ნამდვილი ოლღა ბებია და ნოდარ დუმბაძე

ა კიდო

ნამდვილი ოლღა ბებია და ნოდარ დუმბაძე

2016 იან 19 22:36:02

ნოდარ დუმბაძემ თავის ნაწარმოებებში არაერთი განუმეორებელი პერსონაჟის სახე შექმნა. გამორჩეული პერსონაჟები მეტწილად  რეალური ადამიანებისგან იქმნებოდა და მათ პროტოტიპები ჰყავდათ. გამონაკლისი არც ყველასთვის საყვარელი „ოლღა ბებია“ გახლდათ, რომლის პროტოტიპიც ნოდარის ნამდვილი ბებია ოლღა ქერქაძე-დუმბაძე იყო. „ნამდვილი ოლღა ბებიას“ შესახებ, შესანიშნავი მოგონებები ნორა კუდინოვმა დაგვიტოვა, რომელიც ნოდარ დუმბაძის მამიდაშვილი გახლდათ.
აი რას წერს ნორა კუდინოვი ოლღა დუმბაძის  შესახებ :
„ბებია, ოლღა გლახუნას ასული ქერქაძე-დუმბაძე, დაბადებულა 1880 წელს ჩოხატაურის სოფელ მეწიეთში. დედამისი კალენტი კალანდაძის ქალი იყო, დაუმთავრებია სოფელ ხიდისთავის შვიდწლიანი სასწავლებელი. საკმაოდ კარგი მოსწავლეც ყოფილა. ამის გამო მასწავლებლებს უთხოვიათ ოჯახისათვის: ბავშვს სწავლის გასაგრძელებლად ხელი შეუწყვეთო, მაგრამ ოჯახს სიღარიბის გამო უარი უთქვამს და იგი სრულიად ახალგაზრდა, თექვსმეტი წლისა, ქიშვარდი დუმბაძეზე გაუთხოვებიათ.
ბებიას სულ რვა შვილი შესძენია - ექვსი ვაჟი და ორი ქალიშვილი. ნოდარის მამა ვლადიმერი (აკაკი) ბებიას უფროსი ვაჟი იყო, ხოლო დედაჩემი შუშანა (შურა) - უფროსი ქალიშვილი, რიგით მეოთხე.
ბებიას უმცროსი ვაჟი, საქართველოს მეცნიერებათა აკადემიის წევრ-კორესპოდენტი მამია დუმბაძე იგონებს:
- დედაჩემი ალალი გულის, პირში მთქმელი ქალი იყო. გვზრდიდა ქართული კლასიკური ლიტერატურის სიყვარულით, არც თუ იშვიათად ჩაურთავდა საუბარში ქართულ ხალხურ ბრძნულ ანდაზებსა და გამონათქვამებს, რომელთაგან ბევრი მთელი სიცოცხლის მანძილზე გამომყვა. ზეპირად იცოდა ქართველ კლასიკოსთა ლექსები. ჯერ კიდევ 1925 წელს მეც დამაზეპირებინა აკაკის ნაგალობევი „სახსოვარი“, რომელიც მიძღვნილია დიმიტრი ბაქრაძის გარდაცვალებისადმი. ეს ფაქტი გავიხსენე კიდევაც დიმიტრი ბაქრაძეზე მონოგრაფიის წერისას. დედამ იცოდა უამრავი იგავი სულხან-საბასი, კრილოვისა, რომლებსაც გატაცებით გვიამბობდა ხოლმე.
ბებია ძალზე პოპულარული მანდილოსანი ყოფილა. თანასოფლელებს 1925 წლის საქართველოს ქალთა პირველი ყრილობის დელეგატად აურჩევიათ, ხოლო ამ ყრილობას იგი გაუგზავნია საკავშირო ქალთა ყრილობის დელეგატად. მოსკოვში ერთ თვეს დაუყვია, ხოლო როდესაც იქიდან დაბრუნებულა, თანასოფლელებს მისთვის შეხვედრა მოუწყვიათ: გვიამბე, ყრილობაზე რაც ითქვაო.
     ბებიას უმცროსი ქალიშვილი, დარეჯან დუმბაძე-ჩიგოგიძე, იგონებს:
     -  დედა ასეთი სულისკვეთებით გვზრდიდა: მეზობელს ხარი უქადე, ღმერთი შენ მოგცემსო, მეზობელს რომ მუცელი სტკიოდეს, მუცელზე ხელს შენც უნდა ისვამდეო. განსაკუთრებით უყვარდა ნინოშვილის წიგნები. დიდად ზრუნავდა შვილების სწავლა-განათლებისთვის. უფროსი ვაჟები, ვლადიმერი და გაბრიელი, ბაქოში გააგზავნა გიმნაზიაში სასწავლებლად. როდესაც მათ გიმნაზია დაამთავრეს, სწავლის გასაგრძელებლად თბილისში ჩამოვიდნენ და აქვე დასახლდნენ. ბებიამ ახლა უმცროსი შვილები გამოაგზავნა უფროსებთან და დაავალდებულა, რათა ეზრუნათ პატარების სწავლა-აღზრდისათვის.
    ბებია თბილი და მოსიყვარულე დედა ყოფილა. უკვე დაცოლშვილებულ ვაჟებს რომ დაეძინებოდათ, ზურგზე უსვამდა თურმე ხელს, როგორც პატარაობისას.
     მრავალრიცხოვანი ოჯახი ბედნიერად ცხოვრობდა, მაგრამ დადგა 1937 წლის ზაფხული. მაშინ ზენობანში ვიყავი ბებიასთან და შემთხვევით შევესწარი დიდ ოჯახურ ტრაგედიას. სულ ხუთი სული წაიყვანეს ბებიას ოჯახიდან. ერთი ვაჟი, სიყრმის შვილის მომდევნო, მცირეწლოვანი გარდაეცვალა, თორემ გაზრდა რომ დასცლოდა, ალბათ, ისიც ძმების ბედს გაიზიარებდა! ის დღე იყო და ის, ბებია გაღიმებული აღარ მინახავს სიცოცხლის ბოლომდე. რომ დაიწყებდა მოთქმას, რიგრიგობით ჩამოთვლიდა: ვაი ჩემს მოსწრებას, შვილო აკაკი, შვილო გაბილა, შვილო ნიკოლოზა, შვილო ანიჩქა, შვილო თამარა! --- თან გულ-მკერდზე იბრაგუნებდა ხელებს და თმას იწეწდა.
         ხუთი სულიდან მხოლოდ სამი დაბრუნდა 1946 წელს: ნიკოლოზი და რძლები: ნოდარის დედა, ანიკო ბიცოლა, და გაბრიელის მეუღლე თამარი. უფროსი ვაჟები, როგორც მათი რეაბილიტაციის შემდეგ შევიტყვეთ, დაპატიმრებიდან რამდენიმე დღის შემდეგ დაუხვრეტიათ.
     
ბაბუას გარდაცვალების შემდეგ ოჯახში სამნი დარჩნენ: ბებია,  დარეჯანი (ნოდარის მამიდა) და თორმეტი წლის ნოდარი. სულ მალე სამამულო ომიც დაიწყო. ოჯახს უღმერთოდ გაუჭირდა. პატარა ნოდარს მამაკაცური შრომის მძიმე ტვირთი დააწვა. მართალია, ზაფხულობით ბიძები - ალექსანდრე და მამია - ჩადიოდნენ დასახმარებლად, მაგრამ ნოდარს მაინც საკმაოდ ხშირად უხდებოდა მძიმე გარჯა. ჯერ კიდევ პატარა, 13-14 წლისა, ჩეხავდა შეშას (ზამთარი ბევრ შეშას ინელებს), დადიოდა წისქვილში სიმინდის დასაფქვავად, მუშაობდა ყანასა და ვენახში, წურავდა ყურძენს, რეცხავდა ჭურებს.
       ტრაგიკულმა ხვედრმა ბებიას ბუნება-ხასიათი შეუცვალა, იგი უფრო მკაცრი და ნერვიული გახდა. როცა ნოდარი იცელქებდა სკოლაში და მშობელს დაიბარებდნენ, ნოდარი ასე კითხულობდა, ბებია მოვიყვანოო? მასწავლებლები ერიდებოდნენ ოლღა ბებიასთაან შეხვედრას და დარეჯანს შესჩივლებდნენ ხოლმე.
       სტუდენტობის წლებში ნოდარი ხშირად გვიყვებოდა თავისი ბავშვობისდროინდელი ოინების ამბებს, როგორ აჯავრებდა ბებიას და მამიდას.
       ნოდარი ხშირად ცელქობდა. ბებია წკეპლას დამალავდა უკან და მოფერებით ეტყოდა: მოი, ბებია, აფერს არ გიზამო, მაგრამ უკან წკეპლის წვერი მოუჩანდა და ნოდარიც იმწამსვე გაექცეოდა.


ნოდარი თავისი განუმეორებელი იუმორით გამოირჩეოდა უკვე ბავშვობაში. გაჯავრებულ ბებიას ისეთ სიტყვებს ეტყოდა, რომ გულს მოულბობდა და ისიც მოეშვებოდა ხოლმე, მაგრამ თუ ხელს წაატანდა, მიტყეპავდა და თან დააყოლებდა: „რეტა, რეტა, რეტა!“ ეს ნიშნავდა: რატომ გააკეთე, რატომ დააშავეო. როცა ძალიან გააჯავრებდა, მიაძახებდა: „შეგიყენებ გობის სარაქავ სისხლს, ნოდარია დუმბაძეო „. ეს მხოლოდ სიტყვები იყო, ბებიას ნოდარი მთელ სიცოცხლეს ერჩია. წყევლა მართლა სანიმუშო იცოდა, მაგრამ თან დააყოლებდა გასანეიტრალებლად სიტყვას „აღარა“: „შენ მეისპე აღარა! შენ არ გაგითენდა, აღარა!“ ბოლოს, როცა დამშვიდდებოდა, მოეფერებოდა და ეტყოდა: „ნუ გეშინია, ბებია, მე რომ გწყევლი, ჩემი ძუძუები გლოცავენო“, - როგორც ეს რომანშია.
       ნოდარმა სულ ხუთი წელი გაატარა სოფელ ზენობანში, მაგრამ ეს ხუთი წელი მისი შემოქმედების უშრეტ წყაროდ იქცა. გურიაში გატარებული წლები განსაკუთრებული სიცხადით აღიბეჭდა მის მეხსიერებაში, სამარადჟამოდ შეიტკბო და შეისისხლხორცა. ოლღა ბებია ნოდარს გამორჩეულად უყვარდა. უკვე მოხუცებულს ხელში აიყვანდა და ისე ეფერებოდა. ბებიამ კი დაღუპული შვილების სიყვარული მთლიანად ობოლზე გადაიტანა და მთელი სიცოცხლე შესწირა მის აღზრდას.

         1952 წლის შემოდგომა იდგა. სოფლიდან ბებიას გარდაცვალების დეპეშა მივიღეთ. მაშინვე შევგროვდით ყველა, გავაკეთებინეთ გვირგვინი და გავემგზავრეთ დაკრძალვაზე მატარებლით. მთელი ღამე არ მოგვასვენა ნოდარმა: გვიყვებოდა ანეკდოტებს, რაღაც სასაცილო ამბებს. ჩვენ თავშეკავებულად ვიცინოდით, რადგან ხალხის გვრცხვენოდა შავებში ჩაცმულებს. ანეკდოტების მოყოლისას ნოდარი, როგორც ყოველთვის, ყველაზე მეტს ხარხარებდა და ზოგჯერ თავს ვეღარ ვიკავებდით, ჩვენც გულის წასვლამდე ვიცინოდით. ვეხვეწებოდით: ბიჭო, გაჩერდი, სირცხვილია, რას იტყვის ხალხიო, მაგრამ იგი არ ცხრებოდა. გულში ყველას გვიკვირდა და ვერ აგვეხსნა მისი საქციელი, როგორც იქნა, ჩავედით საჯავახოში და იქიდან ავტობუსით - ხიდისთავში. მერე ფეხით ავუყევით ზენობნის აღმართს. გამოჩნდა ბებიას სახლი. ახლა კი ხარივით დაიბღავლა ნოდარმა: „ბებიააა!“. შევარდა ეზოში, შემდეგ ავარდა ოდაში, დაეკონა ბებიას ცხედარს . . . ძლივს ავაგლიჯეთ და ძლივს დავაწყნარეთ. კარგა ხანს მოთქმით იტირა, მხოლოდ მერე მივხვდი, თუ რატომ მოიქცა ასე უცნაურად მატარებელში.


        ოლღა ბებიას უაღრესად საინტერესო და შთამბეჭდავი სახე გამოძერწა ნოდარმა რომანში „მე, ბებია, ილიკო და ილარიონი“. თავის ნამდვილ ბებიას ჩამოაცილა უკუღმართი ცხოვრებისაგან მიყენებული დაუოკებელი ტკივილები, შთაბერა ჰუმანური ზეადამიანური სული, რის გამოც ყველასათვის საყვარელ, ზოგადკაცობრიულ და მარადიულ ბებიად აქცია.“




 ახალი ამბები
  • „მდიდრებს ამდიდრებენ, ღარიბებს აღარიბებენ“ _ უკმაყოფილო მოვაჭრეებიდღეის მდგომარეობით,  ოზურგეთის ქუჩებში, შედარებით,  ხალვათობაა. როგორც ცნობილია, აქ აგრარული ბაზარი დაიხურა და სავარაუდოდ,  დაკეტილი იქნება 21 აპრილამდე. თუმცა, დაზუსტებულ პასუხს  არავინ ამბობს,  კონკრეტულად როდის მოწესრიგდება და  გაიხსნება  მუდამ  მოუწესრიგებელი, თუმცა,  ხალხისთვის ასე საჭირო  ობიექტი. ყველაზე  ძალიან კი ის გარემოვაჭრეები სწუხან, რომლებიც ბაზრის სიახლოვეს, გურიის ქუჩაზე, იდგნენ და აქ ჰქონდათ განთავსებული თავიანთი სვაჭრო წერტილები. _ რა ამბავია, სამი კაცი ვდგავართ და სამი პოლიციელი დაგვძახის, დისტანცია დაიცავითო. სად გავიქცე, ახლოს არ მივკარებივარ არავის, გვერდი ავუარე შემხვედრს, როგორც წესია... საქმე ნახეს, რა, _ გვითხრა რიგითმა გამვლელმა და როცა ვინაობა ვკითხეთ, უფრო გაბრაზდა,  თქვენ მაინც  რაღა გინდათ, ეს გამაგებინეთო  და გაგვეცალა. _ვინც მდიდრები იყვნენ,  იმათ კიდე უფრო ამდიდრებენ, ღარიბებს  კი უფრო გვაღარიბებენ. აი,  ესაა ამ ღონისძიების შედეგი. ვისხედით აქ წესიერად და ვყიდდით  ბოსტნეულს და სხვადასხვა საოჯახო წვრილმანებს. რას ვაშავებდით? ვიღაცამ დაიცვას ეს დისტანციაა თუ ჯანდაბა. მე კარტოფილი გავყიდო თუ ამათ   ვუძახო, „ნაბიჯი  წინ და ორი ნაბიჯი უკან“? „მაგნიტის“ სავაჭრო ქსელს ყველა კუთხეში მაღაზია აქვს. ხალხი ახლა იქ შედის. ეს იყო მიზანი? მდიდარი უფრო უნდა გამდიდრდეს? იქ ხომ იცავს ვიღაც წესრიგს და სულ „დისტანციას“ გაიძახის. ამ ქუჩაშიც  ექნათ ასე და დავეყენებინეთ ჩვენს ადგილზე. მე ამ მთავრობის მომხრე ვარ, მაგათთვის ვირბინე და რას დავრბოდი , ნეტა, კი დამსვეს ახლა სახლში, _ გვეუბნება  გარემოვაჭრე მანანა ფერცულიანი. მცირე მეწარმე, ვლადიმერ გოგიტიძე, რომელსაც თაყაიშვილის ქუჩაზე სასურსათო ჯიხური აქვს, ამბობს, რომ ძალიან ცოტა ხალხი მოძრაობს. _თითქმის,  ადამიანების 60 % -მა  მოიმარაგა  საკვები პროდუქტები. ერთბაშად  იყიდეს ყველაფერი და ახლა სხედან შინ. ორი-სამი ადამიანი თუ შემოვა მაღაზიაში, ორი საათის შემდეგ კი ვკეტავ, _ გვითხრა მან. მოქალაქეები მშვიდად, დისტანცირებულად  დგანან „საქართველოს ბანკის“ წინ. _წესებს  ვიცავთ.  ჩვენი საქმე გვაქვს ბანკში, შევდივართ  ჩვეულებრივად, ხელი არაფერზე გვეშლება, - გვითხრეს ნინო ლომჯარიამ და თეონა შავიშვილმა. _ახლა გავრბივარ „კრედო-ბანკში“. ვიცოდი, რომ სესხი ამ ბანკმაც გადაგვივადა. თუმცა , შეტყობინება მივიღეთ, რომ გადაიხადეთო. მეზობელმა კი მითხრა, ესემესი ავტომატურად მოგივიდოდაო, მაგრამ უნდა გავიგო. შეწუხებული ვარ. შვილები მუშაობდნენ, მაგრამ ახლა ორივე დროებით  დაითხოვეს. ძალიან გამიჭირდება გადახდა, - გვითხრა სოფელ  ჭანიეთის მკვიდრმა ლია შავიშვიმა, რომელიც ბანკისკენ მიიჩქაროდა. ოზურგეთის მუნიციპალიტეტის ზედამხედველობის სამსახურის წარმომადგენლები,  აქტიურად მოძრაობენ ქუჩებში და მოუწოდებენ მოქალაქეებს,  დაიცვან  დისტანცია. _დილიდან  დავდივართ ყველა ქუჩაზე. შედარებით ხალხმრავლობა მაინც გურიის ქუჩაზეა და ხშირად შეხსენება განსაკუთრებით აქ სჭირდებათ მოქალაქეებს, რომ დაიცვან დისტანცია, შეიძინონ რაც სურთ და დროულად დაბრუნდნენ შინ.   ბევრი გვეკითხება, როდის გაიხსნება ოზურგეთის აგრარული ბაზარი, თუმცა  ოფიციალურად ეს არავის გადაუწყვეტია. არის ნათქვამი, რომ 21 აპრილამდე დაიკეტა. ხდება დაკვირვება, სიტუაციის კონტროლი. ყველას სურს, რომ დროულად დასრულდეს ეს კარანტინი თუ ყველანაირი შეზღუდვა და ადამიანები დაუბრუნდნენ ჩვეულ  სამუშაო რეჟიმს, _ გვითხრა მან. ოზურგეთის აფთიაქების უმეტესობაში არ არის და არც იციან, როდის ექნებათ პირბადეები და ხელთათმანები. ვიდრე ბაზარი დაიკეტებოდა, შიდა ტერიტორიაზე, ერთჯერადი ხელთათმანები 70 თეთრად ყოველდღე იყიდებოდა და მოქალაქეები ძირითადად იქ მიდიოდნენ ... ...
  • ურუშაძის ქუჩის მობინადრეები ადგილობრივი ხელისუფლებისგან დახმარებას ითხოვენლანჩხუთში, ურუშაძის ქუჩის მობინადრეები ადგილობრივი ხელისუფლებისგან დახმარებას ითხოვენ, რომ რკინიგზის სადგურის მიმდებარე ტერიტორიაზე არსებული სანიღვრე არხების პრობლემა მოგვარდეს. აღნიშნულის შესახებ ინფორმაციას სოციალურ ქსელში ხატია სარჯველაძე ავრცელებს. „ურუშაძის ქუჩაზე მცხოვრები ადამიანები ითხოვენს დახმარებას. წვიმის დროს ეტბორებათ პირველი სართულები და ძალიან რთულ მდგომარეობაში არიან, სახლიდან ვერ გამოდიან წვიმის შემდეგ“, _ წერს ხატია სარჯველაძე. აქაურმა მაცხოვრებლებმა მერის, ალექსანდრე სარიშვილის სახელზე პრობლემის მოგვარების მოთხოვნით ერთობლივი განცხადებაც დაწერეს. „ყოველი წვიმის შემდეგ იტბორება ძველი ბაზრის მიმდებარე ტერიტორია, რომელიც გამოწვეულია რკინიგზის სადგურის წინ მდებარე არხის უფუნქციონირების გამო. მოსახლეობს თხოვნაა, მოხდეს ამ სანიღვრე არხის რეაბილიტაცია ან ახალი სანიაღვრე არხის მოწყობა. არხის მოუწყობლობა გამოიწვევს სხვადასხვა ინფექციის კერის წარმოქმნას“, _ წერია ურუშაძის ქუჩის მაცხოვრებელთა ერთობლივ განცხადებაში, რომელსაც ხელს ათეულობით ადამიანი აწერს და მისი უშუალო ადრესატი მუნიციპალიტეტის პირველი პირია.რკინიგზის სადგურის მიმდებარედ მაცხოვრებლები პირად საუბრებშიც ამბობენ, რომ აქ წლებია გაუსაძლისი მდგომარეობაა.„პირველ რიგში, რკინიგზის ლიანდაგის მიმდებარე არხები უნდა გაკეთებულიყო, ყველა ქუჩის ნიაღვარი აქეთ იყრის თავს. ერთხელაც, წყალდიდობა არ აცდება აქაურობას. რა დააშავა არაცენტრალურმა ლანჩხუთმა?! მატარებლიდან ბევრი უცხო თვალი ხედვას აქაურობას და სირცხვილია ამდენი ორმო-ტალახების დანახვა. წლებია ასეთი მდგომარეობაა, კარგი იქნება ახლა მაინც რომ მოაგვარონ. გაუსაძლისია უკვე აქ ცხოვრება, ინფიცირების კერად იქცევა მალე აქაურობა“- ამბობს პრობლემით შეწუხებული მოსახლეობა. მუნიციპალიტეტში გასახორციელებელი ინფრასტრუქტურული პროექტების ნუსხის მიხედვით, მიმდინარე წელს, ქალაქის რამდენიმე ქუჩაზე ხორციელდება რკინა-ბეტონის სანიაღვრე არხების მოწყობას. როგორც მერიის ოფიციალური გვერდიდან ხდება ცნობილი, ქალაქის მასშტაბით, სულ ასეთი ცხრა ქუჩა შეირჩა _ ებრალიძის, გოგებაშვილის, წერეთლის, ნინოშვილის (I შესახვევი), ჭანტურიას, თავდიშვილის, ხომერიკის, კუპრეიშვილის, ნათლისმცემლის ქუჩებზე სამუშაოები უკვე მიმდინარეობს და ივნისის ბოლოსთვის უნდა დასრულდეს. პროექტის ჯამური ღირებულება კი, 1 169 999 ლარითაა განსაზღვრული.„გურია ნიუსი“ ურუშაძის ქუჩის მობინადრეთა მხრიდან გაჟღერებული პრობლემის თაობაზე ლანჩხუთის მერიას დაუკავშირდა. როგორც მერიის პრესასთან ურთიერთობის განყოფილების ხელმძღვანელმა, მაკა სულაბერიზემ გვითხრა, აღნიშნულ საკითხს შესაბამისი კომისია შეისწვლის და მოსახლეობას ეცნობება ... ...
  • ხშირად დასმული კითხვები საგანგებო მდგომარეობის ფარგლებში მოქმედ შეზღუდვებსა და დაშვებებეთან დაკავშირებითსაქართველოში საგანგებო მდგომარეობის ფარგლებში მოქმედ შეზღუდვებსა და დაშვებებთან დაკავშირებით ხშირად დასმულ კითხვებზე პასუხები: 1. რა შემთხვევაშია ავტომობილით გადაადგილება ნებადართული? ნებადართულია მსუბუქი ავტომობილებით (მათ შორის ტაქსებით) მგზავრობა, იმ შემთხვევაში, თუ ავტომობილში იქნება მხოლოდ 3 ადამიანი, მათ შორის 2 უნდა იჯდეს უკანა სავარძელზე. ამასთან, საღამოს 9 საათიდან დილის 6 საათამდე სრულად იკრძალება გადაადგილება, როგორც ქვეითად, ისე - სატრანსპორტო საშუალებით. 2. როგორ შეიძლება მანქანით 3-ზე მეტი წევრისგან შემდგარი ოჯახის ქალაქგარეთ გაყვანა? მსუბუქი ავტომობილით მხოლოდ 3 პირის მგზავრობაა დასაშვები. ეს შეზღუდვა ეხება ოჯახის წევრებსაც, მათ შორის - ბავშვებს.  3. რა შემთხვევაშია ნებადართული საჯარო სივრცეში 3-ზე მეტი პირის შეკრება? 3-ზე მეტი ფიზიკური პირის თავშეყრა შესაძლებელია მხოლოდ დაშვებული ეკონომიკური საქმიანობების განხორციელებისას. მათ შორის, სურსათისა და სამედიცინო/ფარმაცევტული საქონლის/პროდუქტის რეალიზაციისას, ობიექტის სპეციფიკის გათვალისწინებით, არანაკლებ 2 მეტრის სოციალური დისტანციის დაცვით, ჯანდაცვის სამინისტროს რეკომენდაციების შესაბამისად. ეს შეზღუდვა არ ეხება: სამედიცინო დაწესებულებებში, საჯარო დაწესებულებებში, თავდაცვის ძალებში, სპეციალურ პენიტენციურ დაწესებულებებში, სამართალდამცავ ორგანოებში პირთა თავშეყრას, მათზე დაკისრებული ფუნქციების შესრულების მიზნით; ასევე, სამშენებლო-ინფრასტრუქტურული სამუშაოების შესრულებას. 4. როდის შეუძლია 70 წელზე მეტი ასაკის მოქალაქეს სახლიდან გასვლა? 70 წელს ზემოთ მოქალაქეებს სახლიდან გასვლა შეუძლიათ მხოლოდ მაშინ, თუ ისინი მიდიან სურსათისა და სამედიცინო/ფარმაცევტული პროდუქტის შესაძენად. ასევე, ისეთი სამედიცინო მომსახურების მისაღებად, რომელსაც სახლიდან გაუსვლელად ვერ მიიღებენ. ეს შეზღუდვა არ ეხებათ სამედიცინო დაწესებულების თანამშრომლებს. 5. თუ 70 წელს გადაცილებული მარტოხელაა? იმ შემთხვევაში თუ, 70 წელს გადაცილებული მოქალაქეები არიან მარტოხელები, მათ დაეხმარება ეკონომიკის სამინისტრო (საქართველოს ფოსტა) და ჯანდაცვის სამინისტრო, ასევე ადგილობრივი მუნიციპალიტეტები. ასეთ შემთხვევაში მოქალაქეებმა უნდა დარეკონ ცხელ ხაზზე _ 144. 6. რას ნიშნავს სრული კარანტინი - ე.წ „კომენდანტის საათი“? მთელი ქვეყნის მასშტაბით, საღამოს 9 საათიდან დილის 6 საათამდე სრულად იკრძალება გადაადგილება, როგორც ქვეითად, ისე სატრანსპორტო საშუალებით. 7. როდის და ვისთვისაა აუცილებელი პირადობის დამადასტურებელი მოწმობის ტარება? ნებისმიერ ფიზიკურ პირს, ნებისმიერ დროს გადაადგილებისას თან უნდა ჰქონდეს პირადობის დამადასტურებელი დოკუმენტი. 8. იმ შემთხვევაში თუ არ მაქვს პირადობის დამადასტურებელი მოწმობა? ასეთ შემთხვევაში იქონიეთ ნებისმიერი სხვა დოკუმენტი რომლითაც შესაძლებელია თქვენი პიროვნების იდენტიფიცირება. მაგალითად, მართვის მოწმობა. 9. იმ შემთხვევაში თუ არასრულწლოვანი დაარღვევს საგანგებო მდგომარეობის რეჟიმს, ვის ეკისრება პასუხისმგებლობა? 16 წლამდე ასაკის პირის მიერ საგანგებო მდგომარეობის რეჟიმის დარღვევისათვის ადმინისტრაციული პასუხისმგებლობა ეკისრება მის მშობელს ან ბავშვის სხვა კანონიერ წარმომადგენელს. 10. კომენდანტის საათის დროს შემიძლია შინაური ცხოველის გასეირნება? კომენდანტის საათის დროს აკრძალულია გადაადგილება. 11. საღამოს 9 საათის შემდეგ იმუშავებს თუ არა სურსათის მაღაზიები, აფთიაქები? 9 საათის შემდეგ იმუშავებს მხოლოდ აფთიაქი, რომლით სარგებლობა შეეძლებათ მხოლოდ იმ პირებს, რომლებსაც აქვთ საღამოს 9 საათიდან დილის 6 საათამდე გადაადგილების უფლება (მაგალითად პოლიციელები, ექიმები და სხვა პირები, რომლებსაც აქვთ გადაადგილების ნებართვა მათი საქმიანობიდან გამომდინარე). 12. მაქვს ეკონომიკური საქმიანობის უფლება, თანამშრომლები სამსახურში როგორ ვატარო? თანამშრომლების ტრანსპორტირება სახლიდან და უკან უნდა უზრუნველყოთ თავად, მიკროავტობუსის, ავტობუსის მეშვეობით, რომლებზეც არ ვრცელდება 3 კაციანი შეზღუდვა. ტრანსპორტირების შესახებ თანხმობა უნდა აიღოთ მუნიციპალიტეტებიდან. აღნიშნული არ ეხება თანამშრომლების გადაყვანას მსუბუქი ავტომანქანებით, რაზეც ვრცელდება 3 კაციანი შეზღუდვა. 13. ტაქსისტი ვარ, შემიძლია თუ არა განვაგრძო საქმიანობა? დიახ, მხოლოდ იმ შემთხვევაში, თუ ავტომობილში იქნება მხოლოდ 3 ადამიანი _ თქვენს გარდა, ორი ადამიანი უნდა მგზავრობდეს უკანა სავარძელზე. ამასთან, მთელი ქვეყნის მასშტაბით, საღამოს 9 საათიდან დილის 6 საათამდე სრულად იკრძალება გადაადგილება. 14. ითვლება თუ არა ბავშვი 3-კაციან შეზღუდვაში? დიახ. 15. მაქვს თუ არა ეკონომიკური საქმიანობის უფლება? იზღუდება ყველა საქმიანობა, გარდა: 1. სამედიცინო დაწესებულების საქმიანობისა; 2. სურსათის/ცხოველის საკვების, ცხოველის, ცხოველური და მცენარეული პროდუქტების, ვეტერინარული პრეპარატების, პესტიციდებისა და აგროქიმიკატების, სათესლე და სარგავი მასალების საცალო რეალიზაციისა, ასევე მათი წარმოების, შენახვის, საბითუმო ვაჭრობისა და დისტრიბუციის, სურსათის შესაფუთი მასალების/ტარის წარმოებისა; 3. წისქვილების, პურ-ფუნთუშეულის საცხობების, რძის მიღება-გადამუშავების საწარმოების საქმიანობისა; 4. ელექტროენერგიის, ბუნებრივი გაზის, წყლის წარმოებისა/გადაცემისა/განაწილებისა/მიწოდებისა, ბენზინის, დიზელის, თხევადი აირის მიწოდებისა, ასევე სატელეკომუნიკაციო, საფოსტო და ნარჩენების მართვასთან დაკავშირებული მომსახურების მიწოდებისა; 5. კომერციული ბანკების საქმიანობისა; 6. იმ საგადახდო მომსახურების პროვაიდერებისა და მათი აგენტების საქმიანობისა, რომლებიც აწვდიან მომსახურებას თვითმომსახურების კიოსკების მეშვეობით; 7. საგადახდო სისტემის ოპერატორების საქმიანობისა; 8. ბანკომატების, თვითმომსახურების კიოსკებისა და პოსტერმინალების უწყვეტი ფუნქციონირებისათვის საჭირო საქმიანობისა; 9. მიკროსაფინანსო ორგანიზაციების საქმიანობისა; 10. საბანკო-საფინანსო პროდუქტების/მომსახურების დისტანციური არხებით მიწოდებისა/რეალიზაციისა; 11. სამედიცინო დანიშნულების საქონლის, ფარმაცევტული პროდუქტის წარმოებისა/დისტრიბუციისა/რეალიზაციისა; 12. სასოფლო-სამეურნეო სამუშაოების ჩატარებასა და მეცხოველეობასთან/მეფრინველეობასთან დაკავშირებული საქმიანობისა; 13. მსუბუქი ავტომობილით – ტაქსით (M1 კატეგორია) გადაადგილებით მომსახურებისა; 14. საკვები პროდუქტის მიტანის მომსახურებისა (ე.წ. „დელივერი სერვისი“); 15. კერძო დაცვითი საქმიანობისა; 16. საადვოკატო საქმიანობისა; 17. ავტოტექმომსახურების გამწევი სუბიექტების საქმიანობისა; 18. პრესის ჯიხურებისა. ზემოთ აღნიშნულის გარდა, მთავრობის დადგენილებით პერიოდულად განისაზღვრება დამატებითი ეკონომიკური საქმიანობები, რომელთა განხორციელებაც კრიტიკულად აუცილებელია საგანგებო მდგომარეობის დროს. ყველა ცვლილება ქვეყნდება საკანონმდებლო მაცნეს ყველასათვის ხელმისაწვდომ ბმულზე - https://matsne.gov.ge/ka/document/search… ყველა ასეთი საგამონაკლისო საქმიანობა უნდა განხორციელდეს ჯანდაცვის სამინისტროს რეკომენდაციების მკაცრი დაცვით. 16. ოჯახში სამზე მეტი პირი ვცხოვრობთ, ვარღვევთ თუ არა ამ დადგენილების მოთხოვნას? რა თქმა უნდა, არა. 17. ვრცელდება თუ არა 3-კაციანი შეზღუდვა მიკროავტობუსებსა და ავტობუსებზე? მთელი ქვეყნის მასშტაბით საზოგადოებრივი ტრანსპორტის მოძრაობა შეჩერებულია. დაშვებულია იმ შემთხვევაში თუ საგანგებო მდგომარეობის მოქმედების პერიოდში ნებადართული საქმიანობის განმახორციელებელი კომპანია თავად უზრუნველყოფს თანამშრომლების ტრანსპორტირებას სახლიდან და უკან, მიკროავტობუსის/ავტობუსის მეშვეობით. ამასთან, ასეთმა კომპანიებმა ტრანსპორტირების შესახებ თანხმობა უნდა აიღონ მუნიციპალიტეტებიდან. 18. საქმიანობა უჩერდებათ თუ არა სავალუტო ჯიხურებს და ლომბარდებს? დიახ, ... ...
  • ჩოხატაურის მუნიციპალიტეტის საკრებულოს თავმჯდომარე განცხადებას ავრცელებსჩოხატაურის მუნიციპალიტეტის საკრებულოს თავმჯდომარე, ზაალ მამალაძე განცხადებას ავრცელებს, _ განცხადება საკრებულოს ფეისბუქის ოფიციალურ გვერდზე გამოქვეყნდა. ▶️ჩოხატაურის მუნიციპალიტეტის საკრებულო უერთდება მმართველი გუნდის სოლიდარობის ინიციატივას, ჩვენი წვლილი შევიტანოთ კორონავირუსის წინააღმდეგ ბრძოლაში და მომდევნო სამი თვის განმავლობაში საკრებულოს უმრავლესობის წევრები გამოთქვამენ მზაობას, ხელფასის გარკვეული ნაწილი გადარიცხონ covid-19 ვირუსის წინააღმდეგ ბრძოლის ფონდში. ▶️მადლობას ვუხდით, ქართველ მედპერსონალს (ექიმებს, მედდებს, სანიტრებს), ქართულ ჯარს, შინაგან საქმეთა სამინისტროს თანამშრომლებს, ხელისუფლების წარმომადგენლებს და ყველა იმ პირს, ვინც ჩართულია ახალი covid-19 ვირუსის წინააღმდეგ ბრძოლაში. ▶️კიდევ ერთხელ მოვუწოდებთ ჩვენს მოსახლეობას, დავრჩეთ სახლში, შევასრულოთ ჩვენი ექიმებისა და ეპიდემიოლოგების რეკომენდაციები, დავიცვათ სოციალური დისტანცია და სანიტარულ-ჰიგიენური ნორმები. თითოეული ჩვენგანი პასუხისმგებელი ვართ, როგორც ჩვენს, ისე სხვების სიცოცხლესა და ჯანმრთელობაზე.გავუფრთხილდეთ ერთმანეთს!გისურვებთ ... ...
  • საკრებულოს სხდომა პროტოკოლების, რეკომენდაციების და სოციალური დისტანციის დაცვითდღეს ჩოხატაურის მუნიციპალიტეტის საკრებულოს რიგგარეშე გასვლითი სხდომა გაიმართა. სხდომას საკრებულოს თავმჯდომარე ზაალ მამალაძე უძღვებოდა.სხდომაზე დღის წესრიგით გათვალისწინებულ საკითხებზე იმსჯელეს. სხდომაზე მიიღეს დადგენილებები: „ჩოხატაურის მუნიციპალიტეტის 2020 წლის ბიუჯეტის დამტკიცების შესახებ“ - ჩოხატაურის მუნიციპალიტეტის საკრებულოს 2019 წლის 27 დეკემბრის N12 დადგენილებაში ცვლილებებისა და დამატებების შეტანის თაობაზე“ და „ჩოხატაურის მუნიციპალიტეტის მერიის საშტატო ნუსხის დამტკიცებისა და მერიის თანამდებობის პირთა და სხვა მოსამსახურეთა თანამდებობრივი სარგოების ოდენობების განსაზღვრის შესახებ“ - ჩოხატაურის მუნიციპალიტეტის საკრებულოს 2019 წლის 19 აპრილის N4 დადგენილებაში ცვლილების შეტანის თაობაზე“. სხდომა ჩატარდა, შესაბამისი ჯანმრთელობის დაცვის პროტოკოლების, რეკომენდაციების, ჰიგიენის წესებისა და სოციალური დისტანციის ... ...

არქივი


კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...