შეწამვლითი ღონისძიებები და უსაფრთხოების ზომები

ჩვენი რჩევები

შეწამვლითი ღონისძიებები და უსაფრთხოების ზომები

2018 იან 26 11:16:46

ვაგრძელებთ უსაფრთხოების ზომების შესახებ საუბარს, მცენარეთა დაცვის საშუალებების გამოყენებისას. თებერვლიდან უკვე სერიოზულად უნდა დავიწყოთ შეწამვლითი ღონისძიებები. განსაკუთრებით ეს ეხება თხილის კულტურას, რომელიც ჩვენში, სოკოვანი დაავადებების თუ მავნებლების გამო, უკვე  სერიოზულ დეგრადაციას განიცდის და სასწრაფო შველა სჭირდება.

ჩვენი რჩევების მეორე ეტაპი ეხება მავნე ორგანიზმების წინააღმდეგ საბრძოლველად გამოყენებული სხვადასხვა პესტიციდების გამოყენებას, რომლებიც შეიცავენ მომწამვლელ ნივთიერებებს.

გურიაში ათწლეულების მანძილზე  არ გამოუყენებიათ პლანტაციებში სხვადასხვა პესტიციდები. ამიტომ, როცა მათი გამოყენების სერიოზული საჭიროება დადგა, ძალიან სერიოზულად და ფრთხილად უნდა მოვეკიდოთ შეწამვლის პროცესს, რადგან არასწორი მოქმედების  შედეგად, შესაძლოა,  ის საშიში გახდეს ადამიანის და ცხოველის სიცოცხლისთვისაც კი.

უბედურ შემთხვევათა თავიდან აცილების მიზნით, პესტიციდებთან  მომუშავე პერსონალმა, მეურნეები იქნებიან  ეს თუ დაქირავებული  მუშა ჯგუფი, მტკიცედ უნდა დაიცვან პირადი და საზოგადოებრივი უსაფრთხოების ზომები:

არ არსებობს არც ერთი ქიმიკატი რისკის გარეშე, მაგრამ არსებობს მათი უსაფრთხო მოხმარების გზები. პირველ რიგში, გულდასმით წაიკითხეთ ტარის ეტიკეტი და მოიქეცით მითითებული ინსტრუქციის  თანახმად. მცენარეთა დაცვის ნებისმიერი საშუალება ანუ პესტიციდი ადგილობრივ მოქმედებას ადამიანზე ახდენს უშუალო სხეულთან კონტაქტის დროს. შესაძლებელია, აგრეთვე, ადგილი ჰქონდეს საერთო ხასიათის მოქმედებას, რაც გამოწვეულია პესტიციდის ორგანიზმში შეღწევით.

განსაკუთრებით დაიხსომეთ, მცენარეთა დაცვის საშუალებებმა ორგანიზმში შეიძლება შეაღწიონ სამი გზით: კანის საშუალებით, გადაყლაპვით, ორთქლის ჩასუნთქვით. მოწამვლის თავიდან  ასაცილებლად სამივე ეს გზა უნდა გამოვრიცხოთ. ყველაზე ხშირია კანთან კონტაქტი. ეს ხდება უშუალოდ პრეპარატთან შეხებით, ასევე, დაბინძურებული ტანსაცმლის მეშვეობით.  ადამიანის კანი არ წარმოადგენს სრული დაცვის ბარიერს _ კანთან კონტაქტისას, შესაძლოა, მისი ორგანიზმში შეწოვა.

თუკი მოხდა კანის დაბინძურება, ნუ მოიქცევით ზერელედ, სასწრაფოდ ჩამოიბანეთ პრეპარატის კანთან შეხების ადგილი. პესტიციდების ორგანიზმში მოხვედრა ძალზე საშიშია და იწვევს მოწამვლას. ამგვარი რისკი შეიძლება შემთხვევით ხასიათსაც ატარებდეს, რაც კიდევ უფრო საშიშია. განსაკუთრებით შორს გქონდეთ პესტიციდები ბავშვებისგან.

პესტიციდებთან მუშაობისას აკრძალულია ბინძური ხელებით საკვებისა და სასმელის მიღება, სიგარეტის მოწევა.

არ დააბინძუროთ საკვები პროდუქტები პესტიციდებით. საგულისხმოა ის ფაქტიც, რომ ჰერბიციდებით შეწამლული თესლი ცალკე უნდა შეინახოთ, რადგან  შემთხვევით  საკვებად არ გამოიყენოთ.

შეწამვლითი სამუშაოების დროს, ყოველთვის გამოიყენეთ აირწინაღი ან მისი შემცვლელი. სანამ შეწამვლას დაიწყებთ, პრეპარატის სამუშაო ნაზავის მომზადება უზრუნველყავით კარგი აერაციის შენობაში ან სულაც ღია ცის ქვეშ. კონცენტრატი ფრთხილად დაასხით და ასევე გაფრქვევის დროს ახლოს ნუ დადგებით.

და რა უნდა ვქნათ, თუკი მაინც მოხდა პესტიციდის ჩაყლაპვა ან  შესუნთქვა? ჩაყლაპვის შემთხვევაში, რაც იწვევს გულის რევას, ტკივილს მუცლის არეში, ვიდრე ექიმი მოვა, დაზარალებულს დავალევინოთ ჭიქა  წყალი, აქტივირებულ ნახშირთან ერთად რამდენჯერმე, შემდეგ კი მივცეთ საფაღარათე მარილი. შესუნთქვის შემთხვევაში, დაზარალებული გავიყვანოთ სუფთა ჰაერზე, სიმპტომები იგივეა, რაც გადაყლაპვისას. კანზე მოხვედრისას პესტიციდების უმრავლესობა სწრაფად შეიწოვება, ამიტომ სწრაფად  ჩამოირეცხეთ გამდინარე წყლით. დამწვრობის შემთხვევაში, მიმართეთ ექიმს. თვალში მოხვედრისას აუცილებლად გამოირეცხეთ გამდინარე წყლით. ყველა ამ შემთხვევაში, აუცილებლად მიმართეთ ექიმს, რადგან რისკი მაინც არსებობს.

შხამიან ნივთიერებებთან მუშაობისას აუცილებლად უნდა იქონიოთ წყლის  დიდი მარაგი, საპონი, ქსოვილის ნაჭრები, რომ უცაბედი დაბინძურების შემთხვევაში, სასწრაფოდ  ჩამოიბანოთ ან გაასუფთაოთ დაბინძურებული ადგილები.

პრეპარატთან მუშაობის დასრულების შემდეგ, სამუშაო ტანსაცმელი სასწრაფოდ გაიხადეთ და აუცილებლად დაიბანეთ თბილი წყლითა და საპნით.

პესტიციდებთან მუშაობისას  არ შეიძლება თამბაქოს მოწევა,  საკვებისა და წყლის  მიღება. თუ ძალიან  მოგწყურდათ, მიღების წინ კარგად დაიბანეთ ხელები, მოიბანეთ სახე.

მეტად მნიშვნელოვანია შესხურების შემდეგ, ნაკვეთზე გასვლის ვადა _ ის შეზღუდულია 24-საათიანი ინტერვალით, როგორც ადამიანებში, ისე ცხოველებში. ეტიკეტზე მითითებული ლოდინის პერიოდი _ ეს ნიშნავს ბოლო წამლობიდან მოსავლის აღების ვადას. ეს მოთხოვნა აუცილებლად უნდა დავიცვათ, რადგან პესტიციდის ნაშთი თქვენს მიერ მოწეულ პროდუქტში დასაშვებ ნორმას შეესაბამებოდეს. წინააღმდეგ შემთხვევაში, პესტიციდი ვერ ასწრებს დაშლას და თქვენი მოსავალი დაბინძურებული აღმოჩნდება პესტიციდის ნარჩენებით.  ეს მეტად  საზიანოა ადამიანის ჯანმრთელობისთვის.

ჩვენი რჩევები  განსაკუთრებით უნდა გაითვალისწინონ გურულმა მეურნეებმა, რადგან დასავლეთ საქართველოში, სადაც თითქმის არასდროს ხდებოდა თხილის პლანტაციების თუ ხილის ბაღების შეწამვლა, ამიერიდან ახალი რეალობის წინაშე დგომა მოგვიწევს. ამიტომ, ჯერ გავუფრთხილდეთ ჯანმრთელობას, სიცოცხლეს და მერე მცენარეებს, ჩვენს მომავალს. მით უფრო, როცა მოსალოდნელია ფაროსანას წინააღმდეგ საგანგებო მდგომარეობაც კი გამოცხადდეს. ამიტომ, აქედანვე იფიქრეთ იმაზე, რომ შეწამვლითი  სამუშაოების დროს, ერთი ზერელე ნაბიჯის გადადგმაც კი არ შეიძლება.

 

ანგელინა ნიკოლაიშვილი,
ბიოლოგიის მეცნიერებათააკადემიური დოქტორი




 ახალი ამბები
  • რეჟისორი ზაზა ურუშაძე გარდაიცვალარეჟისორი ზაზა ურუშაძე 53 წლის ასაკში გარდაიცვალა. ინფორმაციას რეჟისორის ახლობლები ადასტურებენ. ურუშაძის გარდაცვალების სავარაუდო მიზეზად გულის შეტევა სახელდება.  მან დაამთავრა შოთა რუსთაველის სახელობის თეატრალური ინსტიტუტის კინოფაკულტეტი 1987 წელს. 1988-1999წწ. კინოსტუდია "ქართული ფილმი", დამდგმელი რეჟისორი; 1999-2000წწ. სააქციო საზოგადოება "ქართული ფილმი", სამეთვალყურეო საბჭოს თავმჯდომარის მოადგილე; 2002-2004წწ. საქართველოს ეროვნული კინოცენტრის დირექტორი. დამდგმელი რეჟსორია ფილმების: "მათთვის, ვინც მამამ მიატოვა" (1989), "აქ თენდება" (1998), "სამი სახლი" (2008), "დარჩი ჩემთან" (2011), "ბოლო გასეირნება" (2012), "მანდარინები" (2013); სცენარის ავტორია ფილმების: "მათთვის, ვინც მამამ მიატოვა"(1989), "აქ თენდება" (1998), "სამი სახლი"(2008), "მანდარინები" (2013); პროდიუსერია ფილმების: "სამი სახლი" (2008), "მანდარინები" (2013); გადაღებულია ფილმში: "მე მოვედი" ... ...
  • ზვიად ქორიძე “საერთაშორისო გამჭვირვალობა- საქართველოს“ გუნდს შეურთდაჟურნალისტი ზვიადი ქორიძე “საერთაშორისო გამჭვირვალობა- საქართველოს“ გუნდს შეურთდა. ის რეგიონული ოფისების მენეჯერი გახდა. ცნობისთვის, ზვიად ქორიძე 2019 წლის 1 იანვრიდან ნოემბრამდე აჭარის საზოგადოებრივი მაუწყებლის კონსულტანტის ფუნქციებს ასრულებდა. აჭარის ტელევიზიასთან ხელშეკრულების შეწყვეტა თავად ზვიად ქორიძემ ისურვა. ზვიად ქორიძე დაიბადა 1968 წლის 10 ოქტომბერს, თბილისში. დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1992 წელს. 1986-1987 წლებში იყო გაზეთ "ახალგაზრდა კომუნისტის" კორესპონდენტი; 1989-1990 წლებში რადიოპროგრამა "პიკის საათის" რედაქტორი; 1990-1991 წლებში გაზეთ "7 დღის" კორესპონდენტი; 1991-1996 წლებში "7 დღის" დამფუძნებელი და სარედაქციო კოლეგიის წევრი; 1996-1997 წლებში მთავარი რედაქტორი; 1997-1998 წლებში ტელეკომპანია "რუსთავი 2"-ის საინფორმაციო სამსახურის უფროსი; 1998 წლიდან "საქართველოს გაზეთის" მთავარი რედაქტორი. გამოქვეყნებული აქვს მრავალი სტატია. 2014 წლის 4 ივლისიდან პრეზიდენტ გიორგი მარგველაშვილის წარდგენით შეწყალების კომისიას თავმჯდომარეობდა. აღნიშნულ თანამდებობას ის 2018 წლის 31 დეკემბრამდე ... ...
  • პრემიერ-მინისტრი ბათუმში ე.წ. მუყაოს ქალაქში მოსახლეობას შეხვდასაქართველოს პრემიერ-მინისტრი გიორგი გახარია, აჭარის ავტონომიური რესპუბლიკის მთავრობის თავმჯდომარე თორნიკე რიჟვაძესთან ერთად, ბათუმში ე.წ.  მუყაოს ქალაქში მოსახლეობას შეხვდა. მთავრობის მეთაური ადგილობრივების მძიმე საცხოვრებელ პირობებს გაეცნო, მათ შორის სოციალურად დაუცველი და მრავალშვილიანი ოჯახები არიან. პრემიერმა აღნიშნა, რომ მათი საცხოვრებელი პირობები მალე გაუმჯობესდება, ვინაიდან 2020 წლის ბიუჯეტში გათვალისწინებულია ფინანსური რესურსი პირველ ეტაპზე 580 ბინის მაქსიმალურად მოკლე ვადაში ასაშენებლად. უკვე გამოცხადებულია ტენდერი, გამარჯვებული კომპანიის გამოვლენის შემდეგ კი დაიწყება შესაბამისი სამუშაოები, რომელიც 18 თვეში დასრულდება. მშენებლობის შემდეგ ეტაპზე აშენდება სკოლა, საბავშვო ბაღი და სათამაშო მოედნები. პრემიერმა ადგილობრივ მოსახლეობასთან შეხვედრისას განაცხადა, რომ მთავრობა მოწოდებულია, მაქსიმალურად სწრაფად გადადგას ყველა საჭირო ნაბიჯი, იმისთვის, რომ ადგილობრივებისთვის უზრუნველყოფილი იყოს ნორმალური საცხოვრებელი პირობები. ე.წ მუყაოს ქალაქში მცხოვრებმა მოსახლეობამ აღნიშნა, რომ პრემიერ-მინისტრის სტუმრობა მათთვის განსაკუთრებული მხარდაჭერის ... ...
  • 38 წლის ოზურგეთელი მედიკოსის, ალექსანდრე თავართქილაძის რევოლუციური ნაბიჯები ქართულ მედიცინაშიონკოლოგი და გენეტიკოსი, პერსონალიზებული მედიცინის ინსტიტუტის კლინიკური დირექტორი, თბილისის სახელმწიფო სამედიცინო უნივერსიტეტის პროფესორი , ოზურგეთელი ალექსანდრე თავართქილაძე , ჯერ მხოლო 38 წლისაა, თუმცა მან თბილისის სახემწიფო სამედიცინო ინსტიტუტის დამთავრების და ევროპული განათლების მირების შემდეგ, უზარმაზარი კლინიკური და სამეცნიერო გამოცდილების გზა გაიარა.  ჩვენთან ინტერვიუში,  რომელსაც მალე შემოგთავაზებთ, მისი  ძალიან ტევადი ევროპული სამედიცინო გზის მიუხედავად , ალექსანდრე თავართქილაძე  ყველაზე მნიშვნელოვან ფაქტორად მიიჩნევს იმას,  რომ ის არის საქართველოს იმ კუთხის წარმომადგენელი, რომელსაც გურია ქვია, კერძოდ ამბობს, რომ  ქალაქი ოზურგეთი, მის მოგონებებში უმნიშვნელოვანეს ადგილს იკავებს. „დიახ, წარმოშობთ ვარ ოზურგეთიდან, ძალიან მიყვარს გურია და შემიძლია, თამამად ვთქვა, რომ იქ გავატარე ბავშობის საოცარი წლები და იქედანვე დავიმუხტე საოცრად თბილი ენერგიით. ალბათ და რა თქმა უნდა ყველა ადამიანს თავისი ფესვები უყვარს, მაგრამ მე შემიძლია ვთქვა, რომ გურია არის მართლა საქართველოს გული.  როგორც ცოცხალ ორგანიზმში გული ყველაზე „ცოცხალი“ ორგანოა, შეიძლება ითქვას, რომ ასევეა გურია საქართველოში და შესაბამისად  შეუძლებელია, რომ იქ ადამიანმა თავი  „ყოვლისშემძლედ“ არ იგრძნო.  ეს, რა თქმა უნდა, ხუმრობით, თუმცა ვინც გურიაში ერთხელ მაინც მოხვდება ის აუცილებლად შეიგრძნობს „ჭეშმარიტი თავისუფლების არსს“ ... მე მყავდა არაჩვეულებრივი ბაბუა, სამამულო ომის ვეტერანი, მე მის სახელს ვატარებ, მის მოყოლილ ზღაპრებსა და მეორე მსოფლიო ომის საოცარ ისტორიებზე გავიზარდე, რომლებიც დღემდე ზეპირად მახსოვს.  მყავს  საოცარი ბებია, რომელთანაც, როგორც იტყვიან, უხილავი ძაფებით ვარ კავშირში. ალბათ, მუდმივად, მას აქვს იუმორის საოცარი გრძნობა, რაც გარკვეულ ჩუმ მელოდიასავით გამოჰყვა მთელს ჩემს შემდგომ ცხოვრებას... ბებიაჩემი პროფესიით ექთანი, ლამის 50 წლიანი სამუშაო გამოცდილებით, მე ხშირად დავდიოდი ბებიასთან სამსახურში ასევე დავყვებოდი პაციენტებთან ბინაზე (მაშინ ძალიან პატარა ვიყავი), საოცრად საიტერესოა სნეულ ადამიანებზე ზრუნვა და თუ ეს სურვილში გადაიზარდა, რომ შენ ეს საქმე მოგწონს და ხვდები, რომ „ეს შენია“ აუცილებლად ადამიანი აირჩევს იმ პროფესიას, რომელსაც ექიმობა ქვია, მე უკვე ეს სკოლამდელ ასაკში გადავწყვიტე და სრულად ვუკავშირებ ბებიაჩემის - თინა მდინარაძის მიერ ჩემს, ასე ვთქვათ, „პატარა ბავშვის“ ჩართვას სნეულთა დახმარებაში.  მედიცინის აკადემიური დოქტორი, რომლის დოსიეც, ლამის ქაღალდზე არ ეტევა, ონკოლოგიასთან ბრძოლის საქმეში მსოფლიოს აკვირვებს _ ახლახან მან უნიკალური ოპერაცია გააკეთა პერსონალიზებული მედიცინის ინსტიტუტში, რაც უდიდესი გარდატეხაა ქართულ მედიცინაში _ მან პირველმა ჩაატარა თ ლიმფოციტების გადანერგვა და დღეისათვის სახეზეა სიმსივნისგან სრულიად განკურნებული პაციენტი! „გურია ნიუსი“ მალე შემოგთავაზებთ ინტერვიუს სახელგანთქმულ ახალგაზრდა მეცნიერთან, რომლის გიგანტურ წინვლას სამედიცინო სფეროში, თვალს ადევნებს მშობლიური ოზურგეთი. ალექსანდრე თავართქილაძის მშობლები და ბებია სოფელ ნაგომარში ცხოვრობენ და მასთან შეხვედრა, როგორც ჩვენი მკითხველებისთვის, ისე ოჯახის წევრებისთვის, თან მშობლიურ გურიაში, განსაკუთრებით საინტერესო ... ...
  • თავდასხმა ლაგოდეხში- ნიღბიანმა პირებმა ცოლ-ქმარი სცემესლაგოდეხის მუნიციპალიტეტში, ნიღბიანმა პირებმა 70 წლამდე ასაკის კაცი და მისი მეუღლე სცემეს, სახლიდან ოქროს ბეჭდები და მობილური ტელეფონი წაიღეს. თავდასხმა სოფელ უზუნთალაში სადიკოვ აბასალის ოჯახზე ღამით მოხდა. მიყენებული დაზიანებების გამო  კაცი საავადმყოფოშია მოთავსებული, ქალი კი პოლიციის განყოფილებაში იმყოფება. მომხდარზე გამოძიება სისხლის სამართლის კოდექსის 179-ე მუხლით მიმდინარეობს, რაც ყაჩაღობას ... ...

არქივი

ზაფრანი

მკურნალი ყავა

საინტერესოდ გამოიყურება ჰარვარდის უნივერსიტეტის მეცნიერთა...

საშიშია თუ არა მზის სათვალე

მზის სათვალე წარმოადგენს არა მხოლოდ...

ლიმონის დიეტა

ლიმონის დიეტა გრძელდება 10-დან 14...

ახდენს თუ არა ცხელი ჩაი კიბოს პროვოცირებას

ჩინელი მედიკოსები ცხრა წლის მანძილზე...

ნივთები, რომლებიც იმაზე ჭუჭყიანია, ვიდრე წარმოგიდგენიათ

წარმოგიდგენთ ნივთებს, რომლებიც იმაზე ბინძურია,...

საპარლამენტო არჩევნების რომელ მოდელს უჭერთ მხარს