სადამდე უნდა იყოს უკულტურობა სიამაყის და ვაჟკაცობის სიმბოლო?!

მკითხველი

სადამდე უნდა იყოს უკულტურობა სიამაყის და ვაჟკაცობის სიმბოლო?!

2014 ივლ 21 17:33:34

ქვეყანაში, სადაც კვების პროდუქტების ვარგისიანობის შემოწმება არ ხდება და ამის გამო საზოგადოებას პროტესტის გრძნობა არ გააჩნია, ვინმე  დაინტერესდება სხვა სახის  ცხოვრებისეული პრობლემებით? ძალზე საეჭვოა.

პრობლემები ჩვენთან განუზომლად ბევრია. არადა, რატომ არ უნდა აღელვებდეს საქართველოს მოქალაქეებს ის ტრაგიკული მოვლენა, რომ სოფლის მეურნეობა და მრეწველობა თითქმის მთლიანადაა განადგურებული, დანგრეულია ერთ დროს უმძლავრესი ფაბრიკა-ქარხნები, სხვადასხვა სახის კომუნიკაციები, პერიოდულად გამოდის მწყობრიდან საცხოვრებელი სახლები, კულტურულ-საგანმანათლებლო დაწესებულებები.

ამ დროს კი გაოცებას იწვევს ის, რომ არავინ არავითარ რეაგირებას არ ახდენს საქართველოში ჩაის, ციტრუსის, ხეხილის, ბოსტნეულის, ბაღ-ვენახებისა და ყველა იმ ბუნებრივი პროდუქტების ლიკვიდაციის ამაზრზენ ფაქტებზე, რომლებითაც საქართველო მსოფლიოში განთქმული იყო. სხვას რომ ყველაფერს თავი დავანებოთ, რატომ არ უნდა გვაშფოთებდეს ის, რომ საქართველო დღეს ჩაის ყიდულობს? ამ დროს კი ხელისუფლებაში არიან და მოდიან "პოლიტიკოსები", რომლებიც საკუთარი ხელფასებისა და პრემიების გარდა არაფერზე ზრუნავენ.

ყველაფერი ეს კი ხდება იმ დროს, როცა ჩვენი მოსახლეობის დიდი ნაწილი უმუშევარი, დამშეული და უსახლკაროა. ხოლო ასეთ დანაშაულებრივ მოვლენებზე, იშვიათ გამონაკლისთა გარდა, ხმას არავინ იღებს.

ასე რომ, ხელისუფლებაში მოსულთა თუ მომსვლელთა ლოზუნგი: "საქართველო ტყუილის გარეშე", მხოლოდ წინასაარჩევნო და გამოსაყენებელი პიარია და სხვა არაფერი. გავიხსენოთ _ ღარიბაშვილმა ამასწინათ ერთი საწარმო  რომ გახსნა, დღეს იგი უკვე აღარ მუშაობს; გავიხსენოთ, როცა ჯერ კიდევ ედუარდ შევარდნაძე სუფსის ტერმინალის ამოქმედებით აშენება-დამშვენებას გვპირდებოდა. მაგრამ როცა ტერმინალი ამოქმედდა და ნავთობდოლარმა ჩვეული თავბრუდამხვევი სურნელი გამოუშვა, მან მისთვის ჩვეული ცინიკური ღიმილით და გურული იუმორით  გვაუწყა:  "ნუ დავემსგავსებით იმ ას კაცს, ასი ცხვარი რომ უხაროდაო". ამ ხუმრობაში მხოლოდ ერთადერთი სიმართლე ჩანს _ ყველა ის ტრანზიტი, რომელიც გადის საქართველოს "კორიდორით", სუფსის ტერმინალია  თუ რკინიგზა, ავტომაგისტრალი თუ მრავალი სხვა საბაჟოები, არანაირ "მონიტორინგს" არ ექვემდებარება, და არავინ იცის, რა შემოსავალი მოაქვს იმ 18-თვლიანი  "ტრაილერების" ქარავანს, რომლებიც უმოწყალოდ, დღიან-ღამიანად სერავენ საქართველოს, ან რა ტვირთის გადაზიდვით არიან დაკავებული???

უნებლიედ, ეჭვს ბადებს ის გარემოება, რომ ხელისუფლების მაღალ ეშელონებში უჭირთ მორგებული სავარძლების, თბილი და გრილი კაბინეტების დატოვება,  მაშინაც კი როცა ყოველგვარი ვადები ამოწურულია. ეს იმიტომ, რომ იმ უაზროდ დიდი ხელფასებისა და პრემიების გარდა,  აქვთ სხვა აუწერლად ველური შემოსავალი ზემოთხსენებული ობიექტებიდან, ბიუჯეტში კი აქედან შედის მხოლოდ ის  მინიმუმი, რაც აუცილებელია იმისთვის, რომ საქართველო დარჩეს მსოფლიო რუკაზე, როგორც სახელმწიფო, თავისი პრეზიდენტის, პრემიერის, სასამართლოსა და ყოველგვარი  სამართალდამცველი ინსტიტუტებით.

რაც ყველაზე სასაცილოა, გვაქვს ბიუჯეტგაბერილი კულტურის სამინისტრო, მინისტრით და ხუთი მოადგილით _ სასაცილო იმიტომ, რომ ქვეყანაში სადაც კულტურაა, იქ იმდენ პატივს სცემენ კანონს, რომ მსგავსი ველური დანაშაული არ მოხდება.

კიდევ ერთი მაგალითი: რამდენიმე წლის წინათ სააკაშვილის თავდაცვის სამინისტრომ უკრაინიდან შეისყიდა 80 ტანკი, ჩამოიტანეს, ჩამოტვირთე პოლიგონზე, ჩაასხეს საწვავი, მაგრამ არც ერთი მათგანი არ დაიქოქა _ ჩაიხედეს და არც ერთ მათგანში ძრავი არ აღმოჩნდა. ცოტა ხმაურის შემდეგ ძრავების ყიდვას ამჯობინეს ტანკები ჯართად გაეყიდათ თურქეთში. ადვილია ტანკში გადახდილი საფასურის და მისი ჯართად გაყიდვის შემდეგ აღებული თანხის შედარება, თუმცა, ამ ქვეყანაში ვინმეს ეს აწუხებს? აი, ასეთი სამინისტრო ჩაიბარა ახალმა ხელისუფლებამ და სამინისტროს შეფმა ირაკლი ალასანიამ, რომელიც ჩუმად არის. რატომ?!

რამდენიმე წლის წინ, ერთ-ერთი ტელევიზიით გავიდა ისრაელის მაშნდელი პრემიერ-მინისტრი არიელ შარონი, ეს მყინვარივით გათეთრებული ბერიკაცი, ბავშვივით გარბოდა ტელესტუდიის დერეფანში და განუწყვეტლივ იმეორებდა, ხალხი უნდა დავამშვიდოო. საქმე ყოფილა შემდეგში: ვინმე კანადელ ბიზნესმენს, შარონის ანგარიშზე ჩაურიცხავს 1,5 მილიონი დოლარი, რაც იმავე დღეს  გამხდარა ცნობილი ისრაელი საზოგადოებისთვის. ამ ფაქტს მოჰყვა მოსახლეობის პროტესტი ქუჩებში: შენ ხარ ჩვენს მიერ დაქირავებული პრემიერი და ანგარიშვალდებული ხარ, აგვიხსნა, რაშია საქმეო. შარონმა მართლაც დაამშვიდა ხალხის და აუხსნა, კრიმინალს ადგილი არ ჰქონია.

ნორმალურ ქვეყანაში ხალხი სისტემატურად აკონტროლებს მის მიერ დაქირავებულ ხელისუფლებას. როცა ჩვენ მსგავსი საკითხები არ გვაინტერესებს და სასაცილოდ მიგვაჩნია, იმიტომ ხომ არ არის საქართველოს სახელმწიფო ბიუჯეტი 5 (?) მილიარდი, ხოლო ისრაელის _ 72 მილიარდი? ისიც უნდა ითქვას, რომ ტერიტორიის მიხედევით, ისრაელი 3,5 -ჯერ ნაკლებია საქართველოზე და იქედან ნახევარი უდაბნოა.

ასე რომ, თუ საქართველოს მომავალი თაობა არ გადახედავს ამ ჩვენს გასაოცარ მენტალიტეტს, ანუ  ყველაზე დიდი უკულტურობა სიამაყის და ვაჟკაცობის სიმბოლოდ იქნება მიღებული, ჩვენ სახელმწიფოდ არასდროს ჩამოვყალიბდებით და მეტიც, მსოფლიო კრიმინალის სასეირნო ტერიტორიად ვიქცევით.

ღმერთმა ჰქნას, რომ მე ვცდებოდე, მაგრამ თუ დანგრეულ გზას შეიძლება გზატკეცილი ეწოდოს, მაშინ საქართველოც სახელმწიფო ყოფილა.

P.S. თუ მსგავსი წერილის წაკითხვის და ანალიზის გაკეთების დრო არ აქვთ ბატონ ბიძინა ივანიშვილს და მის გუნდს, საინტერესო და უფრო პრიორიტეტული რა არის მათთვის?

გრამიტო (გერმანე) მამინაშვილი




 ახალი ამბები
  • „დეპრესიას უმადურობა იწვევს“ - ფსიქოლოგი მარინა კაჭარავა„აზროვნების აკადემია“,  პროექტ  „სალონური საუბრების” ფარგლებში, სოციალურ ქსელში ამჯერად ფსიქოლოგ მარინა კაჭარავას ლექციას აქვეყნებს, რომელიც დერპესიულ აშლილობას ეხება: “ფსიქიატრების აზრი ძალიან უახლოვდება რელიგიურ მოსაზრებას, რომ უმადურება უდრის დეპრესიას. ამ დროს არ აქვს მნიშვნელობა, ბევრი გაქვს თუ ცოტა, ხახვის და პურის უმადური ხარ თუ სასახლეები გაქვს და ამის. ზოგადად, უმადურობა იწვევს დეპრესიას. აღმოჩნდა, რომ თავის ტვინში არის ოპიატური რეცეპტორები, სიამოვნების ჰორმონი, რომელიც თურმე გამომუშავდება მაშინ, როდესაც ხარ მადლიერი. როდესაც არ ხარ მადლიერი, ეს სიამოვნება დაკარგული გაქვს და მას ეძებ.  თუ ხარ მადლიერი იმის, რაც გაქვს, გაქვს სიმშვიდეც. სიმშვიდეც მადლიერებას მოაქვს და ანტიდეპრესანტიც ეგაა. ჩვენ კულტურალურად ძალიან დამძიმებულები და უმადურები ვართ. დაახლოებით 20 წლის წინ ამერიკელებთან ერთად ტრენინგზე ვისხედით და იქ იყო ასეთი სიტუაიცა. ყველა იწყებდა საუბარს ასე, გამარჯობა, მინდა მადლობა გადავუხადო ბებიას, რომელმაც ფუნთუშები დამიმზადა. მეორემ მადლობა მეზობელს გადაუხადა, რომელმაც გაუღიმა. მესამემ მადლობა გადაუხადა მზეს მზეს და მივხვდი, რომ აქ ხდება პოზიტივში საკუთარი თავის ამოქოქვა. ანუ დღეს ვიწყებთ პოზიტიურად იმით, რომ მადლობას ვუხდით ვინმეს და ეს თურმე ჩვენთვისვე არის კარგი. მადლობელი რომ ხარ უკვე ეს ჩემთვისაა კარგი და არა მისთვის, მისაც ... ...
  • მართვის მოწმობის აღების ასაკი იცვლება17 წლის მოქალაქე მართვის მოწმობას ვეღარ აიღებს. კანონში დაგეგმილი ცვლილებების მიხედვით, მოქალაქე 18 წლის უნდა იყოს, რათა მოტოციკლისა და მსუბუქი ავტომობილის მართვის უფლება მოიპოვოს. „საგზაო მოძრაობის შესახებ“ კანონში ცვლილებების შეტანის ინიციატივა შინაგან საქმეთა სამინისტროს ეკუთვნის. „მთავარი ის კი არ არის, 17 წლისა აიღებს მართვის მოწმობას ადამიანი, 37 წლისა თუ 57-ის, არამედ ის, თუ რა ცოდნის საფუძველზე იღებს ის მართვის მოწმობას. დღეს ჩვენ გვაქვს პრობლემა, რომ ე.წ. ავტოსკოლებში მოქალაქეებს კოდირების გზით მართვის მოწმობის აღებას ასწავლიან. გამოცდაზე ადამიანები გადიან ცოდნის გარეშე, დაზეპირებული კოდებით, რის გამოც მართვის მოწმობას იღებს ადამიანი, რომელმაც საგზაო მოძრაობის შესახებ საერთოდ არაფერი იცის“, - ამბობს „ტრანსპორტისა და გზების ასოციაციის“ თავმჯდომარე დავით ... ...
  • "2020 წელს ვინ გაიმარჯვებს, ამას მოსახლეობა გადაწყვეტს და არა გიგა ბოკერია" _ კალაძე2020 წელს ვინ გაიმარჯვებს, ამას გადაწყვეტს ჩვენი ქვეყნის მოსახლეობა და არა გიგა ბოკერია, - ასე ეხმიანება დედაქალაქის მერი კახა კალაძე „ევროპული საქართველოს“ ერთ-ერთი ლიდერის, გიგა ბოკერიას განცხადებას. მისივე თქმით, ქვეყანაში პოლიტიკური კულტურის ნაკლებობაა და ამის ნათელი მაგალითი ოპონენტების განცხადებებია. „მე შემიძლია კიდევ ერთხელ მოვიშველიო ჩვენი პარტიის ლიდერის, ბიძინა ივანიშვილის განცხადება, რომ ჩვენ მოვექცევით ჩვენს ოპონენტებს ისე, როგორც ჩვენს ქვეყანას ეკადრება და არა ისე, რასაც ისინი იმსახურებენ. თუმცა, ამ წლების განმავლობაში ისინი შეეცადნენ, რომ ეს მიდგომა, ეს დამოკიდებულება ჩვენ წინააღმდეგ გამოეყენებინათ“, - განაცხადა კახა ... ...
  • „ტურიზმის განვითარების მიმართულებაში მთავარი „ჩაის გზაა“ _ კარლ ჰარცელი გურულ სოფელშიევროკავშირის ელჩმა კარლ ჰარცელმა, ევროპის დღეებთან დაკავშირებული ვიზიტის   ფარგლებში, ოზურგეთის მუნიციპალიტეტის სოფელ წითელმთაში მეწარმე ლიკა მეგრელაძის საოჯახო სასტუმრო „კომლი“ დაათვალიერა. სახლის მფოლობელმა ლიკა მეგრელაძემ  ევროკავშირის მხარდაჭერილი პროექტის, “მონაწილეობითი პრონციპები გურიის ტურიზმის განვითარების სტრატეგიისთვის”, მიერ გაცემული გრანტის ფარგლებში, მოახდინა ჩაის პლანტაციის რეაბილიტაცია და გაფართოება, განაახლა ტრადიციული ჩაის ჯიშები. საპატიო სტუმართან ტურიზმის განვითარების მიმართულებებში ერთ-ერთ უმთავრესზე, „ჩაის გზის“ შესახებ, ოზურგეთის მუნიციპალიტეტის მერიის ეკონომიკის სამსახურის უფროსმა ალეკო მამეშვილმა ისაუბრა: _  ბევრი ვიფიქრეთ, რა უნდა ყოფილიყო ისეთი, რაც გურიას  საქართველოს სხვა  რეგიონებისგან განასხვავებდა და ეს არის სწორედ, „ჩაის გზა“. ასე დავიწყეთ ამ პროექტის შექმნა.  ჩვენი ერთ-ერთი წარმატებული ნაბიჯი არის ის, რომ ტურისტების 70% ყოფილი საბჭოთა კქვეყნებიდან შემოდის და  კარგად ახსოვთ ქართული ჩაის გემო. ამიტომ ნაკლები რეკლამა სჭირდება ამ საქმეს. გვაქვს ოთხი ძირითადი ლოკაცია. ასევე, ტურიზმის განვითარების სტრატეგიაში ერთ-ერთი საინტერესო მიმართულებაა ბალნეოლოგიური ტურიზმი, _ უთხრა სტუმრებს მამეშვილმა და გააცნო მათ ინფორმაცია ნასაკირალის სამკურნალო წყლების შესახებ,  უთხრა, რომ აქ 1930 წელს გაიხსნა ბალნეოლოგიური კურორტი. კარლ ჰარცელმა ინტრესით   დაათვალიერა იქვე, სახელდახელო მოწყობილი გამოფენა, სადაც ვიზუალურად, ფოტოებით იყო ნაჩვენები 1930 წელს ნასაკირაში ბალნეოლოგიური კურრორტის გახსნა და თანმხლები ... ...
  • სისხლიანი გარჩევა ლისის ტბაზე - ექიმებმა ვეფხვაძის გადარჩენა ვერ შესძლესგოჩა ვეფხვაძე დღეს საავადმყოფოში გარდაიცვალა, მძიმე დაზიანებებით 41 წლის მამაკაცი საავადმყოფოში 6 ოქტომბერს მოათავსეს, თუმცა ერთ კვირიანი მცდელობის მიუხედავად ექიმებმა მისი გადარჩენა ვერ მოახერხეს. ვეფხვაძეს გულ-მკერდის მარცხენა მხარეს, ასევე ბარძაყის ქვედა კიდურზე და წვივებზე 4 მძიმე ჭრილობა ჰქონდა მიყენებული. 41 წლის მამაკაცს ქირურგიული ოპერაცია 3 საათის განმავლობაში უტარდებოდა. არსებული ინფორმაციით, ვეფხვაძეს დაპირისპირება, სავარაუდოდ, ძველ მეგობრებთან – ძმებ ფეიქრიშვილებთან და ნოდარ ნიშნიანიძესთან მოუვიდა, რომლებთანაც კონფლიქტი წლების განმავლობაში ჰქონდა. ვეფხვაძე 6 ოქტომბერს ლისის ტბაზე დაჭრეს, თუმცა, დაჭრილი კაცი შარტავას ქუჩაზე, მის საცხოვრებელ სახლთან მანქანით ... ...

არქივი

ზაფრანი

ჩაის რეცეპტი, რომელიც სიგარეტის მოწევის სურვილს აქრობს

თუ სიგარეტისთვის თავის დანებება გინდათ,...

რომელი პროდუქტი არ უნდა შეინახოთ საყინულეში

მაცივრის საყინულეში ბევრ საკვებ პროდუქტებს...

როგორ ამოვიცნოთ გენმოდიფიცირებული პროდუქტი

საზიანოა თუ არა გენმოდიფიცერებული საკვები...

მარტივი მეთოდები ჯანმრთელობის შესამოწმებლად

თვალები _ მოშორდით მონიტორს 4-5 ნაბიჯით,...

ხილი, რომელსაც უნდა ვერიდოთ

სამწუხაროდ, ყველა ხილი ჩვენი ფიგურისთვის...

მკურნალი ყველი

რამდენი თვის წინ დანიელმა მეცნიერებმა...
კარმიდამო ჩემი

ციტრუსოვანთა დაავადებების წინააღმდეგ ბრძოლა კიდევ უფრო უნდა გავააქტიუროთ

მეციტრუსეობა საქართველოს სუბტროპიკული სოფლის მეურნეობის...

მოცვის კულტურა სოფლის ხვალინდელი დღეა (R)

მოცვის კულტურის გაშენებით დაინტერესებულმა პირებმა...

გურიაში გოჯიბერის გაშენება პერსპექტიულია

არსებობს მცენარეთა ისეთი პერსპექტიული, პოპულარული...

ულამაზესი, "მორჩილი" სურო და ლიანებით გამოხატული სილამაზე

სუროს დეკორატიულობა განსაკუთრებით თვალში საცემი...

როგორ შევინახოთ სათესლედ და სანელებლად გამოსაყენებელი ბოსტნეული

სხვადასხვა ბოსტნეული, განსაკუთრებით, სანელებლები, როგორიცაა...

როგორ ვებრძოლოთ კოღოებს ხალხური მეთოდებით

კოღოები ნამდვილადაა დიდი თავსატეხი. არც...

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...