ტყის მარწყვი _ სურნელოვანი ნუგბარი და უებარი წამალი

კულინარია

ტყის მარწყვი _ სურნელოვანი ნუგბარი და უებარი წამალი

2012 ივლ 13 06:48:05

გვხვდება მარწყვის რამდენიმე სახეობა; მათ შორის: ტყის მარწყვი, მწვანე მარწყვი, მუშკის მარწყვი და ბაღის მარწყვი.

ველურად მზარდი ტყის მარწყვის ნაყოფით ადამიანი ისტორიამდელ ეპოქაშიც სარგებლობდა. მისი თესლი ნაპოვნი იქნა შვეიცარიაში, ქვის ხანის ნაგებობების გათხრის დროს.

ძველ რომაელებსა და ბერძნებს მარწყვი მიაჩნდათ შესანიშნავ სამკურნალო საშუალებად, თუმცა ასევე ძალიან აფასებდნენ მას, როგორც არომატულ და საუკეთესო გემოს მქონე კენკრას.

ტიბეტური სამყაროს უძველეს ტრაქტატებში მარწყვს "მცენარეული სამყაროს დედოფალს" უწოდებდნენ, იმიტომ, რომ მას განასხვავებს უმდიდრესი ქიმიურ შემადგენლობა. ფიქრობენ, რომ მარწყვში ჯერ კიდევ აღმოუჩენელი უამრავი ნივთიერებაა, რომელთა ერთიანობა განაპირობებს მის არაჩვეულებრივ სამკურნალო ეფექტს.

პასტორი კნეიპი, XX ს-ის დასაწყისის ექიმი წერდა, რომ ადამიანები, რომლებიც ჭამენ ბევრ მარწყვს, არასოდეს ავადმყოფობენ. იგივე აზრი, შეიძლება, სხვა მეცნიერმა სხვა ხილკენკრის მისამართითაც გამოთქვას, მაგრამ კნეიპმა, რომელმაც შექმნა მრავალი მძიმე დაავადების კომპლექსური მკურნალობის სისტემა, დაასახელა მხოლოდ ტყის მარწყვი.

მარწყვი შეიცავს 3,5-15% შაქარს, ორგანულ მჟავებს, მარილებს, რკინას, მთრმილავ ნივთიერებებს, ეთერზეთებს, ფიტონციდებს, A, B, C ვიტამინებს.

სამკურნალო დანიშნულებით მარწყვს ჩვენს ერამდე ათასეული წლების წინ იყენებდნენ. მრავალი ქვეყნის ხალხური მედიცინა მას დღესაც ერთ-ერთ პოპულარულ სამკურნალო მცენარედ მიიჩნევს.

მარწყვის ნაყოფი აღვიძებს მადას, არეგულირებს საჭმლის მონელებას და კლავს წყურვილს. წყალზე ნაყენი ანელებს ანთებით პროცესებს, სპობს ზოგიერთი სახის მიკრობს. აქვს ოფლმდენი, შარდმდენი და სუსტი კუჭამშლელი მოქმედება. ითვლება, რომ ნაყოფს შეუძლია თირკმლებიდან ქვიშის გამოდევნა და ახალი ნალექის წარმოქმნის თავიდან აცილება. ცნობილია, რომ გამოჩენილი შვედი ბოტანიკოსი კარლ ლინე რეგულარულად დიდი რაოდენობით ტყის მარწყვის ნაყოფის მიღებით მთლიანად განიკურნა ნიკრისის ქარისგან.

ახალ ნაყოფს უნიშნავენ სისხლძარღვების სკლეროზის, ჰიპერტონიის, შეკრულობის, აშლილობის, კუჭის წყლულის (ზომიერი რაოდენობით, ექიმთან შეთანხმებით), ნიკრისის ქარის, თირკმლისა და საშარდე გზების კენჭოვანი დაავადების შემთხვევაში.

ნაყოფი და ფოთლების ნაყენი ინიშნება ძალების გამოცლის, სისხლნაკლულობის, საშვილოსნოდან სისხლდენის, შარდის შეკავების, ბავშვებში კუჭის აშლილობის, ღვიძლისა და ნაღვლის ბუშტის დაავადებების, სიმსუქნის, ნევრასთენიის, გასტრიტიტის, რაქიტის, სიყვითლის, ეკზემისა და კანის ქავილის, ჰიპერტონიის შემთხვევაში. ფოთლებს აქვს შარდმდენი და ოფლმდენი, ანტისეპტიკური, ტკივილგამაყუჩებელი და ჭრილობის შეხორცებისთვის საჭირო მაჩვენებლები.

ფესვები გამოიყენება როგორც შემკვრელი, სისხლდენის შემაჩერებელი, ანთების საწინააღმდეგო, შარდმდენი და ნაღველმდენი საშუალება.

ყარაჩაი-ჩერქეზეთის ხალხური მედიცინა გულით დაავადებულებს მარწყვის ყვავილების ნაყენის, ხოლო საშვილოსნოში ფიბრომის მქონე ქალბატონებს მთლიანი მცენარის ნაყენის მიღებას ურჩევს.

გერმანული ხალხური მედიცინა ფოთლების ნაყენს ბრონქული ასთმის, აშლილობის, ღვიძლისა და ელენთის დაავადებების, ღამით ძლიერი ოფლიანობის, შეშუპებისა და გამონაყრის სამკურნალოდ გამოიყენებს.

როგორც გარეგანი საშუალება, ფოთლების ნაყენი ეფექტურია სისხლმდენი და ანთებითი ჰემოროიდული კვანძების დროს; სველი საფენების სახითკი გამოიყენება სისხლმდენი ჭრილობების სამკურნალოდ.

ნაყოფის წვენი და ფოთლების ნაყენი საუკეთესოა პირის ღრუში გამოსავლებად ანთებითი პროცესების სამკურნალოდ და უსიამოვნო სუნის გასაქრობად.

ხმელი და ნედლი ფოთლების საფენებად გამოყენება ამცირებს კბილის და რევმატულ ტკივილს. ორთქლში დანამული ხმელი და ახალი ფოთლების თბილ საფენებად გამოყენება აჩქარებს ჩირქოვანი წყლულებისა და ძველი იარების გაწმენდას და ხელს უწყობს სწრაფ განკურნებას.

დაჭყლეტილი ნაყოფი და მისი წვენი არბილებს სახის კანს, აქრობს ჭორფლსა და გამონაყარს; ამავე მიზნით გამოიყენება ფოთლების ნაყენიც.

უკრაინის ხალხური მედიცინა ტყის მარწყვს აღიარებს თითქმის ყველა დაავადების უნიკალურ სამკურნალო საშუალებად. ხალხური მედიცინა ურჩევს სოლიტერის ჭიებისგან ორგანიზმის გაწმენდის ასეთ ხერხს: ადამიანმა დღის განმავლობაში უნდა შეჭამოს 3 კგ. მარწყვი, ხოლო შემდეგ მიაყოლოს დამარილებული ქაშაყი და უმი ხახვი. როგორც წესი, სოლიტერი ასეთ მენიუს ვერ იტანს.

სასურველია მარწყვი მიირთვათ ნატურალური სახით, თერმული დამუშავების გარეშე და როგორც ამბობენ, რაც მეტი _ მით უკეთესი! (თუმცა მედიკოსები ზოგ შემთხვევაში მაინც გვირჩევენ თავი შევიკავოთ მისი დიდი რაოდენობით მიღებისგან).

ბრონქიალური ასთმის სამკურნალოდ და სისხლდენის შესაჩერებლად სასურველია ფოთლების ნახარშის მიღება. უკეთეს შედეგებს იძლევა ახალი ნაყოფისა და მისი 7-8 ს.კ. წვენის მიღება დილით, უზმოზე.

არ უნდა დაგვავიწყდეს, რომ ტყის მარწყვი ბევრად უფრო სურნელოვანი და სასარგებლოა, ვიდრე ბაღისა.

მარწყვის დასაკრეფად უნდა წაბრძანდეთ დღისით, მშრალ, მზიან ამინდში ნამის შეშრობის შემდეგ, სანამ ისევ მოუსწრებს საღამოს ნამი.

ტყის ამ მშვენიერ ბინადარს ადვილად "მოაშინაურებთ", თუ ამის სურვილი გაგიჩნდებით; უბრალოდ, ფრთხილად ამოთხარეთ და ნოყიერი მიწით სავსე ქოთანში გადარგეთ. თქვენი ფანჯრის რაფები თავს მოიწონებენ უცხო სამკაულით, თქვენ კი ყოველთვის შეგეძლებათ სურნელოვანი, მწიფე, უზადოდ მშვენიერი ნუგბარით ისიამოვნოთ.

ფრთხილად!

1. მარწყვის მირთმევისგან თავი უნდა შეიკავონ ან მისი გამოყენება მკაცრად გააკონტროლონ იმათ, ვისაც კუჭის წვენის მაღალი მჟავიანობა, კუჭისა და ღვიძლის ჭვალი ან აპენდიციტი აწუხებს.

2. ზოგჯერ მარწყვის მიღების შემდეგ ჩნდება ქავილის შეგრძნება, კანზე გამონაყარი ან ალერგიის სხვა სიმპტომები. ასეთ შემთხვევაში, შეწყვიტეთ მარწყვის გამოყენება და სასწრაფოდ მიმართეთ ექიმს.

მოგაწვდით მარწყვის სამკურნალო დანიშნულებით გამოყენების რამდენიმე რეცეპტს:

_ სისხლნაკლულობის დროს 2 ს. კ. კენკრა აადუღეთ 1 ჩ. ჭ. წყალში. შეფუთეთ. გაწურეთ და მიიღეთ ნახევარ-ნახევარი ჩაის ჭიქა 3-ჯერ დღეში.

_ ნიკრისის ქარის, თირკმელში კენჭებისას ან ნივთიერებათა ცვლის დარღვევისას მიიღეთ ფესვებისა და ფოთლების ნაყენი, როგორც ვიტამინებიანი და შარდმდენი საშუალება.

ცნობილია, რომ ფოთლებისა და ყვავილების ნაყენი ამცირებს არტერიულ წნევას, არეგულირებს რიტმს, აძლიერებს გულის კუნთის შეკუმშვას და აფართოებს სისხლძარღვებს. ნაყენის მოსამზადებლად აიღეთ 50 გრ. პროდუქტი, დაასხით 0,5 ლ. მდუღარე წყალი, შეფუთული დატოვეთ 4 სთ. გაწურეთ, მიიღეთ 150 მლ. დღეში 3-ჯერ ჭამის წინ.

დაძველებულ ეკზემას ხალხური მედიცინა ასე კურნავს: სუფთა ტილოს ნაჭერზე დაასრესენ რამდენიმე ცალ მწიფე ტყის მარწყვს და დააფენენ (ნაჭრის მხრიდან) დაზიანებულ მონაკვეთს. იმეორებენ 2-3 დღეს. კანის აქერცლილი, სველი მონაკვეთები შრება და იწმინდება, რაც აადვილებს შემდგომ მედიკამენტოზურ მკურნალობას.

მარწყვისგან უგემრიელესი დესერტების მომზადება შეგიძლიათ:

ტყის მარწყვის კომპოტი _ 1 ლ. წყალზე აიღეთ 300-400 გრ. შაქარი. გარეცხილი, მშრალი მარწყვი შუამდე ჩაყარეთ ქილებში. დაასხით მდუღარე სიროფი. გააჩერეთ 7 წთ. გადმოასხით, აადუღეთ და ისევ დაასხით. მაშინვე მოხუფეთ და გადაატრიალეთ. ასე დატოვეთ გაცივებამდე.

ბაღის მარწყვი შაქრით _ 1 კგ. ბაღის მარწყვზე აიღეთ 300 გრ. შაქარი. გასტერილებულ ქილაში ფენად მოაწყვეთ გარეცხილი, გამშრალი მარწყვი, მოაყარეთ შაქარი. ასე გაიმეორეთ ქილის ავსებამდე, დაელოდეთ, სანამ ჩაიწევს, შეავსეთ და გაასტერილეთ.

ჟელირებული ხილფაფა _ მარწყვის პიურეს ჩაუმატეთ მწვანე, უმწიფარი ვაშლის ან მოცხარის პიურე (ანუ ისეთი ხილისა, რომელიც მეტ პექტინს შეიცავს). ხილფაფა უნდა ხარშოთ ნელ ცეცხლზე, საშუალო სისქის მიღებამდე. ცხლად გადაანაწილეთ ქილებში, შეგიძლიათ მოხუფოთ.

საჭიროა 1 კგ. მარწყვის პიურე, 0, 5 კგ. უმწიფარი ვაშლის ან მოცხარის პიურე, 1 კგ. შაქარი.




 ახალი ამბები
  • სკოლაში გაჩენილ ხანძართან დაკავშირებით შსს-მ გამოძიება დაიწყოხონის მუნიციპალიტეტის, სოფელ ჩაილურის სკოლაში გაჩენილ ხანძართან დაკავშირებით  შსს-მ გამოძიება უკვე დაიწყო, ამის შესახებ "გურია ნიუსს" უწყების პრესსამსახურში განუცხადეს. მათი ინფორმაციით,  მომხადარზე გამოძიება სსკ-ის 188-ე მუხლით მიმდინარეობს, რაც ნივთის გაუფრთხილებლობით დაზიანებას ან გადანადგურებას გულისხმობს. სკოლაში ხანძარი ცოტა ხნის წინ გაჩნდა. შემთხვევის ადგილზე 9 სახანძრო ეკიპაჟი მუშაობდა, თუმცა, შენობის გადარჩენა ვერ მოხერხდა. ამავე თემაზე: ხონის მუნიციპალიტეტში საჯარო სკოლა დაიწვა _ სად გააგრძელებენ სწავლას ... ...
  • ხონის მუნიციპალიტეტში საჯარო სკოლა დაიწვა _ სად გააგრძელებენ სწავლას ბავშვებიხონის მუნიციპალიტეტის სოფელ ჩაის მეურნეობაში, საჯარო სკოლაში ხანძარი გაჩნდა. როგორც „გურია ნიუსს“ ხონის მუნიციპალიტეტის მერმა, ლადო ჯურხაძემ განუცხადა, ხანძარმა სკოლის შენობის გადარჩენა ვერ მოხერხდა. დაზიანებულია საბავშვო ბაღიც, რომელის სკოლის მიმდებარედ მდებარეობდა. „შენობა თითქმის ბოლომდეა დაზიანებული. მიუხედავად იმისა, რომ 9 სახანძრო ბრიგადა მუშაობდა. ვერ მოხერხდა შენობის გადარჩენა. საბედნიეროდ, დროულად მოხდა ევაკუაცია და არავინ დაშავებულა. ამ დროისთვის მიმდინარეობს ხანძრის ბოლომდე ლიკვიდიცია“,_ გვითხრა ჯურხაძემ. შეკითხვაზე თუ სად გააგრძელებენ სწავლას ბავშვები, ხონის მუნიციპალიტეტის მერი ამბობს, რომ მათ მეზობელ სოფელ დედალაურში გადაიყვანენ. „ბავშვები სწავლას მეზობელ სოფელ დედალაურში გააგრძელებენ. საბავშვო ბაღში 8 ბავშვი დადის და 54 სკოლაში. ამათ გადავიყვანთ მიმდებარე სოფელში და ტრანსპორტით უზრუნველყოფას მერია გაუწევს,“_ გვითხრა ხონის მუნიციპალიტეტის მერმა. ... ...
  • მამამთილმა რძალი იატაკის საწმენდი ჯოხით და ცოცხით სცემაწარსულში ოჯახის წევრის მიმართ მუქარის ბრალდებით ნასამართლევმა რ.ტ-მ რძალი სცემა. საქმე გორის რაიონულმა სასამართლომ განიხილა. "რ.ტ-მ რძალს - მ--- ჯ------ს კისერზე დაარტყა ტელეფონის აპარატი, ზურგზე - იატაკის საწმენდი ჯოხი და ცოცხი - თავსა და ზურგზე, რის შედეგად მსხვერპლმა განიცადა ფიზიკური ტკივილი", _ ირკვევა საქმის მასალებიდან. აღნიშნული შემთხვევიდან მეორე დღეს, ბრალდებული რძალს სიცოცხლის მოსპობით დაემუქრა. რ.ტ-მ დანაშაული აღიარა. მოსამართლე გერმანე დადეშქელიანმა ბრალდებულს 1 წლიანი პატიმრობა მიუსაჯა. წყარო: ... ...
  • ოკუპირებულ სამხრეთ ოსეთში აფთიაქებს ქართულწარწერიანი მედიკამენტები ჩამოართვესოკუპირებული სამხრეთ ოსეთის ე.წ. მილიციამ აფთიაქებს ქართულწარწერიანი მედიკამენტები ჩამოართვა. საოკუპაციო რეჟიმის წარმომადგენლები ამბობენ, რომ შემოწმება ე.წ. შინაგან საქმეთა სამინისტროს ეკონომიკურ დანაშაულთან ბრძოლის სამსახურის თანამშრომლებმა ჩაატარეს. „ორი აფთიაქის შემოწმებისას ქართული წარწერებით აღმოჩნდა და მილიციამ აფთიაქებს ჩამოართვა „ვალტარენი“, „ფლუკოლდი“, „კრესტორი“, „ჰემორალი“, „კოლხური“, „ტოლარინ პუსი“ და სხვა მედიკამენტები, რომელსაც ქართული წარწერები აქვს“, – ნათქვამია საოკუპაციო რეჟიმის განცხადებაში. სააგენტო, „კომინფი“ წერს, რომ სააფთიაქო დაწესებულებების შემოწმება ე.წ. მთავრობის დადგენილების შესაბამისად ჩატარდა, რომელიც ქართული წარმოების მედიკამენტების რეალიზაციის ჩახშობას ისახავს მიზნად. წყარო: ... ...
  • უკრაინის დელეგაცია გურიის ეკონომიკურ და ტურისტულ პოტენციალს ეცნობა (R)უკრაინის ხერსონის ოლქის გუბერნატორი იური გუსევი, გურიის სახელმწიფო რწმუნებულს ზურაბ ნასარაიას, რწმუნებულის მოადგილეს გია ებრალიძეს და ოზურგეთის მუნიციპალიტეტის საკრებულოს თავმჯდომარეს დავით დარჩიას შეხვდა. მხარეებმა შეხვედრაზე ეკონომიკის, ტურიზმისა და სოფლის მეურნეობის სფეროში სამომავლო თანამშრომლობის საკითხებზე ისაუბრეს. დელეგაცია ოზურგეთის ფოლკლორის ცენტრს სტუმრობდა, სადაც ადგილობრივი ფოლკლორული და ქორეოგრაფიული ანსამბლების კონცერტს დაესწრნენ. სახელმწიფო ანსამბლმა “გურიამ" ქართველი და უკრაინელი სტუმრების წინაშე ქართულ-უკრაინული კომპოზიცია წარმოადგინა, რომელმაც მაყურებლის განსაკუთრებული მოწონება დაიმსახურა.   ... ...

არქივი

ზაფრანი

„წყალგარეული“ ღვინის მომავალი

სამხრეთ აფრიკელმა მეღვინეებმა ბევრი იფიქრეს,...

ჯონ ლენონის ნივთები დღესაც სარფიანად იყიდება

მას შემდეგ, რაც დიდი ბრიტანელი...

ლუდი გონების სამსახურში

როგორც ამერიკელმა და ახალზელანდიელმა მეცნიერებმა...

ბრიტანელები ჰიტლერის ფოტოებით დაინტერესდნენ

ცოტა ხნის წინ, ამერიკის შეერთებულ...

საუკეთესო თეთრ ღვინოებს შორის

Chateau d'Yquem მსოფლიოში ერთ–ერთი ყველაზე ...