ჭიჭინაძე. ... ...
  • ჩაფიძის ცენტრში მორიგი საქველმოქმედო აქცია ჩატარდება (R)მიმდინარე წლის 4 ოქტომბერს, ვეტერანების საქმეთა სახელმწიფო სამსახურის ორგანიზებით, ომისა და თავდაცვის ძალების ვეტერანებისა და მათი ოჯახის წევრებისათვის, აკადემიკოს გ.ჩაფიძის სახელობის გადაუდებელი კარდიოლოგიის ცენტრის ექიმები, ურთიერთთანამშრომლობის მემორანდუმის ფარგლებში, კარდიოლოგიური პროფილის უფასო გამოკვლევებს ( ექიმი-კარდიოლოგის კონსულტაცია, ელექტროკარდიოგრამა, გულის ექოსკოპია, ლაბორატორიული კვლევები ) ჩაატარებენ. ბენეფიციართა მიღება იწარმოებს 10:00 საათიდან; მისამართი: თბილისი; ნ.ჯავახიშვილის ქ. N 1; აკადემიკოს ს. ჩაფიძის სახელობის გადაუდებელი კარდიოლოგიის ცენტრი ურთიერთთანამშრომლობის მემორანდუმი, ვეტერანების საქმეთა სახელმწიფო სამსახურსა და აკადემიკოს გ.ჩაფიძის სახელობის გადაუდებელი კარდიოლოგიის ცენტრს შორის, 2017 წლის აპრილში გაფორმდა და ყოველწლიურად განახლდება. მემორანდუმის ფარგლებში, ვეტერანებისა და მათი ოჯახის წევრებისათვის საქველმოქმედო სამედიცინო აქციები, მთელი საქართველოს მასშტაბით, პერმანენტულად ტარდება, რომელთა შესახებ ინფორმაცია, ვეტერანებს, წინასწარ მიეწოდებათ. ... ...
  • საგამოძიებო სამსახურმა ოთხი მეწარმე პასუხისგებაში მისცასაქართველოს ფინანსთა სამინისტროს საგამოძიებო სამსახურის  თანამშრომლებმა,  გატარებული ოპერატიულ - სამძებრო ღონისძიებებისა და საგამოძიებო მოქმედებების შედეგად, დიდი ოდენობით სახელმწიფო ქონების მოტყუებით დაუფლების, ჯგუფურად ყალბი საგადასახადო დოკუმენტის დამზადება - გამოყენებისა და წინასწარი შეთანხმებით ჯგუფის მიერ, ქონების მესაკუთრის მოტყუებით  დიდი ოდენობით  ქონებრივი დაზიანების ფაქტზე, ბრალდებულის სახით, ოთხი მეწარმე პასუხისგებაში მისცა,  რომელთაგან ორი  დააკავა. გამოძიებით დადგენილია, რომ ბრალდებულებმა, უკანონო მატერიალური სარგებლის მიღების მიზნით, მათი მართვის ქვეშ მყოფი კომპანიების სახელით, დაამზადეს და გამოიყენეს ჯამში 2 065 725 ლარის ღირებულების საქონლისა და მომსახურების მიწოდების ყალბი საგადასახადო ანგარიშ - ფაქტურები, რითაც შეიქმნეს 313 789 ლარის ოდენობის ფიქტიური აქტივი, საიდანაც ბრალდებულებმა შეძლეს 220 897 ლარის გამოყენება. გამოძიების ამ ეტაპზე ზიანის ნაწილი 56 033 ლარის ოდენობით ანაზღაურებულია სახელმწიფო ბიუჯეტის სასარგებლოდ. გამოძიება მიმდინარეობს საქართველოს სისხლის სამართლის კოდექსის 180-ე და 185-ე მუხლების მე-3 ნაწილებით და 210-ე მუხლის მე-2 ნაწილით, რაც სასჯელის სახით ითვალისწინებს თავისუფლების აღკვეთას  6-დან 9 წლამდე ... ...

არქივი


free polls