როგორ გახდა იდეალური დედა იდეალური მეწარმე

კარმიდამო ჩემი

როგორ გახდა იდეალური დედა იდეალური მეწარმე

10 სექ. 2019, 11:34:53

ქალი, რომლის ცხოვრება საგანგებოდ შექმნილი იდეალური გმირის ისტორიას, უფრო სწორად კი ზღაპარს ჰგავს, 16 წლის ასაკში დაქორწინდა, 33 წლისა დაქვრივდა და ხუთი მცირეწლოვანი შვილით შერჩა შიშით, სიცივით, გასაჭირით, სიბნელით და არეულობით მოსილ გარემოს.

ეს 45 წლის ქალბატონი მცირე მეწარმე მზია შარაშიძეა, რომელიც უკვე სრულწლოვან შვილებთან ერთად ოზურგეთის მუნიციპალიტეტის სოფელ ციხისფერდში (გურიანთის თემი) ცხოვრობს და თავისი ხელწერით შექმნილი ჩურჩხელების ხელოვნებით არა თუ საქართველოს მცხოვრებთ, უცხოეთის უამრავ ტურისტს და სტუმარს აკვირვებს.

ჩურჩხელით ვის გააკვირვებ საქართველოშიო, _ თქვას, იქნებ, ვინმემ. თუმცა, ეს ქალბატონმა მზიამ შეძლო.

საოცარ ისტორიას ჰყვება მზია შარაშიძე, რომელიც დღე და ღამე მძიმე შრომაში ჩაბმული, თავისი აღნაგობით, ფრესკისებური სილამაზით და საუბრით, მოდელსა თუ კინომსახიობს უფრო ჰგავს, ვიდრე ჯაფაში გადაღლილ, ხუთი მცირეწლოვანი შვილის მარტო გამზრდელ დედას:

_16 წელი მეუღლის ოჯახში შემისრულდა. 33 წლის, ხუთი შვილის დედა მოულოდნელად დავქვრივდი. მეუღლე ამირან შარაშიძე, უცებ პნევმონიით გარდაიცვალა. მართლა სასწაული სიყვარული და მეგობრობა გვქონდა. ხულოდან ჩამოვსახლდით აქ. გასაჭირი იყო, მაგრამ თავს კარგად ვართმევდით ყველაფერს. მარტო დარჩენილი, გონს რომ მოვედი, მხოლოდ უფლის იმედი გამიჩნდა _ შვილებს თუ შრომის უსაზღვრო სიყვარულს ისე ჩავუნერგავდი, როგორც ჩვენ გვჩვეოდა, უფალი არ გამწირავდა... გამიმართლეს, გამომადგნენ შვილები! _ გვიამბობს ჩვენი მასპინძელი და იხსენებს ჩურჩხელის ბიზნესის დაწყების ისტორიას:

ექვსი თვე არჩევდა, აცმევდა და ისევ შლიდა საჩურჩხელე მასალას თუ ჩურჩხელებს. თხილს და კაკალს ეზოშიც იწევდნენ, თუმცა, ყიდულობდა კიდეც. საბოლოოდ კი იქამდე მივიდა, რომ გარდა ნაირ-ნაირი ვიზუალისა, გემოსა თუ ნაირსახეობებისა, სახელებიც დაარქვეს. მაგალითად, "გორგოლაჭები" ყველაზე პოპულარულია, რომლის ვიზუალი ასეთია: ნიგვზის ყოველი მთლიანი უღელა ლებნის შემდეგ გარგრის, ქლიავის ან კივის ჩირი მონაცვლეობს. ერთ წყება ფელამუშში ამოვლებული ასეთი ჩურჩხელა, რომლის ზომა მხოლოდ ქალბატონ მზიას მტკაველით განისაზღვრება, ვიზუალით და გემოთი აღფრთოვანებას იწვევს.

"ცალფა" ჩურჩხელა თითო ლებნებით ან თხილისა და მარწყვის ჩირის მონაცვლეობით არის აცმული. ასევე, რა თქმა უნდა, ჩირის შერევის გარეშეც ამზადებს, როგორც ნიგვზის, ისე თხილის ჩურჩხელებს. თუმცა, ცალუღელები ნახევარი ლებნებისგან მზადდება.

ნულიდან დაწყებულ საქმეს, დღესაც ახლავს პრიმიტიული ნიშნები ამ სიტყვის საუკეთესო გაგებით _ საგანგებოდ მოწყობილ საშრობ ოთახში, სადაც გაზის სისტემასთან ერთად გამწოვი მოწყობილობაა დაყენებული, გაზქურაზე მოწყობილია 50 ლიტრიანი ქვაბის სადგამი თათარის მოსადუღებლად. ჭერიდან დაშვებულია მოზრდილი ზომის ხის ლარი, რომელზეც ორივე მხარეს თანაბარი დაშორებით ლურსმნებია დამაგრებული. დუღილის პროცესში ამოვლებული ჩურჩხელის ჩამონადენი ისევ ქვაბში ჩადის და ზარალი საერთოდ არ არის, ხოლო მალე ჩურჩხელა ჭერში მოწყობილ საკიდზე გადააქვთ.

_ რეცეპტის საიდუმლო გამაჩნია. ჩურჩხელა რომ მედეგი, რბილი, გამძლე, ვიზუალით საუკეთესო იყოს, მე ჩემი სტანდარტები შევქმენი, რითაც უკვე ბევრი ხალხი მოვიზიდე. გასწავლით, ოღონდ თქვენთვის, ნუ გაახმაურებთ, ეს ჩემი ბიზნესის ნაწილი და მამოძრავებელი ძალაა, _ ისე მორიდებით ამბობს ქალბატონი მზია, გეგონება რაიმე ვალდებულება ჰქონდეს.

მზია შარაშიძის საკარმიდამო ნაკვეთი ერთი ჰექტარია და ძირითადად, თხილი აქვთ გაშენებული. როგორც თავად გვეუბნება, წელს ერთ ტონაზე მეტი თხილი მოიწიეს. თავად და უფროსმა ბიჭებმა ექვსჯერ შეწამლეს. მოსავალი საუცხოოა და უკვე მოკრეფილი და მზის გულზე გამოფენილი აქვთ ეზოში. ამბობს, რომ გასულ წელს მოსავალი არ ვარგოდა, ამიტომ საერთოდ არ გააკეთა თხილის ჩურჩხელა, პროდუქციას ხარისხი რომ არ დაკარგოდა და დროებით მთლიანად ნიგოზზე გადავიდა.

_ ახლა რა მიჭირს, ადრე კი რა ვიწვალე, ენით უთქმელი ამბავია. რომ დავქვრივდი, უფროსი გოგონა 16 წლის არ იყო. დანარჩენები მან გამაზრდევინა. თურქეთის საზღვარი ახლად გახსნილი იყო. გადავდიოდი, ვყიდულობდი რაღაცეებს, ჩავდიოდი თბილისში და ზოგჯერ იმავე დღეს თუ არა, მეორე დღესვე შინ ვბრუნდებოდი. შრომის სიყვარულს ჩავჩიჩინებდი შვილებს. ჩვენ ახლაც ერთმანეთს ვეკითხებით ყველაფერს. რომ დავსხდებით, ვგეგმავთ, რა გავაკეთოთ დილიდან საღამომდე. ერთ ტონამდე ყურძენი მარტო დამიწურავს და ღვინო გამიკეთებია. ახლა ბიჭები მიდგანან გვერდით.

კითხვაზე, თუ საიდუმლო არაა, ფინანსურად რამდენია მათი შემოსავალი წელიწადში, ქალბატონი მზია ამბობს, რომ არასდროს დაუთვლია.

_ უყაირათო არ ვარ, მაგრამ თეთრები არასდროს დამითვლია. მთელი წლის მანძილზე ვმუშაობთ, ოღონდ საახალწლოდ და ზაფხულში მეტია მოთხოვნა. ტურისტები გიჟდებიან ჩვენს ჩურჩხელებზე. ახლა პირდაპირ ვაბარებ ბათუმში _ ძველებურად წვალება არ მიწევს. ბევრნი ვართ, მტერ-მოყვარეს არ ვაკლდები, გადასახადებს ვიხდით, რემონტიც წამოვიწყეთ, ვაპირებ საოჯახო სასტუმროს გახსნას, სადაც ჩემი ჩურჩხელების დაგემოვნების პრეზენტაციას მოვაწყობ და თქვენს მედიასაშუალებას აუცილებლად მოვიწვევ...

მეწარმე ქალთა ფორუმზე ჩვენი სოფლის დეპუტატმა მაია ზოიძემ და მერიის თანამშრომელმა ლელა სარიშვილმა წამიყვანეს. ძალიან გამიხარდა. ახლახან ჩვენი მაჟორიტარი დეპუტატის, არჩილ თალაკვაძის ბიუროდან მეწვივნენ. მითხრეს, რომ "აწარმოე საქართველოს" პროგრამაში მივიღო მონაწილეობა. მიხარია ეს ყველაფერი. ისე ვარ ჩართული საქმეში, ქვეყნიერებას მოწყვეტილი ვარ, მხოლოდ ბაზარზე მაქვს ყური და თვალი... _ გვეუბნება ჩურჩხელების ოსტატი და კვლავ ხელის გულს აბრუნებს ულამაზესი თითებით, მტკაველზე მიგვანიშნებს, რომლის ზუსტი სიგრძე არც თვითონ იცის. იცის მხოლოდ ის, რომ ამ თლილი თითებით წარმოუდგენელმა შრომამ და გამძლეობამ, უკვე დიდი გზის დასაწყისთან მიიყვანა შვილებთან ერთად.

სოფლის დეპუტატი მაია ზოიძე ამბობს, რომ მზია შარაშიძე ის ქალბატონია, რომელმაც ქალის ტვირთი თანამედროვე, ამ საუკუნის გაგებით ზიდა, საოცრება მოახდინა და შექმნა ნიშა, როგორ შეიძლება გახდეს იდეალური დედა, იდეალური მეწარმე მხოლოდ საკუთარი შრომით...

შარაშიძეების ოჯახი ახლა საახალწლო სამზადისშია _ ბაზარზე ორიგინალური ჩურჩხელები ორიგინალურად შეფუთული უნდა გაიტანონ. ქალბატონმა მზიამ სახელდახელოდ მის მიერვე მოქსოვილ კალათებსა და თოფხანებში უნდა მოათავსოს ნაირ-ნაირი აცმულები.

კითხვაზე, იცის თუ არა მაღალი დონის ქსოვა, მკრთალი ღიმილი ეფინება სახეზე:

_ რის აჭარელი ვარ, თუ კარგი ქსოვა და ქარგვა არ მეცოდინება? _ უკვე ნახევრად მოქსოვილი მინი-კალათაზე დამაგრებულ ჩხირებს ხელი წამოავლო და სასწრაფოდ ამოიყვანა რამდენიმე ნაყში...

ქალბატონ მზიას შვილიშვილიც ჰყავს. შვილებიდან, 25 წლის თამუნა დაქორწინებულია და ბათუმში ცხოვრობს. 27 წლის ნათია, 24 წლის შაკო, 22 წლის დათო, 11 წლის ნინო კი შინ არიან  და მას შემოჯარვიან _ შუაში დგას შავი კაბით, თმებზე შავლენტგადაკრული დედა-ქალბატონი, რომელიც ამბობს, რომ 11 წელია, თალხი არ გაუძვრია და ამირან შარაშიძის გვარს ატარებს მეუღლის ხსოვნის პატივსაცემად....

რაც უფრო ღრმად შეხვალ საქართველოს კუთხეებსა და სოფლებში, მით მეტ საკვირველ ადამიანებს აღმოაჩენ, დედა-ქალბატონებს განსაკუთრებით. მზია შარაშიძე სწორედ ის ქალბატონია, როგორებმაც ჩვენი ქვეყანა ათასგზის იხსნეს და მის გაქრობას გასაქანი არ მისცეს. ამიტომ უნდა იცნობდეს მას მთელი ქვეყანა _ სამაგალითოს, თავისი არსებობით ლეგენდის საწყისს რომ უქმნის საფუძველს.




 ახალი ამბები
  • მერის წარმომადგენლის ოფისი გაქურდეს - წაღებულია კომპიუტერის პროცესორებიფოთში,  მალთაყვის უბანში, მერის წარმომადგენლის ოფისი გაქურდეს.  გავრცელებული ინფორმაციით, წაღებულია  კომპიუტერის ორი პროცესორი. ქურდობის ფაქტს ადასტურებს მერის წარმომადგენელიც. უჩა დოლიძის  თქმით, შემთხვევა გუშინ ღამით მოხდა. "კარები დაკეტილი დაგხვდა ჩვეულებრივად. სავარუდოდ, ფანჯრიდან არიან შესულები. სამართალდამცველები  დაადგენს  ყველაფერს“, – ამბობს უჩა ... ...
  • რას აღნიშნავდნენ ჩოხატაურში ნინო შეწირული-გობრონიძის მხარდამჭერებირამდენიმე წუთის წინ, მოქალაქეთა პოლიტიკური გაერთიანება “ჩვენი საქართველო -სოლიდარობის ალიანსის“ კანდიდატის ნინო შეწირული-გობრონიძის მხარდამჭერებმა ჩოხატაურს მანქანებით, საყვირების ხმით შემოუარეს. იმის გასარკვევად, რას აღნიშნავდნენ პარტიის მხარდამჭერები "გურია ნიუსი" პარტიის კანდიდატს ნინო შეწირული-გობრონიძეს დაუკავშირდა. "დღეს, გურიის სამივე მუნიციპალიტეტში გავუშვით ჩვენი მხარდამჭერი 10-10 ახალგაზრდა, ჩვეულებრივად ჩაცმულები და არა ჩვენი მაისურებით. მათ გამოკითხეს, დაახლოებით, 100 ადამიანი, რომელთაგან, თითქმის, ყველა ჩვენი მხარდამჭერი აღმოჩნდა. ამ მარშის საბაბი, ესეც იყო გარკვეულწილად და გარდა ამისა, ჩვენ მოსახლეობას რუპორებით მივმართეთ და შევახსენეთ, მივიდნენ არჩევნებზე და მხარი დაგვიჭირონ", _ გვითხრა ნინო ... ...
  • კახა ასკურავა: "ქართული მარშის" წარმომადგენელი არასრულწლოვან გოგონას თავს დაესხა“ერთიანი ნაციონალური მოძრაობის ლანჩხუთელი ლიდერი კახა ასკურავა სოციალურ ქსელში წერს, რომ ქართული მარშის წარმომადგენლები ლანჩხუთში არასრულწლოვანს დაესხნენ თავს, რომელიც ექს გამგებლის გია გოგუაძის შვილიშვილია. „დაახლოებით ერთი საათის უკან, ლანჩხუთის ცენტრში "ქართულ მარშის" წარმომადგენელი თავს დაესხა ჩვენი შტაბის წამყვანი ფიგურის, ყოფილი გამგებელის გია გოგუაძის შვილიშვილს, არასრულწლოვან მარი გოგუაძეს და მიაყენა სიტყვიერი შეურაცხყოფა. ლანჩხუთის გაერთიანებული ოპოზიციის სახელით მივმართავ შინაგან საქმეთა სამინისტროს, სასწრაფოდ დაიწყოს ამ ფაქტზე მოკვლევა და მოახდინოს დამნაშავის სასწრაფო იდენტიფიცირება", _ წერს ასკურავა. „ქართული მარშის“ მხრიდან არასრულწლოვან გოგონაზე თავდასხმის ფაქტს ადასტურებს ლანჩხუთის ყოფილი გამგებელი გია ... ...
  • ქალი პოლიტიკოსის ნახევრად პოლიტიკური მონოლოგიბავშვობა ჩოხატაურთან კავშირამდე, იყო ჩოხატაურელებთან კავშირი;  ვგულისხმობ, რა თქმა უნდა, ჩემს ბებიას და ბაბუას _ ორ ძალიან მნიშვნელოვან ადამიანს ჩემს ცხოვრებაში. მამაჩემის დედ-მამა, ნელი დუმბაძე და ნოე გოგორიშვილი, სანამ პირველად ჩოხატაურში ჩამომიყვანდნენ, ისე აღწერდნენ აქაურობას, რომ ჩამოვედი, უკვე ყველაფერს ვცნობდი: წისქვილი, წისქვილის შემდეგ ეს იქნება, _ გახარებული ვამბობდი. უფრო ხშირად, ბებიაჩემის სოფელში _ ხიდისთავში ვიყავი.  ბებიას და _ ჟოზეფინა, ხიდისთავში ცხოვრობდა და ზაფხულობით იქ იკრიბებოდა მთელი ბიძაშვილ-მამიდაშვილობა. ერთი ასაკის ვიყავით ყველანი. ჟოზეფინა ბებიას მეზობლად ცხოვრობდა ერთი ქალი, ანუშკა. დღესავით მახსოვს, ანუშკამ ერთხელ მოგვიყვა ლეგენდა, რომ ზენობნის ბოლოში, ციხის ნანგრევებთან დასაფლავებული იყო თამარ მეფე. წარმოიდგინეთ მეორე-მესამე კლასელ ბავშვზე როგორ იმოქმედებდა ეს _ ყველა ეძებს თამარ მეფის საფლავს და თურმე აგერ, ზენობანშია დასაფლავებული! მეორე დღიდან ჩვენი იქაური ყოფა დაიყო  ორ ნაწილად _ ერთი, როდესაც ვთხრიდით და ვეძებდით თამარ მეფის საფლავს და მეორე, როდესაც წყალში ვჭყუმპალაობდით. სხვა არაფერზე ვცდებოდით. მახსოვს, ყველაზე დიდი ემოცია იყო, რაღაც თიხის ნატეხს რომ ვიპოვიდით, ვყვიროდით, აი, მორჩა! ვიპოვეთ! თუმცა, ცხადია, მერე თავიდან ვიწყებდით ძებნას... ყველაზე კარგად მახსენდება თავისუფლება, რომელიც სოფელში გვქონდა. დილას რომ გაიღვიძებდი და გახვიდოდი სოფელში, დარწმუნებული იყვნენ ოჯახის წევრები და მშობლები, რომ არაფერი ცუდი არ შეგემთხვეოდა. სადაც უნდა მისულიყავი, ყველგან, როგორც საკუთარ სახლში ისე გრძნობდი თავს და რომ ღამდებოდა, მარტო მაშინ ვბრუნდებოდით სახლებში. აი, ეს თავისუფლების გრძნობა არის ის, რაც ჩემთვის ბავშვობიდან ასოცირდება გურიასთან. “არ შეიძლება  მთელი დღე, ასე „თხასავით“ დარბოდეს ბაღანე აქეთ-იქით, რამე სასარგებლო უნდა ისწავლოს“, _ ამბობდა მამიდაჩემი _ საოჯახო საქმეებს გულისხმობდა, რა თქმა უნდა. მეც მზად ვიყავი, მესწავლა ყველაზე გემრიელი _ მისი გამომცხვარი კეცის ხაჭაპურის მომზადება, თუმცა, ისე მაინც ვერ ვისწავლე, როგორც ბებია და მამიდა აცხობდნენ. ჩემი ბავშვობის მთავარი მოგონება აქაური ადამიანები არიან, ადამიანები, რომელთა სახეები, სახელები მუდამ მახსოვს. მათი უმრავლესობა დღეს ცოცხალი აღარ არის, მაგრამ ის სითბო და ყველაფერი, რასაც და როგორც ლაპარაკობდნენ, დღემდე მომყვება. სწორედ  იმ ადამიანების სითბო და სიყვარულია გურიისადმი ჩემი დამოკიდებულების განმსაზღვრელი. გურია და პოლიტიკა საოცარი ხალხი ცხოვრობს გურიაში; სრულიად განცვიფრებული ვარ, რამდენ რამეს კითხულობენ და რამდენი რამე იციან. როცა შეხვედრაზე მივდივარ, ვსაუბრობთ უმუშევრობაზე, ახალგაზრდების მიგრაციაზე, რადგან აქ დასაქმების პერსპექტივა არ აქვთ. მერე გადავდივართ პროდუქტის თუ მედიკამენტების ფასებზე, რა ღირდა და როგორ გაძვირდა. ამას რომ მოვრჩებით, მერე აუცილებლად გადავდივართ საერთაშორისო ურთიერთობებზე. პირველი შეხვედრა რომ მქონდა, ერთმა კაცმა მითხრა, აი, ყველაფერი გასაგებია, ბიძიკო, საქართველოში რაც ხდება, მარა, იგი მითხარი ახლა შენ, ტრამპი რას იზამს, მოიგებს თუ ვერ მოიგებს არჩევნებსო. მე ვუთხარი, მიუხედავად ბოლო გამოკითხვებისა, მაინც მგონია, რომ ტრამპი კიდევ ერთხელ გახდება პრეზიდენტი-მეთქი. მომიბრუნდა და მკითხა, გვაწყობს მერე მაი ჩვენ, „დემოკრატები“ არ არიენ უკეთესი საქართველოზაო?! და იქ იყო კამათი ამერიკის „რესპუბლიკელები“ და „დემოკრატები“, ბაიდენი და ტრამპი, რომელი უფრო გამოადგება საქართველოს!... ჩვეულებრივად,  პოლიტოლოგებივით და ექსპერტებივით, მათზე უკეთესად მსჯელობენ ამის შესახებ! ყველაფერს კითხულობენ, წაკითხული აქვთ კონგრესმენების, სენატორების, ევროპარლამენტარების წერილები. საოცარი ხალხია გურულები და საოცრებები ხდება აქ. რამ შეიძლება გადაარჩინოს გურია ხშირად ვფიქრობთ, რამ შეიძლება გადაარჩინოს გურია, გურიის ეკონომიკა და დეტალურად განვიხილავთ ხოლმე ძირითად მიმართულებებს _ სოფლის მეურნეობას და ტურიზმს, განსაკუთრებით, ეთნოტურიზმს. ჩემს ამერიკელ მეგობარს დაბადების დღის მისალოცად გურული მრავალჟამიერი რომ გავუგზავნე, მკითხა, რომელი პროგრამაა კომპიუტერის, რომელიც ხმებს ასე ალაგებსო. მე ვუთხარი, ეს არავითარი პროგრამა არაა, სამი ადამიანი დგას და მღერის-მეთქი და დამატებით გავუგზავნე კრიმანჭული. ძლივს დავაჯერე, რომ  ასეთი ხმა შეიძლება ადამიანის პირიდან ამოვიდეს და მაშინ მითხრა, რომ 2020 წლის ზაფხულს მე ვატარებ იმ კუთხეში, სადაც ასე მღერის ხალხიო; გეგმებს ვაწყობდი, გურიაში სად და როგორ უნდა წამეყვანა, რომ არა ეს კორონავირუსი... და ეს ჩემი მეგობარი არაა ერთადერთი _ ძალიან ბევრი ადამიანია, რომელსაც უნდა ეს ყველაფერი საკუთარი თვალით ნახოს. მითუმეტეს, რომ ერთმანეთთან ასე ახლოსაა ზღვა და მთა. ასეთი შესაძლებლობები როცა აქვს კუთხეს, იქ არ შეიძლება უპერსპექტივობაზე ვილაპარაკოთ და ოპტიმისტურად არ ვიყოთ განწყობილი, თუ ნორმალური ადგილობრივი და ცენტრალური ხელისუფლება ეყოლება. ძალიან ბევრი რესურსი აქვს გურიას და ძალიან ბევრი რამის გაკეთება შეიძლება. მითუმეტეს, როცა ვიცი კონკრეტულად რამდენი ფულია წყალში გადაყრილი, რამდენი მილიონია დახარჯული შიდა გზებზე _ კოხნარის გზა 2019 წლის ივნისში ჩააბარეს, წყალგაყვანილობის სამუშაოები დაასრულეს, მაგრამ წყალი მაინც არ აქვთ. ბუკისციხის გზაზე 3 თვეში გაბიონები ჩამოინგრა და 750 000 ლარი წყალშია გადაყრილი. ეს ყველაფერი _ გაფუჭებული და ვერშესრულებული სამუშაოები მილიონებზე ადის. ამას ემატება ზღვისპირა ზოლი, სადაც 1კვმ მიწის რეალური ფასი, მინიმუმ, 20 დოლარია, შავი ზღვის არენის მოპირდაპირედ კი მიწა 30 თეთრად გაიყიდა. “კაპროვანში“ 49 000 კვმ მიწა მუნიციპალიტეტმა გაყიდა  2ლარად და 60 თეთრად. იმიტომ, რომ შავი ზღვის არენის მოპირდაპირე მხარეს 30 თეთრად რომ გაიყიდა, აუქციონში ერთადერთი მონაწილე იყო ოზურგეთის ქონების მართვის სამსახურის უფროსი მერაბ წივწივაძე. მეორე _  კაპროვანში 49 000 კვმ-ის ნახევარი გურიის გუბერნატორის მოადგილის, ქეთევან მოისწრაფიშვილის მამამ და ძმამ შეიძინა. მარტო ამ ორი მაგალითიდან, ოზურგეთის მუნიციპალიტეტის ბიუჯეტში, ნაცვლად 130 000-ისა, უნდა შესულიყო 10 მილიონი. ეს აუდიტის დასკვნაში წერია. ჩვენ რომ ნორმალური სახელმწიფო გვქონდეს, ამაზე რეაგირება ხომ უნდა მომხდარიყო, როცა სახელმწიფომ იზარალა მილიონობით ლარი?! მაგრამ რეაქცია როგორ ექნებათ, როცა, როგორც იქცევიან ცენტრალურ ხელისუფლებაში, ზუსტად იგივე ხდება ადგილობრივ ხელისუფლებაში. ვერავინ ვერ გამოიშვერს თითს აქეთ, რეგიონისკენ, იმიტომ, რომ თითონაც იმავეს აკეთებენ! წარმოიდგინეთ, მილიონნახევარი მოიგო კომპანიამ გზის გასაკეთებლად. ადგილობრივმა აუდიტმა სამუშაოები რომ ჩაიბარა, უთხრა, 220 000 ლარის სამუშაოები სად წაიღე, არ ჩანს, გამქრალია, 300 000 კიდევ უხარისხოდაა შესრულებულიო. ანუ იმ მილიონ ნახევრიდან ნახევარი მილიონი სად წავიდა, არავინ იცის. აი, ეს დაწერა ოფიციალურმა სტრუქტურამ, მერიის შიდა აუდიტის სამსახურმა და რა მოხდა  ამის მერე?!  ერთ კვირაში იმავე კომპანიამ ახალი ტენდერი მოიგო, მერე მეორე, მესამე, სულ 5 ტენდერი აქვს მოგებული და რატომ? იმიტომ, რომ ყველა ტენდერის მერე, 60 000 ლარს სწირავს „ქართულ ოცნებას“. უნდა შეიცვალოს, ეს ნეპოტიზმი, კორუფცია, ბიძაშვილ-მამიდაშვილობა... სანამ ამას არ ეშველება, არაფერს ეშველება. და თუ ეშველა, სამუშაო ადგილებიც იქნება, შემოსავალიც და კონკურენციაც. “შეცვალეთ!“ შეხვედრებზე სულ მეუბნებიან: შეცვალეთ თუ _მოქმედება, თუ _ ადამიანი. მარტო ვერავის და ვერაფერს შევცვლი, ეს ერთად უნდა შევცვალოთ. ყველა არჩევნები ძალიან კარგად მახსოვს, მაგრამ ასე ღიად და საჯაროდ ადამიანი გამოდიოდეს და გთხოვდეს არსებულის შეცვლას, ვერ ვიხსენებ... ჩვენ გვაქვს ისტორიული შანსი, რომ დამთავრდეს (ვინც არ უნდა იყოს) ერთი კაცის მმართველობა. წარმოიდგინეთ, მარტო ადამიანი ოჯახშიც ვერ მიიღებს სწორ გადაწყვეტილებას. როგორც კი გადაწყვეტილების მიღების პროცესში ბევრია ჩართული, ბევრის მოსაზრებაა გათვალისწინეებული, შედეგიც ბევრად უფრო გამართული და სწორი გამოდის. საუბრისას ყველა ძალიან მარტივად წარმოიდგენს და ხვდება, რომ ამ მდგომარეობიდან გამოსავალი კოალიციური მთავრობაა, რომელიც უნდა შედგეს 2020 წლის 31 ოქტომბრის შემდეგ. მნიშვნელოვანი კანონპროექტების ავტორი დეპუტატი გავხდი 2004 წელს; მანამდე ვიყავი პარლამენტის აპარატის უფროსი. არასოდეს დამითვლია და არც დავითვლი კონკრეტულად რამდენ ადამიანს დავხმარებივარ. შემიძლია ვიამაყო, რომ სამსახურში ძალიან მაღალი კვალიფიციური კადრების პირდაპირი მნიშვნელობით ქუჩიდან მოსვლას შევუწყვე ხელი. ისინი არიან ყველგან _ დაწყებული საკონსტიტუციო და უზენაესი სასამართლოებიდან, დამთავრებული _ სამინისტროებით. მეამაყება, რომ ვარ რამდენიმე კარგი კანონპროექტის და ზოგი- კანონის ავტორი; მაგალითად, დღეს რომ დეკლარაციები არსებობს და ნებისმიერ ადამიანს შეუძლია გაიგოს თანამდებობის პირის ყველანაირი შემოსავალი და ქონება, მე ვარ ამ კანონის ავტორი. ვამაყობ სადეკრეტო შვებულების შესახებ კანონით; შეზღუდვები რომ მოიხსნა და მშობიარობის შემდეგ ქალებს რომ ანაზღაურებადი დეკრეტული შვებულება აქვთ, დღეების რაოდენობა რომ გაეზარდათ, ამ ყველაფრის ავტორი მე ვარ. თუმცა, მისი გატანა მარტივი არ ყოფილა _ დამატებითი ხარჯების გაღებაზე იყო საუბარი და ყველა მეწინააღმდეგებოდა. ბევრი რამ შეიძლება ჩამოვთვალო, მაგრამ ყველაზე მნიშვნელოვნად მაინც ეს მიმაჩნა  _ ღია და საჯარო გავხადე სახელმწიფო მოსამსახურეების, ჩინოვნიკების ქონება ფინანსური და ქონებრივი დეკლარაციების თვალსაზრისით და ქალებს დეკრეტულ პერიოდში მეტი შეღავათები აქვთ. რატომ გურია და რატომ ახლა ეს ყველაფერი რამდენიმე მიზეზიდან გამომდინარეობს.  პირველი, 2020 წლის 31 ოქტომბრის არჩევნები არ არის ჩვეულებრივი არჩევნები; ესაა რეფერენდუმი _ გვინდა თუ არა, ჩვენი ქვეყანა სახელმწიფოს დაემსგავსოს. ცვლილება არ გულისხმობს მხოლოდ ეკონომიკურ, საგადასახადო კოდექსში ცვლილებებს. ვუყურებ როგორი უთავმოყვარეო პოლიტიკა აქვს ჩვენს ხელისუფლებას ოკუპანტი რუსეთის მიმართ, ჩემთვის, არა როგორც პოლიტიკოსისთვის, არამედ ერთი რიგითი მოქალაქისთვის, ეს ძალიან შეურაცხმყოფელია. პირდაპირ რუსეთის დაკვეთაა მაგალითად “კარტოგრაფების საქმე“და ამ სცენარს ჩვენი ხელისუფლება აღასრულებს.  ბიძინა ივანიშვილმა თქვა, საქართველო პატარა სოფელია და იგი არ უნდა გახდეს მიზეზი ევროპასა და რუსეთს შორის დაპირისპირებისო. რუსეთისთვის პრობლემის არშექმნა არის ამ ხელისუფლების ძირითადი მიმართულება და ეს ჩემთვის მიუღებელია. ყველამ გააცნობიერა, რომ სასიცოცხლოდ მნიშვნელოვანია ცვლილება და ამის შედეგი იყო უპრეცენდენტო ერთობა, რომელიც მთელი 6-7 თვის განმავლობაში ჩამოყალიბდა ლეიბორისტული პარტიის ოფისში შეკრებებისას. აქედან გამომდინარე, მე ჩემს ცხოვრებაში პირველად მივიღე გადაწყვეტილება, რომ ვყოფილიყავი მჟორიტარი და თუ სადმე მაჟორიტარი ვიქნებოდი, აუცილებლად გურიაში _ გურია არის ჩემი სამშობლო, ჩემი წინაპრების სამშობლო. ამასთან, მე არ ვარ „ერთი კინკილა“ პოლიტიკოსი _ „ევროპული საქართველოს“ გუნდის წევრი ვარ, რომელსაც აქვს ძალიან დიდი გამოცდილება. რომელმაც ზუსტად იცის, რა უნდა გააკეთოს, როგორ უშველოს ეკონომიკას და როგორ შეიძლება საგარეო პოლიტიკა იყოს თანმიმდევრული, მშვიდობიანი, მაგრამ ამავდროულად, პრინციპული. ჩვენ შეგვიძლია ახალი ინვესტიციების და ახალი შესაძლებლობების მოზიდვა ქართული ეკონომიკისთვის. მაგალითად, შესაძლებელია მოიძებნოს ინვესტორი, რომელიც აღადგენს სოფელ მერიის აეროპორტს და იქ იქნება სატრანსპორტო ტერმინალი; თუ ქუთაისისა და ბათუმის აეროპორტები სამგზავროა, სატვირთო აეროპორტის არსებობა დასავლეთ საქართველოში, მხოლოდ გურიისთვისაა შესაძლებელი. ამას მოჰყვება სხვა ინფრასტრუქტურული პროექტებიც. ის, რომ ამ გუნდის წევრი ვარ ძალიან დიდ სტიმულს მაძლევს, რომ ვიყო „ევროპული საქართველოს“ მაჟორიტარი და რატომ „ევროპული საქართველო“? _ იმიტომ, რომ საქართველოა ევროპული! ... ...
  • „ნაციონალური მოძრაობის“ წევრები და მხარდამჭერები მსვლელობას მართავენ„დავემშვიდობოთ ბიძინას“ - ამ მოწოდებით „ერთიანი ნაციონალური მოძრაობის“ წევრები და მხარდამჭერები რესპუბლიკის მოედნიდან თავისუფლების მოედნის მიმართულებით მსვლელობას მართავენ. „ნაციონალური მოძრაობის“ მიერ ორგანიზებულ აქციას მხარდამჭერები რეგიონებიდანაც შეუერთდნენ. მსვლელობა თავისუფლების მოედანზე დასრულდება, სადაც სცენაა მოწყობილი. მხარდამჭერებს მოგვიანებით სიტყვით პარტიის ლიდერები მიმართავენ. „დღეს არის ბოლო შემაჯამებელი აქცია და ბიძინა ივანიშვილს კიდევ ერთხელ დავუმტკიცებთ, რომ ვართ ბევრნი და მისი ხელისუფლება 31ოქტომბრის არჩევნებზე დამარცხდება“, - აცხადებენ აქციის ... ...

არქივი

ტესტები

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...