როგორ გამოვხადოთ თაფლის არაყი

ჩვენი რჩევები

როგორ გამოვხადოთ თაფლის არაყი

2018 მაი 9 15:46:16

საქართველოში მეფუტკრეობის განვითარების მრავალსაუკუნოვან გზაზე თაფლის არყის დამზადება ქართველი ხალხის ყოფის მემკვიდრეობითი, მაღალმეცნიერული და შემოქმედებითი შრომის მონაპოვარია.

გაგაცნობთ ნატურალური სახით თაფლის არყის გამოხდის ტექნოლოგიას. ამ საკითხზე გურიაში საკმაო გამოცდილება არსებობს. მერწმუნეთ, რომ ამ მეთოდით მიღებული პროდუქცია ხარისხიანი, დასალევად სასიამოვნო და კარგი თვისების მქონეა. ნორმით მისი დალევა რგებს ჯანმრთელობას, ამშვენებს სუფრას და სტუმარ-მასპინძლობას.

თაფლის არყისთვის ძირითადი მასალაა თაფლი. ასევე, თაფლის გამოწურვის შემდგომ დარჩენილი ანარჩენები, ფიჭის გადანათალი, ციბრუტისა და სხვა ინვენტარის ნარეცხი, გამოწურული თაფლიანი ფიჭები, რომლებიც შემდგომ ხმარებისთვის გამოუყენებელია. გამოხდისთვის, ასევე, აუცილებელია ჭეო. უნდა გავითვალისწინოთ ის გარემოება, რომ არყის გამოსახდელ მასალაში ზედმეტი, მოჭარბებული სანთლის არსებობა გაართულებს გამოხდის პროცესს და ამდენად საჭიროა წინასწარ სანთლის მოხდა ჩვეულებრივი წესით.

მიღებული სახადის ნაზავის სიტკბოს ვსინჯავთ და წყლის დამატებით ვარეგულირებთ, საჭირო ნორმის მიხედვით. გვახსოვდეს, მუშაობის დროს არ მივიზიდოთ ფუტკრები და დავიცვათ მისი უსაფრთხოება.

მასალას ვასხამთ ქვევრში და ვახურავთ ჰერმეტულად. ჩაშვებიდან 12-14 დღის შემდგომ შეიძლება გამოხდა.

როგორია გამოხდის პროცესი? სახადი მასალა, რომელმაც სრულყოფილად დაამთავრა დუღილის პროცესი, მომწიფებულია და ვიწყებთ გამოხდის პროცესს. საამისოდ ვაწესრიგებთ სახად აპარატს და ყველა საჭირო ინვენტარს. ამ დროს გამორიცხულია გამაგრილებელი წყლის შეფერხება ან უკმარისობა. სახად სითხეს ვასხამთ ქვაბში 75%-ის ოდენობით. ძალიან არ ავავსოთ. დავახუროთ და შევუნთოთ ცეცხლი. დუღილის დაწყების შემდეგ, ცეცხლი გავანელოთ ისე, რომ გამოსულ არაყს ორთქლი არ მოყვებოდეს და ნაკადი არ მოდიოდეს.

გამოხდის პროცესს ვყოფთ სამ ეტაპად. პირველი _ თავნახადი, რომლის სიმაგრე 60-დან 85 გრადუსამდა. მეორე _ მუშა ნახადი, რომლის 35-დან 60 გრადუსამდე და მესამე _ ბოლონახადი, 10-დან 35 გრადუსამდე. ვსინჯავთ ბოლო ნახადის გემოს და სიმაგრეს. თუ ის აკმაყოფილებს ხსენებული ნორმით მიღებულ სტანდარტებს და თვისობრივ ფაქტორებს, ვაგრძელებთ პროცესს, თუ არა _ ვწყვეტთ გამოხდას.

რატომ არის საჭირო გაფილტვრა? ფილტრაცია პროცესია, რომლის დროსაც ხსნარებს წმენდის მიზნით ატარებენ ფოროვან ჯებირებში. არყის მრეწველობაში გამფილტრავი მრავალი მასალა და საშუალებები არსებობს. გამოიყენება მუყაოს, აზბესტის, ნახშირის, კვარცის ფილტრი, ქვისა და სხვა. ბამბეულობიდან მფილტრავ ქსოვილად გამოყენებულია ფანელი, საშინელე მაუდი, ნარმა და სხვა. უშუალოდ არყის გამოხდის პროცესში შეგვიძლია გამოვიყენოთ გაფილტვრის მარტივი მეთოდიც _ ჭურჭელს ვაფარებთ 3-4 ფენა დოლბანდს, რომელიც დროგამოშვებით სუფთავდება, ირეცხება ნალექისგან, პროდუქციის ფილტრაციის შემდგომ ვადგენთ მის სტანდარტულ სიმაგრეს.

დეგუსტაცია, დაჭაშნიკება

არყის ნაწარმის ხარისხი განისაზღვრება ანალიზურად და ორგანოლეპტიკურად. პროდუქციის ხარისხის ანალიზურად განსაზღვრა ხდება ქიმიური ანალიზის საშუალებით. საზღვრავენ სპირტის, შაქრის, ექსტრატული ნივთიერების, ორგანული მჟავეებისა და სხვათა რაოდენობას. პროდუქციის ფერიც შესაძლებელია განისაზღვროს კოლორიმეტრულად, მაგრამ მნიშვნელოვნად რთულია ობიექტურად შევაფასოთ პროდუქციის გემო და არომატი, რომელიც ჩვენში დღემდე ძველებურად, ორგანოლეპტიკური მეთოდით წარმოებს, რაც გამოიხატება იმაში, რასაც დეგუსტაცია ეწოდება, ხოლო ხარისხის დამდგენელს _ დეგუსტატორი. "დეგუსტაცია" ლათინური სიტყვაა და ნიშნავს გემოს გასინჯვას ანუ დაჭაშნიკებას.

აღიარებული აზრის მიხედვით, პროდუქციის გემო შეგრძნებათა ერთობლიობას წარმოადგენს, რომელსაც ადამიანი გემოვნებასა და ყნოსვის რეცეპტორების ერთობლივი მოქმედებით განიცდის.

შეფასებისთვის დადგენილია შემდეგი უმაღლესი ბალი: ფერი და გამჭვირვალობა _ 2 ბალი, არომატი _ 4 ბალი და გემო _ 4 ბალი.

უმაღლესი ბალით ფასდება უზადო გამჭვირვალობის მქონე არაყი, რომელსაც აქვს ამ არყისთვის დამახასიათებელი სუნი, გემო და არომატი. არ აქვს გარეშე ან სხვა ნივთიერების გამოცალკავებული სუნი, გემო და სხვა დამახასიათებელი უარყოფითი ნიშან-თვისებები.

როგორ დავიყვანოთ არყის სიმაგრე სტანდარტულ სიმაგრემდე?

ყველა სპირტიან სასმელს გააჩნია თავისი სიმაგრის ნორმა, სანთლის არაყი საოჯახო მოხმარებისთვის მიღებულია 27-31 გრადუსამდე სიმაგრის. თუ სავაჭრო ქსელში სარეალიზაციოდ გავუშვებთ, სტანდარტი უნდა იყოს 40 გრადუსი.

 გამოხდილ პროდუქციას ვათავსებთ მომინანქრებულ ჭურჭელში, ავურევთ კარგად, შემდეგ ვიღებთ ნიმუშს და სპირტსაზომით ვსინჯავთ. თუ პროდუქციის სიმაგრე ნორმის ზევითაა, ვუმატებთ შერბილებულ წყალს _ გამოხდილს ან ანადუღარს და გაციებულს. კიდევ ვურევთ და ვსინჯავთ, სანამ სასურველ შედეგს არ მივიღებთ.

მიღებულ პროდუქციას ვინახავთ კარგად გარეცხილ მინის ჭურჭელში, ბოთლებში, ბოთლების შევსების შემდეგ საჭიროა ჰერმეტულად დახურვა. სახურავები უნდა იყოს მექანიკურად გამძლე და ამავე დროს პროდუქციას არ უნდა აძლევდეს რაიმე გარეშე სუნს და გემოს, არ უნდა შედიოდეს რეაქციაში სასმელთან, ხელით ადვილად იხსნებოდეს. ვინახავთ დღის სინათლით სუსტად განათებულ შენობაში.

დადგენილია, რომ დაძველებისას გემო და არომატი უმჯობესდება. ეს დამოკიდებულია სასმელის შემადგენლობაზე. პროცესი სხვადასხვა სასმელზე სხვადასხვა დროის ხანგრძლივობით მიმდინარეობს.

ასევე, შეიძლება ითქვას თაფლის არაყზეც. მისი რამდენიმე დღით შეყოვნებაც კი დადებით შედეგს იძლევა, რაც კიდევ უფრო აუმჯობესებს მის ხარისხს და თვისებებს.

 ჯანვერდ ცეცხლაძე,
გურიის მეფუტკრეთა კავშირის თავმჯდომარე




 ახალი ამბები
  • IRI-ის კვლევების მიხედვით, გამოკითხულთა უმეტესობა საპენსიო რეფორმას მხარს უჭერს"საერთაშორისო რესპუბლიკური ინსტიტუტის" (IRI) კვლევების ცენტრის მიერ გამოქვეყნებული საზოგადოებრივი აზრის გამოკითხვის შედეგების მიხედვით, გამოკითხულთა უმეტესობა საპენსიო რეფორმას მხარს უჭერს. კითხვაზე: როგორ შეაფასებდით პარლამენტის მიერ ინიცირებულ საპენსიო რეფორმას, გამოკითხულთა 36%-მა უპასუხა, რომ უფრო მეტად კეთილგანწყობილია. აღნიშნული რეფორმა ნაწილობრივ მოსწონს 23%-ს, ნაწილობრივ არ მოსწონს 11%-ს. პარლამენტის მიერ ინიცირებული საპენსიო რეფორმის გატარებას არ ეთანხმება გამოკითხულთა 18%, არ იცის ან პასუხი არ აქვს გამოკითხვაში მონაწილე ადამიანების 12%-ს. კვლევა მთელი საქართველოს მასშტაბით 2019 წლის 20 მაისი - 11 ივნისის შუალედში ... ...
  • დაკავებისას ბრალდებულებმა სამართალდამცველებს ცეცხლი გაუხსნესსავაჭრო ცენტრ „ქარვასლასთან“ დაკავების დროს ბრალდებულებმა პოლიციას წინააღმდეგობა გაუწიეს და ცეცხლსასროლი იარაღიდან ესროლეს. ინფორმაციას შინაგან საქმეთა სამინისტრო ავრცელებს. შსს-ს ცნობით, ყაჩაღობის ფაქტზე მიმდინარე გამოძიების ფარგლებში პოლიციამ ორი პირი დააკავა. „მომხდარის დროს არავინ დაშავებულა. ინტენსიურ რეჟიმში გრძელდება საგამოძიებო-ოპერატიული ღონისძიებები. გამოძიება სსკ-ის 179-ე მუხლით მიმდინარეობს“, - აცხადებენ შს ... ...
  • გვარამია: რუსთავი 2_დან მე გამოვედი გამარჯვებული, მაგრამ ამ გამარჯვებას ფასი არა აქვს"მე რუსთავი 2დან გავედი გამარჯვებული. ჩემი მისია შევასრულე - 7 წელი (არხის ისტორიაში ყველაზე ხანგრძლივი პერიოდი ვიყავი დირექტორი) არხი ვამუშავე წარმოუდგენელ რეჟიმში, ფაქტიურად, ბოლო ორი წელი, საოცრების ხარჯზე. სრულიად არავის დახმარებით, მტრულ გარემოში, ფინანსრური თავდასხმების და არხის ამჟამინდელი მფლობელის დამანგრეველი ყადაღის მიუხედავად, ყველა ხელფასი ყოველთვის გავეცი, თვითონაც არ ვიცი როგორ. ყველას, ვისაც განსაკუთრებულად უჭირდა, დავეხმარე" _ წერს სოციალურ ქსელში რუსთავი 2_ის ყოფილი გენერალური დირექტორი ნიკა გვარამია. მისივე თქმით, "რ2 გახდა სახელმწიფო სახელმწიფოში - სავსე თავისუფალი, ნიჭიერი, ფერადი ხალხით, ვინც არ გაეკარა ბნელ ქართულ ოცნებას, ვისაც უნდოდა დასავლეთი და თავისუფლება, და ვისი ერთადერთი ნავსაყუდელი რ2 გახდა. იმიტომ მიხაროდა მანდ მოსვლა - ქვეყანაში უანალოგო თავისუფლების კუნძული იყო, ჰაერში ეკიდა თავისულფების სუნი": _ამ არხმა 7 წელიწადში დაანგრია ამ ქვეყნის მთავარი მტერი - რუსული გავლენა. დიახ, დაანგირა და გააშიშვლა ხელისუფლება, რომელიც რუსული აღმოჩნდა თავიდან ბოლომდე. ბოლო კვლევით, რაც ვნახეთ, გავრილოვის ღამემდეც კი, რუსეთი არაა ამ ქვეყნის არჩევანი და ამაში ყველაზე მნიშვნელოვანი დამსახურება რ2ისაა, ღრმად მწამს, და ისიც მწამს, რომ რუსებმაც კარგად იციან ეს. იმიტომაც ყეფენ ხან დუმის ტრიბუნიდან, ხან პუტინის პირით და ხან ლავროვის განცხადებებით. დიახ, რუსეთმა კარგად იცის, ვინ იყო მისი მთავარი მტერი საქართველოში. კარგად იცის და არც მალავს. სამწუხაროა, რომ კვლევით ვინცაა ჩვენი არჩევანი, შვიდი წელი ვისი ფასეულობების დასამკვიდრებლადაც ვიბრძოდით სიკვდილ-სიცოცხლის ფასად, იმისი ხელით დავიხურეთ სწორედ. ირონიაა, მაგრამ ძალიან მწარე. ამაზე მოგვიანებით ვისაუბრებ და აუცილებად შევაფასებ ევროსასამართლოს გადაწყვეტილებას დეტალურად. არაფერი არაა ამ ქვეყნად წმინდა ძროხა, რომლის კრიტიკა არ შეიძლება. მათ შორის, არც ევროსასამართლო. კონსპირაციები განზე დავტოვოთ, საგნობრივი კრიტიკა კი ნამდვილად საჭიროა. მივუბრუნდეთ თემას.  მე რუსთავი2დან გავედი გამარჯვებული. მე მოვუგე ყველა ბრძოლა მტრულად განწყობილ სახელმწიფოს და მის დამნაშავე ბოსს, უზურპატორ ბიძინა ივანიშვილს. მე მოვიგე ყველა ბრძოლა ყველა ეტაპზე საქართველოში, მაგრამ დავმარცხდი იქ, სადაც არ შეიძლებოდა უბრალოდ რომ დავმარცხებულიყავი. ჩვენ ვერ დაგვხურა მთელმა ქრთულმა პოლიტიკურმა მანქანამ, მაგრამ სამწუხაროდ ეს გააკეთა იმან, ვისაც ეს არასგზით არ უნდა გაეკეთებინა.  მე რუსთავი2_დან გავედი გამარჯვებული. თუმცა ამ გამარჯვებას ნამდვილად ჯობდა გაემარჯვა სხვას, ყველაზე მნიშვნელოვანს მთელ ამ ამბავში.  მე რუსთავი2_დან გავედი გამარჯვებული, მაგრამ დამარცხდა ეროსის შექმნილი, ბევრის ღვაწლით განვითარებული, და ბოლოს ჩემი გზარდილი, ათასუბედურება გატარებული, ჩემი და ჩემი გუნდის მიერ მთელ პოსტსაბჭოთა სივრცეში მთავარ და საუკეთესო ტელევიზიად ქცეული რუსთავი 2.  მე რუსთავი2_დან გავედი გამარჯვებული, მაგრამ დამარცცხდა თავად რუსთავი 2. დამარცხდა პირველად 25 წლის მანძილზე. პირველად 25 წლის მანძილზე ქვეყნის მთავარი მცველი რუსეთის გავლენისგან, გახდა რუსული. ჯერ ამას ვერ აცნობიერებენ კარგად, სანამ ჩვენი გუნდი კიდევ იქაა და ფაქტიურად წინააღმდეგობის მოძრაობა აქვს გაჩაღებლი და გმირულად იბრძვის მტრულ გარემოში. მაგრამ ძალიან მალე მოვა გაცნობიერების დრო და მაშინ მიხვდებიან ზუსტად ჩვენი მაყურებლები და არამაყურებლებიც, რა კატასტროფას მოაწერა ხელი შვიდამა ევროპელმა მოსამართლემ.  მე რუსთავი2_დან გავედი გამარჯვებული, მაგრამ დამარცხდა ჩემი ნაზარდი და საყვარელი რუსთავი 2, ქვეყანაში თავისუფლების და დასავლეთის მთავარი და ალბათ ბოლო ბასტიონი. ქვეყანამ დაკარგა მისი დამოუკიდებლობის განმავლობაში შექმნილი და გაძლიერებული ერთერთი უმნიშვნელოვანესი მონაპოვარი, დასავლეთის, ხარისხის და თავისუფლების სიმბოლო. ქვეყანამ დაკარგა მისი დამოუკიდებლობის პერიოდში შექმნილი უმაღლესი კლასის და დასავლური შინაარსის და დონის ტელევიზია. ალბათ საქართველოს დამოუკიდებლობის პერიოდში შექმნილი მთავარი და ყველაზე წარმატებული ბრენდი - რუსთავი 2. ეს ფაქტი შედგა და მხოლოდ ცოტა დრო ჭირდება ამის სრულად გაცნობიერებას. ეს ფაქტი შედგა და არა მგონია, ოდესმე მისი უკან შექცევა მოხდეს. მე მხოლოდ გამიხარდება და წარმატებას ვუსურვებ, ვინც ამ საქმეს მომავალში ხელს მოკიდებს.  მე რუსთავი2_დან გავედი გამარჯვებული, მაგრამ დამარცხდა რუსთავი 2, ხელახლა მოკლეს ეროსი კიწმარიშვილი და დაიხურა ბოლო ფანჯარა დასავლეთში.  რუსთავი 2_დან მე გამოვედი გამარჯვებული, მაგრამ დამარცხდა ჩემი სამშობლო.  რუსთავი 2_დან მე გამოვედი გამარჯვებული, მაგრამ ამ გამარჯვებას ფასი არა აქვს"_ წერს ... ...
  • სემეკმა მიმდინარე კვირაში მოქალაქეებს 54 ათას ლარზე მეტი ჩამოაწერა (R)საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) მიმდინარე კვირაში გამართულ საჯარო სხდომებზე მოქალაქეებსა და კომპანიებს შორის არსებული დავები განიხილა. საკითხების უმეტესობა მოქალაქეთა სასარგებლოდ დაკმაყოფილდა და ჩამოწერილი თანხების ოდენობამ, ჯამში,  54 887 ლარი შეადგინა. მიმდინარე კვირაში სემეკმა 5 საჯარო სხდომა გამართა და დღის წესრიგებით გათვალისწინებული 99 საკითხი განიხილა. მოქალაქეთა საჩივრები ენერგეტიკისა და წყალმომარაგების სექტორებში მოქმედი კომპანიების წინააღმდეგ მოიცავდა  უსაფუძვლოდ დარიცხულ თანხებს, ხანდაზმულ დავალიანებებს. საჯარო სხდომებზე განსახილველად საკითხები წარადგინეს სემეკის მომხმარებელთა საჩივრების დეპარტამენტისა  და ენერგოომბუდსმენის სამსახურის წარმომადგენლებმა. კომისია შეახსენებს მოქალაქეებს, რომ იმ შემთხვევაში, თუ ელექტროენერგეტიკის, ბუნებრივი გაზისა და წყალმომარაგების სექტორებში მოქმედი კომპანიების მხრიდან ადგილი აქვს მათი უფლებების დარღვევას, მიმართონ სემეკს ან სემეკთან არსებულ ენერგოომბუდსმენის სამსახურს. მოქალაქეებს კონსულტაციების მიღება შეუძლიათ როგორც ქოლ ცენტრში ნომერზე: 16 216, ისე  სემეკის Facebook გვერდზეც. ... ...
  • სახელმწიფო ფონდის ხარჯზე შემცირებული თანხები ლანჩხუთის ბიუჯეტშიბესიკ ტაბიძის ხელმძღვანელობით ლანჩხუთის მუნიციპალიტეტის საკრებულოს ბიუროს სხდომა გაიმართა, სადაც ადგილობრივი საკანონმდებლო ორგანოს მორიგი სხდომის თარიღად 25 ივლისი დაანონსდა და წესისამებრ, ბიურომ სწორედ ამ დღისთვის განსაზღვრა, როგორც განსახილველი საკითხები, ასევე, ამ საკითხის მომხსენებლები.  ბიუროზე წარმოდგენილი საკითხების მიხედვით გაირკვა, რომ მომავალი საკრებულოს სხდომის  დღის წესრიგით დეპუტატებს მიმდინარე წლის მთავარ საფინანსო დოკუმენტში ცვლილებების შეტანის თაობაზე მოუწევთ მსჯელობა. მერიის საფინანსო  სამსახურის უფროსის, როლანდ ლაშხიას მიერ წარმოდგენილი საკითხის  მიხედვით,  რეგიონებში გასახორციელებელი პროექტების ფონდიდან  მთავრობის განკარგულებით ლანჩხუთის მუნიციპალიტეტს  185 209 ლარი ერგო  ადმინისტრაციულ ერთეულებში საექიმო ამბულატორიისა და მშენებლობის დასაფინანსებლად. კერძოდ,  ზემონახსენები თანხიდან 20 418 ლარი აკეთის ადმინისტრაციულ ერთეულში გაიხარჯება, 22 030 ლარი _ აცანაში, შუხუთში _ 21 765 ლარი, ნიგოითში კი _ 27 828 ლარი. რაც შეეხება სუფსის ადმინისტრაციულ ერთეულს, აქ საექიმო ამბულატორიის მშენებლობის ტერიტორიის მომზადებისთვის  11 430 ლარია გამოყოფილი, უშუალოდ მშენებლობისთვის კი- 81 828 ლარი.  საფინანსო სამსახურის უფროსის მიერ ხელმოწერილი  განმარტებითი ბარათის მიხედვით,  ირკვევა, რომ რეგიონებში გასახორციელებელი  პროექტების ფონდიდან  გამოყოფილი თანხა  324 265 ლარით შემცირდა, აქედან ეს შემცირება გახორციელდება სახელმწიფო ფონდის, მათ შორის  წყლის სისტემის რეაბილიტაციის, საცხოვრებელი და არასაცხოვრებელი ექსპლუატაცია-რეაბილიტაციის, ასევე, გზების რეაბილიტაციის თანხების შემცირების ხარჯზე.  ამის გარდა, გზების სარეაბილიტაციო სამუშაოები  სახელმწიფო ფონდის ხარჯზე  22 086 ლარითაა შემცირებული. საფინანსო სამსახურის მიერ ბიუროს სხდომაზე წარმოდგენილი განმარტებების მიხედვით, გაირკვა, რომ ადგილობრივი ბიუჯეტის თავისუფალი ნაშთის ხარჯზე  მერია გეგმავს  ხუთი ათასი ლარით გაზარდოს გზის მიმდინარე სამუშაოების დაფინანსება, ხოლო ვიდეო კამარების ინსტალაციისთვის  763 ლარი გამოყოს. ამავე თანხიდან, სახელოვნებო სკოლათა გაერთიანების მოთხოვნის საფუძველზე, დამატებით ოთხი ათასი ლარი უნდა მიიმართოს    სამხატვრო სკოლის შტატგარეშე მუშაკთა დასაფინანსებლად.  სპორტული ღონისძიებების დასაფინანსებლად კი _ 1 100 ლარი. გარდა ბიუჯეტში დაგეგმილი ცვლილებებისა, ბიუროზე  საკრებულოს სხდომისთვის სხვა რიგი საკითხებიც წინასწარ მოთელეს დეპუტატებმა. როგორც გაირკვა,  ცვლილება შეეხება ლანჩხუთის საკრებულოს სივრცით-ტერიტორიული დაგეგმარებისა და ინფრასტრუქტურის კომისიის შემადგენლობის დამტკიცების შესახებ განკარგულებას. ასევე, ცვლილება შედის საკრებულოს 2019 წლის 28 მარტის N18 განკარგულებაში „ლანჩხუთის მუნიციპალიტეტის ქონების საპრივატიზაციო ობიექტების ნუსხისა და ლანჩხუთის მუნიციპალიტეტის ქონების პრივატიზაციის გეგმის დამტკიცების შესახებ“. საკრებულოს სხდომის გამართვამდე კი ამ საკითხების კიდევ ერთხელ გავლა მოუწევთ დეპუტატებს დარგობრივ ... ...

არქივი

ზაფრანი

ახალგაზრდობის შენარჩუნებისთვის

ჰარვარდის უნივერსიტეტის ექიმები, დევიდ სინკლერის...

ქსოვა სტრესს ხსნის

ექიმები ქსოვას ნამდვილ წამალს უწოდებენ,...

რაზე მეტყველებს ადამიანის ნაწერი

სპირალი, წრეები - სხვების პრობლემები...

რა უნდათ ქალებს მამაკაცებისაგან?

მამაკაცები ხშირად ამბობენ, რომ ვერ...

კითხვები, რომელიც აფრთხობს მამაკაცს

მამაკაცები მეტად მგრძნობიარე და ადვილად...

ქალმა არ მოინდომოს თორემ...

ძალიან ბევრი ფიქრობს, რომ ქალმა...