ხალხური მედიცინა სილამაზის სამსახურში

მწვანე აფთიაქი

ხალხური მედიცინა სილამაზის სამსახურში

27 ნოე. 2015, 00:23:04

ამჯერად მინდა ჩვენს მშვენიერ ქალბატონებს ყველაზე ადვილი და ხელმისაწვდომი ხალხური რეცეპტები შევთავაზო საკუთარი კოსმეტიკური დღიურის შესავსებად, რათა მეტად შეინარჩუნონ და გაიუმჯობესონ სილამაზე და ჯანმრთელობა.

სახის კანის სიჯანსაღე ყველა ქალბატონის უპირველესი სურვილია. ასევე, განსაკუთრებით უნდა ვუფრთხილდებოდეთ ფრჩხილებს, თმებს... ერთი სიტყვით, რაც "წინა პლანზე" დგას და ქალბატონებისთვის ერთგვარ სავიზიტო ბარათს წარმოადგენს.

 გთავაზობთ ყველაზე ხელმისაწვდომ და საკმაოდ შედეგიან ხალხურ რეცეპტებს.

_ ერთი კგ ვაშლის ხის ქერქი (უმჯობესია, ასაკოვანი ხისა იყოს) დავაქუცმაცოთ, დავასხათ სამი ლიტრი წყალი და ვადუღოთ, ვიდრე ერთი ჭიქა არ გახდება. მერე გავწუროთ და ბამბით წავისვათ დილა-საღამოს. ერთნაირად სასარგებლოა როგორც მშრალი, ისე ცხიმიანი კანისთვის.

_ ქალები განსაკუთრებით უნდა უფრთხილდებოდნენ როგორც ხელის, ისე ფეხის ფრჩხილებს. ძალიან ხშირია ფეხის ფრჩხილის სოკო, რაც უმეტესად მოუვლელობის ბრალია. ფეხის მხოლოდ დაბანა სულაც არ კმარა. თუ ფრჩხილებს და ქუსლებს ცოტათი მაინც შენიშნეთ დეფექტი, სასწრაფოდ იმოქმედეთ. ბევრ თავმომწონე ქალბატონს აქვს ფეხის ქუსლები გარქოვანებული. ნუ დააბრალებთ ამას მოუცლელობას. აუცილებელია, ყოველდღე დაალბოთ ფრჩხილები სოდიან ან გვირილის ნაყენით გაზავებულ ცხელ წყალში. სასურველია, ცხელ აბაზანას გაუძლოთ 15 წუთით მაინც. შემდეგ დაიბანეთ საპნით, ფრჩხილები კარგად დაიჭერით, გაიმშრალეთ და შეიზილეთ ვაშლის ძმრით. ბოლოს კი გურიაში კარგად ცნობილი არობელიძის ან თურმანიძის მალამოს თხელი ფენა წაისვით. ჩაიცვით თხელი წინდა და ღამის განმავლობაში ასე გქონდეთ. თუ ორი კვირის მანძილზე გაიმეორებთ ამ პროცედურას, თავადაც გაოცდებით თქვენი ფეხის გულების, ფრჩხილების და ტერფების მდგომარეობით.

_ ჟოლოს ფოთლები (15 ფოთოლი ერთ ლიტრ წყალში) მოვხარშოთ დაბალ ტემპერატურაზე. განახევრების შემდეგ გავწუროთ და დღეში ორჯერ ბამბით წავისვათ თუ ფერისმჭამელები ან მცირე მუწუკები გაწუხებთ. სერიოზულად დაზიანებულ კანს, რა თქმა უნდა, ეს ნაყენი ვერ უშველის.

_ მატიტელას სად არ შეხვდებით. იგი ჩვენს ეზოებში, ბოსტნებში დატოტვილი და მიწაზე გართხმულია. მედიცინაში უამრავი მიმართულებით გამოიყენება. ყველაზე მარტივი ხალხური წესით მატიტელას ნაყენი მზადდება ისევე როგორც ვარდის ფურცლისა. მასზე სპირტს დავასხამთ. დავდგამთ ათი დღით. ეს ნაყენი გამოიყენეთ კანის აქერცვლის დროს. დაასველეთ ბამბა და კანი ისე გაიწმინდეთ. შემდეგ კი კარგი ხარისხის კრემი წაისვით.

_ მარწყვის ფოთლების ნახარშის მოსამზადებლად არაა აუცილებელი რაოდენობის დაცვა. მოხარშეთ სასურველი რაოდენობით. 10 წუთის დუღილის შემდეგ გადმოდგით. გაგრილებული გაწურეთ. დღეში ორჯერ გამოივლეთ პირში. ყოველგვარ უსიამო სუნს აქრობს.

_ ევკალიპტის ფოთლების ნახარშით მოიწმენდთ გამონაყარს. კარგია ყელში გამოსავლებად არა მარტო გაცივებისას. მისი სავლები ალბობს ყელს, პირის ღრუს. ქმნის სასიამოვნო შეგრძნებას. ძალიან კარგია ევკალიპტის აბაზანა.

_ კავკასიური სუროს აბაზანა შემოგეშველებათ კოჟრისა და მეჭეჭის მოსაშორებლად, ნაყენი კი ასე მოამზადეთ: დააქუცმაცეთ ორი ჩაის კოვზი სურო, დაასხით ორი ჭიქა ანადუღარი წყალი. დადგით 24 საათის განმავლობაში. მერე გაწურეთ. სითხე გამოიყენეთ კოჟრზე და მეჭეჭზე საფენად, დილა-საღამოს, ერთი თვის განმავლობაში.

_ ანწლის ნაყენი ძალიან კარგია რევმატიზმის, დიდხანს სიარულის შემდეგ ფეხების შეშუპების საწინააღმდეგოდ, დაღლილობის მოსახსნელად. 5 ჭიქა ანწლის მწიფე ნაყოფს დავასხათ ხუთი ჭიქა მდუღარე წყალი. ნახევარ საათში გავწუროთ ისე, რომ არ დავჭყლიტოთ, მარცვლებს არ შევეხოთ. დღეში ორჯერ დავლიოთ ნახევარი ღვინის ჭიქა. პროცედურა ერთი თვის მანძილზე გავაგრძელოთ. აუცილებლად იგრძნობთ შვებას.

_ კეთილშობილი დაფნის ნახარში საუკეთესოა დაბანილ თმებზე გადასავლებად. ოღონდ არ გამოიყენოთ მწვანე ფოთოლი. იხმარეთ მხოლოდ გამხმარი მასა.

მშვენიერ სქესს შევახსენებ, რომ თქვენი სილამაზის ერთ-ერთი მნიშვნელოვანი და განმსაზღვრელი ფაქტორია მშვიდი და სრულფასოვანი ძილი.

_ შავი კუნელი დაჭერით წვრილად. 50 გრამს დაასხით ნახევარი ლიტრი სპირტი და ათი დღის შემდეგ გამოიყენეთ. 40 წვეთი ჩაასხით ცოტა წყალში და დალიეთ ძილის წინ. მშვიდად დაგეძინებათ.

_ უძილობას სრულად ამარცხებს ჯადოსნური ვაშლის ძმრისა და თაფლის ნარევი. ერთ ჩაის ჭიქა თაფლში ჩაასხით სამი სუფრის კოვზი ვაშლის ძმარი. კარგად აურიეთ და ძილის წინ მიირთვით სამი ჩაის კოვზი. ასე გააგრძელეთ ხშირად, როცა უძილობა შეგაწუხებთ.




 ახალი ამბები
  • ჩოხატაურში საბავშვო ბაღებში სააღმზრდელო პროცესი 12 ოქტომბრიდან აღდგებაჩოხატაურის საბავშვო ბაღებში სააღმზრდელო პროცესი 12 ოქტომბრიდან აღდგება, _ ამის შესახებ „გურია ნიუსს“  ა(ა)იპ ბაღების გაერთიანება "მომავალის" ხელმძღვანელმა ნინო ბარამიძემ განუცხადა. „როგორც დღეს გამოცხადდა და გაგვაგებინეს გუბერნიიდან, სააღმზრდელო პროცესი მუნიციპალიტეტის ბაღებში12 ოქტომბერს განახლდება“,_ გვითხრა ბარამიძემ. შეგახსენებთ, რომ სააღმზრდელო პროცესი საბავშვო ბაღებში 1 ოქტომბერს უნდა განახლებულიყო, მაგრამ საკოორდინაციო საბჭოს მიერ მიღებული გადაწყვეტილებით, აღსაზრდელებისთვის საბავშვო ბაღები 12 ოქტომბრიდან ... ...
  • ლანჩხუთის ყველა საბავშვო ბაღში სააღმზრდელო პროცესი 12 ოქტომბრიდან განახლდებალანჩხუთის სკოლამდელი საგანმანათლებლო-სააღმზრდელო ცენტრის ინფორმაციით, მუნიციპალიტეტის ყველა საბავშვო ბაღში სააღმზრდელო პროცესი 12 ოქტომბრიდან დაიწყება. ცენტრის ხელმძღვანელობის ინფორმაციით, ბაგა-ბაღებში ეპიდსიტუაციიდან გამომდინარე, ჩატარდა გენერალური დეზინფექცია. "კორონა ვირუსის გავრცელებასთან დაკავშირებით მსგავსი ღონისძიებები ეტაპობრივად გახორციელდება. ლანჩხუთის სკოლამდელი ცენტრის 21-ვე ბაგა-ბაღი ახალი მოქმედი რეგულაციების მიხედვით ახორციელებს შესაბამისს ღონისძიებებს ახალი სასწავლო-სააღმზრდელო პროცესის დასაწყებად", _ ამბობენ ცენტრში. მათივე ინფორმაციით, ადმინისტრაციის მიერ ბაგა-ბაღებისთვის შეძენილია საგანმანათლებლო რესურსები (ფერადი ფურცლები, მაკრატლები, ფერადი ფანქრები, ზეთოვანი პასტელები, გუაშისა და აკვარელის საღებავები, ფუნჯები, პლასტელინები და სხვა). "ახალი კორონავირუსით გამოწვეულ ინფექციასთან დაკავშირებული რეკომენდაციების ადრეული და სკოლამდელი აღზრდისა და განათლების დაწესებულებებისთვის შესაბამისად საგანმანათლებლო რესურსები უზრუნველყოფილი იქნება ბაგა-ბაღებში ინდივიდუალურად ბავშვებისთვის სახელოვნებო/გასართობი საქმიანობის დროს გამოსაყენებლად", _ ამბობენ სკოლამდელ სააღმზრდელო ... ...
  • საქართველოს ბანკის მხარდაჭერით ზუგდიდში ლოკოკინების ფერმა გაშენდასაქართველოს ბანკის ფინანსური მხარდაჭერით სამეგრელოში, კერძოდ, ზუგდიდის სოფელ ერგეტაში ნახევარ ჰა-ზე  ლოკოკინების ფერმა გაშენდა.  ფერმა პირველ, 8-12 ტონამდე მოსავალს უკვე დეკემბერში ელოდება. წარმოებული პროდუქციის რეალიზაცია ევროპაში, კერძოდ კი  იტალიაში მოხდება.  პროექტის განსახორციელებლად ბანკის მიერ გამოყოფილი თანხა 68,000 ლარს შეადგენს. დღესდღეობით ფერმაში 15 ადამიანია დასაქმებული.  „მოხარული ვართ, რომ გვაქვს შესაძლებლობა ფინანსური მხარდაჭერა გავუწიოთ ისეთ წამოწყებებს რეგიონში, რომელიც ერთის მხრივ, ხელს უწყობს განსხვავებული და რეგიონისთვის უნიკალური ბიზნესების წახალისებას, მეორეს მხრივ კი ადგილობრივი მოსახლეობის დასაქმებას, მათი შემოსავლების ზრდასა და ზოგადად, რეგიონის ეკონომიკური მდგომარეობის გაუმჯობესებას. ჩვენი ჩართულობით ზუგდიდის რაიონში ლოკოკინების ფერმა გაშენდა. ფერმა უკვე ფუნქციონირებს და მოსავლის მოლოდინის პროცესშია. პროექტი მნიშვნელოვანია იმით, რომ წარმოადგენს საექსპორტო პროდუქტიას, რაც ქვეყნისთვის, როგორც ექსპორტის ზრდის შესაძლებლობა, ძალიან მნიშვნელოვანია. გვინდა წარმატებები ვუსურვოთ კომპანიას სამომავლო განვითარების გზაზე“, - განაცხადა მერაბ ახვლედიანმა, საქართველოს ბანკის საცალო ბიზნესის საბანკო მომსახურების დეპარტამენტის დირექტორმა. ... ...
  • "ჩანაწერი, ჩემი ნასამართლებობის შესახებ, არის ტყუილი!" _ გელა კვარაცხელია“სრული პასუხისმგებლობით ვაცხადებ, რომ ჩანაწერი ჩემი ნასამართლებობის შესახებ, რის გამოც ცესკომ ჩემი 2020 წლის  არჩევნებიდან მოხსნა განიზრახა, არის ტყუილი! წინააღმდეგ შემთხვევაში, მიუთითონ სასამართლო, მოსამართლე, მუხლი, რომლითაც მე გამასამართლეს!“ _ აცხადებს პოლიტიკური მოძრაობა  “ტრიბუნას“ მაჟორიტარობის კანდიდატი სამცხე-ჯავახეში, გელა კვარაცხელია და საჯაროდ მიმართავს შსს-ს და ხელისუფლებას, რომ ცესკომ სასწრაფოდ გამოასწოროს ხარვეზი, უზრუნველყოს მისი, როგორც კანდიდატის რეპუტაციის აღდგენა და ხელი აღარ შეუშალონ საარჩევნო კამპანიაში. "როგორც ჩანს, ვანო მერაბიშვილის დანაპირებს, რომ გელა კვარაცხელიას, ყოფილი გუბერნატორს,  არასოდეს მისცემდა სადმე მუშაობის უფლებას, ახლა „ქართული ოცნება“ ასრულებს  და საკმაოდ წარმატებულადაც!" _ განაცხადა დღეს ბრიფინგზე „ტრიბუნას“ ლიდერმა დავით ჭიჭინაძემ. მისივე თქმით, გელა კვარაცხელიას გარდა, იგივე, ანუ არარსებული ნასამართლებობის მოტივით, „ტრიბუნას“ საარჩევნო სიიდან ასევე ამოღებული არიან: გარნიკ სიმონიანი, რომელიც თავის დროზე შევარდნაძის ცნობილი ტერაქტის საქმეში ერთ-ერთი იყო, ვინც პრეზიდენტი გადაარჩინა და ბორის მიქელაძე აჭარიდან, რომელიც 2012 წელს კანდიდატად იყო დარეგისტრირებული და მაშინ მსგავსი პრობლემა არ შექმნია. „ტრიბუნას“ ერთ-ერთი ლიდერის, ლია მუხაშავრიას განცხადებით კი: „ როგორც ჩანს, ეს ცესკოს ახალი „ტრენდია“ , თანაც უპრეცენდეტო, დაბლოკოს რეალური გამარჯვების მქონე ოპოზიციის ლიდერები.“  მისივე განცხადბით: „ცესკო არის ადმინისტრაციული ორგანო და ვალდებულია დაასაბუთოს გადაწყვეტილება არჩევნებზე არდაშვების შესახებ. ამ ადამიანებს კი, აქვთ გადაწყვეტილების გასაჩივრების უფლება, რაც ვერ ხერხდება, რადგან ცესკო არ იძლევა დასაბუთებულ გადაწყვეტილებას. რა თქმა უნდა, ამ საქმეს მსვლელობა მიეცემა, მანამდე კი ვაცხადებთ, რომ მომხდარ განვიხილავთ  პოლიტიკური დევნის და „ტრიბუნას „ წინააღმდეგ სახელმწიფო აქტივობის გამოვლენის მცდელობად“. ... ...
  • როგორი ამინდია მოსალოდნელი უახლოეს დღეებშიგარემოს ეროვნული სააგენტოს ინფორმაციით,  28-30 სექტემბერს დასავლეთ საქართველოში შენარჩუნებული იქნება თბილი და უმეტესად უნალექო ამინდი. ზოგან იქროლებს აღმოსავლეთის მიმართულების ძლიერი ქარი. ჰაერის ტემპერატურა +27, +32 გრადუსის ფარგლებში იქნება. 1 ოქტომბერს გაწვიმდება, ტემპერატურა +23, +28 გრადუსამდე დაიკლებს. აღმოსავლეთ საქართველოში კი მოსალოდნელია შედარებით გრილი და დროგამოშვებით ღრუბლიანი ამინდი. ზოგან შესაძლებელია მცირე წვიმა და ნისლი აღინიშნოს. ჰაერის ტემპერატურა +19, +24 გრადუსის ფარგლებშია მოსალოდნელი. თბილისში შესაძლებელია მცირე წვიმა და ნისლი. ჰაერის ტემპერატურა +21, +23 გრადუსი ... ...

არქივი


free polls