"ერთხელაც ვაზის ჭიგოს ხელს წავავლებ და წამოვდგები!"

კარმიდამო ჩემი

"ერთხელაც ვაზის ჭიგოს ხელს წავავლებ და წამოვდგები!"

2017 ივნ 5 23:21:54

შეზღუდული შესაძლებლობის მქონე პირი, ახალგაზრდა კაცი, ლომინ თოფურია ქალაქ ლანჩხუთში ცხოვრობს და საკუთარ საკარმიდამო ნაკვეთში თავდაუზოგავი შრომა სწორედ მას შემდეგ გადაწყვიტა, რაც ტრაგიკული ავტოავარიის შემდეგ, ხერხემალი დაუზიანდა და ეტლს მიეჯაჭვა. თუმცა, დღემდე იმედს არ კარგავს, რომ შეძლებს, ფეხზე წამოდგეს და ჩვეულ ცხოვრებას ძველი შემართებით დაუბრუნდეს.

 ლომინ თოფურია 1980 წელს, ლანჩხუთში დაიბადა, აქვე სწავლობდა მეორე საჯარო სკოლაში, შემდეგ კი პროფესიული კოლეჯი დაასრულა. პარალელურად, საფეხბურთო სკოლაში დადიოდა და ბავშვობიდან სპორტის ამ სახეობაზე უსაზღვროდ შეყვარებული, მალე ლანჩხუთის "გურიას" წამყვანი მოთამაშე გახდა...

მისი სპორტული კარიერა 2005 წელს მომხდარმა ავტოავარიამ შეაჩერა, რასაც ცოცხალი კი გადაურჩა, მაგრამ ხერხემლის ტვინი დაუზიანდა და ჯერჯერობით, ეტლით გადაადგილდება. თუმცა, იმედოვნებს, რომ მალე დადგება დღე, როცა ისე გაივლის და ირბენს, როგორც ბავშვობაში, საყვარელ სტადიონზე...

_ კოალიცია "დამოუკიდებელი ცხოვრებისთვის", რომელსაც გიორგი ძნელაძე ხელმძღვანელობს, ჩემს მეორე ოჯახად იქცა. ამ კოალიციაში შშმ პირებია გაერთიანებული. თავდაპირველად გავიარეთ ტრენინგები. მეორე ეტაპზე, როცა ბიზნესგეგმის დაწერა დაგვავალეს, იდეა შერჩეული მქონდა და პროექტი უმალ სასათბურე მეურნეობაზე გავაკეთე! მივიღე გრანტი! სულ, გურია-აჭარაში ორი შშმ პირი დაგვაფინანსეს.

სიხარული დიდი იყო და საკარმიდამო ნაკვეთში მუშაობას სულ თავიდან შევუდექი, ანუ როგორც იტყვიან, ნულიდან დავიწყე. ეზოში შრომას ბავშვობიდანაც მიჩვეული ვიყავი. თქვენ წარმოიდგინეთ, მშობლებს არასდროს დაუძალებიათ, გინდა თუ არა, იმუშავეო. ვხედავდი, როგორ შრომობდნენ და საკუთარი სურვილით, მეც სამუშაოდ ვიყავი განწყობილი. ამიტომ მიწასთან მიახლოება, მიუხედავად იმისა, რომ ეტლში ვზივარ და დამოუკიდებლად ვერ გადავაადგილდები, ხელს არ მიშლის, არანაკლებ ვიშრომო, ვიდრე დამოუკიდებლად მოძრავმა ადამიანმა, _ გვეუბნება ლომინ თოფურია და ეტლით ისე ოსტატურად მოძრაობს, აშკარაა, თავისი არა ერთი "სვლა", სათბურის შიგნით თუ გარეთ სამოძრაოდ, განსაზღვრული "გეომეტრიულობით" აქვს შემუშავებული.

სასათბურე მეურნეობა სალათის ფოთლების დარგვა-მოყვანით დაიწყო. საამისოდ საუკეთესო ჯიში შეარჩია და ჯერ დათესა, შემდეგ ჩითილები გამოიყვანა და დედის და ოჯახის წევრების დახმარებით, შეძლო საწყის ეტაპზე არც ისე ურიგო მოსავალი მიეღო.
გასულ წელს, იანვრიდან დაიწყო სათბურის მშენებლობა, რომელშიც დღეს უკვე პომიდვრის საუკეთესო ჯიშის ნერგები აქვს განთავსებული და უკვე მსხმოიარეა.

თანდათან დათესა და მოიყვანა სხვადასხვა მწვანილეული. შემდეგ დაიწყო ღია გრუნტში იმ მწვანილეულის გატანა, რომელსაც ყინვა ნაკლებად აზიანებს, სათბური უფრო კიტრსა და პომიდორს დაუთმო.

დედის დახმარებით, უფრო სწორად, დედასთან ერთად, ბადრიჯნის თუ წიწაკის ჩითილების გამოყვანას ისეთი ოსტატობით ახერხებს, ბევრ მეურნეს შეშურდება.

მართალია, თავდაპირველად მხოლოდ სასათბურე მეურნეობის გაკეთებასა და საადრეო ბოსტნეულის მოყვანაზე ფიქრობდა, თუმცა, როგორც კი ეს საქმე გამოუვიდა, მერე გაფართოებაზეც ფიქრი დაიწყო. ახლა სათბურის გვერდით მდებარე ნაკვეთზე, ბოსტნეული კულტურების პარალელურად, ახალშენი ვაზის ნერგებია ჩამწკრივებული. როგორც თვითონ ამბობს, ეს ცოლიკაურია და ამ ჯიშის ვაზის მოშენება პირველად სცადა. ნერგები მეგობრებმა აჩუქეს. ღია გრუნტში დათესილ ბოსტნეულის მწკრივებს შორის, ნელ-ნელა ვაზის დარგვაც იმიტომ დაიწყო, როცა ფართობს მთლიანად შევავსებ, მერე აქ ზვარი იქნება და ბოსტნეულს აღარ დავთესავო.

_ ვენახი სულ გვქონდა ეზოში, ოღონდ, ძირითადად ეს იყო ხეებზე "გაქცეული" "ჭეიშვილი" თუ "ადესა". აქ დაბლობია და ვაზს ცოტა უჭირს. "ცოლიკაური" შედარებით უფრო ეგუება ამ გარემოს. ხშირად ჩავუვლი ხოლმე ამ ახალ ნარგავებს, ვეფერები... ასე მგონია, ერთხელაც ამ ჭიგოებს ხელს წავავლებ და წამოვდგები... _ ამბობს ლომინი და ეტლიდან ვაზის ნორჩ ლერწებს ეფერება...

რწმენით და იმედით შეპყრობილი ახალგაზრდა კაცი, უკვე მე-12 წელია ფეხზე წამოსადგომად იბრძვის და მიუხედავად იმისა, რომ არა ერთ ადგილობრივ თუ უცხოელ ექიმთან მკურნალობდა, საბოლოო იმედი საკუთარ ფსიქოლოგიურ სამყაროში გამოჭედა... ვაზის ძირთან რაღაცას სხვა თვალით ზომავს. ვინ იცის, იქნებ, სწორედ ასე, ადგილის დედის დახმარებით შეძლოს შეუძლებელი.

ჩვენი წერილის გმირის საქმიანობა მხოლოდ სასათბურე მეურნეობით არ შემოიფარგლება. გაცილებით ადრე, ვიდრე შშმ პირების კოალიციას დაუკავშირდებოდა, მეგობრებთან _ ლადო მჟავანაძესთან და დავით სამსონიასთან ერთად, ჩაერთო პროექტში _ "აწარმოე საქართველოში" და ხის ავეჯის დამზადება დაიწყეს. შეიძინეს სხვადასხვა სამუშაო ხელსაწყოები და შინ სახელოსნო გახსნეს. ამზადებენ სკამებს, სავარძლებს, მაგიდებს...

_ დასაკეცი მაგიდის ნიმუში ინტერნეტში ვნახე. კარგად დავაკვირდი და შევძელით მისი აწყობა. საერთოდ, მე და ჩემმა მეგობრებმა, რაც ვცადეთ, ყველაფერი გამოგვივიდა, _ ამბობს ლომინი.

საუბარში დედა, ქალბატონი თინა მდინარაძე ერთვება:

_ საოცარი მეგობრები ჰყავს. ბიჭები ერთი წუთით არ ტოვებენ, მუდამ გვერდში უდგანან. აწყობენ გეგმებს და მერე საქმედ აქცევენ ჩანაფიქრს... ძალიან იმედიანი ბიჭია ჩემი ლომინი. წლების წინ, როცა ავარიაში მოყვა და ცოცხალი გადარჩა, ხერხემლის დაზიანების გამო, ფეხზე გავლა ვერ შეძლო. ყველამ იცის, დედისთვის რა მძიმეა შვილის გასაჭირის ცქერა, თუმცა, ეს სხვანაირი ადამიანია, ხალისიანი, იმედით განწყობილი, მებრძოლი. უკარგესი სამეგობროს და ამ ხასიათის წყალობით არის, რომ დღეს ასე საქმიანობს და იბრძვის მომავლისთვის. აქ დაქირავებული მუშა არავინაა. ერთად შრომობენ და ცდილობენ, საქმიანობა გააფართოონ. ღმერთი გადმოგვხედავს ალბათ... ექიმები ამბობენ, რომ ახალგაზრდაა და ადვილი შესაძლებელია, მოხდეს ხერხემლის ძვლის ტვინის აღდგენა. მით უფრო, როცა ლომინს უსაზღვროდ სჯერა სასწაულების, _ ამბობს ის.

ლომინ თოფურია ჩვენმა სტუმრობამ ძალიან გაახარა, არაერთხელ გადაგვიხადა მადლობა და ასე დაგვემშვიდობა:

_ კოალიცია "დამოუკიდებელი ცხოვრებისთვის" ჩემს დამოკიდებულ ცხოვრებაში ახალი მუხტით შემოვიდა. საოცარ ადამიანებს _ გიორგი ძნელაძეს და თამარ მაღლაკელიძეს მადლობას ვუხდი, რომ მაჩვენეს გზა, რომელზეც ისეთივე შემართებით გავედი, როგორც ერთ დროს ფეხბურთის სტადიონზე ჩემთვის საყვარელ ბურთს დავდევდი... მადლობას გიხდით თქვენ, ყველას, ვინც არ მივიწყებს ან ჩემს შესახებ გაიგებს და მეხმიანება. უდიდესი ძალა აქვს ადამიანურ, თბილ სიტყვას, რომელსაც ჩემთვის იმ ექიმებზე არანაკლები იმედი მოაქვს, ვისთანაც წლების მანძილზე ურთიერთობა მიწევს!

ჩვენ, პირიქით, თავად ლომინ თოფურიას ვუხდით მადლობას, რომ მას შეუძლია, აჩვენოს ადამიანთა მოდგმას, რა შეუძლია რწმენითა და შრომის სიყვარულით შეპყრობილ კაცს. იმედია, დადგება დრო, ლომინ თოფურიას სწორედ ვაზის მწკრივში, ჩანაფიქრის მიხედვით წამომდგარს ვნახავთ და კიდევ ერთხელ მოვუყვებით ჩვენს მკითხველს სპორტსმენი ბიჭის შესახებ, რომელიც არ დანებდა, არ გაჩერდა და გაიმარჯვა!




 ახალი ამბები
  • ბახმარო თანამედროვე მუსიკალურო ფესტივალის სამზადისში _ ის, რაც არ უნდა გამოტოვოთSunset Fest Bakhmaro 2019-ის მზადება აქტიურად მიმდინარეობს. უკვე მოწყობილია კარვების ქალაქი, მოსასვენებელი კუთხეები, კაფე-ბარები. ამ წუთებში, ზღვის დონიდან 2050 მეტრზე საკონცერტო სცენის აწყობა მიმდინარეობს. ბახმაროში, ხვალ, 19 აგვისტოს ბევრი სიურპრიზი და დიდი მხიარულება გელით. ტრადიციული დოღის დასრულების შემდეგ, 17 საათზე, მზის ჩასავალი გორის მიმდებარედ (ასასვლელი ვერტოდრომიდან) თანამედროვე მუსიკის ფესტივალი გელოდებათ არაჩვეულებრივი შემსრულებლებით _ Bedford Falls, LOUD speakers, Kordz & Dro, Pitter J, Anushka Chkheidze, Lua და Kraumur თქვენს შესანიშნავ განწყობაზე დილამდე იზრუნებენ. შეაგროვე მთელი წლის სამყოფი ენერგია და მოგონებები. სუფთა ჰაერი, ნისლი, წიწვოვანი ტყე, კოცონები, ვარსკვლავებიანი ცა, კარვების ქალაქი, კარგი მუსიკა, ზაფხულის მზესთან დამშვიდობება _ ეწვიეთ 19 აგვისტოს ბახმაროს! არ გამოტოვოთ დიდი მხიარულება. ფესტივალი „ჩექინ ჯორჯიას“ ფარგლებში იმართება და მისი თანადამფინანსებელია საქართველოს განათლების, კულტურის, სპორტისა და მეცნიერების სამინისტრო. გენერალური სპონსორია „წყალი მარგებელი“. სპონსორები და მხარდამჭერები არიან: „ზედაზენი“; “New Road”; „ორბი ჯგუფი“; „ვასაძის პური“; „სანდომი“; „თქვენი მარკეტი“ ასკანგელი“, ‘გზამშენი 18“, „ლიდერფუდი“, „ბითი ჩერითი ჯგუფი“, „ბახმარო ჰოტელი“; ჩოხატაურის მუნიციპალიტეტის მერია; ლანჩხუთის მუნიციპალიტეტის მერია; „ენერგო პრო ჯორჯია“; საგანგებო სიტუაციების მართვის სამსახური; საგანგებო სიტუაციების კოორდინაციისა და გადაუდებელი დახმარების ცენტრი; ფესტივალის მედია პარტნიორი და საინფორმაციო მხარდამჭერია ... ...
  • „ნაბეღლავი“, „ბახმარო“, „გალფი“ _ ბახმაროში ტრადიციული დოღის სამზადისიახვალ, ბახმაროში, ფერისცვალების დღესასწაულზე ასულ სტუმრებს ბევრი სიურპრიზი ელით. მზადება უკვე დაწყებულია. ტრადიციულ დოღს,  რომელიც მეორე წელია,  ჩოხატაურის მუნიციპალიტეტთან ერთად წყაროს წყალი „ბახმაროსა“ და „ნაბეღლავის“ მწარმოებელი კომპანიის – „წყალი მარგებლის“ ორგანიზებით გაიმართება, წელს ბევრი სიახლე ახლავს _ „ბახმაროს თასი 2019“ ღონისძიებისათვის კომპანია „წყალი მარგებელმა“ ახალი სპონსორები მოიძია, რის გამოც საპრიზო ფონდი გაზრდილია. _ წინა წელს დავიწყეთ ეს ღონისძიება ამ მასშტაბით და მაშინ დავპირდით  პირველ რიგში გურულებს და მთელ საქართველოს, რომ ბევრად დიდი მასშტაბი იქნებოდა წელს, რაც ვფიქრობ, რომ შევძელით.  ჩვენი გეგმა, რომ 10 წლის მანძილზე ბახმარო გავხადოთ არამარტო გურიის, არამედ მთელი საქართველოს სავიზიტო ბარათი.  დღეს ვნახე და ძალიან გამიხარდა, რომ დოღში მონაწილეთა რაოდენობა გაზრდილია _ მონაწილეები დაგვემატნენ ბათუმიდან, პანკისიდან,  რაც მისასალმებელია. ასევე, სასიხარული და მნიშვნელოვანია, რომ გაიზარდა ბიზნესის ჩართულობაც _  “საქართველოს ბანკის“ შემდეგ, დაგვემატა „გალფი“, „გლოვო“, „კროკო ბეთი“. ჩვენ ვართ ამ ქვეყნის ნაწილი და მთავარი ნაწილი შეიძლება ითქვას . ჩვენთვის ძალიან მნიშვნელოვანია ვიყოთ სახე ქვეყნის და ყველაფერი გავაკეთოთ ჩვენი ქვეყნისთვის, _ ამბობს კომპანია “წყალი მარგებლის“ დამფუძნებელი მიხო სვიმონიშვილი. სვიმონიშვილი იმედოვნებს, რომ წელს, ბახმაროს დოღს შარშანდელზე მეტი ადამიანი დაესწრება: _  წინა წელს 27 000 ათასი ადამიანი დაესწრო დოღს და ამდენი გაღიმებული ადამიანის ერთად ნახვა ბედნიერებაა. იმედი მაქვს, წელს, ეს რიცხვი მეტი იქნება, _ აღნიშნა სვიმონიშვილმა. კომპანია „გალფის“ ვიცე პრეზიდენტის ნინო ჯიბლაძის თქმით, „გალფისთვის მნიშვნელოვანია ჯანსაღი ცხოვრების წესი და ეკოლოგიურად პასუხისმგებელობიანი აქტივობების მხარდაჭერა“: _  წელს პირველად დავუჭირეთ მხარი ბახმაროს დოღს და მოხარულები ვართ, რომ გარდა საპრიზო ფონდში თანამონაწილეობისა, საჩუქრებს და პრიზებს დავაწესებთ ოთხივე გარბენის გამარჯვებულისათვის, _ თქვა ნინო ჯიბლაძემ. ერთი სიტყვით, „ნაბეღლავი“, წყაროს წყალი „ბახმარო“, მათი გენერალური მხარდამჭერი „საქართველოს ბანკი“ და ღონისძიების სპონსორები _ „გალფი, გლოვო და კროკო-ბეთი ხვალ, 19 აგვისტოს, ბახმაროში კარგ სანახაობას გპირდებიან. ზღვის დონიდან 2050 მეტრზე გამართული დოღი ასეთი იქნება: ,,ბახმაროს თასი“ – 4 800 მეტრი; „ნაბეღლავის თასი“ – 2 400 მეტრი; „გმირების თასი“ – 1200 მეტრი; „გურიის თასი“ – 1200 მეტრი; ,,ბახმაროს თასი“მარულა გარბენის მანძილი: 4 800 მეტრი; მონაწილეობის მიღება შეუძლია ნებისმიერ მსურველს.საპრიზო ფონდი: 4 800 ლარი I ადგილი 2 500 ლარი; II ადგილი 1500 ლარი; III ადგილი 800 ლარი; „ნაბეღლავის თასი“გარბენის მანძილი: 2 400 მეტრი; მონაწილეობის მიღება შეუძლიათ წმინდა სისხლის ჯიშის ცხენებს. საპრიზო ფონდი: 1800 ლარი I ადგილი 1000 ლარი; II ადგილი 500 ლარი; III ადგილი 300 ლარი; „გმირების თასი“გარბენის მანძილი: 1 200 მეტრი; მონაწილეობის მიღება შეუძლიათ შერეული სისხლის ჯიშის ცხენებს. საპრიზო ფონდი: 1 800 ლარი I ადგილი 1000 ლარი; II ადგილი 500 ლარი; III ადგილი 300 ლარი; „გურიის თასი“გარბენის მანძილი: 1 200 მეტრი; მონაწილეობის მიღება შეუძლიათ ადგილობრივი ჯიშის ცხენებს. საპრიზო ფონდი: 1 800 ლარი; I ადგილი 1000 ლარი; II ადგილი 500 ლარი; III ადგილი 300 ... ...
  • გადაიწევს თუ არა აბიტურიენტთა ჩარიცხვების ვადების გამოცხადებააბიტურიენტები სახელმწიფოს მიერ 2019 წელს სრულად დაფინანსებული საგანმანათლებლო პროგრამების ე.წ. უფასო ფაკულტეტების სიას ელოდებიან, რომელიც, ჯერჯერობით, არ ჩანს. განათლების, მეცნიერების, კულტურის და სპორტის სამინისტროში edu.aris.ge-ს განუმარტეს, რომ დოკუმენტს ახლო მომავალში გამოაქვეყნებენ და ვადებში ეტევიან. თუმცა, ფაქტია, რომ  აბიტურიენტებს საგანმანათლებლო პროგრამებში ცვლილებების შესატანად ცოტა დრო რჩებათ. საგულისხმოა, ისიც რომ გასულ წლებში უფასო ფაკულტეტების ჩამონათვალი აგვისტოს დასაწყისში უკვე გამოქვეყნებული იყო, მაგალითად: 2016 წელს სახელმწიფოს მიერ სრულად დაფინანსებული საგანმანათლებლო პროგრამების სია გამოქვეყნდა 28 ივლისს, 2017 წელს – 2 აგვისტოს, 2018 წელს – 6 აგვისტოს. უკავშირდება თუ არა სიის გამოქვეყნების დაგვიანება სამინისტროს მიერ უფასო ფაკულტეტების დაფინანსების წესში შესატან ცვლილებებს, ამ ეტაპზე უცნობია. შეგახსენებთ, რომ სამინისტრო პირველ ეტაპზე, 2019 წლისთვის უფასო ფაკულტეტების დაფინანსების მოდელში ცვლილებების შეტანას აპირებდა, მოგვიანებით კი მინისტრი მიხეილ ბატიაშვილი მის საერთოდ გაუქმებაზე ალაპარაკდა, რაც შემდეგ 2020 წლისთვის გადადო. ცნობისთვის! – აბიტურიენტებს უფასო ფაკულტეტების არჩევის ვადა, აპელაციის შედეგების გამოქვეყნებიდან შემდეგი დღის 18:00 საათამდე აქვთ. “ნაეკის” ინფორმაციით, აპელაციის შედეგების გამოქვეყნება, სავარუდოდ, მომავალი კვირის ბოლოს დასრულდება. სამინისტროში კი აცხადებენ, რომ ფაკულტეტების სია, ამ პერიოდისთვის გამოქვეყნებული ... ...
  • საქართველოს საგარეო უწყება საერთაშორისო თანამეგობრობას მიმართავსმივმართავთ საერთაშორისო თანამეგობრობას, ქმედითი ზომები მიიღოს საოკუპაციო ძალების უკანონო მოქმედებების შესაჩერებლად, – ამის შესახებ საქართველოს საგარეო საქმეთა სამინისტროს სპიკერმა, ვლადიმერ კონსტანტინიდმა საოკუპაციო ხაზიდან საქართველოს შვიდი მოქალაქის გატაცებასთან დაკავშირებით საუბრისას განაცხადა. მისი თქმით, საოკუპაციო ხაზზე გახშირებული პროვოკაციები და ინციდენტები კიდევ უფრო ამწვავებს უსაფრთხოების გარემოს და ამძიმებს ისედაც რთულ ჰუმანიტარულ მდგომარეობას კონფლიქტით დაზარალებულ სოფლებში. „შეშფოთებას გამოვთქვამთ საოკუპაციო ძალების მიერ შიდა ქართლში საოკუპაციო ხაზის მიმდებარე ტერიტორიიდან შვიდი ადგილობრივი მცხოვრების გატაცების გამო. იმ პირობებში, როცა ბოლო დღეებში განსაკუთრებულად დაძაბულია მდგომარეობა სოფელ გუგუტიანთკარში ხელოვნური ბარიერების აღმართვის გამო, საოკუპაციო ძალების მიერ საქართველოს მოქალაქეების გატაცებისა და უკანონო დაკავებების პრაქტიკის გაგრძელება წარმოადგენს ქვეყანაში ვითარების დესტაბილიზაციის აშკარა მცდელობას. საოკუპაციო ხაზზე გახშირებული პროვოკაციები და ინციდენტები კიდევ უფრო ამწვავებს უსაფრთხოების გარემოს და ამძიმებს ისედაც რთულ ჰუმანიტარულ მდგომარეობას კონფლიქტით დაზარალებულ სოფლებში“, – აცხადებს საგარეო საქმეთა სამინისტროს სპიკერი. ვლადიმერ კონსტანტინიდის თქმით, გააქტიურებულია ცხელი ხაზი; საქმის კურსში არიან ჟენევის საერთაშორისო მოლაპარაკებების თანათავმჯდომარეები, პროცესში ჩართულია ევროკავშირის სადამკვირვებლო მისია. „ჩვენ დაუყოვნებლივ გავააქტიურეთ ცხელი ხაზი; უკვე დავუკავშირდით ჟენევის საერთაშორისო მოლაპარაკებების თანათავმჯდომარეებს; პროცესში ჩართულია ევროკავშირის სადამკვირვებლო მისია. მოვუწოდებთ რუსეთის ფედერაციას, დაუყოვნებლივ შეწყვიტოს უკანონო ქმედებები საოკუპაციო ხაზზე და პატივი სცეს ნაკისრ საერთაშორისო ვალდებულებებს. მოვუწოდებთ რუსეთის ფედერაციას, რომ დაიწყოს 2008 წლის 12 აგვისტოს ცეცხლის შეწყვეტის შეთანხმების უპირობო შესრულება, რადგან საქართველოს ტერიტორიიდან ჯარების გაყვანა არის ადგილზე მდგრადი მშვიდობისა და უსაფრთხოების დამყარების ერთადერთი გზა. მივმართავთ ასევე საერთაშორისო თანამეგობრობას, რომ ქმედითი ზომები მიიღოს საოკუპაციო ძალების უკანონო მოქმედებების შესაჩერებლად“, – განაცხადა ვლადიმერ კონსტანტინიდმა. საოკუპაციო ხაზთან რუსმა სამხედროებმა საქართველოს შვიდი მოქალაქე დააკავეს. დაკავებულები სოფელ ახალუბნის მცხოვრებლები არიან. არსებული ინფორმაციით, მოქალაქეები წმინდა გიორგის სახელობის ეკლესიაში იყვნენ წასული, რომელიც საოკუპაციო ხაზთან ... ...
  • რუსმა სამხედროებმა სოფელ არცევთან საქართველოს კიდევ ერთი მოქალაქე დააკავესრუსმა სამხედროებმა საოკუპაციო ხაზთან, ოკუპირებული სოფელ არცევის მიმდებარე ტერიტორიიდან საქართველოს კიდევ ერთი მოქალაქე, სოფელ დიდი მეჯვრისხევის მკვიდრი დააკავეს. ამის შესახებ საქართველოს პირველ არხს სახელმწიფო უსაფრთხოების სამსახურში განუცხადეს. სუს-ის ინფორმაციით, დაკავებული ცხინვალის იზოლატორშია გადაყვანილი. საქართველოს მოქალაქეს ე.წ. საზღვრის უკანონო კვეთას ედავებიან. სუს-ის ცნობით, ამოქმედებულია ცხელი ხაზი და ინფორმირებულია ევროკავშირის სადამკვირვებლო მისია. სახელმწიფო უსაფრთხოების სამსახურის ინფორმაციით, რუსი სამხედროების მიერ დაკავებული საქართველოს შვიდი მოქალაქე ცხინვალის იზოლატორში იმყოფება და ე.წ. სასამართლო პროცესს ელოდება. საოკუპაციო რეჟიმის წარმომადგენლები მათ ე.წ. საზღვრის უკანონო გადაკვეთაში სდებენ ბრალს. ე.წ. სასამართლო პროცესი, სავარაუდოდ, ხვალ ჩაინიშნება. სუს-ის ინფორმაციით, ცხელი ხაზის რამდენჯერმე გააქტიურების შემდეგ, გვიან ღამით შედგა დე-ფაქტოცხინვალის წარმომადგენლობასთან კომუნიკაცია, რომლებმაც დაადასტურეს საქართველოს შვიდი მოქალაქის ... ...

არქივი

კარმიდამო ჩემი

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...

უნდა გავაჩაღოთ ხელოვნურად შექმნილი დამღუპველი ტენიანობის წინააღმდეგ ბრძოლა

არაერთხელ გამოთქმულ თვალსაზრისს, ბუნებაში ადამიანის...

მოვამზადოთ მოხარშული ატმის წვენი

 ზაფხულში ხილის წვენის და კომპოტების...

ზაფხული და სალათები

სალათს, რომლის სეზონი განსაკუთრებით ზაფხულშია,...

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...
ზაფრანი

როგორ ზრუნავენ სილამაზეზე ზოდიაქოს ნიშნის ქალები

ალბათ, დაკვირვებიხართ, რომ სუსტი სქესის...

როგორი ცოლი სჭირდება მამაკაცს ზოდიაქოს ნიშნის მიხედვით

სრულიად საქალეთი და მამაკაცური სამყაროს...

ბავშვი, მშობელი, ასტროლოგია

ალბათ დაკვირვებიხართ იმ ფაქტს, რომ...

რეკორდული წაგება

იშვიათად მოიძებნება ადამიანი, რომლის გარემოცვაში...

ხუთი ყველაზე უცნაური პროფესია

ქოქოსის პალმის სპეციალისტი მისი დანიშნულებაა...