პირდაღებული ჩეკისტი და გია სტომატოლოგი

gurianews.com

ა კიდო

პირდაღებული ჩეკისტი და გია სტომატოლოგი

2017 სექ 9 11:34:22

დღევანდელ წერილში მორიგ „სახალისო ისტორიებს“ წარმოგიდგენთ. ჩვენი სტუმრები ქართველი ექიმები იქნებიან. ამ პროფესიის ხალხის მიმართ ადამიანების დამოკიდებულება ორგვარია. ექიმების გვეშინია და მათთან „კონტაქტს“ თავს მაქსიმალურად ვარიდებთ. ამის მიუხედავად, როდესაც გვიჭირს უპირველეს რიგში დასახმარებლად თეთრხალათიანებს ვუხმობთ.

ექიმები მეტწილად მხიარულ პიროვნებათა კატეგორიას მიეკუთვნებიან. არაერთი ახლობელი „დასტაქარი“ მყავს და სუფრაზე ყოველთვის პაციენტებთან დაკავშირებულ კურიოზულ შემთხვევებს იგონებენ.

დღევანდელ „ისტორიებში“ რამდენიმე ცნობილი თბილისელი ექიმის სახალისო მოგონებას წარმოგიდგენთ.

ჩვენი პირველი სტუმარი ბატონი ლადო კახაძე იქნება.

„იყო ასეთი გენიალური კაცი _ მეან-გინეკოლოგი, პროფესორი მიხეილ გიგინეიშვილი. მაშინ სამედიცინო კათედრის გამგეა და დილის მორიგეობაზე ვახსენებთ ჩვენი ღამის სამუშაოს შედეგებს, რომ დილას მოსული ახალი ბრიგადა ყველაფრის საქმის კურსში იყოს.

მაშინ წერა არ მეზარებოდა და მე ვწერდი ამ შედეგებს. მოგეხსენებათ, ვცეკვავდი კიდეც და აუცილებელი იყო ჩემი წასვლა მოსკოვში, ანსამბლთან ერთად – ფინალში „ქართულს“ ვცეკვავდი და აბა, რა მექნა?! გავფრინდებოდი მოსკოვში, ვიცეკვებდი და დილის კონფერენციაზე ისევ გადმოვფრინდებოდი. ამის შესახებ გოგონები გავაფრთხილე, მოახსენეთ ბატონ მიხეილს, რომ ერთი კონფერენციის გაცდენა მომიწევს-მეთქი. როცა მომიკითხა ჩემმა მასწავლებელმა, უთხრეს: დაიღალა ლადო, ცოტა შეუძლოდ გახდა და სახლში გავუშვითო, – რატომღაც, არ უთხრეს სიმართლე. ცხადია, მოსკოვში ვიცეკვე და გადმოვფრინდი მეორე დღესვე.

კონფერენციაზე გიგინეიშვილი ამბობს: ეს ჯიბგირი გუშინ მოვიკითხე და, ავად არისო, მითხრეს. ვზივარ საღამოს ტელევიზორთან, ვუყურებ გადაცემას მოსკოვიდან და ეს ცუდად მყოფი ვაჟბატონი არ გამოხტა და გაშალა ხელებიო?!“

ბატონი ლადო ერთი პერიოდი პოლიტიკითაც იყო დაკავებული და თბილისის საკრებულოში მოღვაწეობდა.

„ერთ დღეს საკრებულოს სხდომა მიმყავს, ვზივარ დარბაზში, სხდომის პირველი ნაწილი დასრულებულია, მეორე იწყება და კენჭისყრაზე უნდა დავაყენოთ რაღაც საკითხი. იქ, ცხადია, იყვნენ ოპოზიციურად განწყობილი ძალები და მხარს არ გვიჭერდნენ. კვორუმს ვერ ვკრებთ, ამიტომ, სხდომის ჩავარდნის საფრთხეა და, რა ვქნა, ვღელავ.

ამ დროს მიკროფონი ჩართულია და გვერდზე მჯდარ მეგობარს ველაპარაკები საკრებულოს წევრების ნაცვლად, სუფრის წევრები სად არიან-მეთქი, – ვკითხე. მიკროფონი გამორთული მეგონა და, მოულოდნელად, როცა გაიგეს, რაც ვთქვი, ბევრმა იხალისა და იმ ადამიანებმაც კი, ვინც არ აპირებდნენ სხდომაზე ჩამოსვლას, სასწრაფოდ დატოვეს საკუთარი ოთახები და შემოგვემატნენ. ჩემმა იუმორმა ნამდვილად გადამარჩინა მაშინ, კვორუმიც შევკრიბე და ის საკითხიც გავიტანე კენჭისყრაზე“.

თავის დროზე პოპულარული ჯგუფი „ოთხი გიას“ წევრი გია ბეროშვილი ამჟამად წარმატებული ექიმია. გიას მოსაგონარი არაერთი ისტორია გააჩნია და ერთ მათგანს ქვემოთ შემოგთავაზებთ.

„იყო დრო, როცა ჯგუფ „ოთხი გიას“ წევრები, ქალაქური სიმღერების რეპერტუარის გამო, ძალიან პოპულარულები ვიყავით. ერთხელ, ერთ-ერთი კონცერტის შემდეგ, ორი ახმახი კაცი მოვიდა და გვითხრა, წამოდით ბიჭებო, ჩავუსხდეთ, კარგად უნდა გაქეიფოთო. ვუთხარით, თქვენი ჭირიმე, დავიღალეთ, კი ბატონო, დავსხდებით, დავლევთ, მერე სიმღერას მოგვთხოვთ და ამდენი აღარ შეგვიძლიაო. გაშალეს ხელები, მაგაზე იკავებთ თავს, ოღონდ თქვენ წამოგვყევით, არ გთხოვთ სიმღერას, ძლივს მოგძებნეთ, სუფრასთან დასხედით, სვით და ჭამეთ, მეტი არაფერი გვინდაო, უარი არ გვითხრათ, ყველაფერს რომ თავი დავანებოთ, დეიდა ძლივს დავითანხმეთ „დასაკლავადო“.

ისე სერიოზულად საუბრობდნენ, ვიფიქრეთ, მართლა არ აუტეხონ იმ ქალს რაიმე შარი, თან ასე გულით უნდათ ჩვენთან ქეიფიო და გავყევით. მართლაც, მაგარი სუფრა გაშალეს ალიკამ და ვატომ. ისეთი იმღერეს და იცეკვეს, იქ ხმას როგორ ამოვიღებდით. ჯემალ ბაღაშვილს უსწავლებია მათთვის დაკვრა. გავიხედეთ, ალიკამ, ანუ სუფრის თამადამ, აიღო ღვინის ბოთლი და ჩაიცალა პირში. გადაირია ვატო, წამოხტა, წამოარტყა ძმას ხელი თავში და გაბრაზებულმა უთხრა: ბიჭო, ხომ გითხრა ექიმმა, არ დალიო ბევრი, კუჭის წყლული გაქვს და გაგისკდება ეგ ოხერიო. ალიკაც წამოიმართა: მერე რას მირტყამ, ამ საპატივცემულო ხალხში თავში ხელსო. ვატომაც არ დაუთმო: გირტყამ, თორემ ახლა შენც ემალი არ აგცვივდეს მაგ თავიდანო“.

„ოთხი გიას“ კიდევ ერთი წევრი გია ნაცვლიშვილიც ექიმია. ნება მომეცით მისი ერთი მოგონება შემოგთავაზოთ, რომელიც გაგიკვირდებათ და გია ბეროშვილის „პროფესიულ საქმიანობას“ ეხება.

„ერთი ჩემი მეგობარი სექსოლოგია. ხშირად ვაკითხავდი სამსახურში. ერთ დღესაც, ახლობელმა მოაკითხა და შესჩივლა, უნდა მიშველოო.

ჩემმა მეგობარმა, როგორც პაციენტს ისე მიმართა, დაბრძანდი და მომიყევი, რა პრობლემა გაწუხებსო. ისიც ჩამოჯდა, თითი სასქესო ორგანოსკენ მიიშვირა და დაიწყო: აღარ შემიძლია, უნდა მიშველო, ეს საოხრე არქეოლოგივით სულ დაბლა იყურებაო.

რასაკვირველია, ექიმმა დაწვრილებით გამოკითხა ყველაფერი, გამოუწერა წამლები და დაუწყო მკურნალობის კურსი.

გავიდა რამდენიმე დღე, ისევ მივაკითხე ჩემს ძმაკაც სექსოლოგს. ვზივართ, ვსაუბრობთ და უცებ გაიღო კარი და ის ტიპი შემოვარდა. გამარჯობაც კი არ უთქვამს, ისე გაიშვირა ხელი სასქესო ორგანოსკენ და დაიწყო: შენ გაიხარე, ძმაო, არქეოლოგი იყო ეს შობელძაღლი და ახლა ისეთი ასტრონომია, მიედაროს ნებისმიერი ამ სფეროს პროფესიონალიო“.

გია ნაცვლიშვილი კოლეგაზე კიდევ ერთ „ამბავს“ მოგვიყვება.

„ერთ დღესაც ჩემს მეგობარს ბიძა მიადგა კლინიკაში და შესჩივლა, ძალიან ცუდად არის ჩემი საქმე, ღამეში ცოლთან სამჯერ რომ ვიყავი, ახლა ერთხელ ვარ, კუჭის მოქმედება დღეში ერთხელ რომ მქონდა, ახლა ორ დღეში ერთხელ მაქვს და უნდა მიშველო, შენი ჭირიმეო.

ექიმი დაინტერესდა, ჯერ უსმინა და რომ მიხვდა ბიძამისმა ნამეტანი გაუბერა, ირონიულად ჰკითხა: რამდენი წლის ხარო. ბიძას გაუკვირდა: რა, არ იცი, რამდენისაც ვარ? ახლახან გავხდი 72 წლის. შენ რა, დაგავიწყდაო.

ჩემს ძმაკაცს გაეცინა: კი არ დამავიწყდა ბიძაჩემო, მაგრამ იმიტომ დავეჭვდი შენს წლოვანებაში, რომ კანალიზაციის მილი ვერ უძლებს სამოც წელზე მეტს და შენმა სასქესო ორგანომ და კუჭ-ნაწლავმა, ამდენ ხანს როგორ გაგიძლოო“.

ექიმი, მომღერალი, პოეტი, ნაღდი თბილისელი, კოლორიტი და, უბრალოდ, კარგი ადამიანი – ასე მოიხსენიებენ გია კობახიძეს მეგობრები. დღეს ბატონი გია ერთ ორიგინალურ  შემთხვევას გაიხსენებს...

„სტომატოლოგი გახლავართ და ერთი ხნიერი, სიმპათიური კაცი მოვიდა ჩემთან კბილების გასაკეთებლად. თურმე, თავის დროზე, უშიშროების სამსახურში მუშაობდა და პოლკოვნიკის წოდებაც ჰქონდა.

დაჯდა სტომატოლოგიურ სკამზე და დააღო პირი. საკმაოდ დიდხანს მომიწია მუშაობა და იჯდა ასე, მორჩილად. როგორც იქნა, დავასრულე მუშაობა და, რომ ვუთხარი, პირი დახურეთ-მეთქი, სიცილი აუვარდა. ვკითხე, რა მოხდა-მეთქი. მიპასუხა: რა მოხდა და, მთელი ცხოვრება ჩეკისტი ვარ და ახლა მივხვდი, თურმე, ერთადერთ ადგილას ეპატიება ჩეკისტს პირღიობა. კბილის ექიმის სავარძელშიო“.

დღევანდელი წერილის დასასრულს ბატონ ლადო კახაძეს დავუბრუნდებით და მის ერთ საყვარელ ანეკდოტს შემოგთავაზებთ.

„ერთ ძველ ანეკდოტს გავიხსენებ: კომუნისტების დროა და ბრეჟნევია მმართველი. ერთმა კაცმა იფიქრა ბევრი და იმ დასკვნამდე მივიდა, რომ ციხეში უნდა მოხვედრილიყო, რადგან ამ ცხოვრებაში ციხის მეტი ყველაფერი ენახა და იქაური ყოფაც აინტერესებდა. უნდოდა, დაეპატიმრებინათ, ოღონდ, ცოტა ხნით.

აიღო ხელში კოდექსის წიგნი და კითხულობს: „სახელმწიფო საიდუმლოს გაცემა ისჯება 15 წლით, კაცის კვლაზე და ორგანიზებულ, განსაკუთრებით საშიშ ყაჩაღობაზე არის დახვრეტა“... მერე მოჰყვება თანდათან და წერია: „სახელმწიფო ქონების მითვისება, ასევე, ისჯება 15 წელი პატიმრობით“... ჩამოაყოლა თვალი დაბლა და კითხულობს, „სიტყვიერი შეურაცხყოფა, ხულიგნობა“ ისჯება 1 წლამდე თავისუფლების აღკვეთით – და, ეს ვარიანტი მოეწონა, იფიქრა, ცოტა ხანს დავისვენებ ციხეში, წიგნების წაკითხვის დროც მექნებაო.

შეარჩია შესაფერისი დრო და, ერთ მშვენიერ დღეს, ბრეჟნევი ჩამოფრინდა სხვა ქვეყნიდან. ტრაპზე ჩამოვიდა თუ არა, მიეჭრა მას და უთხრა, შენ ხარ დებილი, გაუნათლებელი, სახელმწიფო მოღალატე და უტვინოო.

დაიჭირეს და მიუსაჯეს 16 წელი პატიმრობა. კი მაგრამ, რატომ, რა დავაშავეო, – იკითხა გაოგნებულმა, – სიტყვიერი შეურაცხყოფა ხომ მხოლოდ 1 წლით ისჯებაო. კიო – დაეთანხმა მოსამართლე, – ეგ კი ისჯება 1 წლით, მაგრამ მაგას დაემატა სახელმწიფო საიდუმლოების გაცემა, ამიტომ, იჯექი 16 წელი და ხეხე ციხეო".



 ახალი ამბები
  • შემოქმედში სოფლის დღესასწაული გაიმართაოზურგეთის მუნიციპალიტეტის სოფელ შემოქმედში სახალხო დღესასწაული ,,შემოქმედობა -2017'' და რეგიონური ფოლკლორული ფესტივალი ,,ფუძეობა'' გაიმართა. მთავარი კონცენრტის დაწყებამდე გაიმართება ხალხური რეწვის ოსტატების ნამუშევრების გამოფენა, გურული ტრადიციული კერძების მომზადება-დაგემოვნება.  ღონისძიებაში გურიის ოთხივე მუნიციპალიტეტის ფოლკლორული და ქორეოგრაფიული ანსამბლები ჩაერთვებიან.  “შემოქმედობას“ გურიის გუბერნატორი, მერაბ ჭანუყვაძე და ადგილობრივი ხელისუფლების წარმომადგენლები დაესწრნენ. ღონისძიების დასასრულს ჯგუფ “მგზავრების“ კონცერტი გაიმართა.  “შემოქმედობა-2017“ ოზურგეთის მუნიციპალიტეტის გამგეობა, გამგეობის კულტურის, სპორტისა და ტურიზმის განვითარების სამსახურის მიერ იყო ორგანიზებული, ხოლო “ფუძეობა“ კულტურის სამინისტროს პატრონაჟით ... ...
  • რის შესახებ ისაუბრებს პრემიერი გაეროშიოკუპირებულ ტერიტორიებზე არსებული მდგომარეობა-ეს იქნება ერთ-ერთი მთვარი საკითხი, რაზე სასაუბროდაც პრემიერმინისტრი გაეროს მაღალ ტრიბუნას სიტყვით გამოსვლისას გამოიყენებს. ამის შესახებ საგარეო საქმეთა მინისტრის პირველმა მოადგილემ განახადა.  დავით ზალკანიანის თქმით, იმის გათვალსწინებით, რომ 72-ე სესიის გენერალური დებატების მთავარი თემაა ადამიანის განვითარება მდგრადი განვითარების პირობებში, გიორგი კვირკაშვილი ასევე ყურადღებას გაამახვილებს საქართველოს ჭრილში თუ რას აკეთებს ხელისუფლება მოქალაქეების კეთილღეობისა და სტაბილურობის უზრუნველსაყოფად. ქართული დელეგაცია დევნილების შესახებ იმ რეზოლუციის მნიშვნელობაზეც საუბრობს, რომელსაც გენერალურ ასამაბლეაზე ყოველწლიურად აგრძლებენ. '' ეს რეზოლუცია მოუწოდებს იმ ძალას, რომელიც ახორცილეებს ეფექტურ კონტროლს ამ ტერიტორიებზე, უზრუნველყოს ამ ადამიანების მშვიდობიანი დაბრუნება საკუთარ სახლებში და ასევე უზუნველყოს უფლება  საკუთრებაზე, რომელიც მათ აქვთ წართმეული. ჩვენ ყოველწლიურად ვზრდით იმ ქვეყნების რაოდენობას, რომელიც ამ რეზოლუციას უჭერს მხარს, მაგრამ მთავარია ის, რომ ჩვენ მუდმივად ვართ გაეროს დღის წესრიგში"- განაცხადა ... ...
  • ვლადიმერ იმნაძე საქართველოს მკლავჭიდელთა და პარამკლავჭიდელთა ნაკრების წევრებს შეხვდა (R)ვეტერანების საქმეთა სახელმწიფო სამსახურის დირექტორი ვლადიმერ იმნაძე საქართველოს მკლავჭიდელთა და პარამკლავჭიდელთა ნაკრების წევრებს და ფედერაციის პრეზიდენტს ერეკლე გურჩიანს შეხვდა. უწყების ხელმძღვანელმა საქართველოს ნაკრებს უნგრეთში ნაკრებს წარმატებული გამოსვლა მიულოცა და წარმატებები უსურვა. შეხვედრაზე აღინიშნა ვეტერანების საქმეთა სახელმწიფო სამსახურის ბენეფიციართა, ვეტერანების ოჯახის წევრთა, ომის ვეტერან შშმ პირთა და თავად უწყების ჩართულობა სპორტის სხვადასხვა სახეობების პოპულარიზაციის საქმეში, ვლადიმერ იმნაძემ უწყების მხარდაჭერა აღუთქვა სტუმრებს. მკლავჭდელთა ნაკრებში საქართველოს ტერიტორიული მთლიანობისთვის მებრძოლი შშმ ვეტერანი ზვიად ხაჩიძეც გამოდიოდა, რომლის დებიუტიც მეოთხე ადგილის მოპოვებით აღინიშნა, ხოლო მის მიერ მოტანილი ქულები საერთო სანაკრებო ქულათა რაოდენობაში აისხა. მკლავჭიდელთა და პარამკლავჭიდელთა მსოფლიო პირველობას უნგრეთის დედაქალაქმა ბუდაპეშტმა უმასპინძლა. ეროვნულმა, 21 და 18-წლამდელთა ნაკრებმა გუნდებმა 30 მედალი მოიგეს: 9 ოქრო, 11 ვერცხლი და 10 ბრინჯაო, მათ შორის 18-წლამდელებმა 2 ოქროს, 1 ვერცხლის და 3 ბრინჯაოს მედალი, ხოლო 21-წლამდელებმა 2 ოქრო, 5 ვერცხლი და 4 ბრინჯაო. პარამკლავჭიდელთა აქტივში 24 მედალია: 15 ოქრო, 3 ვერცხლი და 6 ბრინჯაო.    ... ...
  • ავტოსაგზაო შემთხვევას სამი ადამიანის სიცოცხლე ემსხვერპლაამბროლაურის მუნიციპალიტეტის სოფელ ხოტევში ავტოსაგზაო შემთხვევისას 3 ადამიანი გარდაიცვალა. გავრცელებული ინფორმაციით, ტრაილერი ამბროლაურის მიმართულებით მოძრაობდა და მას ასფალტის სატკეპნი მანქანა გადაჰქონდა, რა დროსაც გზაზე მდებარე ერთ-ერთი სახლის ეზოში შევარდა.  სახლის მცხოვრებლები შემთხვევის შედეგად არ დაშავებულან, ტრაილერში მჯდომი სამივე პირი კი გარდაიცვალა. შსს-ს ინფორმაციით, გამოძიება სსკ-ის 276-ე მუხლის მე-7 ნაწილით მიმდინარეობს. ... ...
  • რატომ დგას ლანჩხუთის ცენტრში კანალიზაციის სუნი, ანუ ვინ გადაჭრის პრობლემასქალაქ ლანჩხუთში, ჟორდანიას ქუჩის გარკვეულ მონაკვეთში, პირველი საჯარო სკოლის მიმდებარედ,  რამდენიმე დღეა გამვლელებს კანალიზაციის მძაფრი სუნი დისკომფორტს უქმნის, მათ შორის ბავშვებს, რომლებიც პირველ სკოლაში მრავლად სწავლობენ. კანალიზაციის სუნი კი სკოლის წინ გამავალი სანიაღვრე არხიდან ამოდის, სადაც დაბინძურებული წყალია დაგუბებული.   ცნობისთვის, გარდა საჯარო სკოლისა,  ამ არხის გასწვრივ რამდენიმე მაღაზია, აფთიაქი, სწრაფი კვების ობიექტი და კერძო  საცხოვრებელი სახლებია განლაგებული. _ ჩემმა მტერმა ვერ იგრძონო ეს საშინელი სუნი, ყარს აქაურობა. ისე ეს ახალი პრობლემა ნამდვილად არაა,  ამ ტერიტორიაზე ძალიან ხშირადაა ასეთი მდგომარეობა.   სხვა თუ არაფერი,  სირცხვილი მაინცაა ქალაქის ცენტრში ასეთი ანტისანიტარიის ბუდე გვქონდეს.  საკმაოდ ხალხმრავალი ადგილია და მგონი, ვიღაცამ უნდა იზრუნოს ამ პრობლემის მოგვარებაზე.  რა ვიცით, რა ჯანდაბაა, კი ავქოთდით შარდის სუნით ნახევარი ქალაქი, _  ამბობენ ის ადამიანები, რომლებსაც ხშირად უწევთ ამ ტერიტორიაზე გადაადგილება. ამ საკითხთან დაკავშირებით „გურია ნიუსი“ ა(ა)იპ „ლანჩხუთი-სერვისის“ ხელმძღვანელს თენგიზ ჭიჭილეიშვილს დაუკავშირდა, რომლისთვისაც აღნიშული პრობლემა კარგად ნაცნობია თუმცა, როგორ შეიძლება მისი საბოლოოდ გადაჭრა _ უცნობი. _ ჩვენი სამსახურის მიერ სისტემატურად ხდება ამ სანიაღვრე არხის გაწმენდა, ორ დღის წინაც თავიდან ბოლომდე გავასუფთავეთ, თუმცა, როგორც თავად ამბობთ, შედეგი არაა. რამდენადაც ვიცი, აქ გამავალ სანიაღვრე არხში კერძო საცხოვრებელი სახლებიდან ჩაედინება მოხმარებული და დაბინძურებული წყალი, ასევე, მიმდებარე ტერიტორიაზე თევზით მოვაჭრეები პირდაპირ აქ ასხამენ ნარეცხ წყალს. როგორც ჩანს, არხს არ აქვს სათანადო დახრა, რომ წყალი გაატაროს და ამიტომ გუბდება, შემდეგ კი დგება არასასიამოვნო სუნი.  ჩვენი სამსახურის  მიერ მუდმივ რეჟიმში ხდება არხის გასუფთავება, მაგრამ  ამ პრობლემის საბოლოოდ გადაჭრა  ჩვენ არ შეგვიძლია,  _ გვითხრა ჭიჭილეიშვილმა. ჟორდანიას ქუჩის აღნიშნულ მონაკვეთში შექმნილ მდგომარეობასთან დაკავშირებით საქმის კურსში არიან მუნიციპალიტეტის გამგეობაშიც, თუმცა, ამ დრომდე ფიქრობენ, როგორ უნდა გადაიჭრას ეს პრობლემა. _ ფაქტია, რომ ეს პრობლემა დგას, არაერთხელ ვიყავით კიდეც მისული ადგილზე მდგომარეობის შესასწავლად. თავად ადგილობრივი მოსახლეობა კატეგორიულად უარყოფს, რომ არხში მათი სახლებიდან ჩაედინება დაბინძურებული წყალი. მოკლედ, ჯერ კიდევ ძიებაში ვართ, როგორ უნდა გადაიჭრას ეს საკითხი, _ გვითხრა გამგეობის ინფრასტრუქტურისა და არქიტექტურის სამსახურის უფროსმა, ლევან ... ...

არქივი

ზაფრანი

ორიგინალური სასტუმრო

ახლახან იაპონიაში გაიხსნა "ბუს კაფე"...

ჰამბურგერის მუზეუმი

ფლორიდის ქალაქ დეიტონ-ბიჩის მცხოვრები 57...

“მომვლელი” ჯესი

დევონშირელი ლუიზა მურჰაუსის საყვარელი კოკერ-სპანიელი...

მფრინავი ფოსტალიონი

საფრანგეთში მფრინავი ფოსტალიონები გამოჩნდება -...

„რობოტის ბარი“

გერმანიაში ახლახან გახსნილი "რობოტის ბარი"...

დაპყრობილი კეიპტაუნი

კარგა ხანია, სამხრეთ აფრიკაში მშიერმა...
კარმიდამო ჩემი

მკურნალი ბუნება

ბროწეული არის "ზარმაცი" ნაწლავების მასტიმულირებელი...

"პენსიონერი მებაღე" კავშირი თვითწოდებასა და თვითრეალიზაციას შორის

ოზურგეთში, რუსთაველის ქუჩაზე მცხოვრებ სურგულაძეების...

ტუნგის ხე და ერთწლიანი ნერგების გადარგვის ვადები

ბოლო წლების განმავლობაში, სოფლის მეურნეობის...

რა სამუშაოები უნდა ჩავატაროთ შემოდგომის დასაწყისში

აგვისტოს ბოლოს, ბოსტნებში ზოგი ნათესი...

სანაკელის მოწყობა და ნაკელის შენახვის საუკეთესო წესები

ნაკელი მცენარისთვის საჭირო ყველა საკვებ...

როგორ მოხდება ღორების რეგისტრაცია

საქართველოს მთავრობამ მიიღო დადგენილება ღორის...

აზიური ფაროსანა სიმინდის ყანებს შეესია

მიუხედავად იმისა, რომ ივლისში გურიის...

წყალმცენარეები აკვარიუმისთვის

ჩვენს ირგვლივ ბევრს მოსწონს და...

სოკოს რაგუ წიწილის ხორცით

მომზადების წესი: ორი მოზრდილი თავი...

ბადრიჯანი ნიგვზიანი სატენით

ავიღოთ საშუალო ზომის  7-8 ცალი...


მიდიხართ თუ არა ადგილობრივი თვითმმართველობის არჩევნებზე?