"ხალხმა ირონიულად შეხედა ფაროსანას, შედეგი კი საგანგაშო მივიღეთ!"

კარმიდამო ჩემი

"ხალხმა ირონიულად შეხედა ფაროსანას, შედეგი კი საგანგაშო მივიღეთ!"

11 სექ. 2017, 13:49:54

გასული გაზაფხული სრულიად არ იყო ისეთი, როგორიც ჩვენს, ასე ვთქვათ, ტრადიციულ კლიმატურ პირობებს ახასიათებს. გაუთავებელი წვიმები აპრილში, მაისის უჩვეულო ყინვა, რომელმაც უმძიმესი დარტყმა მიაყენა ხეხილოვნებს, ივნისის შუა რიცხვებამდე მყარი ნიადაგი შეუქმნა სოკოვან და სხვა მავნებლებს გასამრავლებლად. განსაკუთრებით, სერიოზული ზიანი მიადგა თხილის კულტურას. როგორც არასდროს, ისე დაბალია წელს მოსავლის რაოდენობაც და ხარისხიც. საქართველოში შემოსულმა საშიშმა მავნებელმა ფაროსანამ უკვე სხვა კულტურებზე გადაინაცვლა და ახლა უპირველესი სამიზნე სიმინდის ყანებია.

აღნიშნული მავნებლის შესახებ ჩვენ არაერთხელ ვწერდით, თუმცა, განვითარებულმა მოვლენებმა დაგვანახა, რომ კვლავ არაერთხელ დაგვჭირდება მავნებლის მიერ გამოწვეულ პრობლემებთან მიბრუნება. მოსახლეობაც და ხელისუფლებაც უკვე პირდაპირ ითხოვს მედიასაშუალებებისგან აქტიურ თანადგომას, ხალხის მეტად ინფორმირებულობისთვის.

_ თხილის პლანტაციების შეწამვლის პროცესი, რომელიც სამთავრობო ღონისძიებაა და სამწლიანი პროგრამითაა განსაზღვრული, გაზაფხულზე გვიან დაიწყო, რასაც ძალზე ობიექტური მიზეზი ჰქონდა _ გაუთავებელმა წვიმებმა შეაფერხა მავნებლის გამოსვლა. ის ცუდ ამინდში იმალება და გარეთ 18-20 გრადუს ტემპერატურაზე, ცხელ ამინდში გამოდის. ამ დროს კი ხდება მასზე დაკვირვება, რის შემდეგაც იწყება შეწამვლის პროცესი. მოსახლეობა, რომელიც დღეს ყოველ ფეხის ნაბიჯზე საყვედურობს ხელისუფლებას, რომ შეწამვლა დროულად რატომ არ დაიწყეთო, თავიდან ირონიულად შეხედა საფრთხეს და სახეზე გვაქვს საგანგაშო შედეგი. არა ერთი ფაქტი იყო, როცა მობილურ ჯგუფებს ეზოებში არ უშვებდნენ. ამუშავდა ჭორის მანქანა, რომ გაწყდებოდა ფრინველები, ცხოველები, მოიწამლებოდა ხალხი... _ ამბობს ოზურგეთის მუნიციპალიტეტის გამგეობის ეკონომიკის და სოფლის მეურნეობის სამსახურის უფროსი გიგა ხარაბაძე და სამომავლოდ გასატარებელ ღონისძიებებსა და დაუყოვნებლივ სამოქმედო გეგმაზე გვესაუბრება.

_ ბატონო გიგა, დღეს ყველა საუბრობს თხილის პლანტაციების დაგვიანებულ შეწამვლაზე. მოსახლეობა, შეშინებული ითხოვს მარჩენალი თხილის კულტურის გადარჩენისთვის სასწრაფო ნაბიჯების გადადგმას.

_ მე უკვე გითხარით და თქვენც კარგად იცით, როგორი უნდობლობა და ირონია სუფევდა აზიური ფაროსანას წინააღმდეგ საბრძოლო ღონისძიების დაწყების წინ. მთავრობამ ამ საქმეში ნამდვილად გადადგა სერიოზული ნაბიჯი. უმთავრესად ხელი ამინდმა შეგვიშალა _ გაუთავებელმა წვიმებმა ორჯერ ჩააგდო შეწამვლის პროცესი, თორემ ყველაფერი უმაღლეს დონეზე მომზადდა. გამოყოფილი სპეცსამოსი, ტექნიკა, შესაწამლი ნივთიერებები სრულად პასუხობდა მოთხოვნის ნორმებს. ვუცდიდით მავნებლის გამოსვლას, რაც წვიმებმა შეაფერხა. ამიტომ მეორე შეწამვლა როცა უნდა მომხდარიყო, მაშინ დაიწყო პირველი შეწამვლა. მავნებელი, ფაქტია, მთლიანად ვერ განადგურდა და ორჯერ შეწამვლითაც არ მოისპობოდა სრულად, მაგრამ პრევენცია გატარდა და მისი როლიც უდიდესია. უცებ, ამერიკული პეპელას მსგავსად, ვერც ფაროსანას მოვსპობთ. პირველი თაობის ფაროსანას საკმაო ნაწილი განადგურებულია, თუმცა, ახლა უკვე გამოსულია მეორე თაობა, რომელმაც უკვე სიმინდის ყანებისკენაც აიღო გეზი. ეს არის წარმოუდგენლად საშიში მავნებელი, რომელიც პირდაპირ სანაყოფე კვირტს ანადგურებს. გაასმაგებული მონდომებაა საჭირო მავნებლის მოსასპობად, რაშიც მოსახლეობამაც მაქსიმუმი უნდა გააკეთოს და ამ საქმეში თქვენი, მედიის დახმარებაც სჭირდება ქვეყანას, რომ გასწიოთ პროპაგანდა სერიოზული საფრთხის წინააღმდეგ.

_ ხალხი არ ელოდა ასეთ მასშტაბურ ცუდ შედეგს და სწორედ ამიტომ, ხელისუფლებას ადანაშაულებს. ეს ყოველ ფეხის ნაბიჯზე ისმის.

_ ეს უკვე არცოდნაა და უსაფუძვლო პრეტენზია. ყველამ იცის, რომ დროულად დაიდგა ფერომინიანი საჭერები. სხვათა შორის, ამასაც ირონიულად უცქერდნენ. ამ საქმეში ჩართული იყო კომპიუტერული სისტემა და სპეციალური ჩიპების მეშვეობით ინფორმაცია მიეწოდებოდა დამკვირვებლებს. მაისის წამლობა გადაიდო მხოლოდ წვიმების გამო. კლიმატურ გარემოს ჩვენს ჭკუაზე ხომ ვერ შევცვლით?!

_ რა რაოდენობის ფართობი შეიწამლა და შეუწამლავი რაც დარჩა, არის თუ არა ეს გაცილებით საშიში კერა, საიდანაც მავნებელი ბლომად გამრავლდება და შემოგვიტევს?

_ სულ 7 627 ჰექტარი თხილის პლანტაციის შეწამვლა იყო გათვალისწინებული. დაახლოებით, 50 ჰექტარი ფართობი დარჩა შეუწამლავი. ეს ცუდია, რა თქმა უნდა. ეს იყო ნებაყოფლობითი პროცესი და მოსახლეობის ნაწილი შეტევაზე გადმოვიდა.

ახლა საგანგაშო მდგომარეობა რომ შეიქმნა, ყველა გაბრაზებულია. 462 კაცი მობილიზებულია შეწამვლაზე, 231 სოლო აპარატით, გაიხარჯა ხუთ ტონამდე წამალი _ ბიფენტრინი და 610 ლიტრი სპეციალური ზეთი. ცალკეული მოწადინებული ფერმერები, რომლებმაც გაცილებით ადრე დაიწყეს საკუთარი ნაკვეთების მიხედვა, ჩვენს ჯგუფებს ადგილზე ახვედრებდნენ, საკუთარი ხარჯით შეძენილ სოკოვანი დაავადების საწინააღმდეგო ფუნგიციდებს, ურევდნენ დახმარებით გათვალისწინებულ წამალში და ასე ამუშავებდნენ საკუთარ პლანტაციებს. შედეგიც კარგი მიიღეს. მათ ხარისხიანი თხილის მოსავალი აქვთ, რა თქმა უნდა, შედარებით.

_ ბატონო გიგა, ხალხი თავს კიდევ იმიტომ იკავებდა საკუთარი სახსრებით თხილის შეწამვლაზე, ამბობდნენ, ყველა არ ატარებს ასეთ ღონისძიებას და მავნებელი ჩვენს პლანტაციაში მაინც გადმოვაო.

_ ესეც ცუდი მიდგომა და არცოდნაა. თუ შენ სრულყოფილად შეწამლავ პლანტაციას ნაცრის, სოკოვანი დაავადების და მავნებლის წინააღმდეგ, გარკვეული დროის განმავლობაში, ანუ იმ ერთ სეზონზე მაინც, მავნებელი არ გადმოვა მეზობლის ეზოდან. მარტივად რომ ვთქვათ, შეწამლულ თხილის ბუჩქებს ნაკლებად მიეტანება, რადგან იქ წინააღმდეგობა ხვდება. ეს იმას არ ნიშნავს, რომ მომავალ სეზონზე არ გამოჩნდება მავნებელი, მაგრამ ერთი მოსავალი ხომ გადაურჩება განადგურებას? მოსახლეობა უნდა მიხვდეს და ომი უნდა გამოუცხადოს ამ მავნებელს, ყველა სახის დაავადებას. ამისთვის, სახელმწიფოს, მერწმუნეთ, გადადგმული აქვს სერიოზული ნაბიჯი და მარტო თხილი კი არა, სიმინდი, ყურძენი, ციტრუსოვნები რომ გადავარჩინოთ, ამ შემოდგომაზე, მოსავლის აღებისთანავე უნდა შევუდგეთ საქმეს. დრო არ ითმენს. საფრთხე გაცილებით დიდია, ვიდრე ჯერ კიდევ გვგონია!

_ რა უნდა ქნას მოსახლეობამ, რომ თქვენივე თქმით, ირონიული მიდგომიდან საქმეზე გადავიდეს?

_ შემოდგომის ბოლოს დასაწყებია აგროტექნიკური ღონისძიებები. ელემენტარულ, მარტივ გაწმენდით ღონისძიებას არ ატარებენ, ცალკეული ფერმერების გარდა.

შეცვლილია კლიმატი _ მარტო ერთი ფაროსანა არ გვიტევს, სასტიკია კვირტის ტკიპაც, უამრავი სოკოვანი დაავადებაა და მათ წინააღმდეგ შერეული ბრძოლის მეთოდები არსებობს. პლანტაციას, პირველ რიგში, სჭირდება ჰაერაცია! ის არ უნდა იყოს დაბურული, რომ სოკოვნებმა ფეხი ვერ მოიკიდონ. მერე კი, როცა მომავალ გაზაფხულზე ხელახლა დაიწყება შეწამვლა, ცნობილ ფრაზას მოვუხმობ _ ქუდზე კაცი უნდა გამოვიდეს.

მთავრობა ეხმარება მოსახლეობას ბიფენტრინით, ეს არის ინსექტიციდი. ყველაფერს ვერ გაიღებს ხელისუფლება. ხალხმაც უნდა შეიძინოს სოკოვანის საწინააღმდეგო ფუნგიციდები, რომ ერთმანეთს შეურიოს და ისე შეწამლოს. ამ დროს რამდენიმე დაავადებას და მავნებელს ერთდროულად ვებრძვით.

_ დღეისთვის, შემოდგომის დადგომის წინ, აზიური ფაროსანას მეორე თაობის შემოსევის საფრთხე თუ არსებობს?

_ რა თქმა უნდა, არსებობს! ადვილი შესაძლებელია მთელი ძალით შეუტიოს სიმინდის ყანებს. იმერეთში უკვე არის პრეცედენტი, გურიაშიც შეინიშნება. როგორც ვიცი, სურსათის ეროვნული სააგენტოს წარმომადგენლობა საჭერების დადგმას აპირებს. ახლა მთავარია, ფერმერი ენდოს სახელმწიფოს მიერ შემოთავაზებულ პროგრამას და რომ შევა მუშა ჯგუფი მის საკარმიდამო ნაკვეთში, კი არ გამოეკიდოს, გვერდით დაუდგეს, შეაშველოს ხელი და სასურველი შედეგი მხოლოდ ამის შემდეგ დადგება. მინიმუმ, ორი წამლობა მაინც უნდა ჩატარდეს, რომ მავნებელს სერიოზული დარტყმა მივაყენოთ.

აგროტექნიკური სამუშაოების სრულად ჩატარებისა და შემდგომი პერიოდის სამუშაოებისთვის, ჩვენ საკონსულტაციო მუშაობას არ ვიშურებთ. სამსახურის თანამშრომლები გადიან სოფლებში. ამიტომ, მომავალი გაზაფხულიდან რომ უსაფუძვლო პრეტენზიები არ იყოს, ახლა მაინც გაითავისოს ყველამ, რა უნდა გააკეთოს ნაყოფიერი გარემოს გადასარჩენად. მარტო მთავრობა ვერ მოერევა ამ პრობლემას. ამ მავნებლის წინააღმდეგ, ასე ვთქვათ _ ომს, ხელისუფლება ვერ მოიგებს, თუ ყველა ოჯახი გვერდით არ დაუდგა. ეს კი საკუთარ პლანტაციებში მოქმედებით უნდა გამოიხატოს!




 ახალი ამბები
  • გურიის სახელმწიფო რწმუნებულმა საერთაშორისო-სამეცნიერო კონფერენციაში მიიღო მონაწილეობა (R)გურიის სახელმწიფო რწმუნებულმა ზურაბ ნასარაიამ, მონაწილეობა მიიღო საერთაშორისო-სამეცნიერო კონფერენციაში თემაზე - „ადგილობრივი თვითმმართველობის, აღმასრულებელი ხელისუფლების და არჩეული მმართველობის ორგანოების საქმიანობის ორგანიზება და რეგულირება“. კონფერენციაში მონაწილეობდნენ უკრაინის, ლიეტუვის, ბელარუსიისა და პოლონეთის თვითმმართველობის, რეგიონალური ადმინისტრაციის წარმომადგენლები და ექსპერტები. "ვებინარში მონაწილე სხვადასხვა ქვეყნის რეგიონული ხელმძღვანელების მიერ გაკეთებულ მოხსენებებში, მნიშვნელოვანი და საყურადღებო იყო ბალტიისპირეთისა და პოლონეთის მაგალითები ტერიტორიული ერთეულების მართვის მოდელებზე. მათ შორის, ძლიერი რეგიონის არსებობის ორდონიან თვითმმართველობებზე. ვისაუბრეთ დეცენტრალიზაციის რეფორმის კონტექსტში გამოწვევებზე, შესაძლებლობებსა და პერსპექტივებზე. ასევე, სახელმწიფო მოხელეებისა და ადგილობრივი ხელისუფლების წარმომადგენლების პროფესიული მომზადების გაუმჯობესებაზე, თვითმმართველობებში მოქალაქეთა ჩართულობის მექანიზმებსა და ადგილობრივ დონეზე მართვის სისტემების დახვეწაზე, “ - აღნიშნა ზურაბ ნასარაიამ. ... ...
  • 50 000 ლარი ახალგაზრდული ინიციატივების მხარდასაჭერად _ ოზურგეთის მუნიციპალიტეტი კონკურსს აცხადებსახალგაზრდული იდეების მხარდაჭერის მიზნით, ოზურგეთის საკრებულოს ფრაქცია „ქართული ოცნების“ ინიციატივითა და მერიის მხარდაჭერით, „თვითმმართველობა განათლებისათვის“ და „ახალგაზრდების თვითგამოხატვის უფლების მხარდაჭერა თვითმმართველობაში“ პროგრამის ფარგლებში, კონკურსი გამოცხადდა! პროგრამის მიზანია ოზურგეთის მუნიციპალიტეტში რეგისტრირებული 12-დან 29 წლის ჩათვლით ახალგაზრდებისმიერ წარმოდგენილი იდეების/პროექტების დაფინანსება ან/და თანადაფინანსება, რომლის შედეგად მოხდება თვითმმართველობის საქმიანობაში ახალგაზრდების ჩართვა და მათი სამოქალაქო პასუხისმგებლობის ამაღლება. გამოცხადებული კონკურსის ვადები:I ეტაპი: პროექტების მიღება ელექტრონული ან/და ფიზიკური ფორმით მიმდინარე წლის 27 ნოემბრიდან10 დეკემბრამდე ელექტრონულ მისამართზე:meriaozurgeti2018@gmail.comozurgeti.sakrebulo@gmail.comან მატერიალური სახით მის: ქ. ოზურგეთი კოსტავას ქ N1, ადმინისტრაციის შენობა.II ეტაპი: მიღებული პროექტების კონკურსის მიზნებთან შესაბამისობის დადგენა -11.12. 2020 - 16.12. 2020III ეტაპი: სამუშაო ჯგუფის მიერ გადაწყვეტილების მიღება (გამარჯვებული პროექტების გამოვლენა/გამოცხადება) - 17.12.2020IVეტაპი: გამარჯვებული პროექტების განხორციელებაპრიორიტეტების დასახელება:კულტურა;რელიგია;ახალგაზრდული და სპორტული ღონისძიებები.კონკურსში მონაწილეობის მსურველებმა უნდა შეავსონ სააპლიკაციო ფორმა, რომელიც განთავსებულია ოზურგეთის მუნიციპალიტეტის მერიის ოფიციალურ ვებ- გვერდზე: http://ozurgeti.mun.gov.geინიციატივის ფარგლებში ახალგაზრდები შეძლებენ საკუთარი შემოქმედებითი პოტენციალის გამოვლენა/რეალიზებას, შესაძლებელი გახდება ახალგაზრდებისა და ადგილობრივი თვითმმართველობის ორგანოების თანამშრომლობის გაძლიერება. პროგრამას ოზურგეთის მუნიციპალიტეტი, საქართველოს პარლამენტის ეროვნული ბიბლიოთეკასთან პარტნიორობით, ახორციელებს. ... ...
  • ოზურგეთის მერიაში, ბავშვის უფლებების დაცვის მომსახურების განყოფილებაში, ხუთი შტატი დაიშვებაოზურგეთის მონიციპალიტეტის მერიის იურიდიული სამსახურის უფროსმა, ლაშა  თავაძემ, დღეს, საკრებულოს სხდომაზე წარმოადგინა საკითხი  „ მუნიციპალიტეტის მერიის თანამდებობის პირთა  და სხვა მოსამსახურეთა  თანამდებობრივი სარგოების  ოდენობების განსაზღვრისა  და საშტატო ნუსხის  დამტკიცების   შესახებ“. საკითხის   ირგვლივ საუბრისას მან განმარტა, რომ ახალ განყოფილებაში ხუთი  თანამშრომელი   იმუშავებს. დარბაზიდან გაისმა  კითხვები,   კადრების შერჩევასთან დაკავშირებით.   კერძოდ,  ადგილზე მოხდება შერჩევა თუ  ცალკეული პირები კონკურსში მიიღებენ მონაწილეობას. _შესაძლოა, გამოცხადდეს შიდა კონკურსი, რათა მაქსიმალურად გამოვიყენოთ ადგილობრივი რესურსი, _ განაცხადა ლაშა თავაძემ.  საკრებულოს წევრმა,   ექიმმა დავით მდინარაძემ გამოთქვა თვალსაზრისი,  რომ კადრების  შერჩევა სწორად უნდა მოხდეს. _სერიოზული სფეროა და ძალზე გულისხმიერი მიდგომა სჭირდება,  _  თქვა მან. ბავშვის უფლებების დაცვის და მხარდაჭერის მომსახურების განყოფილებაში დასაქმებულ ხუთ თანამშრომელს, სხვადასხვა პოზიციაზე,   ხელფასი  განესაზღვრებათ შემდეგი ოდენობით: განყოფილების უფროსი - 1400 ლარი; უფროსი სპეციალისტი, ბავშვისა და ოჯახის   სოციალური მუშაკი _ 1100 ლარი;   ბავშვის ფსიქოლოგი _ 1000 ლარი; უფროსი სპეციალისტი, ბავშვის ჯანმრთელობის მართვის საკითხებში _ 900 ლარი და უფროსი სპეციალისტი, ბავშვის სამართლებრივი  დახმარების სპეციალისტი  _ 900 ლარი. სხვადასხვა თვალსაზრისის გამოთქმის შემდეგ, საკრებულოს დეპუტატებმა დადგენილება ... ...
  • "ამოწურულია ყველა ლიმიტი"- რას ითხოვენ სავაჭრო ცენტრებიდიდი სავაჭრო ცენტრების (მოლების) წარმომადგენლები, სითი მოლი, თბილისი მოლი, ისთ ფოინთი, თბილისი ცენტრალი, ქარვასლა ერთობლივ განცხადებას ავრცელებენ. ისინი შექმნილი კრიზისის მინიმალური დანაკარეგბით გადატანის გზების შესახებ საუბრობენ. „კომერციული უძრავი ქონების და რითეილის (საცალო) სექტორი საქართველოში წარმოადგენს ერთ-ერთ ყველაზე დიდ დამსაქმებელს, ბიზნეს აქტივობის გენერატორს და ბიუჯეტის საგადასახადო შემოსავლების მნიშვნელოვან წყაროს. ტურისტული ბაზრის კოლაფსით, სასტუმროების და რესტრონების შემდეგ, სწორედ რითეილის და კომერციული უძრავი ქონების სეგმენტმა განიცადა ყველაზე დიდი ზარალი და ფაქტიურად ყველა სავაჭრო ცენტრს და რითეილერს უწევს ფორს-მაჟორში თვითგადარჩენის რეჟიმში ფუნქციონირება. კერძოდ: ·         შემცირებულია ეკონომიკა: შემცირებულია რითეილ ბაზარი, შეცვლილია ბაზრის სტრუქტურა და ხდება მისი კატეგორიების სწრაფი ცვლილება; მკვეთრადაა გაუარესებული მომხმარებლის მსყიდველუნარიანობა და შემცირებულია მომხმარებელთა რაოდენობა; ამოწურულია საინვესტიციო რესურსი. ·         ვალუტის კურსის სწრაფი დევალვაციისა და არასტაბილური, არაპროგნოზირებადი სავაჭრო გარემოს გამო, შეუძლებელია გრძელვადიანი პროგნოზების გაკეთება. შესაბამისად, შეუძლებელი ხდება ლიკვიდური სეზონური პროდუქციისა და მარაგების შევსების ოპტიმალური დაგეგმვა, იზრდება არარეალიზებული პროდუქციის მოცულობა, რაც დამატებით ფინანსურ ზიანთან არის დაკავშირებული; ·         სავაჭრო ცენტრების უმრავლესობას ფაქტიურად სრულად აქვს ამოწურული  ინვესტირებისთვის და უწყვეტი ოპერირებისთვის საჭირო ბიუჯეტი. ხდება ადამიანური რესურსის გაზრდილი მოცულობის ყოველდღიურად მობილიზება, რაც საჭიროა სავაჭრო ცენტრის შეუფერხებლად ოპერირებისთვის  და ეს იწვევს მნიშვნელოვან დამატებით ხარჯებს. მოგეხსენებათ, საგანგებო მდგომარეობის შემდგომ, ჩვენ, ჩვენი ძალებით შევძელით შეგვენარჩუნებინა ფუნქციური ბიზნესი და ადამიანური რესურსის მნიშვნელოვანი ნაწილი. მაქსიმუმი გავაკეთეთ იმისათვის, რომ შეგვენარჩუნებინა მოიჯარეები სავაჭრო ცენტრებში. როგორც ჩვენ, ასევე მოიჯარეებს, სამი თვის დანაკლისის აღდგენის იმედი გვქონდა წლის ყველაზე დატვირთულ წინასაახალწლო პერიოდში, რაზეც ვაკეთებდით ოპტიმისტურ პროგნოზებს. ·         ჩვენს სავაჭრო ცენტრებში პირდაპირ დასაქმებულია 2000–მდე თანამშრომელი (მოლის ადმინიტრაცია, მომსახურება), ხოლო მაღაზიებში პირდაპირ არის დასაქმებული 15000–მდე თანამშრომელი; სავაჭრო ცენტრში არაპირდაპირ დასაქმებულ თანამშრომელთა რაოდენობა გაცილებით მეტია. ჩვენ, ჩვენი რესურსებით მოვახერხეთ საგანგებო მდგომარეობის პირობებში თანამშრომელთა ამ რაოდენობის შენარჩუნება, თუმცა რესურსი სრულად, წინასწარ და გადაჭარბებით გახარჯულია. ასევე, ამოწურულია ყველა ის ლიმიტი, რაზე გათვლაც გვქონდა ოპერირების აღდგენიდან წლის ბოლომდე. ოპერირების შეზღუდვის პირობებში თანამშრომლების შენარჩუნებას ბიზნესი ვერ შეძლებს. ·         ფაქტიურიად ყველა სავაჭრო ცენტრს ექმნება მიმდინარე საბანკო ვალდებულებების მომსახურების პრობლემა და დღის წესრიგში დგას სესხების შემდგომი რესტრუქტურიზაციის აუცილებლობა. სავაჭრო ცენტრის ოპერირების აღდგენას სჭირდება ბევრად მეტი ფინანსური რესურსი და დრო  ჩაკეტვის პერიოდში მის მიერ გენერირებადი შესაძლო შემოსავლის ოდენობასთან შედარებით. მოგეხსენებათ, სავაჭრო ცენტრები იცავენ  ვირუსთან ბრძოლისთვის საჭირო ყველა რეკომენდაციას. სავაჭრო ცენტრი ერთ–ერთი ყველაზე კარგად დაცული სავაჭრო გარემოა. აღნიშნულს მოწმობს ის ფაქტიც, რომ პანდემიის პერიოდში სავაჭრო ცენტრი არ გამხდარა  მნიშვნელოვანი ვირუსის   გავრცელების წყარო. კრიტიკულია, რომ დეკემბრის თვეში არ მოხდეს სავაჭრო ცენტრების დაკეტვა, რაც სრულად ჩამოშლის კომერციული უძრავი ქონების და საცალო ვაჭრობის სექტორს. ყოველივე ზემოაღნიშნული გამოწვევების გათვალისწინებით, მათ შორის ბაზარზე არსებული ეკონომიკური მდგომარეობის, მიმდინარე ფინანსური ვალდებულებების, რითეილერების მდგომარეობის, 2020 წელს სამ თვიანი ე.წ "ლოქდაუნის" პირობებში, ჩვენი თანამშრომლების მიმართ აღებული პასუხისმგებლობის და ყველა სხვა ფაქტორის გათვალისწინებით, მოგმართავთ თხოვნით - ტურისტული სექტორის მსგავსად, ჩვენთვისაც შემუშავდეს ანტი კრიზისული პაკეტი, რომელიც მოიცავს: ·         გაიხსნას და მიეცეთ სავაჭრო ცენტრებს ფუნქციონირების საშულაბა 15 დეკემბირდან  - 3 იანვრის ჩათვლით. დროის ამ მონაკვეთზე მომხმარებელთა გადანაწილება რეალურად შეამცირებს მასიური თავყრილობების რისკს და ინფექციის გავრცელების ალბათობას. ·         2020 წლის ივლისში გადავადებული ქონების გადასახადის გაუქმება, რომლის გადახდის ვადაც იწურება 30 ნოემბერს. ეს საშუალებას მოგვცემს გამოთავისუფლებული თანხები მივმართოთ საოპერაციო სტაბილურობის შენარჩუნებაზე და ასევე მინიმუმ შემდგომი 4 თვის განმავლობაში შევინარჩუნოთ დასაქმებული პერსონალის 80%-ზე მეტი. ·         750 ლარამდე ხელფასზე დაწესებული საშემოსავლო გადასახადის გადახდაზე არსებული შეღავათის გაგრძელება 2021 წლის პირველი კვარტლის ბოლომდე. ·         ბანკებთან საკრედიტო ვალდებულებების რესტრუქტურიზაციაზე მოლაპარაკებებში ეროვნული ბანკის ჩართვა და დახმარება, რომ მიღწეულ იქნას შეთანხმება სესხების 12 თვიანი საშეღავათო პერიოდით რეფინანსირებაზე და ამავე დროს მინიმუმ 6 თვის საპროცენტო ხარჯის სუბსიდირება. ამ პერიოდში საბანკო სექტორი მიიღებს საპროცენტო შემოსავალს, რაც მათთვისაც კრიტიკულია. ვაცხადებთ მზაობას, რომ ოპერატიულად გავაგრძელოთ მუშაობა სამთავრობო სტრუქტურებთან  სამუშაო ჯგუფის ფარგლებში და განვიხილოთ ყველა ზემოთ ნახსენები საკითხი, რომ ერთად ვიპოვოთ შექმნილი კრიზისის მინიმალური დანაკარეგბით გადატანის გზები“,_ აცხადებენ სავაჭრო ცენტრების ... ...
  • პირს, რომელიც ჟურნალისტ გაბუნიას უთვალთვალებდა, პროკურატურამ ბრალი დაუმძიმასაქართველოს პროკურატურამ, საქართველოს სახელმწიფო უსაფრთხოების სამსახურის კონტრტერორისტულ ცენტრში მიმდინარე გამოძიების ფარგლებში, 2020 წლის 13 ივნისს, ყალბი ოფიციალური დოკუმენტის გამოყენებისათვის - ვ.ბ.-ს სახელით დაკავებულ პირს ბრალი დაუმძიმა. ჩატარებული გამოძიების პროცესში გაირკვა, რომ ხსენებული პირი არის არა ვ.ბ., არამედ რუსეთის ფედერაციის მოქალაქე - მ.გ., რომელმაც ვ.ბ.-ს სახელზე გაცემული ყალბი პასპორტის გამოყენებით უკანონოდ გადაკვეთა საქართველოს სახელმწიფო საზღვარი, სისტემატურად ახორციელებდა „მთავარი არხის" ჟურნალისტის გიორგი გაბუნიას უკანონო თვალთვალს და მის შესახებ ინფორმაციის მოპოვებას. 2020 წლის 27 ნოემბერს, პროკურორის დადგენილების საფუძველზე გიორგი გაბუნია ცნობილ იქნა დაზარალებულად, ხოლო მ.გ.-ს, სსკ-ის 151 პრიმა მუხლის პირველი ნაწილით, 157-ე მუხლის პირველი ნაწილით, 344-ე მუხლის პირველი ნაწილითა და 362-ე მუხლის პირველი ნაწილით გათვალისწინებული ქმედებებისათვის წარედგინა ბრალდება, რაც გულისხმობს ადევნებას, პირადი ცხოვრების ამსახველი ინფორმაციის ან პერსონალური მონაცემების ხელყოფას, საქართველოს სახელმწიფო საზღვრის უკანონოდ გადაკვეთასა და ყალბი დოკუმენტის გამოყენებას. პატიმრობის საერთო ვადის გათვალისწინებით, ბრალდებულ მ.გ.-ს მიმართ ცალკე წარმოებად გამოიყოფა საქმე  ზემოხსენებული მუხლებით გათვალისწინებული დანაშაულის ფაქტზე და წარიმართება სასამართლოში, ხოლო შესაძლო მკვლელობის მომზადების ფაქტზე, სისხლის სამართლის საქმეზე გრძელდება გამოძიება, მათ შორის ინფორმაციისა და სხვადასხვა მტკიცებულებების მოპოვების მიზნით უცხო სახელმწიფოში გაგზავნილია შუამდგომლობა სამართლებრივი დახმარების აღმოჩენის ... ...

არქივი

ტესტები

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ იცი თუ არა ყველაფერი?

როგორ უნდა გაარკვიოთ მხარეები ტყეში...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

კარმიდამო ჩემი

"შერეული მეურნეობა მცირემიწიანთათვის საუკეთესო გამოსავალია"

შოთა მახარაძე ოზურგეთის მუნიციპალიტეტის, სოფელ...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...