ზამთრის მიწურულის სამუშაოები თხილის ბაღებში

ჩვენი რჩევები

ზამთრის მიწურულის სამუშაოები თხილის ბაღებში

7 მარ. 2017, 14:51:09

უძველესი ჩინური წყაროებიდან ცნობილია, რომ თხილის ნაყოფი ღმერთის მიერ ბოძებული ნაყოფების პირველი ხუთეულის უწმიდესი ნაყოფია, კაკლოვან კულტურებს შორის ერთ-ერთი უძველესი წარმომადგენელია, რომელზედაც განუსაზღვრელი მოთხოვნილებაა მსოფლიო ბაზარზე.

მისი სადღეისო გავრცელების არეალი ჰიმალაიდან კანადის ჩრდილოეთი საზღვარია, თუმცა, სამრეწველო ნარგაობანი გვხვდება შუა ევროპისა და მცირე აზიის ქვეყნებში, ჩინეთსა და სამხრეთ კავკასიაში, აშშ-სა და კანადაში.

თხილის ნაყოფს აქვს არა მარტო კვებითი მნიშვნელობა ნედლი სახით, არამედ გამოიყენება მთელ რიგ წარმოებაში და მედიცინაში. თხილის გულს დიდი გამოყენება აქვს საკონდიტრო მრეწველობაში, გამოხდილ ზეთს კი ხმარობენ ტექნიკურ და პარფიუმერულ წარმოებაში. ფოთლები და ბურჩხები შეიცავენ მთრიმლავ ნივთიერებებს, რომელიც გამოიყენება ტყავის წარმოებაში, თხილის ნაჭუჭი კი იხმარება ლინოლეუმის წარმოებაში.

თხილის მცენარის სიცოცხლისუნარიანობა 180-200 წელია. თითოეული დედა ტოტი ცოცხლობს 60-65 წელს. მსხმოიარობას იწყებს დარგვიდან მე-4 წელს, მაგრამ ხშირად მაღალ აგროტექნოლოგიურ ფონზე, შესაძლებელია მსხმოიარობა მესამე წელსაც დაიწყოს.

თხილის ახალშენი ბაღი სრულმოსავლიანად ითვლება დარგვიდან მერვე-მეათე წელს, რომელიც დამოკიდებულია ჯიშსა და მოვლა- განოყიერების მაღალ აგროტექნოლოგიურ ფონზე. ამ დროისთვის თხილის მძლავრი ფესვთა სისტემა მთლიანად ფარავს მისთვის განკუთვნილ კვების არეს. ამიტომ სხვა დამატებითი კულტურების შეთესვა ან გამორგვა მიზანშეწონილი არ არის. რიგთაშორისები უნდა დარჩეს ბუნებრივი ბალახეული საფარის ქვეშ, რომელიც საჭიროების მიხედვით უნდა გაითიბოს და გამოყენებული იქნას ცხოველთა საკვებად, მულჩად რიგთაშორისებში ან დამუშავდეს შესაბამისი ჰერბიციდით მოსავლის აღებამდე ერთი თვით ადრე.

სრულმსხმოიარობის ასაკამდე, თხილის კულტურის ერთ-ერთი ბიოლოგიური თავისებურებაა ფესვიდან ამონაყრების ინტენსიური განვითარება. თხილის დარგვიდან 2-3 წლის შემდეგ იწყება ამონაყრების მასიური წარმოქმნა, რომელიც იჭრება ვარჯის ტოტებში, იწვევს ძირითადი ტოტების ჩახშირებას, დასუსტებას, იქმნება პირობები მავნებელ-დაავადებათა განვითარებისთვის, ძნელდება მოვლითი ღონისძიებების ჩატარება, მცენარის ვარჯში მცირდება ჰაერაცია და სინათლე, რომელიც ერთ-ერთ მნიშვნელოვან ეკოლოგიურ ფაქტორს წარმოადგენს, მონაწილეობს ფოტოსინთეზის პროცესში და გავლენას ახდენს ტრანსპირაციაზე, კვების ინტენსივობაზე და მცენარეში მიმდინარე ყველა ფიზიოლოგიურ პროცესზე. კარგი განათებისა და ჰაერაციის პირობებში კი უზრუნველყოფილია მცენარის გენერაციული ორგანოების ნორმალური ზრდა-განვითარება. ამიტომ, ყველა ფერმერმა და ამ საქმით დაინტერესებულმა პირმა უნდა გაითვალისწინოს და შეარჩიოს თხილის ბაღის გაშენებისას მცენარის კვების არე ისე, რომ არ მოხდეს მცენარეების კარგი განათების და ჰაერაციის გარეშე დატოვება.

თხილის ბაღებში ამონაყრების განვითარების შემთხვევაში შეუძლებელია ტექნიკის ეფექტურად გამოყენება. სუსტდება თხილის მცენარის ნორმალური განვითარება და მცირდება მოსავალი, რადგან ამონაყარი ართმევს საკვებს ძირითად ტოტებს, რაც წინაპირობაა მოსავლის შემცირებისა. ამავე დროს თხილის მასიურ ამონაყრებში ვითარდება მავნებელ-დაავადებები, რომელიც დიდ ზიანს აყენებს მცენარეს. ამიტომ ამონაყრებისგან თხილის ბუჩქის გათავისუფლება (ახალგაზრდა ბაღებში) უნდა მოხდეს მთლიანად, გარდა იმ შემთხვევისა, როცა საჭიროა ნერგის წარმოება ახალი ბაღების გასაშენებლად. ამონაყრებიდან ბრძოლა გამოიხატება სეკატორით და ბაღის ხერხით ფესვის ყელთან მათ მოცილებაში.

ამონაყრებისგან ბუჩქის გათავისუფლება უნდა მოხდეს გვიან შემოდგომაზე, როდესაც მცენარე ფოთოლს დაყრის ან ადრე გაზაფხულზე, როდესაც თხილის ბუჩქი იმყოფება ჯერ კიდევ ზამთრის შესვენების პერიოდში (დეკემბრიდან თებერვლის ჩათვლით). თხილის ბუჩქი უნდა გასუფთავდეს ხნიერი და ამონაყარი ტოტებისგან იმ ანგარიშით, რომ ბუჩქზე დარჩეს 5-8 ახალგაზრდა ტოტი. მოჭრილი, შედარებით ხნიერი ტოტები, გამოიყენება სათბობად და ჭიგოებად ბოსტნეული კულტურებისთვის, ხოლო ახალგაზრდა ამონაყრებისგან მზადდება ლამაზი დეკორაციული გოდრები, კალათები და საახალწლო ჩიჩილაკები.

რაც შეეხება თხილის ხანდაზმულ ბაღებს, გაშენებიდან 20-25 წლის შემდეგ აღინიშნება მოსავლის თანდათანობით კლება. 30 წლის შემდეგ კი იწყება წრიული ტოტების ხმობა (ბუჩქის შუა ნაწილიდან), ხოლო შემდგომ წლებში ღერო მთლიანად ხმება. ამ შემთხვევაში საჭიროა ბუჩქების მთლიანი გაახალგაზრდავება _ თხილის ბაღების გაახალგაზრდავების და მოსავლიანობის გადიდების ძირითადი მიზანია ბუჩქის სასარგებლო ფართობის ზღვრული სიდიდის შენარჩუნება, ძველი მცირე მოსავლიანი, დახავსებული ტოტების მოშორება და ახალი უფრო პროდუქტიული ტოტების დატოვება _ ამ დროს აუცილებელია ვარჯიდან ამოვჭრათ სუსტად განვითარებული, მექანიკურად დაზიანებული, დაავადებული, ხმელი, ერთმანეთში გადახლართული ტოტები.

ბევრი მკვლევარი და პროფესორი იძლეოდა რეკომენდაციებს, რომ თხილის ბაღების გაახალგაზრდავება წარმოებულიყო სამი წლის განმავლობაში, რისთვისაც უნდა მოჭრილიყო ძველი ტოტების ერთი მესამედი, მაგრამ აღნიშნული რეკომენდაცია ვერ იძლეოდა წარმოდგენაც მოსავლის დანაკარგზე და მოსავლიანობის აღდგენაზე მსხმოიარობისთვის, ტოტების სხვადასხვა რაოდენობის დატოვების დროს.

ჩვენ მიერ რეკომენდირებული თხილის ბუჩქების გაახალგაზრდავების მეთოდი მდგომარეობს ძველი (ხნიერი, დახავსებული) და ახალი ნაზარდების პროპორციულ შეთანაწყობაში. დეკემბრიდან თებერვლის ჩათვლით გამოიჭრება ტოტების ნახევარი ან მეტი ისე, რომ ბუჩქზე დარჩეს 3-4 შედარებით ძლიერი ტოტები. ბაღი გაიწმინდება გამოჭრილი ტოტებისგან. პირველი სავეგეტაციო პერიოდის გავლის შემდეგ ბუჩქებში ამონაყარი ტოტებისგან გამოირჩევა 8-10 ლიდერი ტოტი, დანარჩენი ტოტები კი სეკატორით ამოიჭრება. მეორე-მესამე წელს ბუჩქები ხელახლა გაიწმინდება ახალი ამონაყრებისგან და წინა წლებში დატოვებული ხნიერი ტოტებისგან იმ ანგარიშით, რომ ბუჩქში საბოლოოდ დარჩეს 8-10 შემცვლელი ახალგაზრდა ტოტი. ეს ტოტები შესანიშნავ მასალას წარმოადგენს მცენარის სტადიურად განახლებისთვის ხნიერი ტოტების გამოჭრის შემდეგ. დატოვებულ ახალგაზრდა ამონაყრებზე პირველი მცირე მოსავალი გამოჭრიდან მეორე წელსვე აღინიშნება. გამოჭრიდან მესამე წელს კი (მაღალი აგროტექნოლოგიების პირობებში) მსხმოიარობაში შედის ტოტების 70-75%, ხოლო მე-4, მე-5 წელს ყველა ახალგაზრდა ამონაყარი. ასე თანდათანობით გაახალგაზრდავებით მე-6 წლიდან მიიღება თხილის განახლებული, სრულმოსავლიანი ბაღი, სადაც გარდა მოსავლიანობის ზრდისა, აღინიშნება ნაყოფის ხარისხობრივი მაჩვენებლების გაუმჯობესებაც. ხნიერი დედა ტოტები უნდა გადაიჭრას ფესვის ყელთან ახლოს, დანარჩენი ტოტები განტოტვის ადგილას, რადგან ამ ზონაში გადაჭრის შემდეგ უფრო აქტიურად წარმოიქმნება ახალი ნაზარდები.

თხილის ბაღების გაახალგაზრდავების ციკლი სასურველია განმეორდეს 20-25 წელიწადში ერთხელ ხანდაზმულ პლანტაციებში.

ამრიგად, თხილის ბუჩქების მოსავლიანობის და ნაყოფის ხარისხის გაუმჯობესების ეკონომიკური ეფექტი განისაზღვრება ბუჩქებში 8-10 ტოტის დატოვებით. თხილის არსებული ბაღების რეკონსტრუქციის _ გაახალგაზრდავების ტექნოლოგიების დანერგვით შესაძლებელია ხანდაზმული ბაღების პროდუქტიულობის სრული აღდგენა-გახანგრძლივება. გაითვალისწინეთ ეს რჩევები, თუნდაც გამოცდილმა მეურნეებმა, რადგან თითოეული ნიუანსი, საბოლოოდ, თხილის სრულფასოვანი მოსავლიანობის გარანტია.

 ვახტანგ გოლიაძე,
ცისანა ქაშაკაშვილი,
სოფლის მეურნეობისაკადემიური დოქტორები




 ახალი ამბები
  • როდისთვის დასრულდება საფეხბურთო აკადემიის მშენებლობა ლანჩხუთშილანჩხუთში,  სოფელ გვიმბალაურში, სადაც  საფეხბურთო აკადემიის მშენებლობა აქტიურ ფაზაში მიმდინარეობს და სამუშაოების დასრულება შემოდგომისთვის იგეგმება,  ფეხბურთის ფედერაციის წარმომადგენლები იმყოფებოდნენ მუნიციპალიტეტის ხელმძღვანელ პირებთან  და ლანჩხუთი-ჩოხატაურის მაჟორიტარ დეპუტატთან ერთად. პროექტის შესაბამისად, ადგილზე მოეწყობა ადმინისტრაციული საცხოვრებელი შენობა და სტანდარტული ზომის საფეხბურთო მოედანი განათებით. აკადემიის გუნდებთან ერთად, აქ არსებული საფეხბურთო ინფრასტრუქტურით საფეხბურთო სკოლებისა და სამოყვარულო ფეხბურთის გუნდებს შეეძლებათ ისარგებლონ. სტუმრობისას როგორც სფფ-ის პირველმა ვიცე-პრეზიდენტმა, კახა ჭუმბურიძემ აღნიშნა, ეს აკადემია გურიისა და აჭარის რეგიონს მოიცავს, სადაც 13-დან 14 წლამდე მოზარდებს საშუალება ექნებათ ივარჯონ და ... ...
  • მოვუწოდებ შინაგან საქმეთა სამინისტროს, ვინ არის ოლივია ანტონი, დაინტერესდნენ - არჩილ კაიკაციშვილიმინდა მივმართო შინაგან საქმეთა მინისტრს, რომლის უწყებაც შესანიშნავად მუშაობს არასრულწლოვანთა რეფორმის პროცესში, დაინტერესდეს, ვინ არის რუსეთის ფედერაციის მოქალაქე ოლივია ანტონი, რომლიც, საქართველოს სამართალდამცავ ორგანოების წარმოებაში არსებულ არაერთ საქმეში ფიგურირებს, წარდგენილია უტყუარი მტკიცებულებები და არც ერთ დავაზე, კანონის გასაკვირადაც, შედეგი არ ჩანს. ბუნებრივია, ასეთ დროს კონკრეტული საქმის მწარმოებელი ჩინოსანის პასუხისმგებლობაა, გამოირიცხოს ეჭვები, კავშირები, სისტემის შიგნით შესაძლო მფარველები და საქმეზე დადგეს ჭეშმარიტება - ასე ეხმაურება ორგანიზაცია „ახალგაზრდა ადვოკატების“ ხელმძღვანელი, არჩილ კაიკაციშვილი გამოცემა „პრაიმთაიმში“ უცნობი ავტორის მიერ 2020 წლის 3 ივნისს გამოქვეყნებულ მასალას, სათაურით: „თბილისში დედა 5 წლის შვილს ეძებს - ამბობს, რომ ბავშვი მამამ გაიტაცა“. არჩილ კაიკაციშვილი, იმ არასრულწლოვანის კანონიერ ინტერესებს წარმოადგენს საქართველოში, რომლის ქვეყნიდან გაყვანას, ევროკავშირისა და ჩეხეთის რესპუბლიკის მოქალაქე მეუღლისგან ოლივია ანტონი ითხოვს. „სააგენტონზე, 3 ივნისს, ოლივია ანტონის ადვოკატმა, ლოლა კურკუმულმა, რომელიც საქართველოს ადვოკატთა ასოციაციის მართლმსაჯულებისა და სასამართლო რეფორმის კომიტეტს ხელმძღვანელობს, პროფესიულად, ჩემდა სამწუხაროდ, არაერთი მცდარი და უსაფუძვლო ინფორმაცია გაავრცელა. ეს მას არ ეკადრება, რადგანაც კლიენტის საუკეთესო ინტერესების დაცვა, არ ნიშნავს კლიენტის იმ ქმედებების გამართლებას, რომლის უწესობაზეც საქმეში სხვადასხვა მტკიცებულებაა. საოჯახო დავა, რომელსაც თბილისის სააპელაციო სასამართლოს სამოქალაქო საქმეთა პალატა ამჟამად განიხილავს, მრავალწახნაგოვანია. ბავშვის ინტერესებიდან გამომდინარე, სხდომა დახურულია და მხარეებს არ გვაქვს შესაძლებლობა, დეტალურად ვისაუბროთ მტკიცებულებებზე. ლოლა კურკუმულის შეფასებები, რომ ბავშვის მუდმივ საცხოვრებელ ადგილად ითვლება კვიპროსის რესპუბლიკა, სადავოა და არ არსებობს კანონიერ ძალაში შესული სასამართლოს გადაწყვეტილება, რომელიც აღნიშნულს დაამტკიცებს. მამამ შვილი დედის ინფორმირების საფუძველზე გამოამგზავრა კვიპროსიდან საქართველოში, 2018 წლის დეკემბერში და არა - გაიტაცა, როგორც ამას კოლეგა ამტკიცებს, ჩვენ კი გვაქვს აღნიშნულის შესახებ უტყუარი მასალა. საქმის მასალებით დგინდება, რომ მეუღლეებს სწორედ ბავშვის აღზრდის საკითხების გამოც, ურთიერთობები ნამდვილად გაუფუჭდათ, შემდეგ ოლივია ანტონის მიმართ მეუღლემ შეაჩერა ფინანსური უზრუნველყოფა, მოითხოვა განქორწინება, რის გამოც, ოლივია ანტონმა გადაწყვიტა შურისძიება - საქართველოში, განქორწინების დავის წამოწყების პარალელურად, კვიპროსის პოლიციაში შეიტანა საჩივარი ბავშვის გაუჩინარებასთან დაკავშირებით. ბუნებრივია, ჩვენ გვაქვს პირდაპირი მტკიცებულება. ამჟამად, პირველი ინსტანციის სასამართლოს მიერ მიღებული დროებითი განკარგულების პირობებში, რომელიც გასაჩივრებულია და მამა მოითხოვს ახალი წესით მშობლების შვილთან ურთიერთობის ჩამოყალიბებას, ბავშვი არ გამოთქვამდა სურვილს დედასთან ხშირი კონტაქტი არსებულიყო. დროებითი გადაწყვეტილების აღსრულებას პრობლემა არ ჰქონია, არსებობდა ობიექტური მიზეზები მისი შეუსრულებლობის ცალკეული ეპიზოდების გამო“ - აცხადებს არჩილ კაიკაციშვილი. არჩილ კაიკაციშვილის განცხადებით, ლოლა კურკუმული არ საუბრობს იმ საფრთხეზე, რომელიც დაკავშირებულია ევროკავშირის მოქალაქის საქართველოდან არალეგალური გზით გაყვანის საფრთხეზე. მაშინ, როდესაც ლოლა კურკუმული საუბრობდა დედის მხრიდან ბავშვის „ქუჩა-ქუჩა“ ძებნის გარემოებაზე და ცდილობდა საკუთარი დაცვის ქვეშ მყოფი პირის მიმართ საზოგადოებაში თანაგრძობის გამოწვევას, სინამდვილეში, არასრულწლოვანი დედასთან იმყოფებოდა. რაც შეეხება გამოცემას, მასალის გამოქვეყნების მომენტისთვის, არასრულწლოვანს „არავინ ეძებდა“, ვინაიდან სსიპ სახელმწიფო ზრუნვისა და ტრეფიკინგის მსხვერპლთა,  დაზარალებულთა დახმარების სააგენტოსა და საქართველოს შინაგან საქმეთა სამინისტროს ქ. თბილისის პოლიციის დეპარტამენტის ვაკე-საბურთალოს სამმართველოს პოლიციის მეოთხე განყოფილების მხრიდან 2020 წლის 2 ივნისს განხორციელდა შეთანხმებული ოპერაცია, რამაც გამოიწვია ბავშვის ერთი კანონიერი მშობლიდან მეორე კანონერ მშობელზე, ბავშვის ნების საწინააღმდეგოდ, გადაცემა და წართმევა. ამასთან, გამოცემა „პრაიმთაიმმა“ უარი თქვა არჩილ კაიკაციშვილის იმ შეფასების გამოქვეყნებაზე, რომელიც შეეხებოდა შინაგან საქმეთა სამინისტროსადმი მიმართვას. გამოცემამ 5 ივნისს კვლავ გამოაქვეყნა მასალა, რომელშიც აღნიშნულია, რომ ბავშვი დედასთან ერთად, ნათესავის აგარაკზე იმყოფება. მასალაში თავის აზრს გამოთქვამს სოციალური მუშაკი ნინო იობაშვილი, რომელიც არაერთ უკანონო ქმედებაშია მხილებული და ღიად ლობირებს ოლივია ანტონის ინტერესებს. ბავშვს მის მიმართ არ გააჩნია ნდობა. 2020 წლის 5 თებერვალს, არასრულწლოვანმა ნინო იობაშვილს საცხოვრებელ მისამართზე ღიად განუცხადა უნდობლობა და სახლიდან გააძევა, 2019 წლის ნოემბერში კი, ნინო იობაშვილმა, თბილისის საქალაქო სასამართლოს ადმინისტრაციულ საქმეთა კოლეგიაში დაკითხვის დროს აღიარა, რომ ბავშვის მიმართ ფსიქოლოგიურად იძალადა და შემთხვევას უწოდა „ემოციური გადაცდომა“. ასევე, საქმეში წარმოდგენილია პოლიციის განყოფილებაში სოციალური მუშაკის მხრიდან ბავშვზე ზემოქმედების აღწერაც, რომელიც ფსიქოლოგმა აღწერა. ყველა მხილებაზე ჯანდაცვის უწყების მაკონტროლებელი ორგანოები საეჭვოდ ... ...
  • საქართველოს უმეტეს ნაწილზე მოსალოდნელია ცხელი და უნალექო ამინდიგარემოს ეროვნული სააგენტოს ინფორმაციით, 6 ივნისიდან 9 ივნისამდე საქართველოს ტერიტორიის უმეტეს ნაწილზე მოსალოდნელია ცხელი და უმეტესად უნალექო ამინდი. (მხოლოდ აღმოსავლეთ საქართველოს ცალკეულ რაიონში შესაძლოა ხანმოკლე წვიმა ელჭექით აღინიშნოს.) ჰაერის ტემპერატურა 7-8 ივნისს დასავლეთ საქართველოს დაბლობში +32, +37 გრადუსამდე მოიმატებს, ხოლო აღმოსავლეთ საქართველოს ბარში +27, +32 გრადუსია მოსალოდნელი. თბილისში მოსალოდნელია თბილი და უნალექო ამინდი. ჰაერის ტემპერატურა +30, +32 გრადუსი ... ...
  • რაში უსწრებს საქართველო ამერიკას კომუნიკაციების კომისიის მიერ გავრცელებული ინფორმაციით, ფიქსირებული ინტერნეტის აბონენტების რაოდენობამ ბოლო 6 წელიწადში გაორმაგდა და შინამეურნეობის 82% შეადგინა. მათივე ინფომაციით, საქართველო ფიქსირებული ინტერნეტის პენეტრაციის საერთო წილით ამერიკის შეერთებულ შტატებს უსწრებს. “2019 წლის მონაცემებით, ფიქსირებული ინტერნეტის ბაზარზე აბონენტების რაოდენობა კვლავ დინამიურად მზარდია. 2019 წელს ფიქსირებული ინტერნეტის პენეტრაციამ - 80.8% შეადგინა და აბონენტების რაოდენობა 73 ათასით გაიზარდა. 2013 წელს ინტერნეტთან წვდომა მხოლოდ 42%-ს ჰქონდა, დღეს ეს რიცხვი გაორმაგებულია. 2019 წელს საქართველოში ფიქსირებულ ინტერნეტთან წვდომა 896 ათას ოჯახს ჰქონდა, 2020 წლის პირველი კვარტლის მონაცემებით, ეს მაჩვენებელი 914 ათასამდე გაიზარდა და 82% შეადგინა. მნიშვნელოვანია, რომ ტელეკომუნიკაციის საერთაშორისო კავშირის (ITU) ბოლო ანგარიშის მიხედვით, საქართველო ფიქსირებული ინტერნეტის პენეტრაციის საერთო წილით,  ევროპის მოწინავე ქვეყნების რიგებშია, ამერიკას კი ამავე პარამეტრით უსწრებს”,_ ნათქვამია ... ...
  • როგორ უნდა მოიქცნენ თურქეთში სამკურნალოდ წასვლის მსურველი საქართველოს მოქალაქეებისაქართველოში თურქეთის საელჩო თურქეთში სამკურნალოდ წასვლის მსურველი საქართველოს მოქალაქეების საყურადღებოდ განცხადებას ავრცელებს. კოვიდ-19-ის პანდემიის პერიოდში სამედიცინო მომსახურების მისაღებად თურქეთში წამსვლელ პაციენტებთან დაკავშირებით მიღებული ახალი რეგულაციის თანახმად, მათ უნდა მიმართონ ს.ს. საერთაშორისო სამედიცინო მომსახურების სააგენტოს“ (USHAŞ). „ისინი უნდა დარეგისტრირდნენ პაციენტების მონიტორინგის სისტემაში, მისამართზე: “http://covid19st.ushas.com.tr”. სისტემაში თავად პაციენტმა, მისმა ახლობელმა, საავადმყოფომ ამ საშუამავლო ორგანიზაციამ უნდა გახსნას მომხმარებლის ანგარიში. რეგისტრაციასთან დაკავშირებით ინფორმაცია მოცემულია USHAŞ-ის ვებგვერდზე:http://www.ushas.com.tr. USHAŞ-ი თავად დაუკავშირდება და მიაწვდის საჭირო ინფორმაციას იმ პაციენტებს, რომლებიც დაიშვებიან თურქეთში სამკურნალოდ. ჩვეულებრივად, თურქეთში სამკურნალოდ წამსვლელმა პაციენტებმა უნდა მიმართონ თურქეთის ყველაზე ახლომდებარე წარმომადგენლობას და აიღონ სამკურნალო-მიზნობრივი ვიზა. კოვიდ-19-ის პანდემიის პერიოდში კი, თუ სამედიცინო მომსახურების მიღების მიზნით თურქეთში წამსვლელი საქართველოს მოქალაქეები სასაზვრო-გამშვებ პუნქტებზე წარადგენენ USHAŞ-ის მოსაწვევ წერილს, ისინი გამონაკლისის სახით, ვიზის გარეშე, დაიშვებიან თურქეთის ტერიტორიაზე. ერთ პაციენტთან ერთად დაიშვება არა უმეტეს 2 პირისა. უცხოელმა პაციენტებსა და თანმხლებ პირებს თურქეთში ჩამოსასვლელად შეუძლიათ ისარგებლონ სტამბოლის აეროპორტით, სტამბოლის ათათურქის სახელობის აეროპორტით, სტამბოლის საბიჰა გოქჩენის სახელობის აეროპორტით, ანკარის ესენბოღას აეროპორტით, ანტალიის აეროპორტით, საავტომობილო გზით, კერძოდ, სარფის, ქაფიქულეს, ჰაბურის სასაზღვრო-გამშვები პუნქტებით. აეროპორტში და საზღვარზე პაციენტებსა და მათ თანმხლებ პირებს გაუკეთდებათ ფასიანი კოვიდ-19-ის „პი სი არ“ (PCR) ტესტი ან მოხდება ტესტის მასალის აღება. აღნიშნული რეგულაციის შესახებ ეცნობათ საქართველოს უწყებებს“, - ნათქვამია საელჩოს მიერ გავრცელებულ ინფორმაციაში. ... ...

არქივი


ხვალ რომ საპარლამენტო არჩევნები იყოს, რომელ პარტიას მისცემდით ხმას?