“ქართველები, ესენი გიჟები არიან...“

ა კიდო

“ქართველები, ესენი გიჟები არიან...“

2017 ივლ 22 11:57:58

დღეს სახალისო მოგონებების მორიგი „გამოშვება“ უნდა წარმოგიდგინოთ. ტრადიციას დავარღვევ და სიტყვას „არაცნობილ“ თანამემამულეებს გადავცემ. სიტყვა „არაცნობილი“ ვახსენე და ალბათ, დადგა დრო, რომ ჩვენი ვებგვერდის  „მოგონებებში“ ხმა „ჩვეულებრივ ქართველებსაც“ მივცე, ანუ იმ ადამიანებს, რომლებიც მასმედიისა თუ ტელევიზიების ყურადღებით განებივრებულები არ არიან, მოსაგონარი კი თავიანთ „ცნობილ“ თანამოძმეებზე მეტი აქვთ.

ჩვენი დღევანდელი ისტორიების პირველი მთხრობელი ბატონი ვანო გახლავთ. (გარკვეული მიზეზის გამო, მის ნამდვილ სახელსა და გვარს ვერ დავასახელებ).

„როგორც მოგეხსენებათ, მთელ მსოფლიოში იტალია ოდითგანვე ცნობილია მაფიოზური კლანების სიმრავლით. ქართველები ჯერ არა, მაგრამ ნელ-ნელა ვიკრებთ "ძალას" ამ მიმართულებით. ამბავი, რომელიც ახლა უნდა გიამბოთ, ნამდვილია და ერთმა ჩემმა ნაცნობმა იტალიელმა მიამბო, რომელიც დიდ მაფიოზურ კლანთან დაახლოებული პირია. მოკლედ, შარშან მათ ოჯახს ერთ-ერთი ქართული დაჯგუფების წარმომადგენელი მიადგა და ნარკოტიკების დიდი პარტია მოითხოვა.

როგორც ხდება ხოლმე, მოლაპარაკების პროცესი რამდენიმე დღე გაიწელა, როცა საქმე ფასზე მიდგა, სიტუაცია გართულდა, რადგან ქართველების მიერ შეთავაზებული ფასი მეორე მხარეს არ მოეწონა.

ჩვენიანები კი გაჯიუტდნენ, მეტის გადახდას არ აპირებდნენ და მუქარაც გამოურიეს ხმაში. იტალიელებმა კი - ჩვენ ვერ გადავწყვეტთ, ბოსს უნდა ვკითხოთო. ბოსმა მოუსმინა თავისიანებს, სადაურები არიანო, იკითხა, ქართველები - იყო პასუხი. ფეხზე წამოხტა ბოსი, სასწრაფოდ მიეცით, რასაც ითხოვენ, ეგენი გიჟები არიან, თავის დროზე რუსებს დაუწყეს ომი და ჩვენ რას გვიზამენ“.

ჩვენში გოგოს მოტაცება ჩვეულებრივი ამბავია, ერთი შეხედვით - ტრადიციულიც კი,  მაგრამ ფაქტია, რომ ნაძალადევ "ბედნიერებას" გამართლება არ აქვს.

ამ უცნაური მოტაცების ამბავი იმდენად სახალისო მოსასმენი გამოდგა, თვითონ მოტაცებულს რომ არ ეამბნა, ვიფიქრებდი, კომედიურ სპექტაკლს ვუყურებ-მეთქი... მაშ ასე, თქვენს წინაშეა ქალბატონი ნინოს (იგივე „მოტაცებულის“) სახალისო “ქართული ისტორია“.

„სკოლის დამთავრების შემდეგ სამედიცინო ინსტიტუტში ჩასაბარებლად დავიწყე მომზადება. ბიოლოგიაში ჩემთან ერთად ერთი ბიჭი ემზადებოდა. ერთ დღეს ზურა სიყვარულში გამომიტყდა. ტუჩი ავიბზუე - ჯერ ერთი, არ მომწონდა, მეორეც, გამოცდები ცხვირწინ მქონდა და რა მესიყვარულებოდა? ასეც მოვახსენე. ზურამ იწყინა და ეტყობა, გადაწყვიტა, რადაც უნდა დასჯდომოდა, ცოლად მოვეყვანე. ერთხელ, ქიმიის მასწავლებლისგან  წამოსულს წინ  ზურა ამესვეტა და თავისი ძმაკაცი გამაცნო, - ეს შაკოაო. თავი ცივად დავუკარი და გზა გავაგრძელე, მაგრამ სად იყო და სად არა, უცებ კიდევ ორი გაჩნდა. აქეთ-იქით ამომიდგნენ და თვალის დახამხამებაც ვერ მოვასწარი, მანქანაში ბურთივით მისროლეს. შაკო საჭეს მიუჯდა, გვერდით ზურა მომისკუპდა, იმ ორმა კარი მოგვიჯახუნა, ხელი დაგვიქნია და მანქანაც გავარდა. კინაღამ გავგიჟდი. იმ სულელმა ზურამ, თავისი მოკლე ჭკუით, რომანტიკული კაცი ვარო და სავარძელზე წითელი ვარდები "დამიფინა", დაფურცლული კი არა, ტოტებიანი. ისედაც არ მომდიოდა ზურა თვალში და ეკლები რომ შემერჭო, მთლად გადავირიე.

ზურას თავში ხელები დავუშინე, ის ოსტატურად მიგერიებდა. მერე მძღოლს ჩავაფრინდი თმაში. შაკომ გამწარებულმა იყვირა: - ბიჭო, ხელი გააშვებინე, თორემ მანქანას ვერ ვმართავო. ზურა ჩემს შეჩერებას შეეცადა, მაგრამ გამწარებული ისევ მას მივდექი: შე საცოდავო, მოტაცება როგორ გამიბედე-მეთქი. ცოტა ხანში ვიგრძენი, რომ დაკაწრულ-დაგლეჯილი ფეხებიდან სისხლი მომდიოდა. ამან უფრო გამაცოფა. ფეხსაცმელი გავიხადე და ისეთი ძალით ვთხლიშე ჩემს "მომავალ" ქმარს, დარეტიანდა და გონდაკარგული სავარძელზე მიესვენა.

უკვე თბილისს ვიყავით გაშორებული, თუ რამეს არ ვიღონებდი, ღმერთმა იცის, რა მოხდებოდა. ისევ მძღოლს ჩავაფრინდი თმაში - მკლავს თუ მომაჭრიდნენ, თორემ ხელის გაშვებას არ ვაპირებდი.

- ქაჯის მოტაცება თუ გინდოდა, თავიდანვე უნდა გეთქვაო, - დაიღრიალა შაკომ, მანქანა დაამუხრუჭა და გიჟივით გამოვარდა იქიდან. კარი ლამის გამოჰგლიჯა, დამტაცა ხელი და გარეთ გადმომათრია... ზურა ისე იყო გაბრუებული, თავისი გასჭირვებოდა და სადღა ეცალა ჩემთვის!

შაკომ კიდევ ერთხელ შემაგინა კაი მამაპაპურად და ბღუილით დაძრა მანქანა. თვალი მოვკარი, რომ ერთსაც და მეორესაც თავზე ეკიდათ ხელი. რამდენიმე ნაბიჯი გავიარე. მივხვდი, ცალ ფეხზე ფეხსაცმელი აღარ მეცვა და კოჭლობით მივუყვებოდი გზას.

დედამ და ბებიამ თმაგაწეწილი და ფეხებდაკაწრული რომ დამინახეს, ლამის გადაირივნენ. მამა რუსეთში იყო და კიდევ კარგი, არ შესწრებია ამ ამბავს. მოკლედ, ჩემებმა გადაწყვიტეს გამტაცებელი დაესაჯათ. ძლივს დავარწმუნე, რომ ჩივილს აზრი არ ჰქონდა, რადგან ისინიც გვარიანად დაზარალებულები იყვნენ. სამი დღის შემდეგ, ჩვენს განცვიფრებას საზღვარი არ ჰქონდა, როცა სასამართლოდან გამოძახების ფურცელი მოგვივიდა. თურმე, ზურას დედა მიჩიოდა, - ჩემს შვილს თავი გაუტეხაო!

საჩივარში მოძალადე და დამნაშავე გახლდით, რომელიც  ახალგაზრდებს ფიზიკურად გავუსწორდი. სასამართლოზე ზურა თავშეხვეული გამოცხადდა, დედამისს კი ნათესავები ძლივს აწყნარებდნენ.

- გოგოა თუ მხეცი? ასე როგორ გაიმეტა

შეყვარებული ბიჭიო, - ენას არ აჩერებდა აღშფოთებული ქალი.

მართლმსაჯულებმა ძალიან იხალისეს ამ ამბით, მე კი გაფრთხილების ხელწერილი დამაწერინეს, რომ დაზარალებულ ზურა თ.-ს ახლოს აღარ გავეკარებოდი(?!).

გავიდა დრო. სამედიცინო ინსტიტუტს ვამთავრებდი. ჩემს კურსელ გოგონას პათანატომიის წიგნი ვათხოვე. დათქმულ დროს არ მომიტანა. შინ გავყევი წიგნის წამოსაღებად. ლია გახარებული იყო, - სხვანაირად ვერ მოგიტყუე ჩემთან, სულ არ გცალია, ახლა კი ცოტა ხანს დარჩები, ყავას დავლევთ, ჩემს ქმარსაც გაგაცნობ და მერე ის გაგაცილებსო. იმ პერიოდში კაშპიროვსკის ფსიქოტელესეანსები მიმდინარეობდა საქართველოში. ალბათ, გახსოვთ, რა აყალმაყალი მოჰყვა ამას. ლიასთან რომ მივედი, სწორედ კაშპიროვსკის სეანსი მიდიოდა ეთერში. ჩემმა კურსელმა მითხრა: მალე დამთავრდება სეანსი და ჩემს მეუღლეს გაგაცნობ, მანამდე ყავას მოვადუღებო.

ბუნებრივია, დავინტერესდი, რა აწუხებდა მის ქმარს. ლიამ - რამდენიმე წლის წინ, ჩემი ქმარი თავის მეგობარს ერთი გოგოს მოტაცებაში ეხმარებოდა. ის გოგო გიჟი აღმოჩნდა, შემოიხია ტანზე ყველაფერი, საქმროს თავი გაუტეხა, შაკოს კი თმები დააგლიჯაო. რით აღარ იწამლა და იმკურნალა, მაგრამ ის ადგილი მაინც მოშიშვლებული დარჩა. ახლა კაშპიროვსკის იმედი აქვს, როგორც კი სეანსი დაიწყება, ჯდება ტელევიზორთან და მარჯვენა მხარეს მიუშვერსო. ხომ წარმოგიდგენიათ, რა დამემართებოდა. ყავა აღარც გამხსენებია, წიგნს ხელი დავტაცე, ლიას ბოდიში მოვუხადე, - მეჩქარება-მეთქი და უკანმოუხედავად გამოვიქეცი“.

ნება მომეცით კიდევ ერთი ქართული „სიყვარულის“ ამბავი მოგიყვეთ. მას ქალბატონი მარეხი გვამცნობს. რასაკვირველია მარეხმა საკუთარი გვარის დასახელებაზე სასტიკი უარი განაცხადა.

„გიგლას სწავლაზე არასოდეს მოუკლავს თავი, სამაგიეროდ შრომა არ ეზარებოდა. მშობლებიც გამრჯე ჰყავდა და სახლ-კარი ისე მოვლილ-დაკრიალებული ჰქონდათ, თუ საპატიო სტუმარი ეწვეოდა სოფელს, უსათუოდ მათთან უნდა მიეყვანათ.

გიგლა 23 წლის რომ გახდა, მიხვდა, რომ მისი ბავშვობის დროინდელი მეგობარი თაია ძალიან უყვარდა. კარგა ხანს ეგონა, თანშეზრდილი რომ იყო, იმიტომ ენატრებოდა და სასწავლებლად წასულს ერთი-ორჯერ ჩააკითხა კიდეც დედაქალაქში:

- ხო არავინ გაწუხებს, გო? - ჰკითხა თაიას.

- ვინ უნდა შემაწუხოს? ვსწავლობ და ვარ, - ცოტა არ იყოს, დაბნეულად უპასუხა - არ ელოდა მის უეცარ სტუმრობას.

- ხო დაბრუნდები?

- მა რას ვიზამ! - დაჰპირდა გოგოც.

და აი, თაიაც დაბრუნდა. ბიჭმა კინოში დაპატიჟა და იმ საღამოსვე ყველაფერი გაირკვა - თურმე ჰყვარებიათ ერთმანეთი, ოღონდ აქამდე სახელს ვერ არქმევდნენ და ჩვეულებრივი მეზობლური და მეგობრული ურთიერთობა ეგონათ.

უცებ გავარდა ხმა - გიგლა და თაია ჯვარს იწერენო, მაგრამ ბიჭს რომ თავი ქუდში ეგონა და ქორწილისთვის ემზადებოდა, თაიას მამამ, გოგიამ, ცივი უარი თქვა: - ჩემს ნასწავლ გოგოს უსწავლელსა და უდიპლომო ბიჭს არ გავაყოლებო. მთელი სოფელი ხელებს იფშვნეტდა, გიგლაანთ პურისჭამისთვის ემზადებოდა, გოგიამ კი ყველას ცივი წყალი არ გადაასხა?!

- ნეტავ, რას იზამენ შეყვარებულები? - ჩურჩულებდა სოფელი.

- რას იზამენ და გაიპარებიან. არა, ბიჯო, უხათრებს ახლა და გოგიასი შაეშინდება გიგლას, ეგღა აკლია, - ვარაუდობდნენ ბიჭები. გოგიამ კი, - ვისი აჯობებს, ამასაც ვნახავთ, ჩემი შვილი მე დამემორჩილება, ეგ უბირი კი მაშინ გახდება ჩემი სიძე, როცა ვირი ხეზე ავაო...

მოკლედ, რაღა ბევრი გავაგრძელოთ და სიტუაცია დაიძაბა. აქეთ გიგლას მშობლები განაწყენდნენ, - ნეტაი, რა აქვს ჩვენს ბიჭს დასაწუნი, მიედაროს ნებისმიერი ნასწავლი ამისთანა ოჯახის მუჭუჭსა და მარიფათიანსო, იქით კიდევ გოგოს დედ-მამა: - თბილისში იმიტომ ვასწავლეთ, რომა ისევ სოფლელს გაჰყვეს და აქ დაიდოს ბინაო? ავდგებით, ფულს დავხარჯავთ და ახლა საზღვარგარეთ გავუშვებთ ჩვენს თაიასაო...

თაია ცრემლებს მუჭით იწმენდდა, - რად მინდა სწავლა და უცხოეთი, თუ გიგლას დამაშორეთო. ასეა თუ ისე, თაიას შინაპატიმრობა იქამდე მიესაჯა, სანამ "თვალდაბნელებული" და "ყურდახშული" გონს არ მოვიდოდა. ამასობაში კი გიგლა სტრატეგიულ გეგმას სახავდა: ავდგები და მოვიტაცებ, მერე მიყუროს გოგიამ, ვირი ხეზე როგო ავაო...

ერთ მშვენიერ და ნათელ დილას, როცა გოგიას ეგონა, გაკერპებული ნასწავლი შვილი დაიმორჩილა და ჭკუაზე მოიყვანა, ეზოში გასულს ზემოდან ვირის ყროყინი მოესმა. აიხედა. საეჭვო ვერაფერი დაინახა. უნებურად ულვაშებში ჩაეცინა, - კახელ კაცს დღე და ღამე ვირი ელანდებაო. ერთი გემრიელად გაიზმორა და კვლავ ყროყინი შემოესმა, ახლა უკვე აშკარად მიჰყვა ხმას და კაკლის ხეს მიადგა. გაოცებული იყურებოდა აქეთ-იქით, ყროყინი აშკარად ესმოდა, ვირი კი არ ჩანდა.

უნებურად გულში გაივლო, - სოფლის ბიჭები ხო არ მამასახარავებენო. ზემოდან რომ დაიყროყინა რაღაცამ, აიხედა და რას ხედავს, კაკლის სქელ გადაჭრილ ვარჯზე ვიღაცას ჩოკინა საგულდაგულოდ "დაუმაგრებია" გადახვეულ-დაბმული. ჯერ ვერ მიხვდა, რა ხდებოდა მის თავს, მერე კი, როცა ცოლის შეცხადება გაიგონა - უი, თავი მომიკვდეს, თაია გაპარულა გიგლასთანო, ყველაფერს ნათელი მოეფინა...

გიგლა მისი სიძე გახდა და ვირიც, მართალია, სხვისი დახმარებით, მაგრამ მაინც ხომ ავიდა ხეზე!

ძლივს ჩამოხსნა ოთხმა კაცმა ხიდან ვირი, რომელსაც კისერზე ბარათი ჰქონდა ჩამოკიდული: "გოგია ძიავ, ახლა კი უკვე ჩემო სიმამრო, სამ დღეში დავბრუნდებით მე და თაია და ქორწილისთვის მაემზადე!"

რაღა უნდა ექნა გოგიას? "მაემზადა" და სამი დღის მერე დიდი ქორწილიც გადაუხადა ნასწავლ გოგოსა და უდიპლომო სიძეს“.




 ახალი ამბები
  • გიორგი გახარია: მხარდამჭერი აქტი ადასტურებს, რომ ჩვენი პარტნიორობა დემოკრატიის საერთო ფასეულობებს ეფუძნებასაქართველოს მხარდამჭერი აქტის გამოცემით წარმომადგენელთა პალატამ ხაზი გაუსვა ამერიკის შეერთებულ შტატებში საქართველოსადმი ძლიერ ორპარტიულ მხარდაჭერას, - ამის შესახებ საქართველოს პრემიერ-მინისტრი გიორგი გახარია სოციალურ ქსელ „ტვიტერში" საკუთარ გვერდზე წერს. მთავრობის მეთაურის შეფასებით, საკანონმდებლო აქტი კიდევ ერთხელ ადასტურებს, რომ საქართველო-აშშ-ის პარტნიორობა თავისუფლებისა და დემოკრატიის საერთო ფასეულობებს ეფუძნება. „საქართველოს მხარდამჭერი აქტის გამოცემით წარმომადგენელთა პალატამ ხაზი გაუსვა ამერიკის შეერთებულ შტატებში საქართველოსადმი ძლიერ ორპარტიულ მხარდაჭერას. ჩვენი პარტნიორობა ეფუძნება თავისუფლებისა და დემოკრატიის ზიარ და საერთო ფასეულობებს", - წერს გიორგი გახარია ... ...
  • მალხაზ მაჩალიკაშვილი: სპეცრაზმელმა, რომელმაც თემირლანს ესროლა, თავი მოიკლაპანკისში დაღუპული თემირლან მაჩალიკაშვილის მამა, მალხაზ მაჩალიკაშვილი აცხადებს, რომ ამ სპეცოპერაციაში მონაწილე პირთა უმრავლესობამ საქართველო დატოვა, ხოლო იმ სპეცრაზმელმა კი, რომელმაც უშუალოდ ესროლა თემირლან მაჩალიკაშვილს, სიცოცხელ თვითმკვლელობით დაასრულა. მალხაზ მაჩალიკაშვილის თქმით, ეს ინფორმაცია სანდო წყაროებისგან მიიღო. გენერალურ პროკურატურაში კი ამ საქმეზე სახელმწიფო უსაფრთხოების სამსახურის ყოფილი უფროსი ვახტანგ გომელაური, მისი ყოფილი მოადგილე სოსო გოგაშვილი და სუს-ის ანტიტერორისტული ცენტრის ხელმძღვანელი ირაკლი ჩიმაკაძე დაიკითხნენ. თავდაპირველად აღნიშნული ინფორმაცია „ინტერპრესნიუსმა“ გაავრცელა.    რატომ არ დაიკითხნენ საქმის ირგვლივ აღნიშნული პირები ამ ხნის განმავლობაში და რა ახალი გარემოეებები შეიძლება გამოძიების დროს მათი დაკითხვის შემდეგ გამოიკვეთოს? აღიარებს თუ არა სახელმწიფო დანაშაულს მაჩალიკაშვილის მკვლელობის ფაქტზე? ერთი წელი და ათი თვე გავიდა მას შემდეგ, რაც პანკისში სპეცოპერაციის  დროს 19 წლის თემირლან მაჩალიკაშვილი დაიჭრა და შემდეგ გარდაიცვალა. თემირლან მაჩალიკაშვილის მამა მალხაზ მაჩალიკაშვილი „რეზონანსთან“ მაღალჩინოსნების დაკითხვას სტრასბურგის სასამართლოს უკავშირებს. მაჩალიკაშვილი გვიდასტურებს, რომ მათი დაკიხვა, სავარაუდოდ, ორშაბათს მოხდა და მან ამის შესახებ წაინასწარ უკვე ერთი კვირის წინ იცოდა.  მალხაზ მაჩალიკაშვილი  აცხადებს, რომ საქართველოს ხელისუფლებას ევროპულმა სასამართლომ რამდენიმე კვირა მისცა იმისთვის, რომ ამ საქმის ირგვლივ კონკერტული მტკიცებულებები შეგროვდეს და გამოძიება წარიმართოს. მისივე განცხადებით, ეს არის ტყუილების ახალი სერია, რომელსაც ახლა საქართველოს პროკურატურა მიმართავს.  გენერალურ პროკურატურაში ადასტურებენ, რომ მოქმედი მაღალჩინოსნების დაკითხვა მოხდა, თუმცა, გამოძიების ინტერესებიდან გამომდინარე, დაკონკრეტებისგან თავს იკავებენ. მათი თქმით, საქმის ირგვლივ ჭეშმარიტების დასადგენად ყველა საჭირო პირის დაკითხვა მოხდება, ვინც გამოძიებისთვის საინტერესო იქნება.   სახელმწიფო უსაფრთხოების სამსახურის უფროსის ყოფილი მოადგილე, სოსო გოგაშვილი გენერალურ პროკურატურაში მის დაკითხვასთან დაკავშირებით პირველ კომენტარს აკეთებს. „ინტერპრესნიუსთან“ საუბარში გოგაშვილი იმედს გამოთქვამს, რომ პანკისის ხეობაში ჩატარებულ სპეცოპერაციასთან დაკავშირებით გამოძიება მალე დასრულდება და ყველაფერს ნათელი მოეფინება. „გიდასტურებთ, რომ დავიკითხე პანკისის სპეცოპერაციასთან დაკავშირებით დაახლოებით ორი თვის წინ. იმედი მინდა გამოვთქვა, რომ მალე დასრულდება აღნიშნული გამოძიება“, - განაცხადა გოგაშვილმა.      მალხაზ მაჩალიკაშვილი „რეზონანსთან“ ამბობს, რომ მაღალჩინოსნების დაკითხვა კიდევ ერთი სპექტაკლია, რომელსაც ახლა პროკურატურა სტრასბურგის სასამართლოს მოსაჩვენებლად თამაშობს. ევროპულმა სასამართლომ  მაჩალიკაშვილის ასქმე წარმოებაში მიიღო და მისი თქმით, სწორედ ეს არის მიზეზი, რის გამოც საქმის ირგვლივ საქართველოს ხელისუფლება გააქტიურდა.  მისივე  ინფორმაციით, მაღალჩინოსნებთან მიმდინარეობდა მოლაპრაკაება, თუ როგორ  და რა ფორმით უნდა მომხდარიყო მათი დაკითხვა.  „ეს არის ტყულების კიდევ ერთი სერია. რეალურად არაფერი ამ საქმის ირგვლივ არ შეიცვლება. ახლა ამათი გააქტიურება სტრასბურგის სასამართლოს გამო დაიწყო. იქიდან მიიღეს უკვე დავალება, რომ რამდენიმე კვირის განმავლობაში საქმის ირგვლივ გარკვეული სიახლე უნდა იყოს და შეშინებულებმა ფაცხა-ფუცხი დაიწყეს.  „ჩემი სანდო წყაროები მეუბნებიან, რომ სპეცრაზმის უფროსი, რომელიც ამ ოპერაციას ხელმძღვანელობდა და სხვა კიდევ მკვლელობის შემსწრე პირები საქართველოდან წავიდნენ. მათ ქვეყანა ფარულად დაატოვებინეს. ერთმა, რომელმაც თემირლანს ესროლა, არ ვიცი რამდენად მართალია, მაგრამ მითხრეს, რომ თავი მოიკლა. „თემირლანის ოთახში სამი სპეცრაზმელი შევიდა. სწორედ ამ სამმა იცოდა რეალურად რა და როგორ მოხდა. ცოცხალი თავით არ ამბობენ, რომ თემირლანს ყურსასმენები ეკეთა და ისე მოკლეს. მერე ხელყუმბარა უკვე მაღალჩინოსნებმა მიიტანეს. რა ფარსიც არ უნდა დადგან, ამ ასქმეს მაინც ბოლომდე მივიყვან“, - აცხადებს მალხაზ მაჩალიკაშვილი „რეზონანსთან“.  მისივე თქმით, ყველა ღონეს გამოიყენებს, წლებიც რომ დასჭირდეს, რათა  ამ საქმეზე სახელმწიფომ დანაშაული აღიაროს. აღიაროს, რომ თემირლან მაჩალიკაშვილი ტერორისტი არ ყოფილა და უდანაშაულო ადამიანი მოკლეს.  მაჩალიკაშვილი ამბობს, რომ წელიწადი და ათი თვეა რაც ხელისუფლებას იმედი ჰქონდა თემირლან მაჩალიკაშვილის დანაშაულის დამტკიცების, თუმცა ეს ვერ შეძლო, რადგანაც ის დამნაშავე არ არის. ეს კი რაც დრო გადის, უფრო მტკიცდება. გამოძიების ინფორმაციით კი, თამირლან მაჩალიკაშვილი, ამ საქმეზე დაკავებულ რუსლან ალდამოვთან, ბადურ ჩოფანაშვილთან და რამაზ მარგოშვილთან ერთად, უშუალოდ ხელმძღვანელობდა ახმედ ჩატაევისა და მისი დაჯგუფების წევრების საქართველოში შემოყვანას, მათ დაბინავებას, საცხოვრებელი ბინით, საკვებით, მობილური ტელეფონებით და სხვა საყოფაცხოვრებო პირობებით უზრუნველყოფას. თემირლან მაჩალიკაშვილს 331-ე პრიმა მუხლით გათვალისწინებული ბრალდება ჰქონდა წაყენებული, რაც ტერორიზმის დაფინანსებას, ტერორისტული საქმიანობის სხვაგვარ მატერიალურ მხარდაჭერას, ან რესურსებით უზრუნველყოფას გულისხმობს, რამაც მძიმე შედეგი გამოიწვია. ეს მუხლი სასჯელის ზომად 17 დან 20 წლამდე ვადით, ან უვადო თავისუფლების აღკვეთას ითვალისწინებს. ... ...
  • გიორგი გახარია: საქართველოს 41-ე ადგილი უკავია და მას რეგიონის ქვეყნები ბევრად ჩამორჩებიანსაქართველოს საერთო წინსვლა აყალიბებს ინვესტიციებისადმი კეთილგანწყობილ გარემოს, რაც ჯეროვნად ითარგმნება პირდაპირ უცხოურ ინვესტიციებში, _ ამის შესახებ საქართველოს პრემიერ-მინისტრმა გიორგი გახარიამ საინვესტიციო ფორუმზე განაცხადა. მთავრობის მეთაურის თქმით, ბოლო 5 წლის განმავლობაში ინვესტიციების შემოდინება საქართველოს ეკონომიკაში 8 მილიარდ დოლარს გასცდა. „დღეს, საქართველო გარე სამყაროს სთავაზობს ლიბერალურ საგადასახადო სისტემას, გადასახადების მცირე რაოდენობასა და დაბალ საგადასახადო განაკვეთებს. ჩვენს საგადასახადო სისტემაში ნულოვანი განაკვეთით იბეგრება რეინვესტირებული მოგება. არ არსებობს აქტივების ფასის ნაზარდზე კაპიტალის გადასახადი და არც კაპიტალის რეპატრიაცია იზღუდება. აი ეს ინიციატივა გარდაქმნიდა ჩვენს ქვეყანას ღია საბაზრო ეკონომიკის წყობად და სავაჭრო პოლიტიკად, რომელიც მსოფლიოში ყველაზე ლიბერალურია", - განაცხადა გიორგი გახარიამ. პრემიერ-მინისტრის თქმით, ევროკავშირთან და ჩინეთთან თავისუფალი სავაჭრო შეთანხმებების გარდა, საქართვლო თავისუფალი სავაჭრო რეჟიმით სარგებლობს თურქეთთან, დსთ-სთან, თავისუფალი ვაჭრობის ევროპულ ასოციაციასთან: „პრეფერენციების საერთო სისტემა გაგვაჩნია აშშ, კანადასა და იაპონიასთან. ასევე, მოლაპარაკებებს ვიწყებთ ინდოეთთან თავისუფალი სავაჭრო შეთანხმების გაფორმებაზე, ხოლო ისრაელთან თითქმის დასრულებულია ტექნიკურ-ეკონომიკური დასაბუთება თავისუფალი სავაჭრო შეთანხმების გაფორმებაზე. ამ შეთანხმებების არსებული ქსელი საქართველოში მოქმედ სამეწარმეო-ეკონომიკურ სუბიექტებს საშუალებას აძლევს გავიდნენ 2.3 მილიარდი მომხმარებლის მქონე სარეალიზაციო ბაზრებზე", - განაცხადა გიორგი გახარიამ. პრემიერის თქმით, ძლიერი სავაჭრო ქსელის გარდა, საქართველო ინვესტიციებს ახორციელებს ინფრასტრუქტურის, ტრანსპორტისა და ლოგისტიკის განვითარებაში, რათა დაკავშირებადობის ხარისხი გაძლიერდეს. „მიზნად გვაქვს დასახული საქართველო ვაქციოთ რეგიონალურ სატრანსპორტო და ლოგისტიკის ცენტრად. ამასთანავე, საქართველოს წინსვლა დადებითად წარმოჩინდება სხვადასხვა საერთაშორისო რეიტინგში და შეფასებაში. მსოფლიო ბანკის ბიზნესის კეთების ინდექსი ცხადყოფს, რომ საქართველო მსოფლიოში მე-6 ქვეყანაა ბიზნესის კეთების სიმარტივით. Heritage Foundation-ის თანახმად, 180 ქვეყანას შორის მე-16 ადგილზე ვართ ეკონომიკური თავისუფლების მიხედვით. Transparency International-ის კორუფციის აღქმის ინდექსში საქართველოს 41-ე ადგილი უკავია და მას რეგიონის ქვეყნები ბევრად ჩამორჩებიან. სტაბილური მაკროეკონომიკური გარემო და სტრუქტურული ეკონომიკური რეფორმები აისახება ბოლო წლების გაუმჯობესებულ საერთაშორისო საკრედიტო რეიტინგებში. იმედი მაქვს ყოველივე ეს გვეხმარება საქართველოს ეკონომიკური ხედვა და საინვესტიციო მიმზიდველობა ერთიან კონტექსტში წარმოვაჩინოთ. სწორედ ამიტომ არის სასიცოცხლოდ მნიშვნელოვანი ახალი აბრეშუმის გზის საინვესტიციო პოტენციალის რეალიზება საქართველოს ჩათვლით მისი ყველა მონაწილე ქვეყნისთვის. ოდითგანვე აბრეშუმის გზაზე შემდგარი მოგზაურები საქართველოში შემოდიოდნენ და ახალ სამყაროს აღმოაჩენდნენ. დარწმუნებული ვარ, რომ ეს ფორუმი დაგეხმარებათ ახლებურად გაიაზროთ ეს რეგიონი და ეს ქვეყანა", - განაცხადა გიორგი ... ...
  • აშშ-ის წარმომადგენელთა პალატამ საქართველოს მხარდამჭერი რეზოლუცია მიიღოამერიკის შეერთებული შტატების წარმომადგენელთა პალატამ საქართველოს მხარდამჭერი ორპარტიული აქტი ერთსულოვნად დაამტკიცა. კანონპროექტი კიდევ ერთხელ უსვამს ხაზს საქართველოს მიმართ ამერიკის ორპარტიულ მტკიცე მხადრაჭერას, გმობს რუსეთის მიერ საქართველოს ტერიტორიების ოკუპაციას და ოკუპირებულ ტერიტორიებზე ადამიანის უფლებათა დამრღვევი პირების წინააღმდეგ სანქციების დაწესების ინიციატივით გამოდის. წარმომადგენელთა პალატის კანონპროექტის HR 598 სპონსორები, რომლის მოკლე სახელი “საქართველოს მხარდაჭერის აქტია,” დემოკრატმა კონგრესმენმა გერი კონოლიმ და რესპუბლიკელმა ადამ კინზინგერმა წარუდგინეს კონგრესს. მისი მიზანი “საქართველოს დამოუკიდებლობის, სუვერენიტეტისა და ტერიტორიული მთლიანობის” მხარდაჭერაა. კანონპროექტის თანახმად, შეერთებული შტატების პოლიტიკა საქართველოში “დემოკრატიული ღირებულებების განვითარების მხარდაჭერაა, რაშიც თავისუფალი და სამართლიანი არჩევნების ჩატარება, საჯარო სექტორის გამჭვირვალობა, ანგარიშვალდებულება, კანონის უზენაესობა და ანტიკორუფციული ძალისხმევა შედის.” ის ასევე ხაზს უსვამს, რომ ამერიკა აგრძელებს საქართველოს ტერიტორიული მთლიანობის მხარდაჭერას მის საერთაშორისოდ აღიარებულ საზღვრებში და საქართველოს უფლებას თვითონ განსაზღვროს საკუთარი მომავალი. კონგრესი მხარდაჭერას უცხადებს საქართველოს ევრო-ატლანტიკურ და ევროპულ მისწრაფებებს. კანონპროექტი აცხადებს, რომ ამერიკის პოლიტიკაა “არ აღიაროს რუსეთის ფედერაციის მიერ ძალის გამოყენებით ტერიტორიული ცვლილება, მათ შორის, არაკანონიერი შეჭრა და საქართველოს რეგიონების, აფხაზეთის და ცხინვალის/სამხრეთ ოსეთის რეგიონის ოკუპაცია.” ორპატიული კანონპროექტი ასევე აცხადებს, რომ ამერიკის პოლიტიკაა “დაგმოს მიმდინარე დაკავებები, გატაცებები და ადამიანის უფლებების სხვა დარღვევები, რომელიც ჩადენილია საქართველოს რეგიონების, აფხაზეთის და ცხინვალის რეგიონის/სამხრეთ ოსეთის [ტერიტორიაზე], რომლებიც ძალისმიერადაა ოკუპირებული რუსეთის ფედერაციის მიერ, მათ შორის, ბოლო პერიოდში საქართველოს მოქალაქეების არჩილ ტატუნაშვილის, გიგა ოთხოზორიას და დავით ბაშარულის მკვლელობები.” კანონპროექტი აცხადებს, რომ მხარს უჭერს კონფლიქტის მშვიდობიან მოგვარებას და რუსეთის მთავრობას მოუწოდებს სრულად შეასრულოს 2008 წლის 12 აგვისტოს ცეცხლის შეწყვეტის შეთანხმება. შეერთებული შტატების კონგრესმა 2018 წელს საქართველოს 37,200,000 მილიონი დოლარი გამოუყო უსაფრთხოების მიმართულებით. გამომდინარე იქიდან, რომ საქართველო ნატოს ასპირანტი წევრია და რომ მსოფლიოს უსაფრთხოებაში ნატოს მხარდამხარ საკუთარი წვლილი შეაქვს, კანონპროექტი საქართველოს მიმართ ამერიკის დახმარების გაზრდას ითხოვს. “ამერიკის პოლიტიკა იქნება საქართველოსთან კონსულტაციით, გააძლიეროს საქართველოს შეკავების, გამძლეობის და თავდაცვის უნარები, მათ შორის, შესაბამისი დახმარებით, საქართველოს შეიარაღებული ძალების შესაძლებლობების გაუმჯობესებით,” ნათქვამია კანონპროექტში. ის ამერიკის სახელმწიფო მდივანს 180 დღის განმალვონაში საქართველოს დახმარების პაკეტის წარდგენას სთხოვს. კანონპროექტი საქართველოს კიბერ-უსაფრთხოების მიმართულებით დახმარებასაც მოიცავს, რაშიც სახელმწიფო კომპიუტერული ქსელების უსაფრთხოების უზრუნველყოფაც შედის. საქართველოს მხარდაჭერის აქტი აცხადებს, რომ ამერიკის პოლიტიკა საქართველოსთვის რუსული დეზინფორმაციის წინააღმდეგ ბრძოლაში დახმარებაც იქნება, რაც პრესის თავისუფლების გაძლიერებასაც მოიცავს. კანონპროექტი აცხადებს, რომ კონგრესს სურს საქართველოსა და შეერთებულ შტატებს შორის ორმხრივი თავისუფალი ვაჭრობის შეთანხმების მისაღწევად მოლაპარაკებებში პროგრესი იხილოს. საქართველოს მხარდაჭერის აქტი ამერიკის პრეზიდენტს ავალდებულებს სანქციები დაუწესოს ყველას, ვინც რუსეთის ფედერაციის მიერ ოკუპირებულ აფხაზეთსა და ცხინვალის რეგიონში/სამხრეთ ოსეთში ადამიანის უფლებების დარღვევებში და საქართველოს მოქალაქეების სიცოცხლის ხელყოფაში მონაწილეობს. კანონპროექტი ახლა შეერთებული შტატების სენატს გაეგზავნება. სენატის მიერ მისი დამტკიცების შემთხვევაში კანონპროექტს ხელი პრეზიდენტმა უნდა მოაწეროს, რის შემდეგაც ის კანონად იქცევა. ... ...
  • გახარია: მიზნად გვაქვს საქართველო ვაქციოთ რეგიონალურ სატრანსპორტო და ლოგისტიკის ცენტრადსაქართველო რეგიონის კარიბჭეა, ჩვენი მიზანია, ინტეგრაცია მოვახდინოთ არა მხოლოდ აღმოსავლეთთან და დასავლეთთან, არამედ ჩრდილოეთთან და სამხრეთთან, – ამის შესახებ საქართველოს პრემიერ-მინისტრმა, გიორგი გახარიამ „აბრეშუმის გზის ფორუმის“ მეორე დღეს, ღონისძიების გახსნისას განაცხადა. საქართველოს პრემიერმა მისასალმებელ სიტყვაში ფორუმის მნიშვნელობაზე ისაუბრა. „დღევანდელზე უფრო მნიშვნელოვანი დრო ისტორიაში არ არსებულა, რადგან ხალხი საერთო მიზნის ირგვლივ ზიარი სიკეთისთვის გაგაერთიანეთ. სწორედ ამიტომ, ძალიან მსიამოვნებს, რომ თბილისის აბრეშუმის გზის მესამე ფორუმზე მოგესალმებით. ჩვენ შევიკრიბეთ აბრეშუმის გზისადმი ჩვენი ისტორიული ვალდებულების და შესაძლებლობების ხაზგასასმელად, რადგან ოდეს გავერთიანდით კაპიტალდაბანდებისთვის, ჩვენი ქვეყნების ეკონომიკური ზრდისა და განვითარებისთვის, მშვიდობისა და სტაბილურობის შენარჩუნებისთვის. აი, ეს გახლავთ თანამედროვე აბრეშუმის გზის ინიციატივა. ყველამ ვიცით, რომ ეს რეგიონი მნიშვნელოვან საინვესტიციო პოტენციალს ფლობს და ის მზარდია, რადგან ვიყენებთ ერთიან პოლიტიკას, ვამცირებთ სავაჭრო ბარიერებს და ვაუმჯობესებთ დაკავშირებადობას. ნება მიბოძეთ აქცენტი გავაკეთო საქართველოზე, რადგან ყველამ სრულად გავაცნობიეროთ, რამდენად თავსებადია ახალი აბრეშუმის გზის ინიციატივასთან ჩვენი ფართომასშტაბიან ეკონომიკურ პროგრამასთან. ჩვენი მთავრობის მთავარი მიზნებია მეტი სამუშაო ადგილის შექმნა, ძლიერი საშუალო კლასის შენება, მშვიდობისა და სტაბილურობის უზრუნველყოფა. უსაფრთხოებისთვის ძალისხმევის გაერთიანება სჭირდება ძლიერ ეკონომიკას. და აქ ჩვენ გთავაზობთ კაპიტალდაბანდების, ვაჭრობისა და ინოვაციების უნიკალურ შესაძლებლობას, რაც ჩვენს გეოგრაფიულ ადგილმდებარეობასა და ბიზნესისადმი კეთილგანწყობილ გარემოს ეფუძნება. საქართველო ამ რეგიონის კარიბჭეა. ჩვენი მიზანია ინტეგრაცია მოვახდინოთ არა მხოლოდ აღმოსავლეთთან და დასავლეთთან, არამედ ჩრდილოეთთან და სამხრეთთან“, – განაცხადა გახარიამ. მისივე თქმით, საქართველო დგამს კონკრეტულ ნაბიჯებს იმისათვის, რომ ძლიერი ეკონომიკური ურთიერთობები იქონიოს ყველა პარტნიორთან რეგიონში და მის ფარგლებს მიღმა. „ბოლო რამდენიმე წლის განმავლობაში, საქართველომ სიღრმისეული გარდაქმნა განიცადა და ყოველივე ამის შედეგად ჩამოყალიბდა ძლიერი სახელმწიფო ინსტიტუტები, რომლებიც დემოკრატიის დასავლურ პრინციპებს, სამართლის უზენაესობასა და თავისუფალ საბაზრო ეკონომიკას ეფუძნება. ბიზნესისადმი კეთილგანწყობილი პოლიტიკა, ძლიერი სავაჭრო ურთიერთობები და ხელსაყრელი ადგილმდებარეობა განაპირობებდა ქვეყნის გარდაქმნას ახალ რეგიონალურ ცენტრად საინვესტიციო შესაძლებლობების ასათვისებლად. დღეს, საქართველო გარე სამყაროს სთავაზობს ლიბერალურ საგადასახადო სისტემას, გადასახადების მცირე რაოდენობასა და დაბალ საგადასახადო განაკვეთებს. ჩვენს საგადასახადო სისტემაში ნულოვანი განაკვეთით იბეგრება რეინვესტირებული მოგება. არ არსებობს აქტივების ფასის ნაზარდზე კაპიტალის გადასახადი და არც კაპიტალის რეპატრიაცია იზღუდება. აი ეს ინიციატივა გარდაქმნიდა ჩვენს ქვეყანას ღია საბაზრო ეკონომიკის წყობად და სავაჭრო პოლიტიკად, რომელიც მსოფლიოში ყველაზე ლიბერალურია. ევროკავშირთან და ჩინეთთან თავისუფალი სავაჭრო შეთანხმებების გარდა, საქართველო თავისუფალი სავაჭრო რეჟიმით სარგებლობს თურქეთთან, დსთ, თავისუფალი ვაჭრობის ევროპულ ასოციაციასთან; პრეფერენციების საერთო სისტემა გაგვაჩნია აშშ, კანადასა და იაპონიასთან. ასევე, მოლაპარაკებებს ვიწყებთ ინდოეთთან თავისუფალი სავაჭრო შეთანხმების გაფორმებაზე, ხოლო ისრაელთან თითქმის დასრულებულია ტექნიკურ-ეკონომიკური დასაბუთება თავისუფალი სავაჭრო შეთანხმების გაფორმებაზე. ამ შეთანხმებების არსებული ქსელი საქართველოში მოქმედ სამეწარმეო-ეკონომიკურ სუბიექტებს საშუალებას აძლევს გავიდნენ 2.3 მილიარდი მომხმარებლის მქონე სარეალიზაციო ბაზრებზე“, – განაცხადა გიორგი გახარიამ. მისი თქმით, ძლიერი სავაჭრო ქსელის გარდა, საქართველო ინვესტიციებს ახორციელებს ინფრასტრუქტურის, ტრანსპორტისა და ლოგისტიკის განვითარებაში, რათა დაკავშირებადობის ხარისხი გაძლიერდეს. „მიზნად გვაქვს დასახული საქართველო ვაქციოთ რეგიონალურ სატრანსპორტო და ლოგისტიკის ცენტრად. საქათველოს საერთო წინსვლა აყალიბებს ინვესტიციებისადმი კეთილგანწყობილ გარემოს, რაც ჯეროვნად ითარგმნება პირდაპირ უცხოურ ინვესტიციებში. ბოლო 5 წლის განმავლობაში მისი შემოდინება საქართველოს ეკონომიკაში 8 მილიარდ დოლარს გასცდა. ამასთანავე, საქართველოს წინსვლა დადებითად წარმოჩინდება სხვადასხვა საერთაშორისო რეიტინგში და შეფასებაში. მსოფლიო ბანკის ბიზნესის კეთების ინდექსი ცხადყოფს, რომ საქართველო მსოფლიოში მე-6 ქვეყანაა ბიზნესის კეთების სიმარტივით. Heritage Foundation-ის თანახმად, 180 ქვეყანას შორის მე-16 ადგილზე ვართ ეკონომიკური თავისუფლების მიხედვით. Transparency International-ის კორუფციის აღქმის ინდექსში საქართველოს 41-ე ადგილი უკავია და მას რეგიონის ქვეყნები ბევრად ჩამორჩებიან. სტაბილური მაკროეკონომიკური გარემო და სტრუქტურული ეკონომიკური რეფორმები აისახება ბოლო წლების გაუმჯობესებულ საერთაშორისო საკრედიტო რეიტინგებში. იმედი მაქვს, ყოველივე ეს გვეხმარება საქართველოს ეკონომიკური ხედვა და საინვესტიციო მიმზიდველობა ერთიან კონტექსტში წარმოვაჩინოთ. სწორედ ამიტომ არის სასიცოცხლოდ მნიშვნელოვანი ახალი აბრეშუმის გზის საინვესტიციო პოტენციალის რეალიზება საქართველოს ჩათვლით მისი ყველა მონაწილე ქვეყნისთვის. ოდითგანვე აბრეშუმის გზაზე შემდგარი მოგზაურები საქართველოში შემოდიოდნენ და ახალ სამყაროს აღმოაჩენდნენ. დარწმუნებული ვარ, რომ ეს ფორუმი დაგეხმარებათ ახლებურად გაიაზროთ ეს რეგიონი და ეს ქვეყანა“, – განაცხადა გიორგი გახარიამ. ... ...

არქივი

ზაფრანი

რა მოხდება მაშინ, თუ ყოველდღე ორ ბანანს მივირთმევთ

ბანანი მნიშვნელოვნად არეგულირებს არტერიულ წნევას,...

არ მიირთვათ ხილი ჭამის შემდეგ

ხილი მიირთვით საჭმლის მიღებამდე, რადგან...

რამდენიმე რჩევა ბავშვის მოვლის შესახებ

როგორ დაიჭიროთ ბავშვი ხშირად მშობელს...

როგორ მოვიშოროთ ნეგატიური ენერგია?

სალბი ( სამკურნალო მცენარე) შორეულ...

ჰოლივუდელების საყვარელი წიგნები

ბრიუს უილისის რჩეული წიგნია, ჰეროდოტეს...

ყველაზე მომხიბლავი ქერა მსახიობები

ქერა თუ შავთმიანი? სხვადასხვა გამოკვლევებით...
კარმიდამო ჩემი

ციტრუსოვანთა დაავადებების წინააღმდეგ ბრძოლა კიდევ უფრო უნდა გავააქტიუროთ

მეციტრუსეობა საქართველოს სუბტროპიკული სოფლის მეურნეობის...

მოცვის კულტურა სოფლის ხვალინდელი დღეა (R)

მოცვის კულტურის გაშენებით დაინტერესებულმა პირებმა...

გურიაში გოჯიბერის გაშენება პერსპექტიულია

არსებობს მცენარეთა ისეთი პერსპექტიული, პოპულარული...

ულამაზესი, "მორჩილი" სურო და ლიანებით გამოხატული სილამაზე

სუროს დეკორატიულობა განსაკუთრებით თვალში საცემი...

როგორ შევინახოთ სათესლედ და სანელებლად გამოსაყენებელი ბოსტნეული

სხვადასხვა ბოსტნეული, განსაკუთრებით, სანელებლები, როგორიცაა...

როგორ ვებრძოლოთ კოღოებს ხალხური მეთოდებით

კოღოები ნამდვილადაა დიდი თავსატეხი. არც...

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...