ქუთაისური „კრიმინალური“ ამბავი

ა კიდო

ქუთაისური „კრიმინალური“ ამბავი

5 მაი. 2018, 09:55:14

დღეს მორიგ სახალისო მოგონებებს წარმოგიდგენთ და ჩვენი სტუმრები ტრადიციულად თანამემამულე სამართალდამცველები იქნებიან.

თავდაპირველად სიტყვას პოლკოვნიკ ვახტანგ მანიას გადავცემ, რომელიც ერთ უჩვეულო ამბავს მოგვიყვება.

„საბჭოთა კავშირის დაშლის შემდეგ სამსახურში გული აღარ მიჩერდებოდა. უკვე საპენსიო ასაკიც მქონდა, თან ისე გაიხრწნა ყველაფერი, მაფიას ვერაფერს ვაკლებდით. იმ პერიოდში ჩინეთიდან ჩამოსულმა არალეგალებმა იმატეს. ჯგუფ-ჯგუფად ჩამოდიოდნენ რუსეთში და იაფი სამუშაო ძალა იყო. ამჟამად ეს ხალხი უკონტროლოა რუსეთში, მაშინ კი ჯერ კიდევ ვახერხებდით მათ გაკონტროლებას და უკან გაძევებას. ჩინელები ძირითადად პორტში მუშაობდნენ შავ მუშებად და იქვე, სიბინძურეში, ფაქტობრივად, ღია ცის ქვეშ ეძინათ. იყო შემთხვევები, კვდებოდნენ კიდეც. მაშინ მათ სპეციალურ კრემატორიუმში წვავდნენ. იქ მიწის მწვავე დეფიციტი იყო და არალეგალი, უპატრონო ჩინელებისთვის არავინ გახსნიდა სასაფლაოს.

ერთხელ, მორიგი რეიდის დროს, ჩინელების კვარტალს დავუარეთ, ვინც მოვიხელთეთ, „მოვხიკეთ“ და საექსტრადაციოდ გავამზადეთ. ასეთ დროს „ბადეში“ მოხვედრილი არალეგალები მშვიდად იყვნენ და არანაირ პროტესტს არ გამოთქვამდნენ. მიუხედავად ამისა, ერთი ახალგაზრდა ჩინელი ძალიან აღელვებული ჩანდა და, რაღაცეებს გვეუბნებოდა ჩინურად. ბოლოს ატირდა კიდეც. თარჯიმანი მოვუყვანეთ, ატირებული ჩინელი დავამშვიდეთ და ვთხოვეთ, ყველაფერი მოეყოლა. ჩინელმა ცრემლი შეიმშრალა და მუდარით განაცხადა – ნება მიბოძეთ, ჩემი მეზობელი თან წავიყვანოო... შემდეგ ჩინელმა უფრო უმატა ტირილს და ხელები თავში წაიშინა.

ბევრი რომ არ გავაგრძელო, ჩინელმა პორტში წაგვიყვანა და ერთ-ერთი მაცივარი გვიჩვენა, რომელშიც მისი გარდაცვლილი მეზობელი აღმოჩნდა. როგორც გაირკვა, ის გულის შეტევით გარდაცვლილიყო. ეს ფაქტი კი, მისმა მეგობარმა კრემაციის შიშით დამალა და მეზობელი მაცივარში მოათავსა, რომ არ გახრწნილიყო“.

ბატონი ვახტანგის შემდეგ „კრიმინალურ ესტაფეტას“ მის კოლეგას, პოლკოვნიკ გივი მახარაძეს გადავცემ.

„იურიდიული ფაკულტეტი რომ დავამთავრე, სამუშაოდ მოსკოვშივე, კიროვის რაიონის პროკურატურაში დამნიშნეს პროკურორის თანაშემწედ. ჩემს კომპეტენციაში განსაკუთრებით საშიში დანაშაულის, კერძოდ კი მკვლელობების გამოძიება შედიოდა. ჩემი უფროსი, პროკურორი ანტონ ივანიჩ პროხოროვი, დიდი ბუზღუნა ვინმე კი იყო, მაგრამ, მისნაირი პროფესიონალი არც მანამდე და არც მას მერე არ შემხვედრია. ჩემს გარდა, პროხოროვს კიდევ ერთი თანაშემწე ჰყავდა – სიკო მინასიანი. სიკო ერევნელი იყო, ძალიან უხაროდა, მეც რომ კავკასიელი ვიყავი და მომავალში დიდი საგამომძიებლო კარიერის იმედი ჰქონდა. თუმცა, მის კარიერას თავად პროხოროვმა დაუსვა წერტილი და ეს ასე მოხდა:

სულ რაღაც ორი თვის დაწყებული გვქონდა მუშაობა, როდესაც ნევის გამზირზე ერთ-ერთ ფეშენებელურ სახლში ერთი ცნობილი ბოროტმოქმედი მოკლეს. ამ საქმეზე პროხოროვი გამოიძახეს და მას მე და სიკოც წავყევით. პროხოროვის მითითებით, მე სურათებს ვიღებდი შემთხვევის ადგილზე, სიკო, ყველა სამხილს აგროვებდა, უფრო სწორად კი, პროხოროვის მიერ შეგროვილ სამხილებს ცელოფნის პარკებში ინახავდა და ლუქავდა. შემთხვევის ადგილზე, სადაც დანაშაული მოხდა, მდიდრული სუფრა იყო გაშლილი, რომელიც თითქმის ხელუხლებელი იყო. პროხოროვმა ჯერ სურათები გადამაღებინა სუფრისთვის, ბოლოს კი ეს ყველაფერი გადასაფარებელში სათუთად შეახვია, უზარმაზარ ცელოფანში ჩადო, დალუქა და სიკო მინასიანს უთხრა, წადი, ჯერ ჟურნალში გაატარე, შემდეგ კი ლაბორატორიაში მიიტანე ექსპერტიზაზეო...

სიკო წავიდა, მე კი პროხოროვთან ერთად დავრჩი და მოკვლევა, გადაღება და დაკითხვა განვაგრძე. პროკურატურაში შუაღამისას დავბრუნდით და პროხოროვმა სიკო მინასიანის მიყვანა მთხოვა კაბინეტში, რათა მას ექსპერტიზის საბუთები მიეტანა. მე, სიკო და კიდევ ორი გამომძიებელი ერთ საერთო, უზარმაზარ ოთახში ვისხედით, რომელშიც ოთხი მაგიდა და სამჯერ მეტი სკამი იდგა. ოთახში შევედი და გავშეშდი. სიკო და ჩვენი სამი კოლეგა შეერთებულ მაგიდებზე გაშლილ სუფრას უსხედან და „უბერავენ“. მე რომ დამინახა, სიკომ ტაში შემოჰკრა, ხელში კი კონიაკით სავსე ჭიქა აიღო, ცეკვით წამოვიდა ჩემკენ და მითხრა:

– მოდი, გივი-ჯან, დალიე, შენებური ჯიგრული სადღეგრძელო თქვი და ეს გემრიელი საჭმელიც შეირგე...

სიკო მინასიანის სიტყვებზე წელში გამცრა, რადგან შეერთებულ მაგიდებზე გაშლილი სუფრა მკვლელობის ადგილიდან წამოღებული სამხილი იყო, რომელიც თითქმის აღარ არსებობდა. მართალია, სამხილი საჭმელი იყო, მაგრამ, არსებული კანონმდებლობის მიხედვით, სამხილის განზრახ განადგურებისთვის ამის გამკეთებელს პატიმრობა ემუქრებოდა.

სიკომ თვითონვე აცნობა პროხოროვს სამხილების განადგურების ამბავი, რადგან, თავად სამხილი სამი გამომძიებლის კუჭებში იყო გადანაწილებული და ექსპერტიზისთვის აღარ ვარგოდა...

ანტონ ივანიჩმა სამივე გამომძიებელი სამსახურიდან დაითხოვა, თუმცა მათზე სისხლის სამართლის საქმე არ აღუძრავს და ციხეში არ გაუშვია, სიკო მინასიანი კი ერთი წლის შემდეგ ერევანში, ჩემი მივლინების დროს შემხვდა – ის ერთ-ერთ რესტორანში მებუფეტედ მუშაობდა...“

დღვანდელი მოგონებების დასასრულს ერთ უჩვეულო ისტორიას გაგაცნობთ, რომელიც რამდენიმე წლის წინ ქალაქ ქუთაისში „დაფიქსირდა“.

თბილისის მინიატურების თეატრში მუშაობდა და მოღვაწეობდა ერთი მეგრელი ახალგაზრდა მსახიობი. ნება მომეცით რომ მისი გვარი არ დავასახელო და სახელი გურამით მოვიხსენიო.

ერთ დღეს, პირდაპირ თეატრში დაურეკეს მშობლიური ზუგდიდიდან ნათესავებმა – ჩვენი გვანჯი ზარქუა სრულიად უდანაშაულოდ, შეცდომით დაუჭერიათ ქუთაისში, იქ ზის ციხეში და, თუ ძმა ხარ, სასწრაფოდ ჩამოდი, გვიშველე რამე, ცნობილი კაცი ხარ, პატივს გცემენო. გურამიც სასწრაფოდ გაემგზავრა საღამოს მატარებლით ზუგდიდში.

ზუგდიდის სადგურში დაჭერილი პატიმრის საახლობლოთი გაძეძგილი სამი მანქანა დახვდა, – ორი „ჟიგული“ და ერთი „კოლხოზნიკი“.

– არიქა, დროზე, მივხედოთ ახლა გვანჯის, თვარა, მილიციის ამბავი ხომ იცი შენ, რაც მეტი დრო გავა, უფრო დაგვიმძიმდება მაგი საქმე და, ქრონიკულში თუ გადავიდა – მოგჭამა ჭირი, მერე აღარაფერი ეშველება! – წააყარეს სხაპასხუპით.

გურამი ერთ-ერთ მანქანაში ჩაჯდა და „დაგაზეს“ ქუთაისისკენ.

მიადგნენ ციხის შენობას და მორიგე მილიციელს დაადგნენ თავზე.

– აქ ჩვენი ახლობელი დაუჭერიათ, სულ არაფრიზა, დაახლოებით და, თუ შეიძლება, იქნება, მოგვიძებნოთ ეგ ბიჭი. არაა ცუდი ბიჭი, ერთი კაცი რაა, ისიც კი არ ჰყავს მოკლული არასდროს, რომ იცოდეთ, დახასიათებისთვის, მიახლოებით!

– რა ჰქვია თქვენს „ანგელოზს“? – მძიმედ იკითხა მორიგემ.

– გვანჯი ქვია და ზარქუა კიდო!

– ზ... ზ... ზ... ზ... – ჩააყოლა სიას თითი მორიგემ.

– არ არის, ხომ? – გაუხარდათ მეგრელებს.

– ხელს ნუ მიშლით... ზ... ზ... ზ... ზ...

– ხოხ, მაინც არის, არის ხომ?! – „გაუტყდათ“ მოსულებს.

– არის, მაგრამ, არ არის.

– ხოხ! რასაა, რომ ამბობს პატივცემული უმფროსი, რასაა, რო ამბობთ? კაკ ეტა... სეიჩას იესტ, ა, სეიჩას ნიეტ?!  რავა, გოდერძი ხო არაა, მახარაშვილი, კაცო?!

– გადაუყვანიათ... აი, წერია აგერ.

– ხოხ, სად, კაცო?

– ახალ ციხეში.

– დედა, რა გვითხარით ახლა თქვენ ჩვენ ეს?!

– კი, ასეა, ბატონო!

– არიქა, ჩქარა! – აქოთქოთდნენ მეგრელები, გადაავსეს მანქანის ავზები ბენზინით და დაიძრა კოლონა ახალციხისკენ.

კარგა მოსაღამოებულზე მიადგნენ ახალციხის მილიციის განყოფილებას და ახლა იქაურ მილიციის მორიგეს დაადგნენ გაზეპირებული ტექსტით:

– თქვენთან ზის ჩვენი გვანჯი... ზარქუა... ასო „ზ“ -ზე.

– ზ.. ზ... ზ... ზ...

– არ არის, ხომ?

– არა, ბატონო, აქ მასეთი არავინაა, არც შემოუყვანიათ, არც გაუშვიათ.

– დანამდვილებული ამბავია ხომ, ახლა მაგი?! – თავიდან გაუხარდათ მეგრელებს.

– ნამდვილად არ არის...

– ხოხ, ქუთაისში არ არის, ახალციხეში არ არის! აბა სად არის? როგორ, კაცო, „მაროჟნი“ ხომ არაა, რომ გამდნარიყო?

– იქ უფრო დაგაკვალიანებენ, მე რას მერჩით, ერთი დაბალხელფასიანი მორიგე ვარ ჩემთვის.

გაავსეს ისევ მანქანების ავზები და დაბრუნდნენ ქუთაისში.

დილის 7 საათი იქნებოდა, ქუთაისის ციხის იმავე განყოფილებას რომ მიადგნენ. ისევ ის მორიგე ყვინთავდა მაგიდასთან.

– რა დროს ძილია, კაცო?! გამოიღვიძე ერთი წუთით და კარგად ნახე სპისოკი... ნამდვილი გვითხარი, თუ არა, გამწარებულები ვართ ახლა ჩვენ და, ვინ იცის, რას არ მოვიმოქმედებთ აქ და ახლავე!

მორიგემ ისევ ამოიღო დავთარი და ხელახლა ჩაათვალიერა.

– ა, ბატონო, ხომ გითხარით, სადაც გადაიყვანეს.

– ვიყავით, ბატონო, ახალციხეში, არაა იქ და, ცამ ჩაყლაპა აპა?!

– სად იყავით?

– ახალციხეში.

– მოიცა... ახალციხეში რა ჯანდაბა გინდოდათ?

– კაცო, შენ რა გვითხარი?

– კარგით რა... ახალციხეში კი არა ახალი ციხე ააშენეს ქუთაისში, აქედან სამ კილომეტრში და იქაა გადაყვანილი...

– ბიჭოს! – იყვირეს მეგრელებმა და ისევ მანქანაში შეცვივდნენ. 




 ახალი ამბები
  • სენაკში მიკროავტობუსი ქვეითად მოსიარულეს დაეჯახა - მამაკაცი გარდაიცვალასენაკაში ავტოსაგზაო შემთხვევას ქვეითად მოსიარულე მამაკაცი ემსხვერპლა. „გურია ნიუსის“ ინფორმაციით, მიკროავტობუსი 50 წლამდე მამაკაცს დაეჯახა, რომელიც საავადმყოფოში მიყვანის შემდეგ გარდაიცვალა. უბედური შემთხვევა გუშინ ღამით მოხდა. გარდაცვლილი ძველი სენაკის ... ...
  • კლინიკა "მედალფას" პედიატრი: "დღეს დახმარებისთვის ერთი ბავშვია შემოსული"კლინიკა „მედალფას“ პედიატრიული სამსახურის კოორდინატორი, მარკა ზარნაძე „გურია ნიუსთან“ განმარტავს, რომ ოზურგეთის ბაღებში მოწამვლის ნიშნებით მყოფ პაციენტთაგან, გუშინ ორი დაბრუნდა ბინაზე. _ისინი დაბრუნდნენ ბინაზე მას შემდეგ, რაც ჩაუტარდათ გადაუდებელი ამბულატორიული მომსახურება. დღეს კი მხოლოდ ერთი პაციენტი შემოვიდა, ბაღის აღსაზრდელი, ასეთივე მომსახურების საჭიროებით.  გაეწევა დახმარება და დაბრუნდება ბინაზე, _ გვითხრა მან. მარიკა ზარნაძემ ასევე გვითხრა, რომ  ოთხ პაციენტს, რომლებიც ინფექციურ განყოფილებაში არიან მოთავსებული, ახლაც რჩებიან კლინიკაში და განაგრძობენ ... ...
  • უპასუხისმგებლო მოქალაქეებს, ამჯერად, ქეიფი მცხეთაშიც შეეზღუდათთბილისის და ქუთაისის შემდეგ, 22 საათიდან რესტორნები მცხეთაშიც დაიკეტება _ ეს გადაწყვეტილება საკოორდინაციო საბჭომ იმის გამო მიიღო, რომ თბილისში დაწესებული შეზღუდვების შემდეგ, რესტორნებსა და ბარებში გართობის მსურველთა ნაკადმა მცხეთაში და თბილისის გარეუბნებში გადაინაცვლა.   ასე, რომ მცხეთის მუნიციპალიტეტში ათი საათიდან რესტორნები დაიკეტება. ეპიდემიოლოგიური მდგომარეობის დამძიმების მიუხედავად, მოქალაქეთა ნაწილი ვერ აცნობიერებს, თუ რა მძიმე შედეგი შეიძლება მოჰყვეს სოციალური დისტანცირების დაუცველობას, პირბადის ტარების და ჰიგიენური ნორმების დაუცველობას. შეგახსენებთ, რომ 22 საათიდან რესტორნებსა და ბარებში სტუმრობის შეზღუდვა თბილისსა და ქუთაისში, 16 ოქტომბრიდან ამოქმედდა. დღეიდან კი შეზღუდვა მცხეთაშიც ამოქმედდა. შესაბამისად, გასართობი დაწესებულებები მუშაობას საღამოს 22 საათიდან ... ...
  • აქვს თუ არა ფანჯარა და კარი სამების მე-5 საარჩევნო უბნის შენობას „მთავარი არხის“ ინფორმაციით, გაერთიანებული ოპოზიციის მაჟორიტარი დეპუტატობის კანდიდატი გურიაში მანუჩარ კვირკველია საარჩევნო შეხვედრებს მართავდა ჩოხატაურის სოფლებში _ სამებასა და ფარცხმაში. ტელეკომპანიის თქმით, „ჩოხატაურის მუნიციპალიტეტის სოფელ სამების მე-5 საარჩევნო უბნის შენობას არც ფანჯარა და არც კარი აქვს“. მანუჩარ კვირკველიას შტაბის ხელმძღვანელი ირაკლი ღლონტი ცესკოს თავმჯდომარეს, თამარ ჟვანიას მიმართავს, რომ დროულად მოხდეს ამ პრობლემის მოგვარება. "ნაციონალური მოძრაობის" წევრებმა "გურია ნიუსს"ამ შენობის ფოტოც მიაწოდეს. ჩოხატაურის საოლქო საარჩევნო კომისიის თავმჯდომარის თემურ კუტუბიძის თქმით, სამების საარჩევნო უბანს კარიც აქვს და ფანჯარაც: “იმ ოთახს, სადაც სხედან საარჩევნო უბნის თავმჯდომარე და წევრები, კარიც არის და ფანჯარაც _ როგორ შეიძლება საარჩევნო უბნის შენობა კარის და ფანჯრის გარეშე?! “გაერთიანებული ოპოზიციის“ მიერ გავრცელებულ ინფორმაციას არ ვადასტურებ, რადგან ეს არ შეესაბამება სიმართლეს. დაახლოებით 20 წელია, მაგ შენობაში ტარდება არჩევნები და ახლა არ აქვს ფანჯარა და კარი?! “გაერთიანებულმა ოპოზიციამ“ უკვე მოგვეწერა ამის შესახებ წერილი და წერილობით გავცემ პასუხს. მე პირადად ყველა პრობლემის შესახებ ვიცი, რომელიც არის საარჩევნო უბნებზე და ეს პრობლემები გვარდება, რომ 31 ოქტომბერს ამომრჩეველმა თავისი არჩევანი მშვიდ და წყნარ გარემოში გააკეთოს“, _ გვითხრა თემურ ... ...
  • ოზურგეთში ინტერნეტის ქსელის მშენებლობა დაიწყო„რამდენიმე თვეში, სახელმწიფო პროგრამის ფარგლებში, მთავრობის მიერ შერჩეულ საპილოტე რეგიონში _ ოზურგეთის მუნიციპალიტეტში 49 სოფლის 30 000-მდე მოსახლეს შესაძლებლობა ექნება, მიიღოს მაღალი ხარისხის ინტერნეტი. პარალელურად, მსოფლიო ბანკთან ერთად ვაგრძელებთ ტექნიკურ პროექტირებას დანარჩენი საქართველოსთვის და ეს პროექტიც ძალიან მალე დაიწყება“, _ ამის შესახებ ეკონომიკისა და მდგრადი განვითარების მინისტრმა ნათია თურნავამ განაცხადა. მისი თქმით, ოზურგეთის მოსახლეობა მაღალხარისხიანი ინტერნეტით მაქსიმუმ 2021 წლის თებერვლიდან ისარგებლებს. „ვასრულებთ დაპირებას, რომელიც „ქართულმა ოცნებამ“ მისცა მოსახლეობას - დავიწყეთ „ოუფენ ნეტის“ ძალიან მნიშვნელოვანი პროექტი და საპილოტე მუნიციპალიტეტში სამუშაოები უკვე რამდენიმე დღეა, ძალიან მაღალი ტემპით მიმდინარეობს. საპილოტე რეგიონად გამოვყავით ოზურგეთის მუნიციპალიტეტი, სადაც ზოგან არ არის ინტერნეტი, ზოგან კი ძალიან დაბალი ხარისხისაა. მაქსიმუმ თებერვალში უკვე გვექნება ე. წ. „განათებული ქსელი“, რაც იმას ნიშნავს რომ მაღალხარისხიანი ინტერნეტით უკვე ისარგებლებენ აქაური ოჯახები“, _ აღნიშნა ნათია თურნავამ. ეკონომიკის სამინისტროს ინფორმაციით, აშენებული ფართოზოლოვანი ინფრასტრუქტურა უზრუნველყოფს ნებისმიერი ოპერატორისთვის თავისუფალი, შეუზღუდავი და არადისკრიმინაციული პირობებით ღია დაშვების მომსახურების მიწოდებას - ოპერატორებს მიეცემათ შესაძლებლობა განავითარონ საკუთარი ქსელები, ხოლო მომხმარებლებმა ისარგებლონ ხარისხიანი ინტერნეტით. საპილოტე ქსელის პარალელურად, მსოფლიო ბანკმა, საქართველოს ფართოზოლოვანი ქსელების განვითარების 2020-2025 წლების ეროვნული სტრატეგიისა და მისი განხორციელების სამოქმედო გეგმის მხარდაჭერის მიზნით, საქართველოს მთავრობასთან თანამშრომლობით, შეიმუშავა პროექტი "Log in Georgia", რომელიც უზრუნველყოფს რეგიონებში ფართოზოლოვან ინტერნეტქსელებთან ხელმისაწვდომობას. მსოფლიო ბანკთან ერთად დაგეგმილია ინტერნეტიზაცია მთელი საქართველოს მასშტაბით _ ეს იქნება 1000 -მდე დასახლებული პუნქტი, მათ შორის, მაღალმთიანი სოფლები. წყარო: ... ...

არქივი

ტესტები

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ ყველაზე, ყველაზე...

იცი თუ არა გეოგრაფია

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...