ვებრძოლოთ ღრძილების დაავადებას

მწვანე აფთიაქი

ვებრძოლოთ ღრძილების დაავადებას

1 იან. 1970, 04:00:00
რაც ყველაფერთან ერთად, უსიამო სუნს წარმოშობს. დღეს მედიცინა ამ მხრივ მაღალ დონეზეა, თუმცა, როგორც ვიცი, ღრძილების გართულებულ ანთებას არაფერი შველის, გარდა დროებით შემაჩერებელი სამკურნალო საშუალებებისა. ამიტომ აუცილებელია, ვიდრე საქმე გართულებამდე მივა, ჯერ შინაურ პირობებში მოვუაროთ ღრძილებს და, რა თქმა უნდა, მასთან ერთად _ კბილებს. თუ დროულად და სწორად იმოქმედებთ, ექიმთან მისვლა ნაკლებად ან იშვიათად დაგჭირდებათ. მთავარია, ზაფხულსა და შემოდგომაზე მოვიმარაგოთ ყველა იმ მცენარის ფოთოლი, ნაყოფი თუ ქერქი, რომელთა მეშვეობით მკურნალობა უდავოდ შედეგიანია.

ღრძილების ლორწოვანი გარსის ანთების დროს შესანიშნავია შემდეგი საშუალებები

_ ევკალიპტის გამხმარი ფოთლები მოვხარშოთ 10 წუთის განმავლობაში. 10 გრამ ფოთოლს ერთ ჭიქა წყალს ვასხამთ. მოხარშვის შემდეგ გავწუროთ. ერთი სუფრის კოვზი ეს ნახარში 100 გრამ წყალში შევურიოთ და ყოველდღიურად გამოვივლოთ პირის ღრუში, დღეში სამჯერ, თუ შეძლებთ, მეტჯერაც.

_ ღრძილების გასამაგრებლად ასევე ძალიან კარგია ასკილის ნაყოფის ნახარში. ხუთი სუფრის კოვზ ასკილის დაქუცმაცებულ ნაყოფს დავასხათ ხუთი ჭიქა წყალი და მომინანქრებულ, თავდახურულ ჭურჭელში ვადუღოთ ათი წუთის განმავლობაში. 24 საათის გასვლის შემდეგ გავწუროთ. ეს ნაყენი გამოვივლოთ პირის ღრუში, დღეში სამჯერ.

_ ძალიან კარგი და შედეგიანი, უებარი საშუალებაა მუხის ქერქის ნახარში, რომელიც შესანიშნავად ამაგრებს ღრძილებს. ავიღოთ მუხის გამხმარი ქერქი, კარგად გავასუფთავოთ და ნახევარ კილო მასას დავასხათ ორი ლიტრი წყალი. ვადუღოთ იმდენ ხანს, რომ ნახარში წყალი ერთ ლიტრამდე შემცირდეს. ეს ნაყენი, გაწურვის და გაგრილების შემდეგ, დღეში სამჯერ გამოვივლოთ პირის ღრუში. სულ ცოტა, ერთი თვის მანძილზე. ყოველივე ამის შემდეგ, ნახავთ, რომ ღრძილები შესამჩნევად მორჩება და გამაგრდება. ოღონდ საყურადღებოა ის ფაქტი, რომ მუხის ნახარშმა კბილების გამუქება იცის. თუმცა, ფერის მოშორება შესაძლებელია და ამის გამო ნუ შეიძულებთ ამ არაჩვეულებრივ ნაყენს.

_ ასევე კარგია შემდეგი საშუალებებით დამზადებული საცხი _ 80 გრამი ასაკოვანი ალოეს ფოთლების წვენი, 10 გრამი აბუსალათანის ზეთი და ორი გრამი ევკალიპტის ზეთი შევურიოთ ერთმანეთს და გავაჩეროთ 24 საათის განმავლობაში. მერე კი, დღეში ორჯერ, კბილების გახეხვის შემდეგ, ტამპონის მეშვეობით შევიზილოთ ღრძილებში.

_ რაც შეეხება სტომატიტს, გირჩევთ, მის საწინააღმდეგოდ გამოიყენოთ ვაზის ფოთლების ნახარში. ოც გრამ დაქუცმაცებულ ვაზის ხმელ ფოთლებს დავასხათ ორასი გრამი მდუღარე წყალი. ნახევარი საათის შემდეგ გავწუროთ და გამოვივლოთ პირის ღრუში, დღეში სამჯერ, მანამ, სანამ არ გაქრება. წყლულოვანი ფორმის დროს კარგია დაუმწიფებელი ყურძნის (ისრიმი) წვენის შეზელა. რა თქმა უნდა, თუ ეს წელიწადის იმ დროს ემთხვევა, როცა მკვახე ყურძენი ხელმისაწვდომია.

_ სტომატიტის სამკურნალოდ ხალხურ მედიცინაში ასევე უებარია თეთრი კომბოსტოს წვენი. თანაბარი რაოდენობით ავიღოთ თეთრი კომბოსტოს წვენი და მდუღარე წყალი. ეს ხსნარი დღეში სამი-ოთხჯერ გამოვივლოთ. უმჯობესია, ყოველდღე ახალი ნაზავი გააკეთოთ, რადგან კომბოსტოს წვენს მძაფრი და უსიამო სუნი აქვს.

_ რაც შეეხება პირის ღრუს უსიამო სუნს, ეს უფრო ხშირად კბილების და ღრძილების დაავადების გამოა გამოწვეული. არსებობს კუჭის პრობლემებიც. ასეთ შემთხვევაში ძალიან ეფექტურია შემდეგი საშუალება, რის მომზადება შინაურ პირობებში ძალიან ადვილია: ავიღოთ ერთი სუფრის კოვზი დაქუცმაცებული პიტნის ფოთლები და დავასხათ ერთი ჭიქა მდუღარე წყალი. ერთი საათის შემდეგ გავწუროთ და დღეში ორჯერ ან სამჯერ გამოვივლოთ. ასევე კარგია ნიახურის ძირების ნახარში. დოზა: ერთ სუფრის კოვზ დაქუცმაცებულ ნიახურის ძირებს დავასხათ ერთი ჭიქა არაყი. ორი კვირის განმავლობაში დავდგათ ბნელ და თბილ ადგილზე. შემდეგ გავწუროთ და ერთი ჩაის კოვზი ნაყენი შევურიოთ ერთ ჭიქა თბილ, გადადუღებულ წყალს. შემდეგ კი, დღეში სამჯერ გამოვივლოთ პირსა და ყელში.

გახსოვდეთ, თუ ზემოთ აღნიშნული ყველა მკურნალობის წესი არ გააგრძელეთ ორი კვირის მანძილზე მაინც, შედეგი არ გექნებათ. ერთჯერადი მკურნალობით ღრძილები არ იკურნება. ხანმოკლე შესვენებების შემდეგ, პერიოდულად უნდა გავიმეოროთ ყველა ეს წესი. ღრძილებს მუდმივად უნდა დავუთმოთ ყურადღება, თუ გვინდა, რომ ექიმთან მუდმივი ვიზიტები არ დაგვჭირდეს.




 ახალი ამბები
  • "წაგვიღო წყალმა" _ ჩოხატაურში დუმბაძის ქუჩის #24-ში მცხოვრებლები დახმარებას ითხოვენუამინდობამ პრობლემები შექმნა ჩოხატაურში. როგორც "გურია ნიუსს" დუმბაძის 24-ში მდებარე მარავალბინიანი საცხოვრებელი სახლიდან შეატყობინეს, ადიდებული მდინარე ორპირა კალაპოტიდან გადმოვიდა და საცხოვრებელი სახლის ქვეშ მიედინება. "თუ ჰყავს ვინმე პატრონი რაიონს, მოგვხედონ. რამდენჯერ მივმართეთ განცხადებით, მაგრამ შედეგი არაფერმა გამოიღო. მოვლენ, გადახედავენ-გადმოხედავენ, წავლენ. ვფიქრობთ, ეს იმიტომ ხდება, რომ კორპუსის მცხოვრებლებს ოპოზიციონერებად მოგვიაზრებენ, რატომ ესეც არ ვიცით, მაგრამ რა უბედურებაა პოლიტიკური შეხედულების მიხედვით ადამიანების დაყოფა. თუ ოპოზიციონერები ვართ, ამიტომ უნდა წაგვიღოს წყალმა და დაგვეხრჩონ ბავშვები. ვინმემ მოგვხედოს, _ ამბობს "გურია ნიუსთან" ბინის ერთ-ერთი მცხოვრები. პრობლემაზე სასაუბროდ "გურია ნიუსი" მუნიციპალიტეტის მერს, ირაკლი კუჭავას დაუკავშირდა. კუჭავას თქმით, აბსურდია ბრალდება, რომ პოლიტიკური შეხედულების გამო არ ეხმარებიან ვინმეს. "მაგ ტერიტორიაზე გაკეთებულია დიდი პროექტი, მოწესრიგდება ორპირას ნაპირები და მოეწყობა ბულვარი, მაგრამ ეს წელს ვერ განხორციელდება. ასეთ დროს უნდა დარეკონ მერიაში, ჩვენი კომისია გავა ადგილზე, დასურათდება მდგომარეობა და მოვითხოვთ სტიქიის სალიკვიდაციო ხარჯებში. ამ შემთხვევაში ახლავე გავლენ ჩვენი სპეციალისტები შემთხვევის ადგილზე. ხოლო რაც შეეხება პოზიცია-ოპოზიციად ადამიანთა დაყოფას და ამ ნიშნით დახმარებას, ეს არის აბსურდი. არასოდეს გაგვირჩევია ადამიანები. შეგიძლიათ თუნდაც მაგ ქუჩაზე იკითხოთ, რამდენჯერ დავხმარებივართ იმ ადამიანებს, მათი ოჯახის წევრებს, თითონ რომ მოიაზრებენ თავს ოპოზიციონერებად, _ გვითხრა მუნიციპალიტეტის ... ...
  • “მაგნიტში“ მომხადარ ქურდობის ფაქტზე ერთი პირია მხილებულიდღეს ქალაქ ოზურგეთში სუპერმარკეტების ქსელის მაღაზია გაქურდეს. შინაგან საქმეთა სამინისტროს პრესსამსახურის ინფორმაციით, მომხდარ ფაქტთან დაკავშირებით გამოძიება სისხლის სამართლის კოდექსის 178 მუხლით მიმდინარეობს, რაც ძარცვას გულისხმობს. მხილებულია ერთი პირი. მიმდინარეობს ინტესიური საგამოძიებო მოქმედებები. “გურია ნიუსის“ ინფორმაციით, მოპარულია 5 ბოთლი ალკოჰოლური ... ...
  • რაჭაში სტიქიამ ცენტრალური მაგისტრალი დააზიანა„ონის მუნიციპალიტეტში, უხვი ნალექის შედეგად ადიდებულმა მდინარე ჭანჭახმა სოფელ გლოლაში საავტომობილო გზის ცენტრალური მაგისტრალი დააზიანა", _ აღიშულ ინფორმაციას რაჭა-ლეჩხუმის და ქვემო სვანეთის სამხარეო უწყება ავრცელებს. უწყებისვე ცნობით, შემთხვევის ადგილას დილიდან ოპერატიულად დაიწყო აღდგენითი და პრევენციული ... ...
  • როდიდან აღდგება საზოგადოებრივი ტრანსპორტის მოძრაობათბილისის მერის, კახა კალაძის განცხადებით, საზოგადოებრივი ტრანსპორტი მოძრაობას, სავარაუდოდ, ივნისის დასაწყისში გაანახლებს. მერის განცხადებით, ტრანსპორტის ამუშავებისთვის აუცილებელია მითითების მიღება, თუ როგორი უნდა იყოს წესები ეპიდემიის დროს. „ზუსტი თარიღი უცნობია.  ჩვენ არ გვაქვს ეს ინფორმაცია. დღეს საკოორდინაციო საბჭოს სხდომა გაიმართა, სადაც პირადად მე დავსვი საზოგადოებრივი ტრანსპორტის ამუშავების საკითხი, რადგან ძალიან დიდი მოთხოვნაა საზოგადოებაში. ველოდებით მითითებებს, ჯერ არანაირი მითითება არ არის ჩვენთან შემოსული. თუ როგორ უნდა იყოს წესები საზოგადოებრივ ტრანსპორტის მუშაობის დროს, ხალხმა როგორი წესებით უნდა ისარგებლოს ავტობუსით, მეტროთი, მიკროავტობუსით მგზავრობის დროს და ა.შ.“_ თქვა კალაძემ ... ...
  • საქართველოს დამოუკიდებლობის დღეს მასშტაბური ღონისძიებები არ გაიმართება საქართველოს დამოუკიდებლობის დღის აღსანიშნავად მასშტაბური ღონისძიებები წელს არ გაიმართება. ამის მიზეზი ეპიდვითარება და ხალხმრავლობის თავიდან აცილებაა. პრემიერ-მინისტრის პრესსპიკერის, ირაკლი ჩიქოვანის განცხადებით,  საქართველოს დამოუკიდებლობის დღეს სახელმწიფო უწყებები სხვადასხვა ფორმატის მცირემასშტაბიანი ღონისძიებებით აღნიშნავენ. პრემიერ-მინისტრი კი 26 მაისს საქართველოს თავდაცვის ძალებთან ერთად აღნიშნავს, ვაზიანის მე-4 მექანიზებული ბრიგადის ბაზაზე. „26 მაისი ჩვენი ქვეყნის ისტორიაში და საქართველოს თითოეული მოქალაქისთვის უმნიშვნელოვანესი თარიღია. მოგეხსენებათ, ბოლო წლების განმავლობაში 26 მაისი გახდა მასშტაბური საერთო სახალხო ზეიმი, რომელშიც ათასობით ჩვენი მოქალაქე მონაწილეობდა. წელს, მსოფლიო პანდემიიდან გამომდინარე, ამ მნიშვნელოვანი თარიღის აღნიშვნა განსხვავებული ფორმატით გვიწევს. ხალხმრავლობის თავიდან აცილების მიზნით, წელს 26 მაისის აღსანიშნავი მასშტაბური ღონისძიებები არ გაიმართება. სახელმწიფო უწყებები დამოუკიდებლობის დღეს სხვადასხვა ფორმით აღნიშნავენ. რაც შეეხება საქართველოს მთავრობას, პრემიერ-მინისტრი 26 მაისს საქართველოს თავდაცვის ძალებთან ერთად აღნიშნავს, ვაზიანის მე-4 მექანიზებული ბრიგადის ბაზაზე“, _  განაცხადა ... ...

არქივი




რას ფიქრობთ სოფლის მეურნეობის დახმარების პროგრამაზე?