"უთვალავ საქმეთაგან, სახარების გადაწერაა შვება"

კარმიდამო ჩემი

"უთვალავ საქმეთაგან, სახარების გადაწერაა შვება"

2018 ივნ 8 12:01:04

ჩვენი სტატიის გმირი მრავალმხრივი ნიჭით დაჯილდოებული ტიპიური გურული, წარმოსადეგი, განათლებული და მრავალი პროფესიის მქონე მიხეილ კალანდაძეა. ისე წყნარად და უბრალოდ გვესაუბრება, გეჩვენება, რომ ამ თავმდაბლობის მიღმა, ბავშვური სამყაროს ნამდვილობაში დარჩენილი კაცი დგას. საკუთარ თავზე საუბარს აშკარად უფრთხის... მშობლიურ ჩოხატაურში შინაურები და მეგობრები მიხოს ეძახიან. მხატვარი, მონადირე, ხელოვნების რანგში აყვანილი სადურგლო ოსტატობის მცოდნე, სამეურნეო საქმიანობის ლიდერი, იუმორის დიდი გრძნობის მქონე _ ეს ყველაფერი მაღალი ხარისხით შეუზავებია ბუნებას მასში და საპირწონედ მისი თავმდაბლობა შეუშველებია.

მიხეილ კალანდაძეს საუბარი მოკრძალებული აქვს _ ყველაზე ძალიან თავს მშვიდად და ბედნიერად იმიტომ გრძნობს, რომ მაშინ, როცა სტიქაროსანი იყო, სამების ტაძრისთვის სახარების გადაწერა იტვირთა და შეასრულა კიდეც, რაც პატრიარქს ძალიან მოსწონებია.

_ ახლა ჩოხატაურის საკათედრო ტაძარში დევს და თავს ბედნიერად ვგრძნობ. ბევრი რამ მიკეთებია, მაგრამ ასეთი შრომატევადი და საპასუხისმგებლო სხვა არაფერი გამიკეთებია.  უთვალავ საქმეთაგან, სახარების გადაწერაა შვება. მთავარია, მე რაც მინდოდა, ის გავაკეთე. სულ არ მაინტერესებს, იცის თუ არა ეს ვინმემ. მე ამით ვარ ბედნიერი, _ გვეუბნება ის და საკუთარი შემოქმედებიდან მისივე შესრულებულ პატრიარქის სურათს გვაჩვენებს.

დარბაზში გამოფენილ ფოტოებს ოსტატის ორიგინალური ხელწერა ატყვია. ავტოპორტრეტი ახალგაზრდობის დროინდელია; როგორც თავად ამბობს, ზამთრის სურათი მისთვის ერთ-ერთი სულისმიერია; სხვადასხვა ნატურმორტი განწყობის მიხედვით არის შექმნილი. ამბობს, რომ პირველი სურათი 1986 წელს დახატა, როცა სამხატვრო აკადემიაში ჩაბარება სცადა. საკუთარ თავს მხატვარს არ უწოდებს _ ხატვის მხოლოდ ტექნიკა მაინტერესებდაო, ამბობს და აკადემიაში როცა ვერ მოხვდა, ხატვა მაინც გააგრძელა. ასამდე ხარისხიანი ნამუშევარი აქვს და ძალიან უფრთხილდება, განსაკუთრებით პატრიარქის სურათს.

მონადირე მიხეილ კალანდაძე უსაყვარლესი ძაღლების და სანადირო თოფების კოლექციის პატრონია.

უსაზღვროდ კანონმორჩილია _ თითოეული იარაღი აღრიცხული აქვს, სანადიროდ მხოლოდ სეზონზე მიდის და ხშირად ისე შერჩენია ბუნების იდუმალებას, შინ ხელცარიელი დაბრუნებულა. მეგობარი ძაღლები _ რიჩი და ბიანა, კიკი და ჯერი ოჯახის ისეთივე წევრები არიან, როგორც ადამიანები.

_ თოფების კოლექციის შეგროვება, ბოლო ორი წელია, რაც დავიწყე. ნადირობა და გარემოში სიარული, ჩემთვის უფრო სპორტული ჟინია და არა კონკრეტულად ნადირ-ფრინველების ხოცვა. ისე, დათვს რომ მოკლავ, ისეთი თოფიც მაქვს, _ გვეუბნება და გვაჩვენებს კიდეც.

რომანტიკული ბუნების კაცი, აშკარაა, ძალზე პრაგმატული და თავისთავადია სამეურნეო და სადურგლო საქმიანობაში. ყველა საქმე, ლამის, ხელოვნების რანგში აქვს აყვანილი.

ინდმეწარმის ტიტულს 15 წელია ფლობს და სხვადასხვა ავეჯის დამზადებაში, როგორც კარგ პროფესიონალს, სახელიც შორს აქვს გავარდნილი და სხვადასხვა რეგიონებიდანაც ხშირად აწუხებენ.

_ ეს საქმე, დიდი ხნის წინ დავიწყე. პარალელურად ეკლესიაშიც დავდიოდი და ჩემში სულიერების და შემოქმედებითი საქმიანობის რაღაცნაირი ტანდემი შეიქმნა. პოლიტიკა არასდროს მიყვარდა, არასდროს არ ვყოფილვარ რომელიმე პოლიტიკოსის მოტრფიალე. სულ საკუთარი საქმიანობით, მეგობრებით და ოჯახით ვიყავი დაკავებული. მტკიცედ მჯერა ერთი რამ _ ადამიანმა ყველაფერი სასიკეთოდ და მაქსიმალურად უნდა აკეთო _ უფალი აუცილებლად დაგიფასებს. ღმერთი ხელს უწყობს გულწრფელ და მშრომელ ადამიანს. მე სასწაულებისაც მჯერა ამ მხრივ. ბოლო 15 წელია, ავეჯის დამზადებაზე სტაბილურად ვმუშაობ. ამით მილიონერი ვერ გახდები, მაგრამ ხომ გაგიგონიათ, "კაცი უნდა ეყოს ჯამაგირსო" და მეც ასე ვარ. არ ვემდური ჩემს ხელობას, _ ამბობს ბატონი მიხეილი.

ყველაზე შრომატევადი სამეურნეო საქმიანობა კალანდაძეებში მებოცვრეობაა. კურდღლების ფერმა, რომელიც საკმაოდ დიდია, ოჯახისთვის საიმედო მცირე ბიზნესია. როგორც მიხეილი ამბობს, ამ საქმეს მამიდა განაგებს.

_ ქალბატონი რუსუდან კალანდაძე, მამიდაჩემი, რომელიც ჩვენთან ცხოვრობს, ბოცვრების სული და გულია. ბოცვერს ძალზე ბალანსირებული კვება და სისუფთავე სჭირდება. მშვენიერი ბიზნესია. თუ მოზრდილი რაოდენობით გყავს, კარგია. რა თქმა უნდა, ყველა ვართ ჩართული საოჯახო საქმიანობაში, თუმცა, მთავარი მამიდაა, _ ასე გაგვაცნო მან მშრომელი ქალბატონი, რომელიც სათუთად მოვლილ და დასუფთავებულ გალიების გასწვრივ მიგვიძღვება და ბაჭიებზე გვესაუბრება. ბავშვივით მზრუნველობა სჭირდება ამ კურდღლებსაც. ძალიან მიყვარს სამეურნეო საქმიანობა. ჩემი მიხო ქვეყნიერებას მირჩევნია და მისთვის შეუძლებელს შევძლებო, ამბობს.

_ მებოცვრეობა ექვსი წლის წინ დავიწყეთ. თავიდან შვიდი ცალი შევიძინე. მერე ნელ-ნელა ბინაც მოვუწყვე. მოზრდილი შენობის გაკეთება აუცილებელი იყო ფერმისთვის. დავიწყე გალიების დამზადება. საამისოდ წვრილი მავთულბადეები შევიძინე. გამზადებული გალიების ყიდვა საკმაოდ ხარჯიანი იქნებოდა და ასე ამიტომ გადავწყვიტე. ყველა გალია ჩემი ხელითაა გაკეთებული. როცა საქმე დაიძრა, ორი წელი დამჭირდა, რომ ამომეღო ის, რაც დავხარჯე. კილოგრამს 14-15 ლარად იბარებენ. ბაზარზე მოთხოვნა არის. ისე კი ვურჩევ ყველას, დაინტერესდნენ და ამ საქმეს მოკიდონ ხელი. მე როცა დავიწყე, ძნელი იყო _ ირგვლივ არავინ მყავდა, რომ მეკითხა მოვლის წესების შესახებ. ბევრი ისეთია, რომც იცოდეს, არ გასწავლის. მე მზად ვარ, ბოცვრის მოშენების ყველა მსურველს დავეხმარო, _ გვირჩევს ჩვენი მეურნე მკითხველებისთვის მიხეილ კალანდაძე.

 ბოცვრების ფერმაში საუკეთესო ჯიშების წარმომადგენლები ნაბავენ თვალებს: "თეთრი გოლიათი", "კალიფორნიული", "პეპელა", "ჩვეულებრივი ჩვენებური შინშილა."

ჩვენი მასპინძელი ყურადღებას ამახვილებს ბოცვრების კვებაზე, რომლის რაციონიდან საერთოდ ამოიღო ბალახი. ყიდულობს საკვებ მასალას და თავად აკეთებს გრანულს: "რაც მთავარია, ბოცვერს სუფთად კვება და ყოფნა უყვარს. დაავადება იშვიათად ემართება. ის ძალზე სწრაფად მრავლდება. გასაღება მაშინ არის ძნელი, თუ ცოტა გყავს. 80-100 ცალის ჩაბარებას თუ შეძლებ, მყიდველი სულ იქნება", _ გვიამბობს ის საკუთარი გამოცდილებიდან გამომდინარე.

მიხეილ კალანდაძის მეუღლე, ირმა ჯიბუტი ჩოხატაურის სასულიერო გიმნაზიის ხელმძღვანელია. ახალგაზრდობისას ერთმანეთი ეკლესიაში გაიცნეს. საკარმიდამოს "ირმას ბაღი" ამშვენებს. შვილი, რაფაელ კალანდაძე სტუდენტია და მამას კვალში უდგას _ უყვარს სპორტი, ნადირობა, მოგზაურობა და რა თქმა უნდა შრომა, რის თაყვანისცემაც ოჯახში პატარაობიდან ახსოვს.

მშობლები არნოლდ კალანდაძე და პელაგია სიხარულიძე ხშირად ასეირნებენ ძაღლებს, რომელთაც ნადირობისთვის მზადყოფნა, როგორც წესი, სულ უნდა გააჩნდეთ.

_ მამაჩემია ჩემი მონადირე ძაღლების "სალამურა". მიჰყავს, ასეირნებს და მერე მოჰყავს. დანარჩენ დროს თავის სპეციალურ სადგომში არიან. ეზოში არ ვუშვებ, _ გვეუბნება ის.

_ სალამურა ახსენეთ და ხომ არ უკრავთ და მღერით? _ დამშვიდობებისას უნებლიედ ვკითხე. კი, გიტარაზე ვუკრავ და ვმღერიო, თითქოს, სხვათა შორის თქვა...

გასაკვირი არაა, ერთი ხუმრობის არ იყოს, გიტარასავით აწყობილი საქმეების კაცი, მღეროდეს.

ჯანმრთელობას, და კვლავ მრავალმხრივ წარმატებულ საქმიანობას ვუსურვებთ ჩვენს სამაგალითო მასპინძელს!




 ახალი ამბები
  • კორონავირუსი_ რა რეკომენდაციებს აძლევს განათლების სამინისტრო სკოლებს საქართველოს განათლების, მეცნიერების, კულტურისა და სპორტის სამინისტრო აცხადებს, რომ საქართველოში კორონავირუსის დაფიქსირების მიუხედავად, არც საერთაშორისო სტანდარტითა და არც ჯანდაცვის რეკომენდაციებით,  დღეის მდგომარეობით,  სწავლის შეწყვეტის საფუძველი არ არსებობს. ამის მიუხედავად, პრევენციისა და რისკის ეფექტიანი მართვის მიზნით, საქართველოს განათლების, მეცნიერების, კულტურისა და სპორტის სამინისტრო სკოლებში სანიტარულ ნორმებს ამკაცრებს. კერძოდ, მოსწავლეთა ჯანმრთელობის, სასწავლო პროცესის ეფექტურობისა და სკოლებში ჯანმრთელი გარემოს შესაქმნელად, საქართველოს განათლების, მეცნიერების, კულტურისა და სპორტის სამინისტროს მიერ სანიტარიისა და ჰიგიენის ნორმების დასაცავად სკოლებში მოთხოვნები კიდევ უფრო გაიზრდება. შესაბამისად, ადგილობრივი საგანმანათლებლო რესურსცენტრების მიერ სკოლების მონიტორინგის პროცესი უფრო ინტენსიური გახდება, რათა თავიდან იქნას აცილებული ნებისმიერი გართულება. ამ მიზნით სამინისტრო სკოლების ადმინისტრაციას კიდევ ერთხელ მოუწოდებს, სანიტარულ-ჰიგიენური პირობების დაცვა სკოლებში სათანადოდ უზრუნველყონ, რისთვისაც აუცილებელია დაიცვან შემდეგი პირობები: სკოლა ყოველდღიურად დალაგდეს სველი წესით; საკლასო ოთახების, სხვა სასწავლო და დამხმარე ოთახების დალაგება გაკვეთილების დამთავრების შემდეგ მოხდეს გაღებული ფანჯრებისა და ფრამუგების მდგომარეობაში. ორი ცვლის შემთხვევაში, დალაგდეს 2-ჯერ; ჩატარდეს შენობის გენერალური დასუფთავება როგორც სარეცხი, ასევე სადეზინფექციო საშუალებებით; ტუალეტები, ბუფეტი, სასადილო და სამედიცინო კაბინეტი დასუფთავდეს სადეზინფექციო საშუალებებით; სანიტარულ-ტექნიკური აღჭურვილობის დასუფთავება მოხდეს ყოველდღიურად. უნიტაზის დასაჯდომი ჩასარეცხი ავზის სახელურები და კარების სახელურები გაირიცხოს ცხელი წყლითა და სადეზინფექციო საშუალებების გამოყენებით; სასადილოს დასუფთავება მოხდეს ყოველი საუზმე, სადილისა და სამხარის შემდეგ; მაგიდები და ჭურჭელი გაირეცხოს სპეციალური ხსნარებით; დეზინფექციის დროს ძირითადი ყურადღება უნდა მიექცეს იმ ნივთების დამუშავებას, რომლებიც გადამწყვეტ როლს თამაშობენ ინფექციის გადაცემაში (კარის სახელურები, კარები, მაგიდის ზედაპირები); ჰაერ-წვეთოვანი ინფექციის დროს ხშირად განიავდეს კლასები, ოთახები გაიწმინდოს მტვრისაგან, დასუფთავდეს სველი წესით; სკოლის ადმინისტრაციის მიერ დადგინდეს ტუალეტების დასუფთავების წესები, პერიოდულობა, დასუფთავებისათვის განკუთვნილი ინვენტარისა და გამოყენებული ჰიგიენური საშუალებების ნუსხა; ნაგვის ყუთების გაცლა მოხდეს მათი 2/3-ზე გავსებისას. გაცლის შემდეგ ნაგვის შემკრებებს ჩაუტარდეს დეზინფექცია; სკოლის ტერიტორიაზე არ დაიშვას უმეთვალყურეო ცხოველები; სკოლაში უზრუნველყოფილი იყოს ნახმარი წყლების მოცილება/არინება და სეპტიკური ავზების დაცლა დროულად და უსაფრთხოდ; სკოლის ადმინისტრაციის ორგანიზებით, სპეციალიზებული სამსახურის მეშვეობით, ჩატარდეს ნარჩენების კონტეინერების განთავსების ადგილის, ასევე საწყობებისა და სარდაფების პერიოდული დამუშავება. აქვე უნდა აღინიშნოს, რომ სამინისტრო სრულადაა ჩართული უწყებათაშორის საკოორდინაციო საბჭოს მუშაობაში და იმ შემთხვევაში, თუ რაიმე სახით ვირუსის გავრცელების საფრთხე გამწვავდება, სასწავლო პროცესთან დაკავშირებით მიღებული იქნება შესაბამისი გადაწყვეტილება. ... ...
  • მიწის რეგისტრაცია საქართველოს მოქალაქეებს კიდევ უფრო მარტივად შეუძლიათ2020 წლის 1 იანვრიდან ამოქმედებულ საკანონმდებლო ცვლილებებს ბათუმის, ხელვაჩაურის, შუახევის, ხულოს, ქობულეთის, ქედას, ოზურგეთის, ჩოხატაურისა და ლანჩხუთის მუნიციპალიტეტების საკრებულოებისა და მერიის თანამშრომლები, თვითნებურად დაკავებულ მიწაზე საკუთრების უფლების აღიარების კომისიების წევრები და მიწის რეგისტრაციის საკითხებით დაინტერესებული პირები გაეცნენ. საინფორმაციო შეხვედრებს საჯარო რეესტრის იურიდიული დეპარტამენტის, ქონების რეგისტრაციისა და გეოდეზია-გეოინფორმაციის სამსახურების თანამშრომლები საქართველოს მასშტაბით სხვადასხვა მუნიციპალიტეტებში ეტაპობრივად ახორციელებენ. ცვლილებების თანახმად , 2020 წლის 1 იანვრიდან მიწის რეგისტრაცია საქართველოს მოქალაქეებს კიდევ უფრო მარტივად შეუძლიათ. მიწის რეგისტრაციის რეფორმის ფარგლებში დადგენილი რეგისტრაციის გამარტივებული წესი, რომელიც 2020 წლის 1 იანვრამდე მოქმედებდა, გახდა მიწაზე საკუთრების უფლების რეგისტრაციის ზოგადი წესი და იმოქმედებს უვადოდ. რეგისტრაცია კვლავინდებურად წარმოებს ორი სახით: სპორადული და სისტემური წესით. როგორც სპორადული, ისე სისტემური რეგისტრაციის ფარგლებში:  -   გაფართოვდა უფლების დამადასტურებელი დოკუმენტების ლეგალიზების საფუძვლები. ეს იმას ნიშნავს, რომ დოკუმენტებით, რომლებითაც მიწის რეგისტრაცია შესაძლებელი არ იყო, მოქალაქეები მიწის დარეგისტრირებას შეძლებენ.  მაგალითად, მიღება-ჩაბარების აქტი ან მებაღის წიგნაკი კანონმდებლობის მოთხოვნათა დაცვით შედგენილად ჩაითვლება, თუ მასში არ არის მითითებული დოკუმენტის გაცემის წელი; -   კიდევ უფრო გამარტივდა ფორმის დაუცველად დადებული გარიგებების საფუძველზე უფლებათა რეგისტრაციის წესი. შესაბამისად, ამგვარი გარიგების საფუძველზე მიწის რეგისტრაციას მეტი მოქალაქე შეძლებს. კერძოდ, რეგისტრაცია შესაძლებელი ხდება დოკუმენტის ასლის საფუძველზე, თუკი ასლი დაცულია ეროვნულ არქივში, საჯარო რეესტრში ან სხვა ადმინისტრაციული ორგანოს არქივში;  -   გამარტივდა საკუთრების უფლების რეგისტრაცია საკარმიდამო მიწის ნაკვეთებზე. იმ შემთხვევაში, თუ საკარმიდამო მიწის ნაკვეთზე არ იძებნება უფლების დამადასტურებელი დოკუმენტი, საკუთრების უფლების რეგისტრაცია შესაძლებელი იქნება მუნიციპალიტეტის მიერ გაცემული ცნობით; -   შესაძლებელი გახდა საკუთრების უფლების რეგისტრაცია იმ კომლების (ოჯახების) მფლობელობაში არსებულ მიწის ნაკვეთებზე, რომლებიც აღრიცხულნი არიან საკომლო წიგნებში, მაგრამ საკომლო წიგნში  მათი ქონებრივი მდგომარეობის შესახებ ინფორმაცია შევსებული არ არის.   ამგვარი მიწის რეგისტრაცია არ იყო შესაძლებელი. ასეთი შემთხვევებისთვის კანონით დგინდება ფაქტობრივად დაკავებული მიწის ნაკვეთის მაქსიმალური ზღვრული ნორმა − 0,75 ჰა, რაც, სხვადასხვა მუნიციპალიტეტის საკომლო წიგნების ანალიზის საფუძველზე, საოჯახო მეურნეობებისთვის გამოყოფილი მიწის ოდენობების საშუალო მაჩვენებელია. გარდა ამისა, სისტემური რეგისტრაციის შემთხვევაში: -   რეგიონს, სადაც სისტემური რეგისტრაცია განხორციელდება, განსაზღვრავს იუსტიციის მინისტრი საჭიროებისა და სახელმწიფო ინტერესიდან გამომდინარე;  -   აზომვითი სამუშაოების ზუსტად ჩატარების მიზნით, იმისათვის, რომ თითოეული მესაკუთრის უფლება სრულად იქნეს დაცული, პროექტის ფარგლებში საკადასტრო სამუშაოების ჩატარება შეეძლებათ მხოლოდ აკრედიტებული სუბიექტის მიერ სერტიფიცირებულ პირებს;  -   მიწის ნაკვეთის და მიწის ნაკვეთის საკადასტრო ნახაზზე ასახული მიწის ნაკვეთის იდენტურობა, ნაცვლად მუნიციპალიტეტის წარმომადგენლისა, დადგინდება სააგენტოს მიერ;  -  თვითნებურად დაკავებულ მიწაზე საკუთრების უფლებას სააგენტო აღიარებს; სააგენტო საკუთრების უფლებას აღიარებს თვითნებურად დაკავებულ ისეთ სათიბ, სახნავ ან საკარმიდამო მიწის ნაკვეთებზეც, რომლებზეც განთავსებული არ არის შენობა-ნაგებობა ან ისინი არ წარმოადგენს საკუთრებაში არსებული მიწის ნაკვეთის მომიჯნავე მიწის ნაკვეთებს. სპორადული რეგისტრაციის ფარგლებში: -  თუკი სარეგისტრაციოდ წარმოდგენილ მიწის ნაკვეთზე დაინტერესებული პირის უფლება ვერ დადასტურდება, საჯარო რეესტრი განსაზღვრავს, რამდენად ექვემდებარება საკუთრების უფლება აღიარებას და მხოლოდ დადებითი პასუხის შემთხვევაში გადაუგზავნის საქმეს მუნიციპალიტეტის საკუთრების უფლების აღიარების კომისიას, რაც განტვირთვას კომისიებს საქმეებისაგან და დააჩქარებს განხილვის პროცესს; -   შეიცვალა აღიარების კომისიების მიერ სააგენტოდან გადაგზავნილი საქმეების განხილვის ვადა და ის განისაზღვრება 3 თვით. პასუხის გაუცემლობა ჩაითვლება მოთხოვნის დაკმაყოფილებაზე უარის თქმად და გასაჩივრდება კანონმდებლობით დადგენილი წესით. ცვლილება მნიშვნელოვანია იმის გათვალისწინებით, რომ აღიარების კომისიაში საქმეების განხილვის ხანგრძლივობა და გაჭიანურება დღეს მოქმედი რეგულაციის ერთ-ერთი გამოწვევაა; -   გაფართოვდა მიწის მფლობელობის დამადასტურებელი დოკუმენტის ცნება. მათ შორის, თუკი ასეთ დოკუმენტად მიიჩნეოდა  ტექნიკური ინვენტარიზაციის არქივში აღრიცხული, 1994 წლამდე თვითნებურად დაკავებული მიწა, ახალი რეგულაციით ეს წესი გავრცელდება 2004 წლის 4 ოქტომბრამდე თვითნებურად დაკავებულ მიწებზე, რაც მიწის დაკანონებას გაუადვილებს მოქალაქეებს, რომლებიც მიწის ნაკვეთებს 1995 წლიდან ფლობენ. აღსანიშნავია, რომ არც სპორადული და არც სისტემური რეგისტრაციის შემთხვევაში, 2021 წლის პირველ იანვრამდე მიწის დაკანონება არ მოახდენს გავლენას იმ ოჯახების სარეიტინგო ქულებზე, რომლებიც იღებენ სოციალურ დახმარებას და სარგებლობენ სხვადასხვა შეღავათებით. შესაბამისად, ასეთ ოჯახებს შეუნარჩუნდებათ სოციალური დახმარება და ყველა შეღავათი, რითაც მიწის რეგისტრაციამდე სარგებლობდნენ.  კანონის ფარგლებში, 2022 წლის 1 იანვრამდე დოკუმენტაციის მოძიება და სისტემატიზაცია, გარიგებაზე მხარეთა ხელმოწერების დამოწმება, სანოტარო მედიაცია, მიწის ნაკვეთზე საკუთრების უფლების აღიარება, ფაქტების კონსტატაცია უსასყიდლოდ, საზღაურის გარეშე შესრულდება, ხოლო მიწის ნაკვეთზე საკუთრების უფლება და მასში ცვლილება სააგენტოს მიერ გაწეული მომსახურების საფასურის გადახდის გარეშე დარეგისტრირდება. ამასთან, სისტემური რეგისტრაციის ფარგლებში, 2022 წლის 1 იანვრამდე სამკვიდრო მოწმობის გაცემა უფასო იქნება. მიწის რეგისტრაციის რეფორმის მიზანი ქვეყნის მასშტაბით  მიწის ნაკვეთებზე უფლებათა რეგისტრაციის პროცესის დასრულებაა, რაც, ერთი მხრივ, დაიცავს მესაკუთრეთა უფლებებს, მეორე მხრივ კი, დაეხმარება მთავრობას, შეიმუშაოს სოციალური პროექტები, წარმართოს მიწის ადმინისტრირებისა და მიწათსარგებლობის ეფექტიანი პოლიტიკა, რომელიც ხელს შეუწყობს უწყვეტ ეკონომიკურ ზრდას სოფლის მეურნეობისა და აგრობიზნესის სექტორებში. საინფორმაციო შეხვედრები საქართველოს მასშტაბით სხვადასხვა მუნიციპალიტეტში ეტაპობრივად ... ...
  • განგაშის საფუძველი არ არსებობს, ქვეყანა დაცულია - ზურაბიშვილიგანგაშის საფუძველი არ არსებობს, ქვეყანა დაცულია - საქართველოს პრეზიდენტი სალომე ზურაბიშვილი ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრს, ეკატერინე ტიკარაძესა და დაავადებათა კონტროლის ეროვნული ცენტრის ხელმძღვანელს, ამირან გამყრელიძეს შეხვდა. პრეზიდენტის განცხადებით, დღეს ქვეყანაში კორონავირუსთან დაკავშირებით შექმნილი მდგომარეობა, როგორც მთელს მსოფლიოში სერიოზულია, მაგრამ არა საგანგაშო. „დღეს მნიშვნელოვანია, რომ ყველა ზომა მიღებულია. საკოორდინაციო საბჭო სრულყოფილად მუშაობს და ჩვენი მოქალაქეები დაცულები არიან. საჭიროა, ყველამ დაიცვას ჰიგიენის რეკომენდებული ზომები, რათა ვირუსი არ გავრცელდეს. ქვეყანა დაცულია: საჰაერო მიმოსვლები შეზღუდულია იმ ქვეყნებთან, სადაც საჭიროა; ის საზღვრებია ჩაკეტილი, რომელიც საჭიროა. ჩვენ სრულ იზოლაციაში არ მოვაქცევთ ჩვენს თავს – ამის საჭიროება არ არსებობს. არც იმის საჭიროება, არსებობს რომ უცებ სასურსათო მაღაზიებში შეიქმნას საგანგაშო მდგომარეობა. ჩვენ უნდა ვიყოთ პასუხისმგებლიანები, მშვიდად შევხვდეთ ამ მდგომარეობას და ვიცოდეთ, რომ ბევრია ჩვენზე დამოკიდებული, სახელმწიფო კი, თავის მხრივ, ყველაფერს აკეთებს“, – განაცხადა საქართველოს პრეზიდენტმა შეხვედრის ... ...
  • შინაგან საქმეთა სამინისტრო განცხადებას ავრცელებსშინაგან საქმეთა სამინისტრო განცხადებას ავრცელებს: „შინაგან საქმეთა სამინიტროს საპატრულო პოლიციის დეპარტამენტის საზღვრების მართვისა და კოორდინირების მთავარი სამმართველო, საქართველოში ახალი კორონავირუსის შესაძლო გავრცელების აღკვეთისა და დაავადების შემთხვევებზე ოპერატიული რეაგირების მიზნით, სასაზღვრო გამტარ პუნქტებში უზრუნველყოფს ჯანმრთელობის მსოფლიო ორგანიზაციის მიერ მაღალი რისკის ზონებად განსაზღვრული ქვეყნებიდან შემოსული მგზავრების შემოწმებას და საქართველოში მათი განთავსების შესახებ ინფორმაციის რეგისტრაციას. ამ დროისთვის, მაღალი რისკის ქვეყნებად განსაზღვრულია 4 სახელმწიფო: ჩინეთი, სამხრეთ კორეა, ირანი და იტალია. ასევე, რისკ ჯგუფად განისაზღვრა ყველა იმ მესამე ქვეყნის მოქალაქე და საქართველოს მოქალაქეები, რომლებიც იდენტიფიცირებული არიან, რომ ბოლო ორი კვირის განმავლობაში იმყოფებოდნენ ჯანდაცვის მსოფლიო ორგანიზაციის მიერ რისკის ზონად ნომინირებულ სახელმწიფოებში. შინაგან საქმეთა სამინისტროს საპატრულო პოლიციის დეპარტამენტის საზღვრების მართვისა და კოორდინირების მთავარი სამმართველოს თანამშრომლები 24-საათიან რეჟიმში ამოწმებენ ზემოაღნიშნული ქვეყნებიდან შემომავალ მგზავრებს, ასევე, იმ მოქალაქეებს, რომლებიც ბოლო ორი კვირის განმავლობაში იმყოფებოდნენ ხსენებულ სახელმწიფოებში. მგზავრთა ინტენსიური შემოწმება მიმდინარეობს სახმელეთო სასაზღვრო გამტარ პუნქტებში: „წითელი ხიდი“, „სადახლო“, „სარფი“ და „დარიალი“, ასევე, საჰაერო სასაზღვრო გამტარ პუნქტებში - საქართველოს სამივე აეროპორტში: თბილისში, ქუთაისსა და ბათუმში. გარდა ამისა, აღნიშნულ გამტარ პუნქტებში მუდმივად მორიგეობს სამედიცინო პერსონალი. აღნიშნულ სასაზღვრო გამტარ პუნქტებში მესაზღვრის მიერ ხდება ქვეყანაში შემომსვლელი მგზავრის რისკის პირველადი შეფასება, მისი ე.წ. მოგზაურობის ისტორიიდან გამომდინარე და საჭიროების შემთხვევაში, მისი ადგილზე მყოფ მორიგე ექიმთან გადამისამართება. რაც შეეხება სხვა სასაზღვრო გამტარ პუნქტებს, მესაზღვრის მიერ რისკის დაფიქსირების შემთხვევაში ხდება სამედიცინო ბრიგადის გამოძახება, რომელიც ამოწმებს მგზავრს და შედეგის მიხედვით ტარდება შესაბამისი პროცედურები. საქართველოს სასაზღვრო გამტარ პუნქტებში, ყოველდღიურად, 24 საათის განმავლობაში, 25-დან 30 ათასამდე მოქალაქე შემოდის. იმ შემთხვევაში, თუ საქართველოში შემომსვლელი მგზავრი ბოლო ორი კვირის განმავლობაში არ იმყოფებოდა ოფიციალურად განსაზღვრულ რისკ ჯგუფის ქვეყანაში, მისი სავალდებულო სამედიცინო შემოწმება არ ხდება. ასევე, გაცნობებთ, რომ შექმნილი ვითარებიდან გამომდინარე, მედიის წარმომადგენლების უსაფრთხოების მიზნით, მიღებულ იქნა გადაწყვეტილება, რომ ჟურნალისტებს შეეზღუდოთ სასაზღვრო გამტარ პუნქტებში თავისუფალი გადაადგილება,“_ წერია გავრცელებულ ... ...
  • ამირან გამყრელიძე: შეხვედრისას გადაკოცნას მოერიდეთ დაავადებათა კონტროლის ცენტრის ხელმძღვანელი, ამირან გამყრელიძე, მოსახლეობას მოუწოდებს შეხვედრისას გადაკოცნისგან თავი შეიკაონ. „ძალიან გთხოვთ, არ გაგეცინოთ, მაგრამ ერთი მოწოდება უნდა გაგიკეთოთ. ქართველებს გვახასიათებს, როცა ერთმანეთს ვხვდებით, ვკოცნით და ძალიან გთხოვთ, იქნებ, თავი შევიკავოთ. ეს მხოლოდ კორონავირუსს არ ეხება. ზოგადად, ჩამოვაყალიბოთ ჩვენში ეს კულტურა, რომ განსაკუთრებით ამ დროს არ არის საჭირო, როდესაც რესპირაციული ინფექციები ბობოქრობს, რომლებიც სწორედ წვეთოვანი გზით და ახლო კონტაქტით გადადიან. ასეთ დროს, ასევე არ არის რეკომენდაციებში ხელის ჩამორთმევა, ამიტომ, სჯობს ხელის აწევით მივესალმოთ ერთმანეთს“ ,_ განაცხადა ... ...

არქივი

კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...
ზაფრანი

ყველაზე ნიჭიერი ზოდიაქოს ნიშნები

მორიელი - ზოდიაქოს ამ ნიშნის...

როგორია ქალის იდეალური სხეული

ცოტა ხნის წინ, აშშ-ის ტეხასის...

როგორ ვიპოვოთ ცხოვრების ერთგული მეგზური

ბედნიერება ჰგავს პეპელას. მან ზუსტად...

„დავიწყებული“ ჰოლივუდელები

ჯესიკა ალბა ჯესიკა ალბას გარღვევად...

როდის გრძნობთ თავს ყველაზე კარგად

ზამთარი – მშვილდოსნის, კუროსა და...

ქალი, ბიზნესი … ასტროლოგია

ქალწული - ზოდიაქოს კიდევე რთი...