"ბერა", "რქა" და "ტაისონის მუშტი" დამლევს ელოდება

ხელგარჯილობა

"ბერა", "რქა" და "ტაისონის მუშტი" დამლევს ელოდება

2014 ოქტ 2 13:41:49

ჯემალ ჭიღლაძე ვაზსა და ქართულ ქვეყანაზე უსაზღვროდ შეყვარებული კაცია. იგი საჩხერეში, სოფელ ორღულში ცხოვრობს და ხეზე კვეთის ხელოვნებას საკუთარი გადმოსახედიდან ასე აფასებს _ მთავარია, გქონდეს ნიჭი, პატარა დანა _ "ჯაყვა" და ელექტრობურღი. ასე შექმნილმა ხელოვნების ნიმუშებმა შეიძლება არა თუ საჩხერეში, მსოფლიოს არა ერთ ქვეყანაში ბევრი ოჯახი დაამშვენოს.

_ ჩემი სამუშაო იარაღია პატარა სანამყენე დანა _ "ჯაყვა", ელექტრობურღი, ზუმფარა ანუ "შკურკა" და მისი ჯანი... მორჩა! მეტი არაფერი მჭირდება. ასე ვაკეთებ ამ სხვადასხვა ორიგინალურ ნივთს, უმეტესად კი სასმისებს. ქართველი კაცის სული და გული ხომ ვაზის ძირში და მის ირგვლივ ტრიალებს. ჩემი სიყვარულის აზრიც ეს არის. ისე, გვიან დავიწყე ხეზე კვეთა, 45 წლის ასაკში; ახლა 65 -ის ვარ და ამით სულიერ კმაყოფილებას ვგრძნობ. ერთ ნამუშევარს რომ დავასრულებ, ერთი წლის სიცოცხლე მაინც მემატება, ისეთ სითბოსა და ენერგიას ვგრძნობ... იქნებ, მე მეჩვენება, მაგრამ ასეა და რა ვიცი... _ გვესაუბრება მორიდებით და დინჯად, თითქოს ბოდიშს იხდისო.

არაერთხელ იმეორებს, რომ თვითნასწავლი ოსტატია და იქნებ, ამ ნამუშევრებში ყველაფერი ისე არ არის, როგორც ხელოვნების სტანდარტს შეეფერება, თუმცა... "რქა", "ტაისონის მუშტი", "ბერა", "ფესვი", "მტევანი", "ხელი" , "ლომის ხახა", "ორბის თავი" დამლევს ელოდება. ეს ხომ ის სასმისებია, რომელთა გაყიდვას ან გაჩუქებას ბატონი ჯემალი ცოცხალი თავით არ აპირებს, მიუხედავად ბუზებივით დახვეული მთხოვნელებისა. როგორც თვითონ ამბობს, იშვიათად ჰყიდის, საჩუქრადაც ნაკლებად იმეტებს, რადგან საკუთარი ნამუშევრები შვილებივით მიაჩნია და ჰგონია, თუ ბევრს გააჩუქებს ან გაყიდის, რაღაც ენერგიას წაიღებენ მისგან და მერე მუშაობას ვეღარ შეძლებს. რამდენჯერმე კი გაყიდა როგორც უცხოელებზე, ისე აქაურებზეც და უხარია, რომ მსოფლიოს ბევრ ქვეყანაში არა ერთ ოჯახშია მისი ნამუშევარი. რამდენიმე ნიმუშის გაყიდვას პერევის ნაციონალური სამზარეულოს ფესტივალზეც აპირებს _ თითოეულის ფასი 600 ლარია...

ჯემალ ჭიღლაძის ნამუშევრების კოლექცია ძირითადად სასმისებისგან შედგება, თუმცა, აქ საყვავილეებსა და სახილეებსაც შეხვდებით. არის სხვა დასახელების ნივთებიც, სასმისების ნაირსახეობებს თვლა არ აქვს. ზოგჯერ ხის ფესვს, ტოტს, ვარჯს აქვს ისეთი ფორმა, რომელსაც ბუნება აწვდის თავად. ასე იკვეთება ხელოვნების ნიმუშები, რაშიც ხშირად 600, 1000 ლარს სთავაზობენ, მაგრამ უმეტესად არ ჰყიდის. ხვეწნა არ ჭრის, "არას" რომ იტყვის, აღარ უნდა ეცადო დაყოლიება.

ჩვენს მასპინძელს, როგორც თვითონ ყვება, სამუშაო მასალის საძებრად შორს წასვლა არ სჭირდება. ძირითადად კაკლის, წაბლის და ცაცხვის მერქანს იყენებს, რომელთა უმრავლესობა საკუთარ კარმიდამოში ან უახლოეს ტყეებში მოიპოვება.

_ხშირად ახალი ხის მოჭრა მენანება. საშეშე ან თავისით გამხმარი ხე თუ წაიქცევა, ვაკვირდები. ბუნების დაზარალება არ მინდა და ვცდილობ, უკვე უვარგისი მასალისგან რაღაც ვარგისი მოვძებნო და ხელოვნების ნიმუშად ვაქციო. ხან სადღაც მიგდებული ხის ფესვის თუ ტოტის ნაწილი ისეთი ფორმისაა, მხოლოდ გაწმენდა, ოდნავ დამუშავება, მერე ლაქის წასმა სჭირდება და უკვე მზადაა! მეუბნებიან, როგორ ვიგონებ ასეთ ფორმებს, თუმცა, უმეტესად ამის ახსნა და გადმოცემა არ შემიძლია. ეს კია, ბუნება მეხმარება, რაღაცა რაღაცას ჰგავს, მერე მე ვეხმარები ფორმირებაში და ასე ჩნდება ეს ჩემი ნამუშევრები, _ სათითაოდ გვაჩვენებს სასმისებს და ერთ წყვილ ფეხიან კათხას, რომელსაც ყვავილის ფიგურა აქვს, ხელში იღებს. სასმისის მუხლთან ხისავე ასოებით გამოჩუქურთმებულია ასოები და "ბერა" იკითხება.

_ ძალიან მინდა, ეს წყვილი სასმისი ბერა ივანიშვილს ვაჩუქო. საჩხერელია ბიძინა ივანიშვილი და მსურს, ჩემგან, სიყვარულის ნიშნად, მის ვაჟს ეს გადავცე, თუმცა ძნელია, მიუდგე... მე მხოლოდ ვაჩუქო მინდა, რაიმეს კი არ ვითხოვ. ერთხელ მიხეილ სააკაშვილს ჩემი გაკეთებული ხანჯალი და ხეზე ამოტვიფრული საქართველოს რუკა ვაჩუქე, საათი იყო შიგ ჩასმული. სიმბოლურად გავაკეთე. გახსოვთ, რომ ამბობდა საქართველოს დაკარგულ ტერიტორიებს დავუბრუნებო... საათიც სიმბოლურად ჩავსვი იმ ნამუშევარში, დროის ფაქტორს გავუსვი ხაზი, თუმცა, მერე რუსები აგერ, პერევთან მოვიდნენ და ახლა ცხვირწინ ტრიალებენ... _ სახე ეღრუბლება ბატონ ჯემალს, _ მე ამ საჩუქრებით ვინმეს რაიმეს კი არ ვთხოვ და ვავალებ, უბრალოდ, ჩემი ქვეყნის კარგად ყოფნა მინდა, ქვეყნის ხელისუფლების კარგად ყოფნა მინდა, რომ რაიმე უშველონ საქართველოს... ღმერთი დიდია, იმედით უნდა ვიყო, _ ტკივილიანია მისი ხმა.

_ ბატონო ჯემალ, როცა ასეთ დონეზე ხართ დაუფლებული ხეზე კვეთის ხელოვნებას, არ გიცდიათ, საკუთარი საამქრო ან მინი საწარმო გაგეხსნათ და რაღაც ფორმით მცირე ბიზნესის კეთება დაგეწყოთ?

_ არავითარ შემთხვევაში. ჯერ ერთი, რასაც ვაკეთებ, ის ერთი და განუმეორებელია. ორ ერთნაირ ნივთს მე არ ვაკეთებ. გარდა ამისა, ჩემი თვალით დანახული ფორმა თუ რომელიმე სახის ნივთის გამოჩუქურთმება, მხოლოდ ჩემი "ჯაყვითა" და "დრელით" უნდა მოხდეს! მე ასე მინდა, არავითარი ჩარხები და ტექნიკა! ფულის და გამდიდრების მაძიებელი კაცი არ ვარ! ვერც ერთი ეს ისეთ სიამოვნებას ვერ მომანიჭებს, რასაც ჩემი ხელით ნაკეთი ნამუშევრები მგვრიან! ვაზის ქვეყანა ვართ, ვენახის ძირში დავიბადეთ და რაღაც იმ ფესვიდან მომყვება და მკარნახობს, როდის რას მოვკიდო ხელი. ხანდახან კი ვყიდი, ცოტა ფული რომ დამჭირდება. მაინც რამდენი უნდა მომცენ, რომ ჩემი "ჯაყვით" შექმნილი ნამუშევრები გავიმეტო? _ ხელში სათითაოდ იღებს სასმისებს.

ბატონი ჯემალი ამბობს, რომ ეს ყველაფერი უდიდეს შრომას მოითხოვს და თითოეულს ხან მთელი თვე უკირკიტებს.

შვილებითა და შვილიშვილებით მდიდარია. "ბერა" სასმისიც ერთი მათგანისთვის გაუტანებია, თურმე, ივანიშვილებთან: _ საჩხერეში როცა იყვნენ, ბავშვს ვუთხარი, ბაბუ, წაიღე, იქნებ, მიუახლოვდე საიდანმე და აჩუქე, როგორმე,-მეთქი, თუმცა, მოღუშული დაბრუნდა უკან, ვერ მოვახერხე მიახლოებაო, მითხრა.

ჯემალ ჭიღლაძე ახლა კაკლის მერქნისგან არწივის შექმნაზე მუშაობს. ამბობს, რომ საკმაო დრო დასჭირდება _ არაა ადვილი ეგ საქმეო! კითხვაზე, ამჯერად ხელისუფლების რომელიმე პირველი პირის დასაჩუქრებას ხომ არ აპირებს იმ "არწივით", რომელიც ჯერ კიდევ უსულო მერქანია და ოსტატის ხელმა უნდა "გააცოცხლოს" ან ეს არწივი დაჭრილი ხომ არ არის _ ბატონი ჯემალი ჩვეულებრივზე ოდნავ ხმადაბლა ამბობს: _ რა ვიცი, თუ ვინმე ღირსი მოვა, არ დავინანებ... ისე კი დაჭრილ არწივს მე ვერ დაგანახებთ, ეს მხოლოდ დიდ ვაჟას ხელეწიფებოდა!




 ახალი ამბები
  • „შემოქმედობა“ _ ორმოციოდე შემოქმედელით და ოთხჯერ მეტი სტუმრით20 სექტემბერს, სოფელ შემოქმედში „შემოქმედობის“ ტრადიციული დღესასწაულის აღნიშვნა ოზურგეთს მუნიციპალიტეტის მერიამ დაგეგმა. ტრადიციული დღესასწაული, როგორც აქ, ისე სხვა სოფლებშიც იმართება და არასდროს აკლია ხალმრავლობა, ხალისი და საინტერესო წიაღსვლები. თუმცა, ამჯერად, როგორც ეს ყველამ იხილა, უჩვეულოდ მცირერიცხოვნობით გამორჩეული „შემოქმედობა“, ძირითადად, მოსული სტუმრების ხარჯზე წარიმართა _ ძალისხმევა დაგვჭირდა, რომ ორმოციოდე შემოქმედელი დაგვეთვალა, რასაც, დაახლოებით, ოთხჯერ სჭარბობდა სტუმარი (ძირითადად, შემოქმედებითი ანსამბლების წევრები, ხელისუფლების წარმომადგენლები და კონცერტში მონაწილე ბავშვთა მშობლები). ღონისძიების დასაწყისში სპორტული აქტივობები შედგა:  გაიმართა შეჯიბრი ნარდში, მკლავჭიდსა და მაგიდის ჩოგბურთში, რომლის  მონაწილეები მუნიციპალიტეტის მერიის თანამშრომლებიც  იყვნენ. აღსანისნავია, რომ უხლოეს პერიოდში გამართულ ღონისძიებებზე ისინი ნარდის თამაშში აქტივობით გამოირჩევიან. „ერთი, მენახა ვინმე, ჭადრაკი ეთამაშა, რა მაგრად ყვარებიათ გურულებსაც ეს კამათლების კოტრიალი და ყირამალა. რა შავდება მაგით, მარა არც არაფერი კეთდება. როგორც ჩვენ ვერაფერი გავაკეთეთ დღეს. დავიძარით ქუთაისიდან, ისეთი რეკლამა იყო ფეისბუკზე, გვეგონა, ცოტას  ვივაჭრებდით, მაგრამ ორი ჭიქა ბატიბუტი ვერ გავყიდეთ, _ ასე გაღარიბდა აქ ხალხი? იქითაც კია გაჭირვება, მარა... რა ვიცი, ასე ხელცარიელი არსად დავრჩენილვართ ამ ბოლო დროს,  _  ღიმილიანი სახით გვითხრა გვითხრა ქუთაისიდან ჩამოსულმა ინდმეწარმე გიორგი ლაცაბიძემ. „რა გინდა? შემოქმედლებს ითვლი? მიდი იქ და ნახე, „პოლონელი შემოქმედელები“ ცეკვავენ, _ ხუმრობა მოგვადევნა რამდენიმე შემოქმედელმა და მიგვითითა სკვერში  მოწყობილი სცენისკენ, სადაც მართლაც სადღესააწაულოდ ცეკვავდა პოლონელი ახალგაზრდების ხალხური ცეკვის ანსამლი, თუმცა, ვერავინ გვითხრა, კონკრეტულად რომელი ქალაქიდან იყვნენ ისინი. „რაა ეს, ახლაც არჩევნები ხომ არაა, ძალით მოყვანა რომ არ უნდათ, კი გააფრთხილეს ხალხი, მაგრამ სამ საათზე იყო დანიშნული და ალბათ, აწი მოვლენ. ისე, შარაშენიძის ამომრჩეველი მაინც მოსულიყო,  _  მცირე  პოლიტიკაც გაურია მცირერიცხოვანი მაყურებლის ყოფნას ღონსძიებაზე რამდენიმე ადგილობრივმა მცხოვრებმა. შემოქმედელებმა _ მედიკო ხვინგიმ და თამუნა აშუბამ, გვითხრეს, რომ დღეს აქ მათი შვილები ცეკვით გამოდიან და იმის სანახავად მოვიდნენ. _ ხალხი? რა ვიცი, რატომ არის ასე ცოტა, ალბათ, ვერ მოიცალეს. ისე, სოფელში კი იცოდნენ და ყველას გააგბინეს,  _ გვითხრეს მათ. „უი, უი, უი, რამ წამომიყვანა, ჩემი  სათამაშო „კეკელობანი“ მაქვს,  წამოვიღე. პატარა სათამაშო ბიზნესია, ერთი ლარი არ ამიღია. არავინ მოსულა. ასე ცოტა ხალხი არც ერთ ღონისძიებაზე არ მხვდება. ინტერნეტში ვეცნობი ასეთ ამბებს და მერე ჩავდივარ ყველგან. ისეთი რეკლამა იყო, ავიბარგე ამ დიაბეტიანმა პენსიონერმა  კაცმა და  წამოვედი. პენსია არ მყოფნის, ვიფიქრე, ორიოდე ლარს ვიშოვი,-მეთქი და დავითარსე.  „პოლიაკები“  კი ჩამოუყვანიათ საცეკვაოდ, მარა გამომცეკვებელია ცოტა... ღმერთმა მისცეთ საქმე საცეკვაოდ, მარა მე მაგი საქმე არ მეხერხება და რაც მეხერხება, ტყუილა ჩამოვათრიე“, _ ბათუმელმა ავთო მეგრელაძემაც ხუმრობა ამჯობინა „შემოქმედობის“ შეფასებისას და იმედი გამოთქვა, მომავალ წელს  ბევრად მეტი ხალხი დახვდება, გურულები ასე ცოტა სანადიროდაც არ დადიან და დღეს რა დაემართათო, _ გვითხრა მეგრელაძემ. მცირერიცხოვანი მაყურებლის წინაშე მოეწყო ადგილობრივი შემოქმედებითი ჯგუფების: ,,გურიას,’’ "აისის," "იადონის," "ვახტანგურის," "ალილუიას," სტუდენტური-ფოლკლორული ჯგუფი ,,იედლინოკის’’ (პოლონეთი)  კონცერტი.  სოლო შემსრულებლის,  რეზიკო ხომერიკის გამოსვლისას მიკროფონი გამოირთო და ჩართვის მომლოდინე მომღერალს  მაყურებლმა თანაგრძნობის ნიშნად ტაში დაუკრა. ღონისძიების დასასრულს, შემოქმედელებს, რომელთა რაოდენობას სულ ცოტა ოთხჯერ სჭარბობდნენ სტუმრები, მიესალმა გურიის გუბერნატორი ზურაბ ნასარაია და თქვა, რომ კულმინაცია ღონისძიებისა  არის დაჯილდოება _  „საპატიო შემოქმედელის“ წოდების მინიჭება.    „საპატიო შემოქმედელის“ წოდება მიანიჭეს „გზამენი 18“-ის დირექტორს, შემოქმედის მკვიდრს,  თემურ ჯახვას და  ამჟამად პენსიონერ ოთარ გეგიაძეს. მათ ჯილდოები ზურაბ ნასარაიამ და კოტე შარაშენიძემ გადასცეს. ოზურგეთის მუნიციპალიეტის მერმა კოტე შარაშენიძემ თავისი გამოსვლის დასაწყისშივე მიანიშნა მოსული ხალხის მცირერიცხოვნობაზე, რითაც, როგორც ეტყობა, თავადაც არ დარჩა კმაყოფილი: _ მთლიანობაში ვერ ვხედავ სოფლის აქტივობას, მაგრამ კარგია, რომ მოვიდნენ ახალგაზრდები, მომავალშიც მრავალჯერ აღვნიშნავთ „შემოქმედობას“, რომელიც უკვე ტრადიციად არის ქცეული, ასევე, მომავალშიც კვლავ დავაჯილდოებთ საპატიო შემოქმედელებს, _ თქვა მან. თემურ ჯახვამ მადლობა გადაუხადა ყველას, ვინც სოფლისთვის მისი ღვაწლი შეაფასა და იმ პროექტების შესახებ ისაუბრა, რომელიც უახლოეს დროში უნდა გახორციელდეს შემოქმედში. _ 50 წელია,  საგზაო სისტემაში ვმუშაობ. ბევრი სიკეთე გამიკეთებია ჩემი სოფლისთვის, თუმცა, უფრო მეტი უნდა გამეკეთებინა. დიდ მადლობას ვუხდი ყველას დაფასებისთვის. ახლა გეტყვით, რომ დაპროექტებულია და მალე დაიწყება შემოქმედთან მოსასვლელი გზის კეთება, რომელსაც მარჯვენა მხარეს ექნება ტროტუარი, კედელი და რა თქმა უნდა, გაკეთდება გარე განათება. ასევე, კეთდება გომისმთის გზის პროექტი და მომავალ წელს უკვე მშენებლობა დაიწყება, რის დასრულების შემდეგ უკვე ნახევარ საათში იქნება შესაძლებელი გომისმთაზე ასვლა. გზის მთელ მონაკვეთზე გაკეთდება სამი გადასახედი მოედანი. ასევე, აშენდება ეკლესია, რომლის საძირკველიც გომისმთაზე ჩაყრილია, _ თქვა თემურ ჯახვამ, რასაც გულწრფელი ოვაცია და ტაში ... ...
  • ოზურგეთში იურიდიული მომსახურების ცენტრი გაიხსნა19 სექტემბერს, ოზურგეთში იურიდიული დახმარების ცენტრი გაიხსნა. ლენტი საზეიმოდ გაჭრეს ოზურგეთის მუნიციპალიტტის მერმა კოტე შარაშენიძემ და იურიდიული დახმარების სამსახურის დირექტორმა რაჟდენ კუპრაშვილმა.   რაჟდენ კუპრაშვილმა  დამსწრე საზოგადოებას სიტყვით მიმართა და წარუდგინა ოზურგეთის ბიუროს უფროსის მოვალეობის შემსრულებელი იამზე მემარნიშვილი. კუპრაშვილმა განმარტა, რომ ამიერიდან გურიის მცხოვრებლები აქ  უფასო იურიდიულ მომსახურებას  მიიღებენ. _ მინდა გითხრათ, რომ ნებისმიერი თქვენგანისთვის ხელმისაწვდომი გახდება უფასო სამართლებრივი დახმარების სერვისი და ბიუროს სპეციალისტები დახმარებას და იურიდიულ კონსულტაციას გაგიწევენ ნებისმიერ სამართლებრივ საკითხზე, საადვოკატო მომსახურებაში. ყველა სპეცილისტი, ვინც მოგემსახურებათ, აუცილებლად იქნება მაღალკვალიფიციური, _ თქვა მან. ღონისძიებას ესწრებოდნენ აღმასრულებელი, საკანონმდებლო, სასამართლო ხელისუფლების, საერთაშორისო ორგანიზაციებისა და ადვოკატთა ასოციაციის წარმომადგენლები. გახსნის ცერემონიის შემდეგ, სახელმწიფო ქორეოგრაფილუმა ანსამბლმა „გურიამ“,  სახელმწიფო ფოლკლორულმა ანსამბლებმა _ „შვიდკაცამ“ და „ რეხეულმა“ თავიანთი შემოქმედებით მიულოცეს  ყველას  ეს მნიშვნელოვანი დღე. ცნობისთვის, საქართველოში დღეისთვის ათი საკონსულტაციო ცენტრი და ცამეტი იურიდიული დახმარების ბიურო ... ...
  • ლისაბონში ვებპროგრამირების სამიტზე ორი ოზურგეთელი მიემგზავრება“გურია ნიუსის“ ინფორმაციით, ყოველწლიურ ვებპროგრამირების სამიტზე, რომელიც ყოველწლიურად ლისაბონში ტარდება, წელს ოზურგეთიდან ორი ქალი თამო ონიანი და იაკო თავდიშვილი მიეგზავრება. წელს, აპრილსა და მაისში სოციალური მედიისა და ვებპროგრამირების ტრენინგი ჩატარდა, რომელიც გაეროს ქალთა ფონდის ეგიდით მიერ ჩატარდა და ემსახურებოდა ქალთა ეკონომიკურ გაძლიერებას საქართველოში. პროექტი ჩატარდა დასავლეთ საქართველოში 5 რეგიონში, მათ შორის გურიაში, კონკრეტულად ოზურგეთში და ლანჩხუთში. კონკურსში მონაწილეობდა 11 ადამიანი, აქედან ოთხი იყო ოზურგეთელი _ იაკო თავდიშვილი, თამო ონიანი, სოფო კალანდაძე, მერი ეძიეშვილი. საბოლოო ჯამში, გამოვლინდა ოთხი გამარჯვებული, რომელიც ლისაბონში მიემგზარება ყოველწლიურ ტექნოლოგიების ვებსამიტზე. თამო ონიანი და იაკო თავდიშვილი პირველად არიან მსგავსი ტიპის შეხვედრაზე. “ეს არის ძალიან პრესტიჟული და საკმაოდ მნიშვნელოვანი სამიტი. სასიხარულოა, რომ სამიტზე პირველად გურიიდან ორი ქალი მიეგზავრება. საქართველოდან სამიტზე წლებია ესწრებიან ქალები", _ გვითხრა პროექტის ერთ-ერთმა ტრენერმა ხათუნა ... ...
  • ოზურგეთელი მონიკა ახვლედიანი უკრაინაში საერთაშორისო ფესტივალში მიიღებს მონაწილეობას28 ოქტომბერს, საქველმოქმედო ასოციციას “გურიას“ ბენეფიციარი მონიკა ახვლედიანი საერთაშორისო მუსიკალურ ფესტივალზე მიეგზავრება. მონიკას უკვე დაწყებული აქვს მზადება და ფესტივალზე სპეციალურად მომზადებულ სიმღერებს შეასრულებს. უკრაინში ჩასატარებელ კონკურსამდე ქუთაისში ჩატარდა სიმღერის, ცეკვისა და ხელოვნების საერთაშორისო ფესტივალი “ივერია ბრილიანტი“ (შესარჩევი ტური) და “გურიას“ ბენეფიციარებმა სხვადასხვა საპრიზო ადგილები დაიკავეს. პირველი ადგილი მონიკა ახვლედიანს ერგო და აქედან გამომდინარე, მიიღო მოწვევა უკრაინიდან.  “ჩემს ცხოვრებაში ძალიან ამაღელვებელი და სასიხარულოა, რომ უკრაინაში უნდა წარვადგინო ჩემი ქვეყანა, საქართველო. სხვადასხვა ქვეყნიდან ჩამოდიან შშმ პირები და დარწმუნებული ვარ, საინტერესო და კარგი ფესტივალი ჩატარდა”, _ გვითხრა მონიკა ... ...
  • ოზურგეთში, ღია დიალოგის რეჟიმში, მოსახლეობასთან შეხვედრა გაიმართა (R)ღია დიალოგის რეჟიმში, ოზურგეთში მოსახლეობასთან შეხვედრა გაიმართა. გარემოს დაცვისა და სოფლის მეურნეობის მინისტრის მოადგილე იური ნოზაძე და გურიის მხარის რწმუნებული ზურაბ ნასარაია სოფელ ჯუმათის, ზვანის უბნისა და გრიბოედოვის ქუჩის მაცხოვრებლებს შეხვდნენ. ხელისუფლების წარმომადგენლებმა პრობლემების გადაჭრის გზებზე მოსახლეობასთან ერთად იმსჯელეს. ადგილობრივებს ინფორმაცია დაგეგმილ ინფრასტრუქტურულ პროექტებზე, მუნიციპალურ და სოფლის მეურნეობის პროგრამებზე მიაწოდეს. მოსახლეობისთვის პრიორიტეტული სკვერის, წყალმომარაგების, კანალიზაციის სისტემის მოწყობის და შიდა საუბნო გზების მოწესრიგების საკითხია. აღინიშნა, რომ რამდენიმე საკითხი ეტაპობრივად მოგვარდება, დამუშავდება და სამოქმედო გეგმაში აისახება. შეხვედრებს ოზურგეთის მერი კონსტანტინე შარაშენიძე, საკრებულოს თავმჯდომარის მოადგილე გიორგი ღურჯუმელიძე და მპგ „ქართული ოცნება - დემოკრატიული საქართველოს“ ოზურგეთის საოლქო ორგანიზაციის წევრები ესწრებოდნენ. ... ...

არქივი

ზაფრანი

საკვები, რომელიც ხანგრძლივი სიცოცხლის საწინდარია

ადამიანის ჯანმრთელობა პირდაპირ კავშირშია კვებასთან....

მუდმივად დაამატეთ სოდა თქვენს ყავას

სოდას უამრავი სასარგებლო თვისება გააჩნია....

სიმართლე სანთლების შესახებ

ზოგიერთი სურნელოვანი სანთელი ორგანიზმისთვის მავნებელი...

სანამდე მივყავართ უძილობას

გარკვეული მიზეზების გამო, ხშირად გიწევთ...

როგორ უნდა მოხიბლოთ ქალი

ვერძი – ქალი ვერძების დიდ...

ქალები, რომელთა შეყვარებასაც მწარედ ინანებთ

ვერძი - მამაკაცური პლანეტა მარსი,...