"მესიზმრება, რომ ყვავილებთან მძინავს"

კარმიდამო ჩემი

"მესიზმრება, რომ ყვავილებთან მძინავს"

3 დეკ. 2017, 23:18:19

ლუიზა ფანცულაიას ხონის მუნიციპალიტეტში ყვავილების ენაზე მოსაუბრე ქალბატონს ეძახიან და განსაკუთრებულ პატივს კიდევ იმიტომ სცემენ, რომ ახალგაზრდობის ასაკშივე დაქვრივებულმა წარმოუდგენელი შრომა გასწია, ყოველგვარი დახმარების, პროექტების წერის და "მიშველე-მომეხმარეს" გარეშე, როგორც თვითონ გვიამბობს, საკუთარი მცირე ბიზნესი შექმნა.

დღეს კი არა თუ იმერეთის ამ პატარა ქალაქს, არამედ დასავლეთ და ზოგჯერ აღმოსავლეთ საქართველოდანაც მოსულ ყვავილების ტრფიალთ არჩევანის დიდ გასაქანს აძლევს. უმეტესად მას კერძო პირები სტუმრობენ, საკუთარი კარმიდამოების ორიგინალურად მოწყობის და დიდხანს მოყვავილე მცენარეების შეძენის მსურველები.

ყვავილების ბიზნესზე თავიდან არც უფიქრია _ მხოლოდ საკუთარი კარმიდამოს იმერული კოპწიაობით მორთვაზე ზრუნავდა: _ როგორც ქალების უმეტესობას, მეც ვერ წარმომედგინა ეზო ბაღნარის გარეშე, იმერეთში განსაკუთრებით, სადავ კარმიდამოს პეწს დიდ მნიშვნელობას ანიჭებენ და გამონაკლისი არც მე ვარ, _ ამბობს ქალბატონი ლუიზა.

ყვავილებით ლუკმა-პურის შოვნაზე ფიქრი მაშინ დაიწყო, როცა ქვეყანა აირია. პოლიტექნიკური ინსტიტუტის კურსდამთავრებულს და შემდეგ ხონის კავშირგაბმულობის სამსახურში დასაქმებულს, როგორ თვითონ ამბობს, ვერც წარმოედგინა, თუ ერთ მშვენიერ დღეს ყველა ნათურა ჩაქრებოდა და საყვარელ პროფესიას სამუდამოდ დაემშვიდობებოდა.

მეუღლესთან ერთად, ყვავილებზე აქცენტით დაიწყო ახალი საქმიანობაზე ფიქრი, თუმცა პირველი ნაბიჯი გადადგა თუ არა, სრულიად ახალგაზრდას მეუღლეც გამოეცალა ხელიდან. ამჯერად შვილებზე ფიქრმა და გასაჭირიდან თავის დაღწევის ინსტიქტმა ყველა ჯებირი გაარღვია _საკუთარ თავსი ძლიერი "მე" აღმოაჩინა და წუწუნის გარეშე საქმეს მარტო ეკვეთა.

თავიდან მრავალწლიან წიწვოვანებს აკალმებდა, რგავდა, რადგან, შედარებით ნაკლები შრომა სჭირდებოდა. მერე სხვადასხვა ყვავილების ჯიშებს და ჯიშთა შორის ფერებსაც შერჩევით მიუდგა.

_ თუ წელს წითელი ან ჭრელი გეორგინა გავყიდე, მომავლისთვის თეთრს და იასამნისფერს ვთესავ, რადგან კლიენტს სულ ერთნაირი ფერები არ სჭირდება. ასე ვახდენ ყველა სახეობის ყვავილის შერჩევას. ყვავილების მოვლა-პატრონობასთან ერთად, ვარჩევ, ვის რომელი ფერის და სახეობის ყვავილი ვაჩუქო, მივყიდო, ვურჩიო, რა სჯობს. ამისთვის ხალხურ თქმულებებში წაკითხულ ჩვეულებებზეც ვაკეთებ აქცენტს, ასევე, სხვადასხვა ქვეყნებში დამკვიდრებულ წესებზეც ვკითხულობ და ვიყენებ. ასეთი პრაქტიკა საკმაოდ ჭრის და მოქმედებს, ქალზე განსაკუთრებით, ვინც ყვავილებს ყველაზე მეტად შეჰხარის. მაგალითად, წავიკითხე, რომ ევროპის ქვეყნებში ქრიზანთემები დააქვთ ძირითადად პანაშვიდებზე და სასაფლაოებზე; მსახიობებს ნაკლებად ჩუქნიან მიხაკს; ქალებმა უნდა ერიდონ წითელი ვარდის ჩუქებას _ ეს მამაკაცის პრეროგატივაა, დასტურ სიყვარულისა და მათ უნდა მიართვან მშვენიერი სქესის წარმომადგენლებს; ასაკოვან ქალბატონებს უყვართ ქოთნის ყვავილები _ ეს მათ განწყობაზე ძალზე დადებითად მოქმედებს; თინეიჯერი გოგონებისთვის უფრო მინდვრის ყვავილების სახეობებია სასურველი და ასე შემდეგ. ეს წესები, რა თქმა უნდა ოფიციალურად არ მაქვს დაწესებული, მაგრამ ვიყენებ და ითვალისწინებენ, ფართო არჩევნის საშუალებას ვაძლევ მომხმარებელს და კლიენტიც საკმაოდ მყავს, თუმცა, შრომაც არ მაკლია, ის კი არა, ხან მესიზმრება, რომ ყვავილებთან მძინავს, _ გვეუბნება ყვავილებზე მზრუნველი ქალბატონი და კითხვაზე, აპირებს თუ არა ბიზნესის გაფართოებას, უარით გვპასუხობს: _ რაც შევძელი, ეს არის, პურის ფული არ მაკლია და არ ვიბრძვი პროექტების წერისა და გრანტებისთვის, საკმაოდ ბევრს არაფერი გამოუვიდა, ვინც სცადა, ვხედავ ირგვლივ. ტყუილად აფრიალებული პროექტებიც მინახავს, ერთჯერადად "გახორციელებული", _ ამბობს ლუიზა ფანცულაია.

ახლა, შემოდგომაზე, ყველაზე მეტი გასავალი ოთახის მცენარეებს აქვს, ამიტომ ზრუნვა უკვე ამ მიმართულებით გადააქვს. მინისათბურში უამრავი მოყვავილე თუ სუროს ჯიშის მცენარეს ნახავთ, რომლებიც უკვე ქოთნებშია გამზადებული. ბევრის სახელიც არ იცის, უფრო ბევრის _ კი. მარადმწვანე ხამისაპირისს, ტუიას თუ სეფლერას ძალიან კარგი გასავალი აქვს. ბევრს მუშაობს ვარდების სახეობებზე, რადგან მოთხოვნა დიდია როგორც ხვიარა, ისე ჩვეულებრივ, დაბალ თუ დეკორატიულ ჯიშებზე.

ქალბატონი ლუიზა შერეულად არ ათავსებს ერთწლიან და მრავალწლიან ყვავილოვნებს. შემოდგომის დასაწყისში მრავალწლიანებს: მიხაკებს, ლავანდებს, ლომისპირებს, ხავერდოვანებს თესავს და ადრე გაზაფხულზე ქოთნებში გადააქვს. ბუნების გაღვიძებისთანავე უკვე აყვავებული გააქვს ბაზარზე და კლიენტსაც იზიდვს. ერთწლიანებს კი პირიქით, გაზაფხულზე თესავს ადა მალე უკვე ნერგები ღია გრუნტში გადააქვს. ასეთ ჯიშებს უამრავი მყიდველი ჰყავს, ღია აივნების თუ კარმიდამოებში დასარგავად.

_ ჯანმრთელობას თუ შევთხოვ უფალს, როგორც ჩემთვის, ისე ნებისმიერი ადამიანისთვის, ვინც მე ცხოვრებას ამ ყვავილებთან ერთად მილამაზებს. ხედავ, რომ მარტო მე კი არ მიყვარს, ადამიანთა უმრავლესობა ყვავილებს ელოლიავება. რომ არა ისინი, რა ფასი ექნებოდა ჩემს შრომას და თავდადებას? _ ჩვეულებრივი, იმერული თავაზიანობითა და გულღიაობით საუბრობს ქალბატონი ლუიზა, _ ერთი დღეც არ არის ისეთი, ერთი ძირი მცენარე მაინც რომ არ გადავრგო. რომ არ სჭირდებოდეს, ადგილს მაინც მოვუცვლი, ვერ ვისვენებ, თუ ყოველდღე არ შევეხე, რაღაც მიზიდავს და კარგად ვერც აგიხსნით, ეს რა ძალაა...

ლუიზა ფანცულაია 7 ათას კვ.მეტრ საკარმიდამო ნაკვეთს ფლობს, თხილსაც იწევს და სიმინდსაც.

ახლა განსაკუთრებით ზრუნავს ყვავილებისთვის ნოყიერი მიწის შერჩევასა და მომზადებაზე. ძირითადად ცხენისწყლის სილას, ნაკელს და ჩვეულებრივ მიწას იყენებს, რასაც მერე მხოლოდ ბიოსასუქებით ანოყიერებს: _ მაქვს ისეთი ყვავილებიც, სატაცური, ვარდი, არტიშოკი თუ ჟასმინი, რომელიც საკვებადაც გამოიყენება. წავიკითხე, არის ეროვნებები, ვინც იის სალათებს თუ თოვლის დნობის შემდეგ პირველმოყვავილე მცენარეებს მიირთმევს. ასეთი კლიენტი რომ შემხვდეს, ხომ არ მოვატყუებ? _ გვეუბნება ის და უახლოესი მომავლის გეგმებს, ძირითადად, ისეთი მიმართულებით განგრძობაში ხედავს, როგორითაც დღემდე იმუშავა.

სურვილი აქვს, ნებისმიერი ყვავილების ტრფიალს გაუზიაროს, რა გამოცდილებაც გააჩნია. არ ასაიდუმლოებს ყვავილების გახარების წესებს, საკუთარი უნარით და დაკვირვებით მიგნებულს _ ასე უფრო წარმატებული ვიქნები და მჯერა, ჩემს მიმართაც ადამიანთა კეთილგანწყობა მუდამ მოიმატებსო.

უნდა დავუჯეროთ, რადგან საკუთარი ცხოვრების წესით, მისი მონაპოვარი სწორედ ადამიანთა უსაზღვრო კეთილგანწყობაა.




 ახალი ამბები
  • იუსტიციის სამინისტრო ახალშობილთა მშობლებს 25-ლარიან სასაჩუქრე ვაუჩერს გადასცემს15 დეკემბრიდან ახალშობილთა მშობლებს, რომლებიც იუსტიციის სამინისტროს შვილის დაბადების რეგისტრაციისთვის მიმართავენ, 25-ლარიანი სასაჩუქრე ვაუჩერი გადაეცემათ. მშობლები ასევე მიიღებენ ფასდაკლების ბარათებს ბავშვთა კვებისა და მოვლის საშუალებებზე. „2016 წელს დაწყებული სოციალური პროექტი „კეთილი იყოს შენი მობრძანება“ კიდევ უფრო დიდ მასშტაბს იძენს. პროექტი, რომელიც დღემდე სოციალურად დაუცველ ოჯახებში დაბადებული ახალშობილებისათვის იყო განკუთვნილი, საყოველთაო ხდება. 15 დეკემბრიდან ახალშობილთა მშობლებს, რომლებიც იუსტიციის სამინისტროს შვილის დაბადების რეგისტრაციისთვის მიმართავენ, 25-ლარიანი სასაჩუქრე ვაუჩერი გადაეცემათ. ისინი მიიღებენ ფასდაკლების ბარათებსაც ბავშვთა კვებისა და მოვლის საშუალებებზე; სოციალურად დაუცველთა სასაჩუქრე პაკეტი კი, მნიშვნელოვნად უმჯობესდება. გაუმჯობესებულ პირობებს იუსტიციის სახლსა და სს „გეფას“ შორის თანამშრომლობის განახლებული მემორანდუმი ითვალისწინებს, რომელსაც 1-ლ დეკემბერს ხელი მოაწერეს იუსტიციის სახლის აღმასრულებელი დირექტორის მოვალეობის შემსრულებელმა ავთანდილ კოხრეიძემ და სს „გეფას“ დირექტორმა მიხეილ აბრამიძემ. პროექტი „კეთილი იყოს შენი მობრძანება“ ახალშობილებს ორ განსხვავებულ პაკეტს სთავაზობს. სოციალურად დაუცველ ოჯახებში დაბადებული ახალშობილების მშობლები, შვილის დაბადების მოწმობასთან ერთად, ჩვილის ტანისამოსისა და ჰიგიენური საშუალებების გარდა, ბავშვთა მოვლისა და კვების პროდუქტებზე 25-ლარიან ვაუჩერებს მიიღებენ; ბავშვის საფენების, კვებისა და მოვლის ბრენდებზე კი, ერთი წლის განმავლობაში 30-40-პროცენტიანი ფასდაკლებით ისარგებლებენ. ამასთან, ბენეფიციარები სხვადასხვა მწარმოებლის პროდუქციის შეძენისას ერთჯერადად 50-პროცენტიანი ფასდაკლების ბარათით სარგებლობას შეძლებენ. სოციალურად დაუცველი ოჯახების გარდა, სასაჩუქრე ნაკრები გადაეცემა იუსტიციის სახლში, საზოგადოებრივ ცენტრსა თუ სახელმწიფო სერვისების განვითარების სააგენტოს ტერიტორიულ სამსახურში მისულ ყველა მშობელს, რომლებიც პირველად იღებენ ბავშვის დაბადების დამადასტურებელ მოწმობას. მათ ბავშვთა მოვლისა და კვების პროდუქტების 25-ლარიანი ვაუჩერები გადაეცემათ. გარდა ამისა, ბავშვის საფენების, კვებისა და მოვლის კონკრეტული ბრენდების შეძენას 10-20-40%-იანი ფასდაკლებით შეძლებენ. პროექტის ბენეფიციარები ვაუჩერების გამოყენებას სს „გეფას“ სააფთიაქო ქსელებში − „ფარმადეპოსა“ და „ჯპს“-ის ფილიალებში შეძლებენ, რომლებიც საქართველოს ყველა რეგიონში ფუნქციონირებს. პროექტი „კეთილი იყოს შენი მობრძანება“ 2016 წლის 17 ოქტომბერს იუსტიციის მინისტრის ინიციატივით ამოქმედდა, რომლის ფარგლებშიც სასაჩუქრე ნაკრები სოციალურად დაუცველ ოჯახში დაბადებულ 15 000-ზე მეტ ახალშობილს გადაეცა; დღეიდან კი, პროექტის გაზრდილი შესაძლებლობების გათვალისწინებით, რაც საქართველოში დაბადებული ყველა ახალშობილის დასაჩუქრებას გულისხმობს, ბენეფიციართა რაოდენობა წლიურად 50 000-ს გადააჭარბებს. აღსანიშნავია, რომ პროექტს სისტემატური სახე ექნება, ვინაიდან იუსტიციის მინისტრის გადაწყვეტილებით, იუსტიციის სახლმა სოციალურად დაუცველი ახალშობილების დასაჩუქრება მუდმივ ვალდებულებად აიღო“,- აღნიშნულია იუსტიციის სამინისტროს მიერ გავრცელებულ ... ...
  • საარჩევნო პლაკატების ნარჩენები ოზურგეთში: „ეს რამიშვილის კი არა, ახეულ-ჩახეულების ქუჩაა“ ოზურგეთში, ხეებზე, ღობეებზე, შენობების კედლებზე კვლავ ბლომად შეხვდებით  საარჩევნო პლაკატების ნარჩენებს. თუმცა, ამ მხრივ, განსაკუთრებით გამოირჩევა ქალაქის ცენტრში მდებარე  ნინო რამიშვილის ქუჩა. _ ეს რამიშვილის კი არა, ახლა ახეულ-ჩახეულების ქუჩაა. ასე გააშპალიერეს, აწებეს და აგოზეს კედლებზე. მერე კი გოუყვნენ კუდიგორის გზას. ახლა ჩვენ უნდა  ვფხიკოთ? გადაიღეთ, ჰო, უცებ არ შერცხვეთ, გამოიქცევიან და გადაფხეკვაში ფრჩხილებს წეიძრობენ, _ ხუმრობენ,  იქვე, თხილის მიმღებ პუნქტებში ... ...
  • „ბაჩონკით“ მოზიდულ წყალს ჭაში ვასხამთ, მერე ვქაჩავთ... “ : უწყლობა და ციტრუსოვანთა რთველი ოზურგეთის მუნიციპალიტეტის სოფლებში, მერიაში, ხვარბეთში და კონჭკათში, ახლა ჩვეულებრივ ციტრუსოვანთა ოქროს რთველია. ადგილობრივებს უხარიათ, რომ  წელს მანდარინის კარგი მოსავალია და კლიენტიც ბევრი მოდის. _წელს, ალბათ, ჩვენთან დეკემბრის შუა რიცხვებში ხალხს მანდარინი რეალიზებული ექნება. თუმცა,  მოკრეფილი მოსავლის ნახევარი მიაქვთ მხოლოდ.  არჩევენ. მთავრობა უნდა იბარებდეს, უკეთესი იქნებოდა. გადავყევით, შევწამლეთ. რა  რჩება მანდარინის მფლობელს? აგერ, მზევინარ ღლონტის ეზოში მოვკრიფეთ. დღიურად 35 ლარს გვიხდის. 68 ლარი ერთ ტომარა ფქვილში მივეცი. ყველაფერი გაძვირებულია. თვითონ მზევინარმა 900 ლარი აიღო გუშინ, გორელებმა წაიღეს. 7 00 ლარი მკრეფავებისთვის გადაიხადა. რა დარჩა?  ორივე მხარე წაგებული ვართ, _ გვეუბნებიან მერია -კონჭკათის საზღვარზე მცხოვრები ქალბატონები:  მანანა ვასაქძე, ფატი დოლიძე და მადონა დიასამიძე. _ მერიას წყალი საერთოდ არ აქვს. კონჭკათში ნახევარ სოფელს მაინც აქვს გაკეთებული. დავდივართ  კარდაკარ. ვიღაცის ჭაში რომ წყალი ამოვიღოთ. მოგვაქვს „ბაჩონკებით“, ვასხამთ ჩვენს ჭაში. მერე უნდა  ჩავრთოთ „ტუმბო“,  უნდა  „ავწიწოთ“  ავზში, რომ ისევ უკან სახლში,  ონკანში წამოვიდეს. ასე ძლივს ვახერხებთ ჭურჭლის გარეცხვას და საჭმელის გაკეთებას. თქვენ გეცინებათ და ასე ვართ, ასე!  ჰიგიენა იქნება ასეთ პირობებში? არც გაზია, მაგრამ უგაზოდ გავძლებთ, უწყლოდ სანამ ვიყოთ? ახლა ციტრუსოვან ბაღებში რომ ვმუშაობთ და ხელის დასაბან წყალს გამოიზოგავ, თან ამ  გაგანია პანდემიის დროს, როგორია? სოფელში მცხოვრები მოსწავლეები, რომლებიც ონლაინსწავლების რეჟიმში იმყოფებიან, ამბობენ, რომ პანდემიის პირობებში ბავშვები იჩაგრებიან, სწავლის მხრივ.  ბევრს არ აქვს ინტერნეტი და სწავლის პროცესს ძალიან ჩამორჩენილი არიან. _გარდა ამისა, ერთი სტადიონის გაკეთება არ მოხერხდა მერიაში.  გავიდოდით სტადიონზე. თუარა, კი  ვართ ტელეფონში თავჩარგული _ გვითხრეს მეთერთმეტე კლასელებმა, სანდრო ჯიჯიეშვილმა და გელა ქავჟარაძემ, მეშვიდელკლასელმა თინათინ ჯოგლიძემ. სოფელ კონჭკათში, სეზონზე ათას ტონაზე მეტ ციტრუსოვანს კრეფენ. წელს რეალიზაციის პრობლემა არ აქვთ. ადგილობრივი მკვიდრი, ირაკლი ლოდია ამბობს, რომ  ნახევარ სოფელს უწყლოდ ყოფნა უწევს.   _ბევრი რამ გაკეთდა.  სოფლის  პროგრამით  მოეწყო  გარე განათება, შუაღელის უბანში აიგო ხიდი, ხუთ ადგილზე კი, აღმართებზე, ბეტონის მონაკვეთები დააგეს. ახლა უწყლობა აწუხებს ნახევარ სოფელს  და ესეც თუ მოგვარდება, სასაყვედურო არ გვექნება, _  გვითხრა მან. კონჭკათი-მერიის საზღვარზე,  სოფლის ცენტრალური გზის გასწვრივ, დაუდევარ  ადამიანთა მიერ დაყრილია, როგორც  საყოფაცხოვრებო, ისე სამშენებლო ნაგავი. ვრცელ სტატიას ციტრუსოვან სეზონსა და სხვადასხვა პრობლემებზე, მალე ... ...
  • ნიკო ნიკოლაძის სახელობის სახლ-მუზეუმის დირექტორი კოვიდ-19-ით გარდაიცვალარამდენიმე საათის წინ, სამტრედიის ჯეოჰოსპიტალსში, რომელიც ერთი თვის წინ კოვიდკლინაკად გადაკეთდა, დიდ ჯიხაიშში ნიკო ნიკოლაძის სახელობის სახლ-მუზეუმის დირექტორი, ლია ბიბილეიშვილი გარდაიცვალა. "ერთი კვირა სახლში მკურნალობდა, კორონავირუსი დაუდასტურდა, დამძიმებული მდგომარეობით სამტრედიის სამედიცინო ცენტრში რამდენიმე დღის წინ მოათავსეს. მედიკოსებმა მისი გამოჯანმრთელება და გადარჩენა ვერ მოახერხეს, რადგან შუახანს გადაცილებულ ქალბატონს რამდენიმე თანმხლები დაავადება ჰქონდა: შაქრიანი დიაბეტი და გული ნაოპერაციები. ლია ბიბილეიშვილი დღეს დილით გარდაიცვალა. ის უდიდესი დანაკლისია არა მარტო ჩვენი მუნიციპალიტეტის, დიდი ჯიხაიშის, არამედ მთლიანად იმ საზოგადოებისთვის, ვისაც დიდი ნიკო ნიკოლაძე უყვარს და მის განვლილ ცხოვრების გზას ეთაყვანება", _ თქვა "გურია ნიუსთან საუბრისას სამტრედიის მუნიციპალიტეტის საკრებულოს წევრმა, მამუკა ბიბილეიშვილმა. ლია ბიბილეიშვილი დიდ ჯიხაიშში მარტო ცხოვრობდა. მან მთელი თავისი ცხოვრება ნიკო ნიკოლაძის სახელობის მუზეუმს და დიდი ნიკოს მოღვაწეობის პოპულარიზაციას შესწირა. "გურია ნიუსი" მწუხარებას გამოთქვამს ქალბატონი ლია ბიბილაშვილის გარდაცვალების გამო და თანაუგრძნობს მის ... ...
  • დგას თუ არა გურიაში დამატებითი შეზღუდვების დაწესების აუცილებლობასაქართველოში არსებული ეპიდემიოლოგიური ვითარების გათვალისწინებით, პრემიერ-მინისტრის ხელმძღვანელობით მოქმედმა უწყებათაშორისმა საკოორდინაციო საბჭომ ქვეყანაში მოქმედი წერტილოვანი შეზღუდვების გამკაცრებისა და გაფართოების გადაწყვეტილება მიიღო. რა შეზღუდვები მოქმედებს გურიაში და დგას თუ არა ამ ეტაპზე, დამატებითი შეზღუდვების დაწესების აუცილებლობა, როგორიცაა მუნიციპალური ტრანსპორტის მოძრაობის აკრძალვა_ ამ საკითხზე „გურია ნიუსი“  სახელმწიფო რწმუნებულ ზურაბ ნასარაიას ესაუბრა. „ამ ეტაპზე დამატებით შეზღუდვებზე არ არის საუბარი. თუ ამის აუცილებლობა დადგება, შესაბამისი გადაწყვეტილებაც იქნება მიღებული. შეზღუდვებიდან რეგიონში ვრცელდება ღამის საათებში დაწესებული გადაადგილების შეზღუდვა. დღის განმავლობაში მუნიციპალური ტრანსპორტით გადაადგილება არ არის შეზღუდული”,_ გვითხრა ნასარაიამ. ნასარაიას თქმითვე, შექმნილია სპეციალური ჯგუფები, რომლებიც იმ ობიექტების მონიტორიგს ახორციელებენ, რომელთა მუშაობაც ახლად დაწესებული უწყებათაშორისი საკოორდინაციო საბჭოს გადაწყვეტილებით, შეზღუდულია ან არ არის შეზღუდული. “შესაბამისი ჯგუფებია შექმნილი, რომლებიც მიდიან და აფრთხილებენ ობიექტებს, რომლის შეზღუდვაც დაწესებულია, ვთქვათ რესტორნების, სასტუმროების და ა.შ. და იმათ, რომლებიც  არ იზღუდება, აცნობენ რეკომენდაციებს და ვალდებულებებს, რომლებიც უნდა შეასრულონ და შრომის ინსპექციის გაფრთხილების ჯგუფთან ერთად რამდენიმე დღეში დაიწყება შემოწმებები. თუ აღმოჩდება ისე რომ არ ემორჩილებიან დაწესებულ შეზღუდებს სანქციები იქნება გატარებული”,_ გვითხრა ... ...

არქივი

ტესტები

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

კარმიდამო ჩემი

"შერეული მეურნეობა მცირემიწიანთათვის საუკეთესო გამოსავალია"

შოთა მახარაძე ოზურგეთის მუნიციპალიტეტის, სოფელ...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...