გურული მეურნის მიერ დამორჩილებული ცნობილი "ლედის თითები" _ იგივე ბამია

კარმიდამო ჩემი

გურული მეურნის მიერ დამორჩილებული ცნობილი "ლედის თითები" _ იგივე ბამია

2018 აგვ 10 10:29:27

ოზურგეთის მუნიციპალიტეტის სოფელ მაკვანეთის მკვიდრი, მოყვარული მეურნე კოტე სარიშვილი სამიოდე წლის წინ დაინტერესდა, თავის საკარმიდამოში ეგზოტიკური ბოსტნეული კულტურების ჯიშები შემოეტანა. განსაკუთრებით დაინტერესებული იყო ბამიას, იგივე ოკრას მოშენებით, რომლის უნიკალურ თვისებებზე ბევრის სმენოდა და მეგობრის დახმარებით, როცა ავსტრალიიდან სათესლე მასალა მიიღო, საქმეს შეუდგა. როგორც თავად ამბობს, შედეგმა მოლოდინს გადააჭარბა.

_ დავთესე დახურულ გრუნტში და გამოვიყვანე ჩითილების სახით. გურიას ძალიან კარგად შეეგუა, ოღონდ ხელის შეწყობაც სჭირდება _ სიცივე და წვიმა არ უყვარს. თავიდან უმჯობესია დახურულ გრუნტში ყოფნა. ეს არის უნიკალური ბოსტნეული მცენარე, შეიცავს უამრავ ვიტამინს.

მე მოვიძიე ლიტერატურა მის შესახებ და მოყვანით ამის შემდეგ დავინტერესდი. მეცნიერთა განმარტებით, ის საუკეთესოა დიაბეტიანთათვის, სისხლში ამცირებს შაქარს და როცა მისგან წამალს დაამზადებენ, ვარაუდობენ, რომ სრულად განიკურნება ეს დაავადება და ადამიანებს ინსულინი აღარ დაჭირდებათ. ასევე, იგი ამცირებს სიმსივნურ წარმონაქმნებს. ხომ წარმოგიდგენიათ, აღნიშნული დაავადებები რა მასშტაბით არსებობს, როგორც ჩვენში, ისე მთელ მსოფლიოში? ამიტომ დავინტერესდი და შედეგით მართლაც კმაყოფილი ვარ, თუმცა, მთავარი საქმის კეთებას აწი ვაპირებ, _ გვეუბნება კოტე სარიშვილი და გამოთქვამს სურვილს, ეს კულტურა მომავალში გურულების ბოსტნებშიც უხვად იქნეს.

_ კონუსისებური ფორმა აქვს. მწვანე, ბუსუსებიანია. ესაა, მოკრეფის დროს შესაბამისი სამოსით _ გრძელსახელოიანი პერანგით და ხელთათმანებით უნდა იმოქმედო. კიტრის თუ ლობიოს მსგავსად, უფრო ჩვილობისას უნდა მოკრიფო, რადგან მერე კანი უმაგრდება და საჭმელად უვარგისი ხდება. მრავალი კერძი კეთდება, როგორც წვნიანის, ისე ბადრიჯნის ან არაერთი ფხალეულის მსგავსად შეკმაზული, _ ამბობს სარიშვილი და მიიჩნევს, რომ ბამია, როგორც საკვები, ისე სამკურნალო კულტურა, შეუდარებელია. ამიტომ სურს, ის პოპულარული გახდეს გურიაში და უხვად გაჩნდეს ჩვენს აგრარულ ბაზარში თუ სუპერმარკეტებში.

მეორე ეგზოტიკური ბოსტნეული, რომელიც სარიშვილის ბაღჩაში იწონებს თავს, რუკოლაა.

მასპინძელი ამბობს, რომ ის, ძირითადად, სალათებში გამოიყენება, თუმცა, საუკეთესოა წვნიანი კერძების, განსაკუთრებით, სუპების დასამზადებლად. რაც მთავარია, სარიშვილის სამეურნეო საქმიანობაში რუკოლამაც გამოიჩინა თავი და ბამიას მსგავსად, მას გამორჩეულად სათუთი დამოკიდებულება არ სჭირდება. ადვილად მოსავლელია, ასე ვთქვათ, თავისუფლად ხარობს ღია გრუნტში, არ უშინდება სიცივეს თუ გვალვას. მთავარია, მეურნემ ყურადღება მიაქციოს.

რაც შეეხება კიდევ ერთ ბოსტნეულ კულტურას _ იაპონურ კომბოსტოს, მიძუნას, სარიშვილმა კიდევ უფრო მოგვიანებით მოაშენა და ამ შემთხვევაშიც შედეგით ძალიან გახარებულია. ბამიას მოშენებით დაწყებულმა საქმემ და შედეგმა გაუღვივა ინტერესი, დღითიდღე გაამრავალფეროვნოს ეგზოტიკური ბოსტნეულით თავისი სამეურნეო გარემო.

_ მივიჩნევ, რომ მოყვარული მეურნე ვარ. მაქვს ამბიცია, თავისუფლად შემოვიდეს ჩვენში და პოპულარული გახდეს ისეთი უნიკალური თვისებების მქონე კულტურები, როგორიც ბამია, რუკოლა თუ მიძუნაა. შედეგით ძალიან კმაყოფილი ვარ, თუმცა, ისიც მგონია, რომ ჯერ არაფერი გამიკეთებია და ჩანაფიქრის ასრულებამდე ბევრი მიკლია, _ ამბობს კოტე სარიშვილი.

მართალია, იგი თავს მოყვარულ მეურნედ მიიჩნევს, თუმცა, საქმის დასაწყისს ეტყობა, რომ არ ხუმრობს და სერიოზული შედეგის სანახავად ორი-სამი წლის შემდეგ გვეპატიჟება. თუმცა, როგორც მის დაწყებულ საქმეს ეტყობა, უფრო ადრე მოგვიწევს შეხვედრა "ახალი ხილის" პოპულარიზაციის მსურველთან. როგორც თვითონ გურული ხუმრობის მოშველიებით აცხადებს, ეს მსუსხავი "ბამია _ ლედის თითები" ისე მოვათვინიერე, დანარჩენი როგორ დამიმაგრდებაო.

სარიშვილი, დიდი ალბათობით, არაერთი ეგზოტიკური ბოსტნეულით დაამშვენებს ჯერ საკარმიდამო ფართობს, მერე კი გურულ ბაზარს. თუმცა, ამაზე პირდაპირ საუბარს თავს არიდებს.

ბატონი კოტე, ასევე, მივიწყებული ფხალეული მცენარის _ ჩვენში კარგად გავრცელებული ჯიჯილაყას შესახებ გვესაუბრება.

_ ამ მცენარეს ხომ მოშენება არ სჭირდება? გაერომ 21-ე საუკუნის კულტურად გამოაცხადა. უამრავი ვიტამინი, კვებითი და სამკურნალო ღირებულებები, რაც ჯიჯილაყას გააჩნია, სრულად უნდა გამოვიყენოთ. მით უფრო, აგერ თვალწინ გაქვს და რატომღაც სარეველა გვგონია მცენარე, რომელსაც უნიკალური თვისებები გააჩნია, _ გვითხრა მან და ჯიჯილაყას კერძის არა ერთ რეცეპტს შეგვპირდა, რომელსაც მისი დედა, ქალბატონი გულნაზ სარიშვილი ამზადებს.




 ახალი ამბები
  • კუთვნილი სტატუსის მოთხოვნა შესაბამისი ანაზღაურებით თუ კოლეგების დისკრედიტაციის მცდელობააია ჩხაიძე, რომელიც ლანჩხუთში ვალოდია წულაძის სახელობის თეატრისა და კინოს მუზეუმს ხელმძღვანელობს, სხვა კოლეგებთან ერთად, მუნიციპალიტეტის სამუზეუმო სფეროში შექმნილი პარადოქსული ვითარებიდან გამომდინარე, პრესკონფერენციის გამართვას აანონსებს:  "ვფიქრობ, საკითხის უფრო მეტად კონკრეტიკისა და გამჭვირვალეობისთვის სხვა მუზეუმებთან ერთად საჭირო გახდება პრესკონფერენციის ჩატარება, რათა ერთხელ და სამუდამოდ თავი დავაღწიოთ მხარეთმცოდნეობის მუზეუმის თანამშრომლებისგან წარმოებულ დევნა-შევიწროებას". საქმე ისაა, რომ, დაახლოებით, ორი თვის წინ, ლანჩხუთის მხარეთმცოდნეობის მუზეუმის თანამშრომლებმა მუნიციპალიტეტის მერსა და საკრებულოს თავმჯდომარეს ერთობლივი წერილით მიმართეს, სადაც  ითხოვდნენ "კუთვნილ სტატუსს შესაბამისი ანაზღაურებით": "მოვითხოვთ: მხარეთმცოდნეობის და ეგნატე ნინოშვილის მუზეუმები დარჩნენ, როგორც ძირითადი მუზეუმები და მოგვემატოს ხელფასი, როგორც სხვა მუნიციპალიტეტებშია. თ. ფირცხალაიშვილის სახელობის შემოქმედთა მუზეუმი არის ბიბლიოთეკა და შეუერთდეს ცენტრალურ ბიბლიოთეკას; ვ. წულაძის სახელობის თეატრის მუზეუმი შეუერთდეს თეატრს განყოფილების სახით, ხოლო სპორტის მუზეუმი _ სპორტულ განყოფილებას; საკასო აპარატი და ბილეთები მხოლოდ ჩვენთან  და ნინოშვილის მუზეუმში მოქმედებს და რატომ უნდა ვიყოთ მათთან გათანაბრებულები, მით უმეტეს, რომ სადაც უნდა იკითხოთ, მხარეთმცოდნეობის მუზეუმები ყველგან პრიორიტეტულია? გთხოვთ, აღნიშნული საკითხი, ასევე, განიხილოს შესაბამისმა კომისიებმა და სამუშაო ჯგუფებმა. იმედს ვიტოვებთ, რომ ჩვენს მოთხოვნებს გულისხმიერად მოეკიდებით და მოგვანიჭებთ კუთვნილ სტატუსს შესაბამისი ანაზღაურებით. წინააღმდეგ შემთხვევაში, იძულებულები ვიქნებით, მივმართოთ სხვა ზომებს", _ ვკითხულობთ აღნიშნულ წერილში. როგორც გაირკვა, ეს წერილი საკრებულოს სოციალურ საკითხთა კომისიის ერთ-ერთ სხდომაზე უკვე იყო მსჯელობის საგანი. მუზეუმის თანამშრომლების მოთხოვნას ხელფასების მატებასთან დაკავშირებით, რომელიც არახალია,  არადამაკმაყოფილებელი პასუხი  გაეცა ფინანსური უზრუნველყოფის არარსებობის მოტივით. რაც შეეხება წერილში გაჟღერებულ სხვა მოთხოვნებს, კომისიის განმარტებით,  საკითხზე მსჯელობა და შესაბამისი გადაწყვეტილების მიღება იმ შემთხვევაში  გახდება შესაძლებელი, თუ  მუზეუმის მხრიდან წარმოდგენილი იქნება  მკაფიოდ ჩამოყალიბებული განვითარების სტრატეგიული გეგმა. პრესკონფერენციის გამართვამდე კი, ზემოთ ნახსენები წერილის გამო, საკუთარ პოზიციას თეატრისა და კინოს მუზეუმის ხელმძღვანელი მაია ჩხაიძე საჯაროდ აფიქსირებს  და მხარეთმცოდნეობის მუზეუმის კოლექტივს დისკრედიტაციის მცდელობაში დებს ბრალს. "სულ ახლახან, საკრებულოს განათლების, კულტურის და სოციალურ საკითხთა კომისიამ განიხილა მხარეთმცოდნეობის მუზეუმის თანამშრომელთა განცხადება, რომელიც არ ეტეოდა არც ერთ სამართლებრივ ჩარჩოში და აშკარად შეიცავდა ახალშექმნილი მუზეუმების დისკრედიტაციის მცდელობას. საბედნიეროდ და სრულიად სამართლიანადაც, პოზიციამ და ოპოზიციამ (სრული ალოგიკურობის გამო) მათი მოთხოვნა ერთხმად უარყო. აღნიშნულ სხდომაზე, მათი უსამართლო პოზიციის გამო, სხვა მუზეუმების ინტერესების დაცვის მიზნით, მძაფრი დაპირისპირება მომიწია მუზეუმის თანამშრომლებთან. ისინი, აღნიშნულ განცხადებაში ავითარებდნენ შემდეგ მოსაზრებას, რომ მაგალითად, თემურ ფირცხალაიშვილის სახელობის შემოქმედთა მუზეუმი სინამდვილეში ბიბლიოთეკა იყო და ბიბლიოთეკას უნდა დაქვემდებარებოდა; ვალოდია წულაძის სახელობის თეატრისა და კინოს მუზეუმი ლანჩხუთის სახალხო თეატრის კუთვნილება გამხდარიყო. მაშინ, როცა თეატრი თავად ექვემდებარება ლანჩხუთის კულტურის დაწესებულებათა გაერთიანებას. სპორტის მუზეუმი უნდა მიეერთებინა სპორტის განყოფილებას და ა. შ. მხარეთმცოდნეობის მუზეუმს კი  ყოველივე ამის შემდეგ უნდა მიეღო "მთავარი" მუზეუმის სტატუსი და შესაბამისად, გაზრდოდა ხელფასებიც. მართლაცდა, "ქათმის ჰორიზონტის" მსგავსია. ანდა, სრულიად დესპოტი უნდა იყოს ადამიანი, რომ დღეს, ქვეყანაში არსებული მძიმე სოციალური პირობებიდან გამომდინარე, იფიქრო მხოლოდ საკუთარი შრომის ანაზღაურებაზე და არ გაითვალისწინო კოლეგების ყოფითი პრობლემებიც, რომლებსაც, ფაქტობრივად, კოლეგებად არც კი თვლიან. და მაინც, თავის დროზე (10 წლის წინ) რა რეალურმა ფაქტორმა განაპირობა ჩვენს მუნიციპალიტეტში სხვადასხვა ტიპის მუზეუმების დაარსება, რასაც მხარეთმცოდნეობის მუზეუმი დღემდე ვერ ეგუება და რაც ამ წერილის მთავარ საკვანძო საკითხს წარმოადგენს? კანონი მუზეუმების შესახებ განმარტავს, რომ მხარეთმცოდნეობის მუზეუმის ფონდი სრულად უნდა იყოს დაკომპლექტებული მხარის ბუნების, ისტორიის, კულტურის, ეკონომიკის უნიკალური ექსპონატებით. გამომდინარე იქედან, რომ მუზეუმი სრულფასოვნად ვერ პასუხობდა კანონით გათვალისწინებულ გამოწვევებს, წარმოიშვა აუცილებლობა სხვადასხვა ტიპის მუზეუმების დაფუძნებისა. მაგალითად, აი, რას წერს საქართველოს მწერალთა კავშირის წევრი დავით ასკურავა თავის წიგნში "ვალოდია წულაძე _ შტრიხები პორტრეტისათვის": "ლანჩხუთის მხარეთმცოდნეობის მუზეუმში ბატონი ვალოდიას ცხოვრებისა და შემოქმედებითი საქმიანობის ამსახველი ფოტო და წერილობითი მასალა ერთობ მწირია" და არა მარტო ვალოდიასი... სწორედ ამან დაუდო საფუძველი  ვალოდია წულაძის სახელობის თეატრისა და კინოს მუზეუმის დაარსებას, რომელიც ხელოვნების ტიპს განეკუთვნება და რომელიც, ინტენსიურად და ნაყოფიერად ეწევა სამეცნიერო-კვლევით და კულტურულ-საგანმანათლებლო მუშაობას. პროგრესულ და წარმატებულ საქმიანობას ეწევიან ლანჩხუთში არსებული სხვა ტიპის მუზეუმებიც. ერთადერთი, რითაც მხარეთმცოდნეობის მუზეუმის უპირატესობა ვლინდება, არის მუზეუმის დიდი შენობა, რითაც ხშირად მანიპულირებენ. აქვე აღვნიშნავ, რომ შენობის კეთილმოწყობაში ლომის წილი მიუძღვის, პატივსაცემ პიროვნებას, აწ განსვენებულ მიხეილ გვარჯალაძეს, რომლის მიმართაც საშინელ უმადურობას იჩენენ. საერთოდ, ჩემი აზრით, სასწრაფოდ უნდა შეიქმნას კომპეტენტური პირებისგან დაკომპლექტებული კომისია, რომელიც სწორად განსაზღვრავს მუნიციპალიტეტში არსებული მუზეუმების (მათ შორის, მხარეთმცოდნეობის) ტიპებს", _ ამბობს მაია ... ...
  • თალაკვაძე: არჩევნებს ხალხის ნდობა იგებს და არა რომელიმე საარჩევნო მოდელი ქართული ოცნების ოფისში ბრიფინგი გაიმართა. როგორც არჩილ თალაკვაძემ განაცხადა, არჩვენები 2020 წელს გაიმართება და კანონპროექტის ჩაგდება ქვეყნის დასასრულს არ ნიშნავს. „სამწუხაროა, რომ ინიციატივამ საჭირო ხმები ვერ მიიღო, თუმცა, ეს არ ნიშნავს ქვეყნის დასასრულს. 2020 წლის არჩევნები ნებისმერ შემთხვევაში დემოკრატიულად და სამართლიანად ჩატარდება. არჩევნებს ხალხის ნდობა იგებს და არა რომელიმე საარჩევნო მოდელი. შევახსენებთ, რომ ქართულმა ოცნებამ ქართველ ხალხთან ერთად არა თუ დღეს არსებულ დემოკრატიულ გარემოში, არამედ 2012 წლამდე რეპრესიულ გარემოში შეძლო გამარჯვება და ეს არ უნდა დაგვავიწყდეს როცა ამ საკითხზე ვმსჯელობთ. ჩვენს მოქალაქეებს და ქვეყანას სჭირდება მშვიდობიანი, სტაბილური გარემო და სახელმწიფო მზად არის გაუმკლავდეს ნებისმიერ გამოწვევას. მოვუწოდებ ოპონენტებს, პოლიტიკოსებს აჟიოტაჟის შემქნის ნაცვლად მოემზადონ 2020 წლის საარჩევნო პროცესისთვის“,_ განაცხადა ... ...
  • "გადაგვაგდე? გადაგაგდებთ" _ საპროტესტო აქცია შეკვეთილში ბიძინა ივანიშვილის სახლთან შეკვეთილში, ბიძინა ივანიშვილის სახლის მიმდებარე ტერიტორიაზე  "ნაციონალური მოძრაობის" წარმომადგენლები აქციას მართავენ. ისინი, თბილისში მიმდინარე საპროტესტო აქციების მოთხოვნებს უერთდებიან. აქციის მონაწილეები ტრანსფარანტებით და საყვირებით გამოხატავენ პროტესტს. ამბობენ, რომ აქციები პერმანენტულად გაიმართება და მანამ არ შეწყდება, სანამ მოთხოვნები არ დაკმაყოფილდება. წყარო: ... ...
  • „ქართული ოცნების“ ოფისში ბრიფინგი დაინიშნა„ქართული ოცნების“ ოფისში 15:00 საათზე ბრიფინგი გაიმართება. მედიის წინაშე განცხადებას პარლამენტის თავმჯდომარე, არჩილ თალაკვაძე გააკეთებს. თემა უცნობია. არჩილ თალაკვაძის ბრიფინგს წინ უძღოდა ევროკავშირის ელჩ კარლ ჰარცელთან შეხვედრა. დიპლომატი ასევე შეხვდა მმართველი პარტიის ლიდერს, ბიძინა ივანიშვილს.  „ქართული ოცნების“ ოფისში შეხვედრები გრძელდება. პარტიის ცენტრალურ ოფისში იმყოფება ბიძინა ივანიშვილი.   დღეს საპარლამენტო უმრავლესობა ზვიად ძიძიგურმაც დატოვა. მასთან ერთად საპარლამენტო უმრავლესობიდან „კონსერვატორთა“ ფრაქციის კიდევ ორი წევრი - ნინო გოგუაძე და გიგა ბუკია წავიდნენ. რაც შეეხება ფრაქციის დანარჩენ წევრებს - მუხრან ვახტანგაძეს, რუსლან გაჯიევსა და პაატა კვიჟინაძეს, მათი პოზიცია ამ ეტაპზე უცნობია. მმართველი გუნდი გიორგი ბეგაძემაც დატოვა. ის მე-9 დეპუტატია, რომელიც საპარლამენტო უმრავლესობიდან 14 ნოემბერს წავიდა.  14 ნოემბერს პარლამენტმა პროპორციულ სისტემაზე გადასვლას მხარი არ დაუჭირა, რასაც პარლამენტს გარეთ პროტესტი, შენობაში კი ხმაური მოჰყვა. თამარ ჩუგოშვილმა ვიცესპიკერის თანამდებობა, ასევე საპარლამენტო უმრავლესობა რამდენიმე დეპუტატთან ... ...
  • საქართველოს ბანკი SWIFT gpi გლობალური გადახდების ინოვაციურ სისტემაში ჩაერთო (R)15 ნოემბერი, 2019- საქართველოს ბანკი ინოვაციური  სერვისებისა და პროდუქტების დანერგვას განაგრძობს. საქართველოს ბანკი პირველი კორპორატიული ბანკია საქართველოში,  ვინც  SWIFT gpi გლობალური გადახდების სისტემაში სრულად ჩაერთო.  SWIFT gpi არის ახალი სტანდარტი საერთაშორისო სავალუტო  ტრანზაქციებში, რომელიც პროცესს ხდის უფრო სწრაფს და გამჭვირვალეს. ინოვაციური სისტემა იძლევა ტრანზაქციების მარშუტის ონლაინ რეჟიმში შემოწმების, ტრანზაქციების საკომისიოების გამჭვირვალობისა და ეფექტური ანგარიშსწორების შესაძლებლობას. SWIFT–მა შექმნა ერთიანი გლობალური პლატფორმა, რომლის საშუალებითაც ბანკებს ეძლევათ შესაძლებლობა უფრო ეფექტურად, დროის მოკლე მონაკვეთში მოახდინონ ტრანზაქციების განხორციელება და განაახლონ ტრანზაქციის მიმდინარე სტატუსები, ასევე ნახონ მონაწილე ბანკების მიერ ტრანზაქციასთან დაკავშირებული საკომისიოები.  SWIFT gpi პროდუქტის დანერგვამდე,  საერთაშორისო სავალუტო გადარიცხვებში მონაწილე ბანკებისთვის  ინფორმაცია ხელმისაწვდომი იყო მხოლოდ მაშინ, როდესაც აღნიშნული ტრანზაქცია ხვდებოდა მათ სისტემაში. შესაბამისად, პროცესი არ იყო ისეთი გამჭვირვალე, როგორც ახლა. ინოვაციური სისტემის დანერგვამდე ბანკებს არ გააჩნდათ მიმდინარე სტატუსი და სრული სურათი ტრანზაქციებზე არსებულ ჯაჭვში.  SWIFT gpi-ის სერვისით უკვე 3500-ზე მეტი ბანკი სარგებლობს და დღითიდღე იზრდება მონაწილე ბანკების რაოდენობა, რადგან აღნიშნული პროდუქტი დიჯიტალიზაციის მიმართულებით  არის  მნიშვნელოვნად  წინ გადადგმული ნაბიჯი. ხოლო საქართველოს ბანკი კი პირველი კორპორატიული ბანკია ქვეყნის მასშტაბით, რომელიც  Swift GPI მომსახურების სრულუფლებიანი წევრი ... ...

არქივი

კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...
ზაფრანი

როგორ გამოვავლინოთ ნიჭიერი ბავშვი

არ დაგეგმოთ შვილებს მომავალი შეეცადეთ...

აუცილებელი წასაკითხი მამებისთვის

ახალშობილს უნდა ეძინოს დედის საწოლში...

ბეკონი ჯანმრთელობისთვის სახიფათო ყოფილა

შვედი მეცნიერების მტკიცებით, ბეკონის საკვებად...

როგორ დავალევინოთ წამალი პატარას

წამლის დალევა პატარებს არ უყვართ,...

მერილინ მონროს სილამაზის საიდუმლო

 რა იყო ის საიდუმლო, რომლის...

რატომ უნდა ვხატოთ

ცოტა ხნის წინ, ამერიკელმა ფსიქოლოგებმა...

არის თუ არა თქვენ საცხოვრებელ ადგილას სასმელი წყალი?