ტუნგის ხე და ერთწლიანი ნერგების გადარგვის ვადები

ჩვენი რჩევები

ტუნგის ხე და ერთწლიანი ნერგების გადარგვის ვადები

2017 სექ 11 13:56:58

ბოლო წლების განმავლობაში, სოფლის მეურნეობის სამინისტროს წარმომადგენლებისგან რამდენჯერმე გაჟღერდა ინფორმაცია ტუნგის მცენარის რეაბილიტაციის შესახებ, რომლის ნაყოფისგან მიღებულ ზეთს მრეწველობაში უდიდესი გამოყენება ჰქონდა. ის, თითქმის, შეუცვლელად იყო მიჩნეული მანქანათმშენებლობაში და მაღალხარისხოვან ზეთს წარმოადგენდა ასევე საღებავების და ლაქებისთვის.

კომუნისტურ ეპოქაში, გურიასა და აჭარაში, ეს კულტურა გაშენებული იყო და მოსახლეობის ეკონომიკურ ყოფას, ჩაისთან ერთად, მნიშვნელოვნად აძლიერებდა.

გურიაში მას დღესაც ტუნგოს ეძახიან. აქა-იქ შემორჩენილია ტუნგის ხეები, ძირითადად კი, მოსახლეობამ ის ჩაის მსგავსად, აჩეხა და ამოძირკვა.

როგორ უნდა მოიქცეს მოსახლეობა, რომ მოხდეს ტუნგის კულტურის რეაბილიტაცია?

"მისი ზრდა -განვითარება დიდად არის დამოკიდებული გადარგვის ვადებზე, ამ ყველაფერს ჩვენ საგანგებოდ ვსწავლობდით და შედეგიც იყო", _ გვეუბნება გამოცდილი აგრონომი ელდარ თავაძე.

მისი განმარტებით, ტუნგის ნერგების, როგორც ყინვაგამძლე ხეხილოვნის გადარგვა, შემოდგომით და ნაწილობრივ ზამთარშიც შეიძლება. მ დროს სუბტროპიკულ რაიონებში ნიადაგი საკმაო სითბოთი გამოირჩევა და ადრიან გაზაფხულთან შედარებით, მცენარის ფესვების ზრდა გრძელდება შემოდგომა-ზამთრის პერიოდშიც.

აგროწესების მიხედვით, თავდაპირველად ტუნგის დარგვას აწარმოებდნენ ვეგეტაციის დაწყებამდე, პირველი მარტიდან პირველ აპრილამდე, ზამთრის განმავლობაში კი ნერგებს ფარდულში ინახავდნენ. შემდეგ მეცნიერთა ფართო წრეებში დადგინდა, რომ ფარდულებში შენახვამ არ გამოიღო კარგი შედეგი _ ზამთრის შემდეგ ნერგები უფრო დასუსტებულ მდგომარეობაში აღმოჩნდა. საგაზაფხულო დარგვის ერთ-ერთი უარყოფითი მხარე ისიც აღმოჩნდა, რომ გურიის პირობებში გაზაფხულზეც იცის გვალვები და სჭირდებოდა ხშირი მორწყვა, რაც ვეგეტაციას აგვიანებდა.

ტუნგის ერთწლიანი ნერგების გადარგვა საუკეთესო აღმოჩნდა შემოდგომა-ზამთრის პერიოდში _ ამ დროს ისინი ხასიათდებიან ინტენსიური ზრდით.

ტუნგის მცენარე ვეგეტაციას, ძირითადად, ოქტომბერში ამთავრებს. საუკეთესო შედეგიც ამიტომ მიღებული იყო შემოდგომაზე დარგვის დროს. ამ დროს ტუნგის მიწისზედა ნაწილები მოსვენებით მდგომარეობაშია, რაც ძალზე მნიშვნელოვანია მრავალწლიან მცენარეთა გახარებისთვის.

ამავე დროს, ამ პერიოდში ნიადაგი თბილია და საუკეთესო პირობებია მცენარის დაფესვიანებისთვის და ნიადაგთან შეერთებისთვის.

ტუნგის დარგვის შემოდგომის ვადას იმიტომაც აქვს უპირატესობა, რომ მცენარე ასწრებს ნიადაგთან შეგუებას სიცივეების დაწყებამდე.

თუ რაიმე მიზეზის გამო, შემოდგომაზე ვერ მოხერხდა ტუნგის ნერგების გადარგვა, გამონაკლის შემთხვევაში, შესაძლოა, მარტში დაირგოს.

მრავალი დაკვირვების შედეგად დადგენილია, რომ ტუნგის გაშენების უკეთეს დროდ ითვლება ოქტომბერ-ნოემბრის პერიოდი. ამ ვადებში დარგული ნერგების გახარების პროცენტული მაჩვენებელი 91-94%-ს აღწევდა, ხოლო შემდეგ თვეებში თანდათან კლებულობდა და მაისში 72%-ზე დადგა.

შემოდგომაზე დარგული ნერგები ასევე, პირველი სავეგეტაციო სეზონის განმავლობაში, ივითარებენ გვერდით ტოტებს. მაშინ, როცა გაზაფხულის ნარგავები გვერდით განტოტვას არ იძლევა.

ტუნგის კულტურის რეაბილიტაციის შემთხვევაში, ჩვენს მოსახლეობას, აღნიშნული მეთოდით და ასევე მაღალკვალიფიციურ მეცნიერთა დახმარებით, რომელთა საკმაო ნაწილი დღეს ცოცხალია, საშუალება და გასაქანი მიეცემა, სწორად და მოტივირებულად გააშენოს დიდი სამრეწველო მნიშვნელობის მქონე ეს ძვირფასი კულტურა.




 ახალი ამბები
  • უკრაინის დელეგაცია გურიის ეკონომიკურ და ტურისტულ პოტენციალს ეცნობა (R)უკრაინის ხერსონის ოლქის გუბერნატორი იური გუსევი, გურიის სახელმწიფო რწმუნებულს ზურაბ ნასარაიას, რწმუნებულის მოადგილეს გია ებრალიძეს და ოზურგეთის მუნიციპალიტეტის საკრებულოს თავმჯდომარეს დავით დარჩიას შეხვდა. მხარეებმა შეხვედრაზე ეკონომიკის, ტურიზმისა და სოფლის მეურნეობის სფეროში სამომავლო თანამშრომლობის საკითხებზე ისაუბრეს. დელეგაცია ოზურგეთის ფოლკლორის ცენტრს სტუმრობდა, სადაც ადგილობრივი ფოლკლორული და ქორეოგრაფიული ანსამბლების კონცერტს დაესწრნენ. სახელმწიფო ანსამბლმა “გურიამ" ქართველი და უკრაინელი სტუმრების წინაშე ქართულ-უკრაინული კომპოზიცია წარმოადგინა, რომელმაც მაყურებლის განსაკუთრებული მოწონება დაიმსახურა.   ... ...
  • მარგველაშვილი: მზად ვარ, ველაპარაკო ყველა პოლიტიკურ ფიგურას, სააკაშვილსსაქართველოს ექსპრეზიდენტმა,  გიორგი მარგველაშვილმა „მთავარი არხის“ ეთერში განაცხადა, რომ პოლიტიკურ ოპოზიციასთან კონსულტაციებს იწყებს და აღნიშნა, რომ მიხეილ სააკაშვილთან სასაუბროდაც მზადაა, იმ შემთხვევაში, თუ სააკაშვილს საქართველოში დემოკრატიის გაძლიერებასთან დაკავშირებით ხედვა აქვს. „როცა საკითხი ეხება დემოკრატიული დღის წესრიგის გაღრმავებას, მზად ვარ, ველაპარაკო ყველა პოლიტიკურ ფიგურას, მათ შორის სააკაშვილს, თუ მას ხედვა აქვს დემოკრატიის გაძლიერებასთან დაკავშირებით. საქართველო ივანიშვილის გარეშე კი არა, დემოკრატიული საქართველო – ეს აინტერესებს ამომრჩეველს“,_ აღნიშნა ... ...
  • დიღომში "თეგეტა მოტორსი" გაქურდესგამთენიისას დიღომში, რობაქიძის გამზირზე მდებარე „თეგეტა მოტორსის“ მაღაზია გაქურდეს. ქურდებმა ვიტრინა ჩაამსხვრიეს და ამ გზით შევიდნენ მაღაზიაში. ადგილზე ექსპერტ-კრიმინალისტები მუშაობდნენ. გავრცელებული ინფორმაციით, სალაროდან წაღებულია ფული, თუმცა თანხის ზუსტი ოდენობა ჯერ-ჯერობით არ არის დაზუსტებული. როგორც „გურია ნიუსს“ შინაგან საქმეთა სამინისტროში განუცხადეს, მომხდართან დაკავშირებით გამოძიება სსკ-ს 177-ე მუხლით ... ...
  • საქართველოში 17 გრადუსამდე დათბება_ უახლოესი დღეების პროგნოზიგარემოს ეროვნული სააგენტოს ინფორმაციით, 17-18 თებერვალს აღმოსავლეთ საქართველოს ცალკეულ რაიონში შესაძლოა მცირე ნალექი აღინიშნოს, ხოლო 19-20 თებერვალს ქვეყნის ტერიტორიის უმეტეს ნაწილზე უნალექო ამინდია მოსალოდნელი. ჰაერის ტემპერატურა დღის საათებში დასავლეთ საქართველოს დაბლობში  +12, +17, აღმოსავლეთ საქართველოს ბარში +10, +15 გრადუსამდე მოიმატებს. თბილისში  დღეს, 17 თებერვალს შესაძლოა მცირე ნაელქი აღინიშნოს, ჰაერის ტემპერატურა  +6, +8 გრადუსი დაფიქსირდება. 18-20 თებერვალს უმეტესად უნალექო ამინდია მოსალოდნელი. ჰაერი კი +12, +14 გრადუსამდე გათბება. ... ...
  • ჩაფიძის კლინიკაში ვეტერანებს უფასო კვლევები ჩაუტარდათმიმდინარე წლის 15 თებერვალს, ვეტერანების საქმეთა სახელმწიფო სამსახურის ორგანიზებით, ომისა და თავდაცვის ძალების ვეტერანებისა და მათი ოჯახის წევრებისათვის, ურთიერთთანამშრომლობის მემორანდუმის ფარგლებში, აკადემიკოს გ.ჩაფიძის სახელობის გადაუდებელი კარდიოლოგიის ცენტრის ექიმებმა, კარდიოლოგიური პროფილის უფასო გამოკვლევები (ექიმი-კარდიოლოგის კონსულტაცია, ელექტროკარდიოგრამა, გულის ექოსკოპია, ლაბორატორიული კვლევები ) ჩაატარეს. საქველმოქმედო აქციის ფარგლებში, კვალიფიციური სამედიცინო მომსახურება გაეწია უწყების 150-მდე ბენეფიციარს. აქციის მიმდინარეობას ადგილზე გაეცნენ ვეტერანების საქმეთა სახელმწიფო სამსახურის დირექტორის მოადგილე ჯანდრი უბირია, სოციალურ საკითხთა და სააღრიცხვო-ანალიტიკური დეპარტამენტის უფროსი, ამურ რევიშვილი და ამავე დეპარტამენტის თანამშრომელი, ვაჟა დალაქიშვილი. ურთიერთთანამშრომლობა უწყებასა და ჩაფიძის გულის ცენტრს შორის, 2017 წლის აპრილში დაიწყო და პირველი მემორანდუმიც გაფორმდა, რომელიც მხარეთა შეთანხმებით, ყოველწლიურად გრძელდება. ვეტერანების საქმეთა სახელმწიფო სამსახურის ორგანიზებით, ჩაფიძის გულის ცენტრმა, თანამშრომლობის დაწყებიდან დღემდე, უწყების ბენეფიციარებისთვის, 120-მდე საქველმოქმედო სამედიცინო აქცია ჩაატარა და 10 000-ზე მეტ ომისა და თავდაცვის ძალების ვეტერანსა და მათი ოჯახის წევრებს გაუწია კვალიფიციური სამედიცინო მომსახურება. ვეტერანების საქმეთა სახელმწიფო სამსახურის ორგანიზებით, ვეტერანებისა და მათი ოჯახის წევრებისათვის საქველმოქმედო სამედიცინო აქციები კვლავ ჩატარდება, რომელთა შესახებაც, უწყების ბენეფიციარებს, ინფორმაცია წინასწარ მიეწოდებათ.  ... ...

არქივი

ზაფრანი

„წყალგარეული“ ღვინის მომავალი

სამხრეთ აფრიკელმა მეღვინეებმა ბევრი იფიქრეს,...

ჯონ ლენონის ნივთები დღესაც სარფიანად იყიდება

მას შემდეგ, რაც დიდი ბრიტანელი...

ლუდი გონების სამსახურში

როგორც ამერიკელმა და ახალზელანდიელმა მეცნიერებმა...

ბრიტანელები ჰიტლერის ფოტოებით დაინტერესდნენ

ცოტა ხნის წინ, ამერიკის შეერთებულ...

საუკეთესო თეთრ ღვინოებს შორის

Chateau d'Yquem მსოფლიოში ერთ–ერთი ყველაზე ...