ფერმერის თხოვნა: "არ გავუშვათ ფაროსანა შინიდან"

ჩვენი რჩევები

ფერმერის თხოვნა: "არ გავუშვათ ფაროსანა შინიდან"

21 დეკ. 2017, 23:53:44

ახლა, ნოემბრის ბოლოს, მავნებელი ფაროსანა უკვე აღარსად ჩანს და აქ-იქ თუ გავიგონებთ მის წამიერ, ხმადაბალ ბზუილს. იგი უკვე მიმალულია სახლებსა და სხვადასხვა ნაგებობებში, სადაც გამოზამთრებას აპირებს.

ლანჩხუთის მუნიციპალიტეტის სოფელ მამათის მკვიდრი, ფერმერი ომარ კილაძე საკუთარ რჩევას გვთავაზობს ფაროსანას წინააღმდეგ საბრძოლველად დაზამთრებამდე და ზამთრის პერიოდშიც.

_ ჩემი მთავარი დევიზია: "არ გავუშვათ ფაროსანა შინიდან", რაც შეიძლება ზოგს სასაცილოდ მოეჩვენოს, თუმცა, ეს არის საუკეთესო მოქმედება მავნებლის გასანადგურებლად, რათა მომავალ გაზაფხულზე მისი შემოტევისგან თავი დავიცვათ, _ გვეუბნება ომარ კილაძე და გვიამბობს, როგორ ებრძვის მავნებელს.

გვირჩევს, სახლებში არა ერთხელ შემოვიაროთ ყველა ოთახი, თითოეული საბანი თუ ლეიბი ავიღოთ, დავფერთხოთ სამოსი, სადაც ფაროსანა აუცილებლად იქნება შეყუჟული. მოსაზრება იმაზე, რომ სახლის კარს თუ ფანჯრებს არ აღებდით, მცდარია, რადგან მავნებელი ახერხებს ჩვენთან შემოპარვას და ნებისმიერ სამოსსა თუ საწოლში თავს არხეინად გრძნობს.

აღნიშნულ ადგილებში ძებნა მთელი ზამთრის მანძილზე გავიმეოროთ, რადგან ფაროსანას საოცარი დამალვის და ფოფხვის უნარი გააჩნია, რომ თუნდაც ტანსაცმელზე დამაგრებული ღილის კუთხეში მიიყუჟოს. არ გავუშვათ შინიდან მომავალ გაზაფხულზე. შევიდეთ სახლის სხვენში, ბეღლის თუ მოტოვებული შენობების კუნჭულები დავათვალიეროთ, შევაგროვოთ და დავწვათ. ეს არის ყველაზე ეფექტური გზა მის მოსასპობად, რათა გაზაფხულზე ნახევრად მაინც ავიცილოთ ამ საშიში მავნებლის შემოსევის საშიშროება.

რაც შეეხება შეწამვლას, მასივების თუ ეზოების დამუშავებას მავნებლის საწინააღმდეგო სითხით, ომარ კილაძე ამბობს, რომ ამ საშუალებების ნაკლებად სჯერა, რადგან გამოსცადა ბიფეტრინის ჯგუფის პრეპარატი ტალსტერი.

_ ზედმეტი რაოდენობითაც კი დავასხი საგანგებოდ შეგროვებულ ფაროსანას და დავტოვე ასეთ მდგომარეობაში. სამწუხაროდ, მეორე დღეს მავნებელი ისევ გაცოცხლდა და, ფაქტობრივად, წამალმა, რომლის იმედადაც ვიყავი, არ იმუშავა. ამიტომ, ჩემი აზრით, მექანიკური ხერხები გაცილებით უკეთესია, _ ამბობს ის.

თუმცა, ფერმერის ნაამბობს არ ეთანხმებიან სპეციალისტები _ სურსათის ეროვნული სააგენტოს რეგიონული სამსახურის წარმომადგენლები:

"გამორიცხულია, ფაროსანას გაცოცხლება ბიფეტრინის ჯგუფის პრეპარატით შეწამვლის შემდეგ, მით უფრო, თუ დიდი რაოდენობით დაასხამ მავნებელს. არსებობს პრეპარატები, რომელსაც ახასიათებს ნაწლავური ეფექტი, ანუ უცებ არ ნადგურდება. ხოლო არის კონტაქტურ-ნაწლავური ქმედების პრეპარატი, რომელიც შეხებითაც კლავს. საინტერესოა, იყო კი ნამდვილად დასახელებული პრეპარატი? ცნობილია ფაროსანას წინააღმდეგ ბრძოლის ხმაურიანი კამპანია, როცა შეწამვლის პროცესში თვით ჟურნალისტები ხედავდით, თუ როგორი ეფექტი ჰქონდა ამ წამალს", _ ამბობენ ისინი.

"კარმიდამო ჩემი" კიდევ ერთხელ მოუწოდებს რეგიონის თითოეულ მცხოვრებს, აქტიურად შეაგროვონ საკუთარ საკარმიდამოებში ყოველგვარი ხავს-მღიერები, გაასუფთაონ ფუღუროები, მოფოცხონ ხეხილოვანთა თუ თხილის პლანტაციები და კარგად დაწვან. თითოეული განადგურებული ფაროსანა არის მავნებელთან ბრძოლის დადებითი შედეგი. იფხიზლეთ, რომ გაზაფხულზე მოსალოდნელი საფრთხე შევამციროთ.




 ახალი ამბები
  • დაბა გომისმთაზე მეორე დღეა სატვირთო მანქანებს არ უშვებენორი დღეა ოზურგეთის მუნიციპალიტეტის მერიის ზედამხედველობის სამსახური და ადგილობრივი სამართალდამცავები დაბა გომისმთაზე, სატვირთო მანქანებს, რომლითაც სამშენებლო მასალები ააქვთ, არ უშვებენ. ოზურგეთის მუნიციპალიტეტის მერიამ გუშინ გაავრცელა განცხადება, სადაც წერია, რომ „საქართველოს კანონის შესაბამისად, სსიპ „საჯარო რეესტრის ეროვნული სააგენტო“ მიმდინარე თვიდან დაბაში იწყებს მიწების სისტემურ რეგისტრაციას. გაფრთხილებთ, აღნიშნული პროცედურების დასრულებამდე თავი შეიკავოთ გომისმთის მიმართულებით სამშენებლო მასალების ტრანსპორტირებისგან მშენებლობების განხორციელების მიზნით! წინააღმდეგ შემთხვევაში თქვენს მიმართ გამოყენებული იქნება კანონმდებლობით გათვალისწინებული პასუხისმგებლობის ზომები“. ინფორმაციისთვის, ბოლო ორი წელია დაბა გომისმთაზე  უკანონო მშენებლობები ... ...
  • დღეს თბილისის ანძა აშშ-ის დროშის ფერებში განათდებააშშ-ის დამოუკიდებლობის დღესთან დაკავშირებით მთაწმინდიდან ფოიერვერკებს გაუშვებენ, თბილისის ანძა კი აშშ-ის დროშის ფერებში განათდება. ინფორმაციას ამის შესახებ საქართველოში აშშ-ის საელჩო ავრცელებს. „რთული წარმოსადგენია აშშ-ის დამოუკიდებლობის დღე ფეიერვერკების გარეშე, ეს ორასზე მეტი წლის ტრადიციაა. ხვალ 4 ივლისია და ჩვენი დამოუკიდებლობის 244-ე წლისთავის აღსანიშნავად 22:00 საათზე მთაწმინდის პარკიდან ფეიერვერკებს გავუშვებთ. გვსურს, მადლობა გადავუხადოთ საქართველოს მთავრობას, რომ გვიერთდება ამ ზეიმში და თბილისის ანძას ამერიკის დროშის ფერებში აანთებს“, - წერს ... ...
  • ოზურგეთის საბავშვო ბაღის აღსაზრდელებისთვის პროდუქტების გადაცემის მესამე ეტაპი დაიწყოდღეს დაიწყო და ორშაბათს დასრულდება ოზურგეთის საბავშვო ბაღებში პროდუქტების დარიგება. ა(ა)იპ“ ოზურგეთის  მუნიციპალიტეტის სკოლამდელი აღზრდის ცენტრის“ დირექტორის, მაკა ჭყონიას თქმით, მესამე ეტაპზე ბაღებში რეგისტრირებული ყველა ბავშვი მიიღებს ბურღულეულს, ბრინჯს, შაქარს, კარტოფილს, ორცხობილას და ზეთს. პროდუქტები 2646 აღსაზრდელისთვის არის ... ...
  • "არ არის აუცილებელი გარე პერიმეტრზე აბიტურიენტის მთელი ოჯახით გულშემატკივრობა"არ არის აუცილებელი აბიტურიენტების გულშემატკივრების დიდი თავშეყრა გამოცდის გარე პერიმეტრზე, ნუ შევიკრიბებით, _ ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ პირველი არხის ეთერში განაცხადა. ამასთან, ამირან გამყრელიძემ აბიტურიენტებს სიმშვიდისკენ მოუწოდა და აღნიშნა, რომ მათთვის ყველა საჭირო პირობა იქნება შექმნილი. „აბიტურიენტებს მივმართავ, იყვნენ მშვიდად. მათთვის იქნება ყველა პირობა შექმნილი, ყველანაირი კომფორტი, რომ მშვიდ ვითარებაში ჩააბარონ ტესტი. მშობლებს და გულშემატკივრებს მივმართავ რეკომენდაციით - მიღებულია საქართველოში, რომ ვგულშემატკივრობთ ხოლმე აბიტურიენტებს, მიდის მთელი ოჯახი, არიან თავშეყრილი და ელოდებიან. არ არის ეს აუცილებელი. მოგეხსენებათ, ერთ-ერთი მთავარი რეკომენდაცია არის დისტანცირება და ჯგუფურად ნუ შევიკრიბებით“, - განაცხადა ამირან გამყრელიძემ. შეკითხვაზე, არის თუ არა რისკები მაქსიმალურად დაზღვეული, რომ ეპიდვითარება საგრძნობლად არ გაუარესდეს, რადგან ერთიან ეროვნულ გამოცდებზე, თითქმის, ერთი თვის განმავლობაში, ერთ სივრცეში ადამიანთა საკმაოდ დიდი ნაკადი იქნება თავმოყრილი, ამირან გამყრელიძემ განაცხადა, რომ გამოცდებზე რისკები მინიმუმამდეა დაყვანილი. „ეროვნული გამოცდები პანდემიის პერიოდში არის ერთ-ერთი ყველაზე ფართომასშტაბიანი ღონისძიება და ამიტომ, სერიოზული მოსამზადებელი სამუშაოები ჩატარდა. სპეციალური ჯგუფი ორი თვის განმავლობაში მუშაობდა, რომ ყველა ნიუანსი ყოფილიყო გათვალისწინებული, რათა ჩვენმა აბიტურიენტებმა ერთი მხრივ, კომფორტულ ვითარებაში დაწერონ საგამოცდო ტესტები და მეორე მხრივ, მაქსიმალურად იყოს დაზღვეული უსაფრთხოება, კორონავირუსული ინფექციის გავრცელების თვალსაზრისით. ვფიქრობ, რისკები მინიმუმამდეა დაყვანილი. მოგეხსენებათ, მედიცინაში აბსოლუტური არაფერია, მაგრამ ვფიქრობ, იმ მიდგომით, მეთოდოლოგიით და რისკების გათვალისწინებით, რითაც ეროვნული გამოცდები ჩატარდება, რისკები მინიმუმამდეა დაყვანილი“, - განაცხადა გამყრელიძემ. ამირან გამყრელიძის განმარტებით, თუ აბიტურიენტს რესპირაციული სიმპტომები გამოცდის პერიოდში, პირველი ან მეორე გამოცდის შემდეგ გამოუვლინდა, მას საშუალება მიეცემა, ტესტი იზოლაციის პირობებში დაამთავროს, შემდეგ გამოიკვლევა და თუ კოვიდ ინფექცია დადგინდა, შესაბამის სამკურნალო დაწესებულებაში იქნება გადაყვანილი, ხოლო მასთან შემხებლობაში მყოფი ყველა აბიტურიენტს და ზედამხედველს კარანტინში გადაიყვანენ და ლაბორატორიულად ... ...
  • ზურაბ ნასარაია: "მსურს ჩემი გულწრფელი მილოცვა გადავცე აშშ-ს ელჩს და სრულიად ამერიკელ ხალხს" (R)სახელმწიფო რწმუნებულმა გურიაში ზურაბ ნასარაიამ ამერიკელ ხალხს დამოუკიდებლობის დრე მიულოცა. ამერიკის დამოუკიდებლობის 244-ე წლისთავთან დაკავშირებით, მსურს ჩემი გულწრფელი მილოცვა და საუკეთესო სურვილები გადავცე მის აღმატებულება-ამერიკის შეერთებული შტატების ელჩს და სრულიად ამერიკელ ხალხს! იმედს ვიტოვებ, რომ ამერიკის საელჩოსთან მჭიდრო თანამშრომლობით, საქართველოსა და ამერიკის შეერთებულ შტატებს შორის არსებული მეგობრული ურთიერთობები და სტრატეგიული თანამშრომლობა კიდევ უფრო გაღრმავდება და გაძლიერდება ორივე ქვეყნის სასარგებლოდ. გილოცავთ დამოუკიდებლობის დღეს!" _ განაცხადა ზურაბ ნასარაიამ. ... ...

არქივი